၂၄ ဖေဖော်ဝါရီ ၂၀၂၄
သူရမချစ်ပိုသည် မြန်မာနိုင်ငံ၏ ပထမဆုံးသော သူရဘွဲ့ရအမျိုးသမီးတစ်ဦးအဖြစ်ဂုဏ်ယူဖွယ် မော်ကွန်းတင် နိုင်ခဲ့ပြီး စစ်အင်ဂျင်နီယာတပ်ဖွဲ့၏ ဂုဏ်ကိုမြှင့်တင်နိုင်ခဲ့ကြောင်း ဗိုလ်ချုပ်မှူးကြီးမင်းအောင်လှိုင်က စိန်ရတု စစ်အင်ဂျင်နီယာတပ်ဖွဲ့နေ့အခမ်းအနားတွင် ဂုဏ်ပြုပြောကြားခဲ့ပါတယ်။
၇၅)နှစ်မြောက် စိန်ရတုစစ်အင်ဂျင်နီယာတပ်ဖွဲ့နေ့အခမ်းအနားကို ဖေဖော်ဝါရီ (၂၄)ရက်က နေပြည်တော်၊ စစ်ကြောရေးနှင့်တည်ခိုရေးစခန်းရှိ ဆင်ဖြူရှင်ခန်းမ၌ ကျင်းပပြုလုပ်ရာ နစကဥက္ကဋ္ဌ တပ်မတော်ကာကွယ်ရေး ဦးစီးချုပ်ဗိုလ်ချုပ်မှူးကြီး မင်းအောင်လှိုင် တက်ရောက်အမှာစကားပြောကြားရာမှာ ယင်းကို ထုတ်ဖော်ပြောကြားခဲ့ တာဖြစ်ပါတယ်။
၁၉၄၉ခုနှစ် ဖေဖော်ဝါရီ ၂၁ရက်နေ့တွင် KNDO သောင်းကျန်းသူများကမေမြို့ (ယခု ပြင်ဦးလွင်မြို့ )ကို တိုက်ခိုက် သိမ်းပိုက်ခဲ့ကြရာ အဆိုပါသောင်းကျန်းသူများကို လေ့ကျင့်ရေးအင်ဂျင်နီယာတပ်ရင်းမှ တပ်ကြပ်လှမောင်၏ ဇနီး မချစ်ပိုသည် ယင်းတပ်ရင်းမှ အရာရှိ စစ်သည်များနှင့်အတူ ရဲဝံ့စွာဖြင့် KNDO ကို ပြန်လည်တိုက်ခိုက်တိုက်ပွဲဝင်ခဲ့ သူဖြစ်ပါတယ်။ အဲဒါကြောင့် ဖေဖော်ဝါရီ (၂၄)ရက်နေ့တွင် မေမြို့ကို ပြန်လည်သိမ်းပိုက်ရရှိခဲ့တယ်လို့သိရပါတယ်။
“ အဆိုပါတိုက်ပွဲတွင် လေ့ကျင့်ရေးအင်ဂျင်နီယာတပ်ရင်းမှ တပ်ကြပ်လှမောင်၏ဇနီး မချစ်ပို၏ ရဲစွမ်းသတ္တိသည် သမိုင်းတွင် မော်ကွန်းရေးထိုးနိုင်ခဲ့သည်ကို တွေ့ရှိရကြောင်း၊ မချစ်ပိုသည် စစ်သားဇနီးပီသစွာနှင့် အရေးကြုံ လာချိန်တွင် အာဇာနည်သူရဲကောင်း စိတ်ဓာတ်နှင့် မိမိအသက်ကို မငဲ့ကွက်ဘဲ တိုင်းပြည်အတွက် စွန့်လွှတ် စွန့်စားတိုက်ပွဲဝင်ခဲ့သူတစ်ဦးပင်ဖြစ်တယ်” လို့ ဗိုလ်ချုပ်မှူးကြီးက သူရမချစ်ပိုကို ဂုဏ်ပြုချီးကျူးပြောဆိုခဲ့ပါတယ်။
“မချစ်ပိုသည် သောင်းကျန်းသူများကိုတိုက်ခိုက်ရင်း ၁၉၄၉ ခုနှစ်၊ ဧပြီလ ၈ ရက်နေ့တွင် သောင်းကျန်းသူများ၏ ဖမ်းဆီးသတ်ဖြတ်ခြင်းခံခဲ့ရပြီး သူရဲကောင်းပီသစွာဖြင့် တိုင်းပြည်အတွက် အသက်ပေးလှူခဲ့ရကြောင်း၊ ထိုသို့ မချစ်ပို၏ သူရဲကောင်းပီသမှုနှင့် ရဲစွမ်းသတ္တိပြည့်ဝမှုများကို ၁၉၅၀ ပြည့်နှစ်မှာ နိုင်ငံတော်က သူရဘွဲ့ပေးအပ်ပြီး အသိအမှတ်ပြုချီးမြှင့်ခဲ့ခြင်းကြောင်း” ဗိုလ်ချုပ်မှူးကြီးက အမှတ်တရပြောဆိုပါတယ်။
ထိုသို့ထူးချွန်ပြောင်မြောက်စွာဖြင့် ရဲစွမ်းသတ္တိပြသနိုင်ခဲ့သည့် စစ်အင်ဂျင်နီယာတပ်ဖွဲ့ကို ဂုဏ်ပြုသည့်အနေနဲ့ ပြင်ဦးလွင်မြို့ကို ပြန်လည်သိမ်းပိုက်နိုင်ခဲ့သည့် ၁၉၄၉ခုနှစ်၊ ဖေဖော်ဝါရီ ၂၄ ရက်ကို စစ်အင်ဂျင်နီယာတပ်ဖွဲ့နေ့ အဖြစ် သတ်မှတ်ခဲ့ခြင်းဖြစ်ကြောင်းသိရပါတယ်။
မြန်မာ့လွတ်လပ်ရေး ကြိုးပမ်းမှုကာလကတည်းက တပ်မတော်၏ လက်ရုံးဝန်ထမ်း တပ်ဖွဲ့တစ်ခုအဖြစ်ပါဝင်ခဲ့ သည့် စစ်အင်ဂျင်နီယာတပ်ဖွဲ့သည် ခေတ်နှင့်အညီ ပြောင်းလဲတိုးတက်နေသည့်အင်ဂျင်နီယာဆိုင်ရာ နည်းပညာများကို ကြိုးစားလေ့လာပြီး စွမ်းရည်ထက်မြက်သည့်တပ်ဖွဲ့တစ်ခုဖြစ်အောင် ကြိုးစားတည်ဆောင်ကြဖို့ လည်း ဗိုလ်ချုပ်မှူးကြီးက ဆက်လက်မှာကြားပါတယ်။
