နယူးယောက်/ဝါရှင်တန်၊ ဖေဖော်ဝါရီ ၁ (ရိုက်တာ) - အမေရိကန်ပြည်ထောင်စုသည် ယူကရိန်းတွင် ရွေးကောက်ပွဲများ ကျင်းပရန် လိုလားကြောင်း၊ အထူးသဖြင့် လာမည့်လများအတွင်း ကိဗ္သည် ရုရှားနှင့် စစ်ပြေငြိမ်းရေး သဘောတူညီမှုရရှိပါက ယခုနှစ်ကုန်ပိုင်းတွင် ရွေးကောက်ပွဲများ ကျင်းပရန် ဖြစ်နိုင်ကြောင်း သမ္မတ ဒေါ်နယ်ထရမ့်၏ ယူကရိန်းနှင့် ရုရှားဆိုင်ရာ အထူးသံမန် Keith Kellogg က ရိုက်တာသို့ ပြောကြားခဲ့သည်။
Kellogg က ရုရှားနှင့် စစ်ဖြစ်နေစဉ်အတွင်း ရွေးကောက်ပွဲများ ဆိုင်းငံ့ထားရသည့် ယူကရိန်း၏ သမ္မတနှင့် ပါလီမန်ရွေးကောက်ပွဲများကို "ကျင်းပဖို့လိုသည်" ဟု ပြောကြားခဲ့သည်။
"ဒီမိုကရေစီနိုင်ငံအများစုသည် စစ်ကာလအတွင်း ရွေးကောက်ပွဲများ ကျင်းပကြပါတယ်။အဲဒါကြောင့် သူတို့အနေနှင့်လည်း ကျင်းပသင့်တယ်လို့ ကျွန်တော်ထင်ပါတယ်" ဟု Kellogg က ပြောကြားခဲ့သည်။ "ဒါဟာ ဒီမိုကရေစီအတွက် ကောင်းတယ်လို့ ကျွန်တော်ထင်ပါတယ်။ ဒါဟာ ခိုင်မာတဲ့ ဒီမိုကရေစီရဲ့ အလှတရားပါပဲ၊ ခင်ဗျားတို့ဆီမှာ သမ္မတလောင်း တစ်ယောက်ထက် ပိုများပါတယ်” ဟုသူကပြောသည်။
ထရမ့်နှင့် Kellogg တို့သည် ၂၀၂၂ ခုနှစ် ဖေဖော်ဝါရီလတွင် စတင်ခဲ့သည့် စစ်ပွဲကို အဆုံးသတ်ရန် သမ္မတသစ်၏ ပထမလများအတွင်း သဘောတူညီမှုရရှိရေး စီစဉ်နေကြောင်း နှစ်ဦးစလုံးက ပြောကြားခဲ့သည်။
သူတို့က ဒုတိယကမ္ဘာစစ်အပြီး ဥရောပတွင် အသေအပျောက်အများဆုံး ပဋိပက္ခကို အဆုံးသတ်ရန် ယင်းတို့၏ မဟာဗျူဟာအကြောင်း အသေးစိတ်အချက်အလက်များကို မဖော်ပြခဲ့သလို၊ မည်သည့်အချိန်တွင် ထိုအစီအစဉ်ကို ထုတ်ပြန်မည်ကိုလည်း မပြောကြားခဲ့ပါ။
