နိုဝင်ဘာ ၁၅ ရက်နေ့တွင်  G-20 ခေါင်းဆောင်များရဲ့ (၁၇) ကြိမ်မြောက် ထိပ်သီးဆွေးနွေးပွဲ ကို အင်ဒိုနီးရှားနိုင်ငံ၊ ဘာလီကျွန်း၌ ကျင်းပခဲ့ရာ တရုတ်သမ္မတရှီကျင့်ဖျင် တက်ရောက်ပြီး အရေးပါ သည့် အမှာစကားကို ပြောကြားခဲ့ပါတယ်။ ဒါဟာ တရုတ်ကွန်မြူနစ်ပါတီ(၂၀) ကြိမ်မြောက် ပြည်လုံးကျွတ် ကွန်ကရက် အောင်မြင်စွာ ကျင်းပခဲ့ပြီးနောက် တရုတ်နိုင်ငံထိပ်သီးခေါင်းဆောင်အနေနဲ့ ပထမဦးဆုံး အကြိမ် ကမ္ဘာ့ထိပ်သီးနိုင်ငံများ ဆွေးနွေးပွဲကို တက်ရောက်ခဲ့ခြင်းလည်း ဖြစ်ပါတယ်။ တရုတ်နိုင်ငံရဲ့ ဉာဏ်အမျှော်အမြင်နဲ့ လက်ရှိကမ္ဘာ့အခြေအနေများကို ဘက်စုံသုံးသပ်ကာ တစ်ကမ္ဘောလုံးရင်ဆိုင် နေရတဲ့ စိန်ခေါ်မှုများကို ကျော်လွှားနိုင်ဘို့ “အတူတကွအားကောင်းပြီး၊ ပြန်လည်ဦးမော့လာရေး” ဆိုတဲ့ ခေါင်းစဉ်အောက်မှာ ကျင်းပတဲ့ G-20 ခေါင်းဆောင်များရဲ့ ထိပ်သီးဆွေးနွေးပွဲကို တက်ရောက် လာခြင်းလည်း ဖြစ်ပါတယ်။ ဒီထိပ်သီးဆွေးနွေးပွဲကို ကမ္ဘာ့နိုင်ငံအသီးသီးက မျှော်လင့်မှုများ ရှိနေ ပါတယ်။ အားလုံးရဲ့စိတ်ဝင်တစား စောင့်ကြည့်မှုများကြားမှာ တရုတ်သမ္မတရှီကျင့်ဖျင်ဟာ အရေးပါ တဲ့ အမှာစကားပြောကြားခဲ့ကာ  တရုတ်နိုင်ငံရှုထောင့်ကနေ လက်ရှိနိုင်ငံတကာအခြေအနေများကို သုံးသပ်တင်ပြခဲ့သလို လက်ရှိအခြေအနေကို “ဘယ်လို သုံးသပ်မလဲ။” ၊ “ဘယ်လိုလုပ်ကိုင်ကြမလဲ” ဆိုတဲ့ အရေးကြီးပြဿနာများကို ရှင်းလင်းတိကျစွာ တင်ပြဆွေးနွေးခဲ့ပါတယ်။ ဒါ့အပြင် “ ခေတ်ရဲ့ စိန်ခေါ်မှုများကို အတူတကွ ရင်ဆိုင်၊ လှပတဲ့အနာဂတ်ကို အတူတကွ တည်ဆောက်” ဆိုတဲ့ တရုတ် နိုင်ငံရဲ့ဆော်ဩချက်ကိုလည်း ကမ္ဘာက သိအောင် အတိအလင်း ထုတ်ဖော်ပြောကြားခဲ့ပါတယ်။

         ကမ္ဘာ့ကြီးမှာ ရာစုနှစ်ပေါင်းများစွာ မကြုံစဖူးတဲ့ အပြောင်းအလဲများနှင့် ရင်ဆိုင်နေချိန်မှာ         “ဘယ်လို လက္ခဏာတွေ ဖော်ပြနေသလဲ” ဆိုတဲ့ မေးခွန်အပေါ် တရုတ်သမ္မတရှီကျင့်ဖျင်အနေနဲ့ ကမ္ဘာ့အပြောင်းအလဲ ခေတ်စနစ်အပြောင်းအလဲ သမိုင်းကြောင်း အပြောင်းအလဲတို့ကို အတွင်းကျ ကျ သုံးသပ်တင်ပြခဲ့ပါတယ်။ ကိုဗစ်(၁၉) ကပ်ရောဂါတစ်ငွေ့ငွေ့ ဆက်လက်ဖြစ်ပွားနေချိန် ကမ္ဘာ့ စီးပွား​ရေး အထိမခံနိုင် ပိုမိုဖြစ်လာနေချိန် ပထဝီနိုင်ငံရေးပိုမိုတင်းမာလာချိန် ကမ္ဘာ့အုပ်ချုပ်မှုစနစ် လိုအပ်ချက် ပိုမိုသိသာလာချိန် ကမ္ဘာ့အုပ်ချုပ်မှုစနစ်လိုအပ်ချက် ပိုမိုသိသာလာချိန် စားနပ်ရိက္ခာနဲ့ လောင်စာပြဿနာကြီးထွားလာချိန်မှာ အန္တရာယ်ရန်စွယ်တွေ ရှုပ်ထွေးပွေလီနေသလို လူသားများရဲ့ တိုးတက်မှုဟာလည်း ကြီးမားတဲ့ စိန်ခေါ်မှုတွေနဲ့ ရင်ဆိုင်နေရပါတယ်။

