၁၇ ဇွန် ၂၀၂၄

ရုရှားသမ္မတပူတင်ဟာ ယခုတစ်ပတ်အတွင်းမှာ ဗီယက်နမ်နိုင်ငံကိုလာရောက်လည်ပတ်ဖို့ရှိတယ်လို့ အရာရှိတော်တော်များများကပြောကြပါတယ်။ ဒါဟာ ကွန်မြူနစ်ဗီယက်နမ်အနေနှင့် ရုရှားကို သစ္စာရှိမှုကို ပြသလိုက်တာဖြစ်ပြီး အမေရိကန်ရဲ့ ပြင်းထန်စွာအပြစ်တင်တာစတင်ခံလိုက်ရပါတယ်။

ဆွစ်ဇာလန်မှာပြီးခဲ့တဲ့ ရုံးပိတ်ရက်များကပြုလုပ်ခဲ့တဲ့ ယူကရိန်းငြိမ်းချမ်းရေးထိပ်သီးဆွေးနွေးပွဲကို ဗီယက်နမ်က မတက်ရောက်ခဲ့တဲ့အပြင် ရုရှားမှာ ပြီးခဲ့တဲ့အပတ်စောစောပိုင်းကကျင်းပတဲ့ BRICS အစည်းအဝေးကို သူ့ရဲ့ ဒုတိယနိုင်ငံခြားရေးဝန်ကြီးကို စေလွှတ်ခဲ့ပြီးနောက် ပူတင်ရဲ့ဗီယက်နမ်ခရီးစဉ် ထွက်ပေါ်လာခဲ့တာပဲဖြစ်ပါတယ်။

ပြီးခဲ့တဲ့လကငါးကြိမ်သက်တမ်း သမ္မတအဖြစ် ကျမ်းသစ္စာကျိန်ဆိုခဲ့တဲ့ ပူတင်ဟာ ဗီယက်နမ်သမ္မတ အသစ် တိုလမ်နှင့် အခြားခေါင်းဆောင်တွေကို သူ့ရဲ့ ဗုဒ္ဓဟူးနှင့် ကြာသပတေး နှစ်ရက်တာခရီးစဉ်မှာ တွေ့ဆုံဖို့ရှိနေပါတယ်လို့ အရာရှိတွေကပြောပါတယ်။

ဗီယက်နမ်ရဲ့ ထိပ်ဆုံးကုန်သွယ်ရေးမိတ်ဖက်ဖြစ်တဲ့အပြင် ပြီးခဲ့တဲ့နှစ်က နှစ်နိုင်ငံအကြား ဆက်ဆံရေး   အဆင့်မြှင့်ခဲ့တဲ့ အမေရိကန်ပြည်ထောင်စုကတော့ ဒီသတင်းကို ခပ်ကြမ်းကြမ်းပြန်တုန့်ပြန်ပါတယ်။

“သူ့ရဲ့ ရန်လိုတဲ့စစ်ပွဲကို အားပေးထောက်ကူဖို့ ဘယ်နိုင်ငံကမှ သူ့ကိုပလက်ဖောင်းမပေးသင့်ဘူး။ အဲသလိုဆိုရင် သူရဲ့ ရက်စက်ကြမ်းကြုတ်မှုတွေကို ပုံမှန်တစ်ခုဖြစ်အောင်သူ့ကိုလုပ်ပေးလိုက်သလိုဖြစ် သွားလိမ့်မယ်” လို့ ဗီယက်နမ်နိုင်ငံ ဟနွိုင်းမြို့တော်က အမေရိကန်သံရုံး ပြောရေးဆိုခွင့်ရသူက ရိုက်တာရဲ့ ဗီယက်နမ်-အမေရိကန်ဆက်ဆံရေးအပေါ် ဘယ်လိုသက်ရောက်မှုရှိမလဲဆိုတဲ့အမေးကို ပြန်  ဖြေပါတယ်။

“သူသာ လွတ်လွတ်လပ်လပ်ခရီးသွားနိုင်ရင် ရုရှားရဲ့ နိုင်ငံတကာဥပဒေကို ရဲရဲတင်းတင်းချိုးဖောက်   တာကို ပုံမှန်တစ်ခုလို့လုပ်ပေးလိုက်သလိုဖြစ်သွားမယ်”လို့ သူကထပ်ပြောပါတယ်။

