#World_Health
Published 21 December 2024

▪️ အိန္ဒိယနိုင်ငံဟာ CAR-T ဆဲလ်ကုထုံးထုတ်လုပ်ရာမှာ တိုးတက်မှုတွေ ရှိလာပြီဖြစ်ပါတယ်။

▪️ ဒါဟာ အချို့သော သွေးကင်ဆာများကို ကုသနိုင်မယ့် ခေတ်မီကုသနည်းတစ်ခုဖြစ်ပြီး နိုင်ငံသားများ လက်လှမ်းမီကာ ငွေကြေးတတ်နိုင်မယ့် စီမံကိန်းဖြစ်ပါတယ်။

▪️ CAR-T ဆဲလ်ကုထုံးမှာ လူနာရဲ့ ကိုယ်ခံအားဆဲလ်တွေကနေ ကင်ဆာဆဲလ်တွေကို ပစ်မှတ်ထားဖျက်ဆီးနိုင်အောင် ပြုပြင်ပြောင်းလဲပေးပါတယ်။

▪️ လက်ရှိ အမေရိကန်မှာ အဆိုပါကုသနည်းက လူနာတစ်ဦးလျှင် ရူပီး သန်း ၃၀ မှ ၄၀ အထိကုန်ကျနိုင်ပါတယ်။

▪️ အိန္ဒိယစီမံကိန်းမှာတော့ ကုန်ကျစရိတ် ရူပီး ၂ သန်းခွဲမှ ၃ သန်းခွဲအထိသာ ကျသင့်ဖို့ ရည်မှန်းထားတာကြောင့် လူအများပိုပြီး တတ်နိုင်မှာဖြစ်ပါတယ်။

▪️ ဗဟိုအစိုးရရဲ့ NBM လက်အောက် BIRAC သုတေသနကောင်စီရဲ့ ထောက်ပံ့မှုဖြင့် မွမ်ဘိုင်း TMCစင်တာမှ သုတေသီများဟာ ကလေးသူငယ်တွေမှာ ပထမအဆင့် လက်တွေ့စမ်းသပ်မှု စတင်လိုက်ပါတယ်။

▪️ သာမန်ကုသနည်းတွေနဲ့ အလုပ်မဖြစ်တဲ့ B-cell ALL သွေးကင်ဆာအမျိုးအစား ရှိနေတဲ့ ကလေးတွေကို အဓိကစမ်းသပ်ခဲ့ကြပါတယ်။

▪️ ပြည်တွင်းထုတ် ကုသနည်းဖြစ်သဖြင့် လူဦးရေအများအပြားမှာ အဆင့်မြင့်ကုထုံးတွေ အသုံးပြုလာနိုင်ခွင့် ရှိလာပါတယ်။

▪️ လက်ရှိ ဒုတိယအဆင့် လက်တွေ့စမ်းသပ်မှုတွေကနေ CAR-T ဆဲလ်ကုထုံးအကြောင်း ပိုမိုနားလည်လာနိုင်ပါတယ်။

▪️ အကျိုးကျေးဇူးများအနေနဲ့ ဆေးရုံတက်ကုသရမှု လျော့နည်းလာခြင်း၊ ရောဂါလက္ခဏာ နည်းပါးခြင်း၊ လျင်မြန်စွာ သက်သာလာခြင်းတို့ ပါဝင်ပါတယ်။

▪️ ထိုကုသနည်းရဲ့ အဓိကအစိတ်အပိုင်းတစ်ခုက လန်တီဗိုင်းရပ်စ်ဖြစ်ပြီး လူနာရဲ့ ခုခံအားဆဲလ်တွေကို ပြုပြင်ပြောင်းလဲပေးတာဖြစ်ကာ လန်တီဗိုင်းရပ်စ်ထုတ်လုပ်မှုက ကုသနည်းတစ်ခုလုံး ကုန်ကျစရိတ်ရဲ့ တဝက်ခန့် ရှိနေပါတယ်။

▪️ ဒီအတွက် NBM က ဈေးသက်သာစွာ လန်တီဗိုင်းရပ်စ် ထုတ်လုပ်နိုင်ရန် အင်တက်စ်ဆေးဝါးကုမ္ပဏီကို ထောက်ပံ့ကူညီနေပါတယ်။

