#WorldPolitics
Published - 26 March 2022

မြောက်ကိုရီးယားနိုင်ငံက ယခုအပတ်အတွင်း တိုက်ချင်းပစ်ဒုံးကျည်စမ်းသပ်ပစ်လွှတ်ခဲ့ရာ နောက်ထပ် မထီမဲ့မြင် ရန်ဆွခြင်းတွေဖြစ်ပေါ်မလာအောင် တရုတ်နဲ့ရုရှားတို့ အနေနဲ့ မြောက်ကိုရီးယားကိုသတိပေးသင့်ကြောင်း အမေရိကန်နိုင်ငံခြားရေးဝန်ကြီးဌာနမှ 'ယယ်လီနာပေါ်တာ'က သောကြာနေ့မှာပြောကြားလိုက်ပါတယ်။

"နောက်ထပ်ရန်ဆွပေးခြင်းမျိုးတွေဖြစ်မလာအောင် တရုတ်နဲ့ရုရှားတို့ အနေနဲ့ မြောက်ကိုရီးယားကို ပြင်းပြင်းထန်ထန်သတိပေးသင့်ပါတယ်" လို့ 'ပေါ်တာ'က ကုလသမဂ္ဂလုံခြုံရေးကောင်စီအစည်းအဝေးပွဲမတိုင်ခင် မီဒီယာရှင်းလင်းပွဲမှာ ပြောကြားသွားပါတယ်။

မြောက်ကိုရီးယားတို့က သောကြာနေ့မှာ တိုက်ချင်းပစ်ဒုံးကျည်(ICBM)အသစ်ကို စမ်းသပ်ပစ်လွှတ်ခဲ့ရာ အဆိုပါဒုံးကျည်က နိုင်ငံရဲ့နျူကလီးယားလက်နက်အင်အားကို ဖော်ပြလိုက်တာဖြစ်ပြီး အမေရိကန်တိုရဲ့စစ်ရေးလှုပ်ရှားမှုမှန်သမျှကို နှောင့်ယှက်ဖျက်ဆီးနိုင်ကြောင်း မြောက်ကိုရီးယားခေါင်းဆောင်'ကင်မ်ဂျုန်အန်'က ကြွားလုံးထုတ်ခဲ့တာဖြစ်ပါတယ်။

ဒါဟာ ၂၀၁၇ နောက်ပိုင်း နိုင်ငံရဲ့နျူကလီးယားတပ်ဆင်တိုက်ချင်းပစ်ဒုံးကျည်သစ်ကို ပထမဆုံးအကြိမ်စမ်းသပ်ပစ်လွှတ်ခဲ့တာဖြစ်ပါတယ်။ မြောက်ကိုရီးယားရဲ့ဒုံးကျည်စမ်းသပ်မှုဟာ ကုလလုံခြုံရေးကောင်စီစည်းမျဉ်းတွေကို မခန့်လေးစားချိုးဖောက်ရာကျကြောင်း 'ပေါ်တာ'ကဆက်လက်ပြောကြားလိုက်ပါတယ်။

"ဒီလိုစည်းကမ်းချိုးဖောက်မှုတွေအတွက် မြောက်ကိုရီးယားကိုတာဝန်ခံခိုင်းဖို့ နိုင်ငံအားလုံးကိုတိုက်တွန်းလိုပါတယ်။ မြောက်ကိုရီးယားကိုလည်း အသေအချာလာရောက်ဆွေးနွေးညှိနှိင်းဖို့ တောင်းဆိုလိုက်ပါတယ်" လို့ ပြောကြားလိုက်ပါတယ်။

ကုလလုံခြုံရေးကောင်စီမှာ ဒီကိစ္စနဲ့ပတ်သက်ပြီး တရုတ်နဲ့ရုရှားတိုဘယ်လိုသဘောထားမလဲဆိုတာကိုတော့ မသိရှိရသေးပါဘူး။ "ဒီကိစ္စနဲ့ပတ်သက်ပြီး ကနဦးဆွေးနွေးတိုင်ပင်မှုတွေ ပြုလုပ်နေကြပါတယ်။ နိုင်ငံအားလုံးစိုးရိမ်ပူပန်နေရပြီး အထူးသဖြင့်မြောက်ကိုရီးယားနဲ့ထိစပ်နေတဲ့နိုင်ငံတွေပါပဲ။ ICBM ဒုံးကျည်ကိုဆက်လက်စမ်းသပ်ဖို့ မြောက်ကိုရီးယားတို့ဆုံးဖြတ်လိုက်ခြင်းက တိုင်းပြည်ရေးတင်းမာမှုတွေမြင့်တက်လာနိုင်ပါတယ်"

