Published 8 February 2024
ပဲခူးတိုင်းဒေသကြီး ပဲခူးမြို့နယ် ဘုရားကြီးလမ်း ဆုံအနီး အမှတ်(၃) ရပ်ကွက် မင်းလမ်းနှင့် ရန်ကုန်- မန္တလေးလမ်းဟောင်းဘေးရှိ ဌေးဌေးမြတ် ရေခဲမုန့်ဆိုင် မီးလောင်မှုဖြစ်ပွားခဲ့ကြောင်း ဒေသခံများထံကသိရသည်။
ဖေဖော်ဝါရီ ၈ ရက်(ယနေ့) နံနက် ၆ နာရီ ၂၀ မိနစ် အချိန်ခန့်က မီးလောင်မှုဖြစ်ပွားခဲ့ ခြင်းဖြစ်သည်။
အခင်းဖြစ်နေရာသို့ ပဲခူးမြို့နယ်မီးသတ်စခန်းမှ မီးသတ်ယာဉ် တစ်စီး၊ ရေသယ်ယာဉ် တစ်စီး၊ ဘုရားကြီးနယ်မြေမီးသတ်စခန်းမှ မီးသတ်ယာဉ် တစ်စီး၊ ရေသယ်ယာဉ် တစ်စီးတို့ဖြင့် ထွက်ခွာငြှိမ်းသတ်ခဲ့ရာ နံနက် ၆ နာရီ ၄၅ မိနစ် အချိန်တွင် မီးငြိမ်းသွားကြောင်း သိရသည်။
မီးလောင်သည့်အကြောင်းအရာနှင့်ပျက်စီးဆုံးရှုံးမှု များကို သက်ဆိုင်ရာ က စစ်ဆေးလျက်ရှိကြောင်း သိရသည်။
Yangon Times/LW
#Local_News
#Published_ 8 February 2024
#YMG #Yangon_Times #Yangon_Media_Group
