#World_Health
Published 19 December 2024

▪️ ကျန်းမာရေးနဲ့ မညီညွတ်တဲ့ အစားအစာ၊ အိပ်မပျော်ခြင်း၊ အဝလွန်ခြင်းနဲ့ အချို့သော မျိုးဗီဇပြဿနာများကြောင့် ဒီမန်ရှာရောဂါ ဖြစ်နိုင်ခြေများစေနိုင်ပြီး အချိန်ကြာလာတာနဲ့အမျှ မှတ်ဉာဏ်၊ တွေးတောမှုစွမ်းရည်တို့ကို ဖျက်ဆီးလာနိုင်ပါတယ်။

▪️ လော့စ်အိန်ဂျလိစ်မှ အသိအမှတ်ပြု မေ့ဆေးဆရာဝန်တစ်ဦးက ဒီမန်ရှာဖြစ်နိုင်ခြေ များစေတဲ့ ဆေး ၅ မျိုးကို ဖော်ပြသွားပါတယ်။

▪️ - Benadryle(ဘီနာဒရိုင်းလ်)
ဒိုင်ဖန်ဟိုက်ဒရာမင်းလို့လည်း ခေါ်တဲ့ ဘီနာဒရိုင်းလ်၊ အီလာဗီးလ်တို့လို antihistamine နဲ့ anticholinergic ဆေးတွေကို ရေရှည်အသုံးပြုပါက ဒီမန်ရှာဖြစ်နိုင်ခြေနဲ့ ဆက်စပ်နိုင်တယ်လို့ ဟာဆန်က ဆိုပါတယ်။

▪️ ဘီနာဒရိုင်းလ်ဟာ နှာစေးချောင်းဆိုး၊ ဓာတ်မတည့်ခြင်း၊ အအေးမိဖျားနာလက္ခဏာများ သက်သာဖို့ အသုံးပြုတာ ဖြစ်ပါတယ်။

▪️ - Opiates(အိုပီယေ့တ်)
မော်ဖင်းလိုမျိုး အိုပီယေ့တ်တွေ ပုံမှန်အသုံးပြုပါက ဦးနှောက်ကို ထိခိုက်လာနိုင်ပါတယ်။

▪️ မေ့ဆေးထဲမှာ ပါဝင်တဲ့ အဓိကပစ္စည်းဖြစ်ပြီး မေ့ဆေးပေး ခွဲစိတ်မှုပြုလုပ်ပြီးနောက် ၃ နှစ်မှ ၇ နှစ်အတွင်း ဒီမန်ရှာဖြစ်နိုင်ခြေ ၂ ဆနီးပါးများစေတယ်လို့ လေ့လာချက်တစ်ခုမှာ တွေ့ရှိထားပါတယ်။

▪️ - Omeprazole(အိုမီပရာဇိုးလ်)
အစာမကြေခြင်း၊ ရင်ပူခြင်း၊ အက်ဆစ်လျှံတက်ခြင်းတို့ သက်သာဖို့အတွက် အစာအိမ်ထဲက အက်ဆစ်လျှော့ချပေးတဲ့ အိုမီပရာဇိုးလ်ကို ပုံမှန်သောက်သုံးမိပါက ဦးနှောက်ထဲမှာ ဘီတာအမိုင်လွိုက်တွေ များလာပြီး ဒီမန်ရှာဖြစ်စေတယ်လို့ ဟာဆန်က ပြောပါတယ်။

▪️ ဒါ့အပြင် ဗိုက်တာမင်-ဘီ၁၂ ချို့တဲ့မှုလည်း ဖြစ်လာနိုင်ကာ မှတ်ဉာဏ်နဲ့ ဦးနှောက်လုပ်ဆောင်ချက်များကို သက်ရောက်နိုင်တယ်လို့ ယူဆထားပါတယ်။

