#World_News
Published 25 July 2024
▪️ အမေရိကန်ရဲ့ ဒီမိုကရေစီအနာဂတ်ရှေ့ရေးကို စိုးရိမ်တာကြောင့် ဒေါ်နယ်ထရမ့်နဲ့ ရွေးကောက်ပွဲယှဉ်ပြိုင်ရာကနေ နောက်ဆုတ်ခဲ့တာ ဖြစ်တယ်လို့ အမေရိကန်သမ္မတ ဂျိုးဘိုင်ဒင်က ဗုဒ္ဓဟူးနေ့မှာ ပြောပါတယ်။

▪️ မျိုးဆက်သစ်ကို နေရာပေးဖို့အတွက် ဘေးထွက်ပေးလိုက်တာ ဖြစ်တယ်လို့ ဘိုင်ဒင်က မိန့်ခွန်းပြောကြားစဉ် ရှင်းပြခဲ့တာ ဖြစ်ပါတယ်။

▪️ အိုဗယ်ရုံးဌာနကနေ မိန့်ခွန်းပြောကြားရာမှာ ယခင်သမ္မတဟောင်းတွေဖြစ်တဲ့ သောမတ်စ်ဂျက်ဖာဆန်၊ ဂျော့ဂျ်ဝါရှင်တန်၊ အေဘရာဟမ်လင်ကွန်းတို့ကို ကိုးကားဖော်ပြသွားပြီး ယင်းနှစ်သက်မြတ်နိုးတဲ့ သမ္မတရုံးကနေ ၆ လအတွင်း ထွက်ခွာရတော့မှာ ဖြစ်တယ်လို့ ဆိုပါတယ်။

▪️ အသက် ၈၁ နှစ်ရှိပြီဖြစ်တဲ့ ဂျိုးဘိုင်ဒင်ဟာ ဇွန် ၂၇ ရက်နေ့က စကားစစ်ထိုးပွဲမှာ စွမ်းဆောင်ရည်ဆိုးရွားခဲ့ပြီးနောက်ပိုင်း ရွေးကောက်ပွဲယှဉ်ပြိုင်မှုကနေ ဖယ်ရှားပေးရန် ဒီမိုကရက်တွေကနေ ဖိအားပေးလာခဲ့ကြပါတယ်။

▪️ အများရဲ့ ထင်မြင်ယူဆချက်တွေမှာလည်း ထရမ့်ကို ရှုံးနိမ့်နိုင်တယ်လို့ သတင်းတွေ ထွက်နေပါတယ်။

▪️ ရှေ့ဆက်ဖို့ အကောင်းဆုံးနည်းလမ်းက မျိုးဆက်သစ်ကို လက်ဆင့်ကမ်းပေးဖို့ ဖြစ်တယ်လို့ ဆုံးဖြတ်လိုက်ကာ ဒီနည်းလမ်းကသာ တိုင်းပြည်ကို ပေါင်းစည်းဖို့အတွက် အကောင်းဆုံးနည်းလမ်း ဖြစ်ကြောင်း ပြောပါတယ်။

▪️ ဒီနောက် ဒုသမ္မတ ကာမယ်လာဟားရစ်ကို ထောက်ခံလိုက်ကာ ဒီမိုကရက်တစ် ကိုယ်စားလှယ်တွေရဲ့ ထောက်ခံမှုတွေလည်း ရလာခဲ့ပါတယ်။

▪️ ထရမ့်သာ ရွေးကောက်ပွဲမှာ နိုင်ခဲ့ရင် အမေရိကန်တွေ တွေ့ကြုံလာရမယ့် အန္တရာယ်ကိုလည်း ဘိုင်ဒင်က ထည့်ပြောခဲ့ပါတယ်။

▪️ အမေရိကားမှာ ဘုရင်တွေ အာဏာရှင်တွေ အုပ်စိုးတာမဟုတ်ကြောင်း၊ ပြည်သူတွေရဲ့ လက်ထဲမှာသာ အာဏာပါဝါရှိကြောင်း ဆိုပါတယ်။

▪️ ရွေးကောက်ပွဲယှဉ်ပြိုင်မှုတွေကနေ နုတ်ထွက်ပြီးနောက်မှာတော့ ဒီမိုကရက်တွေက ဘိုင်ဒင်ရဲ့ဘေးမှာ ပြန်လည်စုဝေးလာပြီး ယင်းရဲ့သမ္မတမှတ်တမ်းအတွက် ဂုဏ်ပြုနေကြပါတယ်။

