တရုတ်နိုင်ငံထုတ် Animationဇာတ်ကား "Ne Zha 2"ဟာ အမေရိကန်ရုပ်ရှင်ရုံတွေမှာ ပထမအပတ် စတင်ပြသနေပြီး အမေရိကန်ဈေးကွက်မှာ ပရိသတ်အားပေးမှု ထင်ထင်ရှားရှား ရရှိလာပါတယ်။
#World_Entertainment
Published 24 February 2025
#'Ne_Zha 2' #ပရိသတ်အားပေးမှုထင်ထင်ရှားရှားရှိလာ
#YMG #Yangon_Times #Yangon_Media_Group

#Daily_News

Published  24 February 2025

၁။ စားအုန်းဆီရည်ညွှန်းဈေးနှုန်း ဆက်တိုက်ကျသော်လည်း ပြင်ပပေါက်ဈေးကျဆင်းခြင်းမရှိ

၂။ နှစ်နိုင်ငံခရီးသွားလုပ်ငန်းမြှင့်တင်ရေး မဲခေါင်-ဂင်္ဂါအစားအစာယဉ်‌ကျေးမှုပွဲတော်ကျင်းပ

၃။ ပြည်ပလွှဲပို့ငွေ ၅ ရာခိုင်နှုန်းဖြင့် EV ယာဥ်များ တင်သွင်းခွင့်ပြုမည်

၄။ တရုတ်ပြည်ထုတ်'Ne Zha 2'ဇာတ်ကား အမေရိကန်၌ အားပေးမှုအမြောက်အများရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 24 February 2025

▪️ ဒေါ်နယ်ထရမ့် အစိုးရအုပ်ချုပ်ရေးအဖွဲ့က နိုင်ငံတကာဖွံ့ဖြိုးရေး အမေရိကန်အေဂျင်စီ(USAID)မှ အချိန်ပြည့်ဝန်ထမ်း ၄,၇၀၀ ထဲမှ အားလုံးနီးပါးကို တနင်္ဂနွေ ညလယ်အချိန်မှာ လစာပေး အလုပ်နားခွင့်ပေးလိုက်ပြီး တဆက်တည်းမှာပဲ အလုပ်နေရာပေါင်း ၁,၆၀၀ ကိုလည်း ဝန်ထမ်းအင်အား လျှော့ချခြင်း အစိတ်အပိုင်းအနေဖြင့် အဆုံးသတ်သွားမယ်လို့ USAIDဝက်ဘ်ဆိုက်မှာ ဖော်ပြထားပါတယ်။

▪️ ရုပ်သိမ်းသွားမယ့် အလုပ်နေရာတွေက အမေရိကန်အခြေစိုက်တွေ ဖြစ်လိမ့်မယ်လို့ ဖော်ပြထားပါတယ်။

▪️ နိုင်ငံရပ်ခြားမှာ အခြေချနေတဲ့ အချိန်ပြည့်ဝန်ထမ်းတွေအတွက်လည်း အမေရိကန်သို့ ဆန္ဒအလျောက်ပြန်လာဖို့ ပရိုဂရမ်လည်း ပြုလုပ်သွားမယ်လို့ ဆိုပါတယ်။

▪️ ဝန်ထမ်းတွေအနေနဲ့ နောက်ထပ်ညွှန်ကြားချက်များ စောင့်ကြည့်နိုင်ဖို့ အီးမေးလ်အသုံးပြုခွင့် ဆက်လက်ရရှိမှာ ဖြစ်ပေမယ့် ခွင့်ပြုချက်မရဘဲနဲ့တော့ အေဂျင်စီဖိုင်တွေကို ဝင်ခွင့်ရမှာ မဟုတ်ဘဲ နိုင်ငံရပ်ခြားအခြေစိုက် ဝန်ထမ်းတွေကတော့ အေဂျင်စီစနစ်တွေ၊ သံတမန်ရေးရာနဲ့ အခြားအချက်အလက်တွေကို ဝင်ရောက်ကြည့်ရှုခွင့် ရထားမှာဖြစ်ကြောင်း ဖော်ပြထားပါတယ်။

