#World_News
Published 16 October 2024

▪️ မြောက်ကိုရီးယားမှာ ယခုသီတင်းပတ်အတွင်း ကျောင်းသားများနဲ့ လူငယ်အသင်းအဖွဲ့ အရာရှိများ အပါအဝင် လူငယ်လူရွယ် ၁.၄ သန်းခန့် စစ်တပ်ထဲဝင်ရောက်ရန် လာရောက်လျှောက်ထားခဲ့တယ်လို့ မြောက်ကိုရီးယားနိုင်ငံပိုင် မီဒီယာက ဗုဒ္ဓဟူးနေ့မှာ ဖော်ပြခဲ့ပါတယ်။

▪️ လူငယ်တွေဟာ တော်လှန်ရေးစိတ်ဓာတ်ဖြင့် ရန်သူတွေကို ဖျက်ဆီးမယ့် စစ်ပွဲကြီးမှာ ပါဝင်ရန် စိတ်ပိုင်းဖြတ်ထားကြတယ်လို့ KCNA သတင်းဌာနက ဖော်ပြထားပါတယ်။

▪️ ကိုရီးယားကျွန်းဆွယ်တဝိုက် တင်းမာမှုမြင့်တက်နေတဲ့ကာလမှာ မြောက်ကိုရီးယားစစ်တပ်ထဲ ဝင်ရောက်ရန် စာရင်းပေးသွင်းတဲ့ လူငယ်ပေါင်း ၂ ရက်အတွင်း ၁ သန်းကျော်ရှိထားတယ်လို့ သိရပါတယ်။

▪️ ယမန်နှစ်ကလည်း မြောက်ကိုရီးယားဟာ အမေရိကန်ကို တိုက်ခိုက်မယ့် စစ်တပ်ထဲ ဝင်ရောက်ရန် ဆန္ဒအလျောက်ဝင်ရောက်လာသူတွေ ရှိခဲ့တယ်လို့ မီဒီယာက ဖော်ပြဖူးပါတယ်။

▪️ မြောက်ကိုရီးယားဟာ အင်္ဂါနေ့က ကိုရီးယား ၂ နိုင်ငံကြား အခိုင်အမာချထားတဲ့ နယ်စပ်အနီး ယင်းတို့ဘက်ခြမ်းရှိ နှစ်နိုင်ငံဆက်သွယ် လမ်းမကြီးများနဲ့ ရထားလမ်းများကို ဖောက်ခွဲခဲ့တာကြောင့် တောင်ကိုရီးယားဘက်က သတိပေးပစ်ဖောက်ခဲ့ရပါသေးတယ်။

▪️ တောင်ကိုရီးယားဘက်ကနေ မြောက်ကိုရီးယားမြို့တော်ဘက်သို့ ဒရုန်းများ လွှတ်နေတယ်လို့ မြောက်က စွပ်စွဲထားပြီး မေလကတည်းကလည်း မြောက်ကနေ လွှတ်တင်နေတဲ့ အမှိုက်ပူဖောင်းများကြောင့် အတိုက်အခံ ဖြစ်နေကြပါတယ်။

▪️ ပူဖောင်းများလွှတ်တင်ရတာဟာ တောင်ဘက်က မြောက်ဆန့်ကျင်ရေး လှုပ်ရှားမှုများကို တုန့်ပြန်တာဖြစ်တယ်လို့ မြောက်ကိုရီးယားက ဆိုပါတယ်။

▪️ စစ်ပွဲဖြစ်ပြီဆိုရင် တောင်ကိုရီးယားနိုင်ငံ ပျက်သုဉ်းသွားမှာဖြစ်တယ်လို့ KCNA က ဖော်ပြထားပါတယ်။

#Source: Reuters

#World_Health
Published 16 October 2024

▪️ တိကျတဲ့ သွေးပေါင်ချိန်တိုင်းတာမှု ရရှိဖို့ဆိုတာ တိုင်းတာတဲ့ ပုံစံအနေအထားပေါ် မူတည်ပြီး အများစုက လွဲမှားနေကြတယ်လို့ ဂျွန်ဟော့ပ်ကင်းစ်ဆေးဘက်ဆိုင်ရာမှ သုတေသီများ ဆိုပါတယ်။

▪️ သုတေသီများက လူ ၁၃၃ ယောက်ရဲ့ လက်တွေကို ပေါင်ပေါ်ထားခြင်း၊ စားပွဲပေါ်တင်ခြင်း၊ ဘေးမှာလက်ချထားခြင်း ပုံစံ ၃ မျိုးဖြင့် သွေးပေါင်ချိန်များ တိုင်းတာပြီး နှိုင်းယှဉ်ခဲ့ကြပါတယ်။

