#LocalNews
Published 28 Apr 2022
ဧပြီလ ၂၈ရက်နေ့ ယနေ့ နေ့လည်ပိုင်းမှာ ထိုင်း-မြန်မာနယ်စပ် မဲဆောက်မြို့အနီး ထိုင်းနိုင်ငံအတွင်းပိုင်းကို၀င်ရောက်မယ့် မြန်မာနိုင်ငံသား (၁၅၈) ဦးကို ထိုင်းအာဏာပိုင်များ ဖမ်းဆီးခံခဲ့ရတယ်လို့ သိရပါတယ်။
မော်တော်ယာဉ် (၈) စီး ထိုင်းလူမျိုး (၅) ဦးနဲ့အတူ မြန်မာနိုင်ငံသား (၁၅၈) ဦးကို မဲဆောက်မြို့နယ်ရဲ့ ဆက်စပ်မြို့နယ်ဖြစ်တဲ့ ဖိုဖတ်မြို့နယ်ရဲ့ နယ်စပ်မျဉ်းအနီးမှာ ဖမ်းဆီးရမိခဲ့တာဖြစ်ပါတယ်။
၂၀၂၂ ခုနှစ် ဧပြီလ ၂၇ ရက်နေ့ ည ၆ နာရီခန့်ကလည်းထိုင်းနိုင်ငံတွင် ဂေါ်ဖီထုပ်ကားအတွင်း ပုန်းခိုလိုက်ပါလာတဲ့တရားမဝင် မြန်မာနိုင်ငံသား (၁၄) ဦးကို ထိုင်းရဲတပ်ဖွဲ့က တက်ခ်ခရိုင်အတွင်း ဖမ်းဆီးရမိခဲ့တယ်လို့ ထိုင်းနိုင်ငံရောက်မြန်မာ့အလုပ်သမားအရေးဆောင်ရွက်နေသူတွေဆီက သိရပါတယ်။
ထိုင်းနိုင်ငံ မဲဆောက်ဘက်မှ ဂေါ်ဖီထုပ်များသယ်လာတဲ့ ယာဥ်(၂)စီးကိုစစ်ဆေးရာ အတွင်းပိုင်းတွင် ပုန်းခိုလိုက်ပါလာတဲ့ မြန်မာနိုင်ငံသား (၁၂) ဦးဆီကို ရှာဖွေတွေ့ရခြင်းဖြစ်ကာ တရားဝင် အထောက်အထားမပါတဲ့ မြန်မာနိုင်ငံသား အမျိုးသား (၆)ဦး၊ အမျိုးသမီး (၈)ဦးနဲ့အတူ မော်တော်ယာဉ်မောင်းလာသည့် ထိုင်းနိုင်ငံသား အမျိုးသား (၂) ဦးတို့ကို ဖမ်းဆီးထိန်းသိမ်းခဲ့တာဖြစ်ပါတယ်။
ymg/hm
#Yangon_Media_Group
