#LocalNews
Published - 10 May 2022
တားမြစ်အသင့်စားကြက်အူ ချောင်းစားမိရာမှ လူ ၅၀ ဝန်းကျင် အစာအဆိပ်သင့်မှု ဖြစ်ပွားခဲ့သည့် ဖြစ်စဉ်တစ်ခု မေလ ၉ ရက်၊ ညပိုင်းအချိန်က ရန်ကုန်တိုင်းဒေသကြီး၊ ဒဂုံအရှေ့မြို့နယ်၊ ရွာသာကြီးရပ်ကွက်၊ ရွာသာကြီးဘူတာအနီးတွင် ဖြစ်ပွားခဲ့တယ်လို့ သိရပါတယ်။
#Yangon_Media_Group
#LocalNews
Published -10 May 2022
မိုးသည်းထန်စွာသွန်းပါက ပုဂံဒေသမှာ မိုးယိုနိုင်တဲ့၊ မိုးရေစိမ့်နိုင်တဲ့ စေတီပုထိုးတွေ၊ တံတိုင်းပြိုကျနိုင်တဲ့ စေတီပုထိုးစုစုပေါင်း(၆၀)ဆူရှိပြီး ပြုပြင်ထိန်းသိမ်းရေးတွေကို အမြန်ဆုံးဆောင်ရွက်နေတယ်လို့ ရှေးဟောင်းသုတေသနဦးစီးဌာန(ပုဂံဌာနခွဲ)ညွှန်ကြားရေးမှူး ဦးကျော်မျိုးဝင်းကပြောပါတယ်၊၊
#Yangon_Media_Group
#DailyNews
Published - 10 May 2022
၁။ ပုဂံဒေသမှာ မိုးမယိုအောင် အမြန်ဆုံးပြုပြင်ထိန်းသိမ်းရမည့် စေတီပုထိုးစုစုပေါင်း (၆၀)ဆူရှိ/ (၃၀)ဆူ ပြုပြင်ပြီးဖြစ်။
၂။ တားမြစ် အသင့်စားကြက်အူချောင်းစားမိရာမှ လူ ၅၀ ဝန်းကျင် အစာအဆိပ်သင့်မှုဖြစ်ပွား။
၃။ နေ့စဉ်မိုးလေဝသသတင်း။
၄။ ကိုဗစ်ကပ်ရောဂါနှင့် ယူကရိန်း-ရုရှားစစ်ပွဲကြောင့် ထိုင်းနိုင်ငံမှသစ်ခွပန်းလုပ်ငန်းများ အထိနာ ...အစရှိတဲ့သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group
Published 9 May 2022
ဓာတ်ဆီဈေးနှုန်းတွေတက်လာတဲ့အတွက် အမေရိကန်တွေဟာ သူတို့ရဲ့ ကားမောင်းတဲ့အလေ့အထကို ပြောင်းလဲပြီး ကားနှင့်ခရီးတွေကို အတင်းအကျပ်လျှော့ချလာနေရတယ်လို့ လေ့လာဆန်းစစ်မှုတစ်ခုအရ သိရပါတယ်။
ဧပြီ၂၉ရက်ကနေ မေ(၁)ရက်အထိ ရာဟူး/မာရူးရဲ့ အများပြည်သူထင်မြင်ချက်ဆိုင်ရာ လေ့လာဆန်းစစ်မှုတစ်ခုမှာ ကြုံရာ အမေရိကန်ယာဉ်မောင်း ၁၃၉၂ဦးကို မေးမြန်းခဲ့ပါတယ်။
အဲဒီအခါ သူတို့ထဲက ၆၆ရာခိုင်နှုန်းဟာ ဓာတ်ဆီဈေးနှုန်းတွေတက်လာလို့ ကားမောင်းတဲ့အလေ့အထကို ပြောင်းလဲပစ်နေ ရတယ်လို့ ဖြေကြပါတယ်။