         လမ်းဆုံလမ်းခွရောက်နေတဲ့ ကျွန်တော်တို့ကမ္ဘာ့ကြီး “ဘယ်လမ်းရွေးမလဲ” ဆိုတဲ့ မေးခွန်အပေါ် တရုတ်သမ္မတရှီကျင့်ဖျင်အနေနဲ့ ကမ္ဘာ့နိုင်ငံအသီးသီးအတွက် လမ်းမှန်တစ်ခုကို ညွှန်ပြခဲ့ပါတယ်။ သူက “လူသားများရဲ့တူညီတဲ့ အနာဂတ်အတွက်ဆိုတဲ့အသိစိတ်နဲ့ ငြိမ်းချမ်းရေး၊ တိုးတက်ရေး၊ ပူးပေါင်းဆောင်ရွက်ရေး အတူတကွ အောင်မြင်ဖြစ်ထွန်းရေးဆိုတဲ့ လမ်းကြောင်းကို လျှောက်လှမ်းကြဘို့ သွေးကွဲမှုကို စည်းလုံးခြင်းနဲ့အစားထိုး အပြန်အလှန်ထိုးနှက်မှုကို ပူးပေါင်းဆောင် ရွက်မှုနဲ့အစားထိုး တစ်ကိုယ်ကောင်းဆန် အတ္တကြီးတဲ့စိတ်ဓာတ်ကို ထွေးပိုက်မှုနဲ့ အစားထိုးဖို့။” “ တို့ ကမ္ဘာ့ကြီးဘာလဲ၊ ဘယ်လဲ။” ဆိုတဲ့ ကျွန်တော်တို့ ပုခုံးပေါ်ကျရောက်လာတဲ့ သမိုင်းပေးမေးခွန်းပုဒ် စာကို အတူတကွ အဖြေရှာကြဖို့၊ အတူတကွ အခက်အခဲများကို ဖြတ်ကျော်ပြီး အနာဂတ်ကို လက်တွဲတည်ဆောက်ကြဖို့လိုကြောင်း ပြောကြားသွားပါတယ်။

         “G-20နိုင်ငံများ ဘယ်လိုလုပ်ဆောင်ကြမလဲ” ဆိုတဲ့ မေးခွန်းအပေါ် တရုတ်သမ္မတရှီကျင့်ဖျင် က တာဝန်ယူမှု၊ တာဝန်ခံမှု ရှိကြရန် ဆော်ဩခဲ့ပါတယ်။ သူက “G-20နိုင်ငံများဟာ ကမ္ဘာ့ အင်အားကြီးနိုင်ငံနဲ့ ဒေသတွင်း အင်အားကြီးနိုင်ငံများ ဖြစ်ကြသလို နိုင်ငံကြီးများဟာ တာဝန်ယူမှု၊ တာဝန်ခံမှု စိတ်ဓာတ်အပြည့်နဲ့ စံပြ လုပ်ကိုင်ဘို့လိုကြောင်း နိုင်ငံတိုင်း တိုးတက်ဘို့၊ လူသားများ သုခချမ်းသာနဲ့ နေထိုင်နိုင်ဘို့၊ ကျွန်တော်တို့ ကမ္ဘာ့ကြီး ရှေ့သို့လျှောက်လှမ်းနိုင်ဘို့ ကြိုးစား ဆောင်ရွက်သွားရန်” ဆော်ဩခဲ့ပါတယ်။

         တရုတ်ဝိသေသလက္ခဏာဆောင်တဲ့ လုပ်ထုံးလုပ်နည်းနဲ့ တိုးတက်ရေးလမ်းကြောင်းမှာ ကြုံ တွေ့နေရတဲ့ အခက်အခဲပြဿနာများကို ကျော်လွှားကာ “ဘာကြောင့် တိုးတက်ဖို့လိုသလဲ။”၊ ကျွန်တော်တို့အနေနဲ့ “ဘယ်လို တိုးတက်မှုကို လိုအပ်သလဲ” ဆိုတဲ့ မေးခွန်းကို တင်ပြဆွေးနွေးခဲ့ပါ တယ်။

         ကိုဗစ်(၁၉)ကပ်ရောဂါဟာ နှစ်များစွာ တိုးတက်ခဲ့တဲ့ ကမ္ဘာ့အောင်သီးအောင်ပွင့်တွေကို ဝါးမျို ခဲ့ပြီဖြစ်ပါတယ်။ ကမ္ဘာ့ကုလသမဂ္ဂရဲ့ ၂၀၃၀ ခုနှစ် အစဉ်မပြတ်တိုးတက်ရေး အဆိုပြုချက်ဟာလည်း အဟန့်အတားတွေနဲ့ ရင်ဆိုင်နေသလို မြောက်ပိုင်းနိုင်ငံများဖြစ်ကြသော ဖွံ့ဖြိုးတိုးတက်ပြီး နိုင်ငံများနဲ့ တောင်ပိုင်းနိုင်ငံများဖြစ်ကြသော ဖွံ့ဖြိုးတိုးတက်မှု နောက်ကျသော နိုင်ငံများအကြားရှိ ကွာဟချက် ချောက်ကမ်းပါးဟာလည်း နက်သထက်နက်လာနေပြီး စားနပ်ရိက္ခာနဲ့လောင်စာ လုံခြုံရေးအန္တရာယ် တို့ကြောင့် “ပိုမိုထွေးပိုက်နိုင်တဲ့ ကမ္ဘာ့တစ်ဝှမ်းတိုးတက်မှု”၊ “ပိုမိုကျယ်ပြန့်တဲ့ ကမ္ဘာ့တစ်ဝှမ်းတိုးတက်မှု”၊ “ပိုမိုတန်ပြန်နိုင်စွမ်းကောင်းတဲ့ ကမ္ဘာ့တစ်ဝှမ်းတိုးတက်မှု” ဆိုတဲ့ ကိစ္စရပ်များကို လူအများ ပိုမိုအလေးထား  တွေးခေါ်လာနေကြတာတွေ့ရပါတယ်။ ဒီအတွက် တရုတ်သမ္မတရှီကျင့်ဖျင်အနေနဲ့ ရှင်းရှင်းလင်းလင်း ရှိလှတဲ့ အကြံပြုချက် (၃) ချက်ကို တင်ပြခဲ့ပါတယ်။ သူက “တရုတ်နိုင်ငံဟာ တရုတ်ဝိသေသ လက္ခဏာဆောင်တဲ့ လုပ်ထုံးလုပ်နည်းနဲ့ လက်ရှိတစ်ကမ္ဘာ့လုံးကြုံတွေ့နေရတဲ့ စိန်ခေါ်မှုကို ကျော် လွှားသွားမှာ ဖြစ်သလို၊ ရေရှည်အတွက် ကမ္ဘာ့ဖွဲ့စည်းပုံပြဿနာကို ရင်ဆိုင်သွားမှာဖြစ်ပြီး၊ ကမ္ဘာ့ တစ်ဝှမ်း စီးပွားရေးအရှိန်အဟုန်နဲ့ တိုးတက်ရေး၊ စဉ်ဆက်မပြတ် တိုးတက်ရေး၊ စဉ်ဆက်မပြတ် တိုးတက်ရေး အရာရာကို ထွေးပိုက်ပြီး တန်းတူတိုးတက်ရေးတို့အတွက် ဉာဏစွမ်းအင်အားများ ထည့်သွင်းသွားမှာဖြစ်ကြောင်း ပြောကြားခဲ့ပါတယ်။