▪️ ထုတ်လုပ်လာမယ့် လန်တီဗိုင်းရပ်စ်စက်ရုံကို အခြားဆေးဝါးကုမ္ပဏီများ၊ လုပ်ငန်းများ၊ ပညာရေးအဖွဲ့အစည်းများကလည်း အသုံးပြုနိုင်မှာ ဖြစ်တာကြောင့် အိန္ဒိယရဲ့ ထောက်ပံ့ကွင်းဆက် အခက်အခဲကို ဖြေရှင်းနိုင်မှာ ဖြစ်ပါတယ်။

▪️ ယခုလို ထုတ်လုပ်ရေးလုပ်ငန်းစဉ်များ၊ ပြည်တွင်းသုတေသနများနဲ့ ကျွမ်းကျင်မှုများ ပေါင်းစပ်ကာ အိန္ဒိယနိုင်ငံသားများ လက်လှမ်းမီ တတ်နိုင်မယ့် ကင်ဆာအဆင့်မြင့်ကုသနည်းများ ပေါ်ထွန်းလာရေးအတွက် ဒီစီမံကိန်းက ဖော်ဆောင်နေပါတယ်။

#Source: India Today

တရုတ်ဒုသမ္မတနှင့် အိန္ဒိယနိုင်ငံတော်လုံခြုံရေးအကြံပေးတို့ နှစ်နိုင်ငံပူးပေါင်းဆောင်ရွက်ရေးကိစ္စများတွေ့ဆုံဆွေးနွေး

တရုတ်ဒုသမ္မတ ဟန်ကျန်းဟာ အိန္ဒိယအမျိုးသား လုံခြုံရေးအကြံပေးဖြစ်ပြီး တရုတ်-အိန္ဒိယနယ်နိမိတ်မေးခွန်းကဏ္ဍအတွက် အထူးကိုယ်စားလှယ်ဖြစ်သူ ရှရီအာဂျစ်ဒိုဗယ်နဲ့ ပေကျင်းမှာ ဗုဒ္ဓဟူးနေ့က တွေ့ဆုံခဲ့ပါတယ်။
#Asia_News
Published 20 December 2024
#တရုတ်ဒုသမ္မတ #ရှရီအာဂျစ်ဒိုဗယ်
#YMG #Yangon_Times #Yangon_Media_Group

#Daily_News
Published 20 December 2024

၁။ ပြည်ပသို့လုပ်သားများစေလွှတ်ရာတွင် ကျွမ်းကျင်လုပ်သားများကို ပိုမိုစေလွှတ်မည်

၂။ စက်သုံးဆီအားလုံး ဈေးတက်၊ လျှပ်စစ်မီးပျက်ချိန်ပိုလာ၍ ရောင်းအားပိုကောင်းလာ

၃။ ယခုနှစ်အတွင်း လူသားချင်းစာနာမှုဆိုင်ရာအကူအညီလုံးဝမရရှိခဲ့သည့် လူဦးရေ ၁ ဒသမ ၄ သန်းရှိ

၄။ တရုတ်ဒုသမ္မတနှင့် အိန္ဒိယနိုင်ငံတော်လုံခြုံရေးအကြံပေးတို့ နှစ်နိုင်ငံပူးပေါင်းဆောင်ရွက်ရေးကိစ္စများတွေ့ဆုံဆွေးနွေး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 20 December 2024

▪️ ရုရှားသမ္မတ ဗလာဒီမာပူတင်က ယူကရိန်းစစ်ပွဲ အဆုံးသတ်ရေးနဲ့ ပတ်သက်လို့ ညှိနှိုင်းအပေးအယူလုပ်ရန် အသင့်ရှိနေပြီး အမေရိကန် ရွေးချယ်ခံသမ္မတ ဒေါ်နယ်ထရမ့်နဲ့ ပြောကြားသွားဖွယ်ရှိတယ်လို့ ကြာသပတေးနေ့က ပြောသွားကာ ယူကရိန်းအာဏာပိုင်တွေနဲ့တော့ စတင်ဆွေးနွေးရန် အကြောင်းမရှိဘူးလို့ ဆိုပါတယ်။