ထရမ့်အစီအစဉ်သည် လက်ရှိတွင် ပြောင်းလဲနေဆဲဖြစ်ပြီး မူဝါဒဆိုင်ရာ မဆုံးဖြတ်ရသေးသော်လည်း Kellogg နှင့် အခြားအိမ်ဖြူတော်အရာရှိများသည် လွန်ခဲ့သည့် ရက်အနည်းငယ်အတွင်း ရုရှားနှင့် စစ်ပြေငြိမ်းရေးသဘောတူညီမှု၏ အစိတ်အပိုင်းအဖြစ် ရွေးကောက်ပွဲများ ကျင်းပရေး ယူကရိန်း အနေနှင့်သဘောတူဖို့ တွန်းအားပေးရန် ဆွေးနွေးခဲ့ကြောင်း ထိုဆွေးနွေးပွဲများကို သိရှိသူ နှစ်ဦးနှင့် ရွေးကောက်ပွဲအဆိုပြုချက်နှင့် ပတ်သက်၍ အကျဉ်းရုံးသိထားသည့် အမေရိကန် အရာရှိ ဟောင်းတစ်ဦးက ပြောကြားခဲ့သည်။
ထရမ့်အစိုးရ ပတ်သက်သည့် ဆွေးနွေးပွဲများနှင့်နီးစပ်သူ နှစ်ဦးက ထရမ့် အရာရှိများသည် ပိုမိုတည်တံ့သည့် သဘောတူညီမှုမရရှိခင် ပထမဆုံး စစ်ပြေငြိမ်းရေးကို တွန်းအားပေးရန် သင့်မသင့် ဆွေးနွေးနေကြောင်း ပြောကြားခဲ့သည်။ ယူကရိန်းတွင် သမ္မတရွေးကောက်ပွဲ ကျင်းပပါက၊ အနိုင်ရသူသည် မော်စကိုနှင့် ရေရှည်သဘောတူညီမှုများ ညှိနှိုင်းရန် တာဝန်ရှိလာမည်ဟုလည်း သူတို့က ဆိုသည်။
ထရမ့်အဆိုပြုချက်ကို ကိဗ်တွင် မည်သို့လက်ခံမည်ကို မသိရသေးပါ။ သမ္မတ Volodymyr Zelenskiy က ယခုနှစ်အတွင်း စစ်ပွဲပြီးဆုံးပြီး ရုရှား၏ ပြန်လည်တိုက်ခိုက်မှုများကို တားဆီးရန် ခိုင်မာသည့် လုံခြုံရေး အာမခံချက်များ ရှိပါက ယူကရိန်းတွင် ရွေးကောက်ပွဲများ ကျင်းပနိုင်ကြောင်း ပြောကြားခဲ့သည်။
ကိဗ်၏ အကြီးတန်းအကြံပေးနှင့် ယူကရိန်းအစိုးရမှ သတင်းအရင်းအမြစ်တစ်ဦးက ထရမ့်အုပ်ချုပ်ရေးသည် ယခုနှစ်ကုန်ပိုင်းတွင် သမ္မတရွေးကောက်ပွဲ ကျင်းပရန် ယူကရိန်းအား တရားဝင်တောင်းဆိုမှု မပြုရသေးကြောင်း ပြောကြားခဲ့သည်။
Source Reuters
#World_Health
Published 02 February 2025
▪️ အိန္ဒိယမှာ သွေးကင်ဆာ နောက်ပိုင်းအဆင့် ဒါမှမဟုတ် ပြန်လည်ဖြစ်ပွားခြင်း ခံစားနေရသူတွေအတွက် သက်ရှိဆေးတစ်မျိုးကို အသိအမှတ်ပြုလိုက်ပါတယ်။
▪️ Immuneel Therapeuticsဆိုတဲ့ ဘိုင်အိုတက်ခ်ကုမ္ပဏီက B-NHLလူနာတွေအတွက် CAR-T ဆဲလ်ကုထုံးဖြစ်တဲ့ Qartemiကို စတင်ထုတ်လုပ်လိုက်ကြပါတယ်။
