Published 12 June 2022
တရုတ်ပြည်သူ့လွတ်မြောက်ရေးတပ်မတော်ရဲ့ တောင်ပိုင်းစစ်နယ်ဌာနချုပ်လက်အောက်က ရေတပ်လေကြောင်း တပ်မဟာက ဗုံးကြဲတိုက်လေယာဉ်တွေဟာ စစ်ပွဲအစစ်မှာသုံးတဲ့ စွမ်းရည်အတိုင်း ရေကြောင်းပစ်ခတ်မှုတွေ စစ်ရေးလေ့ကျင့်ခဲ့ကြပါတယ်။
ခဲယမ်းမီးကျောက်တွေ တပ်ဆင်ထားတဲ့ ဗုံးကြဲတိုက်လေယာဉ်တွေဟာ ထွက်ခွာပျံသန်းပြီးနောက် လေထဲမှာ နည်းဗျူဟာမြောက်ဖွဲ့စည်းပျံသန်းမှုပြီးစီးတဲ့နောက်ပစ်မှတ်လေပိုင်နက်ထဲ ဝင်ရောက်ခဲ့ကြပါတယ်။
လေယာဉ်ပစ်အမြောက်တွေကို ရှောင်ရှားဖို့ ဖွဲ့စည်းမှုကို အနိမ့်မှာ ခပ်မြန်မြန်လုပ်ဆောင်ကြပြီးနောက် ပင်လယ်ပြင်ပေါ် အလွန်နိမ့်တဲ့ အမြင့်မှာပျံသန်းပြီး ကိုယ်ပျောက်ထိုးဖောက်မှုကို လေ့ကျင့်ခဲ့ကြပါတယ်။ပင်လယ်ထဲက ပစ်မှတ်နယ်ပယ်ထဲရောက်လာပြီးနောက် လေယာဉ်မှူးတွေဟာ ခပ်မြန်မြန် အမြင့်တက်ပျံသန်းကြပါတယ်။ ရာသီဥတုပြောင်းလဲမှုအရ တိုက်ခိုက်မှုလမ်းကြောင်းကို တည်ဆောက်ပြီး သင့်တော်တဲ့ ဒုံးကျည်ကိုပစ်လွှတ်ကြပါတယ်။ အဲဒီနောက် ကောင်းကင်ကနေ ငိုက်ဆင်းပြီး ပင်လယ်ထဲ ပေါလောပေါ်နေတဲ့ ပစ်မှတ်ကို တိုက်ခိုက်ပါတယ်။
“တကယ့်ပစ်ခတ်တိုက်ခိုက်တဲ့ လေ့ကျင့်မှုမှာ ရာသီဥတုက ရှုပ်ထွေးပြောင်းလဲနေလို့ ပင်လယ်ထဲက ပစ်မှတ်ကို မှတ်သားရတာ ကျွန်တော်တို့အတွက် ခက်ခဲပါတယ်။ ကျွန်တော်တို့ဟာ ဒုံးကျည်အမျိုးမျိုးကို ပစ်လွှတ်ရပါတယ်။ လက်နက်စစ်ဆင်ရေးဟာ ရှုပ်ထွေးပါတယ်။ ရှုပ်ထွေးတဲ့ စစ်မြေပြင်ဝန်းကျင်မှာ ကျွန်တော်တို့ မစ်ရှင်ကို ဆောင်ရွက်နိုင်တဲ့အရည်အချင်း လိုအပ်မှုက မြင့်မားပါတယ်” လို့ လေယာဉ်မှူး ချောင်းလေး ကပြောပါတယ်။