▪️ အရေးကြီးမစ်ရှင်တာဝန် ထမ်းဆောင်နေသူများ၊ အဓိကဦးဆောင်နေသူများ၊ အထူးတာဝန်ပရိုဂရမ်များမှာ ပါဝင်သူတွေကတော့ ဒီကြေညာချက်ကနေ ကင်းလွတ်လိမ့်မယ်လို့ စီမံအုပ်ချုပ်ရေးရုံးမှ မှတ်တမ်းမှာ ဖော်ပြထားပါတယ်။

▪️ လာမယ့်သီတင်းပတ်ထဲမှာ USAID အလုပ်ခွင်ဟောင်းများမှ ပုဂ္ဂိုလ်ရေးပစ္စည်းများ ဘယ်လိုပြန်ယူမလဲဆိုတာနဲ့ အစိုးရထုတ်ပေးတဲ့ ပစ္စည်းများ ဘယ်လိုပြန်ပေးရမလဲဆိုတာ ထုတ်ပြန်သွားမယ်လို့ ဆိုပါတယ်။

▪️ ယခုအစီအစဉ်ကို ဖက်ဒရယ်တရားသူကြီးတစ်ဦးက ခွင့်ပြုလိုက်ပြီးနောက်မှာ ကြေညာချက်ထွက်လာတာ ဖြစ်ပါတယ်။

▪️ ဒီအစီအစဉ်ကို ဖေဖော်ဝါရီ ၄ ရက်နေ့က ပထမဆုံးကြေညာခဲ့ပေမယ့် အေဂျင်စီဝန်ထမ်းတွေကို ကိုယ်စားပြုတဲ့ သမဂ္ဂတွေက အစိုးရကို တရားစွဲဆိုခဲ့ပါသေးတယ်။

▪️ ထရမ့်သမ္မတတာဝန် မယူခင်မှာ USAIDမှာ လုပ်ကိုင်နေသူ ၁ သောင်းကျော်ရှိခဲ့ပါတယ်။

▪️ အမည်မဖော်လိုသူ သတင်းရင်းမြစ်ရဲ့ ပြောကြားချက်အရ ဝန်ထမ်းရာဂဏန်းခန့်သာ ဆက်လက်လုပ်ကိုင်သွားလိမ့်မယ်လို့ သိရပါတယ်။

#Source: NPR

#World_Health
Published 24 February 2025

▪️ ခန္ဓာကိုယ်ထဲက ဆဲလ်တိုင်း၊ တစ်ရှူးတိုင်း၊ အင်္ဂါတိုင်းအတွက် မရှိမဖြစ်လိုအပ်တဲ့ ရေကို တစ်နေ့ဘယ်လောက်သောက်ရမလဲဆိုပြီး ဆုံးဖြတ်ဖို့ ခက်ခဲနေကြပါသေးတယ်။

▪️ ရေဓာတ်ချို့တဲ့ရင် ကျန်းမာရေးပြဿနာများ ဖြစ်နိုင်သလို ရေဓာတ်လွန်ကဲသွားရင်လည်း ဒုက္ခများနိုင်ပါတယ်။

▪️ သိပ္ပံ၊ အင်ဂျင်နီယာနဲ့ဆေးအကယ်ဒမီများရဲ့ အဆိုအရ တစ်နေ့တာအတွက် ရေလိုအပ်ချက်က အမျိုးသားတွေမှာ ၃.၇ လီတာ၊ အမျိုးသမီးတွေမှာ ၂.၇ လီတာရှိပြီး စားသောက်ရာကနေ ရမယ့်အရည်တွေပါ ထည့်တွက်ထားတာ ဖြစ်ပါတယ်။

▪️ ဒါ့အပြင် လှုပ်ရှားမှုအတိုင်းအတာ၊ ရာသီဥတု အခြေအနေတို့ကလည်း ရေလိုအပ်ချက်ကို ပြောင်းလဲစေနိုင်ပါတယ်။

▪️ ကျောက်ကပ်ကျန်းမာရေးအတွက် ရေကအရေးကြီးပြီး သွေးထဲက အညစ်အကြေး စွန့်ပစ်ခြင်း၊ အီလက်ထရိုလိုက် ထိန်းညှိခြင်း၊ အရည်ထိန်းသိမ်းခြင်းတို့ကို ကျောက်ကပ်က လုပ်ဆောင်ရတယ်လို့ နယူးဒေလီ BLK Max Super Speciality ဆေးရုံမှ ကျောက်ကပ်အထူးကု ဒေါက်တာ ဘာနုမစ်ရှရာက ပြောသွားပါတယ်။