▪️ အချို့သော ပုံစံဖြင့်တိုင်းတာခြင်းက အပေါ်သွေး ပိုများစေတယ်လို့ တွေ့ရှိထားကြပါတယ်။

▪️ လက်ကိုဘေးမှာချပြီး တိုင်းတာတဲ့အခါ အပေါ်သွေး ၆.၅ မှတ်၊ အောက်သွေး ၄.၄ မှတ် ပိုများစေတယ်လို့ တွေ့ခဲ့ကြပါတယ်။

▪️ လက်ကို မ'ထားပေးတဲ့ ပုံစံမှာတော့ အပေါ်သွေး ၃.၉ မှတ်၊ အောက်သွေး ၄ မှတ် ပိုများခဲ့ပါတယ်။

▪️ သွေးပေါင်ချိန်ရလဒ် မှားယွင်းတာတွေကြောင့် သွေးတိုးရောဂါအထင်နဲ့ မလိုလားအပ်တဲ့ ဆေးဝါးတွေ သောက်မိပြီး ဘေးထွက်ဆိုးကျိုး ဖြစ်မှာကို ဒေါက်တာ တမ်မီဘရက်ဒီက စိုးရိမ်နေပါတယ်။

▪️ အမေရိကန် ရောဂါထိန်းချုပ် ကာကွယ်ရေးဌာနရဲ့ ခန့်မှန်းချက်အရ အမေရိကန်မှာ သွေးပေါင်ချိန်ထိန်းဆေး အသုံးပြုနေရသူ ၆၁.၉ သန်းခန့် ရှိနေပါတယ်။

▪️ အမေရိကန် နှလုံးအဖွဲ့အစည်းမှ အကြံပြုချက်ကတော့ ကြမ်းပြင်မှာ ခြေဖျားချ၊ ကျောမှာအမှီထား၊ လက်တွေကို တစ်ခုခုပေါ်တင်ထားကာ နှလုံးအလယ်နဲ့ တတန်းတည်း အနေအထားမှာ သွေးပေါင်ချိန်တိုင်း လက်ပတ်ကို ပတ်ရမှာ ဖြစ်ပါတယ်။

▪️ မတိုင်းတာခင် မိနစ် ၃၀ ခန့်အလိုမှာ ဆေးလိပ်၊ ကော်ဖီ၊ လေ့ကျင့်ခန်းလုပ်ခြင်းတို့ ရှောင်ရှားဖို့လည်း တိုက်တွန်းပါတယ်။

▪️ အပေါ်သွေး ၁၂၀ အောက်၊ အောက်သွေး ၈၀ အောက်ဆိုရင် သွေးပေါင်ချိန်ပုံမှန်လို့ သတ်မှတ်ပါတယ်။

▪️ တိုင်းတာတဲ့ ပုံစံအပြင် လက်ပတ်အရွယ်အစားကလည်း တိကျမှုကို သက်ရောက်နေပါတယ်။

▪️ သွေးပေါင်ချိန်များတဲ့ သူတွေအနေနဲ့ လေ့ကျင့်ခန်း မှန်မှန်ပြုလုပ်ခြင်း၊ အာဟာရမျှတစွာ စားသောက်ခြင်း၊ ကိုယ်အလေးချိန် ထိန်းသိမ်းခြင်း၊ ဆေးလိပ်ဖြတ်ခြင်းတို့ ပြုလုပ်ဖို့ အကြံပေးထားပါတယ်။

#Source: New York Post

#World_Health
Published 16 October 2024

▪️ ၂၀၂၃ ကျန်းမာရေးစောင့်ရှောက်မှု အရည်အသွေး ဖော်ပြချက်အရ လူတွေဟာ အိပ်ဆေးနဲ့ စိတ်ကျရောဂါထိန်း ဆေးဝါးများ အသုံးများလာခြင်း၊ အဝလွန်ခြင်း ဆေးလိပ်သောက်ခြင်း အဖြစ်များလာခြင်း၊ ရင်သားကင်ဆာ စစ်ဆေးမှု လျော့နည်းလာခြင်းတို့ တွေ့ရှိလာရပါတယ်။

▪️ အစ္စရေးလ်မှာဆိုရင် ဖြစ်ပွားနေတဲ့ စစ်ကြောင့် စိတ်ကျန်းမာရေး အခြေအနေကိုလည်း သက်ရောက်နေပါတယ်။

▪️ အထူးသဖြင့် တဲလ်အေဗစ်နဲ့ ရာမတ်ဂန်တို့လို့ မြို့ကြီးတွေမှာ အဖြစ်များလာကြပြီး အထက်တန်းစား လူတန်းစားများမှာ အိပ်ဆေး၊ စိတ်ကျသက်သာဆေးများ ပိုမိုအသုံးပြုလာရပါတယ်။

