#World_Health
Published 04 December 2024

▪️ လူတွေ အသက်ကြီးလာတဲ့အခါ ဦးနှောက်ကျုံ့လာတာကို မကာကွယ်နိုင်ပေမယ့် နှောင့်နှေးအောင်တော့ လုပ်လို့ရပါသေးတယ်။

▪️ သွေးတွင်းသကြားဓာတ် ထိန်းချုပ်ခြင်းက ဦးနှောက်ကျန်းမာရေးအပေါ် သက်ရောက်နိုင်ပြီး ဦးနှောက်ကျန်းမာရေး ကျဆင်းလာခြင်းကို နှောင့်နှေးစေတယ်လို့ ဘန်ဂူရီယန်တက္ကသိုလ်မှ သုတေသီများ တွေ့ရှိလာပါတယ်။

▪️ မက်ဒီတာရေးနီးယန်း စားသောက်မှုပုံစံရဲ့ အာရုံကြောကာကွယ်နိုင်စွမ်းမှာ သွေးတွင်းသကြားဓာတ် ထိန်းချုပ်မှုက ပတ်သက်နေတယ်လို့ ဖော်ပြထားပါတယ်။

▪️ နေထိုင်စားသောက်မှုပုံစံ ပြောင်းလဲခြင်းဖြင့် ဦးနှောက်ရင့်ရော်ခြင်းကို နှောင့်နှေးစေနိုင်မယ်လို့ မျှော်လင့်ရပါတယ်။

▪️ လူတွေမှာ နေထိုင်မှုသက်တမ်းရှိသလို ဦးနှောက်မှာလည်း သူ့သက်တမ်းနဲ့သူ ရှိပါတယ်။

▪️ ဦးနှောက်သက်တမ်းနုနယ်စဉ်မှာ ဦးနှောက်ကျန်းမာရေး ပိုကောင်းပြီး ဦးနှောက်သက်တမ်း အိုမင်းတဲ့အခါ မှတ်ဉာဏ်နဲ့ အသိဉာဏ်ကျဆင်းလာပါတယ်။

▪️ မက်ဒီတာရေးနီးယန်း အစားအစာတွေက အသက်အရွယ်ကြောင့် ဦးနှောက်ကျုံ့ခြင်းကို တစ်နှစ်ခွဲအတွင်း တဝက်လောက် လျှော့ချပေးတယ်လို့ တွေ့ထားကြပါတယ်။

▪️ ထိုအစားအစာတွေမှာ ပိုလီဖီနောလ်ဓာတ် ကြွယ်ဝပြီး ဇီဝဖြစ်စဉ်ကျန်းမာရေးကို ထောက်ပံ့ရုံမက ဦးနှောက်တည်ဆောက်ပုံနဲ့ လုပ်ဆောင်ချက်တို့ကိုလည်း ကာကွယ်ပေးပါတယ်။

▪️ ဘဲစားရေမှော်ပင်တွေဆိုရင် သွေးတွင်းသကြားဓာတ်နဲ့ ဦးနှောက်ကျန်းမာရေးတို့အတွက် တိုးတက်စေတယ်လို့ တွေ့ရှိထားပါတယ်။

▪️ အပင်အခြေပြု စားစရာတွေမှာ တွေ့ရတဲ့ ပိုလီဖီနောလ်က သွေး-ဦးနှောက်ပိုင်းခြားမှုကို ဖြတ်သန်းကာ ဦးနှောက်ရောင်ရမ်းမှုကို လျှော့ချပေးတယ်လို့ သိရပါတယ်။

#Source: The Jerusalem Post

လက်ဘနွန်နဲ့ အစ္စရေးလ်တို့ကြား အပစ်အခတ်ရပ်စဲရေး သဘောတူညီချက်က ဗုဒ္ဓဟူးနေ့ အာရုံတက်ချိန်မှာ စတင်သက်ရောက်လာပြီး မရေရာမှုတွေရော ပျော်ရွှင်မှုတွေပါ ခံစားနေရတဲ့ ထောင်ပေါင်းများစွာသော လက်ဘနွန်ရွှေ့ပြောင်းအရပ်သားတွေဟာ မြို့တော်ဘေရုကနေ နေရပ်ပြန်နေပြီဖြစ်ကာ သူတိုရဲ့ဘဝတွေကို ပြန်လည်တည်ဆောက်နေပါပြီ။
#World_News
Published 3 December 2024
#လက်ဘနွန်-အစ္စရေးလ် #စစ်ဘေးရှောင်အရပ်သား
#YMG #Yangon_Times #Yangon_Media_Group

