#World_Science
Published 28 February 2025

▪️ လူတွေ အရောင်မတူတဲ့ ဝတ်စုံဝတ်တဲ့အခါ ပင်လယ်မြစ်ထဲက ငါးက လူတွေကို ကွဲပြားသိရှိတယ်လို့ သုတေသီတွေ တွေ့ရှိခဲ့ပါတယ်။

▪️ မွေးမြူထားတဲ့ သတ္တဝါတွေ၊ လူတွေနဲ့အနေနီးတဲ့ သတ္တဝါတွေက အန္တရာယ်ပေးမယ့်လူနဲ့ ရင်းနှီးတဲ့လူကို ကွဲပြားသိရှိပေမယ့် ပင်လယ်မြစ်တွေထဲက သတ္တဝါတွေကတော့ သိပ်ပြီးမခွဲခြားတတ်ပါဘူး။

▪️ အခုမှာတော့ ငါးတွေက လူတွေကို မှတ်သားရာမှာ ဖြစ်စဉ်လေးတစ်ခုသာ အသုံးပြုတယ်လို့ ဂျာမနီ မက်စ်ပလန့်ခ်တက္ကသိုလ်မှ သုတေသနပြုစုသူ မေလန်တိုမာဆက်ခ်က ပြောပါတယ်။

▪️ ပထမအဆင့်မှာ သုတေသီတစ်ယောက်က saddled seabream နဲ့ black seabreamငါးတို့ကို ၁၂ ရက်ကြာအောင် လေ့ကျင့်ပေးပြီး နောက်ကနေလိုက်ရင် အစာကျွေးတဲ့ပုံစံ ပြုလုပ်ခဲ့ပါတယ်။

▪️ ဒီနောက် နောက်ထပ်သုတေသီတစ်ဦးကလည်း ထပ်တူညီတဲ့ ဝတ်စုံ၊ အရောင်မတူတဲ့ဝတ်စုံ ဝတ်ဆင်ကာ ပါဝင်ခဲ့ပါတယ်။

▪️ နှစ်ယောက်က မတူညီတဲ့ဘက်ကို ရေကူးသွားပြီး ထပ်ခါထပ်ခါ ထိုကဲ့သို့ ပြုလုပ်ခဲ့ပါတယ်။

▪️ သုတေသီအနောက်ကိုလိုက်မှသာ ငါးတွေကို အစာကျွေးပါတယ်။
ဝတ်စုံတစ်ခုစီအတွက် စမ်းသပ်မှု ၃၀ ပြုလုပ်ကာ လိုက်လာတဲ့ ငါးအရေအတွက်ကို ရေတွက်ဖို့ ဗီဒီယိုရိုက်ကူးခဲ့ပါတယ်။

▪️ မတူညီတဲ့ဝတ်စုံဝတ်တဲ့အခါ ငါးတွေက ပထမသုတေသီနောက်ကိုပိုပြီး လိုက်လေ့ရှိကာ စမ်းသပ်မှုတွေ ထပ်လုပ်လာတာနဲ့အမျှ ပိုမိုသိသာလာပါတယ်။

▪️ တူညီတဲ့ဝတ်စုံ ဝတ်တဲ့အခါမှာတော့ black breamတွေမှာ ဒီလိုမျိုးမတွေ့ရဘဲ saddled breamငါးတွေမှာတော့ စမ်းသပ်အကြိမ်ရေ တဝက်လောက်မှာပဲ ပထမသုတေသီဆီ ပိုမိုလိုက်ပါကြပါတယ်။

▪️ တူညီတဲ့ဝတ်စုံဝတ်တဲ့အခါ ခွဲခြားလိုက်ပါခြင်းမျိုး မတွေ့ရဘူးလို့ တိုမာဆက်ခ်က ဆိုပါတယ်။

▪️ ဒါကြောင့် အရောင်မှတ်သားခြင်း ဖြစ်စဉ်ကိုသာ အသုံးပြုပြီး လူတွေကို မှတ်သားသွားတယ်ဆိုတာ တွေ့ရပါတယ်။