စစ်အင်ဂျင်နီယာတပ်ဖွဲ့၏သမိုင်းကြောင်းကို လေ့လာကြည့်ပါက ၁၉၃၇ ခုနှစ်တွင် အိန္ဒိယပြည် Madras Sapper Miners တပ်မှ ခွဲထွက်ပြီး Burma Sapper Miners တပ်အဖြစ် စတင်သန္ဓေတည်ပေါ်ပေါက်လာသည်ကို တွေ့ရှိရပြီး လွတ်လပ်ရေးကြိုးပမ်းမှုကာလ အဆင့်ဆင့်ပြောင်းလဲဖွဲ့စည်းခဲ့သည့် မြန်မာ့တပ်မတော်တွင်လည်း စစ်အင်ဂျင်နီ ယာတပ်ဖွဲ့သည် လက်ရုံးဝန်ထမ်းတပ်ဖွဲ့တစ်ခုအဖြစ်ပါဝင်နေခြင်းဖြစ်ကြောင်းသိရှိရပါတယ်။
စစ်အင်ဂျင်နီယာတပ်ဖွဲ့သည် စစ်ကျန်မြေမြှုပ်မိုင်းများ ရှင်းလင်းရေးလုပ်ငန်းများနှင့် လူသားချင်းစာနာ ထောက်ထားမှုဆိုင်ရာ မိုင်းရှင်းလင်းရေး (HumanitarianDemining)လုပ်ငန်းများကို ဆောင်ရွက်နေပြီး အထူး မိုင်းရှင်းလင်းရေးအဖွဲ့ (EOD Squad) များကို စစ်မြေပြင်အင်ဂျင်နီယာတပ်ရင်းများတွင် ဖွဲ့စည်းထားရှိကာ မြို့တွင်း မိုင်းရှင်းလင်းရေး လုပ်ငန်းများနှင့် စစ်ကျန်မကွဲဗုံးသီးများ ဖယ်ရှားရှင်းလင်းရေးလုပ်ငန်းများကို ဆောင်ရွက်ပေး လျက်ရှိတယ်လို့ သတင်းထုတ်ပြန်ချက်မှာဖော်ပြထားပါတယ်။
ယင်းအပြင် စစ်အင်ဂျင်နီယာတပ်ဖွဲ့အနေဖြင့်သဘာဝဘေးအန္တရာယ်ကူညီကယ်ဆယ်ရေးလုပ်ငန်းများနှင့်ပြန်လည် တည်ဆောက်ရေးလုပ်ငန်းများတွင် အင်ဂျင်နီယာပိုင်းဆိုင်ရာ နည်းပညာများ၊ အတတ်ပညာများ၊ စက်၊ယာဉ်၊ ယန္တရားများနှင့် အင်တိုက်အားတိုက်ပါဝင်ကူညီဆောင်ရွက်ပေးလျှက်ရှိကြောင်းလည်းသိရှိရပါတယ်။
အခမ်းအနားသို့ ဗိုလ်ချုပ်မှူးကြီးနှင့်အတူ နစကဒုတိယဥက္ကဋ္ဌ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း၊ ညှိနှိုင်းကွပ်ကဲရေးမှူး(ကြည်း၊ရေ၊လေ) ဗိုလ်ချုပ် ကြီး မောင်မောင်အေး၊ ကာကွယ်ရေးဦးစီးချုပ်(ရေ) ဒုတိယဗိုလ်ချုပ်ကြီး ဇွဲဝင်းမြင့်၊ ကာကွယ်ရေးဦးစီးချုပ် (လေ) ဗိုလ်ချုပ်ကြီး ထွန်းအောင်၊ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများ၊ ပြည်ထောင်စု အဆင့်ပုဂ္ဂိုလ်များ၊နေပြည်တော်တိုင်းစစ်ဌာနချုပ်တိုင်းမှူး၊ အငြိမ်းစားစစ်အင်ဂျင်နီယာတပ်ဖွဲ့ဝင်အရာရှိကြီးများ၊ အရာရှိ၊ စစ်သည်များ တာဝန်ရှိသူများနှင့် ဖိတ်ကြားထားသူတွေတက်ရောက်ခဲ့ကြတာဖြစ်ပါတယ်။
@ymg/knl
၂၄ ဖေဖော်ဝါရီ ၂၀၂၄
မြန်မာစစ်အစိုးရကိုဆန့်ကျင်နေသည့် ထိုင်းနိုင်ငံအတွင်းရှိ လှုပ်ရှားမှုများကို စောင့်ကြည့်နေပြီး ယင်းသည် ထိန်းချုပ်နိုင်သည့်အဆင့်မှာရှိနေကြောင်းနှင့် ယင်းကဲ့သို့သော လှုပ်ရှားဆောင်ရွက်မှုများကို အခြားသောမြန်မာ ရွှေ့ပြောင်းဝင်ရောက်လာသူများနှင့် ကွဲပြားခြားနားစွာဆက်ဆံသင့်ကြောင်း ထိုင်းကာကွယ်ရေးဝန်ကြီး ဆူတင် ကလန်ဆန်း Sutin Klungsang က ယနေ့ ဖေဖော်ဝါရီ ၂၄ရက် သောကြာနေ့မှာ ပြောကြားလိုက်ပါတယ်။
“လတ်တလောအခြေအနေမှာ ဘာတစ်ခုမှ ထူးထူးခြားခြားစိတ်ပူပန်စရာမရှိပါဘူး” လို့ ဆူတင်က ပြောလိုက်ပြီး ထိုင်းနိုင်ငံကို ထွက်ပြေးလာကြတဲ့ မြန်မာရွာသူရွာသားတွေ အရေအတွက်ဟာ သိပ်မများသေးပါဘဲ သူတို့ဟာ သိပ်မကြာခင် အိမ်ကိုပြန်သွားကြလိမ့်မယ်လို့ မျှော်လင့်ထားကြောင်းလည်း သူကပြောပါတယ်။
ထိုင်းနိုင်ငံမှာ အကြာကြီးနေဖို့ ရွှေ့ပြောင်းလာသူတွေပဲ ဆက်နေထိုင်ရလိမ့်မယ် လို့ သူကပြောပါတယ်။ မြန်မာ စစ်အစိုးရက မကြာသေးမီက ကြေညာခဲ့တဲ့ အမျိုးသား အမျိုးသမီး လူငယ်လူရွယ်တွေအတွက် မဖြစ်မနေ စစ်မှုထမ်းရမယ့် ကြေညာချက်ကြောင့် လူတွေတစ်ပြုံတစ်မကြီး ဝင်ရောက်လာကြမယ့် အရိပ်လက္ခဏာမတွေ့ရ ဘူးလို့လည်း သူကဖြည့်စွက်ပြောကြားပါတယ်။