၂၀၁၇ ခုနှစ်မှာ မြောက်ကိုရီးယားတို ICBM ဒုံးကျည်နောက်ဆုံးစမ်းသပ်ပြုလုပ်ခဲ့စဉ် ကုလလုံခြုံရေးကောင်စီက အရေးယူပိတ်ဆို့ ခြင်းများပြုလုပ်ခဲ့ရပါတယ်။

အခုယူကရိန်းအရေးကိစ္စနဲ့ပတ်သက်ပြီး ရုရှားနဲ့တရုတ်တို့ကို အမေရိကန်နဲ့မဟာမိတ်များက ဒဏ်ခတ်ပိတ်ဆို့ မှုများပြုလုပ်ထားတာကြောင့် သတိပေးဖို့ တောင်းဆိုချက်ကို တရုတ်နဲ့ရုရှားတို့ ဘယ်လိုတုန့်ပြန်မလဲဆိုတာ စောင့်ကြည့်သွားရမှာပါ။
Source: Reuters

#DailyNews
Published - 25 Mar 2022

၁။ လက်နက်ကိုင်ခေါင်းဆောင်များထိပ်သီးအစည်းအဝေးကျင်းပမည်

၂။ ထိုင်းတော်ဝင် ရဲတပ်ဖွဲ့မှ အဆင့်မြင့်အရာရှိကြီးတစ်ဦး၏ ကားအတွင်း တရားမဝင်တင်ဆောင်လာသော မြန်မာနိုင်ငံသား ဖမ်းဆီးရမိ

၃။ မိုးလေဝသ သတင်း

၄။ ရုရှားမှတင်သွင်းသည့်မြေဩဇာများ အဆမတန်ဈေးတက်လာမှုကြောင့် ထိုင်းနိုင်ငံ၏ ကုန်ဈေးနှုန်းများမြင့်တက်လာ......အစရှိတဲ့သတင်းတွေကို တင်ဆက်ပေးသွားမှာပဲဖြစ်ပါတယ်။

#Yangon_Media_Group

#WorldHealth
Published - 26 March 2022

အမျိုးသားများအသုံးပြုနိုင်မယ့် သန္ဓေတားဆေးဖော်ထုတ်နိုင်ဖို့ နှစ်ပေါင်းများစွာကြိုးပမ်းမျှော်လင့်ထားကြရာ အခုအခါလက်တွေ့ထုတ်လုပ်နိုင်ဖို့ နီးစပ်နေပြီဖြစ်ပါတယ်။ ကိုယ်ဝန်ရရှိနိုင်ချေကို ၉၉ ရာခိုင်နှုန်းလျှော့ချပေးနိုင်ခြင်းဖြင့် အမျိုးသမီးသန္ဓေတားဆေးများကဲ့သို့ ထိရောက်မှုရှိနေမှာဖြစ်ပါတယ်။

YCT529 လို့ခေါ်တဲ့ အဆိုပါတားဆေးဟာ ဟော်မုန်းမပါဝင်တဲ့ဆေးဖြစ်ပြီး ကြွက်များနဲ့စမ်းသပ်ခဲ့ရာမှာ ထင်ရှားတဲ့ဘေးထွက်ဆိုးကျိုးမတွေ့ခဲ့ရပါဘူး။ ကြွက်တွေမှာ တားဆေးအသုံးပြုနေခြင်းကိုရပ်တန့်ပြီးနောက် ၄ ပတ်မှ ၆ ပတ်အတွင်း သန္ဓေအောင်နိုင်ချေပြန်လည်ရရှိလာခဲ့ပါတယ်။

ဒီဆေးဟာ သုတ်ပိုးဖြစ်ပေါ်စေတဲ့ပရိုတိန်းတစ်မျိုးကို တားဆီးပိတ်ပင်ခြင်းဖြင့် သန္ဓေတားခြင်းပြုလုပ်ပေးတာဖြစ်ပါတယ်။ မင်နီဆိုတာတက္ကသိုလ်မှ သုတေသီတွေက ယခုနှစ်နှောင်းပိုင်းမှာ လူသားတွေနဲ့စမ်းသပ်ဖို့ စီစဉ်နေကြပါတယ်။

