#Local_News
Published_ 8 November 2023

မြန်မာ-တရုတ် နှစ်နိုင်ငံပူးပေါင်းဆောင်ရွက်ရေးကိစ္စရပ်များ၊ ရခိုင်ပြည်နယ်မှနေရပ်စွန့်ခွာသူများ ပြန်လည်လက်ခံရေး ကိစ္စရပ်များနှင့်ပတ်သက်၍ ဝန်ကြီးဦးကိုကိုလှိုင်နှင့် သံအမတ်ကြီး H.E. Mr. Chen Hai တို့ တွေ့ဆုံဆွေးနွေးခဲ့ကြောင်း သိရပါတယ်။

ပြည်ထောင်စုအစိုးရအဖွဲ့ရုံးဝန်ကြီးဌာန (၂)ဝန်ကြီး ဦးကိုကိုလှိုင်သည် မြန်မာနိုင်ငံဆိုင်ရာ တရုတ်နိုင်ငံသံအမတ်ကြီး H.E. Mr. Chen Hai အား နိုဝင်ဘာ (၇) ရက်က နေပြည်တော်၌ လက်ခံတွေ့ဆုံခဲ့စဉ်ဆွေးနွေးခဲ့တာ ဖြစ်ပါတယ်။

တွေ့ဆုံစဉ် မြန်မာနိုင်ငံမှာ ဆောင်ရွက်နေတဲ့ လူသားချင်းစာနာထောက်ထားမှု အကူအညီပေးရေးဆိုင်ရာ ကိစ္စရပ်များနှင့် ပတ်သက်၍လည်း အမြင်ချင်းဖလှယ် ဆွေးနွေးခဲ့ကြကြောင်း သတင်းရရှိပါတယ်။

#ymg_mnn #Local_News #မြန်မာ-တရုတ်နှစ်နိုင်ငံ #ရခိုင်ပြည်နယ်မှနေရပ်စွန့်ခွာသူများ #Yangon_Media_Group

Published 6 November 2023

    မြန်မာအလုပ်သမားများ တရုတ်နိုင်ငံတွင် တရားဝင် နေထိုင်အလုပ်လုပ်ကိုင်ခွင့်ကိစ္စရပ်နဲ့စပ်လျဉ်းပြီး နှစ်နိုင်ငံ ဆွေးနွေးခဲ့ကြောင်းအလုပ်သမားဝန်ကြီးဌာန၏ သတင်းထုတ်ပြန်ချက်အရသိရသည်။

     တရုတ်ပြည်သူ့သမ္မတနိုင်ငံ၊နန်နင်းမြို့၌ ၂၀၂၃ ခုနှစ်၊ နိုဝင်ဘာလ ၃ ရက်မှ ၄ ရက်နေ့ အထိကျင်းပခဲ့သည့် အာဆီယံ-တရုတ်ဖိုရမ်သို့ အလုပ်သမားဝန်ကြီးဌာန ပြည်ထောင်စုဝန်ကြီး ဦးမြင့်နောင် နှင့်အဖွဲ့တတ်ရောက်ခဲ့စဉ် တရုတ်ပြည်သူ့သမ္မတနိုင်ငံ၊ ကူမင်းမြို့၌ တယ်ဟုန်းကိုယ်ပိုင်အုပ်ချုပ်ခွင့်ရဒေသ နှင့် ပေါင်စန်းဒေသ တို့မှ တာဝန်ရှိသူများနှင့် တွေ့ဆုံ၍ မြန်မာရွှေ့ပြောင်း အလုပ်သမားရေးရာကိစ္စများနှင့်ပတ်သက်၍ တွေ့ဆုံဆွေးနွေးခဲ့ခြင်းဖြစ်သည်။

 အဆိုပါ ဆွေးနွေးမှုများ တွင် ရွှေ့ပြောင်းအလုပ်သမားရေးရာကိစ္စရပ်များနှင့်ပက်သက်ပြီး  မြန်မာ-တရုတ်နှစ်နိုင်ငံအကြား အလုပ်သမားရေးရာ ပူးပေါင်းဆောင်ရွက်ရေးသဘောတူစာချုပ် ချုပ်ဆိုနိုင် ရေး ဆောင်ရွက်မှုအခြေအနေများ၊ မြန်မာအလုပ်သမားများ တရုတ်နိုင်ငံတွင် တရားဝင်နေထိုင် အလုပ်လုပ်ကိုင်ခွင့်ကိစ္စရပ်များ၊အပါအအဝင်  မြန်မာရွှေ့ပြောင်းအလုပ်သမားများအတွက် တရုတ်နိုင်ငံ၏ နိုင်ငံခြားသားအလုပ်သမားဥပဒေပါ အကျိုးခံစားခွင့်ကိစ္စရပ်များ ဆွေးနွေးခဲ့ကြောင်း သိရသည်။
Yangon Time/LW
#Local_News
#Published_ 06 November 2023
#YMG #Yangon_Times #Yangon_Media_Group