ယာဉ်ပိုင်ရှင်တွေ ဒါမှမဟုတ် အိမ်ထောင်စုတွေရဲ့ သုံးပုံနှစ်ပုံက သူတို့ဟာ သူတို့ရဲ့ ယာဉ်မောင်းပုံစံကို သိသိသာသာပြောင်း လဲရပြီး မလိုအပ်တဲ့ ကားမောင်းခရီးတွေကို ဖြတ်တောက်ပစ်လိုက်တယ်လို့ပြောကြပါတယ်။
ကျန်တဲ့ ၃၄ရာခိုင်နှုန်းကတော့ သူတို့အနေနှင့် ဆီဈေးတစ်ဂါလံကို အမေရိကန်ဒေါ်လာ(၅)ဒေါ်လာနားမကပ်မချင်း ယာဉ်အသုံးပြုတဲ့အလေ့အထကို ပြောင်းလဲစရာသိပ်မရှိဘူးလို့ပြောပါတယ်။
ပုံမှန်ဓာတ်ဆီတစ်ဂါလံဈေးနှုန်းဟာ တနင်္လာနေ့က အမေရိကန်တစ်နိုင်င့လုံးမှာ ပျှမ်းမျှအားဖြင့် ၄.၃၈ဒေါ်လာခန့်ရှိနေပါတယ်။ နီဗာဒါနှင့်ကာလီဖိုးနီးယာတို့မှာတော့ ဈေးနှုန်းဟာ (၅)ဒေါ်လာ အထက်ရှိနေပါတယ်။ ဒီဇယ်ဈေးနှုန်းဟာ စံချိန်တင်မြင့်တက်တာ ပိုလို့တောင်မြန်နေပါသေးတယ်။
ထောက်ပို့စရိတ်တွေမြင့်တက်လာတဲ့အလျောက် ဓာတ်ဆီဈေးတွေတက်လာတာဟာ အမေရိကန်ရဲ့ စီးပွားရေးတစ်ခုလုံးကို သက်ရောက်မှုရှိလာနိုင်တယ်လို့ သုံးသပ်သူတွေက ခန့်မှန်းထားကြပါတယ်။
Source CMG
#WorldClimate
Published 09 May 2022
ကယ်ဆယ်ရေးဝန်ထမ်းတစ်ဦးက ပူပြင်းလှတဲ့ အိန္ဒိယလမ်းဘေးမှာ မလှုပ်မယှက်နိုင် လဲကျဖြစ်နေတဲ့ အပျံသင်ကာစ စွန်တစ်ကောင်ကို သယ်ယူကယ်ဆယ်လာခဲ့ပါတယ်။
#Yangon_Media_Group
Published 9 May 2022
ဒုတိယကမ္ဘာစစ်တွင် နာဇီဂျာမနီတို့အပေါ် အောင်နိုင်ခဲ့သည့် ၇၇ကြိမ်မြောက် အခမ်းအနားကို မေ(၉)ရက်နေ့က ရုရှားနိုင်ငံ မော်စကိုမြို့တော်ရှိ ရင်ပြင်နီမှာကျင်းပခဲ့ရာ သမ္မတပူတင်က တက်ရောက်မိန့်ခွန်းပြောပြီး ကာကွယ်ရေးဝန်ကြီး ဆာဂေး ရွှိုင်းဂူးလည်းတက်ရောက်ပါတယ်။
ရုရှားတပ်တွေဟာ ယူကရိန်းမှာ အမိမြေအပေါ် လက်သင့်မခံနိုင်တဲ့ တကယ့်ခြိမ်းခြောက်မှုကြီးကို ကာကွယ်တွန်းလှန် နေကြတယ်လို့ သမ္မတ ဗလာဒီမာပူတင်က မေ၉ရက်နေ့မှာ အောင်ပွဲနေ့ နှစ်ပတ်လည် စစ်ရေးပြ အခမ်းအနားဖွင့်ပွဲမှာ ပြောကြားပါတယ်။