လွန်ခဲ့တဲ့နှစ်တွေတုန်းက လူသားတွေနဲ့စမ်းသပ်ဖူးတဲ့ဆေးတွေရှိခဲ့ပေမယ့် YCT529 ကတော့ အမျိုးသားသန္ဓေတားဆေးတွေထဲမှာ ရှေ့အရောက်ဆုံးဖြစ်နေပါတယ်လို့ ပရော်ဖက်ဆာ'ဂန်ဒါဂျော့ဂျ်'က ပြောပြပါတယ်။

သိပ္ပံပညာရှင်တွေဟာ ၁၉၅၀ ခုနှစ်တွေကတည်းက သောက်ဆေး၊ ဂျယ်လ်၊ ထိုးဆေးတို့ ဖြင့် အမျိုးသားတွေအတွက် ထိရောက်တဲ့သန္ဓေတားဆေး ထုတ်လုပ်နိုင်ဖို့ ကြိုးပမ်းခဲ့ကြပါတယ်။

အမျိုးသမီးတွေမှာ တားဆေးတွေက တစ်လတစ်ခါမျိုးဥကြွေတာကို တားဆီးခြင်းဖြင့် ကိုယ်ဝန်မရရှိအောင်ပြုလုပ်ပေးပါတယ်။ အမျိုးသားတွေမှာတော့ သုတ်ပိုးတွေနေ့စဉ်သန်းနဲ့ချီပြီးထွက်ရှိနေတာကို တားဆီးရမှာဖြစ်ပါတယ်။

အရင်ကစမ်းသပ်ခဲ့တဲ့အမျိုးသားသန္ဓေတားဆေးတွေဟာ ကျားဟော်မုန်းတက်စတိုစထရုန်းကို တားဆီးပေးပြီး သုတ်ပိုးဆဲလ်တွေထုတ်လုပ်မှုလျော့ကျသွားအောင် ပြုလုပ်ပေးတာဖြစ်ပါတယ်။

ဒါပေမဲ့ တက်စတိုစထရုန်းဟော်မုန်းကိုတားဆီးခြင်းက အမျိုးသားတွေမှာ ကိုယ်အလေးချိန်တက်ခြင်း၊ စိတ်ဓာတ်ကျခြင်း၊ ကိုလက်စထရောတက်ခြင်းများ ဖြစ်ပွားနိုင်ပါတယ်။
ဒီလိုဘေးထွက်ဆိုးကျိုးတွေမဖြစ်ပေါ်စေဖို့ ဟော်မုန်းမပါဝင်တဲ့ အမျိုးသားသန္ဓေတားဆေးကို ထုတ်လုပ်ချင်ခဲ့တာဖြစ်ကြောင်း YCT529 ဆေးထုတ်လုပ်ရေးမှာပါဝင်တဲ့ 'အက်ဘ်ဒူလာအယ်နိုမန်'က ပြောကြားခဲ့ပါတယ်။

အမျိုးသားတွေမှာ ကွန်ဒုံးအသုံးပြုခြင်းနဲ့ သားကြောဖြတ်ခြင်းတို့ ဖြင့်သာ သန္ဓေတားလို့ ရနေတာဖြစ်ပါတယ်။ အမျိုးသမီးတွေအသုံးပြုတဲ့သန္ဓေတားဆေးက ထိရောက်မှုရှိပြီး သုံးစွဲမှုရပ်တန့်လိုက်ရင် ကိုယ်ဝန်ပြန်ရနိုင်ချေရှိနေတာကြောင့် အမျိုးသားတွေအတွက်လည်း ဒီလိုဆေးမျိုးလိုအပ်နေပါတယ်။

ဒီဆေးက တိရိစာ္ဆန်တွေနဲ့စမ်းသပ်ရာမှာ ထိရောက်မှုရှိပေမယ့် လူသားတွေနဲ့စမ်းသပ်ရင် ဘယ်လိုဖြစ်လာမလဲဆိုတာတော့ ခန့်မှန်းရခက်နေပါတယ်လို့ ပရော်ဖက်ဆာ'ဂျော့ဂျ်'ကဆိုပါတယ်။