ဗီယက်နမ်နိုင်ငံခြားရေးဝန်ကြီးဌာနကတော့ ရိုက်တာအမေးကို ပြန်မတုန့်ပြန်ပါဘူး။

ဟနွိုင်းရဲ့အမြင်ကတော့ ပူတင်ခရီးစဉ်ဟာ ဗီယက်နမ်အနေနှင့် မည်သည့် အင်အားကြီးနိုင်ငံတွေကိုမှ ဘက်မလိုက်ဘူးဆိုတဲ့ မျှတတဲ့ နိုင်ငံခြားရေးမူဝါဒကို ပြသလိုတာဖြစ်တယ်” လို့ စင်္ကာပူအခြေစိုက် ISEAS-Yusof Ishak Institute ရဲ့ အကြီးတန်းပညာရှင် အိုင်ယန်စတိုရေးက ပြောပါတယ်။
ပူတင်ဟာ ဗီယက်နမ်ကို ၂၀၂၇မှာ ပထမဆုံးခရီးစဉ်အဖြစ်ရောက်ရှိခဲ့ပြီး ဒါဟာသူရဲ့ ငါးကြိမ်မြောက်ခရီး ဖြစ်ပါတယ်။  ကုန်သွယ်ရေး၊ရင်းနှီးမြှပ်နှံမှု၊နည်းပညာနှင့်ပညာရေးနယ်ပယ်တွေမှာ သဘောတူညီချက် တွေကြေညာဖို့ရှိနိုင်တယ်လို့ နှစ်ဘက်အရာရှိတွေက ပြောကြပါတယ်။ အမည်မဖော်လိုတဲ့အရာရှိကြီး တွေကတော့ ဗီယက်နမ်ခေါင်းဆောင်တွေနှင့်ပူတင်ဟာ ဒီထက်ပိုပြီးအရေးကြီးတဲ့ကိစ္စတွေ အာရုံစိုက် ပြောဆိုကြမှာဖြစ်တယ်လို့ ထုတ်ပြောပါတယ်။

အဲဒါတွေအထဲမှာ ရုရှားဟာ ဗီယက်နမ်ရဲ့ လက်နက်ရောင်းချပေးတဲ့ ထိပ်ဆုံးနိုင်ငံဖြစ်တဲ့အတွက် လက်နက်ကိစ္စ၊ရုရှားကုမ္ပဏီတွေဟာ ဗီယက်နမ်မှာ ရေနံနှင့်သဘာဝဓာတ်ငွေ့တွင်းတွေ လုပ်နေတဲ့   အတွက် စွမ်းအင်ကိစ္စတွေပါဝင်မှာဖြစ်ပြီး  ရုရှားဘဏ်တွေကို အမေရိကန်က အရေးယူပိတ်ဆို့ထားလို့ နှစ်နိုင်ငံအကြား ငွေပေးငွေယူကိစ္စတွေပါဝင်ပါလိမ့်မယ်လို့အရာရှိတွေကပြောပါတယ်။ ဒီကိစ္စတွေ ကြေညာမလားဆိုတာတော့ မသေချာပါဘူး။

လက်နက်အရောင်းအဝယ်အပါအဝင် စီးပွားရေးနှင့်ကူးသန်းရောင်းဝယ်ရေး ဆက်ဆံရေးတွေ တိုးမြှင့်ဖို့ အဓိကဖြစ်တယ်လို့ ကင်ဘာရာ ဩစတြေလျ စစ်တက္ကသိုလ်ရဲ့ ဗီယက်နမ်လုံခြုံရေးဆိုင်ရာ ကျွမ်းကျင် ပညာရှင် ကားလ်တသေယာက ပြောပါတယ်။

ပူတင်နှင့်ဗီယက်နမ်ခေါင်းဆောင်တွေဟာ ရူဘဲလ်နှင့်ဒွန်ငွေတွေ အသုံးပြုပြီး ငွေပေးငွေယူတွေကိုလုပ် မယ့် ဘဏ်စနစ်တစ်ခုကို သဘောတူကြနိုင်ဖွယ်ရှိတယ်လို့လည်း သူကပြောပါတယ်။

Source:  Reuters

၁၆ ဇွန် ၂၀၂၄

◼️ဆွစ်ထိပ်သီးဆွေးနွေးပွဲကို ရုရှားမပါဘဲ နိုင်ငံပေါင်း ၉၀ကျော်တက်

◼️အနာဂတ်ဆွေးနွေးပွဲများတွင် ရုရှားပါမပါ မသေမချာ

◼️အဆုံးသတ်ပူးတွဲကြေညာချက်အပေါ် အချို့နိုင်ငံများက မကြိုက်

◼️ယူကရိန်းက ရုရှား ရာဇသံကို ပယ်ချ

◼️ရုရှားက ဆွေးနွေးပွဲအတွက်အသင့် သို့သော် အာမခံပေးသူများလိုအပ်ဟုပြော

ဆွစ်ထိပ်သီးဆွေးနွေးပွဲတွင် ဇွန် ၁၆ ရက် တနင်္ဂနွေနေ့က အနောက်အင်အားကြီးနိုင်ငံများနှင့် အခြားနိုင်ငံ များက ယူကရိန်း၌ဖြစ်ပွားနေသည့် စစ်ပွဲကို မည်သို့အဆုံးသတ်မည်ဆိုသည့်အပေါ် အများသဘောတူညီ ချက်တစ်ခုရရှိရန် တွန်းနေသော်လည်း အချို့နိုင်ငံများက အပြီးသတ်ကောက်ချက်များကို ထောက်ခံရန် ငြင်းဆန်ဖွယ်ရှိကောင်းရှိနိုင်သဖြင့် မသေမချာမရေရာဖြစ်နေပါတယ်။