#Daily_News
Published 3 December 2024

၁။ ‌ကမ္ဘာ့ရွှေဈေးကျဆင်းလာခြင်းနှင့် ကောလဟာလများ‌ပျောက်ကွယ်သွားခြင်းကြောင့် မြန်မာ့ရွှေဈေးကျဆင်းလာ

၂။ ဆန်စပါးအထွက်တိုးရန် ဆောင်ရွက်ရာ၌ စိန်ခေါ်မှုများရှိနေ

၃။ အောင်ဘာလေသိန်းဆုဖွင့်ပွဲတွင် ထုတ်ယူရန်ကျန်ရှိသည့် ဆုမဲတစ်သောင်းကျော်ကို ယခုလ ၃၁ ရက်နောက်ဆုံးထားထုတ်ယူနိုင်

၄။ လက်ဘနွန်-အစ္စရေးလ်အပစ်အခတ်ရပ်စဲရေး သဘောတူညီချက်စတင်အသက်ဝင်လာလာချင်းမှာပင် စစ်ဘေးရှောင်အရပ်သားများနေရပ်ပြန်နေကြ
... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 03 December 2024

▪️ အီရန်ကျောထောက်နောက်ခံပြု အီရန်တိုက်ခိုက်ရေးသမား ရာနဲ့ချီဟာ တနင်္လာနေ့က ဆီးရီးယားကို ဖြတ်ကျော်လာပြီး အလက်ပိုကို သိမ်းပိုက်ထားတဲ့ သူပုန်တွေနဲ့ တိုက်ခိုက်နေတဲ့ အစိုးရကို ကူညီသွားမှာဖြစ်ပါတယ်။

▪️ ဒါပေမဲ့ လက်ဘနွန်မှ ဟက်ဇ်ဘိုလာတို့ကတော့ အခုအချိန်မှာ ပူးပေါင်းပါဝင်ဖို့ အစီအစဉ်မရှိသေးဘူးလို့ သတင်းရင်းမြစ်များက ဆိုပါတယ်။

▪️ ရုရှားလေကြောင်း အကူအညီ အပါအဝင် ဒေသတွင်း အီရန်ရဲ့ မဟာမိတ်တပ်ဖွဲ့များ စုစည်းထားခြင်းက အစိုးရလိုလားတဲ့ တပ်ဖွဲ့များ အောင်နိုင်ရေးအတွက် အဓိကကျနေပြီး ၂၀၁၁ သမ္မတဘာရှာအယ်အက်ဆက်ဒ်ကို ပုန်ကန်ခဲ့ကြတဲ့ ဆီးရီးယားမှ သူပုန်တွေကို နှိမ်နင်းခဲ့ကြပါတယ်။

▪️ ဒါပေမဲ့ ရုရှားတို့က ယူကရိန်းစစ်ပွဲကို အာရုံစိုက်နေပြီး ဟက်ဇ်ဘိုလာတို့က အစ္စရေးလ်နဲ့ ပဋိပက္ခဖြစ်နေချိန်မှာ ဆီးရီးယားအနောက်မြောက်မှ သူပုန်များ အလျင်အမြန် ချီတက်လာကြပါတယ်။

▪️ အလက်ပိုမြို့ကို ဝင်ရောက်သောင်းကျန်းနိုင်ခဲ့တာဟာ အက်ဆက်ဒ်ဆန့်ကျင်ရေးသမားများ အတွက်တော့ အကြီးမားဆုံး အောင်မြင်မှု ဖြစ်နေပါတယ်။

▪️ သူပုန်တွေက မြို့ကို အလျင်အမြန်ပဲ သိမ်းပိုက်နိုင်ခဲ့တယ်လို့ အတိုက်အခံအဖွဲ့ ခေါင်းဆောင် ဟေဒီအယ်ဘာရာက ပြောပါတယ်။

▪️ အလက်ပိုကို တိုက်ခိုက်ဖို့က မနှစ်တည်းက ပြင်ဆင်နေခဲ့ပေမယ့် ဂါဇာစစ်ပွဲကြောင့် ရပ်တန့်ထားရတယ်လို့ ဆိုပါတယ်။

▪️ ဆီးရီးယားပြည်တွင်းစစ်ဟာ ၂၀၂၀ နောက်ပိုင်း ရပ်ဆိုင်းနေခဲ့ပြီး အက်ဆက်ဒ်အစိုးရ နယ်မြေအများစုနဲ့ အဓိကမြို့ကြီးအားလုံးကို ထိန်းချုပ်ထားခဲ့ပါတယ်။

