#World_Science
Published  30 December 2024

▪️ လဂြိုဟ်က လွန်ခဲ့တဲ့နှစ်ပေါင်း ၄.၅၃ ဘီလီယံလောက်တည်းက ဖြစ်ပေါ်ခဲ့ဖွယ်ရှိတယ်လို့ အမေရိကန်၊ ပြင်သစ်၊ ဂျာမနီတို့မှ သုတေသီများ တွေ့ရှိခဲ့ကြပါတယ်။
ဒါဟာ ယခင်ထင်ထားတာထက် နှစ်ပေါင်း သန်းရာချီပိုစောတယ်လို့ ခန့်မှန်းရရှိတာ ဖြစ်ပါတယ်။

▪️ ဒါဟာ လက ကမ္ဘာဂြိုဟ်ထက်စာရင် သတ္တုပိုနည်းပြီး ချိုင့်ဝှမ်းသက်ရောက်မှုကြီးတွေ ဘာလို့ပိုနည်းလဲဆိုတာကို သိရှိနားလည်နိုင်ဖွယ် ရှိပါတယ်။

▪️ ဒီသုတေသနကနေပဲ ကမ္ဘာဂြိုဟ်ရဲ့ ဆင့်ကဲပြောင်းလဲမှုနဲ့ သမိုင်းကြောင်းတို့ကို ပိုမိုသိရှိခွင့် ရလာနိုင်တယ်လို့ ကယ်လီဖိုးနီးယား ဆန်တာခရုဇ်တက္ကသိုလ်မှ ဘူမိပညာရှင် ဖရန်ဆစ်နင်မိုဦးဆောင်တဲ့ အဖွဲ့က ဆိုပါတယ်။

▪️ မားစ်ဂြိုဟ်အရွယ်လောက်ရှိတဲ့ အရာဝတ္ထုကြီးက ကမ္ဘာဂြိုဟ်ကို ထိမှန်ခဲ့ပြီးနောက် လဂြိုဟ်ဖြစ်ပေါ်ခဲ့တယ်လို့ အစောပိုင်းမှာထင်ခဲ့ပေမယ့် ယခုသုတေသနအရ ဒီထက်ပိုပြီး စောစောဖြစ်ပေါ်ခဲ့ဟန် ရှိပါတယ်။

▪️ လဂြိုဟ်နဲ့ ကမ္ဘာဂြိုဟ်ကြား ဆွဲငင်အားပြိုင်ဆိုင်မှုကြောင့် အားတစ်ခုဖြစ်ပေါ်ပြီး ပွတ်တိုက်အားကြောင့် လဂြိုဟ်ကိုပူနွေးစေပါတယ်။

▪️ လဂြိုဟ်က ကျောက်တုံးတွေမှာ တွေ့ရတဲ့ ဇီယာကွန်သလင်းကျောက်များ တည်ရှိမှုကိုလည်း ရှင်းပြထားကာ ယူရေနီယံနဲ့ ခဲအချိုးကို ကြည့်ပြီးတော့ ထိုသတ္တုရဲ့ သက်တမ်းကို ဆုံးဖြတ်နိုင်ပါတယ်။

▪️ ဇီယာကွန်သလင်းကျောက်တွေဟာ လဂြိုဟ်သက်တမ်းထက်ပင် ပိုရင့်နေပြီး တိုင်းတာရရှိတဲ့ ကျောက်တစ်ခုဆိုရင် သက်တမ်းနှစ် ၄.၄၆ ဘီလီယံရှိကာ နောက်တစ်ခုက ၄.၅၁ ဘီလီယံရှိပါတယ်။

▪️ အရည်ပျော်ခြင်းဖြစ်စဉ်ကြောင့် လမျက်နှာပြင် ပြောင်းလဲကာ သတ္တုများ အောက်သို့နစ်ဝင်သွားပြီး တကယ့်သက်တမ်း ဖုံးကွယ်တာဖြစ်နိုင်တယ်လို့ ဖော်ပြထားပါတယ်။

▪️ ဒါကြောင့် လဂြိုဟ်သက်တမ်းဟာ နှစ်ပေါင်း ၄.၅၄ ဘီလီယံလောက်က စတင်ခဲ့ဟန်ရှိတယ်လို့ ခန့်မှန်းလာတာ ဖြစ်ပါတယ်။

