၉ မေ ၂၀၂၅

မြန်မာနိုင်ငံဖွံ့ဖြိုးတိုးတက်ရေးနှင့်ငြိမ်းချမ်းရေးလုပ်ငန်းများတွင်ဆက်လက်ကူညီဆောင်ရွက်ပေးသွား မယ်လို့ တရုတ်သမ္မတရှီကျင့်ဖျင်က မြန်မာနစက ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး    မင်းအောင်လှိုင်ကို ပြောပါတယ်။

ရုရှားနိုင်ငံ မော်စကိုမြို့မှာ ၁၉၄၁-၁၉၄၅ မဟာမျိုးချစ်စစ်ပွဲကြီးအောင်ပွဲ နှစ်(၈၀)ပြည့် အထိမ်းအမှတ် စစ်ရေးပြအခမ်းအနားတက်ရောက်နေကြစဉ်မှာ တရုတ်သမ္မတရှီနှင့် ဗိုလ်ချုပ်မှူးကြီးတို့ တွေ့ဆုံဆွေးနွေး ခဲ့ကြတာဖြစ်ပါတယ်။

မြန်မာနိုင်ငံ၏ ပြည်တွင်းနိုင်ငံရေးလုပ်ငန်းစဉ်တွေကို ချင့်ချင့်ချိန်ချိန်ဖြင့် တိုးတက်အောင်   လုပ်ဆောင်နေ မှုများကို တရုတ်နိုင်ငံက ထောက်ခံအားပေးတယ်လို့လည်း သမ္မတရှီကဆက်ပြောပါတယ်။

မြန်မာနိုင်ငံဖွံ့ဖြိုးတိုးတက်ရေးနှင့် ငြိမ်းချမ်းရေးလုပ်ငန်းများတွင် ဆက်လက်ကူညီ ဆောင်ရွက်ပေးသွား   မယ်လို့လည်း တရုတ်သမ္မတကပြောကြောင်း နစကသတင်းထုတ်ပြန်ချက်မှာ ဖော်ပြထားပါတယ်။

သမ္မတ ရှီက မန္တလေးမြို့တွင် ဖြစ်ပွားခဲ့တဲ့ ပြင်းအားအဆင့်မြင့်ငလျင်ကြီးကြောင့် လူထိခိုက်သေဆုံးမှုများ၊ ပစ္စည်းဆုံးရှုံးမှုများဖြစ်ပေါ်ခဲ့ရာ တရုတ်နိုင်ငံအနေနှင့်  မြန်မာနိုင်ငံသို့ အရေးပေါ်ကယ်ဆယ်ရေးအဖွဲ့  များနှင့် လူသားချင်းစာနာမှုဆိုင်ရာ ကယ်ဆယ်ရေးပစ္စည်းများကို အမြန်ဆုံးပို့ဆောင်ပေးခဲ့တယ်လို့ရှီက ပြောဆိုတယ်လို့ တရုတ်နိုင်ငံဘက်က သတင်းထုတ်ပြန်ပါတယ်။

မြန်မာနိုင်ငံ၏ ငလျင်ဘေးအလွန်  ပြန်လည်တည်ဆောက်ရေးလုပ်ငန်းများတွင် ဆက်လက် ကူညီပံ့ပိုး သွားမယ်လို့လည်း တရုတ်သမ္မတက ပြောပါတယ်။

တရုတ်နိုင်ငံသည် မြန်မာနိုင်ငံရဲ့ မိမိ အခြေအနေနှင့်အံဝင်ခွင်ကျဖြစ်သော ဖွံ့ဖြိုးတိုးတက်ရေး  လမ်းကြောင်းကို လိုက်ပါဆောင်ရွက်နေမှု၊ အချုပ်အခြာအာဏာ၊ လွတ်လပ်ရေး၊ နယ်မြေတည်တံ့  ခိုင်မြဲရေးနှင့် အမျိုးသားတည်ငြိမ်မှုများကို ကာကွယ်ထိန်းသိမ်းမှုနေတဲ့အပေါ်လည်း ထောက်ခံအားပေး  တယ်လို့ရှီကပြောပါတယ်။

