#World_Science
Published 12 March 2025

▪️ ဩစတြေးလျ တိရိစ္ဆာန်ရုံတစ်ခုဟာ ပင့်ကူတွေဖမ်းမိရင် ယင်းတို့ထံ ပေးလှူဖို့ တောင်းဆိုထားပါတယ်။

▪️ တိရိစ္ဆာန်ရုံမှာ ပင့်ကူတွေကို ပြသတာမဟုတ်ပေမယ့် အဆိပ်ဖြေဆေးဖန်တီးဖို့ အသုံးပြုကြမှာ ဖြစ်ပါတယ်။

▪️ ကတော့ပုံကွန်ရက်အိမ် ပင့်ကူအထီးတွေရဲ့ အဆိပ်ကို ဆစ်ဒနီရှိ Australian Reptile Parkရဲ့ အသက်ကယ် အဆိပ်ဖြေဆေးအစီအစဉ်မှာ အသုံးပြုတာ ဖြစ်ပါတယ်။

▪️ ယခုရာသီက ပင့်ကူတွေကို သိပ်ပြီးမတွေ့ရတာကြောင့် လူတွေအနေနဲ့ ပင့်ကူတွေတွေ့တဲ့အခါ ဖမ်းဆီးပေးဖို့ တောင်းဆိုထားပါတယ်။

▪️ ဆောင်းဦးရာသီ နီးစပ်လာချိန်မှာ စိုထိုင်းဆမြင့်မားလာပြီး အဆိုပါပင့်ကူမျိုးတွေ ထွက်လာတတ်တယ်လို့ ပင့်ကူထိန်းသိမ်းသူ အမ်မာတန်နီက ပြောပါတယ်။

▪️ ကတော့ပုံကွန်ရက်အိမ်ပင့်ကူတွေနဲ့ လူတွေဝေးကွာရတာဟာ ယင်းတို့က ကမ္ဘာပေါ်မှာ အဆိပ်အပြင်းဆုံးပင့်ကူတွေ ဖြစ်နေလို့ပါ။

▪️ အဆိုပါဥယျာဉ်က ပင့်ကူတွေနဲ့ ဆက်စပ်တဲ့သေဆုံးမှုတွေကို ကာကွယ်ဖို့ ၁၉၈၁ မှာ အဆိပ်ဖြေဆေးပရိုဂရမ် စတင်ခဲ့ပါတယ်။

▪️ အသက်ကယ်ဖြေဆေးရဖို့ ပင့်ကူ ၂ ထောင်ကျော်လောက်ကို အဆိပ်ညှစ်ထုတ်ယူရပါတယ်။

▪️ အဆိပ်ဖြေဆေးတစ်ပုလင်းရဖို့ အရွယ်ရောက်တဲ့ပင့်ကူတွေကို အကြိမ် ၅၀ မှ ၂၀၀ လောက်အထိ ညှစ်ထုတ်ယူရပါတယ်။

▪️ အရေးတကြီး လုပ်ရတဲ့အကြောင်းအရင်းက ကတော့ပုံကွန်ရက်အိမ်ပင့်ကူတွေဟာ သက်တမ်း ၁ နှစ်လောက်သာ ရှိတာကြောင့်ဖြစ်ပါတယ်။

▪️ သူတို့ရဲ့အဆိပ်က အလွန်အဆိပ်ရှိသလို အသက်ကယ်ပရိုဂရမ်အတွက်လည်း အရေးပါတယ်လို့ တန်နီက ပြောပါတယ်။

▪️ ပင့်ကူတွေဆီမှ ထုတ်ယူတဲ့အဆိပ်တွေကို ယုန်တွေထံမှာ ၆ လအတွင်း ဖြည်းဖြည်းချင်းထိုးသွင်းပေးပါတယ်။

▪️ ဒီနောက် သွေးထဲက ပဋိဇီဝပစ္စည်းတွေကို ထုတ်ယူကာ အဆိပ်ဖြေဆေးထုတ်လုပ်ဖို့ အသုံးပြုပါတယ်။

