#Local_News
Published14-8-2023
မွန်ပြည်နယ်၊ ဘီလင်းမြို့တွင် ပြီးခဲ့သော ဩဂုတ် (၁၂) ရက်မှစတင်ကာ ရေပြန်လည်ကျဆင်းသွားပြီဖြစ်သောကြောင့် ကယ်ဆယ်ရေးစခန်းများ အားလုံး ပြန်လည် ရုတ်သိမ်းလိုက်ပြီဖြစ်ကြောင်း ဒေသအခြေစိုက် ကယ်ဆယ်အဖွဲ့ထံမှသိရသည်။
"၁၂ ရက်နေ့ထဲက ရေက တစ်ဖြည်းဖြည်းပြန်ကျသွားတာဆိုတော့ အခုဆို ရေအားလုံးကျသွားပါပြီ။ ဒေသခံတွေအားလုံးလည်း နေရပ်ပြန်ကုန်ကြပါပြီ။ ယာယီဆယ်ရေးစခန်းတွေလည်း ရုပ်သိမ်းလိုက်ပါပြီ။ အခုနှစ်က ဒေသခံ လူမှုကူညီရေးအဖွဲ့တွေကဘဲ ဦးဆောင်ပြီး ကယ်ဆယ်ရေးလုပ်ငန်းတွေလုပ်ဆောင်ခဲ့ရတာပါ"ဟု ဆိုသည်။
ပြီးခဲ့သော ဩဂုတ် (၇) ရက်က စတင်၍ ဘီးလင်းမြစ်ရေမြင့်တက်လာခြင်းကြောင့် မြေနိမ့်ပိုင်းနှင့်မြို့ပေါ်ရပ်ကွက်များ ရေနစ်မြှပ်ခဲ့သဖြင့် ကယ်ဆယ်ရေးလုပ်ငန်းများလုပ်ဆောင်ခဲ့ရကြောင်း သိရသည်။
လက်ရှိတွင် ဘီးလင်းမြစ်ရေကျဆင်းသွားခြင်းကြောင့် ရေဘေးကယ်ဆယ်ရေးစခန်း (၂၇)ခုအနက် (၂၅)ခုကို ရုပ်သိမ်းပြီး အိမ်ထောင်စု (၁၇၀၉ )စုရှိ လူဦးရေ (၈၀၁၀)ဦးမှာ မူရင်းနေရပ်များသို့ ပြန်လည်ပြောင်းရွှေ့သွားကြပြီဖြစ်ကြောင်း သိရသည်။
#YMG/my #Local_News ##ဘီးလင်းမြို့ရေပြန်ကျပြီ #ကယ်ဆယ်ရေးစခန်း
#Yangon_Times