သောကြာနေ့က မစ္စတာဆူတင်ဟာ မဲဆောက်နယ်စပ် တက်ခ်ခရိုင်က ဘန်မယ်ကွန်ကန် ရှေ့တန်းကင်းစခန်းသို့ လာရောက်စဉ် ယင်းကဲ့သို့ပြောကြားခဲ့ခြင်းဖြစ်ပါတယ်။
စခန်းတာဝန်ကျစစ်သားတွေအနေနှင့် နယ်စပ်လုံခြုံရေးအသေအချာထမ်းဆောင်ဖို့သာမကဘဲ မူးယစ်ဆေးဝါး မှောင်ခိုတာလို့ အခြားသော နယ်စပ်ဖြတ်ကျော်မှုခင်းပုံစံတွေကိုလည်း ဖြေရှင်းဖို့လိုတယ်လို့ သူက မှာကြားပါတယ်။
“ ထိုင်းအစိုးရနှင့် လုံခြုံရေးတာဝန်ရှိသူတွေဟာ ထိုင်းမြေထဲမှာ မြန်မာအစိုးရကိုတိုက်ခိုက်ဖို့ ရန်ပုံငွေရှာနေကြတဲ့ အုပ်စုတွေရဲ့ လှုပ်ရှားမှုတွေကို အနီးကပ်စောင့်ကြည့်နေပါတယ်။လက်ရှိမှာ အဲဒါတွေဟာ သိသာထင်ရှားတဲ့ ခြိမ်းခြောက်မှု ဒါမှမဟုတ် စိတ်ပူပန်စရာအဆင့် မရှိသေးပါဘူး” လို့ သူကပြောပါတယ်။
အခြေအနေတွေက ထိန်းချုပ်လို့ရနေပါတယ်လို့ သူကပြောပြီး ရွှေ့ပြောင်းအလုပ်သမားတွေအားလုံးဟာ မြန်မာ အစိုးရကို ဆန့်ကျင်နေကြသူတွေလို့ ဘယ်တော့မှ မယူဆမိလိုက်ဖို့ အရေးကြီးတယ်လို့လည်း သူကဖြည့်စွက် ပြောပါတယ်။ အဲသလိုယူဆရင် သူတို့အပေါ် အခြေအမြစ်မရှိဘဲ ဆက်ဆံမိသွားကြလိမ့်မယ်လို့လည်း သူက ဆိုပါတယ်။
ထိုင်းအစိုးရအနေနှင့် အရေးယူဆောင်ရွက်ဖို့လိုအပ်လာခဲ့ရင် အဲဒီအုပ်စုတွေတွေကိစ္စဖြေရှင်းဖို့ သီးခြား ယန္တယားတစ်ခု ထားရှိပြီးဖြစ်တယ်လို့လည်း ထိုင်းကာကွယ်ရေးဝန်ကြီးကပြောပါတယ်။
Source: Bangkok Post
@ymg/knl
၂၃ ဖေဖော်ဝါရီ ၂၀၂၄
တာချိတ်လိတ်မြို့နှင့် ရန်ကုန်မြို့တို့တွင် အွန်လိုင်းလောင်းကစားမှုနှင့် ငွေကြေးလိမ်လည်မှုဆိုင်ရာ ဖမ်းဆီးရမိခဲ့မှုအခြေအနေများ နှင့် AA သောင်းကျန်းသူများမှ မမှန်သတင်းများ ထုတ်လွှင့်နေမှုများကို နစကသတင်းထုတ် ပြန်ရေးအဖွဲခေါင်းဆောင် ဗိုလ်ချုပ် ဇော်မင်းထွန်းက ဖေဖော်ဝါရီ ၂၃ ရက်တွင် ပြောကြားခဲ့ပါသည်။ အဆိုပါပြောကြားချက်အပြည့်အစုံကိုဖော်ကပြပေးအပ်ပါသည်။
@ymg/knl
Published_23 Feb 2024
ရန်ကုန်တိုင်းဒေသကြီးအတွင်း Online ချေးငွေလုပ်ငန်းဖြင့် လိမ်လည်နေသည့် ဂိုဏ်း ကို ဖမ်းမိခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။
လှိုင်သာယာ(အနောက်ပိုင်း)မြို့နယ်၊ (၉)ရပ်ကွက်၊ နတ်မောက်လမ်း၊ အမှတ်(၄၅၈/က) ၌နေထိုင်သူ မဆု ရည်နွယ်အနေဖြင့် အွန်လိုင်းချေးငွေကိစ္စရပ်များနှင့်ပတ် သက်၍ ဖုန်းဆက်ခြိမ်း ခြောက် ကာ ငွေကြေးတောင်းခံ နေ ရသောကြောင့်ပြီးခဲ့သော ဖေဖော်ဝါရီ ၁၅ ရက်တွင် စစ်ဆေးဖော်ထုတ်မှုများ ဆောင်ရွက်ခဲ့ရာက အထက် ပါအတိုင်း ဖမ်းမိခဲ့ခြင်း ဖြစ်ကြောင်း သိရသည်။
မဆု ရည်နွယ်အနေဖြင့် ပြီးခဲ့သည့် ၂၀၂၃ ခုနှစ် ဇန်နဝါရီလခန့်က TikTok လူမှုကွန်ရက် စာမျက်နှာပေါ်တွေ့ရှိ သည့် Mashala Tech CO.,Ltd အမည်ရှိ အွန်လိုင်းချေးငွေ ဝန်ဆောင်မှုလုပ် ငန်း၊ Team - A တွင် ချေးငွေ ကောက်ခံသူအဖြစ် တစ်လလျှင် လစာ ၃၂၀၀၀၀ ကျပ်ဖြင့် စတင်ဝင်ရောက်ခဲ့ ကြောင်း ၊ ယင်းနောက်Mashala Tech CO.,Ltd e Online ချေးငွေလုပ်ငန်းဖြင့် လိမ်လည်လုပ်ကိုင်နေသူများအား ဖေဖော်ဝါရီလ၁၅ ရက်မှ ၂၂ ရက်အထိ ဖော် ထုတ်ဖမ်းဆီးခဲ့ရာ မမြတ်စန္ဒာဝင်း(ခ)စန္ဒာ အပါအဝင် စုစုပေါင်း တရားခံ ၁၃ ဦးကို ၎င်းတို့ လိမ်လည်ရာတွင် အသုံးပြုသည့် ပစ္စည်းများဖြစ်သည့် Laptop ၁၃၃ လုံး၊ လက်ကိုင်ဖုန်း ၁၀ လုံး၊ မော်တော် ယာဉ် ၁ စီးတို့နှင့်အတူ ဖမ်းဆီးရမိခဲ့ကြောင်း သိရသည်။
