#World_Health
Published 26 May 2024

▪️ မိမိရဲ့ခွေးကို ကျန်းမာရေးနဲ့ ညီညွတ်စွာ ကျွေးမွေးနိုင်မယ့် နည်းလမ်းများစွာရှိပြီး အကောင်းဆုံးနည်းလမ်း ၃ ခုကတော့..

(၁) သင့်ခွေးကိုယ်တိုင် ဆုံးဖြတ်စေခြင်း

▪️ ကိုယ်အလေးချိန် သင့်တင့်တဲ့ ခွေးတွေအတွက် အစာကို တစ်နေ့လုံး ထုတ်ပေးထားသင့်ပါတယ်။

▪️ အလွန်တက်ကြွလှုပ်ရှားပြီး ကယ်လိုရီတွေ လောင်ကျွမ်းနေတဲ့ ခွေးတွေအတွက် သင့်လျော်ပါတယ်။

▪️ ဒါပေမဲ့ ကြာရှည်ထားရင် မကောင်းနိုင်တဲ့ အစာမျိုးမဟုတ်ဘဲ အစာခြောက်တွေသာ သုံးသင့်ပါတယ်။

▪️ အစာကို အပြင်မှာ တစ်နေ့လုံးထားထားရင်း ပိုးမွှားများ၊ ကြွက်များ ရောက်လာနိုင်တာကိုတော့ သတိပြုရပါမယ်။

 
(၂) တိုင်းတာတွက်ချက်ပြီးကျွေးပါ

▪️ အစားမပြတ်တဲ့ ခွေးတွေအတွက် ဒီနည်းလမ်းက သင့်လျော်ပါတယ်။

▪️ ခွေးစာဝယ်ပြီး ကျွေးတယ်ဆိုရင် အထုပ်ပေါ်မှ အညွှန်းအတိုင်း ခွေးရဲ့ရှိသင့်တဲ့ ကိုယ်အလေးချိန်နဲ့ တိုင်းတာပြီး ကျွေးသင့်ပါတယ်။

▪️ တစ်နေ့ကို ၈ နာရီမှ ၁၂ နာရီခြားဖြင့် ၂ ကြိမ်ခန့်ကျွေးခြင်းက အကောင်းဆုံး ဖြစ်ပါတယ်။

 
(၃) စားတဲ့ကြာချိန်ကိုသတ်မှတ်ပါ

▪️ မိမိရဲ့ခွေး အလွန်အကျွံ စားမိမှာကို စိုးရိမ်တယ်ဆိုရင် ဒီနည်းလမ်း သုံးနိုင်ပါတယ်။

▪️ ဥပမာအားဖြင့် အချိန်မိနစ် ၃၀ ပေးထားပြီး အချိန်ကျော်တာနဲ့ လွှင့်ပစ်ရမှာ ဖြစ်ပါတယ်။

 
▪️ မုန့်လေးတွေ ကျွေးချင်တယ်ဆိုရင် တစ်ခုခု လေ့ကျင့်တဲ့အခါမျိုးမှာ အပိုင်းသေးသေးလေးတွေ ကျွေးနိုင်ပါတယ်။

#Source: WebMD

သေဆုံးသွားတဲ့ အီရန်သမ္မတ အီဘရာဟင်ရိုင်စီနဲ့ အခြား ၇ ဦးတိုရဲ့ခေါင်းတလားတွေကို ကြာသပတးနေ့က အီရန်မြိုတော် တီဟီရန်သို့ ပို့ဆောင်လာပါတယ်။
#World_News
Published_ 25 May 2024
#အီရန်သမ္မတနှင့်အခြား(၇)ဦး #ခေါင်းတလားများကို အီရန်မြို့တော်သို့သယ်ဆောင်
#Yangon_Times #YMG_News #Yangon_Media_Group

#Daily_News
Published_ 25 May 2024

၁။ မုန်တိုင်းမိုးရွာနေချိန် မိုးကျလာပြီဆိုပြီး တောင်သူများ စိုက်ပျိုးရေးလုပ်ငန်းများ မစတင်ရန်သတိပေး

၂။ နေပြည်တော် ဒေသထွက်စိန်တစ်လုံးသရက်များ ရန်ကုန်အဓိကတင်ပို့၊ ရာသီကုန်ချိန်ဖြစ်သော်လည်း ဈေးနှုန်းကျဆင်း

