#Local_News
Published_ 3 February 2023
နေပြည်တော်ရှိ ဈေး ၃ ခုတွင် ရောင်းချနေသည့် စျေးဆိုင်ခန်း ၅၅ ခန်းကို နေပြည်တော်စည်ပင်သာယာရေးကော်မတီက ကော်မတီပိုင်အဖြစ် ပြန်လည်သိမ်းယူသွားမည်ဖြစ်ကြောင်း ကြေညာထားသည်။
နေပြည်တော်ရှိ ပုဗ္ဗသီရိဈေး၊ အောင်ဇဗ္ဗူဈေးနှင့် ဒက္ခိဏသီရိဈေးတို့တွင် ယာယီချိတ်ပိတ်ထားသည့် ဈေးဆိုင်ခန်း ၅၅ ခန်းကို ပြန်သိမ်းမည်ဖြစ်ကြောင်း သိရသည်။
အဆိုပါ ဈေးဆိုင်ခန်းများသည် အကြောင်းအမျိုးမျိုးကြောင့် ဆိုင်ခန်းဖွင့်လှစ်ခြင်းမရှိဘဲ ဆိုင်ခန်းငှားရမ်းခများ ပေးသွင်းရန် ပျက်ကွက်နေခြင်းကြောင့် ယခုလို ယာယီပိတ်သိမ်းထားခြင်းဖြစ်ကြောင်း သိရသည်။
၎င်းဆိုင်ခန်းပိုင်ရှင်တွေအနေဖြင့် ဆိုင်ခန်းပြန်လည်ဖွင့်လှစ်လိုပါက လာမည့် ၂၈ ရက် နောက်ဆုံးထားပြီး စည်ပင်သာယာ ဈေးများဌာနကို ဆက်သွယ်လျှောက်ထားကာ အခွန်အခအကြွေးကျန်တွေ၊ ဒဏ်ကြေးငွေများပေးသွင်းရမည်ဖြစ်ကြောင်း သိရသည်။
#ymg/sth
#Yangon_Media_Group