▪️ ဒေါ်နယ်ထရမ့်ကလည်း ယူကရိန်းပဋိပက္ခကို အလျင်အမြန် အဆုံးသတ်မယ်လို့ ကြုံးဝါးထားပေမယ့် ဘယ်လိုဆောင်ရွက်မလဲ ဆိုတာတော့ အတိအကျ မပြောထားပါဘူး။

▪️ ရုရှားနိုင်ငံသားများနဲ့ နှစ်ပတ်လည် အမေးအဖြေကဏ္ဍအတွင်း ပူတင်က အမေရိကန် သတင်းဌာနတစ်ခုအတွက် သတင်းထောက်ကို ပြောကြားရာမှာ တွေ့ဆုံမပြောဆိုရတာ ကြာပြီဖြစ်တဲ့ ထရမ့်နဲ့ တွေ့ဆုံဖို့ အသင့်ဖြစ်နေကြောင်း ဆိုပါတယ်။

▪️ ရုရှားဟာ နိမ့်ကျတဲ့အနေအထား ရှိနေတယ်ဆိုတဲ့ ယူဆချက်ကို ပူတင်က ငြင်းပယ်လိုက်ပြီး ၂၀၂၂ ခုနှစ် ယူကရိန်းနိုင်ငံထဲသို့ တပ်ဖွဲ့များစေလွှတ်ပြီးနောက်ပိုင်း ရုရှားဟာ ပိုမိုအင်အားကြီးလာတယ်လို့ ပြောပါတယ်။

▪️ ရုရှားတပ်တွေက ယူကရိန်းမှာ အဓိကရည်မှန်းချက်များ ရယူရန်အတွက် ဦးတည်လှုပ်ရှားနေပြီဖြစ်ပြီး စေ့စပ်ညှိနှိုင်းမှုများ ပြုလုပ်ရန် အမြဲအသင့်ရှိနေတယ်လို့ ပြောပါတယ်။

▪️ မကြာခင်မှာ ခုခံတိုက်ခိုက်ချင်နေတဲ့ ယူကရိန်းတွေ ကုန်ဆုံးလာကာ ဘယ်သူမှကျန်တော့မှာ မဟုတ်ကြောင်း၊ ယင်းတို့ဘက်ကလည်း ညှိနှိုင်းဆွေးနွေးရန် အသင့်ဖြစ်ဖို့လိုအပ်ကြောင်း ပြောသွားပါတယ်။

▪️ ပူတင်ဟာ ယူကရိန်း အပစ်အခတ်ရပ်စဲရေး သဘောတူညီချက်အကြောင်း ထရမ့်နဲ့ ဆွေးနွေးရန် လမ်းဖွင့်ထားပေမယ့် နယ်မြေထိန်းချုပ်မှုများ စွန့်လွှတ်ဖို့တော့ မပါဝင်ကာ ယူကရိန်းအနေနဲ့ နေတိုးအဖွဲ့ထဲ ဝင်ရောက်လိုတဲ့ ဆန္ဒကို စွန့်လွှတ်ရမယ်လို့ ဆက်ပြောနေပါတယ်။

▪️ ယူကရိန်းဘက်မှ တရားဝင်အာဏာပိုင်များဖြင့်သာ ပူတင်က လက်မှတ်ရေးထိုးလိုပြီး ယခုအချိန်မှာ ယူကရိန်းပါလီမန်ကိုသာ တရားဝင်အဖြစ် ယူဆထားပါတယ်။

▪️ ဒါ့အပြင် ယာယီငြိမ်းချမ်းရေးထက် ရေရှည်တည်တံ့မယ့် ငြိမ်းချမ်းရေး သဘောတူညီချက်ကိုသာ လိုလားနေပါတယ်။

▪️ ယခုအချိန်မှာ ပြောဆိုဆွေးနွေးမှုတွေက အစ္စတန်ဘူလ်မှာ ရုရှားနဲ့ ယူကရိန်းညှိနှိုင်းသူများကြား အကြိုသဘောတူညီမှု ရယူခဲ့ခြင်းရဲ့ စမှတ်အနေနဲ့ သတ်မှတ်သွားမယ်လို့ ဆိုပါတယ်။

#Source: Reuters

#World_Health
Published 20 December 2024

▪️ အပြေးလေ့ကျင့်ခန်းက ကျန်းမာရေးမြှင့်တင်ပေးနိုင်ပြီး အဝလွန်ခြင်း၊ ဆီးချို၊ သွေးတိုး၊ နှလုံးရောဂါ၊ စိတ်ကျန်းမာရေးစတဲ့ ပြဿနာများ ဖြစ်နိုင်ခြေလျော့နည်းစေပါတယ်။