#Source: WION

၂၉ ဒီဇင်ဘာ ၂၀၂၄

ဘင်္ဂလားဒေ့ရှ်အစိုးရရဲ့ နိုင်ငံခြားရေးအကြံပေး အမ်ဒီ တိုဟစ်ဟူစိန်က ဘင်္ဂလားဒေ့ရှ်နိုင်ငံအနေနှင့် မြန်မာနိုင်ငံမှတစ်ဆင့် တရုတ်နှင့် ချိတ်ဆက်မိစေရေး အရေးကြီးတဲ့အကြောင်း သောကြာနေ့က ပြောကြားလိုက်ပါတယ်။ အဲသလို ဆောင်ရွက်ခြင်းဖြင့်  နှစ်ဘက်အကျိုးရှိလိမ့်မယ်လို့လည်း သူက အလေးပေးပြောဆိုတဲ့အကြောင်း ဘင်္ဂလားဒေ့ရှ်မီဒီယာများက သတင်းဖော်ပြကြပါတယ်။

“ ကျွန်တော်တို့အနေနှင့် ဘင်္ဂလားဒေ့ရှ်နှင့် တရုတ်နိုင်ငံများအကြား ချောမွေ့တဲ့ချိတ်ဆက်မှုလိုအပ် ပါတယ်။ အလားအလာအကောင်းဆုံးလမ်းကြောင်းကတော့ မြန်မာနိုင်ငံမှတစ်ဆင့်ဖြစ်တယ်” လို့ သူက ပြောဆိုလိုက်ပါတယ်။ အဲဒါကြောင့် မြန်မာနိုင်ငံတည်ငြိမ်ရေးနှင့် ဘင်္ဂလီတွေကို ရခိုင်ပြည်နယ်သို့ ပြန်လည်ပို့ဆောင်ပေးရေး လိုအပ်တယ်လို့ သူက အလေးပေးပြောဆိုပါတယ်။

“ မြန်မာနိုင်ငံမှာ ငြိမ်းချမ်းတည်ငြိမ်မှု ပြန်လည်ရရှိလာမယ်လို့ ကျွန်တော်တို့မျှော်လင့်ထားပါတယ်။ ရခိုင် ပြည်နယ်ကို ဘင်္ဂလီတွေဟာ အခွင့်အရေးနှင့်လုံခြုံမှုရှိစွာ ပြန်ပို့ပေးရေးအပါအဝင်ပေါ့။ ဒီလိုချိတ်ဆက် မှုဟာ ကျွန်တော်တို့ပြည်သူတွေအတွက် အပြန်အလှန်အကျိုးကျေးဇူးရှိနိုင်လိမ့်မယ်” လို့ သူကပြောပါ တယ်။

ဘင်္ဂလားဒေ့ရှ်နိုင်ငံ ဒါကာမြို့တော်ရှိ နော့တ်ဆောက်တက္ကသိုလ်မှာ သောကြာနေ့ကကျင်းပတဲ့ “ တရုတ်- တောင်အာရှယဉ်ကျေးမှုနှင့်ချိတ်ဆက်မှု” ဆိုတဲ့ နိုင်ငံတကာကွန်ဖရင့်တစ်ခုဖွင့်ပွဲမှာ တိုဟစ်က အခုလို ပြောကြားခဲ့တာဖြစ်ပါတယ်။

ဘင်္ဂလားဒေ့၇ှ်ရဲ့ မဟာဗျူဟာမြောက်တည်ရှိမှုနှင့် စီးပွားရေးအလာအလာတွေ ဖွံ့ဖြိုးလာနေမှုတွေကို လည်း သူက အလေးပေးပြောဆိုပါတယ်။

ဒေသတွင်းချိတ်ဆက်မှုဟာ ကမ္ဘာလုံးဆိုင်ရာ စိန်ခေါမှုတွေဖြစ်တဲ့ ရာသီဥတုပြောင်းလဲခြင်းနှင့်စီးပွားရေး မရေရာမှုတွေလိုပြဿနာတွေကို ဖြေရှင်းရာမှာ ပိုအရေးပါလာနေတယ်လို့လည်း သူကပြောပါတယ်။ အဲဒါကြောင့် တရုတ်နိုင်ငံကို မဟာဗျူဟာမြောက်လုပ်ဖော်ကိုင်ဖက်အဖြစ်သာမက မိတ်ဆွေအဖြစ်နှင့်ပါ လက်တွဲဆောင်ရွက်ရမယ်လို့သူကပြောပါတယ်။

