Published 6 March 2022
ဘိုလစ်ဗီးယားနိုင်ငံရဲ့ အကျော်ကြားဆုံး ကာနီဗယ်ပွဲတော်ဟာ အူယူရိုမြို့ရဲ့ လမ်းမတွေပေါ် ပြန်လည်ရောက်ရှိလို့လာပြီဖြစ်ပါတယ်
ကိုဗစ်-၁၉ ကပ်ဘေးကြောင့် ပြီးခဲ့တဲ့နှစ်က အဲဒီပွဲတော်ကိုဖျက်သိမ်းခဲ့ရပြီးနောက် ယခုနှစ်မှာ အပြည့်အဝ ပြန်လည်ဆင်နွှဲခွင့်ရခဲ့ပါတယ်
ညခင်း ကာနေဗယ်မှာ ရာပေါင်းများစွာသော ဂီတသမားတွေနှင့် ကချေသည်တွေဟာ မီးတုတ်တွေကထွက်လာတဲ့ အလင်းရောင်တွေဖြာနေတဲ့ အူယူမြို့လမ်းတွေပေါ်မှာ ပျော်ရွှင်ကခုန်ကြပါတယ်
ဘိုလစ်ဗီးယားရဲ့အကျော်ကြားဆုံး ညကာနေဗယ်ကို ပျော်ရွှင်စွာ ဆင်နွှဲနေကြတဲ့ မြင်ကွင်းတွေကို တင်ဆက်ပေးလိုက်ပါတယ်
Source AFP
Published 6 March 2022
စင်္ကာပူနိုင်ငံက ယူကရိန်းမှာဆက်လက်ဖြစ်ပွားနေတဲ့ မော်စကိုရဲ့ စစ်ဆင်ရေးတွေကြောင့် ရုရှားအပေါ် ပိတ်ဆို့ဒဏ်ခတ်မှု ပြုလုပ်ဖို့ ဆုံးဖြတ်ကြောင်းကြေညာခဲ့ပါတယ်။
အရေးယူပိတ်ဆို့မှုမှာ စင်္ကာပူက လက်နက်အဖြစ်အသုံးပြုလို့ရမယ့် ပစ္စည်းအမျိုးအစားတွေကို တင်ပို့မှုထိန်းချုပ်မှာဖြစ်ပြီး အချို့သောရုရှားဘဏ်တွေနှင့် ရုရှားနှင့်ချိတ်ဆက်ငွေကြေးလွှဲပြောင်းပေးပို့မှုတွေကိုလည်းပိတ်ပင်သွားတာတွေပါဝင်ပါတယ်။
ဒါပေမယ့် ဒီပိတ်ဆို့အရေးယူမှုဟာ ရုရှားအပေါ် သက်ရောက်မှု အကန့်အသတ်ပဲရှိလိမ့်မယ်လို့ စီးပွားရေးပညာရှင်တစ်ဦးက သုံးသပ်ပါတယ်။
Source CCTV Plus
Published 6 march 2022
အမေရိကန်နိုင်ငံခြားရေးဝန်ကြီး အန်တိုနီဘလင်ကန်ဟာ ပိုလန်နှင့်ယူကရိန်းနယ်စပ်ကို သွားရောက်ပြီး ညီညွတ်မှုကို ပြသတဲ့အနေနှင့် ယူကရိန်း နိုင်ငံခြားရေးဝန်ကြီး ဒီမီထရိုကူလေဘာနှင့်တွေ့ဆုံခဲ့ပါတယ်။ ရုရှားက အနောက်နိုင်ငံလိုလားတဲ့ အိမ်နီးချင်းယူကရိန်းကို ကျုးကျော်ဝင်ရောက်ပြီး (၁၀)ရက်အကြာမှာ သူတို့နှစ်ဦးနယ်စပ်မှာတွေ့ခဲ့ကြတာဖြစ်ပါတယ်။
“ဒီဖိအားတွေက ဆက်ပေးနေရုံတင်မကဘူး ဒီစစ်ပွဲနှင့် စစ်ပွဲရွေးချယ်မှု အဆုံးသတ်သွားတဲ့အထိ တိုးမြှင့်ပြီးတော့လည်း ပေးနေဦးမယ်”
အန်တိုနီဘလင်ကန်
အမေရိကန်နိုင်ငံခြားရေးဝန်ကြီး
