၂၀ ဖေဖော်ဝါရီ ၂၀၂၄
မြန်မာနိုင်ငံ၏ငြိမ်းချမ်းရေးတွေ့ဆုံဆွေးနွေးညှိနှိုင်းမှုများနှင့် ငြိမ်းချမ်းရေး လုပ်ငန်းစဉ်များတွင် တရုတ်နိုင်ငံအနေ ဖြင့် ကူညီဆောင်ရွက်ပေးလျက်ရှိမှုအခြေအနေများကို နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့် တရုတ်နိုင်ငံ ယူနန်ပြည်နယ်အုပ်ချုပ်ရေးမှူး Mr. Wang Yubo တို့ ဆွေးနွေးခဲ့ကြကြောင်းသိရှိရသည်။
နစကဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်ထံ တရုတ်နိုင်ငံ၊ ယူနန်ပြည်နယ်၊ ဒုတိယ ပါတီ အတွင်းရေးမှူးနှင့်ပြည်နယ်အုပ်ချုပ်ရေးမှူး Mr. Wang Yubo ဦးဆောင်သည့် ကိုယ်စားလှယ်အဖွဲ့သည် ယနေ့ ဖေဖော်ဝါရီ ၂၀ ရက် နံနက်ပိုင်းတွင် နေပြည်တော်ရှိ နစကဥက္ကဋ္ဌရုံး၊ သံတမန်ဆောင်ခန်းမ၌ လာရောက်ဂါရဝပြု တွေ့ဆုံစဉ် ဆွေးနွေးပြောဆိုခဲ့ကြခြင်းဖြစ်သည်။
ဗိုလ်ချုပ်မှူးကြီးနှင့်ယူနန်ပြည်နယ်အုပ်ချုပ်ရေးမှူးတို့သည် နှစ်နိုင်ငံအကြား နိုင်ငံတော်အဆင့်ပုဂ္ဂိုလ်များနှင့် အဆင့်မြင့်အရာရှိကြီးများ ချစ်ကြည်ရေးခရီးများအပြန် အလှန်သွားရောက်ခဲ့မှုနှင့် နှစ်နိုင်ငံပူးပေါင်းဆောင်ရွက်မှုနှင့် ချစ်ကြည်ရင်းနှီးမှုများ တိုးတက်စေရေး ဆက်လက်၍လည်းအပြန်အလှန်သွားရောက်မည့်အခြေအနေများ၊ နှစ်နိုင်ငံအကြား နိုင်ငံရေးပိုင်းဆိုင်ရာယုံကြည်မှု ပိုမိုတိုးတက်လာစေရေးနှင့် စီးပွားရေးဆိုင်ရာဆက်သွယ်ဆက်ဆံမှု ပိုမိုမြှင့်တင်နိုင်ရေး အစိုးရချင်း ဆောင်ရွက်ရန် လိုအပ်မှုအခြေအနေများကိုဆွေးနွေးခဲ့ကြကြောင်း နစက၏ သတင်းထုတ်ပြန်ချက်အရသိရှိရသည်။
ယင်းအပြင်မြန်မာနိုင်ငံနှင့်ယူနန်ပြည်နယ်အကြား နယ်နိ မိတ်ထိစပ်မှုအများဆုံးဖြစ်ပြီး နှစ်နိုင်ငံကုန်သွယ်မှုများ တိုးမြှင့်ဆောင်ရွက်နိုင်ရေးအတွက် နယ်စပ်ဒေသကုန်သွယ်မှုနှင့် ကုန်စည်စီးဆင်းမှုများပြန်လည်ကောင်းမွန်လာ စေရေးဆောင်ရွက်ရမည့်အခြေအနေများ၊ နယ်စပ်ဖြတ်ကျော် တရားဥပဒေစိုးမိုးရေးနှင့် တည်ငြိမ်အေးချမ်း