▪️ ဒါဟာ ImmunoActမှ ထုတ်လုပ်တဲ့ NexCAR19ကို ဗဟိုဆေးဝါးစံနှုန်းထိန်းချုပ်ရေးအဖွဲ့ (CDSCO)က အသိအမှတ်ပြုပြီးနောက် အိန္ဒိယမှာ ဒုတိယမြောက် အသိအမှတ်ပြုခံရတဲ့ CAR-Tဆဲလ်ကုထုံး ဖြစ်လာပါတယ်။
▪️ သက်ရှိဆေးဆိုတာက သာမန်ဓာတုဆေးတွေနဲ့ ကွဲပြားပြီး ဆဲလ်တွေကနေ ပြုလုပ်ထားကာ ရောဂါခုခံတုန့်ပြန်မှုကို ကြာရှည်စေပါတယ်။
▪️ ဒီဆေးတွေက လူနာထံမှ ထုတ်ယူပြီး ပြုပြင်ပြောင်းလဲကာ ပြန်ထည့်သွင်းရတဲ့ ဆဲလ်ကုထုံးဖြစ်ပါတယ်။
▪️ လူနာတွေရဲ့ Tဆဲလ်များဖြင့် ကင်ဆာဆဲလ်တွေကို တိုက်ခိုက်အောင် မျိုးဗီဇအရ ပြုပြင်တဲ့နည်းလမ်း ဖြစ်ပါတယ်။
▪️ အိန္ဒိယမှာ သွေးကင်ဆာ အဖြစ်များလာကြပြီး နှစ်စဉ်ရောဂါဖြစ်ပွားသူ ၁၂၀၀၀၀ ခန့်နဲ့ သေဆုံးသူ ၇ သောင်းကျော် ရှိနေပါတယ်။
▪️ သာမန်ကုထုံးတွေနဲ့ အလုပ်မဖြစ်တဲ့သူတွေမှာ Qartemiက မျှော်လင့်ချက် ဖြစ်လာနိုင်ပါတယ်။
▪️ Qartemiက နိုင်ငံတကာက ကုထုံးတွေနဲ့ယှဉ်ရင် သိသာစွာ တတ်နိုင်ပြီး ကမ္ဘာ့စံချိန်စံနှုန်းများအတိုင်း ပြည်တွင်းမှာ ထုတ်လုပ်နိုင်တဲ့အတွက် ဂုဏ်ယူရကြောင်း Immuneel Therapeutics စီအီးအို အေမစ်မူကင်က ပြောပါတယ်။
▪️ ဒီကုထုံးက ၃၅ ရူပီးနဲ့ ၅၀ ရူပီးကြားသာ ကျသင့်မှာဖြစ်ပြီး တခြားနည်းလမ်းတွေထက် များစွာသက်သာနေပါတယ်။
▪️ IMAGINEလို့ခေါ်တဲ့ စမ်းသပ်ချက်တွေကို ဆေးရုံကြီး ၃ ခုမှာ ပြုလုပ်ခဲ့ရာမှာ ဘေးကင်းစိတ်ချရတယ်လို့ တွေ့ရှိခဲ့ပါတယ်။
▪️ ဒုတိယအဆင့် စမ်းသပ်ချက်မှာ တုံ့ပြန်မှုနှုန်းက ၈၃.၃ ရာခိုင်နှုန်းရှိထားပါတယ်။
#Source: India Today
#World_Health
Published 2 February 2025
▪️ အမေရိကန် ဖလော်ရီဒါမှ လူတစ်ယောက်ဟာ တမ်ပါဆေးရုံသို့ လာရောက်စဉ် သွေးကြောတွေထဲကနေ ကိုလက်စ်ထရောလ်အဆီများ စိမ့်ထွက်လာပါတယ်။
သူ့ရဲ့ လက်၊ ခြေဖဝါး၊ တံတောင်တို့မှာ အချိန် ၃ ပတ်ကြာအောင် အဝါရောင်အဆီတွေ ထွက်နေတာ ဖြစ်ပါတယ်။
