#Daily_News
Published 13 January 2025

၁။ စားအုန်းဆီ‌ရည်ညွန်း‌စျေး လေးပတ်ဆက်တိုက်တည်ငြိမ်နေ

၂။ တစ်နှစ်တာအတွင်း ပုဂံဒေသသို့ ခရီးသွား ၅သိန်းကျော်ဝင်ရောက်

၃။ နေရေးအခက်အခဲရှိသူများကို သုခဒဂုံပြည်သူ့အငှားအိမ်ရာမှ အခန်းများ ထပ်မံငှားရမ်းပေးမည်

၄။ ရုရှားသဘာဝဓာတ်ငွေ့ဖြတ်သန်း ပို့ဆောင်ခြင်းအား ယူကရိန်းရပ်ဆိုင်းလိုက်သဖြင့် ဥရောပ၌ခက်ခဲကြမ်းတမ်းသော ဆောင်းတွင်းကြုံတွေ့နေရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 13 January 2025

▪️ ကလေးသရုပ်ဆောင်ဟောင်း ရိုရီကယ်လမ်ဆိုက်ခ်စ်ဟာ လော့စ်အိန်ဂျလိစ် တောမီးလောင်ကျွမ်းခဲ့စဉ် ဆုံးပါးသွားခဲ့ပါတယ်။

▪️ အမြင်အာရုံကွယ်နေပြီး ဦးနှောက်ကြွက်သားအားနည်း ရောဂါရှိတဲ့ ဗြိတိန်ဖွား ကလေးသရုပ်ဆောင်ဟောင်းဟာ အသက် ၃၂ နှစ်အရွယ်မှာ ဇန်နဝါရီ ၈ ရက်နေ့က မာလီဘူရှိနေအိမ်မှာ ကွယ်လွန်ခဲ့တာ ဖြစ်ပါတယ်။

▪️ ဆိုက်ခ်စ်ဟာ ၁၉၉၀ ဝန်းကျင်က Kiddy Kapers တီဗီအစီအစဉ်မှာ ပါဝင်ခဲ့ဖူးပါတယ်။

▪️ သူ့ရဲ့အမေဖြစ်သူက သားဖြစ်သူကို မီးထဲကနေ မကယ်နိုင်ခဲ့ပုံကို ရှင်းပြခဲ့ပြီး ကွယ်လွန်သွားပြီဖြစ်ကြောင်း ကြေညာခဲ့ပါတယ်။

▪️ အမေဖြစ်သူ ရှယ်လီဆိုက်ခ်စ်က သားဖြစ်သူ ဘဝမှာ ကြုံတွေ့ခဲ့တာတွေကို ဘယ်လိုအံတုကျော်ဖြတ်ခဲ့လဲဆိုတဲ့အကြောင်း Xမှာ ဖော်ပြသွားပါတယ်။

▪️ "ကျွန်မရဲ့ သားလှရတနာလေး ရိုရီဆိုက်ခ်စ်ဟာ မာလီဘူက တောမီးကြောင့် ဆုံးပါးသွားပြီလို့ ဝမ်းနည်းစွာဖြင့် အသိပေးလိုပါတယ်။ အလွန်ကို ကြေကွဲရပါတယ်" လို့ ရှယ်လီက ကြာသပတေးနေ့မှာ ရေးသားခဲ့ပါတယ်။

▪️ "အမြင်အာရုံပြန်ရပြီး လမ်းလျှောက်သင်ယူနိုင်ဖို့ ခွဲစိတ်မှုတွေ ကုထုံးတွေ ပြုလုပ်ခဲ့ရပါတယ်။ အာဖရိကကနေ အန္တာတိကအထိ ကျွန်မနဲ့အတူ ကမ္ဘာပတ်ခရီးသွားချင်စိတ် ရှိနေခဲ့ပါတယ်။ သူ့ကို အရမ်းသတိရနေမှာပါ" လို့ ဆိုပါတယ်။

▪️ မီးစွဲတဲ့အထိ ပါဝင်ခဲ့တဲ့ ၁၇ ဧကရှိ ယင်းတို့ရဲ့ မာလီဘူတောင် တီဗီစတူဒီယိုနေရာကြီးက အိမ်မှာ သားဖြစ်သူ ဆုံးပါးခဲ့တယ်လို့ ဖော်ပြထားပါတယ်။

▪️ "လတ်စ်ဗာဂျင်းစ် မြူနီစီပယ်ရေပေးဌာနက ရေပိတ်သွားတဲ့အတွက် အိမ်ခေါင်မိုးပေါ်က မီးစွဲအစအနတွေကို မီးသတ်ပိုက်ခေါင်းနဲ့ မငြိမ်းသတ်နိုင်ခဲ့ဘူး။ ရဲရင့်တဲ့ မီးသတ်သမား ၅၀ လောက်ဟာ တစ်နေ့လုံး ရေမရခဲ့ပါဘူး"လို့ ရေးထားပါတယ်။