ရေးအတွက် ကျယ်ကျယ်ပြန့်ပြန့် ထိထိရောက်ရောက် ဆောင်ရွက်ရန်လိုအပ်မှုအခြေအနေများ၊ နယ်စပ်ဒေသတွင် အွန်လိုင်းလောင်းကစားမှုနှင့် အွန်လိုင်းလိမ်လည်မှုများပပျောက်စေရေးအတွက် နှစ်နိုင်ငံပူးပေါင်းဆောင်ရွက်ခဲ့မှု အခြေအနေများနှင့် ဆက်လက်၍လည်း ပူးပေါင်းဆောင်ရွက်သွားမည့်အခြေအနေများကိုလည်း ဆက်လက်ဆွေး နွေးခဲ့ကြသည်ဟုသတင်းထုတ်ပြန်ချက်တွင်ဖော်ပြထားသည်။
ဗိုလ်ချုပ်မှူးကြီးသည် ယူနန်ပြည်နယ်အုပ်ချုပ်ရေးမှူးနှင့် မူးယစ်ဆေးဝါးတားဆီးကာကွယ် နှိမ်နင်းရေးအတွက် နှစ်နိုင်ငံအကြားပူးပေါင်းဆောင်ရွက်သွားရန်လိုအပ်မှုအခြေအနေများ၊ မြန်မာနိုင်ငံ၏ စိုက်ပျိုးမွေးမြူရေးလုပ်ငန်း များတိုးတက်စေရေးအတွက် ယူနန်ပြည်နယ်အနေဖြင့် နည်းပညာအကူအညီများပေးအပ်သွားမည့် အခြေအနေ များ၊နယ်စပ်ဒေသကုန်သွယ်မှုများ ဆောင်ရွက်ရာတွင်မြန်မာကျပ်ငွေနှင့် တရုတ်ယွမ် တို့အား တိုက်ရိုက်ပေးချေ ခြင်းကြောင့် ကုန်သွယ်မှုများပိုမိုအဆင်ပြေချောမွေ့သည့် အခြေအနေများ၊ နှစ်နိုင်ငံကုန်သွယ်မှုအတွက် အဓိက အရေးပါသည့် ရထားလမ်းများ တည်ဆောက်နိုင်ရေး ဆောင်ရွက်လျက်ရှိမှုနှင့် မော်တော်ကားလမ်းများ လမ်းပန်း ဆက်သွယ်မှုချောမွေ့စေရေး ဆောင်ရွက်လျက်ရှိမှုအခြေအနေများနှင့် နှစ်နိုင်ငံအကြား လျှပ်စစ်ဓာတ်အား ထုတ် လုပ်ရေးကဏ္ဍ၊ စွမ်းအင်ကဏ္ဍ၊ လယ်ယာစိုက်ပျိုးရေးကဏ္ဍ၊ ပန်းမန်စိုက်ပျိုးရေးကဏ္ဍနှင့် အခြားကဏ္ဍ ပေါင်းစုံ၌ ပူးပေါင်းဆောင်ရွက်မှုများ ဆက်လက်တိုးမြှင့်ဆောင်ရွက်သွားမည့် အခြေအနေများကိုလည်း ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြကြောင်း သတင်းထုတ်ပြန်ထားသည်။
အဆိုပါတွေ့ဆုံပွဲသို့ ဗိုလ်ချုပ်မှူးကြီးနှင့်အတူ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ ဒုတိယ ဝန်ကြီးချုပ်နှင့် နိုင်ငံခြားရေးဝန်ကြီးဌာနပြည်ထောင်စုဝန်ကြီး ဦးသန်းဆွေ၊ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန ပြည်ထောင်စုဝန်ကြီး ဦးထွန်းအုံနှင့် တာဝန်ရှိသူများတက်ရောက်ကြပြီး တရုတ်နိုင်ငံ၊ ယူနန်ပြည်နယ်၊ ဒုတိယပါတီအတွင်းရေးမှူးနှင့် ပြည်နယ်အုပ်ချုပ်ရေးမှူးနှင့်အတူ မြန်မာနိုင်ငံဆိုင်ရာ တရုတ်နိုင်ငံသံအမတ်ကြီးMr. Chen Hai နှင့် တာဝန်ရှိသူများ တက်ရောက်ခဲ့ကြကြောင်းသတင်းရရှိသည်။
