Published 28 February 2022

ရုရှားဟာ ရန်လိုမှုကို စတင်ခဲ့တာမဟုတ်ဘဲ ရန်လိုမှုတွေကို အဆုံးသတ်နေတာသာဖြစ်တယ်လို့ ရုရှားကာကွယ်ရေးဝန်ကြီးဌာနရဲ့ ပြောရေးဆိုခွင့်ရသူ အီဂို ကိုနာရှန်ကိုက ဖေဖော်ဝါရီ(၂၈)ရက် တနင်္လာနေ့က ပြောလိုက်ပါတယ်။

Source AFP

Published 28 February
စင်္ကာပူနိုင်ငံမှာ ၁၀နှစ်အတွင်းငွေကြေးဖောင်းပွမှုနှုန်း အမြင့်ဆုံးအဖြစ် ၂.၄ရာခိုင်နှုန်းမြင့်တက်လာခဲ့တယ်လို့ စင်္ကာပူငွေကြေး အာဏာပိုင်အဖွဲ့က အွန်လိုင်းကနေတစ်ဆင့်ဖြန့်ဝေခဲ့တဲ့ သတင်းထုတ်ပြန်ချက်အရသိရပါတယ်။

ထောင်တက်လာနေတဲ့ငွေကြေးဖောင်းပွမှုကို ထိန်းချုပ်ဟန့်တားနိုင်ဖို့အတွက် ငွေကြေးအာဏာပိုင်အဖွဲ့ဟာ လေးလအတွင်း ငွေကြေးမူဝါဒကို နှစ်ကြိမ်တိုင်တင်းကျပ်ခဲ့တယ်လို့ အဖွဲ့က သိပ်မကြာသေးခင်က ပြောထားပါတယ်။

ဟောကာစင်တာတွေလို့ခေါ်တဲ့ စားသောက်ဆိုင်တန်းတွေဟာ စင်ကာပူနိုင်ငံသား အောက်ခြေလူတန်းစာတွေ အတွက်ပါ။ ဒေသခံတွေဟာ အဲဒီမှာ စုရုံးကြပြီး စားဖွယ်ရာတွေ စားသောက်ကြပါတယ်။ လက်ဖက်ရည် ကော်ဖီ သောက်ကြတယ်။  ဒါပေမယ့် ပြီးခဲ့တဲ့နှစ်နှင့် နှိုင်းယှဉ်ရင် ဟောကာစင်တာတွေက အစားအသောက်ဈေးတွေဟာ သူတို့မျှော်လင့်ထားတာထက် ပိုပြီး ဈေးတက်လာနေပါတယ်။

“ ခေါက်ဆွဲစားမှာလား အသားစာမှာလား။ ဟောကာစင်တာထဲ ဝင်စားကြည်တဲ့အခါ ဈေးနှုန်းတွေက ကြောက်စရာ ကောင်းအောင်တက်နေတာသိရလိမ့်မယ်။ အခုဆို ဆင့်၅၀ ဒါမှမဟုတ် တစ်ဒေါ်လာလောက်တက်နေပြီ” လို့ ဒေသခံတစ်ဦးကပြောပါတယ်။

“ ကံကောင်းထောက်မစွာပါပဲ။ အခုထက်ထိတော့ ထောက်ပို့မှုက ဖြတ်တောက်သွားတာတော့မရှိသေးဘူး။ ပင်လယ်ရပ်ခြားက တင်သွင်းတဲ့ ပစ္စည်းအများစုကတော့ ယခုထက်ထိရနေသေးတယ်။ ဒါပေမယ့် ဈေးကတော့ အများကြီး တက်သွားပြီ” လို့ တန်လော့ခ်အုပ်စုရဲ့ ဘုတ်အဖွဲ့ဥက္ကဋ္ဌနှင့် စီအီးအိုဖြစ်တဲ့ အင်ဒရူး တီဂျိုးကပြောပါတယ်။

