တွဲကားနှင့် ဒိုင်နာကားမျက်နှာချင်းဆိုင်တိုက်မိ၍ ဒိုင်နာကားမောင်းနှင်သူ ထိခိုက်ဒဏ်ရာရရှိခဲ့

: Category: Myanmar; 10 December 2022; Hits: 246

Myamar

#Local_News
Published _ 10 december 2022

ရှမ်းပြည်နယ်၊ နောင်ချိုမြို့နယ်ရှိ မန္တလေး - လားရှိုးသွား ပြည်ထောင်စုလမ်းမကြီးပေါ်တွင် ဒီဇင်ဘာလ ၁၀ ရက် နံနက်အစောပိုင်းက တွဲကားနှင့် ဒိုင်နာကားမျက်နှာချင်းဆိုင်တိုက်မိ၍ ဒိုင်နာကားမောင်းနှင်သူ ထိခိုက်ဒဏ်ရာရရှိမှု ဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲဌာနချုပ်နှင့် လူမှုကူညီရေးအသင်းများထံမှ သိရသည်။

ယနေ့ နံနက်အစောပိုင်း ၅ နာရီ ၂၀ မိနစ်ခန့်က နောင်ချိုမြို့နယ်ရှိ မန္တလေး-လားရှိုးသွား ပြည်ထောင်စုလမ်းမကြီး၏ မိုင်တိုင်အမှတ် (၇၇/၃) နှင့် (၇၇/၄)ကြားတွင် ဖြစ်ပွားခဲ့ခြင်းဖြစ်သည်။

မန္တလေးဘက်မှ လားရှိုးဘက်သို့ ကြက်ခြင်းများတင်ဆောင်မောင်းနှင်လာသည့် ဒိုင်နာကားနှင့် လားရှိးဘက်မှမန္တလေးဘက်သို့ မောင်းနှင်လာသည့် တွဲကားတို အခင်းဖြစ်ရာနေရာ၌ မျက်နှာချင်းဆိုင်ဝင်တိုက်မိ၍ ဒိုင်နာကားမောင်းသူဟာ ကားခေါင်းခန်းအတွင်းညပ်သွားခဲ့ကြောင်း သိရသည်။

ယင်းနောက် နောင်ချိုမြို့နယ်မီးသတ်စခန်းမှတပ်ဖွဲ့ဝင်များနှင့် လူမှုကူညီရေးအသင်းဝင်များ ကယ်ဆယ်ခဲ့ကြသဖြင့် ကားခေါင်းခန်းအတွင်းညပ်နေသည့် ဒိုင်နာကားမောင်းသူအား အသက်ရှင်လျက် ကယ်ထုတ်နိုင်ခဲ့ကြသည်။

ထိခိုက်ဒဏ်ရာရရှိခဲ့သည့် ဒိုင်နာကားမောင်းသူအား ဖြူစင်မေတ္တာလူမှုကူညီရေးအသင်းမှ နောင်ချိုပြည်သူ့ဆေးရုံသို့ ပို့ဆောင်ပေးခဲ့ကြကြောင်းလည်း သိရှိရသည်။