▪️ - Benzodiazepines(ဘင်ဇိုဒိုင်ယာဇီပင်)
ဒိုင်ယာဇီပင်လို့ လူသိများတဲ့ဆေးက အိပ်မပျော်ခြင်း၊ သောကရောက်ခြင်းတို့အတွက် အသုံးပြုကြပါတယ်။

▪️ ဒီဆေးကိုလည်း ရေရှည်အသုံးပြုပါက ဒီမန်ရှာဖြစ်စေနိုင်ကာ ဗဟိုအာရုံကြောစနစ်ထဲရောက်ရှိပြီး ဦးနှောက်တစ်ခုလုံးကို ထုံထိုင်းစေပါတယ်။

▪️ - Tricyclic antidepressants(ထရိုင်ဆိုက်ကလစ် စိတ်ကျသက်သာဆေး)
စိတ်ဓာတ်ကျခြင်း လက္ခဏာအတွက် အသုံးပြုကြတဲ့ Norpramin နဲ့ Vivactil တို့လိုဆေးတွေကို အိပ်မပျော်ခြင်း၊ နာကျင်ကိုက်ခဲခြင်းတို့အတွက် အသုံးပြုတတ်ကြပါတယ်။

▪️ သူတို့က ဒီမန်ရှာဖြစ်နိုင်ခြေ များစေတဲ့အထောက်အထားတော့ တိတိကျကျ မတွေ့ထားပါဘူး။

▪️ အဆိုပါဆေးတွေကို အသုံးပြုနေရင်း ဆေးဖြတ်ဖို့ စဉ်းစားတဲ့အခါ ဆရာဝန်နဲ့ အရင်ဆုံးတိုင်ပင်သင့်တယ်လို့လည်း အကြံပြုသွားပါတယ်။

#Source: New York Post

ဂျပန်မှာ သက်ကြီးရွယ်အိုများအတွက် သင့်လျော်စေမယ့် ပေါင်းစပ်ဝန်ဆောင်မှုများ တိုးများလာကာ ပြုစုစောင့်ရှောက်မှု၊ ပြန်လည်ထူထောင်ရေး လေ့ကျင့်မှုများနဲ့ အလှအပဝန်ဆောင်မှု လုပ်ငန်းများ ကျယ်ပြန့်လာပါတယ်။
#Asia_Industry
Published 18 December 2024
#အလှအပရေးရာ #ဝန်ဆောင်မှုလုပ်ငန်းများ
#YMG #Yangon_Times #Yangon_Media_Group

#Daily_News
Published 18 December 2024

၁။ မလေးရှားသို့ ဆိတ်အရှင်များ ပထမဆုံးအကြိမ်တင်ပို့

၂။ ရွှေဆိုင်အားလုံး စံချိန်မီ ရွှေ ၁ ကျပ်သား အလေးချိန်ပြောင်းလဲကျင့်သုံးရန် ဆောင်ရွက်နေ

၃။ အင်းလေးအမွေအနှစ်ဖောင်ဒေးရှင်း ယခုနှစ်ကုန်၌ ပိတ်သိမ်းတော့မည်ဟု ကြေညာ

၄။ သက်ကြီးသူတွေများလာသည့်ဂျပန်တွင် ယင်းတို့နှင့်ကိုက်ညီမည့်အလှအပရေးရာဝန်ဆောင်မှုလုပ်ငန်းများတိုးပွားလာနေ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၁၈ ဒီဇင်ဘာ ၂၀၂၄

ရုရှားဒုတိယဗိုလ်ချုပ်ကြီး အီဂေါကီရီလော့ဗ်ကို မော်စကိုမှာ ဗုံးခွဲတိုက်ခိုက်လုပ်ကြံသတ်ဖြတ်သွားတဲ့ ဥဇဘက်ကစ္စတန်နိုင်ငံသားတစ်ဦးကို ဖမ်းဆီးမိလိုက်ပြီလို့ ရုရှားကပြောပါတယ်။

