#World_Health
Published 12 November 2024

▪️ နေ့စဉ်လမ်းလျှောက်ခြင်းရဲ့ ကျန်းမာရေး အကျိုးကျေးဇူးတွေထဲမှာ နှလုံးရောဂါ ဖြစ်နိုင်ခြေ လျှော့ချနိုင်ပြီး သွေးဖိအားနဲ့ မကောင်းတဲ့ ကိုလက်စ်ထရောလ် လျှော့ချပေးခြင်း၊ ဖိစီးမှု လျှော့ချပေးခြင်း၊ ကိုယ်ခံအားနဲ့ အစာခြေစနစ် မြှင့်တင်ပေးခြင်းတို့ ပါဝင်ပါတယ်။

▪️ နောက်ထပ်လေ့လာချက်တစ်ခုမှာ တစ်ပတ်ကို မိနစ် ၃၀ ကြာဖြင့် ၅ ကြိမ်လျှောက်ပေးပါက ခါးကိုက်ခါးနာခြင်းကို လျော့ပေးစေကာ ဆေးခန်းသွားရောက်ခြင်း နည်းပါးသွားပါတယ်။

▪️ လေ့လာချက်အရ ခါးကိုက်ခါးနာခြင်းမှ သက်သာလာသူ ၁၀ ဦးမှာ ၇ ဦးလောက်က နောက်တစ်နှစ်အတွင်း ပြန်ဖြစ်တတ်ကြပါတယ်။

▪️ လမ်းလျှောက်သူတွေက ခါးကိုက်ဝေဒနာ အပြီးမှာ နာကျင်မှုမရှိတော့တာကိုလည်း တွေ့ရပါတယ်။

▪️ ခါးကိုက်ခါးနာခြင်းက ၂၀၂၀ မှာ ကမ္ဘာတဝှမ်းရှိ လူပေါင်း ၆၁၉ သန်းမှာ ဖြစ်နိုင်တယ်လို့ ခန့်မှန်းခဲ့ပြီး ၂၀၅၀ အရောက်မှာ ၈၄၃ သန်း ရှိလာနိုင်ပါတယ်။

▪️ ခါးကိုက်ခါးနာခြင်း ကာကွယ်ဖို့အတွက် အရေးကြီးတာက အလေးအပင် ပစ္စည်းများ ကောက်ယူခြင်းနဲ့ ကလေးများ ချီပွေ့ခြင်းတို့ကို သတိထားရမယ်လို့ နော့သ်ဝဲလ်ဟဲ့လ်ဆေးရုံမှ ကျောရိုးဆေးပညာ အကြီးအကဲ ဒေါက်တာဂျေဆန်လီပက်ဇ်က ပြောပါတယ်။

▪️ ခါးပေါ်မှာ ကွေးညွတ်ခြင်းက ကျောရိုးဆစ်တွေအပေါ် ဖိအားဖြစ်စေပြီး နာကျင်စေရကြောင်း၊ စက်ဘီးထိုင်ခုံ နိမ့်လွန်းခြင်း၊ ကားပေါ် အတက်အဆင်း ပြုလုပ်ခြင်းတို့က ဒူးကိုအလွန်မြှောက်ရတာကြောင့် ကျောရိုးကို ဖိအားသက်ရောက်ကာ ခါးကိုက်ခါးနာရကြောင်း ပြောပါတယ်။

▪️ အထိုင်များတဲ့သူတွေ၊ ဖုန်းတွေ ကွန်ပျူတာတွေ အကြည့်များတဲ့သူတွေဟာ ထိုဝေဒနာ ပိုမိုခံစားရတတ်ပါတယ်။

▪️ လမ်းလျှောက်ခြင်းဟာ ပြေးလွှားခြင်း၊ လေ့ကျင့်ခန်း အပြင်းအထန် လုပ်ခြင်းတို့လို မဟုတ်ဘဲ ပေါ့ပေါ့ပါးပါး လုပ်နိုင်ပြီး သက်ရှည်ကျန်းမာစေမှာပါ။

▪️ လမ်းလျှောက်တဲ့အခါ ခပ်သွက်သွက်လျှောက်ခြင်းက ဆီးချိုရောဂါ ဖြစ်နိုင်ခြေကိုလည်း လျှော့ချပေးနိုင်ကြောင်း တွေ့ရှိထားပါတယ်။

Source: New York Post.