“ ရှုပ်ထွေးတဲ့ မိုးလေဝသရဲ့ အီလက်ထရိုမဂ္ဂနက်တစ်ဝန်းကျင်အောက်မှာ ပင်လယ်တွင်း လက်တွေ့ပစ်ခတ်မှုလေ့ကျင့်ခန်းအတွင်း အနိမ့်ပျံသန်းပြီး ကိုယ်ပျောက်ထိုးဖောက်မှုတွေဆောင်ရွက်ခဲ့ပါတယ် တည်ဆောက်ထားတဲ့ပစ်မှတ်တွေကို လက်နက်အစုံနှင့် အတိအကျတိုက်ခိုက်မှုပြီးစီးခဲ့ပါတယ်။ တကယ့်စစ်ပွဲအဆင့် အင်အားနှင့်အတူ တိုက်ပြီးနိုင်ဖို့ ကျွန်တော်တို့လေယာဉ်မှူးတွေရဲ့မြှင့်တင်ထားပြီးသားစွမ်းရည်တွေနှင့်အတူ စမ်းသပ်ခဲ့ကြပါတယ်” လို့ လေတပ်တပ်မှူး ပိုင်းစိန်း ကပြောပါတယ်။
Source: CCTV+
Published 5 June 2022
တရုတ်နိုင်ငံဟာ တနင်္ဂနွေနေ့ကယာဉ်မှူးတွေလိုက်ပါသွားတဲ့ အာကာသယာဉ် ဆိန်းကျိုး-၁၄ ကို အောင်မြင်စွာ လွှတ်တင်ခဲ့ပါတယ်။ အာကာသယာဉ်မှူး(၃)ဦးဟာ ကမ္ဘာပတ်လမ်းကြောင်းက အာကာသစခန်းရှိ ထျင်းဟဲမော်ဂျူးထဲမှာ ခြောက်လကြာနေထိုင်ကြမှာဖြစ်ပါတယ်။
တနင်္ဂနွေနေ့ မနက် ဒေသစံတော်ချိန် ၁၀နာရီ၄၄မိနစ်မှာ တရုတ်နိုင်ငံအနောက်မြောက်ပိုင်း ဂိုဘီသဲကန္တာရက ကျိုးချွမ်းဂြိုဟ်တုလွှတင်ရေးစင်တာကနေ ဆိန်းကျိုး-၁၄ကိုသယ်ဆာင်တဲ့ 2F သယ်ဆောင်ရေးဒုံကျည်နှစ်စင်းကို လွှတ်တင်ခဲ့ပါတယ်။
Source CCTV+
Published 31 May 2022
တရုတ်နိုင်ငံဟာ ဆိုလာစွမ်းအင်နှင့်ဒီရေစွမ်းအင်နှစ်ခု ပေါင်းစပ်သုံးတဲ့ ပထမဆုံး ဓာတ်အားပေးစက်ရုံကို မေလ၃၀ တနင်္လာနေ့က တရားဝင်ဖွင့်လှစ်ပြီး စတင်လည်ပတ်လိုက်ပါတယ်။
တရုတ်နိုင်ငံ အရှေ့ပိုင်း ကျဲ့ကျန်ပြည်နယ်က ဝိန်းလင်းမြို့မှာ တည်ရှိတဲ့ အဆိုပါစက်ရုံဟာ တရုတ်နိုင်ငံရဲ့အကြီးဆုံး ဒီရေစွမ်းအင်သုံးစက်ရုံရှိတဲ့ လုပ်ငန်းခွင်ထဲမှာပဲတည်ရှိပါတယ်။ ၁၃၃ ဟက်တာကျယ်ဝန်းပြီး ဒီရေစွမ်းအင်ထုတ်လုပ်မှုကို ဖြည့်ပေးလို့ရအောင် ဆိုလာပြားတွေကို ဒီဇိုင်းလုပ်ထားပါတယ်။
ဒီစက်ရုံက လျှပ်စစ်ဓာတ်အညး ၁၀၀ မီဂါဝပ်ထုတ်လုပ်နိုင်ပါတယ်။ ဆိုလာစွမ်းအင်ဟာ ညအချိန်နှင့် မိုးရွာတဲ့အချိန်တွေ မရလို့ အချိန်ပြည့်မရနိုင်တဲ့အတွက် ညဖက် လဆွဲအားနှင့်တက်လာတဲ့ ဒီရေစွမ်းအင်ကြောင့် တည်ငြိမ်တဲ့ လျှပ်စစ်ဓာတ်အား ကို ထုတ်လုပ်နိုင်မှာဖြစ်ပါတယ်။