         ပိုမိုထွေးပိုက်နိုင်တဲ့ ကမ္ဘာ့တိုးတက်မှုအတွက် နိုင်ငံများအကြား အပြန်အလှန်လေးစားဖို့လိုမှာ ဖြစ်သလို မတူတာထား၊ တူတာလက်တွဲလို့ ငြိမ်းချမ်းစွာ အတူယှဉ်တွဲနေထိုင်ကြရမှာ ဖြစ်ပါတယ်။ ထို့အတူ တံခါးဖွင့်တဲ့ ကမ္ဘာ့စီးပွားရေးစနစ်တည်ဆောက်ရမှာဖြစ်ပြီး အိမ်နီးချင်းအကြား ချောက် ကမ်းပါးမခြား၊ ခြံစည်းရိုးအမြင့်ကာပြီးဝန်းထဲ မနေဘို့၊ ကိုယ့်အသိုင်းအဝိုင်းထဲမှာ လှောင်ပိတ် ပြီး တစ်ပါးသူကိုငြင်းဆန်နေတာ မလုပ်ဘို့လိုပါတယ်၊ တရုတ်သမ္မတရှီကျင့်ဖျင်ဟာ အင်ဒိုနီးရှားရဲ့ “ကြံဟာအုံလိုက်ကျင်းလိုက် ပေါက်ရောက်တဲ့ ဓလေ့ရှိသလို၊ စပါးလင်ဟာလည်း အစုအပြုံလိုက် ပေါက်တဲ့ အမျိုးဖြစ်တယ်။” ဆိုတဲ့ ဆိုရိုးစကားနဲ့ “သွေးကွဲမှု၊ ထိုးနှက်မှုတွေဟာ ဘယ်သူ့အတွက်မှ မကောင်းဘူး။ စည်းလုံးညီညာ အောင်ကြောင်းဖြာ”ဆိုတဲ့ ရိုးရှင်းလှတဲ့ အမှန်တရားကို မီးမောင်းထိုးပြ ခဲ့ပါတယ်။

         “ပိုမိုကျယ်ပြန့်တဲ့ကမ္ဘာတစ်ဝန်းတိုးတက်မှု” ကို တည်ဆောက်ရေးဆိုရာမှာ နိုင်ငံတိုင်းအတူ တကွ တိုးတက်ရေးဖြစ်ပြီး၊ ရှေ့ရောက်နေတဲ့နိုင်ငံများက စိတ်ထားဖြူစင်စွာ အခြားနိုင်ငံများ တိုးတက်ရေးအတွက် လုပ်ကိုင်ဆောင်ရွက်ရမှာဖြစ်သလို အများအတွက် ကဏ္ဍသစ်များ ပိုမိုလမ်း ဖွင့်ပေးရာမှာ ဖြစ်ပါတယ်။ နိုင်ငံကြီးတွေအနေနဲ့ တာဝန်ယူမှု၊ တာဝန်ခံမှုရှိရမှာ ဖြစ်သလို၊ ကမ္ဘာ့ တိုးတက်ရေးအတွက် ကိုယ်ဖိရင်ဖိကြိုးစားလုပ်ကိုင်ကြရမှာ ဖြစ်ပါတယ်။

         “ပိုမိုတန်ပြန်နိုင်စွမ်းကောင်းတဲ့ ကမ္ဘာ့တစ်ဝန်းတိုးတက်မှုကို တည်ဆောက်နိုင်ရေးဆိုတာကို ခါတိုင်းအချိန်များထက် တိုးတက်ရေးပြဿနာကို ပိုမိုအလေးထားဘို့လိုပါတယ်။ ကမ္ဘာ့စီးပွားရေး ပြန်လည် နိုးထလာရေးတည်ဆောက်မှုမှာ မိတ်ဖက်ဆက်ဆံရေးရရှိမှာဖြစ်သလို၊ တိုးတက်ရေးကို ဦးစားပေးတဲ့၊ ပြည်သူသာပဓာနဆိုတဲ့ခံယူချက်နှင့် တိုးတက်ဆဲနိုင်ငံများရဲ့ အခက်အခဲကို အစဉ် အလေးထားကာ တိုးတက်ဆဲနိုင်ငံများက ဦးစားပေးအလေးထားတဲ့ မူဆိုင်ရာကိစ္စရပ်များကိုလည်း လေးစားဘို့ လိုပါတယ်။ တရုတ်နိုင်ငံအနေနှင့် လူသားများရဲ့တိုးတက်ရေးမှာ တာဝန်ယူမှု/ တာဝန်ခံမှုအပြည့်နဲ့လုပ်ကိုင်သွားမှာဖြစ်ပြီး၊ ခေတ်မီနိုင်ငံလမ်းကြောင်းပေါ်သို့ စဉ်ဆက်မပြတ်  လျှောက်လှမ်းနေတဲ့ တရုတ်နိုင်ငံဟာ ကမ္ဘာကြီးအတွက် အခွင့်အလမ်းတွေ ပိုမိုပေးစွမ်းနိုင်မှာ ဖြစ်သလို၊ နိုင်ငံတကာ ပူးပေါင်းဆောင်ရွက်မှုအတွက် အားသစ်ပိုမိုလောင်းပေးနိုင်မှာ ဖြစ်ကာ၊ လူသားအားလုံး တိုးတက်ရေးအတွက် ဆထက်ထမ်းပိုး စွမ်းဆောင်နိုင်မှာဖြစ်ပါတယ်။

         ဒီလို အားရှိစေတဲ့ စကားတွေပြောကြားသွားတဲ့ တရုတ်သမ္မတရှီကျင့်ဖျင်က “တရုတ်နိုင်ငံ အနေနဲ့ မိမိတို့ နိုင်ငံတိုးတက်မှုကြောင့် ကမ္ဘာတစ်ဝှမ်းအခွင့်အလှမ်းများရရှိလာစေမှာ ဖြစ်ကြောင်း၊ လူသားအားလုံး တိုးတက်ရေးအတွက် တရုတ်နိုင်ငံအနေနဲ့ တာဝန်ယူမှု၊ တာဝန်ခံမှုအပြည့်နဲ့ လုပ်ကိုင် သွားဘို့ စိတ်သဘောထားရှိကြောင်း အတိအလင်းပြောကြားခဲ့ပါတယ်။