▪️ အီရတ်မှ တိုက်ခိုက်ရေးသမား အနည်းဆုံး ၃၀၀ လောက်ဟာ တနင်္ဂနွေနေ့ နှောင်းပိုင်းမှာ မြေလမ်းတစ်ခုကို ဖြတ်သန်းလာခဲ့တယ်လို့ သိရပါတယ်။

▪️ အက်ဆက်ဒ်တို့သာ အီရန်အပေါ် မှီခိုမှုလျှော့ချလာပါက ယူအေအီးနဲ့ အမေရိကန်တို့က ယင်းအပေါ် ချမှတ်ထားတဲ့ ဒဏ်ခတ်ပိတ်ဆို့မှုများကို လျှော့ချဖို့အရေး ဆွေးနွေးထားပါတယ်။

#Source: Reuters

#World_Lifestyle
Published 03 December 2024

▪️ ဘောလုံးခေါင်းတိုက်ခြင်းဟာ ဦးနှောက်ထိခိုက်စေတာကို ယခင်ကထက်ပိုပြီး တွေ့လာကြပါတယ်။

▪️ မြောက်အမေရိက ဓာတ်ရောင်ခြည်အဖွဲ့မှ သုတေသီတွေက ဘောလုံးခေါင်းတိုက်ခြင်းနဲ့ အာရုံကြောချို့ယွင်းရောဂါများကြား ဆက်စပ်မှုတွေကို ရှာဖွေတွေ့ခဲ့ကြပါတယ်။

▪️ ဘောလုံးကို အကြိမ်များစွာ ခေါင်းတိုက်ခဲ့တဲ့ ဘောလုံးသမားတွေဟာ ဦးနှောက်ရဲ့ အဖြူသားနေရာမှာ ပုံမှန်မဟုတ်ဘဲ ဦးနှောက်ထိခိုက်ဒဏ်ရာ ရထားတာတွေကို တွေ့ခဲ့ကြပါတယ်။

▪️ ဘောလုံးသမားတွေ ဘောလုံးနဲ့အထိများတဲ့ ဦးနှောက်အရှေ့ခြမ်းနေရာမှာ အထိခိုက်ဆုံးဖြစ်နေတာ တွေ့ရပါတယ်။

▪️ အားကစားမှာ ကြိမ်ဖန်များစွာ ခေါင်းတိုက်ခြင်းရဲ့ သက်ရောက်မှုတွေက ယခင်သိထားတာထက် ပိုကျယ်ပြန့်နေတယ်လို့ နယူးယော့ခ် ကိုလံဘီယာတက္ကသိုလ်မှ ဓာတ်ရောင်ခြည်ပရော်ဖက်ဆာ ဒေါက်တာ မစ်ချဲလ်လစ်ပ်တန်က ပြောသွားပါတယ်။

▪️ ဦးနှောက်အဖြူသားနေရာကို ထိခိုက်ခြင်းက ဦးနှောက်စွမ်းဆောင်ရည် ပိုမိုဆိုးရွားစေနိုင်တယ်လို့ ဆိုပါတယ်။

▪️ စမ်းသပ်ပါဝင်ခဲ့တဲ့ ဘောလုံးသမားတွေနဲ့ အားကစား ၄၀၀ ကျော် အများစုဟာ ဦးနှောက်ထိခိုက်ဒဏ်ရာမျိုး မရှိခဲ့ကြပါဘူး။

▪️ ခေါင်းတိုက်ခြင်းက ချက်ချင်းတော့ ဒဏ်ရာမဖြစ်ပေမယ့် ရေရှည်မှာ ဦးနှောက်ထိခိုက်နိုင်တယ်လို့ သုတေသီများ ပြောပါတယ်။

▪️ ယခုလေ့လာချက်မှာ ဦးနှောက်မျက်နှာပြင်နဲ့ နီးကပ်တဲ့ အစိတ်အပိုင်းတွေကို MRIနည်းပညာ အသုံးပြုခဲ့တာ ဖြစ်ပါတယ်။

#Source: New York Post

#World_Health
Published 03 December 2024

▪️ ဦးနှောက်ကျန်းမာရေး မြှင့်တင်ချင်သူတွေအတွက် စတိုးဆိုင်တွေမှာရောင်းချတဲ့ ဖြည့်စွက်အားဆေးတစ်မျိုးဟာ ဒီမန်ရှာနဲ့ အယ်လ်ဇိုင်းမားရောဂါ လက္ခဏာများကို တိုက်ဖျက်နိုင်ပါတယ်။

