#World_Health
Published 05 March 2025

▪️ ကိုဗစ်ကပ်ရောဂါကာလအတွင်း ကိုဗစ်ကာကွယ်ဆေးတွေကြောင့် လူသန်းနဲ့ချီ အသက်သေဆုံးခြင်းမှ ကာကွယ်နိုင်ခဲ့ပါတယ်။

▪️ ဒါပေမဲ့ ကာကွယ်ဆေးထိုးပြီးနောက် ဘေးထွက်ဆိုးကျိုးများ ဖြစ်ကြတဲ့အကြောင်းတွေ ကြားနေရပြီး ယေးလ်တက္ကသိုလ်မှ သုတေသီများက ကာကွယ်ဆေးနောက်ဆက်တွဲ လက္ခဏများ(PVS)အကြောင်း ထဲထဲဝင်ဝင် လေ့လာခဲ့ကြပါတယ်။

▪️ PVS ဖြစ်တဲ့လူတွေရဲ့ ကိုယ်ခံအားဖြစ်စဉ်ပုံစံနဲ့ အခြားသူတွေရဲ့ ပုံစံကွဲပြားပုံတွေကို လေ့လာနေကြပြီး အစောပိုင်းအဆင့်သာရှိသေးကာ တွေ့ရှိချက်တွေကို အတည်ပြုဖို့ လိုသေးတယ်လို့ ယေးလ်ဆေးတက္ကသိုလ်မှ ကိုယ်ခံအားဗေဒ ပရော်ဖက်ဆာ အာကီကိုအီဝါဆာကီက ပြောသွားပါတယ်။

▪️ PVS ရဲ့ နာတာရှည် လက္ခဏာများအနေဖြင့် လေ့ကျင့်ခန်း မလုပ်နိုင်ခြင်း၊ အလွန်အမင်း နွမ်းနယ်ခြင်း၊ ဦးနှောက်ထိုင်းမှိုင်းခြင်း၊ အိပ်မပျော်ခြင်း၊ မူးဝေခြင်းတို့ ဖြစ်နိုင်ပါတယ်။

▪️ ဒီလက္ခဏာတွေ ကာကွယ်ဆေးထိုးပြီးနောက် ရက်ပိုင်းအတွင်းမှာတင် ဖြစ်ပေါ်နိုင်ပြီး နောက်ပိုင်းမှာ ပိုမိုဆိုးရွားလာတတ်ပါတယ်။

▪️ ကိုဗစ်နောက်ဆက်တွဲ လက္ခဏာများနဲ့ ကာကွယ်ဆေးနောက်ဆက်တွဲ လက္ခဏာများအကြောင်း နားလည်သိရှိဖို့ သုတေသီများက သွေးနမူနာများ ဆန်းစစ်ခဲ့ကြပါတယ်။

▪️ လက္ခဏာမပေါ်တဲ့ လူတွေနဲ့ နှိုင်းယှဉ်ကြည့်ရာမှာ ကိုယ်ခံအားဆဲလ်တွေနဲ့ ပတ်သက်ပြီး ကွဲပြားချက်တွေ တွေ့ရှိခဲ့ကြပါတယ်။

▪️ PVS ဖြစ်တဲ့လူတွေထဲမှာ SARS-CoV-2 စပိုက်ခ်ပရိုတိန်း မြင့်မားနေတာတွေ့ခဲ့ကြပြီး ဒါကနေပဲ ကိုဗစ်နောက်ဆက်တွဲလက္ခဏာ ဖြစ်ပေါ်စေတာ ဖြစ်ပါတယ်။

▪️ PVS အကြောင်း ပိုမိုနားလည်မယ်ဆိုရင် ဘေးထွက်ဆိုးကျိုး နည်းပါးပြီး ပိုမိုထိရောက်တဲ့ ကာကွယ်ဆေးတွေ ထုတ်လုပ်လာနိုင်မယ်လို့ သုတေသီများ ဆိုပါတယ်။

▪️ ရောဂါထိန်းချုပ်ကာကွယ်ရေးစင်တာ (CDC)ရဲ့ ဖော်ပြချက်အရ ကာကွယ်ဆေးတွေဟာလည်း အခြားဆေးတွေလိုပဲ ဘေးထွက်ဆိုးကျိုးများ ရှိနိုင်ပါတယ်။

▪️ ကိုဗစ်ကာကွယ်ဆေး ထိုးပြီးလို့ ပြင်းထန်တဲ့တုံ့ပြန်မှုဖြစ်တာကတော့ အလွန်ရှားပါးပါတယ်။