အမျိုးသားသန္ဓေတားဆေး စမ်းသပ်ထုတ်လုပ်နိုင်ဖို့ အတွက် ရင်းနှီးမြှုပ်နှံမှုတွေ ပိုမိုလိုအပ်နေပါတယ်လို့ ပြောကြားသွားပါတယ်။
Source: DailyMail

#WorldHealth
Published - 26 March 2022
ကိုဗစ်ရောဂါခံစားရဖူးတဲ့အသက်ဆုံးပါးခါနီးလူနာတွေ လှူဒါန်းလိုက်သည့်အတွင်းအင်္ဂါများဟာ အစားထိုးခွဲစိတ်ဖို့ အတွက် ဘေးကင်းစိတ်ချရကြောင်း အမေရိကန်နဲ့ အီတလီမှအစားထိုးခွဲစိတ်ရေးအဖွဲ့ များက နောက်လမှာပြုလုပ်မယ့် အဏုဇီဝနှင့်ကူးစက်ရောဂါဆိုင်ရာ ဥရောပအစည်းအဝေးမှာ တင်ပြသွားဖို့ ရှိနေပါတယ်။

အဖွဲ့နှစ်ဖွဲ့စလုံးက သူတို့ရဲ့စမ်းသပ်လေ့လာချက်တွေကို ထုတ်ဖော်ပြသဖို့မျှော်မှန်းထားကြပါတယ်။ မြောက်ကယ်ရိုလိုင်းနား ဒုခ်ဆေးဘက်ဆိုင်ရာတက္ကသိုလ်မှ ဒေါက်တာ'ကမ်မရွန်ဝုဖ်'နဲ့ ဒေါက်တာ'အမ်မလီအိုင်ချန်ဘာနာ'တို့က အဆုတ်နဲ့အူအင်္ဂါများကိုတော့ အလှူရှင်အနေနဲ့ ကိုရိုနာဗိုင်းရပ်စ်မရှိကြောင်း ရက် ၂၀ ကျော်ကြာပြီးတဲ့အချိန်မှသာ အသုံးပြုသင့်ပြီး အခြားအင်္ဂါများကိုတော့ အလှူရှင်က ကိုဗစ်ရောဂါနဲ့ဆုံးပါးတာမျိုးမဟုတ်ရင် အစားထိုးအသုံးပြုနိုင်သလို သွေးခဲခြင်းဖြစ်စဉ်အမြောက်အများရှိမနေဘူးဆိုရင်လည်း အသုံးပြုနိုင်ပါတယ်လို့ အစည်းအဝေးကြီးကြပ်စီစဉ်သူတွေက ထုတ်ဖော်ပြောဆိုလိုက်ပါတယ်။

အီတလီနိုင်ငံ အင်ဆူဘရီယာတက္ကသိုလ်မှ ပရော်ဖက်ဆာ'ပေါ်လိုဂရော့စီ'နဲ့အဖွဲ့ဟာ SARS-CoV-2 ဗိုင်းရပ်စ်ရှိနေတဲ့အလှူရှင်များထံမှ အသည်း၊ နှလုံး၊ ကျောက်ကပ်အင်္ဂါများဖြင့် အစားထိုးခွဲစိတ်ခဲ့ကြပါတယ်။

"၂၀၂၂ ခုနှစ်ထဲကိုရောက်လာတဲ့အချိန်မှာ ကိုဗစ်ရောဂါဖြစ်ပွားဖူးတဲ့သူတွေရဲ့ အင်္ဂါအမျိုးမျိုးကို အသုံးပြုရနိုင်တဲ့အခြေအနေတွေ မလွဲမသွေရှိလာမှာပါ" လို့ 'ဂရော့စီ'က ရေးသားဖော်ပြခဲ့ပါတယ်။

ချပြထားတဲ့အချက်အလက်တွေက အားရစရာကောင်းပေမယ့် ဒီလို ကိစ္စတွေမှာ အလှူရှင်တွေရဲ့ ဘေးကင်းစိတ်ချရမှုက အဲဒီလောက်တော့စိတ်ချရခြင်းမရှိပါဘူး။
Source: Reuters

