#World_News
Published 26 February 2025

▪️ အမေရိကန်က ပါကစ္စတန်နိုင်ငံသား အနည်းဆုံး ၈ ယောက်ကို အထူးလေကြောင်းဖြင့် နေရပ်ပြန်ပို့မှာဖြစ်ပြီး ၂၆ ရက်နေ့က ထွက်ခွာကာ ပါကစ္စတန်သို့ ၂၇ ရက်နေ့မှာ ရောက်ရှိမှာဖြစ်ပါတယ်။

▪️ ဒါဟာ တရားမဝင် ရွှေ့ပြောင်းနေထိုင်သူတွေကို အမေရိကန်ကနေ ပါကစ္စတန်သို့ ပထမဆုံး တိုက်ရိုက်နှင်ထုတ်ပို့ဆောင်တဲ့ ခရီးစဉ်ဖြစ်လာပါတယ်။

▪️ လက်ရှိ အမေရိကန် ထိန်းသိမ်းမှုအောက်မှာ ရှိနေတဲ့ တရားမဝင် ပါကစ္စတန်ရွှေ့ပြောင်းသူများ ပါဝင်ပြီး ရာဝယ်ပင်ဒီမှ နာရ်ခန်လေတပ်စခန်းကို ကြာသပတေးနေ့မှာ ဆိုက်ရောက်မှာ ဖြစ်ပါတယ်။

▪️ အမေရိကန် စီမံအုပ်ချုပ်ရေးအဖွဲ့က နိုင်ငံသားအတည်ပြုစစ်ဆေးပေးဖို့ အမည် ၁၀ ခုကို ပါကစ္စတန်အာဏာပိုင်များထံ ပေးပို့ခဲ့ရာမှာ ၈ ယောက်အတည်ပြုနိုင်ခဲ့ပြီး အမေရိကန်မှ နှင်ထုတ်ပို့ဆောင်ရေးလေယာဉ် စီစဉ်ပေးခဲ့တာ ဖြစ်ပါတယ်။

▪️ အမေရိကန်မှာရှိနေတဲ့ ပါကစ္စတန်လူမျိုးက နည်းပါးပြီး အရေအတွက်အားဖြင့် နိုင်ငံသား ၆၈၀,၀၀၀ ခန့် ပါဝင်ပါတယ်။

▪️ ပါကစ္စတန်မှ တရားမဝင်ရွှေ့ပြောင်းနေထိုင်သူတွေကတော့ ထိုအရေအတွက်ရဲ့ တစ်စိတ်တစ်ပိုင်းမျှပင် မရှိဘူးလို့ ဆိုပါတယ်။

▪️ အမေရိကန်မှာရှိတဲ့ စာရင်းမရှိ ပါကစ္စတန်လူမျိုး အရေအတွက် အတိအကျကတော့ အငြင်းပွားစရာဖြစ်နေပြီး ၂၀၂၂ ခုနှစ်မှာ ခန့်မှန်းခြေအားဖြင့် ၇,၀၀၀ ကနေ ၁၅,၀၀၀ အတွင်းရှိနိုင်တယ်လို့ အမေရိကန် ပြည်တွင်းလုံခြုံရေးဌာနရဲ့ အချက်အလက်အရ သိရပါတယ်။

▪️ အမေရိကန် နိုင်ငံခြားရေးဝန်ကြီး မာကိုရူဘီယိုက နေရပ်ပြန်ပို့ခရီးစဉ်တွေက တရားမဝင် ရွှေ့ပြောင်းလာသူတွေ ဝင်ရောက်လာခြင်းကို ရပ်တန့်နိုင်မယ့် နည်းလမ်းဖြစ်တယ်လို့ အစောပိုင်းက ပြောခဲ့ပါတယ်။

▪️ ဒါ့အပြင် ဒီလိုနေရပ်ပြန်ပို့ခြင်းတွေက တရားမဝင်ရွှေ့ပြောင်းဖို့ ကြံရွယ်နေသူတွေအတွက်လည်း အဟန့်အတားဖြစ်စေမယ်လို့ နိုင်ငံခြားရေးဌာနက ပြောထားပါတယ်။