▪️ ၂၀၂၃ အတွင်း အသက် ၁၄ နှစ်မှ ၁၅ နှစ်ကြား လူငယ်တွေမှာ အဝလွန်မှုနှုန်းက ၁၂.၈ ကနေ ၁၃.၂ ရာခိုင်နှုန်း မြင့်တက်လာပါတယ်။

▪️ အစ္စရေးလ်လူကြီးတွေမှာလည်း လူဦးရေ ၅၀ ရာခိုင်နှုန်းလောက်က အဝလွန်တဲ့ အခြေအနေ ဖြစ်နေပါတယ်။

▪️ ဒါ့အပြင် ဆီးချိုဖြစ်ပွားနှုန်းလည်း မြင့်တက်လာကာ အသက်အန္တရာယ်ပါ ပိုများလာပါတယ်။

▪️ ဆေးလိပ်သောက်နှုန်းကလည်း ၂၀၂၁ ကထက်စာရင် ၀.၁ ရာခိုင်နှုန်း ပိုများလာကာ အခြေအနေမြင့် အမျိုးသားများထက် အခြေခံလူတန်းစား အမျိုးသားများက ဆေးလိပ်သောက်နှုန်း နှစ်ဆလောက် ပိုများပါတယ်။

▪️ အမျိုးသမီးတွေမှာတော့ ပြောင်းပြန်ဖြစ်နေပြီး လူမှုအဆင့်အတန်း မြင့်မားသူတွေက ဆေးလိပ်သောက်နှုန်း ပိုများနေပါတယ်။

▪️ ရင်သားကင်ဆာ စစ်ဆေးမှုကလည်း ၂၀၂၃ မှာ ၇၀.၅ ရာခိုင်နှုန်းသာ ရှိခဲ့ကာ ၂၀၂၂ တုန်းက ၇၁.၈ ရာခိုင်နှုန်း ရှိခဲ့ပါတယ်။

▪️ အထူးသဖြင့် လူမှုအဆင့်အတန်းနိမ့်ပါးတဲ့ အမျိုးသမီးတွေမှာ ၆၃.၄ ရာခိုင်နှုန်းသာ ရှိပါတယ်။

▪️ ပဋိဇီဝပိုးသတ်ဆေး အသုံးပြုမှုက လူ ၁၀၀၀ မှာ ၇၅၄ ကြိမ် ဆေးညွှန်းခဲ့ရကာ ၂၀၂၁ ခုနှစ်က ၆၇၄ သာ ရှိခဲ့ပါတယ်။

▪️ သက်ကြီးရွယ်အိုတွေကြား တုပ်ကွေးကာကွယ်ဆေး ထိုးနှုန်းကတော့ သိသိသာသာ ကျဆင်းလာကာ ၂၀၂၃ မှာ အသက် ၆၅ နှစ်အထက် ကာကွယ်ဆေးထိုးနှုန်းက ၅၄.၁ ရာခိုင်နှုန်းသာ ရှိပါတယ်။

▪️ ဒီလိုတွေ့ရှိချက်တွေဟာ စစ်ပွဲဖြစ်ပွားခြင်းရဲ့ သက်ရောက်မှုတွေဖြစ်ကြောင်း၊ ၂၀၂၄ မှာ ပြည်သူ့ကျန်းမာရေးစနစ် ပိုမိုထိခိုက်နိုင်ဖွယ်ရှိကြောင်း အမျိုးသားကျန်းမာရေး မူဝါဒဆိုင်ရာ အဖွဲ့အစည်းဥက္ကဌ ပရော်ဖက်ဆာ နက်ခ်မန်းအက်ရှ်က ပြောသွားပါတယ်။

#Source: The Jerusalem Post

မက္ကဆီကိုစီးတီးမှာ ဆယ်စုနှစ်များအတွင်း အဆိုးရွားဆုံး မိုးခေါင်ရေရှားမှု ခံစားရသဖြင့် ဒေသတွင်းရေလှောင်ကန်များ စံချိန်တင် ရေနည်းနေရာ ပြည်သူများ လနဲ့ကြာအောင် ရေပြတ်လပ်မှုဒဏ်ကို အပြင်းအထန်ခံစားနေရပါတယ်။
#World_Disaster
Published 15 October 2024
#မက္ကဆီကိုစီးတီး #မိုးခေါင်ရေရှားမှုပြဿနာ
#YMG #Yangon_Times #Yangon_Media_Group