         ခေါင်းဆောင်များရဲ့ ထိပ်သီးဆွေးနွေးပွဲမှာ တရုတ်သမ္မတရှီကျင့်ဖျင်ဟာ နိုင်ငံခြားရေးဆွေးနွေး ပွဲများဖြစ်တဲ့ နှစ်နိုင်ငံဆွေးနွေးပွဲများ၊ နိုင်ငံအများတွေ့ဆုံပွဲများကို ခပ်စိတ်စိတ် တက်ရောက်သလို တရုတ်ကွန်မြူနစ်ပါတီာ ၂၀ ကြိမ်မြောက်ပြည်လုံးကျွတ်ကွန်ကရက်က ချမှတ်ထားသည့် တရုတ်နိုင်ငံ အနာဂတ်တိုးတက်ရေး ရည်မှန်းချက်နှင့် ပေါ်လစီလမ်းညွှန်ချက်များကို နိုင်ငံအများ သိရှိနားလည်အောင် မိတ်ဆက်ပေးခဲ့ပါတယ်။ ခေါင်းဆောင်များအကြား ကျယ်ပြန့်နက်နဲစွာ ဆွေးနွေးမှုများကြောင့် ခေတ်သစ်တရုတ်နိုင်ငံရဲ့ အနာဂတ်တိုးတက်ရေး လမ်းကြောင်းများကို နိုင်ငံအများပိုမိုသိရှိနားလည် ထားသလို တရုတ်နိုင်ငံကိုယ်တိုင်တိုးတက်မှုကနေ ကမ္ဘာကြီးကို တိုးတက်ရေးဆိုတဲ့ ရည်မှန်းချက် အပေါ် ပိုမိုမျှော်လင့်ချက်ထား ယုံကြည်အားကိုးလာခဲ့ပါတယ်။

         ကမ္ဘာဘဏ်ရဲ့ နောက်ဆုံးစာရင်းထုတ်ပြန်ချက်အရ ၂၀၁၃ ခုနှစ်ကနေ ၂၀၂၁ ခုနှစ်အတွင်း တရုတ်နိုင်ငံရဲ့ ပျှမ်းမျှတိုးတက်မှုဟာ ကမ္ဘာတစ်ဝှမ်းစီးပွားရေးတိုးတက်မှုအတွက် (၃၈၆) စွမ်းဆောင် နိုင်ခဲ့ပြီး နိုင်ငံရဲ့ ဒေသပေါင်း ၁၄၀ ရဲ့ အဓိက ကုန်သွယ်ဖက်နိုင်ငံဖြစ်ခဲ့သလို ကုန်သွယ်မှုပမာဏမှာ လည်း ကမ္ဘာမှာဗိုလ်စွဲနေပါတယ်။ မကြာသေးခင်ကဘဲ တရုတ်နိုင်ငံဟာ (၅) ကြိမ်မြောက်သွင်း ကုန်ပြပွဲကို အောင်မြင်စွာကျင်းပခဲ့ပြီး နိုင်ငံဒေသနှင့် နိုင်ငံတကာအဖွဲ့အစည်းပေါင်း ၁၄၅ နိုင်ငံ တက်ရောက်ပါဝင်ခင်းကျင်းပြသခဲ့ကာ တစ်နှစ်လုံးရဲ့ ရည်မှန်းကုန်သွယ်မှုပမာဏ အမေရိကန်ဒေါ်လာ သန်း၉၇၃၅၂၀) ရှိခဲ့ပါတယ်။

         လက်ရှိ “BRI”စီမံကိန်းသတင်းကောင်းများစွာ ကြားနေရပြီးဖြစ်ပါတယ်။ အင်ဒိုနီးရှား ဂျာကာတာ- ဗန်တောင်း အမြန်ရထားလမ်းတစ်စိတ်တစ်ပိုင်း စမ်းသပ်ပြေးဆွဲမှုစတင်ခြင်း၊ ကမ္ဘောဒီးယား ဖနွမ်ပင်-သီဟာနုပြည်နယ်ဆိပ်ကမ်း အမြန်လမ်းဖွင့်လှစ်ခြင်း၊ တရုတ်-လာအိုရထားလမ်း၊ ကုန်တင်ပြေးဆွဲ ခြင်းစတဲ့ “BRI”စီမံကိန်းလက်တွဲအကောင်အထည်ဖော်မှုများဟာ လူအများ ဝမ်းပန်းတသာ ကြိုဆိုကြတဲ့ အပြည်ပြည်ဆိုင်ရာအများအကျိုးပြုစီမံကိန်းတွေဖြစ်လာနေသလို အပြည်ပြည်ဆိုင်ရာပူးပေါင်းရွက် အတွက် စင်မြင့်တစ်ခုလည်းဖြစ်လာနေသော သန်းပေါင်းများစွာ ပြည်သူလူထုများလည်း ဒီအောင် သီးအောင်ပွင့်တွေကို ခံစားကြမှာဖြစ်ပါတယ်။ တရုတ်ဝိသေသလက္ခဏာဆောင်တဲ့ ခေတ်မီတိုးတက်မှု အောင်သီးအောင်ပွင့်များဟာ တစ်ကမ္ဘာလုံးခံစားခွင့်ရခဲ့သလို ကမ္ဘာကြီး ငြိမ်းချမ်းနိုင်ဘို့ ဒီထက် ကောင်းတဲ့၊ ဒီထက်တန်းတူညီမျှတဲ့ တိုးတက်မှုများရရှိဘို့ အရေးကြီးစွမ်းဆောင်မှုများ ပြုနိုင်ခဲ့ပါ တယ်။ ပြင်သစ်သမ္မတ အီဗန်နျူယက်မက်ခွန်းက ဘာလီကျွန်းတွင် တရုတ်သမ္မတရှီကျင့်ဖျင်နဲ့ တွေ့ဆုံရာမှ တရုတ်ဝိသေသလက္ခဏာဆောင်တဲ့ ခေတ်မီ တိုးတက်မှုပုံစံဟာ အားကျဖွယ်ကောင်း ကြောင်း အတိအလင်း ထုတ်ဖော်ပြောကြားခဲ့ပါတယ်။