@ymg/knl
၁၈ ဖေဖော်ဝါရီ ၂၀၂၄
မြန်မာနိုင်ငံတွင် ဆောင်ရွက်နေသည့် တည်ငြိမ်အေးချမ်းရေး၊ ဖွံ့ဖြိုးတိုးတက်ရေး လုပ်ငန်းစဉ်များတွင်လည်း တရုတ်နိုင်ငံနှင့် တရုတ် လူမျိုးများအနေဖြင့် ဆက်လက်ပြီးကူညီဆောင်ရွက်ပေးပါရန် ဗိုလ်ချုပ်မှူးကြီး မင်းအောင် လှိုင်က ပြောကြားလိုက်ပါတယ်။
ဖေဖော်ဝါရီ၁၈ရက်ညနေပိုင်းက ရန်ကုန်မြို့ရှိ အမျိုးသားအားကစားပြိုင်ပွဲရုံ(၁)သုဝဏ္ဏ၌ ကျင်းပပြုလုပ်တဲ့ ၂၀၂၄ခုနှစ် ရွှေနဂါးတရုတ်နှစ်သစ်ကူးပွဲတော်အခမ်းအနားတွင် နစကဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က တက်ရောက်ဖွင့်လှစ်ပြီး နှစ်သစ်ကူးဆုမွန်စကားပြောကြားရာမှာထည့်သွင်းပြောကြားခဲ့တာ ဖြစ် ပါတယ်။
ထို့အပြင် တရုတ်-မြန်မာနှစ်နိုင်ငံပူးပေါင်းပြီး နှစ်နိုင်ငံအကျိုးတူ ပူးပေါင်းဆောင်ရွက်မှုလုပ်ငန်းများ၊နယ်စပ်ဒေသ တည်ငြိမ်အေးချမ်းရေးနှင့် ဖွံ့ဖြိုးရေးလုပ်ငန်းများတွင် လက်ရှိအခြေအနေထက် ပိုမိုတိုးတက်ကောင်းမွန်လာမည်ဟု ယုံကြည်တယ်လို့လည်း ဗိုလ်ချုပ်မှူးကြီးက ပြောကြားတဲ့အကြောင်း နစကရဲ့သတင်းထုတ်ပြန်ချက်မှာဖော်ပြ ထားပါတယ်။
ရှေးအစဉ်အဆက် နိုင်ငံ့ခေါင်းဆောင်ကြီးများ၏ အမြော်အမြင်ကြီးစွာ တည်ဆောက်ခဲ့သည့် ငြိမ်းချမ်းစွာအတူ ယှဉ်တွဲနေထိုင်ရေး မူကြီး(၅)ရပ်နှင့်အညီ နှစ်နိုင်ငံသည် အိမ်နီးချင်းကောင်းပီသစွာ အပြန်အလှန်နားလည်မှုများနှင့် နေထိုင်ခဲ့ကြသဖြင့် ရံဖန်ရံခါ တွေ့ကြုံရသည့်ပဋိပက္ခအချို့ကို နှစ်နိုင်ငံအစိုးရနှင့် ပြည်သူတို့ငြိမ်းချမ်းစွာအဖြေရှာပြီး ခိုင်မာသည့်ဆက်ဆံရေးကို ထိန်းသိမ်း တည်ဆောက်နိုင်ခဲ့ကြတယ်လို့လည်း ဗိုလ်ချုပ်မှူးကြီးက ဆက်လက်ပြောဆို ပါတယ်။