၅ နိုဝင်ဘာ ၂၀၂၃

တရုတ်ပြည်သူ့သမ္မတနိုင်ငံက မြန်မာနိုင်ငံ၏ အလျင်အမြန်တည်ငြိမ်ရေးကို အလွန့်အလွန်ယုံကြည်မျှော်လင့်ပြီး မြန်မာနိုင်ငံနှင့်အတူတကွ  ပူပေါင်းဆောင်ရွက်မှုသဘောထားနှင့် ဖွံဖြိုးတိုးတက်မှုရှာဖွေဆောင်ရွက်မှုများကို အမြဲထိန်းသိမ်းထားမယ်လို့ တရုတ်အစိုးရထိပ်တန်းသတင်းစာကြီးတစ်စောင်ဖြစ်တဲ့ ဂလိုဗယ်တိုင်းမ် သတင်းစာ ကြီးက မကြာသေးမီကရေးသားခဲ့ပါတယ်။

နိုဝင်ဘာ ၁ရက်က ရေးသားဖော်ပြခဲ့တဲ့ ဂလိုဗယ်တိုင်းမ်သတင်းစာကြီးရဲ့အယ်ဒီတာ့အာဘော်တွင် ယင်းကဲ့သို့ ဖော်ပြခဲ့ခြင်းဖြစ်ပြီး “ ယင်းဆောင်ရွက်မှုက နိုင်ငံတော်အဆင့်သာထင်ဟပ်နေရုံမျှမကဘဲ တရုတ်လူ့အဖွဲ့အစည်း အတွင်း ဘုံသဘောဆောင်လုံခြုံရေးသည် ကျယ်ပြန့်ခိုင်မြဲစွာ တစ်စိတ်တစ်ဝမ်းတည်း ခံစားနေကြသည့်အလျောက် တရုတ် လူ့အဖွဲ့အစည်း၏ စစ်မှန်သောသဘောထားကိုလည်း ကိုယ်စားပြုပါသည်” လို့ဆက်လက်ဖော်ပြထားပါတယ်။

ယင်းအပြင် “ကမ္ဘာလုံးဆိုင်ရာ လုံခြုံရေးဦီးစီးဦးရွက်ပြုမှု အစီအစဉ်တွင်ခေါင်းဆောင်မှုတို့ကို အပြည့်အဝသရုပ်ဖော်နေသည်။တရုတ်-မြန်မာ ပေါက်ဖော်ချစ်ကြည်ရေးသည် နက်ရှိုင်းလျက်ရှိနေသည်။ အိမ်နီးချင်းများသည် ချစ်ကြသူအချင်းချင်းတစ်ဦးနှင့်တစ်ဦးဆက်ဆံကြသလို တစ်ဦးကောင်းစား ရေး တစ်ဦးလိုလားကြသည်” လို့လည်း ဂလိုဗယ်တိုင်းမ် အယ်ဒီတာကဆိုပါတယ်။

“တရုတ်နိုင်ငံတော်ကောင်စီဝင် နှင့် ပြည်သူ့လုံခြုံရေးရာဝန်ကြီး ဝမ်ရှောင်းဟုန် Wang Xiaohong သည်  မြန်မာနိုင် သို့သွားရောက်လည်ပတ်ပြီး နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့် တွေဆုံခဲ့  ပါသည်။ ယင်းအပြင်သူသည်  မြန်မာနိုင်ငံပြည်ထဲရေးဝန်ကြီးဌာနပြည်ထောင်စုဝန်ကြီး ဒုတိယဗိုလ်ချုပ်ကြီး ရာပြည့်  နှင့်အတူ (၇)ကြိမ်မြောက် တရုတ်-မြန်မာ တရားဥပဒေစိုးမိုးရေးနှင့် လုံခြုံရေးပူးပေါင်းဆောင်ရွက်ရေး ဝန်ကြီး အဆင့် အစည်းအဝေးတွင် ပူးတွဲသဘာပတိအဖြစ်ဆောင်ရွက်ခဲ့ပါသည်။ ဝမ်သည် လူဝင်မှုကြီးကြပ်ရေးနှင့် ပြည်သူ့အင်အား  ဝန်ကြီးဌာန ပြည်ထောင်စုဝန်ကြီး ဦးမြင့်ကြိုင်နှင့်လည်းတွေ့ဆုံခဲ့ပါသည်”လို့ မကြာသေးမီက တရုတ်ဧည့်သည်တော် သွားရောက်ခဲ့တဲ့ခရီးစဉ်ကိုညွှန်းဆိုပြီး သတင်းစာကရေးသားပါတယ်။