အဲဒီကွန်ဖရင့်ကို တရုတ်-တောင်အာရှစင်တာရဲ့ လူမှုယဉ်ကျေးမှုလေ့လာရေးအဖွဲ့နှင့် ယူနန်တက္ကသိုလ် တို့က ပူးတွဲကျင်းပခဲ့တာဖြစ်ပါတယ်။ ဘင်္ဂလားဒေ့ရှ်ဆိုင်ရာ တရုတ်သံအမတ်ကြီးကလည်း ကွန်ဖရင့်ဖွင့်ပွဲ မှာ မိန့်ခွန်းပြောကြားခဲ့ပါတယ်။

၂၉ ဒီဇင်ဘာ ၂၀၂၄

မဲခေါင်မြစ်ဝှမ်းတွင် ရာဇဝတ်မှုတွေ တိုက်ဖျက်ဖို့အတွက် မြန်မာအပါအဝင် တရုတ်၊လာအိုနှင့် ထိုင်းတို့ဟာ ပြီးခဲ့တဲ့ ဗုဒ္ဓဟူးနေ့က ရာဇဝတ်မှုနှိမ်နှင်းရေးဆိုင်ရာ လေ့ကျင့်ခန်းတွေ ပြုလုပ်ခဲ့ကြပါတယ်။ အဆိုပါ လေးနိုင်ငံအနေနှင့် တရားဥပဒေစိုးမိုးရေးမြှင့်တင်ရာမှာ ပူးပေါင်းဆောင်ရွက်မှုတစ်ခုလည်းဖြစ်ပါတယ်။

"Vision-2024" လို့အမည်ပေးထားတဲ့ အဲဒီပူးတွဲလေ့ကျင့်မှုကို  ရွှေတြိဂံဒေသရဲ့ အထက်ပိုင်း ၁၁ကီလို မီတာအကွာမှာရှိတဲ့ မင်မို ရေပြင်မှာ ဆောင်ရွက်ခဲ့ကြတာဖြစ်ပါတယ်။

Source CCTV+

#World_Health
Published 29 December 2024

▪️ သက်လတ်ပိုင်း အရွယ်ရောက်တဲ့အခါ ဆံပင်စဖြူလာတဲ့ လက္ခဏာမျိုး ပေါ်လာတတ်ပြီး မော်လီကျူးအဆင့်နဲ့ ကြည့်ရင် ပြောင်းလဲမှုကြီး ၂ခု ဖြစ်လာတယ်လို့ သုတေသနအသစ်မှာ တွေ့ထားပါတယ်။

▪️ အသက်အရွယ် ကြီးရင့်လာတာက တဖြည်းဖြည်းချင်း ဖြစ်ပျက်တယ်လို့ လူအများထင်နေကြပေမယ့် ခန္ဓာကိုယ်ထဲက မော်လီကျူးတွေနဲ့ အဏုဇီဝပိုးမွှားများက အသက် ၄၄ နှစ်နဲ့ ၆၀ ဝန်းကျင်တို့မှာ သိသိသာသာ အတက်အကျ ဖြစ်သွားကာ အိုမင်းရင့်ရော်မှု အမြင့်ဆုံးဖြစ်ပေါ်တယ်လို့ စတန်းဖို့ဒ်တက္ကသိုလ်မှ မျိုးဗီဇပရော်ဖက်ဆာ မိုက်ကယ်ဆနိုက်ဒါက ဩဂုတ်လက Nature Agingဂျာနယ်မှာ ဖော်ပြခဲ့ပါတယ်။

▪️ မော်လီကျူးအဆင့် ပြောင်းလဲမှုတွေဟာ နှလုံးသွေးကြောရောဂါ၊ အရေပြားနဲ့ ကြွက်သားကျန်းမာရေး၊ ကိုယ်ခံအားထိန်းညှိခြင်း၊ ကျောက်ကပ်လုပ်ဆောင်ချက်နဲ့ အခြားနေရာတွေမှာ သက်ဆိုင်နေပါတယ်။

