#Breaking_News
Published 13 March 2023
နယူးယောက်ပြည်နယ်အာဏာပိုင်တွေက နယူးယောက်အခြေစိုက် ဆစ်ခ်နေချာဘဏ် Signature Bank ကို မတ် လ ၁၂ ရက်နေ့ တနင်္ဂနွေနေ့ မှာ ပိတ်သိမ်းလိုက်ပါတယ်။ ဒါဟာ ကာလီဖိုနီးယားအခြေစိုက် ဆီလီကွန်တောင်ကြားဘဏ်ပြိုလဲပြီး နှစ်ရက်အကြာမှာ အမေရိကန်ပြည်ထောင်စုရဲ့ ဒုတိယမြောက်ဘဏ်ပြိုလဲခြင်းဖြစ်ပါတယ်။
အမေရိကန်ဘဏ္ဍာရေးဝန်ကြီးဌာနနှင့် အခြားဘဏ်အာဏာပိုင်တွေက ပူးတွဲကြေညာချက်ကို တနင်္ဂနွေနေ့က ထုတ်ပြန်ကြေညာရာမှာ Signature Bank ရဲ့ အပ်နှံသူတွေရဲ့ငွေတွေ ပြန်လည်ရရှိလိမ့်မှာဖြစ်ပြီး ဆုံးရှုံးမှုတွေကို အခွန်ထမ်းပြည်သူတွေပေးစရာမလိုဘူးလို့ ပြောပါတယ်။
Signature Bank ပြိုလဲမှုဟာ အမေရိကန်သမိုင်းမှာ တတိယမြောက်အကြီးဆုံးဖြစ်ပါတယ်။
Signature Bank ဟာ မတ်၈ရက်နေ့အထိ အပ်နှံငွေစုစုပေါင်း အမေရိကန်ဒေါ်လာ ၈၉.၁၇ ဘီလျံရှိပြီး ပိုင်ဆိုင်မှုတန်ဖိုးဟာ ဒေါ်လာ ၁၁၀.၃၆ ဘီလျံရှိတယ်လို့ နယူးယောက်ပြည်နယ်ဘဏ္ဍာရေးဌာနကနေသိရှိရပါတယ်။
Source CNA