“ ယခုခရီးစဉ်တွင် လုံခြုံရေးတွင် တာဝန်ရှိသည့် တရုတ်အကြီးတန်းအရာရှိများ ပါဝင်သည့်အလျောက်  နှစ်ဖက်စလုံး အတွက် သဘာဝအရပင် လုံခြုံရေးပူးပေါင်းဆောင်ရွက်ရေးသည် အဓိကအချက်တစ်ခုဖြစ်ခဲ့ပါသည်။  ခရီးစဉ်တွင် တရားဥပဒေ စိုးမိုးရေး၊အွန်လိုင်းဆက်သွယ်ရေးလိမ်လည်မှုများ၊အွန်လိုင်းလောင်းကစားများ တိုက်ဖျက်ရေး၊အကြမ်း   ဖက်မှုတန်ပြန်တွန်းလှန်ရေး၊မူးယစ်ဆေးဝါးထိန်းချုပ်ရေး၊ မဲခေါင်ဒေသ တရားဥပဒေစိုးမိုးရေးနင့်  အဓိကစီမံကိန်းကြီး   များ လုံခြုံရေးတို့တွင် နက်ရှိုင်းစွာပူးပေါင်းဆောင်ရွက်ရေးတို့ပါဝင်ပါသည်”

“ယခုခရီးစဉ်သည်  တရုတ်နိုင်ငံ၏ နိုင်ငံတကာလုံခြုံရေးပူးပေါင်းဆောင်ရွက်မှု၏ အကျဉ်းချုပ်ကို ထင်ဟပ်နေပါသည်။  နိုင်ငံတကာအသိုက်အဝန်းအတွက်  ယခုဆောင်ရွက်မှုများ၏ အရေးပါမှုများအပေါ် တိကျစွာနားလည်ခြင်းက အလွန် အရေးကြီးလှသည့် တရုတ်နိုင်ငံ၏ လုံခြုံရေးရှုထောင့်အပေါ် နားလည်သဘောပေါက်မှုကို ဖြစ်စေပါလိမ့်မည်။

ယခုနှစ်ဆန်းကတည်းက တရုတ်နိုင်ငံသည် နယ်စပ်ဖြတ်ကျော်အွန်လိုင်းဆက်သွယ်ရေးလိမ်လည်မှုများကို တိုက်ဖျက်ရန် ကြိုးပမ်း အားထုတ်မှုကို တစ်စိုက်မတ်မတ်မြှင့်တင်ခဲ့ပါသည်” လို့ သတင်းစာအယ်ဒီတာ့အာဘော်က ခရီးစဉ်ကိစ္စ အသေးစိတ်ကို ထုတ်ဖော်ရေးသားခဲ့ပါတယ်။

“နိုင်ငံများအကြား  နိုင်ငံရေးစနစ်များ၊လူမှုဖွံ့ဖြိုးမှုအဆင့်အတန်းများ ကွဲပြားခြားနားမှုများနှင့် အခြားသော အချက်အလက်များကြောင့် ကလိမ်ကကျစ်ဆန်လှသည့် ရာဇဝတ်မှုကျူးလွန်သူများကို ထိရောက်စွာနှိမ်နှင်းရေး အတွက် နယ်စပ်ဖြတ်ကျော်ပူးပေါင်းဆောင်ရွက်မှုတစ်ရပ်ရရှိရေးသည် သိပ်မလွယ်ကူလှပါ။ ဆိုလိုသည်မှာ နိုင်ငံများသည် ဤမျှ ဒုက္ခပေးနေသော အသားပိုအကြိတ်လုံးကိုအမြစ်ပြတ်ရှင်းလင်းပြီး ပြည်သူတို့၏ အဓိကစိုးရိမ်ပူပန်မှုများကိုဖယ်ထုတ်ပေးနိုင်ကောင်းပေးနိုင်စေရန် ဘမဆုတ်မနစ်သော ဆုံးဖြတ်ချက်များ၊ တစ်သတ်မတ်တည်းရှိသော မူဝါဒအရ  ပံ့ပိုးထောက်ခံမှုများနှင့်အတူ သိသာလုံလောက်သော ကြိးစားအားထုတ်မှုများ  ရင်းနှီးမြှပ်နှံရန် လိုအပ်ပါသည်” လို့လည်း အယ်ဒီတာက ရေးသားပါတယ်။

