#World_Health
Published 08 January 2025

▪️ ဒိုးနတ်မုန့်တွေမှာ ကယ်လိုရီထောင်ချီ ပါဝင်ပြီး အသက် ၅၀ နဲ့အထက် လူတွေမှာ ဘေးအန္တရာယ် ဖြစ်စေနိုင်တယ်လို့ ဇီဝဖြစ်ပျက်မှုကျန်းမာရေး ကုမ္ပဏီတစ်ခုမှ တွေ့ရှိထားပါတယ်။

▪️ အစ္စရေးလ်နဲ့ ကမ္ဘာတဝှမ်းမှ လူပေါင်း ၂၇၀၀ ရဲ့ အချက်အလက်တွေကို ဆန်းစစ်ကြည့်တဲ့အခါ ခန္ဓာကိုယ်ထဲမှာ ကာဗိုဟိုက်ဒရိတ် ခြေဖျက်နိုင်စွမ်းက အသက် ၅၀ ကျော်လာရင် သိသိသာသာ ကျဆင်းလာတာ တွေ့ရပါတယ်။

▪️ ဒိုးနတ်တစ်ခုမှာ ပျမ်းမျှအားဖြင့် ၃၀၀-၄၀၀ ကယ်လိုရီနဲ့ ကာဗိုဟိုက်ဒရိတ် ၄၀-၅၀ ဂရမ်ခန့် ပါဝင်ကာ ဒါဟာ လူကြီးတစ်ယောက်အတွက် နေ့စဉ်ကာဗိုဟိုက်ဒရိတ် လိုအပ်ချက်ရဲ့ ၂၀-၃၀ ရာခိုင်နှုန်းလောက် ရှိနေပါတယ်။

▪️ အသက် ၅၀ ကျော်လာရင် ဇီဝဖြစ်ပျက်မှုနှုန်းက ကျဆင်းလာပြီး ကာဗိုဟိုက်ဒရိတ် ခြေဖျက်ဖို့ ခက်ခဲလာကာ အဆီအဖြစ် ပိုပြီးထိန်းသိမ်းလာပါတယ်။

▪️ ကိုယ်အလေးချိန်နဲ့လည်း သက်ဆိုင်နေပြီး သာမန်ကိုယ်အလေးချိန် ရှိသူတွေနဲ့ယှဉ်ရင် BMI ၃၀ကျော် ကိုယ်အလေးချိန် များသူတွေက ကာဗိုဟိုက်ဒရိတ် ခြေဖျက်ဖို့ ပိုကြာပြီး အဆီတွေပိုစုလာနိုင်ပါတယ်။

▪️ ဇီဝဖြစ်ပျက်မှု အပြောင်းအလဲလုပ်နိုင်စွမ်း ကောင်းတဲ့သူတွေမှာ ကာဗိုဟိုက်ဒရိတ်နဲ့ အဆီတို့ကို လိုအပ်ချက်အတွက် ထိန်းသိမ်းထားနိုင်ကာ စွမ်းအင်အဖြစ်သို့ ထိရောက်စွာ ပြောင်းလဲနိုင်စွမ်းရှိပါတယ်။

▪️ ဒီလိုမျိုး ကောင်းစွာမပြောင်းလဲနိုင်သူတွေမှာ ကိုယ်အလေးချိန်ထိန်းရန် ပိုခက်ခဲလာပြီး အစားအသောက်ပုံစံ၊ လေ့ကျင့်ခန်း၊ အသက်အရွယ်တို့က ပါဝင်ပတ်သက်နေပါတယ်။

▪️ ကျန်းမာရေးနဲ့ ညီညွတ်စွာ စားသောက်ခြင်း၊ လေ့ကျင့်ခန်း ပုံမှန်လုပ်ခြင်း၊ လုံလောက်စွာ အိပ်စက်ခြင်း၊ ဖိစီးမှုထိန်းချုပ်ခြင်းတို့ဖြင့် ကာဗိုဟိုက်ဒရိတ် မြင့်မားခြင်းကို ကိုင်တွယ်နိုင်မှာ ဖြစ်ပါတယ်။

▪️ ဒီလိုမျိုး ကျင့်ကြံနေထိုင်ပါက ဒိုးနတ်မုန့်တွေ စားရာမှာ ကိုယ်အလေးချိန်နဲ့ ကျန်းမာရေး သက်ရောက်မှုများကို လျှော့ချနိုင်မှာ ဖြစ်ပါတယ်။

