Published 13 December 2023
မီးဖိုချောင်သုံး (LPG)ဂတ်စ် လိုအပ်သလောက်ဝယ်ယူမရဘဲ ယခင်ထက်ဈေးမြင့်လာတယ်လို့ လက်လီရောင်းချသူတွေထံ ကသိရပါတယ်။
ပြီးခဲ့သည့် နှစ်ပတ်ခန့်က စပြီး မီးဖိုချောင်သုံးဂတ်စ်များ ဝယ်ယူမရသည့် အတွက် အချို့ လက်လီပြန်ရောင်းချသည့် ဆိုင်များ ပိတ်ထားရကြောင်း သိရသည်။
"" စက်ရုံဘက်က လာကိုမချပေးတာ ပြီးခဲ့တဲ့ နိုဝင်ဘာ လကုန်ပိုင်းကတည်း က အရင်ရက်တွေကလည်း ခွဲတမ်းနဲ့ရသလို ဖြစ်နေတယ် ဂတ်စ်ဈေးတွေလည်း တတ်တယ် သို့ပေမယ့် မြို့နယ်တစ်ခုနဲ့တစ်ခုတော့မတူဘူး"'ဟု ရွှေပြည်သာမြို့နယ် မှ အိမ်သုံးဂတ်စ်ရောင်းချသူတစ်ဦးကပြောသည်။
လက်ရှိတွင် ဂတ်စ်ဖြန့်သည့် ကုမ္ပဏီများ က ပြင်ကလက်လီပြန်ရောင်းချသည့်ဆိုင်များကိူ ထုတ်ရောင်းချမှုနည်းပြီး စာချုပ်ချုပ်ထားသည့် စက်ရုံများ စားသောက်ဆိုင် များကိုသာ ပို့ပေးမှုများကြောင်း သိရသည်။
"" အရင်ကတပိသာကို ၆၀၀၀ကျပ် ဝန်းကျင်ကနေ အခု တပိသာ ကို ၈၀၀၀ ကျပ်ကနေ ၁၀၀၀၀ကျပ် ဝန်းကျင် အထိရှိတယ် မြို့ထဲ တိုက်ခန်း တွေကျတော့ မီးမလာရင်ဂတ်စ်နဲ့အဓိက ထားသုံးကျတယ် အဲ့တော့ မြို့ထဲဘက်တွေမှာ ပိုပြီးဈေး များတယ်""ဟု ဂတ်စ်ရောင်းဝယ်လုပ်သူကပြောသည်။
ယခုကဲ့သို့ မီးဖိုချောင်သုံး ဂတ်စ်များ လိုအပ်သလောက် ဝယ်ယူမရသည့်အတွက် အိမ်တွင်းအသုံးပြုသူများထက် အစားအသောက်ချက်ပြုတရောင်းချသူများနှင့်စားသောက်ဆိုင်များတွင် အခက်ခဲများ ဖြစ်ပေါ်လျက်ရှိကြောင်းသိရသည်။
Yangon_Times/LW
#Local_News
#Published_ 13 December 2023
#YMG #Yangon_Times #YMG_News
#Yangon_Media_Group