ဗိုလ်ချုပ်မှူးကြီး မင်းအောင်လှိုင်ကလည်း တရုတ်နိုင်ငံအနေဖြင့် မြန်မာနိုင်ငံအရေး   ကိစ္စများနှင့်ပတ်  သက်၍ ဒေသတွင်းနှင့်နိုင်ငံတကာမျက်နှာစာတွင် မြန်မာနိုင်ငံဘက်မှ ရပ်တည်  ပေးသည့်အတွက်လည်း ကျေးဇူးတင်ရှိတယ်လို့ သမ္မတရှီကို ပြောဆိုခဲ့ပြီး မြန်မာနိုင်ငံအနေဖြင့် ယခုနှစ်ကုန်ပိုင်းတွင် ပါတီစုံဒီမိုကရေစီ ရွေးကောက်ပွဲတစ်ရပ်ကို အောင်မြင်စွာ ကျင်းပပြုလုပ်နိုင်ရေး ကြိုတင်ပြင်ဆင်  မှုများနှင့်နိုင်ငံတကာလေ့လာရေးအဖွဲ့များကို ဖိတ်ကြားနိုင်ရေးဆောင်ရွက်နေသည်များကို ရှင်းပြခဲ့ပါ  တယ်။

အဲဒီအပြင်  တရုတ်နိုင်ငံမှ ကူညီကယ်ဆယ်ရေးအဖွဲ့များသည် ငလျင်လှုပ်ခတ်ပြီး ၁၈ နာရီအကြာ၌ မြန်မာနိုင်ငံသို့ ပထမဆုံးရောက်ရှိလာခဲ့ပြီး လိုအပ်သည့်ကူညီကယ်ဆယ်ရေးလုပ်ငန်းများကို ဆောင်ရွက်ပေးခဲ့ကြောင်းနှင့် တရုတ်နိုင်ငံ အစိုးရအနေဖြင့် မြန်မာနိုင်ငံအတွက် အရေးပေါ်လူသားချင်း စာနာထောက်ထားမှု အကူအညီများကိုလည်း ပေးအပ်ခဲ့ကြောင်း ဗိုလ်ချုပ်မှူးကြီးကဆက်လက် ပြောကြားပါတယ်။

မြန်မာနိုင်ငံအစိုးရနှင့်ပြည်သူများအနေဖြင့် တရုတ်နိုင်ငံအစိုးရ၏ ကူညီဆောင်ရွက်ပေးမှုများအပေါ် အစဉ်အမြဲကျေးဇူးတင်အမှတ်ရနေမည်ဖြစ်တယ်လို့လည်း ဗိုလ်ချုပ်မှူးကြီးက ပြောကြားခဲ့ပါတယ်။

ပြန်လည်ထူထောင်ရေးလုပ်ငန်းများသည် ရေရှည်ဆောင်ရွက်ရမည့် လုပ်ငန်းစဉ်ဖြစ်သည့်အတွက် တရုတ် နိုင်ငံအနေဖြင့် လိုအပ်သည်များကို ဆက်လက်ကူညီပံ့ပိုး ဆောင်ရွက်ပေးနိုင်ဖို့ကိုလည်း ဗိုလ်ချုပ်မှူး  ကြီးက တရုတ်သမ္မတရှီကို မေတ္တာရပ်ခံခဲ့တယ်လို့ သတင်းထုတ်ပြန်ချက်မှာ ဖော်ပြ ထားပါတယ်။

တရုတ်သမ္မတရှီကလည်း ဒေသတွင်းနှင့် နိုင်ငံတကာမျက်နှာစာတွင် မြန်မာနိုင်ငံဘက်မှ ရပ်တည်   ပေးလျက်ရှိမှု၊ မြန်မာနိုင်ငံတွင် ကျင်းပပြုလုပ်မည့်ပါတီစုံဒီမိုကရေစီ ရွေးကောက်ပွဲနှင့်ပတ်သက်၍ မြန်မာ  နိုင်ငံ၏ ကြိုတင်ပြင်ဆင်နေမှုများနှင့် ရွေးကောက်ပွဲကို အားပေးထောက်ခံလျက်ရှိမှု တို့နှင့်ပတ်သက်ပြီး ပြန်လည်ဆွေးနွေးပြောကြားခဲ့ပါတယ်။