“ ရေနှင့်နေကို အသုံးကပြုပြီး ဒီရေနှင့် ဆိုလာစွမ်းအင်ကိုပေါင်းစပ်ခြင်းဖြင့် စွမ်းအင်သစ်ကို ကျယ်ပြန့်စွာအသုံးပြုနိုင်တဲ့ ပုံစံသစ်ကို ဖန်တီးခဲ့ကြပါတယ်။ ဒါဟာ ရသမျှအရင်းအမြစ်ကိုအသုံးချရုံမျှမကဘဲ တီထွင်ဆန်းသစ်မှုကို ထိရောက်စွာ မြှင့်တင်ပေးနိုင်ပြီး စွမ်းအင်အခြေခံတည်ဆောက်မှု ပြုပြင်ပြောင်းလဲခြင်းနှင့် စွမ်းအင်လုပ်ငန်းအဆင့်မြှင့်ပေးတဲ့ ဖွံ့ဖြိုးတိုးတက်မှုအရည်အသွေးကိုပါတိုးမြှင့်စေပါတယ်” လို့ တရုတ်စွမ်းအင်အုပ်စုရဲ့ အမှုဆောင် ဒုတိယဥက္ကဋ္ဌ ဖန်ရှုချင်းက ပြောပါတယ်။
တစ်နှစ်ပတ်လုံးမှာ ဒီစက်ရုံက ကီလိုဝပ်နာရီသန်းပေါင်း ၁၀၀ကျော် ထုတ်လုပ်ပေးနိုင်မှာဖြစ်ပြီး အိမ်ထောင်စုပေါင်း သုံးသောင်းအတွက် လိုအပ်ချက်ကိုဖြည့်ဆည်းပေးနိုင်မှာဖြစ်ပါတယ်။
အဲဒီအပြင် နှစ်စဉ် ကျောက်မီးသွေး တန်ချိန် ၃၁၆၅၄ တန်ကို ချွေတာပေးနိုင်မှာဖြစ်ပြီး ကာဘွန်ထုတ်လုပ်မှုကိုလည်း တစ်နှစ်တာမှာ ၈၄၄၇၉ တန်လျှော့ချပေးနိုင်မယ်လို့သိရပါတယ်။
Source CCTV+
Published 29 May 2022
တရုတ်နိုင်ငံက ပြည်တွင်းထုတ် အလယ်အလတ်အရွယ် လုပ်ငန်းစုံသုံး ရဟတ်ယာဉ် AC352 ကို လုပ်ဆောင်မှုတွေနှင့် စိတ်ချရမှုတွေကို စမ်းသပ်ပျံသန်းမှု ပြီးဆုံးခဲ့ပြီး ဒါဟာ ပျံသန်းခွင့်လက်မှတ်ရဖို့ နောက်တစ်ဆင့်တက်သွားတာ ဖြစ်တယ်လို့ တရုတ်လေကြောင်း လုပ်ငန်းကော်ပိုရေးရှင်း AVICက စနေနေ့ကပြောပါတယ်။
AC352 ရဟတ်ယာဉ်ဟာ တရုတ်နိုင်ငံ အရှေ့မြောက်ပိုင်း ဟေးလုံးကျန်းပြည်နယ် ဟာပင်းဖင်းဖှန်းလေဆိပ်ကို စနေနေ့ မနက် ၁၀နာရီ၂၂မိနစ်မှာ ဆင်းသက်ခဲ့ပါတယ်။ လေယာဉ်ဟာ အဲဒီပြည်နယ် ကျန်ဆန်ကျန်းရှီဒီလေဆိပ်ကျားမူးဆီ လေဆိပ်ကနေ ၆၁၆ ကီလိုမီတာ ခရီးရှည် ပျံသန်းခဲ့တာဖြစ်ပါတယ်။