ကြာသပတေးနေ့မှာ တရုတ်သမ္မတ ရှီကျင့်ဖင်က မလေးရှားဝန်ကြီးချုပ် အန်ဝါအီဘရာဟင်နဲ့ ပေကျင်းမှာ တွေ့ဆုံခဲ့ပြီး နှစ် ၅၀ပြည့် နှစ်နိုင်ငံသံတမန်ဆက်ဆံရေး မြှင့်တင်ကာ အနာဂတ်အတွက် တရုတ်-မလေးရှား ပူးပေါင်းမှုအားဖြည့်သွားရန် တောင်းဆိုလိုက်ပါတယ်။

#World_News
Published 11 November 2024
#တရုတ်နဲ့မလေးရှား #နှစ်နိုင်ငံသံတမန်ရေးမြှင့်တင်သွားရန်ဆွေးနွေး

#World_News
Published 11 November 2024

▪️ အမေရိကန်သမ္မတအဖြစ် ရွေးချယ်ခံရတဲ့ ဒေါ်နယ်ထရမ့်က ရုရှားသမ္မတ ဗလာဒီမာပူတင်နဲ့ စကားပြောဆိုခဲ့ကာ ယူကရိန်းစစ်ပွဲ အခြေအနေ တင်းမာအောင် မလုပ်ရန် အကြံပေးလိုက်ကြောင်း သတင်းရင်းမြစ်တစ်ခုက တနင်္ဂနွေနေ့မှာ ဖော်ပြပါတယ်။

▪️ လက်ရှိသမ္မတ ဂျိုးဘိုင်ဒင်ကတော့ ယူကရိန်းကို မစွန့်လွှတ်ရန် ထရမ့်ကို တိုက်တွန်းဖို့ ကြိုးစားနေပါတယ်။

▪️ ထရမ့်က ပူတင်နဲ့ ပြီးခဲ့တဲ့ရက်များအတွင်း ပြောဆိုခဲ့တာဖြစ်ပြီး ယူကရိန်းသမ္မတ ဗိုလိုဒီမီယာဇယ်လန်စကီနဲ့လည်း ဗုဒ္ဓဟူးနေ့က ပြောဆိုခဲ့ပါတယ်။

▪️ ယူကရိန်းအတွက် အမေရိကန်မှ စစ်ရေးနဲ့ ဘဏ္ဍာရေးထောက်ပံ့မှုပေးတဲ့ အတိုင်းအတာကို ထရမ့်က ဝေဖန်လိုက်ပြီး စစ်ပွဲမြန်မြန်အဆုံးသတ်ရန် ကတိပြုလိုက်ပါတယ်။

▪️ ထရမ့်နဲ့ ပူတင်တို့ ခေါ်ဆိုပြောကြားမှုအကြောင်း မသိရဘူးလို့ ယူကရိန်းနိုင်ငံခြားရေး ဝန်ကြီးဌာနက ပြောလိုက်ကာ ထောက်ခံလား ကန့်ကွက်မှာလားဆိုတာ မသိရပါဘူး။

▪️ ဒီဖုန်းခေါ်ဆိုမှုနဲ့ ပတ်သက်ပြီး ဝါရှင်တန်ရှိ ရုရှားသံရုံးက ဘာမှမပြောသေးပါဘူး။
ထရမ့်ဟာ သမ္မတရွေးကောက်ပွဲမှာ ဒုသမ္မတ ကာမယ်လာဟားရစ်ကို အနိုင်ရပြီးနောက် ဇန်နဝါရီ ၂၀ ရက်နေ့မှာ သမ္မတတာဝန် စတင်ထမ်းဆောင်မှာ ဖြစ်ပါတယ်။

▪️ ဘိုင်ဒင်က ထရမ့်ကို အိုဗယ်ရုံးခန်းသို့ လာရောက်ရန် ဖိတ်ခေါ်ထားတယ်လို့ အိမ်ဖြူတော်က ဆိုပါတယ်။