“ကျွန်တော်တိုနှင့်အတူ တကယ့်ကို နေပေးတဲ့ ရပ်တည်ပေးတဲ့ မိတ်ဆွေတွေ ရှိနေတယ်ဆိုတာကို ရှင်းရှင်းလင်းလင်း သရုပ်သကန်ပြလိုက်တာဖြစ်ပြီး အဲဒါကို ယူကရိန်းပြည်သူတွေ မြင်တွေ့ကြလိမ့်မယ်လို့ ကျွန်တော်ယုံကြည်ပါတယ်”
ဒီမီထရို ကူလေဘာ
ယူကရိန်းနိုင်ငံခြားရေးဝန်ကြီး
Source AFP
#WorldHealth
Published - 06 March 2022
ရောဂါပိုးဗိုင်းရပ်စ်တွေကို တိုက်ခိုက်ပေးတဲ့တီဆဲလ်တွေကို ပြုပြင်လိုက်ခြင်းဖြင့် ကိုယ်ခံအားတုန့်ပြန်မှုလျော့ကျစေသည့်ဆေးများ သောက်သုံးနေရတဲ့လူနာတွေဟာ ကိုဗစ်ရောဂါကိုကာကွယ်ပေးနိုင်မှာဖြစ်ပါတယ်။
ကိုယ်တွင်းအင်္ဂါအစားထိုးခွဲစိတ်တဲ့လူတွေမှာ ခန္ဓာကိုယ်က အင်္ဂါအသစ်ကိုလက်မခံတာမျိုးမဖြစ်ပွားအောင် ကိုယ်ခံအားတုန့်ပြန်မှုလျော့ကျစေတဲ့ဆေးတွေကို သောက်သုံးရတာဖြစ်ပါတယ်။
ဂျာမနီသုတေသီတို့ ရဲ့တွေ့ရှိချက်မှာ ကိုဗစ်ရောဂါကူးစက်ဖူးသူတွေရဲ့တီဆဲလ်တွေဟာ ဗိုင်းရပ်စ်ပိုးကိုမှတ်မိသိရှိပြီး ဝင်လာတဲ့အခါတိုက်ခိုက်ပေးပါတယ်။
အဆိုပါတီဆဲလ်တွေကို မျိုးဗီဇပြုပြင်မှုပြုလုပ်လိုက်ပါက အတွင်းအင်္ဂါအစားထိုးခွဲစိတ်မှုတွေမှာအသုံးများတဲ့ တာခရိုလီမက်စ်ဆေးတွေကို ခံနိုင်ရည်ရှိလာမှာဖြစ်ကြောင်း တွေ့ရှိခဲ့ကြပါတယ်။
ဓာတ်ခွဲခန်းစမ်းသပ်မှုတွေမှာ တာခရိုလီမက်စ်ဆေးဖြင့်ကုသခြင်းက ပြုပြင်ထားတဲ့တီဆဲလ်တွေရဲ့ဂုဏ်သတ္တိကို အဟန့်အတားမဖြစ်စေဘဲ ကိုရိုနာဗိုင်းရပ်စ်ကို သိရှိတိုက်ခိုက်နိုင်တာကို တွေ့ရှိရပါတယ်။
သုတေသီတွေက တာခရိုလီမက်စ်ဆေးကိုခံနိုင်ရည်ရှိတဲ့ တီဆဲလ်များဖြင့် လူသားတွေမှာစမ်းသပ်သွားဖို စီစဉ်နေကြပါတယ်။
"ဒီနည်းလမ်းဖြင့် ကိုယ်ခံအားတုန့်ပြန်မှုလျော့ကျစေသည့်ဆေးများ သုံးစွဲနေရတဲ့လူတွေမှာ တီဆဲလ်တွေက SARS-CoV-2 ဗိုင်းရပ်စ်ကို တိုက်ဖျက်နိုင်မှာဖြစ်ပါတယ်" လို့ ဘာလင်ကျန်းမာရေးတက္ကသိုလ်မှ 'မိုက်ကယ်ရှမွတ်ခ်ဟန်နာရက်ဆယ်'က ပြောပြပါတယ်။
"တာခရိုလီမက်စ်ဆေးကို တီဆဲလ်ခံနိုင်ရည်ရှိအောင်ပြုလုပ်ခြင်းနည်းလမ်းကနေ အခြားကိုယ်ခံအားတုန့်ပြန်မှုလျော့ကျစေသည့်ဆေးအမျိုးမျိုးနဲ့ ဗိုင်းရပ်စ်တွေကို ခံနိုင်အောင် ပြောင်းလဲလုပ်ဆောင်နိုင်မှာဖြစ်ပြီး အခြားနေရာများစွာမှာလည်း အသုံးပြုနိုင်စေမှာဖြစ်ပါတယ်" လို့ ပြောကြားလိုက်ပါတယ်။.