#Source: The Jerusalem Post

တရုတ်-ရုရှားနယ်စပ်ဖြတ်သန်းကာ တရုတ်အရှေ့မြောက်ဘက် ဟေလောင်ကျန်ပြည်နယ် လျောင်ဘေကောင်တီနဲ့ ရုရှားမှ အေမာဇက်တို့ကို ဆက်သွယ်ထားတဲ့ ယာယီဗောတံတားတစ်ခုဟာ ဆောင်းရာသီအတွင်း နှစ်နိုင်ငံကြား ပို့ဆောင်သွားလာရေးအဆင်ပြေစေရန်အတွက် သောကြာနေ့က ဖွင့်လှစ်လိုက်ပါတယ်။
#World_News
Published 7 January 2025
#ယာယီဗောတံတားဖွင့် #တရုတ်-ရုရှားနယ်စပ်
#YMG #Yangon_Times #Yangon_Media_Group

#Daily_News
Published 7 January 2025

၁။ ဆန်ရည်ညွှန်းစျေးနှုန်းများထုတ်ပြန်ပြီး သတ်မှတ်နှုန်းအ‌ပေါ် ၈ ရာခိုင်နှုန်းထပ်မပိုရန် အသိပေး

၂။ စတော့အိပ်ချိန်း၌ ဒီဇင်ဘာလအတွင်း ရှယ်ယာစောင်ရေ တစ်သိန်းကျော် အရောင်းအဝယ်ဖြစ်ခဲ့

၃။ မျက်စိဆေးရုံမှ မျက်စိဝေဒနာရှင်တစ်သိန်းကျော်ကို ကုသပေး

၄။ ဆောင်းရာသီမြစ်အေးခဲချိန်၌ တရုတ်-ရုရှားနယ်စပ်အထိရောက်ဆုံးဖြတ်သန်းသွားလာနိုင်စေမည့် ယာယီဗောတံတားဖွင့်လှစ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 07 January 2025

▪️ ရီပတ်ဘလစ်ကန် ရွေးချယ်ခံသမ္မတ ဒေါ်နယ်ထရမ့်ရဲ့ အနိုင်ရရှိမှုကို နိုဝင်ဘာလ ရွေးကောက်ပွဲမှာ ရှုံးနိမ့်ခဲ့တဲ့ ဒီမိုကရက်တစ် ဒုသမ္မတ ကာမယ်လာဟားရစ် ဦးဆောင်ပြီး အမေရိကန် ကွန်ဂရက် လွှတ်တော်က တနင်္လာနေ့မှာ တရားဝင် အသိအမှတ်ပြုလိုက်ပါတယ်။

▪️ နှစ်ပတ်အတွင်း ထရမ့်ကျမ်းသစ္စာဆိုပွဲအတွက် လမ်းစပြုတဲ့အနေနဲ့ ၄ နှစ်တစ်ကြိမ်ပြုလုပ်ခဲ့တဲ့ပွဲဟာ စီစဉ်ထားတဲ့အတိုင်း အဆင်ပြေချောမွေ့ခဲ့ပြီး လွန်ခဲ့တဲ့ ၄ နှစ်က ထရမ့်ရဲ့ထောက်ခံသူလူအုပ်ကြီး ကပ်ပီတိုလ်အဆောက်အအုံမှာ ဆူပူအုံကြွခဲ့စဉ်ကနဲ့ယှဉ်ရင် အတော်လေးကွဲပြားနေခဲ့ပါတယ်။

▪️ ထရမ့်က ၂၀၂၀ ရွေးကောက်ပွဲရှုံးနိမ့်ရတာဟာ လိမ်လည်မှုကြောင့်သာ ဖြစ်တယ်လို့ ဆက်ပြောနေပြီး ၂၀၂၄ စည်းရုံးရေးတလျှောက်မှာလည်း ဟားရစ်ကိုမနိုင်မချင်း အလားတူစိုးရိမ်နေရတယ်လို့ သတိပေးခဲ့ပါတယ်။