▪️ ဒီပင့်ကူအမျိုးအစားကို အချို့ဒေသတွေမှာ တွေ့နိုင်ပေမယ့် အသက်အန္တရာယ် ဖြစ်စေတဲ့မျိုးစိတ်တွေကိုတော့ ဆစ်ဒနီမှာသာ တွေ့ရပါတယ်။

#Source: WION

#World_Health
Published 12 March 2025

▪️ ယူကေမှ အမျိုးသမီး ၁၉,၉၆၄ ဦးနဲ့ အမျိုးသား ၁၇,၆၀၇ ဦးကို သုတေသီတွေက ဦးနှောက်ဓာတ်မှန် ရိုက်ခဲ့ကြရာ ကလေးရှိတဲ့လူတွေက ကလေးမရှိတဲ့သူတွေနဲ့ယှဉ်ရင် ဦးနှောက်စွမ်းရည် ကျဆင်းခြင်း နှောင့်နှေးတာ တွေ့ခဲ့ကြပါတယ်။

▪️ အသက်ကြီးလာရင် လုပ်ဆောင်ချက် ကျဆင်းလာတဲ့နေရာတွေဟာ ကလေးရှိတဲ့သူတွေမှာ တိုးတက်လာတာနဲ့ ဆက်စပ်နေတယ်လို့ ရုဂ်ဂျားစ်စင်တာမှ စိတ်ပညာပရော်ဖက်ဆာ အေဗရမ်ဟုမ်းစ်က ပြောပါတယ်။

▪️ ကလေးတွေပိုများလေ သက်ရောက်မှု ပိုမိုကောင်းမွန်လေ ဖြစ်နေပါတယ်။

▪️ ကလေးပိုများတဲ့ မိဘတွေမှာ လုပ်ဆောင်ချက် အခြေအနေတွေ ပိုမိုကောင်းမွန်တဲ့ ဆက်စပ်မှုမျိုး မြင်ရတယ်လို့ ဟုမ်းစ်က ဆိုပါတယ်။

▪️ မိတ်ဆွေအပေါင်းအသင်း ချဲ့ထွင်တာတွေ၊ မိသားစုထံ မကြာခဏ လည်ပတ်တာတွေနဲ့အတူ ကလေးထိန်းကျောင်းပြုစုခြင်းက လူမှုသံယောဇဉ် ဖန်တီးပေးတဲ့အပြင် ဦးနှောက်လုပ်ဆောင်ချက်အတွက်လည်း အကျိုးရှိစေတယ်လို့ သုတေသီများ ယူဆထားပါတယ်။

▪️ ကလေးရှိတဲ့အခါ လှုပ်ရှားမှုပိုမိုပြုလုပ်ရကာ ကျန်းမာရေးအတွက် ကောင်းမွန်သလို စိတ်ပိုင်းဆိုင်ရာကိုလည်း လှုံ့ဆော်ပေးတာကြောင့် ဦးနှောက်ရင့်ရော်ခြင်းကို နှောင့်နှေးစေနိုင်ပါတယ်။

▪️ ယခုလေ့လာချက်မှာ ပါဝင်စမ်းသပ်ခံသူတွေက ယူကေမှဖြစ်တာကြောင့် အကြမ်းဖျင်းအားဖြင့် လူမျိုးအားလုံးမှာ ထည့်စဉ်းစားလို့မရနိုင်တာကို သုတေသီများ သတိပေးထားပါတယ်။

▪️ ကလေးပျိုးထောင်ပြုစုခြင်းဖြင့် ဦးနှောက်အိုမင်းခြင်းကို ဘယ်လိုဆန့်ကျင်နိုင်မလဲဆိုတာ တိတိကျကျသိရဖို့ နောက်ထပ်လေ့လာချက်တွေ ပြုလုပ်ရန်လိုအပ်ကြောင်း အလေးပေးပြောထားပါတယ်။

▪️ ယနေ့ခေတ် ကလေးယူနှုန်း နည်းပါးလာချိန်မှာ အထီးကျန်ခြင်းနဲ့ ဒီမန်ရှာရောဂါ ဘယ်လိုဆန့်ကျင်မလဲဆိုတာကို သိလာနိုင်ပါတယ်။