၃။ ရန်ကုန်တိုင်းအတွင်း ယခင်အရောင်းဝယ်အေးခဲ့သည့် လုံးခြင်းအိမ်ခြံမြေဈေးကွက် ပြန်လည်အရောင်းဝယ်ရှိလာဟုဆို

၄။ ကျဆုံးသွားသောအီရန် သမ္မတနှင့်အခြား(၇)ဦး၏ အခေါင်းများကိုအီရန်မြို့တော်သို့သယ်ဆောင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#World_News
Published 25 May 2024

▪️ တရုတ်က ထိုင်ဝမ်နားတဝိုက်မှာ စစ်ရေးလှုပ်ရှားမှုများ ပြုလုပ်လာပြီးနောက် အမေရိကန် ကာကွယ်ရေးဝန်ကြီး လွိုက်အော်စတင်က တရုတ်ကာကွယ်ရေးဝန်ကြီးနဲ့ တွေ့ဆုံသွားမှာဖြစ်ကြောင်း ပင်တဂွန်က မေလ ၂၄ ရက်နေ့မှာ ကြေညာလိုက်ပါတယ်။

▪️ မေလ ၃၁ ရက်နေ့မှ ဇွန်လ ၂ ရက်နေ့အထိ စင်္ကာပူမှာကျင်းပမယ့် ကာကွယ်ရေး အရာရှိပုဂ္ဂိုလ်များ နှစ်စဥ်စည်းဝေးနေကျ ရှန်ဂရီလာဆွေးနွေးပွဲမှ အော်စတင်ဟာ တရုတ်ရေတပ်ဗိုလ်ချုပ်ကြီး ဒေါင်ကျွန်နဲ့ တွေ့ဆုံမှာဖြစ်တယ်လို့ ပင်တဂွန်က ဆိုပါတယ်။

▪️ တရုတ်က ယခုရက်ပိုင်းတွေမှာ ထိုင်ဝမ်ကျွန်းကို သိမ်းပိုက်ဖို့ စမ်းသပ်တဲ့အနေနဲ့ စစ်သင်္ဘောများ တိုက်လေယာဥ်များဖြင့် ဝန်းရံလှုပ်ရှားနေပါတယ်။

▪️ ထိုင်ဝမ်သမ္မတသစ်ဖြစ်လာတဲ့ လိုင်ချင်ထယ်က ထိုင်ဝမ်ရဲ့ဒီမိုကရေစီကို ကာကွယ်စောင့်ရှောက်သွားမယ်လို့ ကတိပြုပြီးနောက် တရုတ်က စစ်ရေးလေ့ကျင့်မှုတွေ ပြုလုပ်လာတာ ဖြစ်ပါတယ်။

▪️ ဧပြီလတုန်းက အော်စတင်က ဒေါင်ကျွန်နဲ့ တယ်လီဖုန်းပြောဆိုခဲ့ပြီးနောက် တွေ့ဆုံဆွေးနွေးဖို့ မျှော်လင့်နေခဲ့တာ ဖြစ်ပါတယ်။

▪️ အမေရိကန်နဲ့ တရုတ်အစိုးရတို့က တင်းမာမှုတွေ လျော့ကျလာစေရန် ဆက်ဆံရေးမြှင့်တင်လာကြပြီး အမေရိကန် နိုင်ငံခြားရေးဝန်ကြီး အန်တိုနီဘလင်ကန်ကလည်း ပြီးခဲ့တဲ့လက ပေကျင်းနဲ့ ရှန်ဟိုင်းသို့ လာရောက်လည်ပတ်ခဲ့ပါတယ်။

▪️ အော်စတင်က လာမယ့်သီတင်းပတ်မှာ အာဆီယံ ကာကွယ်ရေးဝန်ကြီးများနဲ့ တွေဆုံဆွေးနွေးရန် ကမ္ဘောဒီးယားသို့ သွားရောက်မှာဖြစ်ပြီး ပြင်သစ်မှာ ခရီးစဥ်အဆုံးသတ်မှာ ဖြစ်ပါတယ်။