▪️ အမေရိကန်အနေနဲ့ ယူကရိန်းအရေးကနေ ရှောင်ဖယ်မသွားသင့်တဲ့ အကြောင်းကို နောက်တာဝန်ယူမယ့် အစိုးရအဖွဲ့နဲ့ လွှတ်တော်ထံ တင်ပြဖို့ ဘိုင်ဒင်အနေနဲ့ ရက် ၇၀ လောက် အချိန်ရသေးကြောင်း၊ ယူကရိန်းကို လက်လွှတ်လိုက်ရင် ဥရောပမှာ မတည်ငြိမ်မှုတွေ ပိုဖြစ်လာနိုင်ကြောင်း အိမ်ဖြူတော် ပြောရေးဆိုခွင့်ရှိသူ ဂျိတ်ခ်ဆာလီဗန်က CBS News ကို ပြောသွားပါတယ်။

▪️ ဘိုင်ဒင်သမ္မတရာထူး ပြီးဆုံးသွားသည့်တိုင်အောင် ယူကရိန်းအတွက် အကူအညီတွေ လိုအပ်နေဦးမယ်ဆိုတာကို တင်ပြသွားမှာဖြစ်ပါတယ်။

▪️ ထရမ့်က ယင်းသာ သမ္မတဖြစ်နေပါက ပူတင်ဟာ ယူကရိန်းကို ဘယ်တော့မှ ကျူးကျော်မှာ မဟုတ်ဘူးလို့ ယမန်နှစ်က ပြောထားပါတယ်။

▪️ ယူကရိန်းအနေနဲ့ ငြိမ်းချမ်းရေး သဘောတူညီမှု ရရှိရန် နယ်မြေအချို့ ပေးအပ်ဖို့လိုတယ်လို့ ထရမ့်က ပြောဆိုလိုက်ကာ ယူကရိန်းတွေက ငြင်းပယ်ထားသလို ဘိုင်ဒင်ကလည်း ထိုကဲ့သို့ အကြံမပြုထားပါဘူး။

Source: Reuters

#World_Health
Published 11 November 2024

▪️ အသီးတွေ အရွက်တွေ နေ့စဉ်စားသုံးပေးခြင်းဖြင့် ကျန်းမာရေးကောင်းမွန်စေတဲ့အပြင် အသီးလိုက်စားခြင်၊ ဖျော်ရည်လုပ်သောက်ခြင်းတို့က အကျိုးကျေးဇူး ကွဲပြားနိုင်တာကို သိရှိထားရပါမယ်။

▪️ အသီးအနှံတွေမှာ အမျှင်ဓာတ်၊ ဗိုက်တာမင်၊ သတ္တုဓာတ်၊ ဓာတ်တိုးဆန့်ကျင်ပစ္စည်းများ ကြွယ်ဝပြီး ခန္ဓာကိုယ် လုပ်ဆောင်ချက် အမျိုးမျိုးအတွက် အရေးပါပါတယ်။

▪️ အသီးလိုက်စားသုံးခြင်းက ဖျော်ရည်လုပ်သောက်တာထက် ပိုပြီးအာနိသင်များစေတဲ့ အကြောင်းအရင်းများကို ဖော်ပြလိုက်ပါတယ်။

▪️ (၁) အမျှင်ဓာတ်ပါဝင်မှု အသီးလိုက်အနေအထားမှာ အမျှင်ဓာတ်ပါဝင်ပြီး အစာခြေခြင်း၊ သွေးတွင်းသကြားဓာတ် ထိန်းညှိခြင်း၊ ဗိုက်ပြည့်ခြင်းတို့ ပေးစွမ်းနိုင်ကာ အူလမ်းကြောင်း ကျန်းမာရေး ကောင်းမွန်စေပါတယ်။

▪️ (၂) ကိုယ်အလေးချိန်ထိန်းပေးခြင်း အသီးလိုက်စားသုံးခြင်းဖြင့် ဗိုက်ပြည့်ဝနေစေတာကြောင့် အလွန်အကျွံ အစားစားမိခြင်းမှ ကာကွယ်ပေးပါတယ်။

▪️ (၃) သဘာဝသကြားဓာတ် ထိန်းပေးခြင်း အမျှင်ဓာတ်က သွေးထဲသို့ သကြားရောက်ရှိမှု နှေးစေပြီး အသီးဖျော်ရည်လိုမျိုး သွေးတွင်းသကြားဓာတ် မမြင့်တက်စေပါဘူး။