Published 25 March 2022

မြောက်ကိုးရီးယားက ကမ္ဘာ့တိုက်ကြီးတစ်ခုမှ တစ်ခုသို့ ပစ်ခတ်နိုင်တဲ့ အကြီးဆုံးဒုံးကျည်ကို မတ်လ၂၄ ရက် စမ်းသပ်ပစ်လွှတ် ခဲ့ပါတယ်။ အဲသလိုပစ်လွှတ်တာကို မြောက်ကိုးရီးယားခေါင်းဆောင် ကင်ဂျုန်းအမ်ကိုယ်တိုင် လာရောက်ကြီးကြပ်တာကို နိုင်ငံပိုင်ရုပ်မြင်သံကြားကနေ စတိုင်အပြည့်နှင့် ရုပ်ရှင်ဆန်ဆန်ထုတ်လွှင့်တင်ဆက်ခဲ့ပါတယ်။

မြောက်ကိုးရီးယားဟာ အမေရိကန်ပြည်ထောင်စုနှင့် ကာလရှည်ထိပ်တိုက်ရင်ဆိုင်ဖို့ အဆင်သင့်ဖြစ်နေတယ်ဆိုတာကို အသေအချာပြသလိုက်တာဖြစ်တယ်လို့ နိုင်ငံပိုင်ရုပ်သံက သတင်းတင်ဆက်ပါတယ်။

ယခုနောက်ဆုံး စမ်းသပ် ပစ်လွှတ်လိုက်တဲ့ ICBM ဒုံးကျည်ဟာ  အမေရိကန်ပြည်မကြီးကို မည်သည့်နေရာကိုမဆို တိုက်ခိုက် နိုင်အောင် ဒီဇိုင်းလုပ်ထားတာလို့ ပြောပါတယ်။

အစိုးရမီဒီယာတွေဟာ  သားရေဂျာကင်အနက်ရောင်နှင့် နေကာမျက်မှန်အမည်းကို ဝတ်ဆင်ထားတဲ့ ကင်မ်ဟာ ဒုံးကျည် အကြီးကြီးတစ်ခုရဲ့ရှေ့က ကတ္တရာလမ်းပေါ် ခြေလှမ်းကျဲကျဲနှင့် ဖြတ်လျှောက်သွားတာကိုရိုက်ကူးထားပါတယ်။ နောက်ပုံတွေ မှာတော့  ယူနီဖောင်းဝတ်စစ်အရာရှိကြီးတွေနှင့်အတူ စမ်းသပ်ထုတ်လွှင့်မှုအပေါ် အောင်ပွဲခံနေတဲ့ လှုပ်ရှားမှုပုံတွေ ဖြစ်ပါ တယ်။

“ ယခုတိုက်ကြီးတစ်ခုနှင့်တစ်ခုအကြားပစ်လွှတ်တဲ့ ဒုံကျည်အသစ်ဟာ  ကျွန်တော်တို့ရဲ့ မဟာဗျူဟာမြောက်တပ်အင်အားရဲ့ ပါဝါကို တကမ္ဘာလုံးက ရှင်းရှင်းလင်းလင်းသတိထားမိစေလိမ့်မယ်” လို့ ကင်မ်က ပြောတယ်လို့ ကိုရီးယားဗဟိုသတင်းဌာနက  သတင်းထုတ်ပြန်ပါတယ်။ အခုဆို မြောက်ကိုးရီးယားဟာ အမေရိကန် နယ်ချဲ့တွေကို ကြာမြင့်စွာ ထိပ်တိုင်ရင်ဆိုင်ဖို့ အဆင် သင့် ရှိနေပြီလို့လည်း ဖြည့်စွက်ပြောပါတယ်။

Source AFP/KCTV

#DailyNews
Published - 25 Mar 2022

၁။ မြစ်ကြီးနားမြို့ပေါ်တွင် လုယက်မှုဖြစ်စဥ်တွေများပြားလာပြီး ဒေသခံများ စိုးရိမ်ထိတ်လန့် နေရ။

၂။ ကားမှတ်တိုင်များတွင် ရပ်သည့် Taxi နှင့် Light truck များကို အရေးယူရန်စီစဉ်။

၃။ နေ့စဉ်မိုးလေဝသသတင်း။

၄။ အစ်မဖြစ်သူ၏ စံချိန်ကိုချိုးဖျက်ပြီး အသက်အငယ်ဆုံး တစ်ကိုယ်တော်ကမ္ဘာပတ်ပျံသန်းသူဖြစ်လာရန် ရည်ရွယ်ထားသည့်ဆယ်ကျော်သက်လေယာဉ်မှူး......အစရှိတဲ့သတင်းတွေကို တင်ဆက်ပေးသွားမှာပဲဖြစ်ပါတယ်။

#Yangon_Media_Group