စမ်းသပ်ပျံသန်းမှုပြီးဆုံးသွားတဲ့အတွက် တရုတ်နိုင်ငံ မြို့ပြလေကြောင်းပျံသန်းရေးအာဏာပိုင်အဖွဲ့က စစ်ဆေးပြီးတဲ့နောက် ပျံသန်းခွင့်လက်မှတ်ထုတ်ပေးဖို့ နောက်ဆုံးအဆင့်ပဲ ကျန်ရှိပါတော့တယ်လို့ တရုတ်ရဲ့ ထိပ်တန်း လေယာဉ်ပျံထုတ်လုပ်တဲ့ AVIC ကပြောပါတယ်။
စမ်းသပ်ပျံသန်းမှုတွေကို တစ်ရက်ကို ငါးနာရီကြာပြုလုပ်ခဲ့တာဖြစ်ပီဲး နေ့ပျံသန်းခြင်းနှင့်ညပျံသန်းခြင်းတွေကိုပါ ဆောင်ရွက်ခဲ့ကြပါတယ်လို့သိရပါတယ်။
Source CCTV
Published 24 May 2022
အာရှရဲ့ အကြီးဆုံးကွန်ပျူတာ ကုန်သွယ်ပြပွဲတွေထဲက တစ်ခုဖြစ်တဲ့ ကွန်ပျူတက်ခ် Computex ပြပွဲကို ထိုင်ဝမ်ကျွန်း တိုင်ပေမြို့တော်မှာ မေ၂၄ရက်က စတင်ဖွင့်လှစ်လိုက်ပါတယ်။ ထိုင်ဝမ်ဟာ အဆင့်မြင့်နည်းပညာလုပ်ငန်းတွေမှာ ယင်းရဲ့နေရာကိုပိုမိုခိုင်မြဲစေဖို့ ဆောင်ရွက်နေတာဖြစ်ပါတယ်။ ယူကရိန်းစစ်နှင့်ကိုရိုနာဗိုင်းရပ်စ်တို့ကြောင့် ထောက်ပို့ကွင်းဆက်တွေပြတ်တောက်နေမှုအပေါ် စိတ်ပူပန်မှုတွေရှိနေလင့်ကစား ထိုင်ဝမ်အဆင့်မြင့်နည်းပညာလုပ်ငန်း စောင့်ကြည့်နေသူတွေက အနာဂတ်မှာ နည်းပညာလုပ်ငန်းတွေ တိုးတက်ဖွံ့ဖြိုးလာမယ့်အပေါ် အကောင်းမြင်နေကြပါတယ်။
Source AFP
Published 18 May 2022
တရုတ်နိုင်ငံဟာ တစ်နိုင်ငံလုံးအဆင့် အကျယ်ပြန်ဆုံး 5G ကွန်ယက်ကြီးကို တည်ဆောက်နေရာမှာ ယခုအခါ 5G ကွန်ယက် စခန်းပေါင်း ၁.၆သန်းနီးပါးကို တရုတ်နိုင်ငံအနှံ့တည်ဆောက်ပြီးဖြစ်ပါတယ်လို့ တရုတ်အကြီးတန်းအရာရှိတစ်ဦးက ပြောပါတယ်။
တရုတ်နိုင်ငံ မြောက်ပိုင်း အတွင်းမွန်ဂိုလီးယား အထူးအုပ်ချုပ်ခွင့်ရဒေသမှာ အင်္ဂါနေ့ မေလ ၁၇ ရက်နေ့ ကပြုလုပ်တဲ့ ၂၀၂၂ ခုနှစ် ကမ္ဘာ့ဆက်သွယ်ရေးနှင့်ပြန်ကြားရေးအဖွဲ့အစည်းနေ့ အခမ်းအနားမှာ တရုတ် စက်မှုနှင့်ပြန်ကြားရေးနည်းပညာ ဒုတိယဝန်ကြီး ကျန်ယွန်းမင်းက ပြောကြားခဲ့တာပါ။
