#LocalNews
Published _ 27 June 2022
ဗိုလ်ချုပ်အောင်ဆန်းပြတိုက်(ရန်ကုန်)တွင် ၇၅ နှစ်မြောက် အာဇာနည်နေ့အထိမ်းအမှတ်အဖြစ် အထူးပြပွဲအား ခင်းကျင်းပြသသွားမည်ဖြစ်သောကြောင့် ကြိုတင်ပြင်ဆင်မှုလုပ်ငန်းများအား ပြုလုပ်လျက်ရှိနေကြောင်း သိရသည်။
ယင်းပြင်ဆင်မှုများကြောင့် ပြတိုက်ကို ဇွန်လ ၂၅ ရက်မှ ဇူလိုင်လ ၁၈ ရက်အထိ ခေတ္တပိတ်ထားမည်ဖြစ်ကြောင်း ရှေးဟောင်း သုတေသနနှင့် အမျိုးသားပြတိုက်ဦးစီးဌာနမှ သိရသည်။
ကြိုတင်ပြင်ဆင်မှုများပြုလုပ်ပြီးနောက် အာဇာနည်နေ့တွင် ဗိုလ်ချုပ်အောင်ဆန်းပြတိုက် (ရန်ကုန်)နှင့် ဗိုလ်ချုပ်အောင်ဆန်းနေအိမ်ပြတိုက်(နတ်မောက်)တို့ကို ယခင်နှစ်တွေနှင့်နည်းတူ အခမဲ့ ဝင်ရောက်လေ့လာခွင့်ပြုသွားမည်ဖြစ်ကြောင်း ယင်းမှ အသိပေးကြေညာခဲ့သည်။
ymg/NN
#Yangon_Media_Group