#Source: The Guardian

#World_Health
Published 28 February 2025

▪️ အမေရိကန်တွေထဲက ၁၁ ရာခိုင်နှုန်းလောက်က ယင်းတို့ရဲ့ အိပ်မက်တွေကို အမြဲတမ်းနီးပါး မှတ်မိကြပြီး အခြားသူတွေထက် မှတ်မိလွယ်ကြတာဟာ အထူးအဆန်းဖြစ်ရပါတယ်။

▪️ အိပ်မက်ကို မနက်ခင်းမှာ အမှတ်ရနေတဲ့အပေါ် တစ်ဦးချင်းစီရဲ့ လက္ခဏာတွေနဲ့ ပြင်ပသက်ရောက်မှုတွေအကြောင်း တွေ့ရှိခဲ့ကြတယ်လို့ အီတလီမှ သုတေသီများ ပြောပါတယ်။

▪️ အိပ်မက်အကြောင်း ပြန်လည်မှတ်မိတာဟာ စိတ်နေသဘောထားများ၊ ဦးနှောက်သိမြင်မှု လက္ခဏာများ၊ အိပ်စက်မှု အကျိုးသက်ရောက်မှုတွေရဲ့ သက်ရောက်မှုတွေ ဖြစ်တဲ့သဘော ယူဆရတယ်လို့ IMTတက္ကသိုလ် စိတ်ကျန်းမာရေး ပရော်ဖက်ဆာ ဂူလီယိုဘာနာဒီက ပြောပါတယ်။

▪️ အိပ်မက်ဆိုတာက အိပ်ပျော်နေစဉ်မှာ စိတ်ထဲကနေပေါ်လာတဲ့ ပုံရိပ်တွေ၊ အတွေးအခေါ်တွေ၊ စိတ်ခံစားချက်တွေ၊ ထိတွေ့ခံစားရမှုတွေ တန်းစီဖြစ်ပေါ်ပါတယ်။

▪️ အိပ်မက်မက်ခြင်းက စိတ်ခံစားချက်တွေ ထိန်းသိမ်းဖို့၊ မှတ်ဉာဏ်များ ထိန်းသိမ်းဖို့၊ ဦးနှောက်ချိတ်ဆက်မှုများ အားကောင်းစေဖို့၊ ဖိစီးမှုလျှော့ချဖို့၊ ပြဿနာများ ဖြေရှင်းဖို့၊ တွေးတောဖန်တီးဖို့ အထောက်အကူဖြစ်စေတယ်လို့ ယူဆရပါတယ်။

▪️ အချို့လူတွေက ကိုဗစ်ကပ်ရောဂါအတွင်း အိပ်မက်တွေကို ပြန်မှတ်မိကြတယ်လို့ ဆိုကြကာ သုတေသီတွေက ဖိစီးမှုတွေ၊ စိတ်ကျမှုတွေ၊ အိပ်ရေးပျက်ခြင်းတွေကို ညွှန်းသွားခဲ့ပါတယ်။

▪️ အသက် ၁၈ နှစ်နဲ့ ၇၀ ကြား လူအယောက် ၂၀၀ ကျော်ကို စိတ်ကျန်းမာရေးစမ်းသပ်ချက်များ ပြုလုပ်ပြီး ယင်းတို့ရဲ့ ပူပန်စိတ်ပမာဏ၊ အိပ်မက်အကြောင်း စိတ်ဝင်စားမှု၊ အနှောင့်အယှက် တုံ့ပြန်နိုင်စွမ်းတွေနဲ့ ပတ်သက်ပြီး မေးမြန်းခဲ့ကြပါတယ်။

▪️ အိပ်မက်မက်ခြင်းနဲ့ အိပ်မက်အကြောင်း ပြောနိုင်ခြင်းရှိမရှိ ၁၅ ရက်ကြာအောင် နေ့စဉ်သတင်းပို့ကြရပါတယ်။

▪️ ပါဝင်စမ်းသပ်သူတွေမှာ အိပ်စက်မှုကြာချိန်၊ အရည်အသွေး၊ နှောင့်ယှက်မှုတွေကို တွေ့ရှိနိုင်မယ့် ကိရိယာတစ်မျိုး တပ်ဆင်ခဲ့ကြပါတယ်။