▪️ ၂၀၂၀ ခုနှစ်က အမေရိကန်မှာ အသက် ၆၀ ဝန်းကျင်လူဦးရေက ၁၀ နှစ်အောက်ကလေးတွေထက် ပိုများနေပါတယ်။

#Source: New York Post

အမေရိကန် တရားစီရင်ရေးဌာန (DOJ)က ကြက်ဥဈေးနှုန်းများ သိသိသာသာ မြင့်တက်နေချိန်မှာ ဈေးနှုန်းသတ်မှတ်ခြင်းနဲ့ ထောက်ပံ့ရေး ခြယ်လှယ်မှုကိစ္စများနဲ့ ပတ်သက်ပြီး ကြက်ဥထုတ်လုပ်သူများအပေါ် စုံစမ်းစစ်ဆေးမှုတစ်ရပ် စတင်လိုက်ကြောင်း ဒေသခံမီဒီယာများက စနေနေ့မှာ ဖော်ပြလိုက်ပါတယ်။
#World_Industry
Published 11 March 2025
#ကြက်ဥဈေးနှုန်းမြင့်တက် #အမေရိကန်
#YMG #Yangon_Times #Yangon_Media_Group

#Daily_News

Published 11 March 2025

၁။ ခွင့်ပြုကော်ဖီစိုက်ပျိုးမြေများပေါ်တွင် ဟန်ပြသာဆောင်ရွက်ပါကလုပ်ကိုင်ခွင့် ရုပ်သိမ်းမည်

၂။ ရန်ကုန်-မော်လမြိုင်-ရန်ကုန် အထူးရထားခရီးစဥ်များ ယနေ့စတင်ပြေးဆွဲ

၃။ မော်တင်စွန်းပွဲတော်ကာလဖြစ်၍ ခရု၊ ကမာ လက်မှုထည်များအရောင်းသွက်နေ

၄။ အမေရိကန်တွင် ကြက်ဥဈေးနှုန်းမြင့်တက်သဖြင့် ကြက်ဥထုတ်လုပ်ထောက်ပံ့ရေးကုမ္ပဏီများအား စုံစမ်းစစ်ဆေးမှုများစတင်ပြုလုပ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 11 March 2025

▪️ မူးယစ်ဆေးနှိမ်နင်းတိုက်ဖျက်ရေးများ ပြုလုပ်ခဲ့စဉ် လူထောင်နဲ့ချီကို သတ်ဖြတ်ခဲ့တာနဲ့ ပတ်သက်ပြီး ဖိလစ်ပိုင်သမ္မတဟောင်း ရိုဒရီဂိုဒူတာတေကို နိုင်ငံတကာ ရာဇဝတ်တရားရုံး(ICC)က ဖမ်းဝရမ်းထုတ်ဖို့ ပြင်ဆင်နေတဲ့အကြောင်းတွေ ထွက်ပေါ်နေရာ ဒူတာတေက အဖမ်းခံဖို့ အသင့်ရှိနေတယ်လို့ ဟောင်ကောင်ကနေ ပြောကြားလိုက်ပါတယ်။

▪️ မူးယစ်ဆေး ရောင်းဝယ်ဖောက်ကားသူတွေကို နှိမ်နင်းမယ်လို့ တက်ကြွစွာ ကတိပေးပြောကြားတဲ့အတိုင်း ဒူတာတေဟာ ထင်ရှားတဲ့ မူးယစ်ဆေးတိုက်ပွဲ စည်းရုံးရေးမူဝါဒဖြင့် ၂၀၁၆ မှာ အာဏာရလာခဲ့ပါတယ်။

▪️ လက်ရှိသမ္မတ ဖာဒီနန်မားကို့စ်ဂျူနီယာရုံးကတော့ အင်တာပိုလ်ကနေ တရားဝင်ဆက်သွယ်လာခြင်း မရှိသေးပေမယ့် ဒူတာတေကို လက်လွှဲပေးအပ်မယ့်သဘော ရှိနေပါတယ်။