#Daily_News
Published 15 October 2024

၁။ သီတင်းကျွတ်လက်ဆောင် ကျောက်စီပန်းချီကားများအော်ဒါအမှာများနေ

၂။ ‌ခြောက်လတာအတွင်း မြန်မာ့ဆန်နှင့်ဆန်ကွဲ တန်ချိန်ကိုးသိန်းကျော်တင်ပို့ထား

၃။ သီတင်းကျွတ်ရောင်စုံမီးပုံးလေးများဖြင့် အလှဆင်ထားသည့် YBS 133 ယာဉ်စောင့်ဆိုင်းစီးသူများနေ

၄။ မက္ကဆီကိုစီးတီးတွင် မိုးခေါင်ရေရှားမှုပြဿနာအလွန်ဆိုးရွားလျက်ရှိ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_Health
Published 15 October 2024

▪️ သွားနှင့်ခံတွင်း ကျန်းမာရေးကို ထိန်းသိမ်းရာမှာ သွားတိုက်ခြင်း၊ သွားကြားထိုးခြင်းတို့အပြင် အစားအစာနဲ့လည်း ပတ်သက်နေပါတယ်။

▪️ အချို့သော အသီးအနှံတွေဟာ ခံတွင်းသန့်ရှင်းရေးကို အားပေးတဲ့အပြင် ဗိုက်တာမင်နဲ့ သတ္တုဓာတ်များလည်း ပေးစွမ်းနိုင်ပါတယ်။

(၁) ပန်းသီး
▪️ သဘာဝသွားတိုက်တံလို့လည်း ခေါ်ဝေါ်ကြတဲ့ ပန်းသီးဟာ သွားဖုံးနဲ့သွားတွေကို ထိရောက်စွာ လှုံ့ဆော်ပေးပါတယ်။

▪️ တံတွေးထုတ်လုပ်မှုကို လှုံ့ဆော်ပေးပြီး စားကြွင်းစားကျန်တွေနဲ့ အန္တရာယ်ပြု ဘက်တီးရီးယားများကို ဖယ်ရှားပေးပါတယ်။

▪️ မယ်လစ်အက်ဆစ်က သွားအစွန်းချေးတွေကို ဖယ်ရှားပေးပြီး သဘာဝအတိုင်း သန့်စင်ပေးပါတယ်။

(၂) စတော်ဘယ်ရီ
▪️ ဗိုက်တာမင်စီက ကော်လာဂျင်ထုတ်လုပ်မှုကို အား‌ပေးပြီး သွားဖုံးကျန်းမာရေးကို ကောင်းမွန်စေပါတယ်။

▪️ သွားဖုံးနဲ့ သွားတွေကို ရောဂါကူးစက်ခြင်းမှ ကာကွယ်ပေးပြီး ဖြူစင်ပေးပါတယ်။

▪️ ဓာတ်တိုးဆန့်ကျင်ပစ္စည်းများလည်း ပါဝင်ပြီး သဘာဝအတိုင်း သွားတွေကို ဖြူစေပါတယ်။

(၃) ကီဝီသီး
▪️ သူ့မှာလည်း ဗိုက်တာမင်-စီ ပါဝင်တာကြောင့် သွားဖုံးကျန်းမာရေးကို ထောက်ပံ့ပေးပြီး သွားဖုံးရောင်ခြင်းမှ ကာကွယ်ပေးပါတယ်။

▪️ သွားဖုံးသွေးယိုခြင်းကို ကာကွယ်ပေးပြီး ခံတွင်းကြံ့ခိုင်သန်စွမ်းစေပါတယ်။

(၄) လိမ္မော်သီး
▪️ ဗိုက်တာမင်-စီ ကြွယ်ဝတာကြောင့် သွားဖုံးများသန်မာစေကာ ရောဂါကူးစက်မှုများမှ ကာကွယ်ပေးပါတယ်။

▪️ သွေးကြောများနဲ့ တွယ်ဆက်တစ်ရှူးများကို သန်မာစေကာ ရောင်ရမ်းခြင်းကို လျှော့ချပေးပြီး ပိုးသန့်စင်ပေးပါတယ်။

(၅) နာနတ်သီး
▪️ အစွန်းချွတ်ပြီး သွားချေးတွေကို ဖယ်ရှားပေးတဲ့ သဘာဝအင်ဇိုင်းမ် ပါဝင်ပါတယ်။

▪️ ဘက်တီးရီးယားများ ပေါက်ဖွားမှုကို ကာကွယ်ပေးပြီး ရောင်ရမ်းမှုများကို လျှော့ချပေးပါတယ်။

▪️ အသီးအနှံများက အာနိသင်ပေးတယ်ဆိုပေမယ့် ခံတွင်းသန့်ရှင်းရေးကို လက်တွေ့ကျကျ ကျင့်သုံးဖို့ကလည်း အရေးပါနေပါတယ်။

#Source: DoctorNDTV