လျှပ်စစ်ဓာတ်အားခ၊ကုန်ကြမ်းနှင့် လုပ်အားခတွေဈေးတက်လာတာက နေစဉ်မရှိမဖြစ်သုံးရတဲ့ ပစ္စည်းတွေနှင့် စားသောက်ကုန်ဈေးတွေကို မြင့်တက်လာစေပါတယ်။ လတ်တလောမှာ ကမ္ဘာ့ရေနံစိမ်းဈေးတွေတက်လာတာကြောင့် ဇန်နဝါရီ၃၁ရက်ကစပြီး ဓာတ်ဆီနှင့်ဒီဇယ်ဈေးနှုန်းတွေ ၂၅ရာခိုင်နှုန်းမြင့်တက်လာလို့ ခရီးသွားတဲ့ ပြည်တွင်းကသူတွေ အတွက် ကုန်ကျစရိတ်တွေမြင့်တက်မှုနှင့်ကြုံနေကြရတာဖြစ်ပါတယ်။

အဲဒီအပြင် တစ်ပတ်ရစ်အိမ်ခန်းတွေနှင့် အများပိုင်အိမ်ရာတွေရဲ့ ဈေးနှုန်းတွေကလည်း စင်္ကာပူမှာ ၁၀.၆ရာခိုင်နှုန်းကနေ ၁၂.၇ ရာခိုင်နှုန်းအထိ တက်လာနေပါတယ်။ မနှစ်ကထက်စာရင် အများကြီးမြင့်တက်လာတာဖြစ်ပါတယ်။

Source CMG

Published 28 February 2022

ရုရှား-ယူကရိန်းအရေးမှာ ပါဝင်ပတ်သက်တဲ့ အဖွဲ့တွေအားလုံး စိတ်တည်တည်ငြိမ်ငြိမ်ထားကြဖို့နှင့် ချုပ်တည်းကြဖို့  တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရပုဂ္ဂိုလ် ဝမ်ဝေဘင်းက ဖေဖာ်ဝါရီ ၂၈ရက် တနင်္လာနေ့က ပြောလိုက်ပါတယ်။ ရုရှားသမ္မတပူတင်က နျူကလီးယားတပ်ဖွဲတွေကို တပ်လှန့်ပြီးတစ်ရက်အကြာမှာ တရုတ်က ပြောကြားတာဖြစ်ပါတယ်။

Source AFP

Published 28 February 2022

ကမ္ဘာ့အကြီးဆုံးလေယာဉ်ကြီးဖြစ်တဲ့ Antonov AN-225 ဟာ  ရုရှားတို့ ယူကရိန်းကို ကျူးကျော်စဉ်အတွင်း  ဖျက်ဆီးခံလိုက်ရတယ်လို့ ယူကရိန်းအရာရှိတွေက ပြောတယ်လို့ စီအင်န်အင်န်က သတင်းဖော်ပြပါတယ်။

အဲဒီဧရာလေယာဉ်ကြီးကို အမ်ရီယာ သို့မဟုတ် အိပ်မက်လို့ ယူကရိန်းဘာသာနှင့်ခေါ်ဆိုထားပြီး ကိဗ်မြို့အနီးက လေယာဉ်ကွင်းတစ်ကွင်းမှာ ရပ်နားထားတာဖြစ်ပါတယ်။ အဲဒီလေယာဉ်ကို ရုရှားသိမ်းပိုက်သူတွေက တိုက်ခိုက်ခဲ့တာဖြစ်တယ်လို့ ယူကရိန်းအာဏာပိုင်တွေကပြောပါတယ်။  သူတို့က ဒီလေယာဉ်ကိုပြန်တည်ဆောက်မယ်လို့လည်း ပြောပါတယ်။