▪️ (၄) အာဟာရဓာတ်များစွာ ရရှိခြင်း အသီးလိုက်စားခြင်းဖြင့် အာဟာရဓာတ်အပြည့် ရရှိစေတဲ့အပြင် ဓာတ်တိုးဆန့်ကျင်ပစ္စည်းများလည်း ပြည့်ဝနေပါတယ်။

▪️ (၅) ဖိုင်တိုဓာတုအာနိသင်ရှိခြင်း အသီးအနှံတွေရဲ့ အခွံနဲ့ အသားတို့မှာ ဓာတ်တိုးဆန့်ကျင်ခြင်းနဲ့ ရောင်ရမ်းဆန့်ကျင်ခြင်း အာနိသင်များ ပါဝင်ပါတယ်။

▪️ အရွက်ကို ဖျော်ရည်လုပ်သောက်မယ်ဆိုရင်တော့ အခြားနည်းလမ်းတွေနဲ့ ကျန်းမာရေး ထောက်ပံ့နိုင်ပါသေးတယ်။
- ကယ်လိုရီနည်းပါးပြီး အာဟာရဓာတ်ကြွယ်ဝခြင်း
- အစာကြေစေခြင်း
- တစ်ရွက်ခြင်းစားတာထက် ပိုမိုစားသုံးစေခြင်း
- အယ်လ်ကာလိုင်းဓာတ် ပေးစွမ်းသဖြင့် pH ထိန်းညှိပေးခြင်း
- ရေဓာတ်ဖြည့်ပေးခြင်းတို့ ပေးစွမ်းနိုင်ပါတယ်။

ဒါကြောင့် အသီးလိုက်စားခြင်းရော ဖျော်ရည်လုပ်သောက်ခြင်းကပါ ကျန်းမာရေးအတွက် ထိရောက်စေပါတယ်။
Source: DoctorNDTV.

#World_Science
Published 11 November 2024
▪️ ကမ္ဘာပေါ်ကို ဂြိုဟ်သားတွေ လာကြတဲ့ ယူဆချက်တွေဟာ ဆယ်စုနှစ်တွေကြာအောင် ကြားနေခဲ့ရပါတယ်။

▪️ ၁၉၆၀ နဲ့ ၇၀ ဝန်းကျင်တွေမှာ အမျိုးအမည်မသိယာဉ်ပျံတွေ အမေရိကန်ရှိ စစ်စခန်းများပေါ်မှာ ဝဲနေတာကို တွေ့ခဲ့ရတာက ဂြိုဟ်သားကျူးကျော်တာ ဖြစ်နိုင်တယ်လို့ ယူဆစရာဖြစ်လာပါတယ်။

▪️ UFO ပညာရှင်တစ်ဦးက အာကာသယာဉ်တွေဟာ ထိုနှစ်တွေမှာ နျူကလီးယားဒုံးကျည်စခန်းတိုင်းကို သွားရောက်ခဲ့တယ်လို့ အခိုင်အမာ ဆိုလိုက်ပါတယ်။

▪️ အမှုထမ်းဟောင်း ၁၂၀ ကျော်ကို မေးမြန်းရာမှာ နျူကလီးယားလက်နက် သိုလှောင်ရေးနဲ့ စမ်းသပ်နေရာတွေနားမှာ ယာဉ်ပျံတွေ တွေ့ခဲ့တယ်လို့ ဝန်ခံခဲ့ကြတယ်လို့ ဆိုပါတယ်။

▪️ ထိုတွေ့ရှိမှုတွေကို သေချာ မစစ်ဆေးနိုင်ခဲ့ကြဘူးလို့လည်း ဖော်ပြထားပါတယ်။
စစ်စခန်းနေရာတွေနားမှာ UFO တွေ့ခဲ့ကြတာကို အစိုးရမှမှတ်တမ်းသစ်များ ဖော်ပြပြီးနောက်မှာပဲ အခုလို ဆိုလာတာ ဖြစ်ပါတယ်။

▪️ ဒီဇင်ဘာ ၂၀၂၃ တုန်းက Joint Base Langley-Eustis နားမှာ ၁၇ ညအတွင်း UFOအများအပြားကို တွေ့ခဲ့ကြပါတယ်။