တရုတ်နိုင်ငံသည် မြန်မာ့အရေးနှင့်ပတ်သက်ပါက ခေတ်အဆက်ဆက်အိမ်နီးချင်းကောင်းဟူသည့်ဂုဏ်ပုဒ်အပြင် မိတ်ဆွေကောင်းဟူသည့် ခံယူချက်ဖြင့်ရပ်တည်ပေးခဲ့သည့်နိုင်ငံဖြစ်ပါကြောင်း၊ မြန်မာနိုင်ငံ၏ပြည်တွင်းရေးရာ ကိစ္စရပ်များနှင့်ပတ်သက်ပြီး နိုင်ငံတကာစာမျက်နှာများတွင် မှန်ကန်သည့် လမ်းကြောင်းအတိုင်းရပ်တည်ပေး လျက်ရှိနေသည့် တရုတ်ပြည်သူ့သမ္မတနိုင်ငံနှင့်တရုတ်လူမျိုးတို့၏မိတ်ကောင်းဆွေမွန်ပီသမှုအတွက် အထူးပင် ကျေးဇူးတင်ရှိတယ်လို့လည်း နစက ဥက္ကဋ္ဌက ပြောပါတယ်။
သံလွင်၊ မဲခေါင်မြစ်နှစ်စင်းမှ အစပြုပြီး သဘာဝတောတောင် ရေမြေများစွာထိစပ်နေသည့် တရုတ်နိုင်ငံနှင့် မြန်မာနိုင်ငံတို့၏ ကောင်းမွန်သည့် ဆက်ဆံမှုများနှင့် တူညီသည့်ယဉ်ကျေးမှုများသည် ရေကိုသားသော်အကြား
မထင် သကဲ့သို့ ဘယ်သူဖျက်ဖျက် ပျက်စီးမသွားဘဲ ခိုင်မာစွာဖြစ်တည်လျက်ရှိနေမည်ဖြစ်တယ်လို့လည်း ဗိုလ်ချုပ်မှူးကြီးက အခိုင်အမာပြောဆိုပါတယ်။
ယင်းနောက် မြန်မာနိုင်ငံဆိုင်ရာတရုတ်နိုင်ငံသံအမတ်ကြီး Mr. Chen Hai က ပြီးခဲ့သည့်နှစ်များအတွင်း တရုတ်-မြန်မာ နှစ်နိုင်ငံအကြား ကဏ္ဍအသီးသီး၌ အတူတကွ ကြိုးပမ်းဆောင်ရွက်ခဲ့ကြသောကြောင့် ယုံကြည်မှုများနှင့် ချစ်
ကြည်ရင်းနှီးမှုများ ပိုမိုတိုးမြှင့်ခိုင်မာအောင် တည်ဆောက်နိုင်ခဲ့ပါကြောင်း၊ နှစ်သစ်တွင်နှစ်နိုင်ငံနှင့် နှစ်နိုင်ငံရှိ ပြည်သူများအနေဖြင့် ငြိမ်းချမ်းခြင်း၊ ချစ်ခင်ခြင်း၊ အပြန်အလှန်လေးစားခြင်းတို့ဖြင့် ပြည့်ဝပြီး နှစ်နိုင်ငံအကျိုး အတွက် ဆောင်ရွက်နိုင်ကြပါစေကြောင်း၊ နှစ်နိုင်ငံအကြား ဆွေမျိုးပေါက်ဖော်ချစ်ကြည်ရေး အဓွန့်ရှည်ခိုင်မြဲပါစေ
ကြောင်းနှင့် တရုတ်-မြန်မာ လူသားမျိုးနွယ်များ တိုးတက်မှုအတွက် အတူတကွကြိုးပမ်းသွားမယ်လို့ နှစ်သစ် ဆုတောင်းစကားပြောကြားခဲ့ပါတယ်။
အဲဒီနောက်ဗိုလ်ချုပ်မှူးကြီးနှင့်ဇနီးတို့သည် အခမ်းအနားတက်ရောက်လာကြသူများနှင့်အတူ တရုတ်ရိုးရာနှစ်သစ်
ကူး အထိမ်းအမှတ်ဂုဏ်ပြုညစာကို အတူတကွသုံးဆောင်ခဲ့ကြကြောင်း သတင်းရရှိပါတယ်။
@ymg/knl