“ဒီလိုအခြေအနေမျိုးသာ အမေရိကန်နှင့်အခြားသော အနောက်နိုင်ငံများတွင်ဖြစ်လာမည်ဟု စဉ်းစားစိတ်ကူးမိပါက ယင်းတို့သည် ပါတီများက တစ်ဖက်နှင့်တစ်ဖက် တိုက်ခိုက်နိုင်သည့် နိုင်ငံရေး ဖဲချပ်များအဖြစ်အသွင်  ပြောင်းလဲ သွားနိုင်ဖွယ်ရှိသည်။  အရေးယူဆောင်ရွက်ရန် ဖင့်နှေးနေမှုကြာင့် ပြည်သူတို့၏ စစ်မှန်သော  အကျိုးစီးပွားများ  အပေါ် ကြီးမားသော အန္တရာယ်ဆက်လက် ဖြစ်နေစဉ်မှာပင် ပြင်းထန်လှသော အီလေးဆွဲနေသည့်   နိုင်ငံရေး  ယှဉ်ပြိုင်ပွဲတစ်ခု အဖြစ်ဦးတည်သွားလိမ့်မည်” လို့လည်း သတင်းစာအယ်ဒီတာ့အာဘော်က အနောက်နိုင်ငံ များကို ဝေဖန်ခဲ့ပါတယ်။

ဆက်လက်၍ “ အချို့သော အနောက်မီဒီယာများက တရုတ်လုံခြုံရေးဆိုင်ရာအရာရှိများ မြန်မာနိုင်ငံသို့သွားရောက် သည့်အပေါ်  လုံခြုံရေးပူးပေါင်းဆောင်ရွက်သည်ဆိုသည့်အပေါ် အနောက်ရှုထောင့်တစ်ခုဖြင့် ယင်းတို့ဗီဇအတိုင်း အဓိပ္ပါယ် ကောက်ခဲ့ကြသည်။ အချို့က အတွေးအခေါ်မျက်မှန်များတပ်ကာ မြန်မာသည် နိုင်ငံတကာအသိုက်အဝန်းမှ ကင်းကွာသည့်နိုင်ငံတစ်ခုအဖြစ် သွယ်ဝိုက်ညွှန်းဆိုကြကာ တရုတ်နှင့်မြန်မာတို့ လုံခြုံရေးပူးပေါင်းဆောင်ရွက်မှု နီးနီး ကပ်ကပ်ရှိလာနေခြင်းအပေါ် အတော့်ကိုနိုးကြားနေကြသည်။ အချို့က ယခုခရီးစဉ်ကို မြန်မာနိုင်ငံ မြောက်ပိုင်းတွင် လတ်တလောဖြစ်ပွားနေသည့် ပဋိပက္ခနှင့်ချိတ်ဆက်ကြသည်။ မြန်မာနိုင်ငံ၏ ပြည်တွင်းရေးကို တရုတ်နိုင်ငံက စွက်ဖက်ဖို့ သို့မဟုတ်ခြယ်လှယ်ဖို ကြိုးစားသည့် အင်အားကြီးနိုင်ငံတစ်ခုအဖြစ် တရုတ်နိုင်ငံကို ပုံဖော်ကြသည်။ စိတ်ကူးစဉ်းစားပုံတွေက သိပ်ကိုအနောက်တိုင်းဆန်လွန်းလှပါသည်။ အနောက်နိုင်ငံများ၏ နိုင်ငံရေးရေပေါ်ဆီ သမားများ၏ စိတ်ထဲတွင်ရှိနေကြသည့် လုံခြုံရေးအမြင်များကို ထင်ဟပ်နေသည်။ မြေပြင်က တကယ့်အခြေ အနေမှန်ကို ထင်ဟပ်နိုင်ခြင်းမရှိပါ” လို့လည်း အယ်ဒီတာက ရေးပါတယ်။