▪️ အင်တာပိုလ်တောင်းဆိုမှုကြောင့် ဖမ်းဝရမ်းထုတ်ဖို့ လိုလာရင် ငြိမ်ဝပ်ပိပြားရေးအရာရှိတွေက ဥပဒေအတိုင်း ဆောင်ရွက်ဖို့ အသင့်ရှိနေတယ်လို့ သမ္မတဆက်သွယ်ရေး လက်ထောက်ဝန်ကြီး ကလဲကက်စရိုက သတင်းထောက်တွေကို ပြောပါတယ်။

▪️ ICCနဲ့ မပတ်သက်တဲ့ ဟောင်ကောင်မှာ ဒူတာတေဘယ်လောက်ကြာကြာ နေနိုင်မလဲဆိုတာ မသိရပါဘူး။

▪️ လာမယ့် ဖိလစ်ပိုင်ကြားဖြတ်ရွေးကောက်ပွဲမှာ သူ့ရဲ့လွှတ်တော်ကိုယ်စားလှယ်လောင်းများကို ထောက်ခံဖို့မျှော်လင့်ပြီး ဖိလစ်ပိုင်လုပ်သားထောင်ချီ တက်ရောက်တဲ့ စည်းရုံးရေးပွဲတစ်ခုမှာ ပြောကြားဖို့ ဒူတာတေ ရောက်ရှိနေတာ ဖြစ်ပါတယ်။

▪️ "ဖမ်းဝရမ်းနဲ့ ပတ်သက်ပြီးတော့ ဒါဟာ ကံတရားဆိုရင် လက်ခံသွားပါမယ်။ ဖမ်းဆီးအကျဉ်းချလို့ ရပါတယ်" လို့ ပြောသွားပါတယ်။

▪️ "အပြစ်ကဘာလဲ? ဖိလစ်ပိုင်ပြည်သူတွေအတွက် အေးချမ်းတည်ငြိမ်မှုရဖို့ အရာအားလုံးလုပ်ခဲ့ပါတယ်" လို့ ဟောင်ကောင်မြို့ထဲရှိ Southornကွင်းထဲမှာ လူအုပ်ကြီးကို ပြောကြားသွားပါတယ်။

▪️ ဒူတာတေ ဟောင်ကောင်ကို ရောက်နေတာဟာ ဥပဒေကို ရှောင်တိမ်းသွားနိုင်တယ်ဆိုတဲ့ ထင်မြင်ချက်တွေကို ဖိလစ်ပိုင်သမ္မတရုံးက ငြင်းပယ်လိုက်ကာ ဥပဒေရေးရာ လုပ်ငန်းစဉ်များအတိုင်း လုပ်ဆောင်သွားရမယ်လို့ ဒူတာတေထောက်ခံသူတွေကို မေတ္တာရပ်ခံလိုက်ပါတယ်။

▪️ ဖိလစ်ပိုင်တွေက အချို့သောနေရာတွေမှာ စုံစမ်းစစ်ဆေးမှုတွေနဲ့ ပူးပေါင်းဖို့ အသင့်ရှိနေတယ်လို့ ဆိုနေကြပါတယ်။

#Source: Reuters

#World_Health
Published 11 March 2025

▪️ ကိုယ်တွင်းအင်္ဂါများတဝိုက်ရှိနေတဲ့ ဝမ်းတွင်းအဆီတွေဟာ ဦးနှောက်ကျန်းမာရေး ထိန်းသိမ်းရာမှာ အရေးပါတယ်လို့ ဂျပန်တိုဟိုတက္ကသိုလ်မှ သုတေသီများ တွေ့ရှိဖော်ပြခဲ့ကြပါတယ်။

▪️ ဒါပေမဲ့ ဝမ်းဗိုက်အဆီတွေ များလွန်းရင်လည်း ကျန်းမာရေးအတွက် အန္တရာယ်ရှိနိုင်ပြီး အသက်အန္တရာယ်ပါ များစေနိုင်ပါတယ်။