▪️ ထိုအခါမှာ အိပ်မက်ကို ပြန်လည်မှတ်မိနိုင်ခြေများတဲ့ သူတွေက အိပ်မက်အကြောင်း အကောင်းမြင်သူတွေ၊ စိတ်ကို လျှောက်သွားခွင့်ပြုတဲ့သူတွေ၊ ပူနွေးရာသီဥတုမှာ နေတဲ့သူတွေ၊ ငယ်ရွယ်သူတွေဖြစ်တယ်လို့ သုတေသီတွေက အကြံပြုပါတယ်။

#Source: New York Post

ရုရှားတို့က ယူကရိန်းပဋိပက္ခ အဆုံးသတ်ရေးအတွက် ညှိနှိုင်းမှုများ လမ်းဖွင့်ထားဆဲဖြစ်ပေမယ့် ရုရှားအတွက် သင့်တော်မယ့်ခိုင်မာတည်မြဲတဲ့ရလဒ် မထွက်မချင်း စစ်ရေးလုပ်ဆောင်မှုများ ရပ်တန့်မှာမဟုတ်ဘူးလို့ တူရကီနိုင်ငံ အန်ကာရာကို ရောက်ရှိနေတဲ့ ရုရှားနိုင်ငံခြားရေးဝန်ကြီး ဆာဂျီလက်ဗ်ရော့ဗ်က တနင်္လာနေ့မှာ ပြောလိုက်ပါတယ်။
#World_News
Published  27 February 2025
#တူရကီနှင့်ရုရှားနိုင်ငံခြားရေးဝန်ကြီး #ယူကရိန်းပဋိပက္ခ
#YMG #Yangon_Times #Yangon_Media_Group

#Daily_News

Published  27 February 2025

၁။ လာမည့်သင်္ကြန်တွင်ကရင်ပြည်နယ်၌ သဲသောင်ပြင်သင်္ကြန်ကိုပါ ထည့်သွင်း ကျင်းပမည်

၂။ ယခုနှစ်နွေရာသီအပူချိန်လျော့ကျနိုင်

၃။ ပဲခူးတိုင်းဒေသကြီးတွင် မြန်မာ့သနပ်ခါး လိမ်းခြယ်ပြိုင်ပွဲ ကျင်းပမည်

၄။ တူရကီနှင့်ရုရှားနိုင်ငံခြားရေးဝန်ကြီးတို့ ယူကရိန်းပဋိပက္ခငြိမ်းချမ်းစွာအဆုံးသတ်ရေးဆွေးနွေး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 27 February 2025

▪️ အမေရိကန် တရားရုံးချုပ်မှ တရားသူကြီးချုပ် ဂျွန်ရောဘတ်စ်က သမ္မတဒေါ်နယ်ထရမ့်ရဲ့ အစိုးရအဖွဲ့ကနေ ကန်ထရိုက်တာများနဲ့ ထောက်ပံ့မှုလက်ခံသူများကို နိုင်ငံခြားအကူအညီပေးရမယ်ဆိုတဲ့ ဖက်ဒရယ်တရားသူကြီးအမိန့်ကို ဗုဒ္ဓဟူးနေ့က ဆိုင်းငံ့လိုက်ပါတယ်။

▪️ ဗုဒ္ဓဟူးနေ့ည ၁၁ နာရီ ၅၉ မိနစ်ကို နောက်ဆုံးသတ်မှတ်ထားတဲ့ ဝါရှင်တန်အခြေစိုက် အမေရိကန်ခရိုင်တရားသူကြီး အေမီရာအယ်လီရဲ့ သတ်မှတ်ချက်ကို ရောဘတ်စ်က ဆိုင်းငံ့ထားဖို့ ကြားဖြတ်အမိန့် ထုတ်ပြန်လိုက်တာ ဖြစ်ပါတယ်။

▪️ တရားရုံးယာယီအမိန့်အတွက် ရောဘတ်စ်က ကျိုးကြောင်းပြောသွားခြင်းမရှိဘဲ အယ်လီရဲ့ စီရင်ချက်ကို ပိတ်ဆို့ဖို့အတွက် အစိုးရအဖွဲ့ရဲ့ တရားဝင်တောင်းဆိုချက်ကို စဉ်းစားသွားဖို့ တရားရုံးအနေနဲ့ အချိန်ပိုရသွားမှာဖြစ်ပါတယ်။