         နိုင်ငံခြားပညာရှင်တစ်ယောက်ပြောသွားခဲ့သလိုပါပဲ..၊ ကမ္ဘာ့လူသားတွေဟာ စိန်ခေါ်မှုတွေ ပြည့်နှက်နေတဲ့ ခေတ်ကြီးထဲ ရောက်နေသလို အဲဒီခေတ်ကြီးဟာလည်း မျှော်လင့်ချက်အပေါင်းနဲ့ ပြည့်နှက်နေတဲ့ ခေတ်ကြီးလည်း ဖြစ်နေပါတယ်။ ဒါကြောင့်  တရုတ်နိုင်ငံတိုးတက်မှုက ကမ္ဘာကြီးအတွက် အခွင့် အလမ်းတွေ ပိုမိုရရှိအောင် နိုင်ငံတိုင်းနှင့်  လက်တွဲပြီး အောင်သီး အောင်ပွင့်များမျှဝေခံစားနိုင်ဘို့၊ စိန်ခေါ်မှုများကို ကျော်ဖြတ်ရင်း လူသားအားလုံးရဲ့ တူညီသော လှပတဲ့အနာဂတ်အတွက် တရုတ်နိုင်ငံက နိုင်ငံအားလုံးနှင့်အတူ လက်တွဲရင်ဆိုင်လျှောက်လှမ်း သွားဖို့ အချိန်ဖြစ်ကြောင်းတင်ပြရပါတယ်။

KZ -ရေးသားသည်

Published 27 Nov 2022

တရုတ်နိုင်ငံတောင်ပိုင်း ကွမ်ရှီးပြည်နယ်က ယူလင်းပြည်နယ်က ကြက်မွေးမြူရေးစခန်းတစ်ခုမှာ မွေးမြူရေးလုပ်ငန်းတွေ တိုးတက်ဖို့အတွက် စက်ရုပ်နှင့် ဒစ်ဂျစ်တယ် ပလက်‌ဖောင်းတွေကို စတင်အသုံးပြုနေပါတယ်။

မွေးမြူရေးစခန်းမှာ စမ်းသပ်မှုတွေပြုလုပ်ပြီးနောက် နိုဝင်ဘာလကစပြီး ဒစ်ဂျစ်တယ် ပလက်ဖောင်းကို စတင်အသုံးပြု ဆောင်ရွက်နေတာဖြစ်ပါတယ်။  ကြက်လှောင်အိမ်ထဲမှာရှိတဲ့ အတန်းတစ်တန်းစီက ကြက်တွေကို စက်ရုပ်တစ်ရုပ်က မျက်မြင်စစ်ဆေးပေးပါတယ်။ အပူချိန်၊စိုထိုင်းဆ၊အလင်းရောင်အခြေအနေနှင့် နေမကောင်းတဲ့၊သေသွားတဲ့ကြက်တွေရဲ့ အနေအထားစတာတွေကို ဒစ်ဂျစ်တယ်ပလက်ဖောင်းကနေ ပြသပေးနေပါတယ်။အဲဒီသတင်းအချက်အလက်တွေဟာ ဝန်ထမ်းတွေရဲ့လက်ကိုင်ဖုန်းတွေဆီမှာ ထည့်သွင်းထားတဲ့ အက်ပလီကေးရှင်းတွေဆီ စဉ်ဆက်မပြတ်ပို့လွှတ်ပေးနေပါတယ်။

“ အရင်တုန်းက ကြက်အကောင်ငါးထောင်ကို မျိုးဖောက်သူတစ်ဦးထားခဲ့ရာက အခု ကြက်အကောင် တစ်သိန်းရှစ်သောင်းကို တစ်ယောက်အထိ ရလာပါတယ်”လို့ စိုက်ပျိုးရေးနှင့် တိရိစ္စ္ဆာန် မွေးမြူရေးခြံများရဲ့ နည်းပညာ ဒါရိုက်တာ လီဖားရှန်းက ပြောပါတယ်။

သေနေတဲ့ကြက်တွေရဲ့ ၉၉ရာခိုင်နှုန်းလောက်အထိ စက်ရုံတွေက သိနိုင်ကြတယ်လို့ ဝန်ထမ်းတစ်ဦးကပြောပါတယ်။  စက်ရုပ်ပေါ်မှာရှိတဲ့ အမှတ်အသားကနေ အလုပ်သမားတွေဟာ ဖျားနာနေတဲ့ သေနေတဲ့ကြက်တွေကို ရှာနိုင်ကြတာ ဖြစ်ပါတယ်။

ကွမ်ရှီးက စိုက်ပျိုးရေးလုပ်ငန်းတွေကို big data(ဘစ်ဒေတာ)နှင့်ပေါင်းစပ်ဖို့အတွက် ဉာဏ်ရှိတဲ့ မွေးမြူရေးသုံး စက်ရုပ်တွေကို ရွေးချယ်အသုံးပြုတာဟာ အထင်ကရ စီမံကိန်းတစ်ခုဖြစ်နေပါတယ်။ ဒါဟာ  အမေရိကန်ဒေါ်လာ ၉.၈၁ သန်းနှင့်ညီမျှတဲ့ ရင်းနှီးမြှပ်နှံမှု ယွမ် သန်း၇၀ကျော်ရှိတဲ့ အလိုအလျောက်ထိန်းချုပ်သည့် ဉာဏ်ရည်ရှိစိုက်ပျိုးမွေးမြူရေး ဂေဟနည်းကျလူ့အသိုက်အဝန်းစီမံကိန်းကြီးရဲ့ အစိတ်အပိုင်းလည်းဖြစ်ပါတယ်။

“ ကြက်ဥတွေနှင့် မွေးမြူရေးလုပ်ငန်းအတွက် ဒစ်ဂျစ်တယ်စီမံခန့်ခွဲမှုပလက်ဖောင်း သုတေသနနှင့်ဖွံ့ဖြိုးရေးလုပ်ငငန်းဟာ ထုတ်လုပ်မှုကုန်ကျစရိတ်ကို သိသာစွာလျှော့ချပေးပါတယ်။  ကျေးလက်ဒေသဖွံ့ဖြိုးတိုးတက်ရေးကို အရည်အသွေးမြင့် ဒစ်ဂျစ်တယ်စိုက်ပျိုးရေးတိုးတက်မှုနှင့်အတူ လုပ်ဆောင်ဖို့ ကျွန်တော်တို့အားပေးနေပါတယ်” လို့ အဲဒီ ခြံရဲ့ ဘုတ်အဖွဲ့ ဥက္ကဋ္ဌ တန်ရှန်ဆောင်းက ပြောပါတယ်။