#Source: WION

#World_Science
Published 26 February 2025

▪️ ဂရင်းလန်းရေခဲပြင်လွှာကြီးမှာ ရိုက်ခတ်သွားတဲ့ ထောင်ပေါင်းများစွာသော ရေခဲငလျင်ငယ်များကို ပထမဆုံးအနေနဲ့ သိပ္ပံပညာရှင်များ ဖမ်းယူနိုင်ခဲ့ကြပါတယ်။

▪️ အဆိုပါ အားနည်းငလျင်တွေက ရေခဲစီးဆင်းကြောများအတွင်း နက်ရှိုင်းတဲ့နေရာတွေမှာ လှုပ်ခတ်နေကာ မီတာရာနဲ့ချီ အကွာအဝေးအထိ ပျံ့နှံ့သွားတယ်လို့ ဖော်ပြထားပါတယ်။

▪️ ရေခဲတွေ ကွဲအက်သွားပြီး တစ်ခုနဲ့တစ်ခု ဖိတိုက်မိတဲ့အခါ ရေခဲငလျင်တွေ ဖြစ်ပျက်ကြပါတယ်။

▪️ အဆိုပါ ရေခဲငလျင်တွေကနေ ဂရင်းလန်းကျွန်းကြီးရဲ့ အေးခဲနေတဲ့မြစ်တွေ ပင်လယ်ဆီသို့ နိမ့်ရာစီးဆင်းသွားတဲ့ ပုံစံကို ပိုမိုသိရှိစေနိုင်လိမ့်မယ်လို့ သိပ္ပံပညာရှင်များ ဆိုပါတယ်။

▪️ ဒီဖြစ်ရပ်ကနေ ရေခဲအရည်ပျော်ခြင်းနဲ့ ပင်လယ်ရေမျက်နှာပြင် မြင့်တက်လာခြင်းတို့အကြောင်း မှတ်တမ်းတင်ပုံများ ပြောင်းလဲလာနိုင်ပြီး ရာသီဥတုဖောက်ပြန်ခြင်းနဲ့ ကမ္ဘာကြီးပူနွေးလာမှုတို့အကြောင်း သိရှိလာဖို့ အရေးပါနိုင်တယ်လို့ ဖော်ပြထားပါတယ်။

▪️ ဂရင်းလန်းရေခဲပြင်ကြီးက ကမ္ဘာပေါ်မှာ ဒုတိယမြောက် ရေခဲထုအကြီးမားဆုံးဖြစ်ပြီး ကျွန်းမျက်နှာပြင်ရဲ့ ၈၀ ရာခိုင်နှုန်းလောက်ကို ဖုံးအုပ်ထားပါတယ်။

▪️ ရေခဲထုအထူဆုံးအချိန်မှာ ၃ ကီလိုလောက်အထိ ရှိတတ်ပြီး သက်တမ်းနှစ်ပေါင်း ၁၈ သန်းခန့် ရှိပါတယ်။

▪️ သုတေသီတွေက ဂရင်းလန်းရေခဲကြော အရှေ့မြောက်ဘက် ၁.၇ မိုင်အနက်အထိ ဖိုင်ဘာအော့ပ်တစ်ကြိုး နေရာချပြီး လေ့လာခဲ့ပါတယ်။

▪️ ရေခဲအောက် ၂၉၅၀ ပေလောက်မှာ မီးတောင်မှုန်အလွှာက ပိတ်ဆို့ထားတာကြောင့် ဂရင်းလန်းမှာ ရေခဲငလျင်တွေကို မသိခဲ့ကြတာ ဖြစ်တယ်လို့ ဆိုပါတယ်။

▪️ အဆိုပါ ရေခဲငလျင်တွေ တွေ့ရှိခြင်းဖြင့် ရေခဲကြောတွေ နည်းနည်းချင်း ပျက်ယွင်းလာပုံကို ပိုမိုနားလည်လာစေဖို့ အဓိကခြေလှမ်း ဖြစ်လာတယ်ဆိုတာကို သိရှိလာကြောင်း ဂျာမနီ အယ်လ်ဖရက်ဝက်ဂနာအဖွဲ့အစည်းမှ ရေခဲဗေဒပညာရှင် အိုလက်ဖ်အိုင်ဆင်က ပြောသွားပါတယ်။