သူဟာ ဗုံးကိုထောင်ပြီး ဖောက်ခွဲခဲ့ပါတယ်လို့ ဝန်ခံခဲ့ပါတယ်လို့ သတင်းများကရေးသားပါတယ်။

အသတ်ခံရတဲ့ ဒုတိယဗိုလ်ချုပ်ကြီး ကီရီလော့ဗ်ဟာ ရုရှားရဲ့ နျူကလီးယား၊ဇီဝနှင့်ဓာတုကာကွယ်   ရေးတပ်ဖွဲ့များရဲ့ အကြီးအကဲ တစ်ဦးဖြစ်ပါတယ်။

သူဟာ ယူကရိန်းထောက်လှမ်းရေးအဖွဲ့များရဲ့ ညွှန်ကြားချက်အရ မော်စကိုကိုရောက်ရှိနေထိုင်ခဲ့တယ်လို့ ထွက်ဆိုပါတယ်။ အဲဒီနောက်သူဟာ လျှပ်စစ်စကုတာတစ်စီးဝယ်လိုက်ပါတယ်။ အဲဒီနောက်  သူဟာ ဖောက်ခွဲတိုက်ခိုက်ပေးဖို့ ဗုံးတစ်လုံးရရှိခဲ့ပါတယ်။ သူဟာ အဲဒီဗုံးကို လျှပ်စစ်စကူတာထဲဘယ်လိုထားခဲ့ တယ်ဆိုတာ ပြောပြပါတယ်။ အဲဒီနောက်သူဟာ စကူတာကို ကီရီလော့်ဗ်နေထိုင်တဲ့ တိုက်ရဲ့ ရှေ့ဝင် ပေါက် အနားရပ်နားထားခဲ့ပါတယ်။ သူဟာ အဲဒီအနီးအနားက ငှားထားတဲ့ကားထဲမှာ ထောက်လှမ်းရေး  ကင်မရာတစ်လုံး တပ်ဆင်ထားပြီး ဘာတွေဖြစ်နေတယ်ဆိုတာစောင့်ကြည့်ခဲ့ပါတယ်။

သူဟာ ယူကရိန်းနိုင်ငံ ဒနီပရိုမြို့မှာအခြေချနေထိုင်ခဲ့ပါတယ်။သူဟာ ၁၉၉၅ခုနှစ်မှာ မွေးဖွားခဲ့ပါတယ်။  ကီရီလော်ဗ် တိုက်ထဲကထွက်လာတာနှင့်သူဟာ ဗုံးကို အဝေးထိန်းကိရိယာနှင့် ဖောက်ခွဲခဲ့တာဖြစ်ပါ တယ်။

ယူကရိန်းက ဥရောပတစ်နိုင်ငံမှာ သူနေထိုင်ပြီး လူသတ်ပေးဖို့ ဒေါ်လာ တစ်သိန်းပေးခဲ့တယ်လို့ သူက ထွက်ဆိုပါတယ်။ စုံစမ်းစစ်ဆေးသူတွေက သူ့အပြင် ဘယ်သူတွေ ပါဝင်ပတ်သက်နေသလဲ ဆက်လက် ဖော်ထုတ်နေတယ်လို့သိရပါတယ်။

Source Reuters

#World_News
Published 18 December 2024

▪️ နေတိုးအဖွဲ့အစည်း(NATO)က အနောက်တိုင်း စစ်ရေးကူညီမှုများ ယူကရိန်းသို့ ပေးပို့ထောက်ပံ့ရေး ညှိနှိုင်းရေးတာဝန်ကို အမေရိကန်ဆီကနေ စီစဉ်ထားတဲ့အတိုင်း လွှဲပြောင်းရယူလိုက်ပြီလို့ သတင်းရင်းမြစ်တစ်ခုက အင်္ဂါနေ့မှာ ပြောပြပါတယ်။