▪️ ကျန်တဲ့သမ္မတသက်တမ်း ၆ လအတွင်း သမ္မတအလုပ်တွေကို ဦးစားပေး လုပ်ဆောင်သွားဦးမှာ ဖြစ်ကာ နေတိုးအဖွဲ့အစည်းကြီးကို ပိုမိုအင်အားကြီးပြီး ပေါင်းစည်းစေရန်၊ ယူကရိန်းကို ရုရှားသိမ်းပိုက်ခြင်းမှ ရပ်တန့်ရန်၊ ဂါဇာမှာ အပစ်အခတ်ရပ်စဲရေးအတွက် အားထုတ်ရန်၊ အမေရိကန် တရားရုံးချုပ် ပြန်လည်ဖွဲ့စည်းဖို့ ကြိုးပမ်းရန် ကူညီသွားမယ်လို့ ကတိပြုလိုက်ပါတယ်။

▪️ ဘိုင်ဒင်ဟာ ၁၉၇၂ ခုနှစ် အသက် ၂၉ နှစ်အရွယ်ကတည်းက အထက်လွှတ်တော်မှာ ရွေးချယ်ခံခဲ့ရစဉ် နိုင်ငံရေးဘဝသို့ ရောက်ရှိခဲ့ကာ အမေရိကန်လွှတ်တော်အမတ်တွေထဲမှာ ၆ ဦးမြောက် အငယ်ဆုံးဖြစ်ခဲ့သလို ၂၀၂၅ ခုနှစ် ဇန်နဝါရီ ၂၀ ရက်နေ့မှာ သမ္မတရာထူးမှ အနားယူပါက အသက်အကြီးဆုံး အမေရိကန်သမ္မတအဖြစ်လည်း မှတ်တမ်းဝင်မှာ ဖြစ်ပါတယ်။

#Source: Reuters

#World_Health
Published 25 July 2024

▪️ အစားအစာတွေကို အရသာခံ စားသောက်ရာမှာ လတ်ဆတ်သန့်ရှင်းမှုအပြင် ပြင်ဆင်ချက်ပြုတ်ပုံတို့ကြောင့်လည်း အမျိုးမျိုးကွဲပြားနိုင်ပါတယ်။

▪️ မီးဖိုချောင်သုံးပစ္စည်း အမျိုးအစားတွေကလည်း ဟင်းတစ်ပွဲရဲ့ အရသာသွင်ပြင်ကို များစွာသက်ရောက်နေပါတယ်။

▪️ ဥပမာအားဖြင့် သံပြားဒယ်ပြားတွေနဲ့ ချက်ရင် ဆီကပ်အိုးတွေထက် မီးခိုးနံ့လေး ပိုရစေပါတယ်။

▪️ အရည်အသွေးမြင့်ပြီး အဆိပ်အတောက်မဖြစ်တဲ့ မီးဖိုချောင်သုံးပစ္စည်းတွေကို အသုံးပြုမှ အစားအစာတွေထဲ ဓာတုပစ္စည်းတွေ မရောက်ရှိမှာဖြစ်ပြီး ဘေးကင်းကျန်းမာစေမှာ ဖြစ်ပါတယ်။

▪️ သင့်လျော်မှန်ကန်တဲ့ မီးဖိုချောင်သုံးပစ္စည်းတွေက အစားအစာတွေကို ပိုမိုထိရောက်စွာ ချက်ပြုတ်နိုင်ပြီး အာဟာရဓာတ်များ ထိန်းသိမ်းပေးမှာ ဖြစ်ပါတယ်။

▪️ အာဟာရပညာရှင် အန်ဂျလီမူခါဂျီက အသုံးပြုသင့်တဲ့ မီးဖိုချောင်သုံးပစ္စည်းတွေကို ဖော်ပြထားပါတယ်။

▪️ ထိုပစ္စည်းတွေကိုပြုလုပ်ထားတဲ့ ကုန်ကြမ်းပစ္စည်း အမျိုးအစားက အရေးကြီးပြီး ဆီမကပ်တဲ့အိုးတွေကို လိုချင်တယ်ဆိုရင် ကြွေထည်နဲ့ပြုလုပ်တဲ့ ဆီမကပ်ဒယ်တွေက အကောင်းဆုံးဖြစ်ကြောင်း ဗီဒီယိုထဲမှာ ပြောပါတယ်။

▪️ ဆီမကပ်အောင် စီမံထားတဲ့ မျက်နှာပြင်ပစ္စည်းတွေက အဆိပ်အတောက်မပါဝင်ဘဲ ကျန်းမာရေးအတွက် သင့်လျော်တယ်လို့ ဆိုထားပါတယ်။