▪️ အသက် ၄၀ ဝန်းကျင်အရွယ် ထိုလူက အခုလို အဆီတွေ ထွက်မလာခင် ၈ လအလိုလောက်ကစပြီး အသားစားပုံစံ ကျင့်သုံးခဲ့တယ်လို့ ဆရာဝန်တွေကို ပြောပြပါတယ်။
▪️ ဒီစားသောက်ပုံစံက ကိုယ်အလေးချိန် လျင်မြန်စွာကျစေတယ်လို့ ဆိုနေကြပြီး အသား၊ ငါး၊ ကြက်ဥနဲ့ နို့ထွက်ပစ္စည်းတွေသာ စားသုံးရပါတယ်။
▪️ နေ့စဉ်လိုအပ်တဲ့ ကယ်လိုရီရဲ့ ၇၀ မှ ၇၅ ရာခိုင်နှုန်းအထိက အဆီကနေရပြီး ပရိုတိန်းကနေ ၂၀ ရာခိုင်နှုန်း၊ ကာဗိုဟိုက်ဒရိတ်ကနေ ၁၀ ရာခိုင်နှုန်းအောက် ရရှိသင့်ပါတယ်။
▪️ ထိုပုံစံထဲမှာ အသီးအနှံ၊ ဟင်းရွက်၊ ပဲအမျိုးမျိုး၊ ပြောင်း ဆန်၊ အခွံမာသီး၊ အစေ့အဆန်တို့ မပါဝင်ဘူး။
▪️ သူနေ့စဉ်စားသုံးတဲ့အထဲမှာ ချိစ်၊ ထောပတ်၊ ဘာဂါစသဖြင့် အဆီပိုတွေပါဝင်တဲ့ အစားအစာတွေ ပါဝင်ပါတယ်။
▪️ ဒီလိုမျိုး စားသုံးတဲ့အချိန်မှာ သူ့အလေးချိန် ကျဆင်းသွားပြီး စွမ်းအားပမာဏ မြင့်မားတယ်လို့ ဆိုပါတယ်။
▪️ သူ့ရဲ့ ကိုလက်စ်ထရောလ် ပမာဏကတော့ သာမန်ရှိသင့်တဲ့ ၂၀၀ မီလီဂရမ်ပါဒက်ဆီလီတာထက် ကျော်လွန်ကာ ၁၀၀၀ မီလီဂရမ်ထက် ပိုများနေပါတယ်။
▪️ သွေးကြောတွေကနေ အဆီတွေစိမ့်ထွက်ပြီး အဆီခဲတွေ ဖြစ်ပေါ်တယ်လို့ ရောဂါရှာဖွေတွေ့ရှိခဲ့ပါတယ်။
▪️ သာမန်ဆိုရင် သွေးဖြူဥဆဲလ်တွေက ဒီအဆီတွေကို ခြေဖျက်သွားပေမယ့် အဆီများလွန်းတဲ့အခါမှာတော့ သွေးကြောတွေထဲကနေပါ ထွက်လာတာ ဖြစ်ပါတယ်။
▪️ အသားစားပုံစံ ကြာမြင့်စွာ ကျင့်သုံးခြင်းဖြင့် ကျောက်တည်ခြင်း၊ အဆစ်အမြစ်ရောင်ရောဂါ၊ အရိုးပွရောဂါတို့ ဖြစ်စေနိုင်ကာ ပရိုတိန်းများပြားလွန်းပါက ကျောက်ကပ်လုပ်ဆောင်ချက် ချို့ယွင်းသည်အထိ ဖြစ်စေနိုင်ပါတယ်။
#Source: India Today
၃၁ ဇန်နဝါရီ ၂၀၂၅ ၃၀ ဇန်နဝါရီ
China Media Group CMG ၏ တရုတ်နှစ်သစ်ကူး ညချမ်းပဒေသာဖျော်ဖြေပွဲကို ကမ္ဘာအနှံ့သို့ တိုက်ရိုက်ထုတ်လွှင့်ပြသတင်ဆက်ခဲ့ရာ ယင်းတို့ကို CCTVမှ ပေးပို့လာသဖြင့် ဒုတိယပိုင်းအဖြစ် ဖော်ပြပေးအပ်ပါတယ်။