▪️ ဒါဟာ နေတိုးအပေါ် သံသယရှိနေတဲ့ အမေရိကန် ရွေးချယ်ခံသမ္မတ ဒေါ်နယ်ထရမ့်ထံကနေ ထောက်ပံ့ရေးလုပ်ငန်းစဉ်ကို ထိန်းသိမ်းကာကွယ်ဖို့ ရည်ရွယ်တဲ့လုပ်ရပ်လို့ မြင်နေရပါတယ်။

▪️ ဒီအဆင့်တွေက လပေါင်းများစွာတိုင်အောင် နှောင့်နှေးခဲ့ပြီးနောက် နေတိုးဟာ ရုရှားကျူးကျော်မှုကို ဆန့်ကျင်တဲ့စစ်ပွဲမှာ တိုက်ရိုက်ပိုမိုပါဝင် ပတ်သက်လာမှာ ဖြစ်ပါတယ်။

▪️ ဒါပေမဲ့ မဟာမိတ်အဖွဲ့ကြီးရဲ့ အဓိကအင်အားကြီး နိုင်ငံဖြစ်သလို ယူကရိန်းကို လက်နက်များ အဓိကထောက်ပံ့နေတဲ့ အမေရိကန်ဟာ ထရမ့်လက်ထက်မှာ ထောက်ပံ့မှုတွေ လျှော့ချလာနိုင်တာကြောင့် နေတိုးလွှဲပြောင်းရယူရေးက သိပ်ပြီးထူးခြားလှမှာ မဟုတ်ဘူးလို့ သံတမန်တွေ လက်ခံထားပါတယ်။

▪️ ဇန်နဝါရီလမှာ သမ္မတတာဝန် စတင်ထမ်းဆောင်မယ့်ထရမ့်က ယူကရိန်းစစ်ပွဲကို မြန်မြန်ဆန်ဆန် အဆုံးသတ်ချင်တယ်လို့ ပြောထားပေမယ့် ဘယ်လိုဦးတည်ဆောင်ရွက်မလဲ ဆိုတာတော့ မပြောထားသလို ယူကရိန်းထံသို့ အမေရိကန်မှ ဘဏ္ဍာရေးနဲ့ စစ်ရေးအကူအညီများ ထောက်ပံ့မှု အတိုင်းအတာကိုလည်း ကာလကြာရှည် ဝေဖန်ထားပါတယ်။

▪️ ယူကရိန်းမစ်ရှင်အသစ်ဆိုင်ရာ နေတိုးဌာနချုပ်ဖြစ်တဲ့ ယူကရိန်းဆိုင်ရာ နေတိုးလုံခြုံရေး အကူအညီနှင့် လေ့ကျင့်ရေး(NSATU)ဟာ ဂျာမနီ ဝစ္စဘာဒင်မြို့ရှိ အမေရိကန်စစ်စခန်းတစ်ခုဖြစ်တဲ့ ကလေဘားရက်ခ်မှာ တည်ရှိပါတယ်။

▪️ ယူကရိန်းမစ်ရှင်ကို အမေရိကန်နဲ့ နိုင်ငံတကာအဖွဲ့အစည်းများမှ စတင်တာဝန်ယူနေပြီလို့ နေတိုးစစ်ရေးဌာနချုပ် SHAPEက ပြောပါတယ်။

▪️ NSATUရဲ့တာဝန်က ယူကရိန်းကို အင်ပြည့်အားပြည့် ဖြစ်နေအောင် ထားဖို့ဖြစ်ပြီး နေတိုးအနေနဲ့ ဥရောပနဲ့ မြောက်အမေရိကတို့မှ လူဦးရေ ၁ ဘီလီယံရဲ့ လုံခြုံမှုနဲ့ ပေါများကြွယ်ဝမှုတို့ကို ထိန်းသိမ်းကာကွယ်နိုင်ရန် ဖြစ်တယ်လို့ အမေရိကန်ဗိုလ်ချုပ်ကြီး ခရစ္စတိုဖာဂျီကေဗိုလီက ပြောသွားပါတယ်။