▪️ ရေလိုအပ်ချက်က တစ်ယောက်နဲ့တစ်ယောက် တစ်ချိန်နဲ့တစ်ချိန် မတူညီနိုင်ပါဘူး။

▪️ ကိုယ်အလေးချိန် များသူတွေ၊ လှုပ်ရှားမှုများသူတွေ၊ ရာသီဥတု ပူနွေးတဲ့နေရာမှာ နေထိုင်သူတွေ၊ အငန်ဓာတ် အစားများသူတွေ၊ အမျိုးသားတွေ၊ ငယ်ရွယ်သူတွေ၊ အယ်လ်ကိုဟော ကဖင်းသောက်သုံးသူတွေဟာ ရေဓာတ်ပိုမိုလိုအပ်နိုင်ပါတယ်။

▪️ ရေဓာတ်များလွန်းရင်လည်း သွေးထဲက ဆိုဒီယံပမာဏ လျော့နည်းကာ မူးဝေအော့အန်ခြင်းလိုမျိုး ပြဿနာ ခံစားရနိုင်ပါတယ်။

▪️ ဒါ့အပြင် ကျောက်ကပ်မကောင်းသူတွေမှာ ပိုလျှံတဲ့အရည်တွေကို စွန့်ပစ်ဖို့ ခက်ခဲနိုင်ပြီး ဖိအားပိုဖြစ်စေနိုင်ပါတယ်။

▪️ ကျောက်ကပ်ကျန်းမာရေး အကောင်းဆုံးဖြစ်ဖို့ သန့်စင်ထားတဲ့ ရေကိုသာ ရွေးချယ်သင့်ပါတယ်။

#Source: India Today

#World_Science
Published 24 February 2025

▪️ အယ်လ်ဘေးနီးယားတောင်ပိုင်း ဗရိုမိုနာဒေသရှိ လိုဏ်ခေါင်းတစ်ခုထဲကနေ ကမ္ဘာ့အကြီးဆုံး မြေအောက်အပူထိန်းရေကန်ကို သိပ္ပံပညာရှင်များ တွေ့ရှိခဲ့ကြရာ ဘူမိသုတေသနကဏ္ဍမှာ ထူးခြားတဲ့အောင်မြင်မှုကြီး ဖြစ်လာပါတယ်။

▪️ ဒီကန်ကို ၂၀၂၁ က ချက်ပြည်သူ့သမ္မတနိုင်ငံမှ သုတေသီများ တွေ့ရှိခဲ့ကြပေမယ့် တိုင်းတာဖို့ ကိရိယာများ မရှိခဲ့ကြပါဘူး။

▪️ Neuronဖောင်ဒေးရှင်းမှ သိပ္ပံပညာရှင်အဖွဲ့က ၂၀၂၄မှာတော့ စကင်နာများယူဆောင်ကာ ရေကန်ဆီ သွားခဲ့ကြပြီး ကန်ထဲက ထိန်းသိမ်းဖုံးကွယ်ထားတဲ့ ရေတွေဟာ အကြီးမားဆုံးဖြစ်တယ်လို့ အတည်ပြုခဲ့ကြပါတယ်။

▪️ ဖောင်ဒေးရှင်းကို ဂုဏ်ပြုတဲ့အနေနဲ့ ဒီရေကန်ကို Neuronလို့ အမည်ပေးခဲ့ကြကာ အလျား ၁၃၈.၃ မီတာ၊ အကျယ် ၄၂ မီတာနဲ့ ပတ်လည်က ၃၄၅ မီတာရှိပြီး အပူထိန်းသတ္တုရေက ၈၃၃၅ ကုဗမီတာ ရှိပါတယ်။

▪️ ထုံးကျောက်တောင်ထုကနေ ထွက်နေတဲ့ ရေနွေးငွေ့အမြင့်ကြီးကြောင့် မီတာရာနဲ့ချီနက်တဲ့ ချောက်တစ်ခုကို တွေ့ရှိခဲ့ကြတယ်လို့ Neuron Atmos စူးစမ်းလေ့လာရေးမှ အကြီးအကဲ မာရက်ခ်အော်ဒီက ဖော်ပြထားပါတယ်။

▪️ ကြမ်းပြင်မှာဆိုရင် အပူစီးဆင်းမှုရှိပြီး ကြီးမားလှတဲ့ ရေကန်ရှိနေကြောင်း၊ သိပ္ပံနည်းကျ သုတေသနနဲ့ တိကျတဲ့ တိုင်းတာမှုတွေ ပြုလုပ်ရန်လိုအပ်ကြောင်း ပြောထားပါတယ်။