Source CCTV+
#Daily_News
Published 1 February 2025
၁။ သီလဝါအိမ်ရာနှင့် ကနောင်အိမ်ရာအခန်းများအတွက် ယာယီနေထိုင်ခွင့် ထုတ်ပေးမည်
၂။ သွင်းကုန်လုပ်ငန်းရှင်များအတွက် ယွမ် ၁၀သန်းရောင်းပေးမည်
၃။ မိုးယွန်းကြီးနှင့်အင်းတော်ကြီး၌ ဆောင်းခိုငှက် ငါးသောင်းကျော်ဝင်ရောက်
၄။ ထရမ့်၏မူဝါဒကြောင့် ရေနံစိမ်းတင်ပို့ခြင်းအပေါ်တိုင်းပြည်စီးပွားရေးအဓိကမှီခိုနေရခြင်းကို လျှော့ချသွားရန် နိုင်ဂျီးရီးယားအစိုးရတိုက်တွန်း ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
အမေရိကန်အစိုးရမှ စွမ်းအင်လောင်စာကဏ္ဍ ပြောင်းလဲမှုတစ်ခုရဲ့ သက်ရောက်မှုကို လျှော့ချနိုင်ရန် နိုင်ဂျီးရီးယားအစိုးရအနေနဲ့ ရေနံစိမ်းကို တိုင်းပြည်ဝင်ငွေအဖြစ် အဓိကမှီခိုနေရခြင်းအပေါ် လျှော့ချသွားဖို့ စီးပွားရေးပညာရှင်များ တိုက်တွန်းလိုက်ပါတယ်။
#World_Business
Published 1 February 2025
#နိုင်ဂျီးရီးယားအစိုးရ #ထရမ့်၏မူဝါဒ
#YMG #Yangon_Times #Yangon_Media_Group
#World_News
Published 01 February 2025
▪️ ဒေါ်နယ်ထရမ့် အစိုးရအဖွဲ့က ဇန်နဝါရီ ၆ ရက်နေ့ ရာဇဝတ်မှုစုံစမ်းစစ်ဆေးခြင်းတွေမှာ ပါဝင်ပတ်သက်ခဲ့တဲ့ အစိုးရရှေ့နေအဖွဲ့ကို သောကြာနေ့က အလုပ်ထုတ်ပယ်လိုက်ပြီး ထိုကိစ္စတွေမှာ ပါဝင်ခဲ့တဲ့ FBIအေးဂျင့်တွေကိုလည်း ထုတ်ပယ်နိုင်အောင် အမည်များအလိုရှိနေပါတယ်။
▪️ ဒါဟာ ဖက်ဒရယ် ဥပဒေစိုးမိုးရေးအပေါ် ထိန်းချုပ်သွားလိုတဲ့ အိမ်ဖြူတော်ရဲ့ သဘောထားကို မြင်တွေ့နေရပြီး လုံလောက်စွာ သစ္စာမစောင့်သိဘူးလို့ ယူဆရတဲ့ အေဂျင်စီတွေကို ဖယ်ရှားသွားမယ့် လှုပ်ရှားမှုတွေ ဖြစ်ပါတယ်။
▪️ အမေရိကန် ကပ်ပီတိုလ်တိုက်ခိုက်မှုမှာ ပါဝင်တဲ့လူ ၁၅၀၀ ကျော်ကို ဒေါ်နယ်ထရမ့်မှ လွတ်ငြိမ်းခွင့်ပေးပြီး ရက်ပိုင်းအကြာမှာပဲ ယာယီလက်ထောက်ရှေ့နေချုပ် အီမီလ်ဘို့ဗ်က ဇန်နဝါရီ ၆ ရက်နေ့ကိစ္စမှ ရှေ့နေများကို ရာထူးမှထုတ်ပယ်ရန် ညွှန်ကြားလိုက်ပါတယ်။