“ ကျွန်ုပ်တို့၏နည်းလမ်းတွင် အခြားနိုင်ငံများ၏ ပြည်တွင်းရေးကို အတင်း ဝင်ရောက်စွက်ဖက်ခြင်း သို့မဟုတ် ကျွန်ုပ်တို့၏ အလိုဆန္ဒအတိုင်း အခြားနိုင်ငံများကို အတင်းပုံစံပြောင်းရန်ကြိုးစားခြင်းတို့ ဘယ်သောအခါမျှ မပါဝင်ပါ။  အတိတ်တွင်ရော ၊ပစ္စုပ္ပန်မှာပါ တရုတ်သည် ယင်းကဲ့သို့သော အလုပ်မျိုးမလုပ်ခဲ့ပါ။ ပြီးတော့ အနာဂတ်မှာလည်း လုပ်မည်မဟုတ်ပါ။ ကျွန်ုပ်တို့၏ ရွေးချယ်မှုမှာ  ပြည်သူတို့၏သုခချမ်းသာကိုဦးစားပေးရန်ဖြစ်သည်။ ပြီးတော့ အပြန်အလှန်လေးစားမှုအခြေခံကာ ပြည်သူတို့ကို ထိခိုက်နာကျင်စေသည့် ထိုပြဿနာများကို ပပျောက်ရန် ပူးပေါင်းဆောင်ရွက်မှုနှင့် နှစ်ဘက်အကျိုးရှိသည့် နည်းလမ်းများကိုအသုံးပြုရန်ဖြစ်သည်။ မြန်မာပြည်မြောက်ပိုင်းရှိ လိမ်လည်မှုများကိုတိုက်ဖျက်နေခြင်းသည် ယင်း၏ နမူနာပြပုံစံတစ်ခုဖြစ်ပါသည်” လို့ ဂလိုဗယ်တိုင်းမ်သတင်းစာ အယ်ဒီတာ့အာဘော်က နိဂုံးချုပ်ရေးသားခဲ့ပါတယ်။

-ymg/knl

Published_ 04 November 2023

မြန်မာအပါအဝင်မဲခေါင်မြစ်နိုင်ငံများနှင့်အတူ အနာဂတ်ပူးပေါင်းဆောင်ရွက်မှုကို အစီအစဉ်ရေးဆွဲသွားပြီး စီးပွားရေးပြန်လည်ဦးမော့လာမှုနှင့် ဆန်းသစ်တီထွင် ဖွံ့ဖြိုးတိုးတက်မှုကို အတူမြှင့်တင်သွားမည်ဟုတရုတ်နိုင်ငံ လက်ထောက်နိုင်ငံခြားရေးဝန်ကြီး Mr. Nong Rong ပြောကြားခဲ့သည်။

(၁၀) ကြိမ်မြောက် လန်ချန်း-မဲခေါင် ပူးပေါင်းဆောင်ရွက်မှုအဆင့်မြင့်အရာရှိအစည်းအဝေးကို တရုတ်နိုင်ငံ လက်ထောက်နိုင်ငံခြားရေးဝန်ကြီး Mr. Nong Rong တက်ရောက်ရင်း ထည့်သွင်းပြောကြားခဲ့ခြင်းဖြစ်သည်။

လက်ထောက်နိုင်ငံခြားရေးဝန်ကြီး Mr. Nong Rong က ‘‘တရုတ်နိုင်ငံသည် အရည်အသွေးမြင့်ဖွံ့ဖြိုးတိုးတက် မှုဖြင့် တရုတ်ပုံစံခေတ်မီမှုကို ဖော်ဆောင်လျက်ရှိကြောင်း၊ ချစ်ခင်ရင်းနှီးခြင်း၊ ရိုးသားစွာဆက်ဆံခြင်း၊ အပြန်အလှန် အကျိုးဖြစ်ထွန်းခြင်း၊ အားလုံးပါဝင်ခြင်း ဟူသည့် အနီးတဝိုက် နိုင်ငံခြားရေးသဘောတရားကို ဆက်လက် အကောင်အထည်ဖော်ဆောင်ကာ မဲခေါင်မြစ်နိုင်ငံများနှင့်အတူ အနာဂတ်ပူးပေါင်းဆောင်ရွက်မှုကို အစီအစဉ် ရေးဆွဲသွားပြီး စီးပွားရေးပြန်လည်ဦးမော့လာမှုနှင့် ဆန်းသစ်တီထွင် ဖွံ့ဖြိုးတိုးတက်မှုကို အတူမြှင့်တင်သွား မည်ဖြစ်ကြောင်း၊ ဒေသခွဲဖွံ့ဖြိုးတိုးတက်မှုနှင့် လုံခြုံမှုကိုစီမံကာ လန်ချန်း-မဲခေါင်မြစ်ဝှမ်း စီးပွားရေးဖွံ့ဖြိုး တိုးတက်မှုခါးပတ်လမ်း တည်ဆောက်ရေးနှင့် လန်ချန်း-မဲခေါင်နိုင်ငံများ အေးအတူပူအမျှ အသိုက်အဝန်း တည်ဆောက်ရေးအတွက် ပိုမိုအားကောင်းသည့်တွန်းအား ထည့်သွင်းပေးသွားမည်ဖြစ်ကြောင်း’’ ပြောကြားခဲ့သည်။