▪️ ဟားရစ်က အထက်လွှတ်တော်ဥက္ကဌအဖြစ် ဒုသမ္မတအခမ်းအနားမှူး နေရာကနေ ပြည်နယ်များတက်ရောက်ခြင်းရှိမရှိကို ကြီးကြပ်ခဲ့ပါတယ်။

▪️ ထရမ့်နဲ့ သူမတို့အတွက် ပြည်နယ်တစ်ခုချင်းစီမှ ရွေးကောက်ပွဲမဲ အသိအမှတ်ပြုလက်မှတ်များကို ပေးအပ်ခဲ့ပါတယ်။

▪️ "ယနေ့ဟာ အလွန်အရေးကြီးတဲ့နေ့ဖြစ်ပြီး ဒီမိုကရေစီရဲ့ အရေးကြီးဆုံး မဏ္ဍိုင်တစ်ခုဖြစ်တဲ့ ငြိမ်းချမ်းစွာ အာဏာလွှဲပြောင်းရေးတို့မှာ အမေရိကန်ပြည်သူတို့ လက်ခံကျေနပ်သင့်တဲ့ စံနှုန်းဖြစ်ရပါမယ်" လို့ ဟားရစ်က သတင်းထောက်တွေကို ပြောသွားပါတယ်။

▪️ လွှတ်တော်အမတ် ဂျေဒီဗန့်စ်ကိုလည်း ဒုသမ္မတအဖြစ် ဟားရစ်က အသိအမှတ်ပြုခဲ့ပါတယ်။

▪️ လွှတ်တော်က ယနေ့မှာ အောင်ပွဲအခမ်းအနားကို အသိအမှတ်ပြုခဲ့ပြီး သမိုင်းမှာ ခမ်းနားတဲ့အခိုက်အတန့် ဖြစ်တယ်လို့ ထရမ့်က Truth Social မီဒီယာမှာ ဖော်ပြထားပါတယ်။

▪️ အမေရိကန် အထက်လွှတ်တော်မှာ ရီပတ်ဘလစ်ကန်တွေက နေရာအများစု ရရှိထားကာ ထရမ့်အကောင်အထည်ဖော်လိုတဲ့ အခွန်လျှော့ချရေးနဲ့ တရားမဝင် ရွှေ့ပြောင်းသူများ နှိမ်နင်းရေးတို့မှာ ထောက်ခံသွားကြမှာ ဖြစ်ပါတယ်။

▪️ ယခုအသိအမှတ်ပြုပွဲအတွက် ကပ်ပီတိုလ်အပြင်ဘက်နဲ့ အတွင်းပိုင်းတို့မှာ လုံခြုံရေးမြှင့်တင်ထားပြီး ဇန်နဝါရီ ၂၀ ရက်နေ့ ထရမ့်ကျမ်းသစ္စာကျိန်ဆိုမှု ပြုလုပ်သည်အထိ အစီအစဉ်တကျ ရှိနေဖို့ မျှော်လင့်ထားပါတယ်။

#Source: Reuters

#World_Health
Published 07 January 2025

▪️ အယ်လ်ကိုဟော သောက်စရာတွေမှာ ဝယ်ယူသူတွေအတွက် ကင်ဆာဖြစ်နိုင်ခြေအကြောင်း သတိပေးအမှတ်အသားများ တပ်သင့်တယ်လို့အမေရိကန်အစိုးရ ပြည်သူ့ကျန်းမာရေးပညာရှင် အကြီးအကဲ Surgeon General ပြောသွားပါတယ်။

▪️ အယ်လ်ကိုဟော သောက်သုံးခြင်းဖြင့် ကင်ဆာအမျိုးအစား အနည်းဆုံး ၇ မျိုး ဖြစ်နိုင်ခြေများစေတယ်လို့ ခွဲစိတ်ဆရာဝန်ကြီး ဗီဗက်မာသီ ရုံးဌာနမှ ထုတ်ပြန်လိုက်ပါတယ်။

▪️ ဆေးလိပ်နဲ့ အဝလွန်ခြင်းတို့ပြီးရင် အယ်လ်ကိုဟော သောက်သုံးခြင်းက ကာကွယ်လို့ရနိုင်တဲ့ ကင်ဆာတွေထဲမှာ ထိပ်ဆုံး ၃ ခုမြောက်ဖြစ်တယ်လို့ ဖော်ပြထားပါတယ်။