▪️ အသက်အရွယ်နဲ့ဆိုင်တဲ့ အယ်လ်ဇိုင်းမားရောဂါ၊ ကင်ဆာ၊ နှလုံးသွေးကြောရောဂါတို့ဟာ အသက်ကြီးတဲ့အခါ ဖြစ်နိုင်ခြေ အလွန်မြင့်တက်လာပါတယ်။

▪️ စတန်းဖို့ဒ်တက္ကသိုလ်နဲ့ နန်ယန်နည်းပညာ တက္ကသိုလ်တို့မှ သုတေသီတို့က အသက် ၂၅ နှစ်မှ ၇၅ နှစ်ကြား လူပေါင်း ၁၀၈ ဦးထံမှ အချက်အလက်များရယူကာ ခန္ဓာကိုယ်ထဲက မော်လီကျူးနဲ့ ပိုးမွှားပြောင်းလဲမှုများကို ဆန်းစစ်ခဲ့ကြပါတယ်။

▪️ နှစ်တွေကြာအောင် စောင့်ကြည့်အပြီးမှာ ယင်းတို့ရဲ့ခန္ဓာကိုယ်ထဲက မော်လီကျူးနဲ့ ပိုးမွှားပေါင်း ၁၃၅၀၀၀ ကျော်မှာ ပြောင်းလဲမှုရှိတာကို ရှာတွေ့ခဲ့ကြပါတယ်။

▪️ အသက် ၄၀ ကျော်နဲ့ အစောပိုင်း ၆၀ ဝန်းကျင် ထိုနှစ်ချိန်မှာ မော်လီကျူးနဲ့ ပိုးမွှားပြောင်းလဲမှုကြီးတွေ မြင်တွေ့ခဲ့ကြပါတယ်။

▪️ ၆၀ ဝန်းကျင်မှာ ပြောင်းလဲတာက မထူးဆန်းပေမယ့် ၄၀ ကျော်မှာ အပြောင်းအလဲကြီး ဖြစ်တာကတော့ အံ့ဩစရာဖြစ်နေပါတယ်။

▪️ မော်လီကျူးတွေက ခန္ဓာကိုယ် လုပ်ဆောင်ချက်များ စနစ်များ ရောဂါများနဲ့ ဆက်စပ်နေပါတယ်။

▪️ ၄၀ ကျော်အရွယ်မှာ ပြောင်းလဲတာတွေက အယ်လ်ကိုဟော၊ ကဖင်း၊ အဆီဓာတ်ဇီဝဖြစ်ပျက်မှု၊ နှလုံးသွေးကြောရောဂါ၊ အရေပြားနဲ့ ကြွက်သားကျန်းမာရေးတို့နဲ့ ဆက်စပ်နေပါတယ်။

▪️ အိုမင်းရင့်ရော်ခြင်းကို မရှောင်လွှဲနိုင်ပေမယ့် ထိုပြောင်းလဲမှုများကို နှောင့်နှေးစေနိုင်မယ့် နည်းလမ်းတွေရှိတယ်လို့ ဇီဝဗေဒကင်ဆာ ပရော်ဖက်ဆာ ရော်နယ်ဒီပင်ဟိုက ပြောပါတယ်။

#Source: Health.com

#World_Science
Published 29 December 2024

▪️ ပီရူးစူးစမ်းလေ့လာရေးတစ်ခုကနေ ရေကူးနိုင်တဲ့ ကြွက်အပါအဝင် တိရိစ္ဆာန်မျိုးစိတ် ၂၇ မျိုးကို ရှာဖွေတွေ့ရှိခဲ့ပါတယ်။

▪️ ကွန်ဆာဗေးရှင်းအင်တာနေရှင်နယ်အဖွဲ့က ၂၀၂၂ ခုနှစ်မှာ အမေဇုန်မိုးသစ်တော အပါအဝင် အော်တိုမိုင်ယိုဒေသမှာ ရက်ပေါင်း ၃၈ ရက်ကျော်ကြာအောင် သုတေသန ပြုလုပ်ခဲ့ပါတယ်။