▪️ အောင်စတင်ဟာ ကျန်းမာရေးကိစ္စများကြောင့် သူ့ရဲ့တာဝန်များကို လက်ထောက် ကာကွယ်ရေးဝန်ကြီး ကက်သ်လင်းဟစ်ခ်ထံ ယာယီလွှဲပြောင်းရန် စီစဥ်နေပေမယ့်လည်း ခရီးစဥ်ကိုတော့ ကြေညာထားတာ ဖြစ်ပါတယ်။

▪️ ယခင်က ဖြစ်ဖူးထားတဲ့ ဆီးအိမ်ကိစ္စနဲ့ ပတ်သက်ပြီး အသေးစားခွဲစိတ်မှု ပြုလုပ်ရဖို့ရှိတယ်လို့ ပင်တဂွန်မှ ဗိုလ်ချုပ်ကြီး ပတ်ရိုင်ဒါက ပြောပြပါတယ်။

▪️ ထိုရောဂါပြဿနာ စတင်ဖြစ်ပွားစဥ်က အော်စတင်ဟာ သူ့ကျန်းမာရေးအကြောင်းကို အထက်သို့ မတင်ပြခဲ့တာကြောင့် ရီပတ်ဘလစ်ကန် နိုင်ငံရေးသမားများက ဝေဖန်တိုက်ခိုက်ခဲ့ကြပါတယ်။

#Source: CNA

#World_Health
Published 25 May 2024
▪️ အုတ်ဂျုံက ကျန်းမာရေးနဲ့ အညီညွတ်ဆုံး အစေ့အဆန်တွေထဲက တစ်မျိုးဖြစ်ပါတယ်။
ခန္ဓာကိုယ်အတွက် လိုအပ်တဲ့ မရှိမဖြစ် အာဟာရဓာတ်များ ပါဝင်ပြီး အုတ်ဂျုံစားသုံးခြင်းရဲ့ ကျန်းမာရေး အကျိုးကျေးဇူးများကို လေ့လာတွေ့ရှိထားကြပါတယ်။

 
▪️ (၁) အစာခြေခြင်းကိုထောက်ပံ့ခြင်း
အုတ်ဂျုံတွေမှာ အမျှင်ဓာတ်များ ပါဝင်တာကြောင့် ဝမ်းသွားခြင်းကို အထောက်အကူ ဖြစ်စေပါတယ်။
အစာအိမ်ပြဿနာ ရှိသူတွေအတွက် ထိရောက်မှုရှိသလို ခန္ဓာကိုယ်ကို ချောမွေ့စွာ လည်ပတ်နေစေမှာ ဖြစ်ပါတယ်။

 
▪️ (၂) ကိုလက်စ်ထရောလ်လျှော့ချကာ နှလုံးရောဂါကာကွယ်ပေးခြင်း
သူ့မှာပါဝင်တဲ့ ဘီတာဂလူကန် အမျှင်ဓာတ်က ကိုလက်စ်ထရောလ်ကို လျော့ကျစေပါတယ်။ 
အူထဲကနေ သွေးထဲသို့ စုပ်ယူတဲ့ ကိုလက်စ်ထရောလ်ကို လျှော့ချပေးပါတယ်။

 
▪️ (၃) ဂလူတန်လုံးဝမပါဝင်ခြင်း
အုတ်ဂျုံမှာ သဘာဝအတိုင်း ဂလူတန်မပါဝင်ပေမယ့် ဝယ်ယူခါနီးမှာတော့ ဂလူတန်တစ်နည်းနည်းဖြင့် ပါဝင်လားဆိုတာကို သေချာဖတ်ရှုသင့်ပါတယ်။

 
▪️ (၄) မဂ္ဂနီဆီယမ်ကြွယ်ဝခြင်း
အင်ဇိုင်းလုပ်ဆောင်ချက်နဲ့ စွမ်းအင်ထုတ်လုပ်ခြင်းအတွက် မဂ္ဂနီဆီယမ်က အရေးကြီးပါတယ်။
သွေးကြောတင်းမာမှုတွေကို ပြေလျော့စေပြီး နှလုံးဖောက်ခြင်းနဲ့ လေဖြတ်ခြင်းတို့ကို ကာကွယ်ပေးပါတယ်။