▪️ ဒါပေမဲ့ ပြေးခြင်းရဲ့ အကျိုးကျေးဇူးကို အများဆုံးရရှိစေဖို့ ဘေးအန္တရာယ်များ မဖြစ်စေဖို့အတွက် ဟိုက်ဒရာဘက် အပိုလိုဆေးရုံမှ အာရုံကြောအထူးကု ဒေါက်တာဆူဒီယာကူမာက Xဆိုရှယ်မီဒီယာမှာ အကြံပြုသွားပါတယ်။

▪️ အပြေးပြုလုပ်ချိန်ရဲ့ ၇၅-၈၀ ရာခိုင်နှုန်းမှာ ဇုန်-၂ လို့ခေါ်တဲ့ ခပ်ဖွဖွပြေးခြင်းပြုလုပ်သင့်တယ်လို့ အကြံပြုထားပါတယ်။

▪️ ထိုအချိန်မှာ နှလုံးခုန်နှုန်းက အများဆုံးနှုန်းရဲ့ ၆၀-၇၀ ရာခိုင်နှုန်း ရှိနေသင့်ပါတယ်။

▪️ ထိုနှုန်းထားဖြင့်ပြေးခြင်းက ခန္ဓာကိုယ်ကို သိပ်ပြီးဝန်မပိစေဘဲ သက်လုံကောင်းစေပါတယ်။

▪️ အားထည့်ပြေးခြင်းက ကောင်းမွန်တဲ့ လေ့ကျင့်ခန်းဖြစ်ပေမယ့် အလွန်အကျွံအားစိုက်ခြင်း မဖြစ်ရအောင် တစ်ပတ်မှ တစ်ခါလောက်သာ ပြုလုပ်သင့်ပါတယ်။

▪️ ကျန်းမာရေး အကျိုးကျေးဇူးများများ ရရန်အတွက် တစ်ပတ်ကို ၂၅-၅၀ ကီလိုမီတာ ပြေးသင့်ပါတယ်။

▪️ တစ်ပတ်မှာ တစ်ရက်လောက် အနားယူဖို့က ခန္ဓာကိုယ်ပြန်လည်သက်သာစေပါတယ်။

▪️ ခံနိုင်ရည်ရှိပြီး ဒဏ်ရာဖြစ်မှုလျော့နည်းစေရန် ခွန်အားလေ့ကျင့်ခန်းများလည်း ထည့်သွင်းပြုလုပ်သင့်ပါတယ်။

▪️ အပြေးအားကစားသမား မဟုတ်တဲ့သူတွေအတွက်တော့ မလုပ်ဖူးတဲ့ ပမာဏအထိ သတ်မှတ်မပြုလုပ်မိဖို့ကို သတိပေးလိုက်ပါတယ်။

▪️ တစ်နေ့ကို အိပ်ချိန် ၇-၉ နာရီ လုံလောက်စွာအိပ်စက်ဖို့ အရေးပါပြီး အိပ်ရေးပျက်ခြင်းကြောင့် ဘေးအန္တရာယ်တွေက ပြေးခြင်းရဲ့ အကျိုးကျေးဇူးထက် ပိုများနေပါတယ်။

▪️ အာဟာရမျှတစွာ ကျန်းမာရေးနဲ့ ညီညွတ်အောင် စားသုံးဖို့ကလည်း အရေးပါပါတယ်။

▪️ ရာသီဥတု၊ ပြေးလွှားခြင်းအခြေအနေတို့ကြား ရေဓာတ်ပြည့်ဝစွာ နေဖို့ကလည်း အရေးပါပါတယ်။

▪️ သာမန်အားဖြင့် ၁၀ ကီလိုမီတာလောက်အထိ ပြေးသင့်ပြီး အကွာအဝေးများများ ပြေးမယ်ဆိုပါက နှလုံးပြဿနာမဖြစ်အောင် ပုံမှန်လေ့ကျင့်ထားသင့်ပါတယ်။