အဆိုပါ အစည်းအဝေးတွင် နိုင်ငံအသီးသီးက လန်ချန်း-မဲခေါင်ပူးပေါင်းဆောင်ရွက်မှု စတင်သည့် ၇ နှစ်အတွင်း ရရှိသည့်ကောင်းမွန်များပြားသောရလဒ်များကို ချီးကျူးခဲ့ပြီး တရုတ်၊မြန်မာ၊ ကမ္ဘောဒီးယား၊ လာအို၊ ထိုင်း၊ ဗီယက်နမ်မှ ခြောက်နိုင်ငံမှ အဆင့်မြင့် အရာရှိများက တစ်နှစ်တာအတွင်း လန်ချန်း-မဲခေါင်ပူးပေါင်းဆောင်ရွက်မှု တိုးတက်မှုအခြေအနေကို ပြန်လည်သုံး သပ်ကာ ပူးပေါင်းဆောင်ရွက်မှု အတွေ့အကြုံများကို ခြုံငုံသုံးသပ်၍ နောက်တစ်ဆင့် ပူးပေါင်းဆောင်ရွက်မှုအတွက် နက်ရှိင်းစွာအမြင်ချင်းဖလှယ်ခဲ့ကြကြောင်း သိရသည်။

နေပြည်တော်သို့ရောက်ရှိနေစဉ်အတွင်း လက်ထောက်နိုင်ငံခြားရေးဝန်ကြီး Mr. Nong Rong သည် လန်ချန်း-မဲခေါင်ပူးပေါင်းဆောင်ရွက်မှု အထူးရန်ပုံငွေပံ့ပိုးမှုဖြင့် ဖော်ဆောင်သည့်ပူးပေါင်းဆောင်ရွက်မှုစီမံကိန်းများကိုလည်း သွားရောက်လေ့လာခဲ့ကြောင်းနှင့် အဆိုပါလှုပ်ရှားမှုအခမ်းအနားများကို မြန်မာနိုင်ငံဆိုင်ရာတရုတ်သံအမတ်ကြီး Mr. Chen Hai လည်းပါဝင်တက်ရောက်ခဲ့ကြောင်းသိရသည်။
#Yangon_Times/tthl
#Local_News
#Published_ 04 November 2023
#YMG #Yangon_Times #Yangon_Media_Group

Published_ 02 November 2023

တရုတ်နိုင်ငံမှ Industrial and Commercial Bank of China (ICBC) ရန်ကုန်ဘဏ်ခွဲသည် နယ်စပ်ဖြတ်ကျော် ဘဏ်အချင်းချင်းအကြား ယွမ်ငွေပေးချေမှု(CIPS)စနစ်တွင် အဖွဲ့ဝင်ဘဏ်အဖြစ် ပါဝင်လာပြီး ယွမ်ငွေပေးချေမှု လုပ်ငန်းများကို စတင်လုပ်ဆောင်နေကြောင်း မြန်မာနိုင်ငံဆိုင်ရာ တရုတ်သံရုံးမှသိရသည်။

အဆိုပါ Industrial and Commercial Bank of China (ICBC) ရန်ကုန်ဘဏ်ခွဲ၏ နယ်စပ်ဖြတ်ကျော် ဘဏ်အချင်းချင်းအကြား ယွမ်ငွေပေးချေမှုစနစ် (CIPS) တွင် တိုက်ရိုက်အဖွဲ့ဝင်ဘဏ်အဖြစ် လုပ်ငန်းစတင်ခြင်း အခမ်းအနားကို နိုဝင်ဘာလ ၁ ရက်နေ့တွင် ရန်ကုန်မြို့၌ ကျင်းပခဲ့သည်။