စိစစ်ချက်များအရ Mashala Tech CO.,Ltd ကို ဦးဇေယျာမင်း တစ်ဦးတည်း အမည်ဖြင့် မှတ်ပုံတင်ထားသော် လည်း အမှန်တကယ် လုပ်ငန်းလုပ်ကိုင်နေသူမှာ တရုတ်နိုင်ငံသား Mr. Yu Linfeng (ခ) Willian ဖြစ်ကာ ဗိုလ် တထောင်မြို့နယ်၊ ကမ်းနားလမ်း၊ အမှတ်(၄၄/၅၆) MMG Tower၊ (၆)လွှာ၊ အခန်း (၆၀၄) တွင် ဖွင့်လှစ်ထားရှိ ကြောင်း သိရသည်။
Mr. Yu Linfeng သည် ဇန်နဝါရီလ ၅ ရက်၌ ကမ္ဘောဒီးယား နိုင်ငံသို့ ထွက်ခွာသွားရာမှ မြန်မာနိုင်ငံသို့ ပြန် လည် ဝင်ရောက်ခြင်းမရှိ သေးကြောင်း၊ ကုမ္ပဏီအနေဖြင့် အွန်လိုင်းချေးငွေ လုပ်ငန်းများ လုပ်ကိုင်ရာတွင် Mr. Yu Linfeng က ဦးဆောင်ပြီး ဖမ်းဆီးရမိပြီးဖြစ်သည့် HR ဝန်ထမ်းဖြစ်သူ မြတ်စန္ဒာဝင်း၊ Assistant HR ဝန်ထမ်းများဖြစ်သူ ဖမ်းဆီးရမိပြီးဖြစ်သည့် မမို့မို့အောင် နှင့် ဖမ်းဆီးရန် ကျန် ကျော်မင်းဖြိုး တို့က ကြီးကြပ်လုပ် ကိုင် လျက်ရှိကြောင်း၊ ၎င်းတို့၏ ကြီးကြပ်မှု အောက်တွင် အွန်လိုင်း ချေးငွေ များရယူလာစေရေး ဆွဲဆောင် သည့်အဖွဲ့၊ ချေးငွေ Application Download ပြုလုပ်ရန် ခိုင်းစေသည့်အဖွဲ့၊ ချေးငွေလျှောက်လွှာစိစစ်သည့် အဖွဲ့နှင့် ချေးငွေပြန်လည် ခြိမ်းခြောက်တောင်းခံသည့် အဖွဲ့ဟူ၍ အဖွဲ့ ၄ ဖွဲ့ခွဲထားကြောင်း သိရသည်။
ချေးငွေလျှောက်လွှာစိစစ်သည့်အဖွဲ့ကို ဖမ်းဆီးရမိပြီးဖြစ်သည့် Leader ဖြစ်သူ မလွင်မေချစ် အပါ အဝင် အဖွဲ့ဝင် ၁၅ ဦးဖြင့် လည်းကောင်း၊ ချေးငွေပြန်လည်ခြိမ်း ခြောက်တောင်း ခံသည့် အဖွဲ့ကို Team A, E, J, N, S, X အဖွဲ့ ၆ ဖွဲ့ ခွဲထားပြီး Team-A တွင် ဖမ်းဆီးရမိပြီးဖြစ်သည့် Leader ဖြစ်သူ မဝေဖြိုးသွယ်နှင့် Data Analysis ဖြစ်သူ မအေးမြင့်သူ အပါ အဝင် ချေးငွေကောက်ခံသူ ၁၅ ဦး၊ Team-E တွင် ဖမ်းဆီးရန်ကျန် Leader ဖြစ်သူ မောင်လဝန်းယံ အပါ အဝင် ချေးငွေကောက်ခံသူ ၁၀ ဦး၊ Team-N တွင် ဖမ်းဆီးရန်ကျန် Leader ဖြစ်သူ လင်းကောင်းခန့် အပါ အဝင် ချေးငွေကောက် ခံသူ ၁၀ ဦး၊ Team-J တွင် ဖမ်းဆီးရမိပြီးဖြစ်သည့် Leader ဖြစ်သူ မရတနာအပါ အဝင် ချေးငွေကောက်ခံသူ ၂၀ ဦး၊ Team-S တွင် ဖမ်းဆီးရန်ကျန် Leader ဖြစ်သူ မနှင်းလပြည့် နှင့် မောင်ဇာနည်ဖြိုး အပါ အဝင် ချေးငွေကောက်ခံသူ ၁၆ ဦး၊ Team-X တွင် ဖမ်းဆီးရန် ကျန် Leader ဖြစ်သူ မပန်းအိမွန်နှင့် မနှင်းအိခိုင် အပါ အဝင် ချေးငွေကောက်ခံသူ ၂၀ ဦး၊ စုစုပေါင်း ၉၁ ဦး တို့ဖြင့် ဖွဲ့စည်းထားကြောင်း သိရသည်။
ဖြစ်စဉ်တွင် ဖမ်းဆီးရန်ကျန် တရုတ်နိုင်ငံသားဖြစ်သူ Mr.Yu Linfeng(ခ) Willian နှင့် ဖမ်းဆီးရမိသူများ ဖြစ် သည့် မမြတ်စန္ဒာဝင်း(ခ)စန္ဒာ၊ မအေးမြင့်သူ(ခ) ဇူးဇူးကို၊ ဆုရည်နွယ်၊ မဝေဖြိုးသွယ်(ခ)မဝေ၊ မင်းခန့်ကျော်၊ ဇော်ထက်အောင်၊ ကျော်ဇင်ထက်၊ မရတနာ၊ မလွင်မေချစ်၊ ရဲနိုင်ဝင်း၊ မမို့မို့အောင်၊ မင်းခန့်ကျော်(ခ) ခန့်ကျော်၊ ငြိမ်းချမ်းဆွေ နှင့် မစုစုအေး တို့အား အမှုဖွင့်လှစ်၍ တရားဥပဒေနှင့်အညီ အရေးယူမှုများ ဆောင်ရွက်နိုင်ရေး ဆက်လက်ဆောင်ရွက်လျက်ရှိပြီး ဖြစ်စဉ်တွင် ပါဝင် ပတ်သက်သူများအား အမြန်ဆုံးဆက်လက်ဖမ်းဆီးရမိရေး ဆောင်ရွက်လျက်ရှိကြောင်း သိရသည်။