▪️ ဖြစ်လာနိုင်တဲ့ ကျန်းမာရေးပြဿနာတွေကို စောစီးစွာ သိရှိပြီး ကုသနိုင်ဖို့အတွက် နှစ်စဉ်ကျန်းမာရေး စစ်ဆေးမှု ပြုလုပ်သင့်တယ်လို့ အကြံပြုပါတယ်။

#Source: India Today

#World_Health
Published 20 December 2024

▪️ ကမ္ဘာတဝှမ်းမှာ အမျိုးသားများကြား စိတ်ကျန်းမာရေးပြဿနာ အဖြစ်များလာပြီး ဖိစီးမှုကြောင့်ဖြစ်လာတဲ့ ကျန်းမာရေး ပြဿနာများကြောင့် သတ်သေခြင်းနဲ့ ရုတ်တရက်သေဆုံးမှုများ ဖြစ်လာကြပါတယ်။

▪️ အမျိုးသားတွေက စိတ်ကျန်းမာရေးကို လျစ်လျူရှုထားတတ်ကြကာ အရေးမပါဘူးလို့ ထင်တတ်ကြပါတယ်။

▪️ ဒါကြောင့်ပဲ နာတာရှည် ဖိစီးမှု၊ စိတ်ဓာတ်ကျခြင်း၊ ရောဂါလက္ခဏာများ ဖြစ်လာပါတယ်။

▪️ အမျိုးသားများအပြင် လူတိုင်းအတွက် စိတ်ကျန်းမာရေးက အရေးပါပြီး ဆက်ဆံရေး၊ လုပ်ကိုင်နိုင်စွမ်း၊ အလုံးစုံကျန်းမာရေးတို့မှာ သက်ရောက်နေပါတယ်။

▪️ ဒါကြောင့် စိတ်ကျန်းမာရေး တိုးတက်စေမယ့် နည်းလမ်းတွေကို ဖော်ပြသွားမှာဖြစ်ပါတယ်။

စိတ်ကျန်းမာရေးတိုးတက်စေနိုင်မယ့် အစားအစာတွေကတော့..

▪️ (၁) အိုမီဂါ-၃ဖက်တီးအက်ဆစ်များ - ဆယ်လ်မွန်၊ သစ်ကြားသီး၊ လျှော်စေ့တို့မှာ ပါဝင်တဲ့ အိုမီဂါ-၃ဖက်တီးအက်ဆစ်က ဦးနှောက်ကျန်းမာရေးကို မြှင့်တင်ပေးပါတယ်။

▪️ (၂) ပရိုဘိုင်အိုတစ် - ဒိန်ချဉ်၊ ကင်ချီ၊ အချဉ်ဖောက်သော အစားအစာများက အူလမ်းကြောင်း ကျန်းမာရေးကောင်းမွန်စေကာ စိတ်အခြေအနေ ထိန်းညှိပေးပါတယ်။

▪️ (၃) သွေးတွင်းသကြားဓာတ်ထိန်းညှိခြင်း - ထမင်းတစ်နပ်မစားဘဲနေတာမျိုး ရှောင်ရှားသင့်ပြီး ပြောင်းဂျုံများ၊ ပဲအမျိုးမျိုးတို့လိုမျိုး ကာဗိုဟိုက်ဒရိတ်အုပ်စုကို စားသုံးခြင်းဖြင့် သွေးတွင်းသကြားဓာတ် ထိန်းနိုင်ပါတယ်။

▪️ (၄) မဂ္ဂနီဆီယံကြွယ်ဝသောအစားအစာ - ဟင်းနုနွယ်၊ ဗာဒံစေ့၊ ထောပတ်သီးတို့မှာ မဂ္ဂနီဆီယံကြွယ်ဝပြီး ပူပန်စိတ်ကို လျှော့ချပေးပါတယ်။

▪️ (၅) ကဖင်းနဲ့သကြား လျှော့ချခြင်း - ကဖင်းဓာတ်နဲ့ အချိုများတဲ့ စားစရာတွေဟာ ပူပန်စိတ်ကို ပိုဆိုးစေပါတယ်။

▪️ (၆) ရေဓာတ်ထိန်းသိမ်းခြင်း - ရေဓာတ်ခန်းခြောက်ပါက အာရုံစူးစိုက်မှုနဲ့ စိတ်အခြေအနေကို ထိခိုက်စေပါတယ်။