၁၀ ဖေဖော်ဝါရီ ၂၀၂၄
၂၀၂၄ခုနှစ် နွေဦးရာသီ တရုတ်နှစ်သစ်ကူးပွဲတော် ဖျော်ဖြေရေးအစီအစဉ်များကို ဖေဖော်ဝါရီ (၉)ရက်ညက တရုတ်မီဒီယာ အုပ်စုမှ ဦးစီးပြီး ပင်မအဖြစ်ဘေဂျင်းမြို့တော်နှင့် အခွဲများအဖြစ် ရှိန်ယန်၊၊ရှိအန်၊ကာရှဂါးနှင့် ချင်ဆားတို့မှာ တင်ဆက်ပြီး ရုပ်သံထုတ်လွှင့်သွားခဲ့ပါတယ်။ တစ်နှစ်တစ်ခါကျင်းပတဲ့ အဆိုပါခမ်းနားကြီး ကျယ်တဲ့ နှစ်သစ်ကူးပွဲတော်ကို ကမ္ဘာ တစ်လွှားသို့ထုတ်လွှင့်ခဲ့တာဖြစ်ပြီး အဆိုအကများ၊အော်ပရာများ၊ဟာဒယရွှင်ဆေးများ၊ ကိုယ်ခံပညာများနှင့် ကျွမ်းဘားအက များဖြင့်ဝေဝေဆာဆာတင်ဆက်သွားခဲ့ကြပါတယ်။
Source CCTV+
တရုတ်နှစ်သစ်ကူးပွဲတော်မတိုင်ခင် ငါးရက်ခန့်ကတည်းက အရောင်းသွက်တာ သစ်သီးဈေးတွေကလည်း အကုန်မြင့်ပဲ အရင်က ကျွဲကောသီး အလုံး၂၀ကနေ၃၀ပါ တစ်အိပ်ကို ၆သောင်း ၇သောင်းကနေ အခု တစ်သိန်း၂သောင်းလောက်ပေးရတယ်၊ နဂါးမောက်သီးဆိုလည်း အရင်က ၇သောင်းလောက်ကနေ အခုတစ်သိန်းကျော်တယ် အခြားသစ်သီးတွေလဲ ဈေးတွေတတ်တယ်။
Yangon Times/LW
#Local_News
#Published_ 10 February 2024
#YMG_News #Yangon_Times #Yangon_Media_Group
၉ ဖေဖော်ဝါရီ ၂၀၂၄
တရုတ်နိုင်ငံရဲ့ အကောင်းဆုံး ခေါက်ဆွဲဆရာကြီးတွေဟာ တရုတ်နှစ်သစ်ကူးအကြိုဖျော်ဖြေပွဲမှာ ခေါက်ဆွဲလုပ်နည်း အနုပညာတင်ဆက်ဖို့ အဆင်သင့်ဖြစ်နေကြပါတယ်။ အဲဒီအစီအစဉ်ကို တရုတ်အစိုးရပိုင် တရုတ်မီဒီယာအုပ်စုရဲ့ နှစ်သစ်ကူး ပျော်ပွဲရွှင်ပွဲညမှာ ဖျော်ဖြေတင်ဆက်မှာဖြစ်ပါတယ်။
Source CCTV+
Published_ 9 February 2024
တရုတ်နိုင်ငံရွှေလီမြို့နှင့် မြန်မာနိုင်ငံမူဆယ်မြို့မှ တရုတ်-မြန်မာမိသားစုများသည် ဖေဖော်ဝါရီလ ၅ ရက်နေ့တွင် တရုတ်-မြန်မာ ယဉ်ကျေးမှုကူးလူးဖလှယ်မှုအခမ်းအနားတစ်ခုကို အတူတကွ ကျင်းပခဲ့ကြကြောင်းသိရသည်။
ရွှေလီမြို့မှမိတ်ဆွေများက နယ်စပ်ဂိတ်ကိုကျော်ဖြတ်ပြီး မြန်မာ ကျောင်းသားကျောင်းသူများကို ချစ်ကြည်မှုဖြင့် နွေးထွေးသည့် နှစ်သစ်ကူးလက်ဆောင်များပေးခဲ့သည်ဟုဆိုသည်။
မြန်မာနိုင်ငံ၊မူဆယ်မှမိတ်ဆွေများကလည်း ရွှေလီမြို့ ရှင်းအန်းရပ်ကွက်ကို လာရောက်ခဲ့ပြီး နှစ်နိုင်ငံနယ်စပ်နေပြည်သူများသည် အတူတကွ ဖက်ထုပ်ထုပ်ရင်း နှစ်သစ်ကိုကြိုဆိုဂုဏ်ပြုခဲ့ကြကြောင်း သိရသည်။
Yangon Times/tthl
#Local_News
#Published_ 9 February 2024
#YMG_News #Yangon_Times #Yangon_Media_Group
Published_ 5 February 2024
'တရုတ်ပညာတော်သင် မြန်မာကျောင်းသားများ၏ နှစ်သစ်ကူးစကားဝိုင်း'ကို ဖေဖော်ဝါရီလ ၃ ရက်နေ့တွင် ရန်ကုန်တရုတ်ယဉ်ကျေးမှုစင်တာ၌ ကျင်းပခဲ့ကြောင်း သိရသည်။
အဆိုပါစကားဝိုင်းကို တရုတ်ပညာတော်သင် မြန်မာကျောင်းသားများ၊ တရုတ်ပညာတော်သင်ကျောင်းသားများ၊ ရန်ကုန် အထက်တန်းကျောင်း၊ အခြေခံပညာရေးကျောင်း၊ တရုတ်ဘာသာပညာရေး အဖွဲ့အစည်းများမှ ဆရာကျောင်းသားကိုယ်စားလှယ်များ လူအယောက် ၁၅၀ နီးပါးတက်ရောက်ခဲ့ကြသည်ဟုဆိုသည်။
'တရုတ်ပညာတော်သင် မြန်မာကျောင်းသားများ၏ နှစ်သစ်ကူးစကားဝိုင်း'ကိုမြန်မာနိုင်ငံဆိုင်ရာတရုတ်သံရုံးမှ ကြီးမှူး ကျင်းပခဲ့ခြင်းဖြစ်ပြီး သံမှူး Mr. Pan Feng မှတက်ရောက်ကာ အမှာစကားပြောကြားခဲ့သည်။
သံမှူး Mr. Pan Feng က" တရုတ်နှစ်သစ်ကူးပွဲတော်သည် တရုတ်နိုင်ငံ၏ အရေးကြီးသော ရိုးရာပွဲတော်ဖြစ်ပြီး တရုတ်ရိုးရာယဉ်ကျေးမှု၏ အနှစ်သာရကို စုစည်းထားကြောင်း၊ တရုတ်နှစ်သစ်ကူး ရိုးရာပွဲသည် နိုင်ငံနှင့် ဒေသပေါင်း ၂၀၀ နီးပါး၌ ပြုလုပ်လျက်ရှိကြောင်း၊ ကမ္ဘာလုံးဆိုင်ရာ ယဉ်ကျေးမှုပွဲကြီးတစ်ခု ဖြစ်လာပါကြောင်း၊ တရုတ်ပညာတော်သင် မြန်မာကျောင်းသားများ ကိုယ်ပိုင်အားသာချက်ကို အသုံးချရန် တိုက်တွန်းကြောင်း၊ နှစ်နိုင်ငံပြည်သူများ ကြားသိမြင်လိုတဲ့ နည်းလမ်းကို ပိုမိုအသုံးပြုပြီး ပညာတော်သင်အတွေ့အကြုံနှင့် တရုတ်-မြန်မာချစ်ကြည်ရေး ဇာတ်လမ်းများကို ရှင်းလင်းပြောပြကြပါရန်" ပြောကြားခဲ့သည်။