▪️ ထရမ့်ဟာ ပထမအကြိမ်သမ္မတဖြစ်စဉ်က နေတိုးကနေ နုတ်ထွက်ရန် ခြိမ်းခြောက်ခဲ့ပြီး မဟာမိတ်နိုင်ငံများအနေနဲ့ တိုင်းပြည် GDPရဲ့ ၃ ရာခိုင်နှုန်းကို စစ်တပ်အတွက်အသုံးပြုဖို့ တောင်းဆိုခဲ့ပါတယ်။

#Source: Reuters

#World_Health
Published 17 December 2024

▪️ အမေရိကန် နှလုံးအသင်းကြီးက ကြက်ဥဟာ ညံ့ဖျင်းတဲ့ စားနေကျအစာဖြစ်ပြီး နှလုံးရောဂါဖြစ်နိုချေရှိတယ်လို တောက်လျောက်ပြောထားပေမယ့် တကယ်တမ်းတော့ အဲသလိုဆိုးရွားတာမဟုတ်ဘူးလို ဂျော်ဂျီယာ ဆာဗားနားမှ နှလုံးခွဲစိတ်ဆရာဝန် ဒေါက်တာ ဂျရယ်မီလန်ဒန်က ဖောက်စ်နယူးကိုပြောပါတယ်။

▪️ ကြက်ဥဟာ ဘုရားကပေးတဲ့ လက်ဆောင်ဖြစ်ပြီး ပရိုတိန်းကြွယ်ဝစွာ ပါဝင်တယ်လို့ ဆိုပါတယ်။

▪️ ပုံမှန်ကြက်ဥတစ်လုံးမှာ ပရိုတိန်း ၅-၆ ဂရမ်မျှ ပါဝင်ပြီး သတ္တုဓာတ်များ၊ ဗိုက်တာမင်-ဒီ ဗိုက်တာမင်-ဘီ၁၂ ဆယ်လီနီယံ ကိုလင်းစတဲ့ အာဟာရဓာတ်များ ပါဝင်တယ်လို့ ဆိုပါတယ်။

▪️ ဒါကြောင့် လူတိုင်းအတွက် အာဟာရဓာတ် ပေးစွမ်းနိုင်တဲ့ စားစရာဖြစ်ပါတယ်။
တစ်နေ့ကို ကြက်ဥတစ်လုံးစားခြင်းဟာ အရွယ်ရောက်သူများအတွက် နှလုံးကျန်းမာရေး သင့်လျော်စေပြီး နှစ်လုံးစားပါက ကိုလက်စ်ထရောလ် ပုံမှန်ရှိတဲ့ အသက်ကြီးသူများအတွက် သင့်လျော်ပါတယ်။

▪️ ကြက်ဥတွေထဲမှာမှ အပြင်မှာလွှတ်ပေးထားတဲ့ ကြက်တွေဆီက ကြက်ဥတွေဟာ ပိုပြီးအကျိုးရှိစေတယ်လို့ လန်ဒန်က ယုံကြည်နေပါတယ်။

▪️ ကြက်ဥ အကာနဲ့အနှစ်မှာ နှလုံးအတွက်အဆိုရင် အနှစ်ကနေ အကျိုးကျေးဇူးရရှိစေပါတယ်။

▪️ ဒါပေမဲ့ အနှစ်ထံမှ အာဟာရတန်ဖိုးအပြင် နောက်ထပ်ပရိုတိန်းလည်း ရလိုတာကြောင့် လန်ဒန်ကတော့ ၂မျိုးစလုံးစားပါတယ်။

▪️ ကြက်ဥစားမစားဆိုတာက တစ်ဦးချင်းစီရဲ့ ရွေးချယ်မှုသာဖြစ်ပြီး ကိုယ့်ခန္ဓာကိုယ်က လိုအပ်တဲ့အတိုင်း သင့်လျော်စွာ စားသောက်ဖို့သာ လန်ဒန်က အကြံပြုသွားပါတယ်။

#Source: New York Post