▪️ ပင်တဂွန်၊ ရဲတပ်ဖွဲ့၊ နာဆာတို့မှပင် ပါဝင်စုံစမ်းခဲ့ကြပေမယ့် UFOတွေအကြောင်း မတွေ့ရှိခဲ့ကြပါဘူး။

▪️ UFO တွေ့ရှိခြင်းအပေါ် လေ့လာရာမှာ ထိုအရာတွေက နျူကလီးယားအကြောင်း နားလည်သိရှိကြတယ်လို့ ယခုနှစ်ဇွန်လမှာ ဖော်ပြထားပါတယ်။

▪️ အမေရိကန် လေတပ်မှ အငြိမ်းစားဆာဂျင်တစ်ဦးက စစ်အေးကာလက UFOတွေ့ရှိမှု ၅၀၀ ကျော်ကို ဆန်းစစ်ခဲ့ပါတယ်။

▪️ ထောက်ခံချက် အခိုင်အမာရှိပြီး သက်သေအများအပြား တွေ့ထားတဲ့ အချက်အလက်များကိုသာ ထည့်သွင်းစဉ်းစားပါတယ်။

▪️ နျူကလီးယားနဲ့ မဆိုင်တဲ့ စစ်စခန်းတွေမှာ တွေ့ရှိချက်တွေကိုလည်း ထည့်သွင်းထားပါတယ်။

▪️ ၁၉၄၈ ကနေ ၁၉၇၅ အထိ အမေရိကားမှာ နျူကလီးယားအင်အား များလာတာကို အခြားထောက်လှမ်းရေးတွေနဲ့ ဂြိုဟ်သားများ စောင့်ကြည့်နေကြတယ်လို့ သုတေသီများ မှတ်ချက်ပြုခဲ့ပါတယ်။

#Source: WION

#World_Health
Published 10 November 2024

▪️ ကင်ဆာရောဂါဆိုတာ အသက်ကြီးမှ ဖြစ်တဲ့ရောဂါလို့ ထင်ရပေမယ့် အသက် ၅၀ အောက် အမေရိကန်တွေမှာ အဖြစ်များလာတယ်လို့ တွေ့ရှိလာပါတယ်။
ဥပမာအားဖြင့် အူမကြီးကင်ဆာဆိုရင် အသက် ၁၈ နှစ်မှ ၄၄ နှစ်ကြားလူတွေမှာ ၁၅ ရာခိုင်နှုန်း အဖြစ်များလာပါတယ်။

▪️ ဒါကြောင့် အသက်ငယ်လို့ ကင်ဆာမဖြစ်နိုင်ဘူးဆိုတာ မဟုတ်ဘူးလို့ မီချီဂန်တက္ကသိုလ်မှ ပရော်ဖက်ဆာ အယ်လီနာစတိုဖယ်က ပြောပါတယ်။
မီချီဂန်တက္ကသိုလ်မှ ဆရာဝန်များက အသက်စောစီးတဲ့အချိန်မှာ ကင်ဆာဖြစ်နိုင်ခြေ လျှော့ချနိုင်မယ့် နည်းလမ်းတွေကို ဖော်ပြသွားပါတယ်။

▪️ (၁) ဆရာဝန်နဲ့ တိုင်ပင်ပါ မိသားစုတွေထဲမှာ အူမကြီးကင်ဆာ ဖြစ်ဖူးတဲ့သူတွေအကြောင်း ဆရာဝန်နဲ့ တိုင်ပင်သင့်ပါတယ်။
ဒါ့အပြင် ပုံမှန်မဟုတ်တဲ့ လက္ခဏာများကိုလည်း ဆရာဝန်နဲ့ တိုင်ပင်ဆွေးနွေးရမှာ ဖြစ်ပါတယ်။

▪️ (၂) ဆေးလိပ်ဖြတ်ပါ ဆေးလိပ်သောက်ခြင်းဟာ အမေရိကန်မှာ ကင်ဆာဖြစ်ပွားမှုအားလုံးရဲ့ ၂၀ ရာခိုင်နှုန်း သက်ဆိုင်နေပြီး ကင်ဆာကြောင့် သေဆုံးခြင်းရဲ့ ၃၀ ရာခိုင်နှုန်းနီးပါး ရှိနေပါတယ်။