အဲဒီနောက်နှစ်နိုင်ငံဆက်ဆံရေးတိုးမြှင့်ဆောင်ရွက်ရေး၊ ကဏ္ဍစုံပူးပေါင်းဆောင်ရွက်ရေး၊ ဆွေမျိုး ပေါက်ဖော်ချစ်ကြည်ရင်းနှီးမှုနှင့် အေးအတူပူအမျှ အသိုက်အဝန်းတည်ဆောက်ရေး၊ ဒေသတွင်းတည်ငြိမ် အေးချမ်းရေးဆိုင်ရာကိစ္စရပ်များတွင် ပူးပေါင်းဆောင်ရွက်ရေးစသည်တို့ကိုလည်း နှစ်နိုင်ငံ ခေါင်းဆောင် တွေကဆွေးနွေးခဲ့ကြကြောင်းသိရှိရပါတယ်။

#ymg/knl

၂၂ ဧပြီ ၂၀၂၅

မြန်မာနစကအစိုးရနှင့် ကိုးကန့် MNDAA နှစ်ဖွဲ့စလုံးကဖိတ်ခေါ်တဲ့အတွက် အပစ်အခတ်ရပ်စဲမှု စောင့်ကြည့်ရေးအဖွဲ့တစ်ဖွဲ့ကို မြန်မာနိုင်ငံမြောက်ပိုင်းလားရှိုးသို့ စေလွှတ်ထားတယ်လို့ တရုတ်နိုင်ငံက အတည်ပြုပါတယ်။

Source CCTV+

၂၂ ဧပြီ ၂၀၂၅

တရုတ်နိုင်ငံအနေဖြင့်  မြန်မာနိုင်ငံ နိုင်ငံရေးပြန်လည်သင့်မြတ်ရေး ဦးတည်တဲ့ ရင်းနှီးခင်မင်သော ညှိနှိုင်း တိုင်ပင်မှုတွေဆောင်ရွက်ခြင်းကို ထောက်ခံတယ်လို့ တရုတ်နိုင်ငံ နိုင်ငံခြားရေးဝန်ကြီးဌာနက ပြောပါ

တယ်။

ဧပြီလ ၂၁ရက်က ဘေဂျင်းတွင်ကျင်းပတဲ့ တရုတ်နိုင်ငံခြားရေးဝန်ကြီးဌာနရဲ့ ပုံမှန်သတင်းစာရှင်းလင်း ပွဲတွင်  လားရှိုးမြို့ကို ကိုးကန့်MNDAAမှ နစကထံ ပြန်လည်လွှဲပြောင်းပေးမှုအပေါ် AFP သတင်းဌာနရဲ့ မေးမြန်းမှုအပေါ် ပြောရေးဆိုခွင့်ရပုဂ္ဂိုလ် မစ္စတာ ကွမ်ကျားကွင် Guo Jiakun က ပြန်လည်ဖြေကြားရာမှာ ယင်းကို ထည့်သွင်း ပြောဆိုခဲ့ ခြင်းဖြစ်ပါတယ်။

မြန်မာနိုင်ငံနိုင်ငံရေးအသွင်ကူးပြောင်းမှုလုငန်းစဉ် ပြန်လည်စတင်ခြင်းကို ထောက်ခံတယ်လို့လည်း ကွမ်ကျားကွင်က လားရှိုးကို အမည်တပ်သုံးနှုံးခြင်းမပြုဘဲ ပြောဆိုသွားပါတယ်။

“ တရုတ်နှင့်မြန်မာဟာ ရင်းနှီးတဲ့ အိမ်နီးချင်းနိုင်ငံများဖြစ်ကြပါတယ်။မြန်မာနိုင်ငံဆိုင်ရာကိစ္စရပ်တွင် တရုတ်နိုင်ငံ၏သဘောထားမှာ အလွန်ရှင်းလင်းပါသည်။ ကျွန်တော်တို့ဟာ အခြားနိုင်ငံများရဲ့ ပြည်တွင်းကိစ္စရပ်များတွင် ဝင်ရောက်စွက်ဖက်ခြင်းမပြုရန် အခြေံသဘောတရားကို လိုက်နာပါတယ်”လို့သူကပြောပါတယ်။