#Source: Times of India

ထိုင်းနိုင်ငံက အွန်လိုင်းလိမ်လည် ကျားဖြန့်လုပ်ငန်းများ တိုက်ဖျက်ရေးကို ဆန့်ကျင်နှိမ်နင်းဖို့ ကြိုးစားနေရာမှာ ထိုင်းဝန်ကြီးချုပ် ပေထုန်တန်ရှင်နာဝပ်ထရာက ကမ္ဘောဒီးယားနဲ့ ထိစပ်နေတဲ့ နယ်စပ်ရှိ ဆာကဲယိုပြည်နယ်ကို ကြည့်ရှုစစ်ဆေးခဲ့ပြီး ကြပ်မတ်စောင့်ကြည့်ရေးစနစ်များ တိုးမြှင့်ဆောင်ရွက်ဖို့ အေဂျင်စီဌာနအသီးသီးကို ညွှန်ကြားခဲ့ပါတယ်။
#Asia_News
Published 4 March 2025
#အွန်လိုင်းလိမ်လည်လုပ်ငန်း #တိုက်ဖျက်နေမှုများစစ်ဆေး
#YMG #Yangon_Times #Yangon_Media_Group

#Daily_News

Published 4 March 2025

၁။ ဗဟိုဘဏ်ကစက်သုံးဆီလုပ်ငန်းရှင်များကို ဒေါ်လာ၂၃ သန်းနှင့် ဘတ်သန်း ၁၅၀ ထပ်မံရောင်းပေးမည်

၂။ E-စီးကရက် နှင့် Vape များအား ဥပဒေအရ ထိန်းချုပ်ရန်ဆောင်ရွက်နေ

၃။ မော်လမြိုင် အမြန်ရထားကြိုတင်လက်မှတ်များ ပိတ်ရက်မရှိ ရောင်းချပေးနေ

၄။ ထိုင်းဝန်ကြီးချုပ် နယ်စပ်ဒေသသို့သွားရောက်ကာ အွန်လိုင်းလိမ်လည်လုပ်ငန်းတိုက်ဖျက်နေမှုများအားစစ်ဆေး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 04 March 2025

▪️ ပြီးခဲ့တဲ့သီတင်းပတ် အမေရိကန်သမ္မတ ဒေါ်နယ်ထရမ့်နဲ့ ယူကရိန်းသမ္မတ ဗိုလိုဒီမာဇယ်လန်စကီတို့ အချေအတင်ဖြစ်ခဲ့ပြီးနောက်မှာ ယူကရိန်းကို စစ်ရေးအကူအညီ ထောက်ပံ့ခြင်း အမေရိကန် ရပ်ဆိုင်းလိုက်ပြီလို့ အိမ်ဖြူတော်အရာရှိတစ်ဦးက ပြောသွားပါတယ်။

▪️ ဒီအတွက် အရင်က မိတ်ဖက်များဖြစ်ခဲ့ကြတဲ့ နှစ်နိုင်ငံကြား ဆက်ဆံရေးအက်ကွဲကြောင်း ပိုမိုနက်ရှိုင်းလာတဲ့သဘော မြင်တွေ့လာရပါတယ်။

▪️ "သမ္မတထရမ့်က ငြိမ်းချမ်းရေးရဖို့ရာ အာရုံစိုက်လုပ်ဆောင်နေတာ အရှင်းသားတွေ့နေရပါတယ်။ မိတ်ဖက်များအနေနဲ့လည်း ဒီရည်မှန်းချက်အတိုင်း စိတ်ပိုင်းဖြတ်လုပ်ဆောင်ပေးဖို့ လိုပါတယ်။ ဖြေရှင်းဆုံးဖြတ်ချက်တစ်ခု သေချာပေါက်ရရှိဖို့အတွက် အထောက်အပံ့များကို ရပ်ဆိုင်းထားပြီး ပြန်လည်သုံးသပ်နေပါတယ်" လို့ အမည်မဖော်လိုသူ အရာရှိက တနင်္လာနေ့မှာ ပြောပြပါတယ်။

▪️ အထောက်အပံ့တွေ ဘယ်လောက်အတိုင်းအတာအထိ ရပ်ဆိုင်းမလဲ၊ ဘယ်လောက်ကြာမလဲဆိုတာတော့ မပြောထားပါဘူး။

▪️ ယူကရိန်းသမ္မတရုံးနဲ့ ဝါရှင်တန်ရှိ ယူကရိန်းသံရုံးတို့က ဒါနဲ့ပတ်သက်ပြီး ပြန်လည်ပြောကြားခြင်း မရှိသေးပါဘူး။

▪️ ထရမ့်သမ္မတတာဝန် ယူချိန်ကစပြီး ယူကရိန်းနဲ့ ရုရှားအပေါ်ထားတဲ့ အမေရိကန်မူဝါဒ ဆန့်ကျင်ဘက်ဖြစ်သွားကာ ရုရှားအတွက် ပြေရာပြေကြောင်းပုံစံ ကျင့်သုံးလာတဲ့ အနေအထားမှာ အခုလို အကူအညီ ရပ်ဆိုင်းလိုက်တာ ဖြစ်ပါတယ်။