▪️ (၇) ချောကလက်မည်းစားသုံးခြင်း - ချောကလက်မည်းက အင်ဒေါ်ဖင်းဟော်မုန်း ထွက်စေပြီး ဓာတ်တိုးဆန့်ကျင်ပစ္စည်းလည်း ပါဝင်ပါတယ်။

▪️ (၈) စားသုံးမှုကိုသေချာစီစဉ်ခြင်း - စားသုံးမယ့် အစားအစာတွေကို စီစဉ်ချမှတ်ခြင်းဖြင့် အာဟာရဓာတ် မျှတစေသလို စိတ်ကျန်းမာရေး တည်ငြိမ်မှုပေးနိုင်ပါတယ်။

လေ့ကျင့်ခန်းပြုလုပ်ခြင်းဖြင့် စိတ်ကျန်းမာရေးကို ဘယ်လိုတိုးတက်စေနိုင်သလဲဆိုတော့..

▪️ (၁) နှလုံးသွေးကြောလှုပ်ရှားမှု - ပြေးခြင်း၊ စက်ဘီးစီးခြင်း၊ ရေကူးခြင်းတို့က ခံစားမှုကောင်းစေတဲ့ အင်ဒေါ်ဖင်းဟော်မုန်း ထွက်စေကာ ဖိစီးမှုနဲ့ ပူပန်စိတ် ပြေလျော့စေပါတယ်။

▪️ (၂) ခွန်အားလေ့ကျင့်ခန်းပြုလုပ်ခြင်း - အလေးမခြင်းလိုမျိုး လေ့ကျင့်ခန်းတွေက ရုပ်ပိုင်းဆိုင်ရာ အတွက်သာမက ယုံကြည်မှုတိုးစေပြီး စိတ်ကျလက္ခဏာများ လျော့ကျစေပါတယ်။

▪️ (၃) ယောဂနှင့်တရားထိုင်ခြင်း - ယောဂရော တရားထိုင်ခြင်းရောက စိတ်တည်ငြိမ်စေပြီး စိတ်ခံစားချက် ထိန်းညှိပေးပါတယ်။

▪️ (၄) အိမ်အပြင်ဘက်လှုပ်ရှားခြင်း - သဘာဝပတ်ဝန်းကျင်မှာ လမ်းလျှောက်ခြင်း တောင်တက်ခြင်းတို့က စိတ်အခြေအနေ တိုးတက်စေပါတယ်။

▪️ (၅) အသက်ရှူလေ့ကျင့်ခန်း - အာရုံစိုက် အသက်ရှူခြင်းနည်းလမ်းဖြင့် စိတ်တည်ငြိမ်မှုကို ထိန်းသိမ်းနိုင်ပါတယ်။

▪️ (၆) အသင်းအားကစားလုပ်ခြင်း - ဘောလုံး၊ ဘတ်စ်ကတ်ဘောတို့လို အသင်းလိုက်ကစားရတဲ့ အားကစားတွေက ရုပ်ပိုင်းဆိုင်ရာအပြင် လူမှုဆက်ဆံရေးပါ တိုးတက်စေပါတယ်။

▪️ (၇) ပုံမှန်ကျင့်ကြံခြင်း - ကိုယ်လက်လှုပ်ရှားမှု ပုံမှန်ပြုလုပ်ပါက အိပ်စက်မှုကို ထိန်းညှိပေးကာ ဖိစီးမှုဒဏ်ကို ခံနိုင်ရည်ရှိစေပါတယ်။

▪️ (၈) ဝါသနာရှာဖွေခြင်း - ဥယျာဉ်ထိန်းသိမ်းခြင်း၊ ကခုန်ခြင်းစတဲ့ ကိုယ်လက်လှုပ်ရှားမှု ဝါသနာတွေက ဖိစီးမှုရဲ့ ထွက်ပေါက်ဖြစ်ကာ စိတ်ကျန်းမာရေးကို အထောက်အကူ ပြုပါတယ်။

▪️ စိတ်ကျန်းမာရေးတိုးတက်ဖို့ရာ အာဟာရမျှတတဲ့ အစားအစာအပြင် ပုံမှန်လေ့ကျင့်ခန်းနဲ့ မိသားစုထောက်ပံ့မှုတို့လည်း လိုအပ်ပါတယ်။

#Source: DoctorNDTV