▪️ ရောဘတ်စ်က နိုင်ငံတကာဖွံ့ဖြိုးရေး အမေရိကန်အေဂျင်စီနဲ့ နိုင်ငံခြားရေးဌာနတို့နဲ့ ကန်ထရိုက်ယူထားသူတွေ ဒါမှမဟုတ် လက်ခံရယူတဲ့ အဖွဲ့အစည်းတရားလိုတွေကို သောကြာမွန်းလွဲအချိန်မှာ တုံ့ပြန်ပြောကြားခိုင်းထားပါတယ်။

▪️ ထရမ့်အစိုးရအဖွဲ့က အမေရိကန် နိုင်ငံခြားရေး အကူအညီ ကန်ထရိုက်များနဲ့ ထောက်ပံ့မှုအများစုကို အဆုံးသတ်သွားမယ့် နောက်ဆုံးဆုံးဖြတ်ချက် ချလိုက်ပြီလို့ ဗုဒ္ဓဟူးနေ့က ရုံးတင်လျှောက်ထားခဲ့ပြီး အယ်လီရဲ့ တရားရုံးအမိန့်ချ နောက်ဆုံးသတ်မှတ်ချိန်ကို မမီဘူးလို့ ပြောကြားပြီးနောက်မှာ အခုလိုအမိန့်ထွက်လာတာ ဖြစ်ပါတယ်။

▪️ အစိုးရအဖွဲ့ဟာ နိုင်ငံတကာဖွံ့ဖြိုးရေးအေဂျင်စီရဲ့ နိုင်ငံခြားအကူအညီ ကန်ထရိုက် ၉၀ ရာခိုင်နှုန်းကျော်၊ ကမ္ဘာတဝှမ်းရှိ အမေရိကန် အထောက်အပံ့အားလုံးထဲက ဒေါ်လာ ၅၈ ဘီလီယံကျော်ကို ဖြတ်တောက်နေတယ်လို့ နိုင်ငံခြားရေးဌာနမှ ပြောရေးဆိုခွင့်ရှိသူတစ်ဦးက ပြောပါတယ်။

▪️ တရားစွဲဆိုချက်တွေ လျှောက်တင်လာတဲ့ ထောက်ပံ့ရေးအဖွဲ့အစည်းတွေက အေဂျင်စီတွေဟာ နိုင်ငံခြား ထောက်ပံ့ပေးချေမှုအားလုံးကို တရားမဝင် ရပ်ဆိုင်းလိုက်တယ်လို့ စွပ်စွဲထားပါတယ်။

▪️ အစိုးရသဘောတူညီချက်တွေက မူဝါဒနဲ့ ကိုက်ညီခြင်းရှိမရှိ ဆုံးဖြတ်ဖို့ သုံးသပ်နေချိန်မှာ ဆိုင်းငံ့ထားပိုင်ခွင့်ရှိတယ်လို့ အမေရိကန် တရားစီရင်ရေးဌာနရဲ့ ရှေ့နေတွေက ပြောပါတယ်။

▪️ ထရမ့်ဟာ ပြည်ထောင်စုဥပဒေနဲ့ အမေရိကန် အခြေခံဖွဲ့စည်းပုံလက်အောက် သူ့ရဲ့လုပ်ပိုင်ခွင့်ကို ကျော်လွန်ပြီး လွတ်လပ်တဲ့ အေဂျင်စီ ဖျက်သိမ်းခြင်း၊ လွှတ်တော်မှ ခွင့်ပြုထားတဲ့ သုံးစွဲမှုတွေကို ပယ်ဖျက်ခြင်းတို့ ပြုလုပ်တာဖြစ်တယ်လို့ တရားလိုများက စွပ်စွဲထားပါတယ်။

#Source: Reuters

#World_Health
Published 27 February 2025

▪️ နှလုံးရောဂါက ကမ္ဘာတဝှမ်းမှာ အသက်ဆုံးပါးမှုနှုန်း မြင့်မားနေသလို ရုတ်တရက်နှလုံးဖောက်ခြင်းကလည်း စိုးရိမ်စရာ ဖြစ်လာပါတယ်။