အခမ်းအနားတွင် သံအမတ်ကြီး Mr. Chen Hai က ‘ICBC ရန်ကုန်ဘဏ်ခွဲသည် CIPS စနစ်တွင် တိုက်ရိုက် အဖွဲ့ဝင်ဘဏ်အဖြစ် ပါဝင်ခြင်းကို ဂုဏ်ပြုခဲ့ပြီး ၂၀၂၁ ခုနှစ်တွင် တရုတ်-မြန်မာနှစ်နိုင်ငံက ယွမ်ငွေဖြင့် နယ်စပ်ကုန်သွယ်ရေးကို စာရင်းရှင်းလင်းသည့်စနစ် စတင်ထူထောင်ပြီးနောက် CIPS စနစ်ကို မြန်မာနိုင်ငံ၌ စတင်အသုံးပြုခြင်းဖြစ်ကြောင်း၊ ယင်းသည် တရုတ်-မြန်မာနှစ်နိုင်ငံက ယွမ်ငွေဖြင့် ပူးပေါင်းဆောင်ရွက်မှုတွင် ရရှိသည့် နောက်တစ်ခုအရေးပါတိုးတက်မှုဖြစ်ကာ ယွမ်ငွေကို မြန်မာနိုင်ငံ၌ အသုံးပြုခြင်းကို ပိုမိုတိုးတက်မှုအား ကိုယ်စားပြုနေကြောင်း၊ နှစ်နိုင်ငံဘဏ္ဍာရေး ပူးပေါင်းဆောင်ရွက်မှုနက်ရှိုင်းရေးနှင့် တရုတ်-မြန်မာကုန်သွယ်ရင်း နှီးမြှုပ်နှံမှု မြှင့်တင်ရေးအတွက် အကျိုးရှိကြောင်း၊ တရုတ်-မြန်မာနယ်ပယ်အသီးသီးမှ ပုဂ္ဂိုလ်များကလည်း အခွင့်အလမ်းကို အမိအရ ဆုပ်ကိုင်၍ တတိယအကြိမ်မြောက် “Belt and Road” နိုင်ငံတကာပူးပေါင်း ဆောင်ရွက် မှု ထိပ်သီးဖိုရမ်၏ သဘောတူညီချက်ရလဒ်များကို အတူတကွကြိုးပမ်းဖော်ဆောင်ကာ CIPS ဘဏ္ဍာရေး ဝန်ဆောင်မှုကို ကောင်းမွန်စွာအသုံးပြု၍ ငွေကြေးဆိုင်ရာ ပေါင်းစပ်ပါဝင်မှုကို မြှင့်တင်ပြီး နှစ်နိုင်ငံစီးပွားရေး အပြန်အလှန်အကျိုးပြု ဖွံ့ဖြိုးတိုးတက်မှုကို တိုးမြှင့်သွားရန် မျှော်လင့်ကြောင်း’ ထည့်သွင်းပြောကြားခဲ့သည်။

မြန်မာနိုင်ငံတော် ဗဟိုဘဏ်ဥက္ကဋ္ဌ ဒေါ်သန်းသန်းဆွေကလည်း ‘ ICBC ရန်ကုန်ဘဏ်ခွဲသည် CIPS စနစ်တွင် တိုက်ရိုက်အဖွဲ့ဝင် ဘဏ်အဖြစ် ပါဝင်ခြင်းသည် မြန်မာနိုင်ငံရှိ ဘဏ္ဍာရေးအဖွဲ့အစည်းများက မိမိနိုင်ငံ၌ပင် CIPS တစ်ကမ္ဘာလုံး စာရင်းရှင်းလင်းမှု ကွန်ရက်အား တိုက်ရိုက်အဆင်ပြေထိ ရောက်စွာ ပါဝင်နိုင်ခြင်းကို ဆိုလိုနေကြောင်း၊ တရုတ်နိုင်ငံသည် မြန်မာနိုင်ငံ၏ အကြီးဆုံးကုန်သွယ်ရေးမိတ်ဖက်နှင့် အကြီးဆုံးနိုင်ငံခြား ရင်းနှီးမြှုပ်နှံမှု နိုင်ငံဖြစ်ကြောင်း၊ CIPS စနစ်နှင့် ချိတ်ဆက်ခြင်းသည် မြန်မာ-တရုတ် နှစ်ဖက်ကုန်သွယ်ရေး၊ ရင်းနှီးမြှုပ်နှံမှုများ တိုးမြှင့်၍ သက်ဆိုင်ရာ ဆုံးရှုံးနိုင်ခြေများကို လျှော့ချပေးမည်ဖြစ်ကြောင်း’ အခမ်းအနား၌ ပြောကြားခဲ့သည်။