မြန်မာနိုင်ငံရဲ့ လွတ်လပ်ရေး၊ အချုပ်အခြာအာဏာ ၊အမျိုးသားစည်းလုံးညီညွတ်ရေးနှင့်  နယ်မြေတည်တံ့ခိုင်မြဲရေးတို့ကို ကာကွယ်စောင့်ရှောက်မှုတွေအပေါ်လည်း တရုတ်ကထောက်ခံတယ်လို့ပြောကြောင်း သတင်းထုတ်ပြန်ချက်မှာဖော်ပြထားပါတယ်။

#ymg/knl

တရုတ်ပြည်သူ့သမ္မတနိုင်ငံ သမ္မတ ရှီကျင့်ဖျင်ဟာ မလေးရှားနိုင်ငံသို့ ပြီးခဲ့တဲ့ ဗုဒ္ဓဟူးနေ့က ချစ်ကြည်ရေးခရီးသွားရောက်ခဲ့ပြီး အေးအတူပူအမျှ အနာဂတ်အတွက် အဆင့်မြင့်မဟာဗျူဟာမြောက် တရုတ်-မလေးရှား အသိုက်အဝန်းတစ်ခုတည်ထောက်ဖို့ အဆိုပြုချက် ၃ခုကို မလေးရှားဝန်ကြီးချုပ် အန်ဝါအီဗရာဟင်ထံအဆိုပြုခဲ့တယ်လို့ သိရပါတယ်။
World_News
Published 18 Apirl 2025
#တရုတ်သမ္မတရှီကျင့်ဖျင် #တရုတ်-မလေးရှား
#YMG #Yangon_Times #Yangon_Media_Group

၄ ဧပြီ၂၀၂၅

ရုရှား အကော်ဒီယံပညာရှင် အလက်ဇန်းဒါး ဇာဇူလင် ကို ရှင်းကျန်းမှာ တွေ့ဆုံလိုက်ကြရအောင်။

၁၉၉၁ ခုနှစ်ကတည်းက သူ၏ အကော်ဒီယံပြင်ဆိုင်သည် ကျော်ကြားလာခဲ့ပါတယ်။

နှစ် ၄၀ အတွင်း၊ နိုင်ငံ ၂၀ ကျော်မှ အကော်ဒီံယံ ၈၀၀ ကျော် ကိုသူ စုဆောင်းနိုင်ခဲ့ပြီး  သူ၏ ၁,၂၀၀ စတုရန်းမီတာ ကျယ်ဝန်းသော ပြတိုက်သည် သမိုင်းဝင် အကော်ဒီယံများဖြင့် ပြည့်နှက်နေကာ၊ တစ်ခုချင်းစီတွင် ထူးခြားသော ဇာတ်လမ်းတစ်ပုဒ် ရှိနေကြပါတယ်။

၂၀၁၃ ခုနှစ်တွင်၊ ရုရှားလူမျိုးစု၏ ဘာရန်အနုပညာ ကို ထိန်းသိမ်းခဲ့သည့်အတွက် နိုင်ငံတော်က ဒြပ်မဲ့ယဉ်ကျေးမှုအမွေအနှစ် ထိန်းသိမ်သူပညာရှင်အဖြစ် ဂုဏ်ပြုခံခဲ့ရပါတယ်။

သမိုင်းကို ထင်ဟပ်နေသည့် သူ၏ သံစဉ်တိုင်းကို ခံစားကြည့်ဖို့ သူ့့ရဲ့ကမ္ဘာထဲ ဝင်ရောက်ကြည့်ရှုကြပါစို့ လား။

Source  CGTN

၁ ဧပြီ ၂၀၂၅

မြန်မာနိုင်ငံမှာ ငလျင်ကြီးကြောင့် ပိတ်မိနေသူများထဲမှ (၆)ဦးကို တရုတ်နိုင်ငံ ကယ်ဆယ်ၕေးအဖွဲ့က အောင်မြင်စွာ ကယ်တင်နိုင်ခဲ့ကြပါတယ်။

Source CCTV+