▪️ နှလုံးသွေးကြောကျန်းမာရေးအတွက် မျှတတဲ့အစားအစာ၊ ပုံမှန်လေ့ကျင့်ခန်းတို့က အရေးပါတဲ့အပြင် သဘာဝဖြည့်စွက်အားဆေးကလည်း ရောဂါဖြစ်နိုင်ခြေ လျှော့ချနိုင်ပါတယ်။

▪️ ဒီထဲမှာမှ အိုမီဂါ-၃ ဖက်တီးအက်ဆစ်၊ ကိုအင်ဇိုင်းQ10၊ မဂ္ဂနီဆီယံတို့က နှလုံးကျန်းမာရေးကို ထောက်ပံ့ပေးနိုင်ပါတယ်။

(၁) အိုမီဂါ-၃ ဖက်တီးအက်ဆစ်
▪️ မကောင်းတဲ့အဆီ၊ သွေးပေါင်ချိန်တို့ကို လျှော့ချပေးပြီး သွေးကြောပိတ်ဆို့ခြင်းမှ ကာကွယ်ပေးသလို ရောင်ရမ်းခြင်းကိုလည်း ဆန့်ကျင်ပေးပါတယ်။

▪️ အိုမီဂါ-၃ ဖက်တီးအက်ဆစ်ပါဝင်တဲ့ သဘာဝရင်းမြစ်တွေက ဆော်လ်မွန်၊ ငါးကွမ်းရှပ်၊ ငါးသေတ္တာ၊ တူနာငါးလိုမျိုး အဆီပါသောငါးများ၊ ချီယာစေ့၊ လျှော်စေ့၊ သစ်ကြားသီးနဲ့ ဗာဒံသီး၊ ပဲပုပ်နဲ့ တိုဖူးတို့ ဖြစ်ပါတယ်။

(၂) ကိုအင်ဇိုင်းQ10 (CoQ10)
▪️ နှလုံးဆဲလ် စွမ်းအင်ထုတ်လုပ်မှုကို ထောက်ပံ့ပေးတဲ့ ဓာတ်တိုးဆန့်ကျင်ပစ္စည်းဖြစ်ကာ သွေးကြောတွေ အကျုံ့အဆံ့ ပြုလုပ်ပေးခြင်း၊ သွေးပေါင်ချိန် လျော့ကျစေခြင်းတို့ ပေးစွမ်းနိုင်ပါတယ်။

▪️ ကိုအင်ဇိုင်းQ10ကိုတော့ အဆီပါသောငါးများ၊ ကိုယ်တွင်းအင်္ဂါသားများဖြစ်တဲ့ အသည်း၊ နှလုံး၊ ကျောက်ကပ်၊ ဂျုံ၊ ဆန်ညို၊ အခွံမာသီးနဲ့ အစေ့များမှာ ပါဝင်ပါတယ်။

(၃) မဂ္ဂနီဆီယံ
▪️ သွေးပေါင်ချိန်၊ နှလုံးခုန်နှုန်းတို့ ထိန်းသိမ်းရာမှာ အရေးပါပြီး သွေးကြောတောင့်တင်းခြင်းမှ ကာကွယ်ပေးပါတယ်။

▪️ မဂ္ဂနီဆီယံ နည်းပါးပါက နှလုံးခုန်မမှန်ခြင်း၊ နှလုံးရောဂါတို့ ဖြစ်နိုင်ခြေ များပါတယ်။

▪️ မဂ္ဂနီဆီယံကို ဟင်းနုနွယ်၊ ကိုက်လံ၊ မုန်ညင်းစတဲ့ အစိမ်းရောင်ဟင်းရွက်များ၊ အစေ့နဲ့ အခွံမာသီးများ၊ ဆန်ညို၊ ဂျုံ၊ ချောကလက်မည်း၊ ငှက်ပျောသီးတို့မှာ တွေ့ရပါတယ်။

▪️ ဖြည့်စွက်အားဆေးတွေ အသုံးပြုခြင်းက အာဟာရဓာတ်မျှတမှုနဲ့ ကျန်းမာရေးနဲ့ညီညွတ်တဲ့ စားသောက်နေထိုင်မှုပုံစံကို ထောက်ကူပေးနိုင်မှာ ဖြစ်ပါတယ်။

#Source: DoctorNDTV