#Source: WION

#World_Health
Published 26 February 2025

▪️ ကမ္ဘာတဝှမ်းမှာ ဟော်မုန်းဆိုင်ရာ သန္ဓေတားနည်းလမ်းတွေ အသုံးပြုနေတဲ့ အမျိုးသမီး သန်း ၂၅၀ ခန့်ရှိမယ်လို့ ယူဆထားရာမှာ ထိုကဲ့သို့ ဟော်မုန်းသန္ဓေတားနည်းလမ်းများ အသုံးပြုခြင်းနဲ့ လေဖြတ်ခြင်း နှလုံးဖောက်ခြင်းတို့ ဖြစ်နိုင်ခြေများခြင်းတို့ကြား ဆက်စပ်နေနိုင်တယ်လို့ သုတေသနတစ်ခုမှာ ယူဆထားပါတယ်။

▪️ ဒိန်းမတ်သိပ္ပံပညာရှင်များက အမျိုးသမီးအင်္ဂါကွင်းများ၊ အရေပြားကပ်ဆေးများ၊ အင်္ဂါထဲထည့်သွင်းပစ္စည်းများ၊ အရေပြားအောက် ပစ္စည်းထည့်ခြင်းများ၊ ဆေးထိုးခြင်း၊ ဆေးသောက်ခြင်းတို့နဲ့ ဆက်စပ်တဲ့ ဘေးအန္တရာယ်များကို လေ့လာခဲ့ကြပါတယ်။

▪️ ဟော်မုန်းသန္ဓေတားဆေးတွေထဲက အီစထရိုဂျင်နဲ့ ပရိုဂျက်စတင်တို့ဆိုရင် အမျိုးသမီးခန္ဓာကိုယ်မှာ သဘာဝအတိုင်း တွေ့ရတဲ့ ဟော်မုန်းမျိုးဖြစ်ပြီး ဓမ္မတာစက်ဝန်း ထိန်းညှိပေးခြင်း၊ သန္ဓေထောက်ကူခြင်းတို့မှာ ပါဝင်ဆောင်ရွက်ပေးကြပါတယ်။

▪️ အသက် ၁၅ နှစ်မှ ၄၉ နှစ်ကြားရှိတဲ့ ဒိန်းမတ်အမျိုးသမီး ၂ သန်းကျော်ကို ၂၅ နှစ်အတွင်း ဆေးညွှန်းမှတ်တမ်းများ လေ့လာကြည့်ရှုခဲ့ကြပါတယ်။

▪️ အသက်အရွယ်၊ ပညာရေး၊ သွေးတိုးဆီးချိုစတဲ့ အကြောင်းအရာတွေကို ထည့်သွင်းပြီးနောက် ကိုယ်ဝန်တားသောက်ဆေး အီစထရိုဂျင်-ပရိုဂျက်စတင်ဆေးဟာ ဦးနှောက်သွေးကြောပိတ်ခြင်း၊ နှလုံးဖောက်ခြင်းအန္တရာယ်တို့ကို နှစ်ဆပိုများစေနိုင်တာနဲ့ ဆက်စပ်တွေ့ရှိခဲ့ကြပါတယ်။

▪️ သောက်ဆေးတွေတင်မကဘဲ အမျိုးသမီးအင်္ဂါကွင်းနဲ့ အရေပြားကပ်ဆေးတို့ဟာလည်း ဘေးအန္တရာယ်များစေပါတယ်။

▪️ ပရိုဂျက်စတင်သာပါဝင်တဲ့ အင်္ဂါထဲထည့်သွင်းပစ္စည်း (IUD)ကတော့ ဘေးအန္တရာယ်မများစေတဲ့ တစ်ခုတည်းသော သန္ဓေတားနည်းလမ်း ဖြစ်နေပါတယ်။