#Yangon_Media_Group
#WorldHealth
Published - 06 March 2022
ဟောင်ကောင်တွင် ကိုဗစ်ကူးစက်ပျံ့ပွားမှုများဖြစ်ပွားခဲ့ရာ အသက် ၅ နှစ်အောက်ကလေးငယ် ၃ ဦးသေဆုံးခဲ့တာကြောင့် ကလေးမိဘများစိုးရိမ်ပူပန်နေရပြီး ကလေးအထူးကုဆရာဝန်တွေကတော့ ဒါဟာ ကံဆိုးတဲ့တိုက်ဆိုင်မှုသာဖြစ်ကြောင်း ပြောခဲ့ပါတယ်။
သေဆုံးသွားကလေး ၃ ယောက်ရဲ့အသက်တွေက ၁၁ လသားအရွယ်၊ ၃ နှစ်သားအရွယ်နဲ့ ၄ နှစ်သားအရွယ်တို့ ဖြစ်ပါတယ်။ကောက်ချက်ချဖို့ အရေအတွက်နည်းလွန်းပေမယ့် ယခုကူးစက်မှုလှိုင်းကာလအတွင်း သေဆုံးသူ ၁,၁၅၃ ရဲ့ ဝ.၃ ရာခိုင်နှုန်းရှိခဲ့တာဖြစ်ပါတယ်။
ကလေးငယ်တွေအသက်သေဆုံးရတဲ့ အကြောင်းအရင်းကိုတော့ မသိရှိကြသေးဘဲ ဆေးရုံအာဏာပိုင်များက စုံစမ်းလေ့လာနေကြပါတယ်။ဟောင်ကောင်နိုင်ငံဟာ ကိုဗစ်စည်းကမ်းတင်းကြပ်စွာချမှတ်ထားတဲ့နိုင်ငံဖြစ်ပေမယ့် ကလေးငယ်တွေသေဆုံးမှုမှာ ဩစတြေးလျ၊ စင်္ကာပူတို့ ထက် ပိုများနေခဲ့ပါတယ်။
ကလေးငယ်သေဆုံးမှုသတင်းတွေကြောင့် ကလေးမိဘတွေစိုးရိမ်နေရပေမယ့် ကိုဗစ်ကူးစက်ခံရတဲ့ကလေးအများစုဟာ ရောဂါအပျော့စားလောက်သာခံစားရလေ့ရှိပြီး ၇ ရက်မှ ၁၀ ရက်အတွင်း ပြန်လည်သက်သာလာကြောင်း ပရင့်ဆက်စ်မာဂရက်ဆေးရုံမှ ကလေးအထူးကုအကြံပေး ဒေါက်တာ'ကွမ်ယက်ဝါ'က ဆိုပါတယ်။
ကလေးတွေမှာ ကိုဗစ်ကာကွယ်ဆေးထိုးလို့ ရတာနဲ့ ထိုးပေးဖို့ ကလေးမိဘတွေကိုမှာကြားထားပြီး အသက်ရှူခက်ခဲခြင်း၊ ကြွက်သားတက်ခြင်း၊ နှလုံးအောင့်ခြင်း၊ နှလုံးခုန်မြန်ခြင်းတို့ကို စောင့်ကြည့်နေရမှာဖြစ်ကြောင်း မှာကြားထားပါတယ်။
ဟောင်ကောင်မှာ ကလေးငယ်ပေါင်း ၂,၀၀၀ နီးပါးခန့်ဆေးရုံတက်ကုသခံနေရပြီး နေရာမလောက်မှာစိုးရိမ်ရတဲ့အတွက် ကျန်းမာတဲ့မိဘတွေအနေနဲ့ ရောဂါကူးစက်ခံထားရတဲ့ သူတို့ ရဲ့ကလေးတွေနဲ့ အတူနေထိုင်ခွင့်မပြုဖို့ မှာကြားထားပါတယ်။