▪️ ဇယ်လန်စကီဟာ ရုရှားနဲ့စစ်ပွဲအတွက် အမေရိကန်မှ ထောက်ပံ့ကူညီခဲ့တဲ့အပေါ်ကျေးဇူးမသိဘူးလို့ ထရမ့်က ဝေဖန်ခဲ့ပါသေးတယ်။

▪️ စစ်ပွဲအဆုံးသတ်ရေးက အလှမ်းဝေးလွန်းနေတယ်လို့ ဇယ်လန်စကီပြောကြားခဲ့တာနဲ့ ပတ်သက်ပြီး အမေရိကားက ဒီထက်ပိုပြီး သည်းခံမှာမဟုတ်ဘူးလို့ ထရမ့်က Truth Socialမှာ ဖော်ပြထားပါတယ်။

▪️ ယူကရိန်းနဲ့ ပတ်သက်လို့ စိတ်ပျက်နေပေမယ့် ယူကရိန်း တွင်းထွက်သတ္တုပစ္စည်းများ ရင်းနှီးမြှုပ်နှံရေးကတော့ သဘောတူညီမှု ရနိုင်သေးတယ်လို့ ဆိုပါတယ်။

▪️ ရုရှားတို့ ယူကရိန်းကို လွန်ခဲ့တဲ့ ၃ နှစ်က ကျူးကျော်ပြီးနောက်ပိုင်း အမေရိကန်မှ ယူကရိန်းကို ဘဏ္ဍာရေးနဲ့ စစ်ရေးအကူအညီ ပေးခဲ့သမျှအတွက် သတ္တုပစ္စည်းကိစ္စကနေ ဒေါ်လာဘီလီယံချီပြန်ရယူမယ့် နည်းလမ်းအဖြစ် အမေရိကန်အစိုးရက ရှုမြင်ထားပါတယ်။

▪️ စစ်ပွဲကာလအတွင်း အမေရိကန်လွှတ်တော်က ယူကရိန်းထောက်ပံ့ရေးအတွက် စုစုပေါင်း ဒေါ်လာ ၁၇၅ ဘီလီယံ ခွင့်ပြုပေးကမ်းထားပါတယ်။

#Source: Reuters

#World_Health
Published 04 March 2025

▪️ ဟင်းသီးဟင်းရွက်တွေကို ဘယ်လိုပုံစံမျိုး ချက်ပြုတ်ရင် အာဟာရဓာတ်ပါဝင်မှုကို ဘယ်လိုသက်ရောက်လဲဆိုတာ လူအများသိချင်နေကြပါတယ်။

▪️ ဒီအတွက် သင်တကယ်စားချင်တဲ့ အစားအစာက အကောင်းဆုံးဟင်းရွက် ဖြစ်တယ်လို့ အာဟာရပညာရှင် ကာလင်းသောမတ်စ်က ပြောပါတယ်။
သုတေသနအရတော့ ချက်ပြုတ်နည်းအမျိုးမျိုးက အာဟာရပါဝင်မှုကို သက်ရောက်နေပါတယ်။

▪️ မြင့်မားတဲ့အပူချိန်မှာ ကြာရှည်စွာ ချက်ပြုတ်ပါက အာဟာရဓာတ်များစွာကို လျော့ပါးစေပေမယ့် ဆဲလ်နံရံတွေကို ပျော့ပျောင်းစေပြီး ချေဖျက်ရလွယ်ကူစေနိုင်တယ်လို့ သောမတ်စ်က ပြောပါတယ်။

▪️ ခရမ်းချဉ်သီးဆိုရင် အစိမ်းလိုက်စားတာထက်စာရင် ချက်ပြုတ်တဲ့အခါ ဓာတ်တိုးဆန့်ကျင်ပစ္စည်း လိုင်ကိုပင်း ပိုမိုထွက်ရှိစေသလို ဖရုံသီး၊ မုန်လာဥနီ၊ ကန်စွန်းဥတို့ဆိုရင် အပူပေးတဲ့အခါ ကယ်ရိုတီနွိုက် ဓာတ်တိုးဆန့်ကျင်ပစ္စည်း ထွက်ရှိစေပါတယ်။

▪️ အချိန်ခဏတာသာ ချက်ပြုတ်ပေးရင် အာဟာရဓာတ်ကောင်းစွာ ထုတ်လုပ်ပေးနိုင်တယ်လို့ လင်ကွန်းမှ အာဟာရပညာရှင် အမ်ဘာပန်ကိုနင်က ဆိုပါတယ်။

▪️ သတိထားရမှာက ဟင်းရွက်တွေကို ရေနွေးပူထဲ တစ်မိနစ် နှစ်မိနစ်ထက်ပိုပြီး မထားသင့်ပါဘူး။