▪️ ဖြစ်ရတဲ့အကြောင်းအရင်းတွေ၊ သက်ရောက်ပုံတွေအကြောင်း ခိုင်မာတဲ့ကောက်နုတ်ချက်တွေ မရှိသေးပါဘူး။

▪️ ဘေးအန္တရာယ် ဖြစ်နိုင်ခြေတွေက နည်းပါးပေမယ့် အကျိုးကျေးဇူးတွေနဲ့ အန္တရာယ်တွေကို ထည့်သွင်းစဉ်းစားသင့်တယ်လို့ သုတေသီများ ဖော်ပြထားပါတယ်။

▪️ သန္ဓေတားနည်းလမ်းတွေက ဘေးထွက်ဆိုးကျိုးတွေ ရှိပေမယ့် ကမ္ဘာတဝှမ်း အသုံးများနေကြဆဲ ဖြစ်ပါတယ်။

#Source: New York Post

ဒေါ်နယ်ထရမ့် ဒုတိယအကြိမ်မြောက် သမ္မတတာဝန်ယူနေတဲ့ ကာလအတွင်း အမေရိကန် လူဝင်မှုကြီးကြပ်ရေးမူဝါဒများ ပိုမိုတင်းကြပ်လာတာကြောင့် မက္ကဆီကိုမှာ သောင်တင်နေတဲ့ ရွှေ့ပြောင်းနေထိုင်သူများဟာ အနာဂတ်မရေရာမှု များလာပြီး ဘေးအန္တရာယ်များတဲ့ လမ်းကြောင်းတွေဆီ ဦးတည်လာရပါတယ်။
#World_News
Published  25 February 2025
#အမေရိကန်နယ်စပ်မူဝါဒ #ပိုမိုတင်းကြပ်လာ
#YMG #Yangon_Times #Yangon_Media_Group

#Daily_News

Published  25 February 2025

၁။ ပုဂံဘုရားများအား မဲခေါင်ဒေသတွင်း ပန်းချီပညာရှင်များ Outdoor Paintingရေးဆွဲ

၂။ ခရမ်းချဉ်သီးဈေးထိုးကျ၍ တောင်သူများအရှုံးပေါ်

၃။ စက်သုံးဆီလုပ်ငန်းရှင်များအတွက် ဒေါ်လာ၂၃သန်းနှင့် ဘတ်သန်း၁၅၀ရောင်းချပေးမည်

၄။ အမေရိကန်နယ်စပ်မူဝါဒများ ပိုမိုတင်းကြပ်လာသဖြင့် ရွှေ့ပြောင်းနေထိုင်သူများအန္တရာယ်များသည့်လမ်းကိုရွေးချယ်ဖို့ဖြစ်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 25 February 2025

▪️ အမေရိကန်သမ္မတ ဒေါ်နယ်ထရမ့်က ယူကရိန်း-ရုရှားစစ်ပွဲ ငြိမ်းချမ်းရေးရရှိရန် ကြားဝင်စေ့စပ်ဖို့ ကြိုးပမ်းနေတဲ့အချိန်မှာ ကုလသမဂ္ဂလုံခြုံရေးကောင်စီက အမေရိကန်မူကြမ်းရေးဆွဲထားတဲ့ ပဋိပက္ခဖြေရှင်းချက်အတိုင်း ကျင့်သုံးဖို့ တနင်္လာနေ့က အတည်ပြုဆုံးဖြတ်လိုက်ပြီး ၃ နှစ်ပြည့်မြောက်လာပြီဖြစ်တဲ့ စစ်ပွဲပဋိပက္ခမှာ ကြားနေအဖြစ် ရပ်တည်သွားမှာ ဖြစ်ပါတယ်။

▪️ အဆိုပါ ဆုံးဖြတ်ချက်ဟာ ပြီးခဲ့တဲ့လ ထရမ့်သမ္မတတာဝန်ယူပြီးချိန်ကစလို့ ယူကရိန်းအပေါ်ထားတဲ့ အမေရိကန်မူဝါဒ ပြောင်းလဲလာပုံနဲ့ ရုရှားဘက်ကို ပြေရာပြေကြောင်းပေးလိုတဲ့ သဘောထားကို ဖော်ပြနေပါတယ်။