▪️ Australian outlet 10 Newsနဲ့ ပြောကြားရာမှာ ရိုရီက ရှယ်လီကို ထားခဲ့ဖို့ပြောခဲ့ပေမယ့် ဘယ်မိခင်မှ ကိုယ့်သားသမီးကို မထားခဲ့နိုင်ကြောင်း၊ ရှယ်လီက လက်ကျိုးထားတာကြောင့် သူ့ကိုမခေါ်နိုင်ဖြစ်ခဲ့ကြောင်း၊ ဒီအတွက် မီးသတ်ဌာနဆီ သွားအကူအညီတောင်းခဲ့ပေမယ့် ရောက်လာချိန်မှာ အိမ်ကပြာကျသွားပြီဖြစ်ကြောင်း ပြောပြပါတယ်။

▪️ လော့စ်အိန်ဂျလိစ် နေရာအများအပြားမှာ တောမီးလောင်ကျွမ်းနေတာ ရက်သတ္တပတ်နီးပါး ရှိနေပြီး အခုအချိန်ထိ ၁၆ ဦးသေဆုံးထားပါတယ်။

#Source: WION

#World_Health
Published 13 January 2025

▪️ ဈေးကနေ ကြက်ဥဝယ်တဲ့အခါမှာ တစ်ခါတလေ ကြက်ဥကွဲနေတာမျိုး ဖြစ်တတ်ကြပါတယ်။

▪️ အမေရိကန်မှာဆိုရင် ငှက်တုပ်ကွေးကူးစက်မှုနှုန်း များနေပြီး ကြက်ဥတွေ ဈေးတက်နေတာကြောင့် နိုဝင်ဘာလက ထုတ်လုပ်မှု ၄ ရာခိုင်နှုန်း လျော့ကျသွားပါတယ်။

▪️ ကြက်မွေးမြူရေးကျွမ်းကျင်သူ လီဆာစတီးလ်က ကြက်ဥကတ်လိုက်ဝယ်တဲ့အခါ ကွဲနေတာမျိုးက ဘယ်အချိန်တည်းက ကွဲနေလဲဆိုတာ မသိတာကြောင့် အသုံးမပြုတော့ဘူးလို့ ပြောပါတယ်။

▪️ ကြက်ဥအခွံအောက်မှာ အမြှေးပါးတစ်ခုရှိပြီး ကြက်ဥထဲသို့ ဘက်တီးရီးယားများ မဝင်အောင် ကာကွယ်ပေးပါတယ်။

▪️ ချက်ခါနီးမှ မတော်တဆကွဲသွားတာမျိုး၊ အခွံသာကွဲပြီး အမြှေးပါး အကောင်းအတိုင်း ရှိနေတယ်ဆိုရင် ချက်လိုက်လို့ အဆင်ပြေပါတယ်။

▪️ ကြက်ဥကို ခွက်ထဲဖောက်ထည့်ပြီး လုံအောင်ဖုံးပိတ်ထားရင် ၂ ရက်အတွင်းအသုံးပြုနိုင်ပြီး အပူချိန် ၁၆၀ ဒီဂရီမှာ သေချာချက်ပြုတ်သင့်ပါတယ်။

▪️ ဒါပေမဲ့ အမြှေးပါးပါပြဲသွားတယ်ဆိုရင်တော့ စားသုံးရန် ဘေးမကင်းဘူးလို့ စတီးလ်က ပြောပါတယ်။

▪️ ဒါပေမဲ့ အခွံမှာပါတဲ့ ကယ်လ်စီယံကတော့ မြေကြီးအတွက် ကောင်းမွန်တယ်လို့ ဆိုပါတယ်။

▪️ ကြက်ဥအခွံကွဲအက်ရာကနေ ဘက်တီးရီးယားတွေ ဝင်နိုင်တာကြောင့် ဘယ်တော့မှ မဝယ်သင့်ဘူးလို့ အမေရိကန် စိုက်ပျိုးမွေးမြူရေးဌာနက ညွှန်ကြားထားပါတယ်။

▪️ အိုးထဲမှာပြုတ်ထားရင်း ကွဲသွားတဲ့ဥတွေကတော့ စိတ်ချရတယ်လို့ ဆိုပါတယ်။
ဘယ်လိုပဲဖြစ်ဖြစ် ကြက်ဥတွေကို သေချာချက်ပြုတ်သင့်တယ်လို့ အကြံပြုထားပါတယ်။