▪️ မှတ်ဉာဏ်၊ သင်ယူခြင်းနဲ့ စိတ်အခြေအနေတို့အတွက် အရေးပါတဲ့ BDNFနဲ့ ဝမ်းတွင်းအဆီတို့ကြား ဆက်စပ်မှုကို လေ့လာခဲ့ကြပါတယ်။

▪️ BDNFက ဦးနှောက်ဆဲလ်များ ကြီးထွားခြင်း၊ ရှင်သန်ခြင်းနဲ့ ချိတ်ဆက်ခြင်းတို့ကို အားပေးပါတယ်။

▪️ BDNFလျော့နည်းပါက စိတ်ဓာတ်ကျခြင်းနဲ့ ဒီမန်ရှာတို့လို အခြေအနေ ဖြစ်လာနိုင်ကာ BDNFမြင့်မားပါက ဦးနှောက်လုပ်ဆောင်ချက် တိုးတက်ခြင်းနဲ့ တိုက်ရိုက်ဆက်စပ်နေပါတယ်။

▪️ ဝမ်းတွင်းအဆီမှ ထုတ်လုပ်တဲ့ CX3CL1 ပရိုတိန်းဟာ BDNFပမာဏကို ညီညွတ်အောင် ထိန်းသိမ်းပေးရာမှာ ပါဝင်တယ်လို့ တွေ့ရှိထားပါတယ်။
အသက်အရွယ် အမျိုးမျိုးရှိတဲ့ ကြွက်အထီးတွေကို သုတေသီများ စောင့်ကြည့်လေ့လာခဲ့ကြပါတယ်။

▪️ ငယ်ရွယ်တဲ့ကြွက်တွေမှာ ဝမ်းတွင်းအဆီပရိုတိန်း များစွာထုတ်လုပ်ကာ ဦးနှောက်အသိဉာဏ်စွမ်းရည် ကောင်းမွန်ကြပါတယ်။

▪️ အသက်ကြီးတဲ့ကြွက်တွေမှာတော့ ၃ ပုံ ၁ ပုံလောက် ကျဆင်းသွားပါတယ်။

▪️ ဗိုက်ခေါက်အဆီတွေက ဦးနှောက်အတွက် အကျိုးရှိတယ်ဆိုပေမယ့် များလွန်းရင်တော့ နှလုံးရောဂါလိုမျိုး အခြားပြဿနာတွေ ဖြစ်လာစေနိုင်ပါတယ်။

▪️ ဒါ့အပြင် နှလုံးရောဂါ၊ သွေးတိုး၊ ဆီးချို၊ အိပ်ပျော်စဉ်အသက်ရှူရပ်ခြင်းတို့လည်း ဖြစ်နိုင်ခြေ များစေနိုင်ပါတယ်။

▪️ အခြားသုတေသနအရ ဝမ်းတွင်းအဆီ များလွန်းရင် သားအိမ်၊ သည်းခြေအိတ်၊ ကျောက်ကပ်၊ အသည်း၊ ရင်သားကင်ဆာတို့လည်း ဖြစ်နိုင်ခြေ များစေပါတယ်။

▪️ ၂၀၂၀ လေ့လာသုံးသပ်ချက်အရ ခန္ဓာကိုယ်အလယ်ပိုင်းမှာ ကျယ်ပြန့်တဲ့လူတွေက အသက်အန္တရာယ် သိသိသာသာ ပိုများနေပါတယ်။

▪️ အသက်ကြီးလာရင် ဦးနှောက်က ပြောင်းလဲလာတယ်ဆိုပေမယ့် အာဟာရကြွယ်တဲ့ အစားအသောက်၊ ပုံမှန်လှုပ်ရှားမှုပြုလုပ်ခြင်း၊ လူမှုပေါင်းသင်းခြင်း၊ ဖိစီးမှုထိန်းချုပ်ခြင်း၊ လုံလောက်စွာအိပ်စက်ခြင်း၊ ဦးနှောက်အလုပ်လုပ်ခြင်းတို့ဖြင့် ဦးနှောက်ကျန်းမာရေးကို ကာကွယ်ထိန်းသိမ်းပေးနိုင်မယ်လို့ ကျွမ်းကျင်သူများ သဘောတူထားပါတယ်။

#Source: New York Post