 
▪️ (၅) ကိုယ်အလေးချိန်ကျစေရန် ကူညီခြင်း
အုတ်ဂျုံက ကယ်လိုရီနည်းပြီး ဖြည်းဖြည်းချင်း ချေဖျက်တာကြောင့် ဗိုက်ပြည့်ဝနေစေပါတယ်။
ဆာလောင်စိတ်ကို လျှော့ချပေးတာကြောင့် ကျန်းမာရေးနဲ့ ညီညွတ်စွာ ကိုယ်အလေးချိန်ကျစေရန် အကူအညီဖြစ်စေပါတယ်။  

#Source: Interesticle

#World_Health
Published 25 May 2024

▪️ ဒုခ်ဟူးမန်းကာကွယ်ဆေးအဖွဲ့အစည်းမှ သုတေသီများက ကာကွယ်ဆေးဖြင့် HIV ကို တွန်းလှန်နိုင်မယ့် ပဋိဇီဝပစ္စည်းများကို ပထမဆုံးအကြိမ် အောင်မြင်စွာ စမ်းသပ်နိုင်ခဲ့ပါတယ်။

▪️ အဆိုပါ ပဋိပစ္စည်းတွေက ဗိုင်းရပ်စ်မျိုးကွဲ အမျိုးမျိုးကို ချေဖျက်နိုင်စွမ်းရှိကြောင်း တွေ့ရှိထားပါတယ်။

▪️ ထိုနည်းပညာက ဗိုင်းရပ်စ်ဗီဇပြောင်းလဲသွားရင်တောင်မှ မပြောင်းလဲတည်ရှိနေတဲ့ HIV အပြင်ဘက်နေရာလေးကို ပစ်မှတ်ထားတာဖြစ်ပြီး မျိုးဗီဇကွဲအမျိုးမျိုးရဲ့ ကူးစက်မှုတွေကို ကာကွယ်သွားမှာ ဖြစ်ပါတယ်။

▪️ ပထမအဆင့် စမ်းသပ်မှုမှာ HIV မရှိတဲ့ ကျန်းမာသန်စွမ်းသူ အယောက် ၂၀ ကို စမ်းသပ်နေဆဲ ကာကွယ်ဆေး ၂ ကြိမ် သို့မဟုတ် ၃ ကြိမ် ထိုးပေးခဲ့ပါတယ်။

▪️ ထိုအခါမှာ ကိုယ်ခံအားကို သိသိသာသာ မြှင့်တင်ပေးနိုင်ခဲ့တာကို တွေ့ရှိရပါတယ်။

▪️ စထိုးပြီးချင်း သီတင်းပတ်အကြာမှာပဲ ပဋိပစ္စည်းတွေ သိသိသာသာ ထွက်ရှိလာပါတယ်။

▪️ စမ်းသပ်ခံတစ်ဦးမှာ အသက်အန္တရာယ်မရှိတဲ့ ဓာတ်မတည့်ခြင်းတစ်မျိုး ဖြစ်ပေါ်ခဲ့တာကြောင့် စမ်းသပ်မှုရပ်ဆိုင်းခဲ့ပါတယ်။

▪️ ပိုမိုကျယ်ပြန့်ထိရောက်ဖို့အတွက် နောက်ထပ်သုတေသနများ ပြုလုပ်ရဦးမှာ ဖြစ်ပါတယ်။

▪️ ကာကွယ်ဆေး ထိရောက်မှုကနေ ဗိုင်းရပ်စ်မလွတ်မြောက်နိုင်အောင် နေရာအားလုံးကို ထိမှန်အောင်ပြုလုပ်ဖို့ လိုအပ်ကြောင်း သုတေသီတွေက ဆိုပါတယ်။

▪️ ကျယ်ကျယ်ပြန့်ပြန့် ထိရောက်မယ့် ပဋိပစ္စည်းတွေကို ကာကွယ်ဆေးကနေ အလျင်အမြန် ပေးစွမ်းနိုင်ခြင်းက ကြီးမားတဲ့ အောင်မြင်မှုဖြစ်ပြီး အမျိုးမျိုးသော HIV မျိုးဗီဇကွဲတွေကို ချေဖျက်နိုင်မယ့် စွယ်စုံရကာကွယ်ဆေး ရရှိလာရန် မျှော်လင့်လာနိုင်ပါတယ်။

#Source: India Today