#Source: New York Post

#World_Science
Published 13 January 2025

▪️ ဗြိတိန်သုတေသီများက လွန်ခဲ့တဲ့နှစ်ပေါင်း ၁၆၆ သန်းခန့်က ဒိုင်နိုဆောခြေရာပေါင်း ၂၀၀ ခန့်ကို တူးဖော်တွေ့ရှိခဲ့ပြီး ယူကေမှာ အများဆုံးတွေ့ရှိဖူးတာ ဖြစ်မယ်လို့ ယုံကြည်နေကြပါတယ်။

▪️ အလုပ်သမားတစ်ဦးက တူးဖော်စက်ဖြင့် ရွှံ့ပြန်ဖုံးနေချိန်မှာ ထူးဆန်းတဲ့အဖုအထစ်တွေ တွေ့ပြီးနောက် အောက်စ်ဖို့ဒ်နဲ့ ဘာမင်ဂမ်တက္ကသိုလ်အဖွဲ့တို့က အင်္ဂလန်အလယ်ပိုင်း အောက်စ်ဖို့ဒ်ရှိုင်းယားမှာ အံ့အားသင့်ဖွယ် တွေ့ရှိခဲ့တာ ဖြစ်ပါတယ်။

▪️ ထိုနေရာမှာ လမ်းကြောင်း ၅ ခုတွေ့ရှိခဲ့ပြီး အရှည်ဆုံးလမ်းကြောင်းက မီတာ ၁၅၀ ကျော်ရှိပါတယ်။

▪️ ခြေရာလမ်းကြောင်း ၅ ခုထဲက ၄ ခုဟာ လည်ပင်းရှည် အရွက်စားဒိုင်နိုဆောတစ်ကောင်ကြောင့်လို့ ယူဆရပါတယ်။

▪️ ကျန်တဲ့ ၁ ခုကတော့ ခြေချောင်း ၃ ချောင်းပါ ၉ မီတာရှည်တဲ့ အသားစား မက်ဂလိုဆောရပ်စ် ဖြစ်နိုင်တယ်လို့ ဘာမင်ဂမ်တက္ကသိုလ်က ဆိုပါတယ်။

▪️ ဒီလောက်ခြေရာ အများကြီးကို တစ်နေရာတည်းမှာ တွေ့ရပြီး ခြေရာလမ်းကြောင်းတွေပါ တွေ့ရတာဟာ အလွန်ရှားပါးတယ်လို့ အောက်စ်ဖို့ဒ်တက္ကသိုလ်မှ အမ်မာနီကိုးလ်က AFPကို ပြောပါတယ်။

▪️ ဒီနေရာဟာ ကမ္ဘာပေါ်က ဒိုင်နိုဆောတွေ့ရှိရာ အကြီးဆုံးနေရာတွေထဲ ပါဝင်လာနိုင်တယ်လို့ ဆိုပါတယ်။

▪️ နောက်ဆုံးတွေ့ခဲ့တဲ့ ခြေရာတွေကို ဓာတ်ပုံ ၂ သောင်းလောက် ရိုက်ယူခဲ့ပြီး ဒရုန်းများဖြင့် ရိုက်ကူးထားတဲ့ ပုံတွေနဲ့ 3Dပုံစံ ဖန်တီးခဲ့ကြပါတယ်။

▪️ အချို့သော ရာသီဥတုကြောင့် ခြေရာတွေ ထိန်းသိမ်းကျန်ရစ်တာ ဖြစ်နိုင်တယ်လို့ ဘာမင်ဂမ်တက္ကသိုလ်မှ ဇီဝရုပ်ကြွင်းပညာရှင် ရစ်ချတ်ဘတ်တ်လာက ပြောပါတယ်။

▪️ မုန်တိုင်းကြောင့် ခြေရာတွေပေါ်မှာ အမှုန်တွေဖုံးသွားပြီး ကျန်ရှိနေတာမျိုး ဖြစ်နိုင်တယ်လို့ ဆိုပါတယ်။

▪️ ကျောက်မိုင်းလုပ်သား ဂယ်ရီဂျွန်ဆန်က ဒီခြေရာတွေကို ပထမဆုံးတွေ့ရှိတဲ့သူ ဖြစ်နိုင်ပြီး တကယ်ကို ဒဏ္ဍာရီဆန်တဲ့ ဖြစ်ရပ်လို့ ပြောသွားပါတယ်။

#Source: NDTV

၁၁ ဇန်နဝါရီ၊ ၂၀၂၅

ကုလသမဂ္ဂရဲ့ ရာသီဥတုဆိုင်ရာအေဂျင်စီဖြစ်တဲ့ ကမ္ဘာ့မိုးလေဝသအဖွဲ့အစည်းက ပြီးခဲ့တဲ့ ၂၀၂၄ခုနှစ်ဟာ ကမ္ဘာကြီးရဲ့ အပူနွေဆုံးနှစ်အဖြစ် စံချိန်ချိုးသွားခဲ့တယ်လို့ သောကြာနေ့က ကြေညာခဲ့ပါတယ်။