Source: CCTV Plus

#Robots_and_Digital_platforms_in _livestock

#China_ Guangxi

#China_Modern_farming

Published 23 Nov 2022

တရုတ်နိုင်ငံက မင်သက်ရှုမောဘွယ်ရာ နေရဲ့မျက်နှာပြင် သိပ္ပံနည်းကျ ပုံရိပ်တွေကို တနင်္လာနေ့က ထုတ်ပြန်ပေးလိုက်ပါတယ်။ ကမ္ဘာပေါ်မှာ တစ်ခုတည်းသော စက်ဖြစ်တဲ့HXI လို့ခေါ်တဲ့ တောင့်တင်းသော အိတ်စ်ရေးပုံရိပ်စက်ကနေ ပထမဆုံးထုတ်လုပ်ပေးလိုက်တဲ့ ပုံတွေလည်းဖြစ်ပါတယ်။

တရုတ်သိပ္ပံအကယ်ဒမီရဲ့ ခရမ်းတောင်တန်း နက္ခတ်တာရာ စူးစမ်းလေ့လာရေးဌာနက ထုတ်ပြန်လိုက်တဲ့ ယခုပုံတွေကို အောက်တိုဘာလကလွှတ်တင်ခဲ့တဲ့ တရုတ်ရဲ့ ကောဖူး-၁ ဂြိုဟ်တုနှင့် ယင်းရဲ့ ခေတ်မီအကာကာသအခြေခံ နေစူးစမ်းလေ့လာရေးအဖွဲ့တို့ ကနေ ဖမ်းယူ ရရှိခဲ့တာပါ။

ယခုထုတ်ပြန်တဲ့ပုံတွေထဲမှာ ယခုနှစ် နိုဝင်ဘာ ၁၁ရက်နေ့ နေ့လယ်တစ်နာရီမှာ နေကနေဖြာထွက်လာတဲ့ အမ်အဆင့် အလင်းတန်းတွေကို တွေ့ကြရမှာဖြစ်ပါတယ်။

Source CCTV+

#World_News
Published 15 Nov 2022

တရုတ်မီဒီယာအုပ်စုက ထုတ်လုပ်တဲ့ “ရှီကျင့်ဖျင်၏ အထူးခြားဆုံးကိုးကားစရာများ” ဇာတ်လမ်းရုပ်ရှင်နှင့် “ ခရီးသစ်ပေါ်က တရုတ်ပြည်” သတင်းဇာတ်ကားတို့ကို အင်ဒိုနီးရှားနှင့် ထိုင်းဘာသာစကားများဖြင့် ဆက်လက်ထုတ်လုပ်ခဲ့တယ်လို့ CGTNက သတင်းရေးသားပါတယ်။

အဆိုပါ ဇာတ်ကားနှစ်ကား တရားဝင်ထုတ်လုပ်တဲ့အခမ်းအနားကို နိုဝင်ဘာ ၁၄ ရက် တနင်္လာနေ့က တရုတ်နိုင်ငံ ဘေဂျင်းမြို့မှာကျင်းပခဲ့ရာမှာ တရုတ်မီဒီယာအုပ်စုရဲ့ ဥက္ကဋ္ဌ ရှန် ဟိုင်းရှုန်းက အမှာစကားပြောကြားခဲ့ပြီး အင်ဒိုနီးရှား၊ ထိုင်း၊ကမ္ဘောဒီယား၊ အိန္ဒိယ၊လာအို၊ နိုက်ဂျီးရီးယား၊ပါကစ္စတန်၊သီရိလင်္ကာ၊တူရကီနှင့် အခြားနိုင်ငံတွေမှ မီဒီယာ ကိုယ်စားလှယ်တွေ တက်ရောက်ခဲ့ကြပါတယ်။

“ရှီကျင့်ဖျင်၏ အထူးခြားဆုံးကိုးကားစရာများ” ဇာတ်ကားဟာ တရုတ်နိုင်ငံရဲ့ ရိုးရာယဉ်ကျေးမှုအပေါ် ရှီရဲ့နက်ရှိုင်းစွာနားလည်မှုနှင့် ကမ္ဘာ့အကြီးဆုံးဖွံ့ဖြိုးဆဲနိုင်ငံတစ်ခုကို ဘယ်သို့စီမံအုပ်ချုပ်မည်ဆိုတဲ့ သူ့ရဲ့ ခံယူချက်အမြင်တွေကို ဖော်ကျူးထားတယ်လို့ဆိုပါတယ်။

“ခရီးသစ်ပေါ်ကတရုတ်ပြည်” ဇာတ်ကားကတော့ တရုတ်နိုင်ငံရဲ့ခေတ်မီဖွံ့ဖြိုးတိုးတက်ရေးဆောင်ရွက်မှုတွေနှင့် တကယ့်ဘဝဇာတ်လမ်းတွေနှင့် အတူယူစရာတွေကို ဖော်ကျူးထားကြောင်း သတင်းမှာဖော်ပြထားပါတယ်။

အခမ်းအနာမှာ “ရှီကျင့်ဖျင်၏ အထူးခြားဆုံးကိုးကားစရာများ” ဇာတ်ကားကို ထိုင်းနိုင်ငံမှာ အွန်လိုင်းကနေပြသမယ်လို့ TVRI အင်ဒိုနီးရှား ဒုတိယဥက္ကဋ္ဌ အန်ဒီအက်စ်ရူဆန်နီ ဖာယူဆန်နှင့် ထိုင်းနိုင်ငံ နေရှင်းအုပ်စု စီမံခန့်ခွဲရေးအမှုဆောင် အဒီဆက်လင်ပါရန်ပက်တန်နာကစ်တို့က ရှန်နှင့်အတူကြေညာပါတယ်။ အဲဒီအပြင် “ခရီးသစ်ပေါ်ကတရုတ်ပြည်” ဇာတ်ကားကိုလည်း ထိုင်း၊ကမ္ဘောဒီးယား၊ အိန္ဒိယ၊ လာအို၊ နိုက်ဂျီးရီးယား၊ပါကစ္စတန်၊သီရိလင်္ကာနှင့် တူရကီနိုင်ငံတွေက အဓိကရုပ်သံလိုင်းတွေက ပြသသွားမယ်လို့လည်းကြေညာခဲ့ပါတယ်။