▪️ အမေရိကန်မှာ အယ်လ်ကိုဟောကြောင့် သေဆုံးမှုက နှစ်စဉ် ၁၃၅၀၀ ကျော်ရှိနေပါတယ်။

▪️ အယ်လ်ကိုဟောကြောင့် ဖြစ်နိုင်တဲ့ ကင်ဆာတွေထဲမှာ ရင်သား၊ အူမကြီး၊ အစာရေမျို၊ အသည်း၊ ခံတွင်း၊ လည်ချောင်း၊ အသံအိုးကင်ဆာတို့ ပါဝင်ပါတယ်။

▪️ အယ်လ်ကိုဟောထဲက အီသနော ပြိုကွဲတဲ့အခါ ကင်ဆာဖြစ်စေနိုင်တဲ့ အက်ဆီတယ်ဒီဟိုဒ် ဖြစ်ပေါ်လာပါတယ်။

▪️ ဒီဒြပ်ပေါင်းက ဒီအင်န်အေ ပျက်စီးစေပြီး ပြုပြင်မှုကနေလည်း ဟန့်တားကာ ကင်ဆာဆဲလ်များ ကြီးထွားလာစေတယ်လို့ MD Andersonမှ ညွှန်ကြားရေးမှူး ဒေါက်တာ ထရေ့စ်ဘီဗာစ်က ရှင်းပြပါတယ်။

▪️ ဒါ့အပြင် ဟော်မုန်းကိုလည်း သက်ရောက်စေပြီး အာဟာရဓာတ်များ စုပ်ယူမှုကို နှောင့်ယှက်ပါတယ်။

▪️ ရင်သားကင်ဆာ ဖြစ်ပွားသူ ၆ ဦးမှာ ၁ ဦးနှုန်းကျော်လောက်က အယ်လ်ကိုဟောနဲ့ ဆက်စပ်နေကြောင်း နော့သ်ဝဲလ်ကင်ဆာကျန်းမာရေးမှ ကင်ဆာခွဲစိတ်ဆရာဝန် ဒေါက်တာ စင်ဒီဆင်က ပြောသွားပါတယ်။

▪️ ဒါပေမဲ့ အယ်လ်ကိုဟောကို လုံးဝမသောက်ဘဲ နေတာတော့ မဟုတ်ဘဲ တစ်ပတ်ကို တစ်ခွက်နှစ်ခွက် မပြည့်အောင် သောက်ဖို့တော့ အကြံပြုသွားပါတယ်။

▪️ မိသားစုထဲမှာ ကင်ဆာဖြစ်ဖူးသူရှိရင် ပိုမိုသတိထားသင့်ပြီး နေထိုင်စားသောက်မှုပုံစံက ပြုပြင်ထိန်းသိမ်းနိုင်တဲ့ အချက်တစ်ချက် ဖြစ်ပါတယ်။

▪️ အရက်ကို အနည်းငယ်မျှ သောက်သုံးလျှင်ပင် ကင်ဆာကြောင့် သေဆုံးနိုင်ခြေ မြင့်မားစေတယ်လို့ မကြာသေးမီက သုတေသနမှာ တွေ့ထားပါတယ်။

▪️ အရက်သောက်ခြင်းဟာ ရှောင်ရှားပါက ကင်ဆာဖြစ်နိုင်ခြေကို ကာကွယ်နိုင်တဲ့ အကြောင်းအရင်းတစ်ခုဖြစ်ပြီး အများပြည်သူကို အသိပညာပေးဖို့ ခွဲစိတ်ဆရာဝန်ကြီးရုံးက တောင်းဆိုလိုက်ပါတယ်။

#Source: New York Post

#World_Health
Published 07 January 2025

▪️ သောက်သုံးခြင်းနဲ့ စိုက်ပျိုးခြင်းတို့အတွက် ရေတွေကို ပင်လယ်ရေကနေ ရေချိုအဖြစ် ပြောင်းလဲအသုံးပြုလာကြပါတယ်။

▪️ အစ္စရေးလ်မှာ ၁၉၉၇ ကစပြီး ပင်လယ်ရေကနေ ရေချိုပြောင်းတဲ့စက်ရုံ ၅ ရုံဆောက်လုပ်ဖို့ အာဏာပိုင်များ ဆုံးဖြတ်ခဲ့ကြပါတယ်။