ဆေးရုံတက်ကုသခံယူနေရသူတွေရဲ့ ၄၀ ရာခိုင်နှုန်းလောက်က ကလေးငယ်တွေဖြစ်ကာ အယောက် ၃၀ လောက်က အထူးကြပ်မတ်ကုသခံယူနေရပါတယ်။အသက် ၅ နှစ် ၁၁ နှစ်ကြားကလေးတွေကတော့ ၂၈ ရာခိုင်နှုန်းနဲ့ ဒုတိယအဖြစ်အများဆုံး အသက်အပိုင်းအခြားဖြစ်နေပါတယ်။
ပြီးခဲ့တဲ့လအတွင်း အိုမီခရွန်ကူးစက်မှုမြင့်မားနေတဲ့အချိန်မှာ ဗိုင်းရပ်စ်ပိုးတွေ့ရှိသူမှန်သမျှကို ဆေးရုံတွေကလက်မခံတော့ဖို့ အာဏာပိုင်များက မှာကြားခဲ့ပါတယ်။
ပြန်လည်သက်သာနေတဲ့ကလေးတွေကိုလည်း အိမ်ကိုပြန်ပြီးအနားယူခိုင်းဖို့ မှာကြားပါတယ်။
အသက် ၅ နှစ်အရွယ်ကလေးတွေအထိ ကိုဗစ်ကာကွယ်ဆေးထိုးပေးဖို့ ဇန်နဝါရီလက အသိအမှတ်ပြုလိုက်ပြီဖြစ်ကာ ဖေဖော်ဝါရီလမှာတော့ အသက် ၃ နှစ်အထိ လျှော့ချပေးခဲ့ပါတယ်။
မတ်လ ၁ ရက်နေ့ကစကာ အသက် ၃ နှစ်မှ ၁၁ နှစ်ကြားကလေးငယ် ၃ ပုံ ၁ ပုံခန့်ဟာ ပထမဆုံးအကြိမ်ကာကွယ်ဆေးထိုးနှံခဲ့ပြီဖြစ်ပါတယ်။
Source: The Straits Times
Published 5 March 2022
ရုရှားကာကွယ်ရေးဝန်ကြီးဌာနက အရပ်သားတွေကို စစ်တပ်ဝိုင်းထားတဲ့ မာရီယူပူးလ်ဆိပ်ကမ်းမြို့နှင့် ဗိုလိုနိုဗာခါမြို့တွေ ကနေ ကယ်ထုတ်နိုင်ဖို့ အပစ်အခတ်ရပ်ပေးမယ်လို့ကြေညာခဲ့ပြီးနောက် မာရီယူပူးလ်မြို့တော်ဝန် ဘွိင်ချင်ကိုက ကယ်ထုတ်တဲ့လုပ်ငန်းတွေ GMT (၉)နာရီမှာစတင်မယ်လို့ပြောခဲ့ပါတယ်။
ယူကရိန်းနိုင်ငံမြို့တော်ကိဗ်ရဲ့ဆင်ခြေဖုံးက အိုင်ပင်မြို့ကလေးက အရပ်သားတွေကို စစ်သားတွေရဲ့အကူအညီနှင့် ပြင်ပကို ကယ်ထုတ်နေကြပါတယ်။
Source AFP
#WorldFinance
Published 05 March 2022
ယခုဖေဖော်ဝါရီလအတွင်း တူရကီနိုင်ငံမှာ ငွေကြေးဖောင်းပွမှု ၅၄.၄ ရာခိုင်နှုန်းမြင့်တက်လာခဲ့ကာ ၂၀၀၂ ခုနှစ် ဧပရယ်လ်လနောက်ပိုင်းကတည်းက အမြင့်ဆုံးငွေကြေးဖောင်းပွမှုဖြစ်လာခဲ့ပါတယ်။
#Yangon_Media_Group
Page 741 of 777