Mashala Tech CO.,Ltd အနေဖြင့် Morning Cash Smile Loan I Cash Loop | WA Wallet | PK Cash | AJ Cash | Morning Wallet | Sky Cash Happy Cash | Sun Bag ı Zuri Loan & Quick Cash Application များကို အများပြည်သူ မြင်သာနိုင်ရန် Wave Money Application တွင် ထည့်သွင်း ကြော်ငြာ ခြင်းများကို လုပ်ဆောင်လျက်ရှိကြောင်း၊ ချေးငွေရယူလိုသူများအနေဖြင့် အဆိုပါ Application များကို Download ပြုလုပ်၍ ဖုန်းအတွင်း Install ပြုလုပ်ပြီးပါက Register ပြုလုပ်ရန်အတွက် ချေးငွေပုံစံဖြည့် သွင်းရာတွင် အမည်၊ ဓာတ်ပုံ၊ ဖုန်းနံပါတ်၊ ငွေလက်ခံမည့် KBZ Pay/Wave Pay အကောင့်များ၊ နိုင်ငံသားစိ စစ်ရေးကတ် (ရှေ့/နောက်)ဓာတ် ပုံနှင့် Gmail တို့ကို ဖြည့်သွင်း ပေးရကြောင်း၊ ဖုန်းတွင် Permission Access တောင်းခံပြီး ချေးယူလိုသူက Allow ပြုလုပ်ပါက Gmail ချိတ်ဆက်ထားသည့် ဖုန်း Contact များအားလုံးကို Application က တရားမဝင် ရရှိသွားကြောင်း၊ ထိုသို့ ပြုလုပ်ပြီးနောက် ချေးငွေရယူလိုသူများထံချေးယူမည့် ငွေပမာဏ၏ ၃၀ ရာခိုင်နှုန်းကို အတိုးဖြတ်တောက်၍ KBZ Pay/ Wave Pay မှတစ်ဆင့် လွှဲပြောင်းပေးပြီး အနည်းဆုံး ငွေ ၃၀,၀၀၀ ကျပ်မှ အများဆုံး ငွေ ၃၀၀,၀၀၀ ကျပ်အထိချေးပေးကြောင်း၊ ထို့နောက် ချေးယူငွေ များကို တစ်ပတ်အတွင်း ပြန်လည်ပေးဆပ်စေပြီး ကုမ္ပဏီဝန်ထမ်းများ အနေဖြင့် ချေးငွေရယူထားသူများအား ဖုန်းဖြင့်ခေါ်ဆိုခြင်း၊ Viber သို့မဟုတ် SMS မှတစ်ဆင့် ချေးငွေပေးဆပ်ရန် ဆက်သွယ်တောင်းဆိုခြင်းများ ပြုလုပ်ကြောင်း၊ ချေးငွေ ပြန်လည်ပေးဆပ်ခြင်း မရှိသူများနှင့် ၎င်းဖုန်းအတွင်းမှ Contact Person များကို ဖုန်းဖြင့် ဆက်သွယ်၍ ဆဲဆိုခြင်း၊ ခြိမ်းခြောက်ခြင်းများ ပြုလုပ်သည့်အပြင် လူမှု ကွန်ရက်စာမျက်နှာများတွင် အရှက်တကွဲဖြစ်စေရန် ခြိမ်းခြောက်ပြောဆိုခြင်းများ ပြုလုပ်ကြောင်း သိရသည်။
ငွေကြေးလိမ်လည်သူများအနေဖြင့် အဖွဲ့များဖွဲ့၍ အထက်ပါနည်းလမ်းများ အပါအဝင် အခြားနည်းလမ်းမျိုးစုံဖြင့် ငွေကြေးအမြတ်ထုတ်လျက်ရှိပြီး အများပြည်သူ များ သတိပြုမိနိုင်စေရေးအတွက် ဖြစ်စဉ်တစ်ခုအနေဖြင့် ဖော်ပြ ရ မည်ဆိုပါက အသေး စား စားသောက်ကုန်ဖြန့်ချိရေးလုပ်ငန်း လုပ်ကိုင်သူတစ်ဦးထံသို့ ငွေကြေးလိမ်လည်သူ များအနေဖြင့် Delivery Service အသွင် ဖုန်းဖြင့်ဆက်သွယ်၍ ၎င်းတို့ Service ကိုစမ်းသပ်အသုံးပြုရန် ဆက် သွယ်ခဲ့ကြောင်း၊ ထို့နောက် ဖုန်းဖြင့်ဆက်သွယ်ခြင်း၊ Viber မှ Video Call များခေါ်ဆိုခြင်းများ ပြုလုပ်ပြီး ယုံ ကြည်မှုရရှိစေရန် ဆောင် ရွက်ကာ လုပ်ငန်းနှင့်ပတ်သက်၍ စာချုပ်ချုပ်ခြင်း၊ လျှောက်လွှာတင်ခြင်းများ ဆောင် ရွက်ရန် အတွက် Application များကို Download ပြုလုပ်စေခဲ့ပြီး Permission များ တောင်းသည့် အခါတွင် Allowed ၊ Accept များ ပြုလုပ်စေခဲ့ကာ လုပ်ငန်းရှင်ဖြစ်သူ၏ဖုန်းအတွင်းမှ Contact | Call log | SMS | Photo | Video | G-Mail | K pay | Wave pay အသုံးပြုသည့် ဖုန်းနံပါတ်များ အပါအဝင် ကိုယ်ရေး ကိုယ်တာအချက်အလက်များ အား နည်းပညာဖြင့် Hack ၍ တရားမဝင်ရယူခဲ့ကြောင်း၊ ထိုသို့ဆောင်ရွက်ပြီး ရက်ပိုင်း အတွင်း၌ လုပ်ငန်းရှင်ဖြစ်သူ၏ K pay အတွင်းသို့ အကြောင်းတစ်စုံတစ်ရာမရှိဘဲ ငွေပမာဏတူ ငွေလွှဲ(၆)ကြိမ် ရောက်ရှိလာခဲ့ပြီး ဖုန်းနံပါတ်တစ်ခုဖြင့် ဆက်သွယ်ကာ ဖုန်းနံပါတ်လွဲမှား၍ ငွေပေးပို့မိသည့် အသွင်ဖြင့်ပြောဆို၍ ငွေများကိုပြန်လည်လွှဲစေခဲ့ကြောင်း၊ ထိုသို့ဖြစ်ပေါ်ခဲ့ပြီး တစ်ပတ်ခန့်အကြာတွင် ဖုန်းနံပါတ် မျိုးစုံဖြင့် ဆက်သွယ် ၍ ၎င်းတို့ထံမှ ရယူထားသည့် Online ချေးငွေများကို ပြန်လည်ပေးဆပ်ရန် ဆက်တိုက် ပြော ဆိုခဲ့သောကြောင့် လုပ်ငန်းရှင်မှ ၎င်းအနေဖြင့် မည်သည့်ချေးငွေမျှ ရယူထားခြင်းမရှိကြောင်း၊ မသိ ကြောင်း ပြောဆိုရာတွင် ဆဲဆိုခြင်း၊ ခြိမ်းခြောက် ခြင်းများ ပြုလုပ်ခဲ့ကြောင်း၊ လုပ်ငန်းရှင်ကိုသာမက ၎င်းတို့ တရားမဝင်ရယူထားသည့် လုပ်ငန်းရှင်၏ Contact အတွင်းမှ ဆွေမျိုးသားချင်းများ၊ လုပ်ဖော်ကိုင်ဖက်များထံသို့ လည်း ဆက်သွယ်အရှက်ခွဲခြင်းများ၊ သိက္ခာချခြင်းများ ပြုလုပ်လာသဖြင့် လုပ်ငန်းရှင် အနေဖြင့် ချေးယူထားခြင်း မရှိသည့် ငွေကြေးပမာဏတစ်ခုကိုမတတ်သာတော့ သဖြင့် လွှဲပေးလိုက်ရကြောင်း၊ ထိုသို့လွှဲပေးခဲ့ရပြီး ၂ ရက်ခန့် အကြာတွင်လည်း Viber မှတဆင့် Video Call ခေါ်ထားသည့်ပုံများ၊ ဖုန်းအတွင်းမှ ကိုယ်ရေးကိုယ် တာပုံများ၊ မှတ်ပုံတင်များဖြင့် ခြိမ်းခြောက်၍ ငွေကြေးပမာဏတစ်ခုကို ထပ်မံခြိမ်းခြောက် တောင်းဆိုခဲ့ပြီး လုပ်ငန်း ရှင်မှပေးဆောင်နိုင်ခြင်းမရှိသောအခါ အထက်တွင်ဆောင်ရွက် ခဲ့သည့်အတိုင်း လုပ်ငန်းရှင်၏ Contact အတွင်းမှ ဆွေမျိုးသားချင်းများ၊ လုပ်ဖော် ကိုင်ဖက်များထံသို့ ဆက်သွယ်အရှက်ခွဲခြင်းသာမက လူမှုကွန်ယက် စာ မျက်နှာများ၌ လုပ်ငန်းရှင်၏ ဓာတ်ပုံများ၊ ဖုန်းနံပါတ်များ၊မှတ်ပုံတင်များတင်၍ အကြမ်းဖက် PDF ဖြစ်ကြောင်း စသည့်နည်းလမ်းမျိုးစုံဖြင့် ခြိမ်းခြောက်မှုများ လုပ်ဆောင်ခဲ့ကြောင်း သိရသည်။
ယင်းကြောင့် ပတ်ဝန်းကျင်တွင် အထက်ပါဖြစ်စဉ်များကဲ့သို့ ငွေကြေးနှင့် ပတ်သက်သည့် မသင်္ကာဖွယ်ရာ အပြုအမူများနှင့် လိမ်လည်မှု ဆောင်ရွက်နေသည်ဟု ယူဆရမှုများ အား တွေ့ရှိရပါက တာဝန်ရှိသူများထံသို့ အမြန်ဆုံး အကြောင်းကြား ရန်လည်း သက်ဆိုင်ရာက တိုက်တွန်းထားသည်။
Yangon_Times/PP
Published_23 Feb 2024
ရှမ်းပြည်နယ်(အရှေ့ပိုင်း)၊ တာချီလိတ်မြို့ တွင် တရားမဝင် Online လောင်းကစားဂိမ်းများနှင့် ငွေကြေးလိမ် လည်မှုများပြုလုပ်နေသည့် ထိုင်း၊တရုတ်နှင့် မြန်မာနိုင်ငံသား ၆၈၉ ဦး ဖမ်းမိခဲ့ကြောင်း နစက သတင်းထုတ်ပြန် ရေးအဖွဲ့က ယနေ့ ဖေဖော်ဝါရီလ ၂၃ ရက်တွင် ထုတ်ပြန်လိုက်သည်။
အဆိုပါ တရားမဝင် Online လောင်းကစားဂိမ်းများနှင့်ငွေကြေးလိမ်လည်သူများသည် တာချီလိတ်မြို့၊ ဆန် ဆိုင်း (က)ရပ်ကွက်၊ တိုးနယားလမ်းရှိ ကျော်သိန်း(ခ) ခွန်မောင်ညို ပိုင်ဆိုင်သော ခြံဝင်းအတွင်း၌ တရားမဝင် Online ဂိမ်းများနှင့် ငွေကြေးလိမ်လည်မှုများ ပြုလုပ်နေကြခြင်း ဖြစ်ကြောင်း သိရသည်။