စင်ကာပူနိုင်ငံဆိုင်ရာ မြန်မာသံရုံးယာယီတာဝန်ခံ ဦးဇော်ဇော်စိုးသည် ဗီဒီယိုမှတစ်ဆင့် အမှာစကားပြောကြားရတွင် "တရုတ်ပြည်တွင်ပညာသင်ခဲ့ရသောအတွေ့အကြုံများကို သတိရတမ်းတ မိပါကြောင်း၊ ဘာသာစကားသင်ယူခြင်းသည် အမြင်ကျယ်စေပြီး တွေးခေါ်ဆုံးဖြတ်နိုင်စွမ်းကို မြှင့်တင် နိုင်ကာ ဘဝအတွက်ထာဝရအကျိုးပြုနိုင်ပါကြောင်း၊ ပညာတော်သင်လူငယ်များအနေဖြင့် မြင့်မားသောရည်မှန်းချက်ထားရှိပြီး တရုတ်-မြန်မာနှစ်နိုင်ငံ ဆက်ဆံရေးတံတားကို တည်ဆောက်ကာ တရုတ်-မြန်မာ ချစ်ကြည်ရေးနှင့်ပူးပေါင်းဆောင်ရွက်မှုကို အတူတကွ မြှင့်တင်ကြရန် မျှော်လင့်မိကြောင်း" ပြောကြားခဲ့သည်။
တရုတ်ပညာတော်သင်ကိုယ်စားလှယ်မှ တရုတ်ပြည်၌ ပညာသင်ကြားခဲ့သောအတွေ့အကြုံ များ၊ ပညာတော်သင်ကျောင်းသားများလိုက်နာရသောစည်းကမ်းများ၊ အလုပ်အကိုင်အခွင့်အလမ်းများ စသည့်ခေါင်းစဉ်ဖြင့် စည်းကားစွာ ကူးလူးဖလှယ်ခဲ့ကြပြီး တရုတ်ပြည်၌ ပညာသင်ကြားရခြင်းသည် အကျိုးများစွာရရှိစေကာ အလုပ်ခွင်နယ်ပယ်တွင် များစွာအထောက်အကူဖြစ်စေကြောင်း၊ တရုတ်နိုင်ငံသို့ ပညာတော်သင်ရန် ရောက်ရှိပြီးဖြစ်သောကျောင်းသားများနှင့် ပညာတော်သင်သွားရန် စိတ်အားထက်သန်နေသော ကျောင်းသားများအနေဖြင့် အခွင့်အရေးကို မြတ်နိုးတန်ဖိုးထားကြရန်၊ အထူးပြုဘာသာရပ်ကို ကောင်းစွာသင်ယူရင်း အခြားသော သင်ရိုးပြင်ပ လှုပ်ရှားမှုများ၌လည်း ပါဝင်ဆင်နွှဲကြရန်၊ တရုတ်နိုင်ငံ၏ ရောင်စုံအလှတရားကို နွေးထွေးစွာခံစားကြရန် အကြံပေးလို ပါကြောင်း ပြောကြားခဲ့သည်။
ကူးလူးဖလှယ်ဆက်ဆံမှုအပိုင်း ပြီးဆုံးပြီးနောက် ပညာတော်သင်ကျောင်းသားများက လက်ဖက်အနုပညာ၊ ဖက်ထုပ်ထုပ်ခြင်း၊ နှစ်သစ်ကူးစာလုံး လက်ရေးလှရေးသားခြင်း၊ နှစ်သစ်ကူးဗဟုသုတအမေးအဖြေ၊ ဒြပ်မဲ့ယဉ်ကျေးမှုအမွေအနှစ်အတွေ့အကြုံ စသည့် ရိုးရာယဉ်ကျေးမှုပွဲများတွင် ပါဝင်ဆင်နွှဲခဲ့ကြပြီး အဆိုပါနေရာ၌ စည်ကားသိုက်မြိုက်ကာ နှစ်သစ်ကူးအငွေ့အသက်များ ပြည့်နှပ်နေခဲ့ကြောင်း သိရသည်။
Yangon Times/tthl
#Local_News
#Published_ 5 February 2024
#YMG #Yangon_Times #Yangon_Media_Group
Page 15 of 42