▪️ ထိုဒေသဟာ သစ်တောနဲ့ စိုက်ပျိုးရေးနေရာ ဧကပေါင်း ၁.၉ သန်းကျယ်ဝန်းပြီး ဂေဟစနစ် အမျိုးမျိုး နေထိုင်နေကြပါတယ်။

▪️ ဇီဝမျိုးကွဲအများအပြား ရှိနေကြတဲ့ နေရာကနေ နို့တိုက်သတ္တဝါ ၄ မျိုး၊ ငါး ၈ မျိုး၊ ကုန်းနေရေနေ ၃ မျိုးနဲ့ လိပ်ပြာမျိုးစိတ် ၁၀ မျိုး အသစ်တို့ကို တွေ့ရှိခဲ့ကြပါတယ်။

▪️ မျိုးစိတ်သစ်ပေါင်း ၄၈ မျိုးနီးပါး တွေ့ရှိခဲ့ပေမယ့် မျိုးစိတ်သစ် ဟုတ်မဟုတ်ကတော့ သေချာလေ့လာရဦးမယ်လို့ သုတေသနအဖွဲ့က ဆိုပါတယ်။

▪️ ထိုထဲက ထူးဆန်းမျိုးစိတ်သစ် တစ်မျိုးကတော့ ကုန်းနေရေနေ ကြွက်ဖြစ်ပြီး ရေထဲမှာလည်း ရှင်သန်နေနိုင်အောင် ရေယက်ခြေချောင်းများ ပါဝင်တာကို တွေ့ရှိခဲ့ကြပါတယ်။

▪️ ထိုကဲ့သို့ ရေတဝက်ကြွက်တွေဟာ အလွန်ရှားပါးပြီး နောက်ထပ် နို့တိုက်သတ္တဝါတွေကတော့ ဆူးပါတဲ့ကြွက်၊ အမြီးတိုအသီးစားလင်းနို့နဲ့ ရှဉ့်ပုတို့ ပါဝင်ပါတယ်။

▪️ ဦးခေါင်းပွပွကြီးကြီးရှိတဲ့ ငါးအမျိုးအစားလည်း တွေ့ရှိခဲ့ပြီး နှာခေါင်းက အင်မတန်ကြီးမားတဲ့ ပုံစံရှိတယ်လို့ သုတေသန ဦးဆောင်သူ ထရွန်လာဆင်က ပြောပါတယ်။

▪️ ရှဉ့်ပုဆိုရင် ၁၄ စင်တီမီတာခန့်သာရှိပြီး သာမန်ရှဉ့်တစ်ကောင်အရှည်ရဲ့ တဝက်မျှသာရှိကာ အလွန်လျင်မြန်ပါတယ်။

▪️ ဆူးပါတဲ့ကြွက်ဆိုရင် သူတို့ရဲ့ အမွှေးတွေက ဖြူးကောင်ရဲ့ အဆူးတွေလိုမျိုး ကာကွယ်ပေးတဲ့ပုံစံ ရှိပါတယ်။

#Source: WION

ခေတ်ရေစီးကြောင်းနဲ့အညီ ထုတ်လုပ်ထားတဲ့ တရုတ်စွမ်းအင်သစ်ယာဉ်ပုံစံ ၂၀ ခန့်ဟာ တရုတ်အရှေ့မြောက်ပိုင်း ဟေလုံကျန်ပြည်နယ် ဟေဟယ်မြို့ရှိ အလွန်ချမ်းအေးတဲ့ ပတ်ဝန်းကျင်မှာ စမ်းသပ်မှုအောင်မြင်ခဲ့ပြီး အပူချိန်အနုတ် ၁၅ မှ အနုတ် ၂၅ ဒီဂရီဆဲလ်စီးယပ်စ်လောက်ရှိတဲ့ အနေအထားမှာ ကောင်းမွန်သော စွမ်းဆောင်ရည် ပြသနိုင်ခဲ့ပါတယ်။
#Asia_Industry
Published 28 December 2024
#တရုတ်စွမ်းအင်သစ် #မော်တော်ယာဉ်ပုံစံသစ်
#YMG #Yangon_Times #Yangon_Media_Group