Source CGTN
#Classics_Quoted_by_Xi_Jinping
#China_on_a_New Journey

Published 6 Nov 2022

တရုတ်နိုင်ငံက အမှီအခိုကင်းစွာ တည်ဆောက်ခဲ့တဲ့ အကြီးစား ယူအေဗွီ ဒရုန်း ဝင်းလွန်း ဝမ်း အီး Wing Loong-1E ကို တရုတ်နိုင်ငံ ကွမ်တုံပြည်နယ် ကျူးဟိုင်းမြို့မှာ အင်္ဂါနေ့ ကျင်းပမယ့် တရုတ်လေကြောင်းပြပွဲ ၂၀၂၂ မှာ ပြသတော့မှာ ဖြစ်ပါတယ်။

အဆိုပါအကြီးစားလူမဲ့ ဒရုန်လေယာဉ်ကို AVIC(ချန်ဒူး) UAVစနစ်ကုမ္ပဏီက တည်ဆောက်ထားတာဖြစ်ပါတယ်။ Wing Loong-1E ဟာ ဝင်းလွန်း ယူအေဗွီ မိုဒယ်အတွဲထဲမှာ နောက်ဆုံးထုတ်ပုစံဖြစ်ပြီး ယူအေဗွီပလက်ဖောင်းကို အဆင့်မြှင့် တင်ထားပါတယ်။

“ ဝင်လွန်း ယူအေဗွီမိသားစုအတွက်  ပျံသန်းချိန်ပေါင်း တစ်သိန်းလေးသောင်းကျော်နှင့် နည်းပညာဖွံဖြိုးတိုးတက်မှု နှစ်ပေါင်းများစွာ အတွေ့အကြုံတွေကို စုစည်းထားပါတယ်။ ဒီအတွေ့အကြုံတွေအားလုံးကို မိုဒယ်လ်အသစ်နှင့် ပလက်ဖောင်းအသစ် တည်ဆောက်ရာမှာ အသုံးချထားပါတယ်။  ဝန်အား တစ်တန်မှ နှစ်တန်ထိ သယ်ဆောင်နိုင်တဲ့ အခြားသော ကမ္ဘာ့ ဒရုန်းတွေအကြား ယှဉ်ပြိုင်နိုင်စွမ်းရှိအောင်တည်ဆောက်ထားပါတယ်” လို့ ဒရုန်းအသစ်ရဲ့ ဒီဇိုင်း အင်ဂျင်နီယာချုပ် တန်ယောင်းက ပြောပါတယ်။

ဒရုန်းကို ပြီးခဲ့တဲ့ ဇန်နဝါရီမှာ ကနဦးပျံသန်းမှု ပြီးဆုံးခဲ့ပါတယ်။ အဲဒီအပြင် မြေပြန့်လွင်ပြင်တွေ၊ ကုန်းမြေမြင့်တွေနှင့် ဝန်သုံးပျံသန်းမှုတွေအပါအဝင်စမ်းသပ်ပျံသန်းမှုများစွာလည်းပြီးဆုံးခဲ့ပါတယ်။

ဝင်လွန်း-၁ နှင့်  ဝင်းလွန်း-၂ အပါအဝင် အခြားသော ဝင်လွန်း ယူအေဗွီမိသားစုဝင် ဒရုန်းတွေကိုလည်း နိုဝင်ဘာ ၁ရက်မှ ၈ရက်အထိ ပြုလုပ်မယ့် အဲဒီပြပွဲမှာ ပြသမယ်လို့လည်း တန်က ပြောပါတယ်။

“ ဝင်လွန်း၁ နှင့် ဝင်းလွန်း ၁- အီး တို့ကို ကင်းထောက်ရာနှင့် တိုက်ခိုက်ရာမှာ အဓိက အာရုံစိုက်ထားပါတယ်။ ဝင်းလွန်း-၂ ကို ကင်းထောက်ရာ၊တိုက်ခိုက်ရာနှင့်  အီလက်ထရိုမဂ္ဂနက်တစ်စွက်ဖက်မှု၊အီလက်ထရွန်းနစ် ကင်းထောက်မှုနှင့် ရေဒါ ကင်းထောက်မှုတို့လိုမျိုး အထူးစစ်ဆင်ရေးတွေအတွက် လုပ်ဆောင်မှုတွေ ထည့်သွင်းထားပါတယ်။ အနာဂတ်မှာ လာမယ့် မိုဒယ်အသစ်တွေမှာ ပိုမိုကျယ်ပြန့်စွာ အသုံးချနိုင်တာတွေပါဝင်လာမှာပါ” လို့လည်း တန်ကပြောပါတယ်။

Source CCTV+

#Local_News
Published_ 6 November 2022

တရုတ်နိုင်ငံသည် မြန်မာနိုင်ငံတည်ငြိမ်ဖွံ့ဖြိုးတိုးတက်ရေးအတွက် အပြုသဘောဆောင်သောအခန်းကဏ္ဍမှ ဆက်လက်ပါဝင်လိုကြောင်း မြန်မာနိုင်ငံဆိုင်ရာ တရုတ်သံအမတ်ကြီး Mr. Chen Hai ကပြောကြားခဲ့သည်၊၊

နိုဝင်ဘာလ ၄ ရက်တွင် မြန်မာနိုင်ငံဆိုင်ရာတရုတ်သံရုံးက ကြီးမှူးကျင်းပသည့်“တရုတ်ကွန်မြူနစ်ပါတီ၏ (၂၀) ကြိမ်မြောက် နိုင်ငံလုံးဆိုင်ရာပါတီညီလာခံနှင့် တရုတ်-မြန်မာဖွံ့ဖြိုးတိုးတက်ရေး၊ ပူးပေါင်းဆောင်ရွက်ရေး အခွင့်အလမ်းသစ်များ”ဖိုရမ် ၌ သံအမတ်ကြီးက ယင်းကဲ့သို့ ထည့်သွင်းပြောကြားခဲ့ခြင်းဖြစ်သည်၊၊