ယင်းကို သတင်းအရ လုံခြုံရေးတပ်ဖွဲ့ဝင်များနှင့် မြန်မာနိုင်ငံရဲတပ်ဖွဲ့ဝင်များက ဝင်ရောက်ရှာဖွေစစ်ဆေးရာ ထိုင်းနိုင်ငံသား ၁၄၈ ဦး၊ တရုတ်နိုင်ငံသား ၁ ဦးနှင့် မြန်မာ နိုင်ငံသူသား ၅၄၀ ဦး၊ စုစုပေါင်း ၆၈၉ ဦးတို့အား မော်တော်ယာဉ် ၈ စီး၊ မော်တော်ဆိုင်ကယ် ၁၂၀ စီး၊ Online ဂိမ်းလုပ်ကိုင်ရာတွင် အသုံးပြုသည့် Desktop ကွန်ပျူတာများနှင့်အတူ ဖမ်းဆီးရမိခဲ့ခြင်း ဖြစ်ကြောင်း သိရသည်။
ဖမ်းဆီးရမိသည့် ထိုင်းနိုင်ငံသားများနှင့် တရုတ်နိုင်ငံသားတို့အား လုပ်ထုံးလုပ်နည်းများနှင့်အညီ ဆောင်ရွက်ပြီး စီး ပါက ၎င်းတို့၏ သက်ဆိုင်ရာနိုင်ငံများသို့ ပြန်လည်လွှဲပြောင်းပေးသွားမည်ဖြစ်ကြောင်းနှင့် မြန်မာနိုင်ငံသား များအား တရားဥပဒေ အတိုင်း ဆက်လက်အရေးယူဆောင်ရွက်သွားမည်ဖြစ်ကြောင်း သိရသည်။
Yangon_Times/PP
ပြန်ဝယ်ပေးမည့်လက်နက်များတွင် မြေပြင်မှဝေဟင်ပစ်ဒုံးကျည်များအထိပါဝင်
၂၂ ဖေဖော်ဝါရီ ၂၀၂၄
မြန်မာနိုင်ငံအထဲက လက်နက်ကိုင်သောင်းကျန်းသူ အုပ်စုတစ်စုအတွက် နျူကလီးယားပစ္စည်းများနှင့်မူးယစ်ဆေး ဝါးများ ပြည်ပသို့ရောင်းချပေးပြီး ယင်းတို့အတွက် လက်နက်များပြန်ဝယ်ပေးတဲ့ဂျပန်လူမျိုး ယာကူဇာ ရာဇဝတ် ဂိုဏ်းခေါင်းဆောင်တစ်ဦးကို အမေရိကန်အာဏာပိုင်များက ဖမ်းဆီးတရားစွဲဆိုလိုက်တယ်လို့ နယူးယောက်မှ သတင်းကို ကိုးကားပြီး နိုင်ငံတကာမီဒီယာတွေက ယနေ့ ဖေဖော်ဝါရီ ၂၂ရက်မှာ ဖော်ပြရေးသားကြပါတယ်။
ဒါပေမယ့် မည်သည့်လက်နက်ကိုင်အဖွဲ့အစည်းဆိုတာကိုတော့သတင်းတွေမှာဖော်ပြမထားပါဘူး။
အသက်၆၀အရွယ်ရှိပြီဖြစ်တဲ့ အီဘီဆာဝါနှင့် ၆၁နှစ်အရွယ် ဆင်ဟာဆီရီတို့ဟာ မြန်မာနိုင်ငံမှ လက်နက်ကိုင် သောင်းကျန်သူတစ်ဖွဲ့ကိုယ်စား မြန်မာနိုင်ငံမှယူရေနီယမ်နှင့် လက်နက်အဆင့်ရှိ ပလူတိုနီယမ် ပစ္စည်းတွေနှင့် မူးယစ်ဆေးဝါးတွေရယူရောင်းချကာ လက်နက်တွေပြန်ဝယ်ပေးတဲ့ လျှို့ဝှက်ကြံစည်မှုကို ကျူးလွန် ခဲ့ကြတယ်လို့ လက်ထောက်ရှေ့နေချုပ် မက်သျူးအိုဆန်က ပြောတယ်လို့ ရိုက်တာသတင်းရေးသားပါတယ်။
နျူကလီးယားပစ္စည်းတွေကို အီရန်နျူကလီယားလက်နက်ထုတ်လုပ်ရေးမှာ အသုံးပြုဖို့ဖြစ်လိမ့်မယ်လို့ အပြည့်အဝ ယုံကြည်ထားတယ်လို့လည်း အမေရိကန်မူးယစ်ဆေးဝါးတိုက်ဖျက်ရေးဌနာရဲ့အကြီးအကဲ အန်နီမီလ်ဂရမ်က ပြော ပါတယ်။ နှစ်ဦးစလုံးကို ရမန်ဖြင့်ချုပ်နှောင်ထားတယ်လို့လည်း သတင်းများကဆိုပါတယ်။
သောင်းကျန်းသူအဖွဲ့အတွက် ဝယ်မယ့်စစ်လက်နက်ထဲမှာ မြေပြင်မှဝေဟင်ပစ်ဒုံးကျည်တွေလည်းပါတယ်လို့ တရားစွဲဆိုချက်မှာဖော်ပြထားပါတယ်။
၂၀၂၀ခုနှစ်ကစပြီး အီဘီဆာဝါဟာ အသွင်ယူထားတဲ့ အရာရှိတစ်ဦးကို သူ့ဆီမှာ နျူကလီးယားပစ္စည်းတွေ အမြောက်အများရောင်းဖို့ရှိတယ်လို့ကြွားဝါပြီး ပုံတွေပါထုတ်ပြခဲ့ပါတယ်။
အဲဒါကြောင့်သူတို့ဟာ ဖမ်းဆီးရမိရေးအတွက်လျှို့ဝှက်စစ်ဆင်ရေးတွေလုပ်နေစဉ်အတွင်း ထိုင်းအာဏာပိုင် တွေကလည်း အမေရိကန်စုံစမ်းထောက်လှမ်းသူတွေကို အဝါရောင်အမှုန့်နှစ်ထုတ်ပ်ကို သိမ်းဆည်းရမိရေး ကူညီပေးခဲ့တယ်လို့ရိုက်တာသတင်းအရသိရပါတယ်။အဲဒီအမှုန့်ကို တရားခံတွေက အဝါရောင်ကိတ်လို့ ခေါ်ကြပါတယ်။