ကမ္ဘာကြီးဟာ ကမ္ဘာ့ပျမ်းမျှအပူချိန်ထက် ၁.၅၅ ဒီဂရီ ဆဲလ်ဆိယတ်စ် မြင့်တက်ခဲ့တာဖြစ်ပါတယ်။

#World_Health
Published 12 January 2025

▪️ ကိုယ်တွင်းဇီဝဟက်ကာ ဒေ့ဗ်အက်စ်ပရေးက ဆံပင်ကျွတ်ခြင်းကို သက်သာစေမယ့် လျှို့ဝှက်ချက် သိရှိထားပြီး အရေးကြီးဆုံးတစ်ခုက ဖိစီးမှုလျှော့ချဖို့ဖြစ်တယ်လို့ ပြောပါတယ်။

▪️ ကော်တီဆောလ်ဟော်မုန်းက ဆံပင်ပါးစေတာကြောင့် ဖိစီးမှုကို ထိန်းချုပ်ရမယ်လို့ Bulletproof တည်ထောင်သူက ပြောသွားပါတယ်။

▪️ နံနက်ပိုင်းမှာ ပါဝင်ပစ္စည်း ၂ မျိုးပါတဲ့ သောက်စရာသောက်ခြင်းဖြင့် သိသာလာနိုင်တယ်လို့ ဆိုပါတယ်။

▪️ သူ့ဇနီးဖြစ်သူဆိုရင် ဓမ္မတာသွေးဆုံးခါနီးအချိန်မှာ ဆံပင် ၃ ဆလောက်ထူလာပါတယ်။

▪️ ဘိုင်အိုတင် ပမာဏအများအပြား ပါဝင်ရမှာဖြစ်ပြီး ဂျင်ဆင်း၊ နနွင်းမြစ်၊ အက်ရှ်ဝါဂန်ဒါစတဲ့ ဆေးဖက်ဝင်ပင်များလည်း အကြံပြုထားပါတယ်။

▪️ နောက်ထပ်တစ်မျိုးက ဟိမဝန္တာပင်လယ်ဆားကို ရေထည့်ဖျော်ပြီး သောက်သုံးဖို့ ပြောထားပါတယ်။

▪️ ဘာကြောင့်လဲဆိုတော့ အယ်လ်ဒိုစတီရုန်းက သွေးပေါင်ချိန် ထိန်းသိမ်းရာမှာ ပါဝင်ပြီး ဆိုဒီယံ၊ ပိုတက်ဆီယံ၊ အရေးကြီး အီလက်ထရိုလိုက်တွေ ပါဝင်ပါတယ်။

▪️ နံနက်ပိုင်းမှာ ဆားအနည်းငယ် စားသုံးတဲ့အခါ ဖိစီးမှုလျော့ကျစေပြီး နေထိုင်လို့ကောင်းစေတယ်လို့ ဆိုပါတယ်။

▪️ ဆားက ကော်တီဆောလ်ပမာဏကို လျှော့ချပေးပြီး ရေဓာတ်ထိန်းသိမ်းခြင်း၊ အိပ်စက်ခြင်း၊ ကိုယ်အလေးချိန် လျော့ကျခြင်းတို့မှာ အကူအညီဖြစ်စေတယ်လို့ သုတေသနတွေ့ရှိထားပါတယ်။
ဒါပေမဲ့ ဆိုဒီယံ များလွန်းခြင်းရဲ့ ဘေးထွက်ဆိုးကျိုးတွေကိုလည်း သတိပြုမိဖို့လိုပါတယ်။

▪️ ဟိမဝန္တာဆားရည် သောက်သုံးခြင်းဖြင့် ဆိုဒီယံအပြင် အခြားသတ္တုဓာတ်တွေလည်း ရရှိနိုင်တယ်လို့ အာဟာရပညာရှင် ဂီလီယံကာလ်ဘတ်ဆန်က ပြောသွားပါတယ်။

▪️ သာမန်လူတစ်ယောက်အနေနဲ့ တစ်နေ့ကို ဆိုဒီယံ ၂၃၀၀ မီလီဂရမ်အောက် စားသုံးပေးဖို့လိုအပ်တယ်လို့ အကြံပြုထားပါတယ်။

▪️ ဒါ့အပြင် ဆားရည်က ဝမ်းချုပ်ခြင်းအတွက်လည်း ဆေးတစ်လက်အဖြစ် အသုံးပြုနိုင်ပါတယ်။

#Source: New York Post