▪️ ချက်နိုင်ငံမှ သိပ္ပံပညာရှင်တွေကို ထောက်ပံ့ပေးနိုင်တဲ့အတွက် အလွန်ဂုဏ်ယူရတယ်လို့ Neuronဖောင်ဒေးရှင်းမှ တွဲဖက်တည်ထောင်သူ မော်နီကာရာဆာဗွန်ဒရာကိုဗာက ပြောသွားပါတယ်။

#Source: WION

#World_Lifestyle
Published 23 February 2025

▪️ သိပ္ပံပညာရှင်တွေက ကြက်ဥပြုတ်ဖို့အတွက် အကောင်းဆုံးနည်းလမ်းကို ဖော်ထုတ်လိုက်ပါတယ်။

▪️ ကြက်ဥပြုတ်ကြတဲ့နေရာမှာ ကြက်ဥအနှစ်နဲ့ အကာကို အသင့်လျော်ဆုံး အနေအထားရဖို့ ခက်ခဲတတ်ပါတယ်။

▪️ အကောင်းဆုံးကြက်ဥပြုတ်ဆိုတာ အနှစ်နူးညံ့ပြီး အကာက ပျော့ပျောင်းလုံးခဲနေရပါမယ်။

▪️ ဒီလိုရဖို့အတွက် အချိန်အတိအကျအားဖြင့် ၃၂ မိနစ်ကြာမြင့်မယ်လို့ ဖော်ပြထားပါတယ်။

▪️ အီတလီသိပ္ပံပညာရှင်များက ပုံပန်းသဏ္ဍာန်၊ အရသာနဲ့ အာဟာရပိုင်းအရ ကြက်ဥပြုတ်တဲ့နေရာမှာ အကောင်းဆုံးနည်းလမ်းရဖို့အတွက် ကြက်ဥ ၃၀၀ ဖြင့် စမ်းသပ်ခဲ့ကြပါတယ်။

▪️ ကြက်ဥလုံးဝအကျက်ပြုတ်၊ မကျက်တကျက်ပြုတ်နဲ့ အပူချိန်ပြောင်းလဲပြုတ်ခြင်းကို ပြုလုပ်ခဲ့ကြပါတယ်။

▪️ အပူချိန်ပြောင်းလဲပြုတ်ခြင်း နည်းစနစ်က အနှစ်က အရသာပိုရှိကာ အကာပိုပျော့တယ်လို့ တွေ့ရှိခဲ့ကြပါတယ်။

▪️ အပူချိန်ပြောင်းလဲပြုတ်ခြင်း နည်းလမ်းက ရေနွေးပူနဲ့ ရေအေးတို့ကြား ၈ ကြိမ်လောက် ပြောင်းလဲပေးရပါတယ်။

▪️ ရေနွေးပူထဲ ၂ မိနစ်ထည့်၊ ပြီးရင် ရေအေးထဲ ၂ မိနစ်ထည့် ၊ ပြီးရင် ရေနွေးပူထဲ ၂ မိနစ်ပြည့်ထည့်၊ ထိုကဲ့သို့ ၆ ကြိမ်ခန့် ပြောင်းလဲခြင်းကို ၃၂ မိနစ်လောက်ကြာအောင် ပြုလုပ်ပေးရမှာ ဖြစ်ပါတယ်။

▪️ ဒီနည်းလမ်းဖြင့် ကြက်ဥအကာကို အပူပေးကာ အနှစ်ကို အပူချိန်တစ်ခုမှာ ရတဲ့အထိ အအေးခံစေပါတယ်။

▪️ အကာက အပူချိန် ၈၅ ဒီဂရီဆဲလ်စီးယပ်စ်မှာ ထိန်းသိမ်းထားပြီး အနှစ်က ၆၅ ဒီဂရီလောက်မှာ အကောင်းဆုံးဖြစ်ပါတယ်။

▪️ အရေးကြီးတာက ဆူနေတဲ့ရေက ကြက်ဥကိုဖယ်ပြီး အနှစ်လုံးဝမကျက်သွားဖို့ ရေအေးထဲ စိမ်ရတာ ဖြစ်ပါတယ်။

#Source: New York Post