▪️ ဥပမာအားဖြင့် စတီးလ်၊ ကြွေ၊ ဖန်၊ ကာဗွန်စတီးလတို့ဖြင့် ပြုလုပ်တဲ့ပစ္စည်းတွေက ဟင်းချက်ပစ္စည်းအဖြစ် အသုံးပြုနိုင်ပါတယ်။

▪️ ဒီလိုမျိုး အပြောင်းအလဲ ပြုလုပ်ခြင်းဖြင့် အလုံးစုံကျန်းမာရေးကို အကျိုးပြုစေမှာ ဖြစ်ပါတယ်။

#Source: DoctorNDTV

#World_Research
Published 25 July 2024

▪️ တစ်ကမ္ဘာလုံးမှာ အသက်အရွယ်ကြီးလာသူတွေ များပြားလာပြီး ကျန်းမာရေး၊ လူမှုရေး၊ စီးပွားရေးအခက်အခဲများ များပြားလာပါတယ်။

▪️ စင်္ကာပူ Duke-NUS ဆေးတက္ကသိုလ်မှ သိပ္ပံပညာရှင်များက ဒါနဲ့ပတ်သက်ပြီး အံ့အားသင့်စရာတစ်ခု တွေ့ရှိခဲ့ပါတယ်။

▪️ ကြွက်တွေထဲမှာ အင်တာလျူကင်-၁၁ (IL11)လို့ခေါ်တဲ့ ပရိုတိန်းက အိုမင်းခြင်းကို ဖြစ်စေတယ်လို့ တွေ့ရှိခဲ့ပါတယ်။

▪️ ထို IL11 ကို တားဆီးကုသခြင်းဖြင့် အိုမင်းရင့်ရော်ခြင်းကို တန်ပြန်နိုင်ပြီး ကြွက်တွေရဲ့ သက်တမ်းတွေ တိုးမြှင့်နိုင်ခဲ့ပါတယ်။

▪️ ကြွက်တွေ အသက်ကြီးလာတာနဲ့အမျှ IL11 ကို ပိုမိုထုတ်လုပ်လာပါတယ်။

▪️ ထိုပရိုတိန်းဟာ အသည်း၊ ဝမ်းဗိုက်တို့မှာ မလိုလားအပ်တဲ့ အဆီတွေ စုပြုံလာစေပြီး ကြွက်သားထုထည်နဲ့ ကြံ့ခိုင်မှုကို လျော့ကျစေကာ အိုမင်းရင့်ရော်ခြင်း လက္ခဏာတွေ ဖြစ်ပေါ်စေပါတယ်။

▪️ သုတေသနအဖွဲ့က IL11 ဆန့်ကျင်ရေးနည်းလမ်းကိုလည်း စမ်းသပ်ဖို့ လုပ်နေပါတယ်။

▪️ ကြွက်တွေရဲ့ ဇီဝကမ္မဖြစ်စဉ်ကို တိုးတက်စေကာ အန္တရာယ်ပေးတဲ့ အဆီဖြူများကို အကျိုးပြုတဲ့ အဆီညိုများအဖြစ် ပြောင်းလဲကာ ကယ်လိုရီလောင်ကျွမ်းစေပြီး ကိုယ်အပူချိန်ကို ထိန်းသိမ်းစေမှာ ဖြစ်ပါတယ်။

▪️ ထိုကုသနည်းက ကြွက်သားလုပ်ဆောင်ချက်နဲ့ အလုံးစုံကျန်းမာရေးကို တိုးတက်စေပြီး ကြွက်တွေရဲ့ သက်တမ်းကို ၅ ရာခိုင်နှုန်းအထိ တိုးတက်စေပါတယ်။

▪️ ဒီနည်းလမ်းက အိုမင်းရင့်ရော်တဲ့ လမ်းကြောင်းတွေကို တားဆီးပေးပြီး နှလုံးရောဂါ၊ ကြွက်သားဆုံးရှုံးခြင်းတို့မှ ကာကွယ်ပေးပါတယ်။

▪️ ဒီနည်းလမ်းကို ကျယ်ကျယ်ပြန့်ပြန့် အသုံးချနိုင်မှ လူသားတွေ အသက်ရှည်ရှည် ကျန်းကျန်းမာမာ နေနိုင်မှာဖြစ်တယ်လို့ Duke-NUS မှ ပရော်ဖက်ဆာ စတူဝပ်ကွတ်ခ်က ပြောပါတယ်။

▪️ ဒါပေမဲ့ ဒီအတွက် ရန်ပုံငွေရရှိဖို့နဲ့ အသိအမှတ်ပြုခံရဖို့ ခက်ခဲမယ်လို့ ဆိုပါတယ်။