▪️ သမ္မတဟောင်း ဂျိုးဘိုင်ဒင်လက်ထက်ကတော့ အမေရိကန်ကဦးဆောင်ပြီး ကုလသမဂ္ဂကနေ ယူကရိန်းကို ထောက်ခံခဲ့တာ ဖြစ်ပါတယ်။

▪️ အမေရိကန်ရဲ့ ရပ်တည်ချက် ပြောင်းလဲလာပုံကို ကုလသမဂ္ဂဆိုင်ရာ ရုရှားသံအမတ် ဗက်ဆလီနီဘင်ဇီယာက အသိအမှတ်ပြုလိုက်ပြီး ကောင်စီရဲ့ဆုံးဖြတ်ချက် အကောင်းကြီး မဟုတ်ပေမယ့် အနာဂတ်မှာ ငြိမ်းချမ်းရေးရရှိဖို့အတွက် စမှတ်ဖြစ်လာနိုင်တယ်လို့ ပြောပါတယ်။

▪️ ရုရှားနိုင်ငံက ဗီတိုအာဏာကိုင်ထားတာကြောင့် အဖွဲ့ဝင် ၁၅ နိုင်ငံပါတဲ့ ကုလလုံခြုံရေးကောင်စီဟာ စစ်ပွဲတလျှောက် ဘာမှမလုပ်နိုင်ဘဲ ဖြစ်နေခဲ့ပါတယ်။

▪️ ဒါပေမဲ့ ၁၉၃ နိုင်ငံပါဝင်တဲ့ အထွေထွေညီလာခံမှာတော့ ယူကရိန်း အချုပ်အခြာအာဏာကို အကြိမ်ကြိမ်ထောက်ခံခဲ့ကြပြီး ကုလသမဂ္ဂပဋိဉာဉ်အတိုင်း တည်တံ့ခိုင်မြဲတဲ့ ငြိမ်းချမ်းရေးရဖို့ တောင်းဆိုခဲ့ကြပါတယ်။

▪️ ဖြေရှင်းဆုံးဖြတ်ချက်ထဲမှာ ပဋိပက္ခအတွင်း အသက်ဆုံးရှုံးသူများအတွက် ဝမ်းနည်းကြေကွဲကြောင်း ဖော်ပြထားကာ ကုလရဲ့ရည်ရွယ်ချက်က နိုင်ငံတကာ ငြိမ်းချမ်းရေးနဲ့ လုံခြုံရေး ထိန်းသိမ်းခြင်း၊ ငြိမ်းချမ်းစွာ ဖြေရှင်းခြင်းတို့ဖြစ်ပြီး ပဋိပက္ခ အမြန်ဆုံးအဆုံးသတ်ရေးနဲ့ ရေရှည်တည်မြဲတဲ့ ငြိမ်းချမ်းရေး ရရှိရန် တောင်းဆိုထားပါတယ်။

▪️ အမေရိကန်ရဲ့ မူကြမ်းဆုံးဖြတ်ချက်ဟာ ထောက်ခံမဲ ၁၀ မဲဖြင့် အတည်ပြုခဲ့တာဖြစ်ပြီး ပြင်သစ်၊ ဗြိတိန်၊ ဒိန်းမတ်၊ ဂရိ၊ ဆလိုဗေးနီးယားတို့က ကြားနေမဲ ပေးခဲ့ပါတယ်။

▪️ ထရမ့်ကြားဝင်စေ့စပ်တဲ့ ဖြစ်စဉ်မှာ ရုရှားကို အာရုံစိုက်နေခြင်းအပေါ် ယူကရိန်းနဲ့ ဥရောပမဟာမိတ်များအတွက် သတိမူစရာဖြစ်လာပြီး စစ်ပွဲအဆုံးသတ်ရေး ဆွေးနွေးမှုတွေမှာ ချန်လှပ်ခံခဲ့ရမှာကို စိုးရိမ်လာကြပါတယ်။

#Source: Reuters