အောက်တိုဘာလ ၁၈ ရက်နေ့တွင် ICBC ရန်ကုန်ဘဏ်ခွဲသည် CIPS စနစ်နှင့် အောင်မြင်စွာချိတ်ဆက်ခဲ့ပြီး အောက်တိုဘာလ ၂၃ ရက်နေ့တွင် မြန်မာနိုင်ငံ၏ ပထမဆုံး CIPS တိုက်ရိုက်ဘဏ်အဖွဲ့ဝင်အနေဖြင့် နယ်စပ်ဖြတ်ကျော် ဘဏ်အချင်းချင်းအကြား ယွမ်ငွေပေးချေမှုလုပ်ငန်းကို စတင်လုပ်ဆောင်ခဲ့ကြောင်း မြန်မာနိုင်ငံဆိုင်ရာ တရုတ်သံရုံး၏ ထုတ်ပြန်ချက်အရသိရသည်။
#Yangon_Times/tthl
#Local_News
#Published_ 02 November 2023
#YMG #Yangon_Times #Yangon_Media_Group

Published_ 01 November 2023

နှစ်သက်တမ်း(၁၁၃)နှစ်ရှိပြီဖြစ်သည့် အောင်ဆန်းအားကစားကွင်း အသစ်ပြန်လည်တည်ဆောက်ရေးအတွက် တရုတ်နိုင်ငံမှ တရုတ်အင်ဂျင်နီယာအဖွဲ့ဝင်များမြန်မာနိုင်ငံသို့လာရောက်လေ့လာခဲ့ပြီး လုပ်ငန်းဆောင်ရွက် မှုများရှိခဲ့ကြောင်းအားကစားနှင့်လူငယ်ရေးရာဝန်ကြီးဌာနမှသိရသည်။

အောက်တိုဘာလ(၃၁)ရက်တွင်အားကစားနှင့်လူငယ်ရေးရာဝန်ကြီးဌာန၊ ပြည်ထောင်စုဝန်ကြီး ဦးမင်းသိန်းဇံ ရန်ကုန်မြို့ရှိ တရုတ်ပြည်သူ့သမ္မတနိုင်ငံ သံရုံးမှ စီးပွားရေးနှင့်ကူးသန်းရောင်းဝယ်ရေးသံမှူး Mr.OUYANG Daobing ဦးဆောင်သည့် ကိုယ်စားလှယ်အဖွဲ့အား တွေ့ဆုံခဲ့သည်ဟုဆိုသည်။

ယင်းကဲ့သို့တွေ့ဆုံစဉ် တရုတ်ပြည်သူ့သမ္မတနိုင်ငံ သံရုံးမှ စီးပွားရေးနှင့်ကူးသန်းရောင်းဝယ်ရေးသံမှူး Mr.OUYANG Daobing က မိတ်ဆက်စကားပြောကြားခဲ့ပြီး တရုတ်နိုင်ငံမှ အောင်ဆန်းအားကစားကွင်း အသစ်ပြန်လည် တည်ဆောက်ရေးအတွက် လာရောက်လေ့လာသည့် အင်ဂျင်နီယာအဖွဲ့များ၏ လုပ်ငန်းဆောင်ရွက်မှုများ တင်ပြခြင်းအပေါ် ပြည်ထောင်စုဝန်ကြီးက ပြန်လည်ဆွေးနွေးပြောကြားခဲ့ ကြောင်း သိရသည်။

အောင်ဆန်းအားကစားကွင်း(ခေါ်)ဗိုလ်ချုပ်အောင်ဆန်းအားကစားကွင်းသည် ဘက်စုံအားကစားကွင်းဖြစ်ပြီး ၁၉၀၈ခုနှစ်တွင်စတင်တည်ဆောက်ခဲ့ကာ ၁၉၁၀ခုနှစ်တွင်ပြီးစီးခဲ့ပြီး ယခုဆိုလျှင် နှစ်သက်တမ်း (၁၁၃)နှစ်ရှိပြီဖြစ်ကြောင်းသိရသည်။
#Yangon_Times/tthl
#Local_News
#Published_ 01 November 2023
#YMG #Yangon_Times #Yangon_Media_Group