ရုရှားတပ်တွေဟာ ယူကရိန်းမှာ နာဇီဝါဒကို ဆက်လက်ဆန့်ကျင်တိုက်ပွဲဝင်နေကြပြီး ကြောက်စရာ ကောင်းတဲ့ ကမ္ဘာလုံးဆိုင်ရာစစ်ထပ်မဖြစ်အောင် လုပ်စရာရှိတာအကုန်လုပ်ဖို့ အရေးကြီးတယ်လို့လည်း သူက ထောင်ပေါင်းများစွာသော တပ်သားတွေကို ပြောပါတယ်။
အနောက်နိုင်ငံတွေက သတင်းရေးခဲ့ကြသလို ယူကရိန်းပဋိပက္ခကြီးထွားလာဖို့ ဒီနှစ်ပတ်လည်ပွဲမှာ ပူတင်က တစ်ခုခု ကြေညာမယ်ဆိုတာလည်း ဖြစ်မလာခဲ့ဘဲ သူ့မိန့်ခွန်းမှာ အရေးကြီးတဲ့ကြေညာချက်တစ်ခုမျှပြောမသွားခဲ့ပါဘူး။
“ သင်တို့ဟာ အမိမြေအတွက် အနာဂတ်အတွက် တိုက်ပွဲဝင်နေကြတယ်။ ဒုတိယကမ္ဘာစစ်ရဲ့သင်ခန်းစာတွေကို ဘယ်သူမှ မေ့ပစ်လိုက်မှာမဟုတ်ဘူး” လို့ ယူကရိန်းမှာရောက်နေတဲ့ သူ့တပ်တွေကို ပူတင်က ရည်ညွှန်းပြောဆိုပါတယ်။
ပူတင်က ပဋိပက္ခအတွက် ယူကရိန်းနှင့်အနောက်ကို အပြစ်တင်သွားပါတယ်။ “ကိဗ်နှင့်ယင်းရဲ့မဟာမိတ်တွေဟာ ကျွန်ုပ်တို့ရဲ့ သမိုင်းဝင်မြေတွေကိုကျူးကျော်ဖို့ပြင်ဆင်နေတယ်လို့ သူကပြောပါတယ်။
ကျွန်ုပ်တို့ရဲ့ နယ်စပ်တွေမှာ တိုက်ရိုက်ခြိမ်းခြောက်မှုတွေဖန်တီးတာ လုံးဝလက်ခံလို့မရဘူးလို့ ပူတင်ကပြောပါတယ်။ နေတိုးက ယူကရိန်းအတွက် လက်နက်တွေဖြန့်ပေးနေတာနှင့် နိုင်ငံခြားအကြံပေးတွေ နေရာယူထားကြတာကို သူက ရည်ညွှန်းပြောဆိုတာပါ။
ရုရှားမှာ အခြားနည်းရွေးစရာမရှိဘူးလို့ပူတင်ကပြောပါတယ်။ ဒါပေမယ့် ရန်လိုမှုတွေကို pre-emptive တုန့်ပြန်မှုတွေပဲ လုပ်ဆောင်နေတယ်၊ဒါဟာ အချုပ်အခြာအာဏာ၊တောင့်တင်းခိုင်မာပြီးလွတ်လပ်တဲ့ နိုင်င့အတွက် တစ်ခုတည်းသော မှန်ကန်တဲ့ဆုံးဖြတ်ချက်ဖြစ်တယ်လို့လည်း သူကဆိုပါတယ်။
တနင်္လာနေ့ကကျင်းပတဲ့ ၇၇ကြိမ်မြောက် ဒုတိယကမ္ဘာစစ်အောင်ပွဲအထိမ်းအမှတ်စစ်ရေးပြအခမ်းအနားကို တပ်အင်အား တစ်သောင်းတစ်ထောက်ကျော်နှင့် စစ်ရေးဆိုင်ရာ ယန္တယားယာဉ်ပေါင်း ၁၃၀ကျော်ပါဝင်ဆင်နွှဲခဲ့ကြပါတယ်။
Source AFP
Page 801 of 889