▪️ မက်ဒီတာရေးနီးယန်းပင်လယ်ကနေ ဆားဖယ်ရှားတဲ့ ဖြစ်စဉ်ဟာ ကျန်းမာရေးအတွက် အန္တရာယ် ရှိနေပါတယ်။

▪️ ဘာကြောင့်လဲဆိုတော့ ထိုဖြစ်စဉ်ကြောင့် အရေးကြီးသတ္တုဓာတ်တစ်မျိုးဖြစ်တဲ့ မဂ္ဂနီဆီယံ ချို့တဲ့စေပြီး ဆီးချို၊ နှလုံးရောဂါ၊ လေဖြတ်ခြင်းစတဲ့ ပြဿနာများ ဖြစ်နိုင်ခြေ အလွန်များစေတယ်လို့ ဂျေရုဆလမ်မှ လေ့လာချက်အသစ်မှာ တွေ့ရှိခဲ့ပါတယ်။

▪️ မဂ္ဂနီဆီယံက ကြွက်သားနဲ့ အာရုံကြောလုပ်ဆောင်ချက်တို့ ပုံမှန်ဖြစ်အောင် ထိန်းသိမ်းပေးကာ နှလုံးခုန်ခြင်း၊ ကိုယ်ခံအားစနစ်၊ အရိုးဖွဲ့စည်းခြင်းတို့ကို ထောက်ပံ့ကူညီပေးပြီး သွေးတွင်းသကြားဓာတ်နဲ့ သွေးပေါင်ချိန်တို့ ပုံမှန်ဖြစ်အောင် ထိန်းညှိပေးပါတယ်။

▪️ ပင်လယ်ရေမှ ပြောင်းထားတဲ့ရေချိုကို အဓိကသုံးစွဲလာရပြီး ထိုရေကိုမှီခိုနေရတဲ့ သက်ရှိတွေမှာ မဂ္ဂနီဆီယံ ချို့တဲ့လာစေပါတယ်။

▪️ ရေချိုပြောင်းထားတဲ့ ရေတွေမှာ မဂ္ဂနီဆီယံ ပြန်ထည့်လိုက်ပါက ရောဂါဖြစ်ပွားမှုတွေ လျော့ကျနိုင်ပြီး ကျန်းမာရေးကုန်ကျစရိတ်များစွာ သက်သာနိုင်မယ်လို့ သုတေသီများ ဖော်ပြထားပါတယ်။

▪️ အမျိုးသမီးများအတွက် မဂ္ဂနီဆီယံ နေ့စဉ်လိုအပ်ချက်က ၂၆၅-၃၁၅ မီလီဂရမ်ရှိပြီး အမျိုးသားတွေအတွက်က ၃၅၀-၄၁၅ မီလီဂရမ်ရှိကာ ကိုယ်ဝန်ဆောင်တွေ သက်ကြီးရွယ်အိုတွေ ပိုမိုလိုအပ်ပါတယ်။

▪️ မဂ္ဂနီဆီယံပါဝင်တဲ့ အစားအစာတွေက အစိမ်းရောင်ဟင်းရွက်များ၊ ပဲအမျိုးမျိုး၊ အခွံမာသီး၊ အစေ့အဆန်များ၊ ပြောင်းဂျုံဆန်များနဲ့ ထွက်ကုန်များ ဖြစ်ပါတယ်။

▪️ လူတစ်ယောက်အတွက် နေ့စည်မဂ္ဂနီဆီယံ ၅၀ မီလီဂရမ် ထပ်ဆောင်းစားသုံးခြင်းဖြင့် တစ်နှစ်အတွင်း ဆီးချိုဖြစ်ပွားသူ ၁ ထောင်ကျော်နဲ့ လေဖြတ်သူ ၁ ကျော်ကာကွယ်ပေးနိုင်မယ်လို့ သုတေသီများ ခန့်မှန်းထားပါတယ်။

▪️ မဂ္ဂနီဆီယံ ဖြည့်စွက်အားဆေးများ အသုံးပြုနိုင်တယ်ဆိုပေမယ့် သောက်သုံးရေက အဓိကလိုအပ်ချက်ကို ဖြည့်ဆည်းနိုင်မယ်လို့ ဦးဆောင်သုတေသီ မိုင်ယာဆာဒက်က ပြောပါတယ်။

#Source: The Jerusalem Post