▪️ ရေထဲစိမ်ပြီးလို့ ရေကိုသွန်ပစ်လိုက်ရင် အာဟာရဓာတ်တွေအားလုံး ပါသွားပါလိမ့်မယ်။

▪️ ကြော်လှော်ဖို့ ဆီထည့်တဲ့အခါမှာ ဟင်းရွက်တွေ မကပ်ရုံသာ ဆီသုံးသင့်ပြီး များစွာမထည့်သင့်ဘူးလို့ ပန်ကိုနင်က အကြံပြုပါတယ်။

▪️ စားစရာတွေ အရသာရှိအောင် ဆီအနည်းငယ်ထည့်သင့်ပြီး အဆီပျော်ဝင် ဗိုက်တာမင်တွေ စုပ်ယူစေနိုင်ပါတယ်။

#Source: AP News

#World_Health
Published 04 March 2025

▪️ အဝတ်ဗလာနဲ့ အိပ်ခြင်းက အလုံးစုံကျန်းမာရေးနဲ့ အိပ်စက်မှုအရည်အသွေးကို လွယ်ကူသက်သာစွာ မြှင့်တင်ပေးနိုင်မယ်လို့ ကျွမ်းကျင်သူများက ဆိုပါတယ်။

▪️ ကိုယ်တုံးလုံးနဲ့ အိပ်စက်ခြင်းက ဖိစီးမှုကို လျှော့ချနိုင်မယ့်အပြင် အကျိုးကျေးဇူးများစွာ ပေးစွမ်းနိုင်ပါတယ်။

(၁) နှစ်ခြိုက်စွာအိပ်ပျော်ခြင်း
▪️ ကိုယ်တုံးလုံးအိပ်ခြင်းဖြင့် ခန္ဓာကိုယ်ကို အေးမြစေတာကြောင့် အပူချိန်ထိန်းညှိပေးပြီး ပိုမိုနှစ်ခြိုက်စွာ အိပ်ပျော်စေနိုင်ပါတယ်။

(၂) ဇီဝကမ္မဖြစ်စဉ်မြှင့်တင်ခြင်း
▪️ အပူချိန်ကျတဲ့အခါ ဇီဝကမ္မဖြစ်စဉ်ကို လှုံ့ဆော်ပေးပြီး ဟော်မုန်းထိန်းညှိမှု ပိုမိုကောင်းမွန်စေကာ ကယ်လိုရီလောင်ကျွမ်းစေပါတယ်။

(၃) အရေပြားလေဝင်လေထွက်ဖြစ်ခြင်း
▪️ အရေပြားမှာ လေလှည့်ပတ်မှု ကောင်းစေပြီး အစိုဓာတ်ထိန်းသိမ်းပေးနိုင်ကာ အရေပြားယားယံခြင်းမျိုး မဖြစ်စေနိုင်ပါဘူး။

(၄) မျိုးပွားအင်္ဂါများ အထောက်အကူဖြစ်ခြင်း
▪️ ကျားအင်္ဂါနဲ့ မအင်္ဂါနားတဝိုက် လေဝင်လေထွက်ရှိစေသဖြင့် စိုစွတ်မှုကို လျှော့ချပေးကာ မှိုနဲ့ ဘက်တီးရီးယားများ ကူးစက်နိုင်ခြေ နည်းစေတဲ့အပြင် အေးမြမှုထိန်းသိမ်းတဲ့အတွက် သုတ်ပိုးထုတ်လုပ်မှု ကောင်းမွန်စေပါတယ်။

(၅) ဖိစီးမှုနည်းပါးခြင်း
▪️ အဝတ်မပါသဖြင့် လွတ်လပ်စိတ်ပြေလျော့တဲ့သဘော ရစေပြီး ဖိစီးမှုအတိုင်းအတာ လျော့ကျစေပါတယ်။

(၆) ခန္ဓာကိုယ်အပြုသဘောဆောင်ခြင်း
▪️ အဝတ်ဗလာအိပ်တဲ့အခါ ခန္ဓာကိုယ်ပြောင်းလဲမှုများကို သိရှိစေနိုင်ကာ အပြုသဘောဆောင် ထိန်းသိမ်းစေနိုင်ပါတယ်။

(၇) ရင်းနှီးမှုတိုးပွားစေခြင်း
▪️ မိမိရဲ့လက်တွဲဖော်နဲ့ အဝတ်ဗလာအတူအိပ်တဲ့အခါ သံယောဇဉ်တိုးများခိုင်မြဲစေပြီး ရုပ်ပိုင်းဆိုင်ရာနဲ့ ခံစားချက်ပိုင်းဆိုင်ရာမှာ ပိုမိုနီးစပ်လာစေတယ်လို့ ခံစားရနိုင်ပါတယ်။

#Source: New York Post