“ ရုရှားတွေဟာ ကျွန်တော်တို့ရဲ့ အမ်ရီယာကို ဖျက်ဆီးပစ်ကောင်းပစ်နိုင်မယ်။ဒါပေမယ့် ကျွန်တော်တို့ရဲ့  အားကောင်းပြီး လွတ်လပ်တဲ့ ဒီမိုကရက်တစ်ဥရောပနိုင်ငံဆိုတဲ့ အိပ်မက်ကိုတော့ သူတို့ဘယ်တော့မှဖျက်ဆီးပစ်လို့မရပါဘူး။ ကျွန်တော်တို့ အောင်ရမယ်” လို့ ယူကရိန်းနိုင်ငံခြားရေးဝန်ကြီး ဒီမိုင်ထရိုကူလေဘာက တွစ်တာမှာရေးသားထားပါတယ်။

လေယာဉ်ကိုပြန်တည်ဆောက်ရင် ဒေါ်လာ၃ ဘီလီယံလောက်ကုန်ကျနိုင်တယ်လို့ လေယာဉ်ကုမ္ပဏီကပြောပါတယ်။

ဒါပေမယ့် ဒီလေယာဉ်ဖျက်ဆီးခံရတယ်ဆိုတော့ လွတ်လပ်တဲ့ အတည်ပြုချက်တော့ မရသေးပါဘူးလို့ စီအင်န်အင်န်က ပြောပါတယ်။ အန်တိုနော့ဗ်ကုမ္ပဏီကတော့ ကျွမ်းကျင်သူတွေ မစစ်ရသေးဘဲနှင့် လေယာဉ်ရဲ့ စက်မှုပိုင်းဆိုင်ရာ အခြေအနေကို အတည်ပြုလို့မရနိုင်သေးဘူးလို့ပြောပါတယ်။

ယနေ့အထိ အမ်ရီယာဟာ ကမ္ဘာပေါ်မှာ အကြီးမားအလေးလံဆုံး လေယာဉ်ဖြစ်ပါတယ်။ လေယာဉ်ကို တာဘိုပန်ကာတပ် အင်ဂျင်(၆)လုံးတပ်ဆင်ထားပြီး အလေးချိန်တန်ချိန် ၂၅၀လေးပါတယ်။ အလျားက ၈၄မီတာ(၂၇၅ ပေခန့်)ရှိပြီး အကြီးဆုံးလေယာဉ်တောင်ပံကိုလည်းတပ်ဆင်ထား တာဖြစ်ပါတယ်။အဲဒီလေယာဉ်ကို ကိဗ်အခြေစိုက် အန်တိုနော့ဗ်ကုမ္ပဏီက တည်ဆောက်ခဲ့တာဖြစ်ပြီး ၁၉၈၈မှာ ပထမဆုံး အကြိမ်စတင်ပျံသန်းခဲ့ပါတယ်။ အဲဒီကတည်းက လေယာဉ်ကိုစတင်အသုံးပြုခဲ့တာဖြစ်ပါတယ်။

Source CNN

#DailyNews
Published - 28 Feb 2022

၁။ ထိုင်းနိုင်ငံသို့ အသက်အန္တရာယ်များသည့် ခိုးဝင်ရောက်မှုမပြုလုပ်ရန် JACBA သတိပေး

၂။ အိုမီခရွန်ရောဂါပိုး စတင်တွေ့ရှိခဲ့တဲ့ တမူးမြို့တွင် ကိုဗစ်လူနာ ၆ ဦးသာကျန်ရှိ

၃။ မိုးလဝေသ သတင်း

၄။ အစ္စလာမ်အကြမ်းဖက်တွေဖျက်ဆီးခဲ့သည့် အီရတ်ရှေးဟောင်းမြို့မှ ပြုပြင်မွမ်းမံခြင်းလက်ရာများ
ဖော်ထုတ်ပြသ.......အစရှိတဲ့သတင်းတွေကိုတင်ဆက်ပေးသွားမှာပဲဖြစ်ပါတယ်။

#Yangon_Media_Group