▪️ ဆေးလိပ်ပစ္စည်းများ ရောင်းချခြင်းကို ပိတ်ပင်လိုက်ပါက နှစ် ၇၀ အတွင်း ကမ္ဘာပေါ်မှာ အဆုတ်ရောဂါကြောင့် သေဆုံးနိုင်သူ ၁.၂ သန်းကို ကာကွယ်နိုင်မယ်လို့ ခန့်မှန်းထားပါတယ်။

▪️ (၃) အရက်သေစာလျှော့ပါ အယ်လ်ကိုဟောကို အနည်းငယ်မျှ သောက်လျှင်ပင် ကျန်းမာရေး ထိခိုက်စေပါတယ်။

▪️ အယ်လ်ကိုဟောကြောင့် ခန္ဓာကိုယ်ကနေ အာဟာရဓာတ်များ စုပ်ယူနိုင်စွမ်း ခက်ခဲစေပြီး အသည်းထိခိုက်စေပါတယ်။

▪️ (၄) ကျန်းမာရေးညီညွတ်စွာ စားပါ အဆီများခြင်း၊ အမျှင်နည်းခြင်းတို့က အူမကြီးကင်ဆာဖြစ်နိုင်ခြေ များစေပါတယ်။

▪️ ဒီအစား ကောက်ပဲသီးနှံများ၊ အသီး၊ အရွက်တို့ကို ပိုစားသင့်ပြီး အသားကြီးငါးကြီး၊ အဆင့်ဆင့်ထုပ်ပိုးသော အသားများ၊ အချိုဓာတ်တို့ကို လျှော့ချသင့်ပါတယ်။

▪️ (၅) လုံလောက်စွာအိပ်စက်ပါ တစ်ညကို ၇ နာရီမှ ၉ နာရီအထိ အိပ်ချိန်ရှိသင့်ပါတယ်။

▪️ ဒီလိုမဟုတ်ပါက ဟော်မုန်းမညီမျှ ဖြစ်စေပြီး ရင်သား၊ အူမကြီး၊ သားဥအိမ်၊ ဆီးကျိတ်ကင်ဆာများ ဖြစ်နိုင်ခြေ များစေတယ်လို့ တွေ့ရှိထားပါတယ်။

▪️ (၆) လေ့ကျင့်ခန်းပုံမှန်လုပ်ပါ လေ့ကျင့်ခန်း လုပ်ခြင်းဖြင့် အဝလွန်ခြင်းကို ကာကွယ်ပေးကာ ကင်ဆာအမျိုးမျိုးမှ ကာကွယ်ပေးပါတယ်။

▪️ ဒါ့အပြင်ဟော်မုန်းများ ထိန်းညှိနိုင်ပြီး အစာခြေစနစ်၊ ကိုယ်ခံအားစနစ်တို့ ကောင်းမွန်စေပါတယ်။

▪️ (၇) နေရောင်ကာလိမ်းပါ
ခရမ်းလွန်ရောင်ခြည် ထိတွေ့ခြင်းဖြင့် အရေပြားကင်ဆာ ဖြစ်နိုင်ပါတယ်။

▪️ SPF 30 အနည်းဆုံးပါတဲ့ နေကာခရင်မ်တွေက ခရမ်းလွန်ရောင်ခြည် ၉၇ ရာခိုင်နှုန်းကို ကာကွယ်ပေးပါတယ်။

▪️ (၈) HPV ရောဂါကာကွယ်ပါ လိင်မှတဆင့်ကူးစက်တဲ့ HPVက အမေရိကန်မှာ နှစ်စဉ် ၁၃ သန်းလောက် ကူးစက်နေပါတယ်။

▪️ ဒီရောဂါကြောင့် ဦးခေါင်းနဲ့ လည်ပင်းကင်ဆာတို့ ဖြစ်နိုင်ပါတယ်။

▪️ (၉) လေထုရေထုညစ်ညမ်းမှုမှ ရှောင်ကြဉ်ပါ အိမ်တွင်းလေထု သန့်ရှင်းစေရန် လေစစ်ပစ္စည်းများ တပ်ဆင်သင့်ပြီး ရေထဲမှာလည်း ညစ်ညမ်းမှုန် ပါဝင်မှုကို စစ်ဆေးသင့်ပါတယ်။

Source: New York Post.