▪️ ဝါရှင်တန်ရှိ အမေရိကန်ရှေ့နေရုံးမှ ဝန်ထမ်း ၂ ဒါဇင်ခန့် အလုပ်ထုတ်ပယ်ခံရတယ်လို့ အမည်မဖော်လိုသူ သတင်းနီးစပ်သူတစ်ဦးက ပြောသွားပါတယ်။
▪️ FBI အကြီးတန်းအမှုဆောင် ဒါဇင်ဝက်ကျော်ခန့်ကို ထုတ်ဖော်ခဲ့ပြီး တနင်္လာနေ့မှာ အငြိမ်းစားယူမလား အလုပ်ထုတ်ခံမလားဆိုပြီး အမိန့်ချမှတ်ခဲ့သလို စုံစမ်းစစ်ဆေးမှုမှာ ပါဝင်လုပ်ဆောင်ခဲ့တဲ့ FBIဝန်ထမ်းအားလုံးရဲ့ အမည်တွေ၊ ရာထူးတွေ၊ ရုံးတွေကိုလည်း မေးမြန်းထားတယ်လို့ သိရပါတယ်။
▪️ အီမီလ်ဘို့ဗ်ဟာ အစိုးရအုပ်ချုပ်ရေးအဖွဲ့ထဲ မရောက်ခင်တည်းက ထရမ့်ရဲ့ ရာဇဝတ်မှုတွေကို ခုခံကာကွယ်ပေးနေသူ ဖြစ်ပါတယ်။
▪️ အလုပ်ထုတ်ခံရတဲ့ ရှေ့နေတွေဟာ ဇန်နဝါရီ ၆ ရက်နေ့ကိစ္စကို အထောက်အကူပြုဖို့ ယာယီတာဝန်ပေးအပ်ခဲ့ကြတာ ဖြစ်ပြီး နိုဝင်ဘာလ သမ္မတရွေးကောက်ပွဲမှာ ထရမ့်အနိုင်ရပြီးနောက် အမြဲတမ်းနေရာ ရလာခဲ့ကြပါတယ်။
▪️ ဒီလိုထုတ်ပယ်တာတွေဟာ ယာယီတာဝန်ယူနေတဲ့ အရာရှိတွေရဲ့ ပြင်းထန်တဲ့ လုပ်ဆောင်ချက်ဖြစ်ပြီး သမ္မတထရမ့် ထုတ်ပြန်ထားတဲ့ ဥပဒေစိုးမိုးရေး ရည်မှန်းချက်များနဲ့ FBIအေးဂျင့်များပေါ် ထောက်ခံချက်တို့နဲ့ ဆန့်ကျင်ဘက်ဖြစ်နေတယ်လို့ FBIအေးဂျင့်အဖွဲ့အစည်းက ပြောသွားပါတယ်။
▪️ အေးဂျင့်တွေရာနဲ့ချီ အလုပ်ထုတ်ပယ်ခံရတာဟာ တိုင်းပြည်လုံခြုံရေးနဲ့ ခြိမ်းခြောက်မှုတွေကနေ ကာကွယ်နိုင်စွမ်းကို များစွာချည့်နဲ့စေမှာဖြစ်တယ်လို့ ဆိုထားပါတယ်။
▪️ FBIအဖွဲ့ဟာ ၂၀၂၀ သမ္မတရွေးကောက်ပွဲရလဒ်ကို ထရမ့်ပြောင်းလဲဖို့ကြိုးစားခြင်းနဲ့ ဖလော်ရီဒါရှိ ထရမ့်နေအိမ်မှာ နိုင်ငံ့အရေးကြီး လျှို့ဝှက်စာတမ်းများ ထိန်းသိမ်းထားခြင်းတို့အပေါ် စုံစမ်းစစ်ဆေးခဲ့ကြတာ ဖြစ်ပါတယ်။
#Source: AP News
Page 55 of 929