အဆိုပါဖိုရမ်တွင် မြန်မာနိုင်ငံရှိ နိုင်ငံရေးပါတီများ၊ တတ်သိပညာရှင်အဖွဲ့များနှင့် မီဒီယာများထံသို့ တရုတ်ကွန်မြူနစ်ပါတီ၏ (၂၀) ကြိမ်မြောက် နိုင်ငံလုံးဆိုင်ရာပါတီညီလာခံအကြောင်းကိုလည်း သံအမတ်ကြီးက မိတ်ဆက်ပြောကြားခဲ့သည်၊၊

သံအမတ်ကြီး Mr. Chen Hai က "တရုတ်ကွန်မြူနစ်ပါတီ၏ (၂၀) ကြိမ်မြောက် နိုင်ငံလုံးဆိုင်ရာပါတီညီလာခံ၏ အနက်အဓိပ္ပါယ်၊ အောင်မြင်မှုရလဒ်များနှင့် အကျိုးသက်ရောက်မှုများကို မိတ်ဆက်ပေးခဲ့ပြီး ညီလာခံ၏ အရေးကြီးဆုံး အောင်မြင်မှုရလဒ်မှာ Mr. Xi Jinping အမှူးပြုသည့် ဗဟိုခေါင်းဆောင်အဖွဲ့သစ်ကို ရွေးကောက်တင်မြှောက်နိုင်ခဲ့ခြင်းဖြစ်ကြောင်း၊

တရုတ်ပုံစံခေတ်မီမှုသည် တရုတ်နိုင်ငံ၏အခြေအနေနှင့် ကိုက်ညီမှုရှိပြီး ကမ္ဘာ့နိုင်ငံအသီးသီးအတွက် အရေးကြီးသော အခွင့်အလမ်းများနှင့် ကြီးမားသောအကျိုးကျေးဇူးများကို ဆောင်ကြဉ်းပေးမည်ဖြစ်ကြောင်း၊

မြန်မာနိုင်ငံသည် တရုတ်နိုင်ငံ၏ ချစ်ကြည်ရင်းနှီးသော အိမ်နီးချင်းနိုင်ငံဖြစ်ပြီး “The Belt and Road” လမ်းကြောင်းတစ်လျှောက်၏ အရေးပါနေရာတွင်ရှိသော နိုင်ငံလည်းဖြစ်ကြောင်း၊ တရုတ်နိုင်ငံသည် မြန်မာနိုင်ငံ တည်ငြိမ်ဖွံ့ဖြိုးတိုးတက်ရေးအတွက် အပြုသဘောဆောင်သော အခန်းကဏ္ဍမှ ဆက်လက်ပါဝင်လိုပြီး မြန်မာနိုင်ငံမှ မိမိ၏နိုင်ငံအခြေအနေနှင့်ကိုက်ညီသော ဖွံ့ဖြိုးတိုးတက်မှုလမ်းကြောင်းကို ရှာဖွေခြင်းအပေါ် ထောက်ခံအားပေးကြောင်း၊

မြန်မာနိုင်ငံ၏ ပြည်တွင်းငြိမ်းချမ်းရေးနှင့် ပြန်လည်သင့်မြတ်ရေး ဖော်ဆောင်မှုအပေါ် ပံ့ပိုးကူညီပေးပြီး “The Belt and Road” နှင့် တရုတ်-မြန်မာစီးပွားရေးစင်္ကြံကို မြန်မာနိုင်ငံနှင့် အတူတည်ဆောက်သွားရန် ဆန္ဒရှိကြောင်း၊ စိုက်ပျိုးရေး၊ မွေးမြူရေးနှင့် ရေထွက်ပစ္စည်းများ ကုန်သွယ်ရေး၊ အခြေခံအဆောက်အအုံတည်ဆောက်ရေး၊ လျှပ်စစ် စသည့်တို့ဆိုင်ရာ ပူးပေါင်းဆောင်ရွက်မှုများကို နက်ရှိုင်းစေပြီး မြန်မာပြည်သူများ အတော်အတင့်ချမ်းသာသောဘဝကို ဆောလျင်စွာ ပိုင်ဆိုင်နိုင်အောင် တွန်းအားပေးဆောင်ရွက်သွားမည်ဖြစ်ကြောင်း" သံအမတ်ကြီးက အလေးပေးပြောကြားခဲ့သည်။

တရုတ်ကွန်မြူနစ်ပါတီ၏ (၂၀) ကြိမ်မြောက် နိုင်ငံလုံးဆိုင်ရာပါတီညီလာခံ အောင်မြင်စွာ ကျင်းပပြီးစီးမှုအပေါ် မြန်မာနိုင်ငံမှ ပုဂ္ဂိုလ်များက ဂုဏ်ပြုကြပြီး တရုတ်နိုင်ငံ၏ ဖွံ့ဖြိုးတိုးတက်မှု အောင်မြင်မှုများကို များစွာချီးကျူးကြကာ တရုတ်နိုင်ငံ၏ ဖွံ့ဖြိုးတိုးတက်မှုအသစ်များက မြန်မာနိုင်ငံအပါအဝင် ဘေးပတ်ဝန်းကျင်နိုင်ငံများအတွက် အခွင့်အလမ်းသစ်များ ဆောင်ကြဉ်းပေးလာမည်ဟု မျှော်လင့်ကြသည်ဟု ဖော်ပြပါရှိသည်၊၊

နှစ်နိုင်ငံနှင့် နှစ်နိုင်ငံပြည်သူများသည် မြန်မာ-တရုတ် အစဉ်အလာဆွေမျိုးပေါက်ဖော်ချစ်ကြည်ရေးကို အမွေဆက်ခံသင့်ကြောင်း၊ နှစ်နိုင်ငံအတူ အဆိုပြုခဲ့သည့် ငြိမ်းချမ်းစွာအတူယှဉ်တွဲနေထိုင်ရေးမူကြီးငါးရပ်ကို ပြန့်ပွားအောင်ဆောင်ရွက်ပြီး ကဏ္ဍစုံ ကူးလူးဖလှယ်ပူးပေါင်းဆောင်ရွက်မှုများကို တိုးမြှင့်ကာ နှစ်နိုင်ငံပြည်သူများကို အကျိုးဖြစ်ထွန်းစေရန် ဆောင်ရွက်သင့်ကြောင်း ပြောကြားခဲ့ကြောင်း မြန်မာနိုင်ငံဆိုင်ရာတရုတ်သံရုံးမှသိရသည်၊၊

ymg/tthl
#Yangon_Media_Group