▪️ ဦးနှောက်ဆေးပင်လို့ခေါ်တဲ့ ဂင်ဂိုဘီလိုဘာအရည်ကို အဆိုပါအပင်ရဲ့ အရွက်ခြောက်တွေကနေ ညှစ်ယူရရှိပြီး အရှေ့အာရှမှာ ဦးစွာပေါက်ရောက်ကာ သက်တမ်းအရင့်ဆုံး သစ်ပင်မျိုးစိတ်တွေထဲက တစ်ခုဖြစ်ပါတယ်။

▪️ တရုတ်ရိုးရာဆေးပညာတွေမှာ အသုံးပြုကြသလို ဦးနှောက်လုပ်ဆောင်ချက်နဲ့ မှတ်ဉာဏ်ကို အားကောင်းစေကာ ဒီမန်ရှာလက္ခဏာများကို သက်သာစေပါတယ်။

▪️ ဂင်ဂိုဘီလိုဘာအပင်မှ ရရှိတဲ့ပစ္စည်းက ဦးနှောက်သို့ သွေးစီးဆင်းမှု ကောင်းစေပြီး အသက်ကြီးသူတွေမှာ အာရုံစူးစိုက်ခြင်းနဲ့ မှတ်ဉာဏ်တို့ကို တိုးတက်စေတယ်လို့ အာဟာရနဲ့ အစားအစာပညာရှင် ခရူတီကာနာနာဗာတီက ပြောသွားပါတယ်။
သူ့မှာ တာပီနွိုက်၊ ပိုလီဖီနောလ်၊ အော်ဂဲနစ်အက်ဆစ်၊ ဖလေဗိုနွိုက်တို့ ပါဝင်ပြီး ရောင်ရမ်းဆန့်ကျင်ခြင်း၊ ဓာတ်တိုးဆန့်ကျင်ခြင်း၊ အာရုံကြောကာကွယ်သည့် အစွမ်းသတ္တိများကို တိုးမြှင့်ပေးပါတယ်။

▪️ ဂင်ဂိုကို သွေးလည်ပတ်မှု အားနည်းခြင်း၊ ရင်ကြပ်ခြင်း၊ အသက်ရှူပြွန်ရောင်ရမ်းခြင်း၊ ဆီးအိတ်ပြဿနာများအတွက် အသုံးပြုပါတယ်။

▪️ ဂင်ဂိုကနေ ရရှိတဲ့ EGb 761 မှာ ဖလေဗိုနွိုက်ဂလိုင်ကိုဆိုက် ၂၄ ရာခိုင်နှုန်း၊ တာပင်းလက်တုန်း ၆ ရာခိုင်နှုန်း ပါဝင်ပြီး ဒီမန်ရှာကို ကုသနိုင်စွမ်း တွေ့ရှိထားပါတယ်။

▪️ ဒီဒြပ်ပေါင်းတွေက ဓာတ်တိုးရောင်ရမ်းခြင်းကို လျော့ကျစေပြီး သွေးခဲစေတဲ့ ပလိတ်လတ်တွေ အလွန်အကျူး စုပြုံကပ်ခြင်းမှ ကာကွယ်ပေးပါတယ်။

▪️ လေ့လာချက် ၁၁ မျိုးထဲမှာ ဂင်ဂိုမှရရှိတဲ့ ပစ္စည်းက ဒီမန်ရှာလူနာတွေမှာ ဦးနှောက်လုပ်ဆောင်ချက်တွေကို တိုးတက်စေတာ တွေ့ထားပါတယ်။

▪️ ဒီမန်ရှာအတွက် ဂင်ဂိုကို တစ်နေ့ ၁၂၀ မှ ၂၄၀ မီလီဂရမ်ဖြင့် ကုသဖို့ အကြံပြုထားပါတယ်။

▪️ ဂင်ဂိုဟာ လူတိုင်းနဲ့တည့်တာတော့ မဟုတ်ဘဲ အချို့လူတွေမှာ အစာအိမ်မသက်သာခြင်း၊ ခေါင်းကိုက်မူးဝေခြင်း၊ နှလုံးတုန်ခြင်းနဲ့ ဓာတ်မတည့်ခြင်းတို့ ဖြစ်စေနိုင်ပါတယ်။

▪️ ဖြည့်စွက်ဆေးအနေဖြင့် အရည်၊ ဆေးတောင့်၊ ဆေးပြား၊ အရွက်ခြောက်များအဖြစ် ရောင်းချနေကြပါတယ်။

#Source: New York Post