“ နျူကလီးယားနမူနာထဲမှာတွေ့ရတဲ့ ပလူတိုနီယမ်ရဲ့ အိုင်ဆိုတုပ်ဖွဲ့စည်းပုံအရ ယင်းဟာ လက်နက်အဆင့် ဖြစ်တယ်လို့ အမေရိကန်ဓာတ်ခွဲခန်းက အတည်ပြုဆုံးဖြတ်ပါတယ်။ ဆိုလိုတာကတော့ အဲဒါကိုလုံလောက်တဲ့ အရေအတွက်နှင့်သာဆိုရင် နျူကလီးယားလက်နက်ထုတ်ဖို့သင့်လျော်တဲ့အနေအထားဖြစ်နေတယ်” လို့ တရားရေးဌာနရဲ့ ထုတ်ပြန်ချက်မှာဖော်ပြထားပါတယ်။
အီဘီဆာဝါရဲ့လက်ထောက်တွေထဲက တစ်ဦးက သူတို့ဆီမှာ Thorium-232 ကီလိုနှစ်ထောက်ကျော်နှင့် အဝါရောင်ကိတ်လို့သိကြတဲ့ U3O8 ကွန်ပေါင်းထဲ ယူရေနီယမ် ၁၀၀ကီလိုကျော်ရှိနေတယ်လို့ ပြောခဲ့ပါတယ်။
အီဘီဆာဝါက သူတို့ဟာ မြန်မာနိုင်ငံက လက်နက်ကိုင်သောင်းကျန်းသူတစ်ဖွဲ့ကိုယ်စား လက်နက်တွေ ဝယ်ဖို့အတွက်နျူကလီးယားပစ္စည်းတွေကိုရောင်းဖို့လုပ်တာလို့ စွဲချက်မှာဖော်ပြထားပါတယ်။
မြေပြင်မှဝေဟင်ပစ်ဒုံးကျည်ဝယ်ဖို့ကြိုးစားတဲ့အတွက် အီဘီဆာဝါဟာ ထောင်ဒဏ်အနည်းဆုံး ၂၅နှစ်ကျခံရဖို့ ရှိနေပြီး နျူကလီးယားပစ္စည်းတွေကို နိုင်ငံတကာမှာတရားမဝင်ရောင်းဝယ်မှုအတွက်လည်း ထောင်ဒဏ် အနှစ် (၂၀) အထိကျခံရဖို့ရှိနေပါတယ်။
အီဘီဆာဝါဟာ ယာကူဇာဂိုဏ်းခေါင်းဆောင်တစ်ဦးဖြစ်ပြီးသူတို့ဟာ ကမ္ဘာတစ်လွှားမှာ မူးယစ်ဆေးဝါးနှင့်လက်နက်မှောင်ခိုလုပ်နေကြတဲ့ အဆင့်မြင့်မြင့်ဖွဲ့စည်းထားတဲ့ ဂျပန်ရဲ့ရာဇဝတ်ကွန်ယက်ကြီး တစ်ခုဖြစ်တယ်လို့ တရားစွဲဆိုသူတွေက ဖော်ပြကြပါတယ်။
Source: Reuters/AFP
၂၁ ဖေဖော်ဝါရီ ၂၀၂၄
နစကဒုတိယဥက္ကဋ္ဌ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ် မှူးကြီး စိုးဝင်း သည် အိန္ဒိယ တပ်မတော်၊ အမှတ်(၃)တပ်မကြီးမှူး ဒုတိယဗိုလ်ချုပ်ကြီး Harjeet Singh Sahi နှင့် နှစ်နိုင်ငံနယ်စပ်ဒေသတည်ငြိမ်လုံခြုံရေးပူးပေါင်းဆောင်ရွက်မည့်ကိစ္စတွေ ဆွေးနွေးခဲ့ကြပါတယ်။
မြန်မာနိုင်ငံ နေပြည်တော်သို့ရောက်ရှိနေတဲ့ အိန္ဒိယတပ်မတော်မှ ဒုတိယဗိုလ်ချုပ်ကြီး Harjeet Singh Sahi ဦးဆောင်တဲ့ ကိုယ်စားလှယ်အဖွဲ့ကို ဒုတိယဗိုလ်ချုပ်မှူးကြီးစိုးဝင်းက ယနေ့ဖေဖော်ဝါရီ၂၁ရက် နံနက်ပိုင်းတွင် နေပြည်တော်ရှိ ဘုရင့်နောင်ရိပ်သာ ဧည့်ခန်းမ၌ လက်ခံတွေ့ဆုံရာ၌ ယင်းကိစ္စရပ်များကို ဆွေးနွေးခဲ့ကြတာ ဖြစ်ပါ တယ်။
ထိုသို့တွေ့ဆုံကြရာတွင် နှစ်နိုင်ငံနှင့် နှစ်နိုင်ငံတပ်မတော်နှစ်ရပ်အကြား ချစ်ကြည်ရင်းနှီးစွာ ဆက်ဆံရေးနှင့် ဆက်လက်ပူပေါင်းဆောင်ရွက်ရေးဆိုင်ရာများကို တိုးမြှင့်ဆောင်ရွက် နိုင်မည့်အခြေအနေများ၊ ၊နှစ်နိုင်ငံနယ်စပ် ဒေသတည်ငြိမ်အေးချမ်းရေး၊ လုံခြုံရေးနှင့် ဖွံ့ဖြိုးတိုးတက်ရေးအတွက် ပူးပေါင်းဆောင်ရွက်သွားမည့် အခြေအနေ များနှင့် ပတ်သက် ၍ ရင်းနှီးပွင့်လင်းစွာ ဆွေးနွေးခဲ့ကြတာဖြစ်တယ်လို့ နစကရဲ့သတင်းထုတ်ပြန်ချက်မှာ ဖော်ပြထားပါတယ်။
တွေ့ဆုံပွဲသို့ ဒုတိယဗိုလ်ချုပ်မှူးကြီး စိုးဝင်း နှင့်အတူ အနောက်မြောက်တိုင်းစစ်ဌာနချုပ် တိုင်းမှူး ဗိုလ်ချုပ် သန်းထိုက်နှင့် ကာကွယ်ရေးဦးစီးချုပ်ရုံးမှတပ်မတော်အရာရှိကြီးများ တက်ရောက်ကြပြီး ဒုတိယဗိုလ်ချုပ်ကြီး Harjeet Singh Sahi နှင့်အတူ အိန္ဒိယစစ်သံမှူး ဗိုလ်မှူးကြီး Jaswinder Singh Gill နှင့် တာဝန်ရှိသူများ တက်ရောက်ခဲ့ကြတယ်လို့သိရှိရပါတယ်။
@ymg/knl
Page 44 of 207