#Source: India Today

ဆန်က ဖိလစ်ပိုင်လူမျိုးတွေရဲ့ အဓိကစားသောက်ကုန်ဖြစ်တာကြောင့် ဆန်ဈေးနှုန်းမြင့်တက်လာတဲ့အခါ ပြည်သူအများ မကျေမနပ် ဖြစ်နေကြပြီး စီးပွားရေးကြပ်တည်းတဲ့ အိမ်ထောင်စုတွေမှာ စားနပ်ရိက္ခာ မလုံမလောက် ဖြစ်လာမှာကို စိုးရိမ်လာကြပါတယ်။
#Asia_News
Published 24 July 2024
#ဆန်ဈေးမြင့်တက် #ဖိလစ်ပိုင်
#YMG #Yangon_Times #Yangon_Media_Group

#Daily_News
Published 24 July 2024

၁။ မြန်မာ့အုန်းလက်မှုထုတ်ကုန်များ အရောင်းအေးနေ၊ ပွဲတော်ရာသီ၌ အရောင်းပြန်ဖြစ်ထွန်းနိုင်ဟုဆို

၂။ တိုက်ပွဲများကြောင့် ရန်ကုန်မြို့သို့  ရွှေ့ပြောင်းရောက်ရှိလာသူများလာ

၃။ မုတ်သုံအားအလွန်ကောင်းလာ၍ မိုးကြီးမည့်ဒေသများပိုများလာ

၄။ ဖိလစ်ပိုင်တွင်ဆန်ဈေးဆက်တိုက်မြင့်တက်နေသဖြင့် အများပြည်သူမကျေမနပ်ဖြစ်လာ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Just_In_News

၂၄ ဇူလိုင် ၂၀၂၄

နီပေါနိုင်ငံ ဆာရူယာလေကြောင်းလိုင်းဟာ ဇူလိုင် ၂၄ ရက်နေ့က  မြို့တော်ကတ္တမန်ဒူမှ ပျံအတက်တွင်ပျက်ကျပြီး မီးလောင်သဖြင့် အနည်းဆုံး လူ ၁၈ ဦးသေဆုံးခဲ့ရပါတယ်။

အဲဒီလေယာဉ်ပျံဟာ  ပြီးခဲ့တဲ့ဇန်နဝါရီက ဖွင့်လှစ်ခဲ့တဲ့ နီပေါ်နိုင်ငံရဲ့ လေဆိပ်အသစ် ပိုခါရာမှာ ပုံမှန်ပြုပြင် ထိန်းသိမ်းမှုလုပ်ဖို့အတွက် လေယာဉ်အမှုထမ်း နှစ်ဦးနှင့် ကျွမ်းကျင်သူ ၁၇ဦးတင်ဆောင်ကာ ပျံတက်စဉ်မှာ ပျက်ကျခဲ့ရတာဖြစ်တယ်လို့ အရာရှိတွေကပြောပါတယ်။

လေယာဉ်မှူးက အသက်ရှင်တယ်။ ဆေးရုံတင်လိုက်တယ်” လို့ ကတ္တမန်ဒူ ထရိုင်ဗူဗန်နိုင်ငံတကာလေဆိပ်ရဲ့ ပြောရေးဆိုခွင့်ရသူ  တက်ဘဟာဒါပိုဒဲလ်ကပြောပါတယ်။

လေယာဉ်ပျက်ကျမှုကြောင့်လေဆိပ်ကိုခေတ္တပိတ်ခဲ့ရပါတယ်။

ပျက်ကျတဲ့လေယာဉ်ဟာ ထိုင်ခုံ၅၀ဆန့် CRJ200 အမျိုးအစားဖြစ်တယ်လို့ လေကြောင်းလိုင်းကပြောပါတယ်။

နီပေါနိုင်ငံဟာ လေကြောင်းအန္တရာယ်ကင်းရှင်းမှုအားနည်းတယ်လို့အဝေဖန်ခံနေရပါတယ်။ ၂၀၀၀ပြည့်နှစ်ကတည်းက ယခုအထိလေယာဉ်ပျက်ကျမှုကြောင့်သေဆုံးသူတွေ ၃၅၀ ဦးနီးပါးရှိခဲ့ပြီဖြစ်ပါတယ်။ ယခုပျက်ကျမှုမတိုင်ခင် နောက်ဆုံး ဖြစ်ခဲ့တာက ၂၀၂၃ဇန်နဝါရီမှာဖြစ်ပြီး ရတီလေကြောင်းလိုင်း လေယာဉ်မှူးဟာ မတော်တဆ အင်ဂျင်ကိုပိတ်မိရာမှလေယာဉ်ပျက်ကျခဲ့လို့  ၇၂ဦး အနည်းဆုံးသေဆုံးခဲ့ရပါတယ်။

Source Reuters