“ Fixed broadband ကို တစ်စက္ကန့်၁၀၀မီဂါဗိုက်ကနေ ၁၀၀၀မီဂါဗိုက်ကို အဆင့်မြှင့်ပြီးပါပြီ။ ၂၀၁၂ခုနှစ်က optical fiber အသုံးပြုသူအချိုးအစားဟာ ၁၀ရာခိုင်နှုန်းရှိခဲ့ရာက ၂၀၂၁မှာ ၉၄.၃ ရာခိုင်နှုန်းရှိခဲ့ပါပြီ” လို့သူကပြောပါတယ်။
fiber-optic ကွန်ယက်ကို ရွာပေါင်း တစ်သိန်းသုံးသောင်းမှာ ဆောက်လုပ်ပြီးပြီး 4G အခြေစိုက်စခန်းတွေကိုလည်း ရွာပေါင်း ခြောက်သောင်းမှာ တပ်ဆင်ပြီးဖြစ်ကြောင်းနှင့် ကျေးရွာမှာ broadband လွှမ်းခြုံမှုဟာ ၇၀ရာခိုင်နှုန်းအောက်ရှိရာကနေ ရာနှုန်းပြည့်ဖြစ်သွားပြီလို့ သူကပြောပါတယ်။
တရုတ်နိုင်ငံဟာ 5G လို့ခေါ်တဲ့ ပဥ္စမမျိုးဆက်ဆက်သွယ်ရေးနည်းပညာကို ပိုမိုမြင့်မားတဲ့ အမြန်နှုန်း၊ နိမ့်ပါးတဲ့ latency နှင့် ကြီးမားတဲ့ စွမ်းဆောင်ရည်တွေနှင့်အတူ သယ်ယူပို့ဆောင်ရေး၊ဆေးဝါးကုသမှု၊ပညာရေး၊ ယဉ်ကျေးမှုနှင့်ခရီးသွားလုပ်ငန်းတွေမှာ အသုံးချနေပါတယ်။
သုတေသနနှင့်ဖွံ့ဖြိုးရေး၊ဒီဇိုင်း၊ထုတ်လုပ်ရေး၊ဈေးကွက်နှင့်ဝန်ဆောင်မှုလုပ်ငန်းတွေ လွှမ်းခြုံတဲ့ တရုတ်ရဲ့ အမျိုးသားစီးပွားရေးမှာ အဓိကကျတဲ့ ကဏ္ဍ(၄၅)ခုမှာ 5Gဟာ ပဓာနကျတဲ့ နည်းပညာဖြစ်လာနေတာဖြစ်ပါတယ်။
Source CCTV/CMG
Published 16 May 2022
မြောက်အမေရိကတိုက်တွင် မေ၁၅ရက်ညက လအပြည့်အဝကြတ်ခြင်းကို မြင်တွေ့ကြရပါတယ်။ လမျက်နှာပြင်ပေါ် ကမ္ဘာရဲ့ အရိပ်ကျတာ သုံးနာရီခွဲကြာမြင့်တဲ့အတွက် အရှည်ကြာဆုံး လကြတ်မှု လည်းဖြစ်ပါတယ်။ လော့အိန်ဂျလိစ်မှာ အပြည့်အဝ လကြတ်ခဲ့တာကို မှတ်တမ်းတင်ထားတဲ့ရုပ်သံ တင်ဆက်လိုက်ရပါတယ်။ ဒီလိုလကြတ်တာကို ၂၀၂၉မှ နောက်တစ်ကြိမ် တွေ့ရမှာမို့ ဒါဟာ ကြုံတောင့်ကြုံခဲအခွင့်အရေးဖြစ်ပါတယ်။
Source AFP
Page 16 of 19