ယူကရိန်းသမ္မတ ဗိုလိုဒီမီယာဇီလင်စကီး တောင်းပန်ချက်အရ နိုင်ငံပေါင်း ၉၀ ကျော်ဟာ ဆွစ်ဇာလန် နိုင်ငံ ဆွစ်အယ်လ်ပိုင်း အပန်းဖြေစခန်းမှာကျင်းပတဲ့ နစ်ရက်ကြာဆွေးနွေးပွဲတက်ရောက်နေပါတယ်။

ရုရှားကို မဖိတ်ကြားခဲ့သလို ရုရှားကလည်း သူတက်မှာမဟုတ်ဘူးလို့ ရှင်းရှင်းလင်းလင်းငြင်းဆန်ထား ခဲ့ပါတယ်။ ရုရှားက ဒီထိပ်သီးနွေးနွေးပွဲမှာ အချိန်သက်သက်ဖြုန်းတာတစ်ခုလို့ပြောပါတယ်။ တရုတ်နိုင်ငံ ကလည်း ဒီပွဲကိုမတက်ခဲ့ပါဘူး။

ဒီကွန်ဖရင့်ဟာ မဟာမိတ်တွေဆီက ယူကရိန်းဟာ ကျယ်ကျယ်ပြန့်ပြန့်ထောက်ခံမှုရနေဆဲဆိုတာနှင့်  ရှည်ကြာနေတဲ့အပစ်အခတ်ရပ်စဲရေး စိန်ခေါ်မှုတွေကို ပြသနေပါတယ်။ အနောက်ရဲ့အကူအညီတွေ နှောင့်နှေးခဲ့လို့ ယူကရိန်းတပ်တွေဟာ အရှုံးနှင့်ရင်ဆိုင်နေရပြီး ရုရှားဟာယူကရိန်းရဲ့ ၂၀ရာခိုင်နှုန်းခန့်ကို ယခုထိန်းချုပ်ထားပါတယ်။

ရိုက်တာသတင်းဌာနကရရှိတဲ့ ဇွန်၁၃ရက်စွဲပါ ငြိမ်းချမ်းရေးမူကြမ်းမှာ ဇာပိုရစ်ဇား နျူကလီးယားစက်ရုံ ယူကရိန်းထိန်းချုပ်ဖို့ နှင့် ယင်းရဲ့ အာဇော့ပင်လယ်ဆိပ်ကမ်းကို ပြန်ပေးဖို့တောင်းဆိုထားပါတယ်။

ဒါပေမယ့် စစ်ပွဲအပြီးမှာ ယူကရိန်းဟာဘယ်လိုပုံစံရှိမလဲ၊ နေတိုးမဟာမိတ်အဖွဲ့ ဝင်နိုင်မှာလား နှစ်ဖက် တပ်တွေ ဘယ်လိုဆုတ်ကြမလဲဆိုတာတွေကို ချန်လှပ်ထားခဲ့ပါတယ်။

ဆွေးနွေးပွဲရဲ့ သဘောထားကြေညာချက်စာတမ်းဟာ တစ်ခဲနက်ထောက်ခံမှုရဖို့ မဖြစ်နိုင်လောက်ဘူးလို့ ဩစတြီးယား အဓိပတိ ကာလ်နီဟာမာက ပြောပါတယ်။

ယခုကျင်းပနေတဲ့ ထိပ်သီးဆွေးနွေးပွဲကနေ ဒုတိယအကြိမ်ဆွေးနွေးပွဲကျင်းပမယ့် နိုင်ငံကြေညာကောင်း ကြေညာနိုင်ပါတယ်။ ဆော်ဒီအာရေဗျဖြစ်ဖို့များတယ်လို့ သူကပြောပါတယ်။အဲဒီမှာလုပ်မယ့်ဆွေးနွေးပွဲ ဟာ ဘယ်လိုပုံစံဖြစ်မလဲ ရုရှားပါလာမှာလားဆိုတာလည်း ပြောဖို့စောသေးတယ်လို့ သူကပြောပါတယ်။

“ကျွန်တော့်အမြင်ပြောရရင် ပူးတွဲကြေညာချက်မှာ လူတိုင်းကတော့ လက်မှတ်ထိုးကြမှာမဟုတ်ဘူး။ စကားလုံးတွေရွေးချယ်မှုအပေါ် မေးခွန်းတွေထုတ်နေကြတယ်။ လူတိုင်းလက်မှတ်မထိုးပေမယ့် အားလုံး ရဲ့တူညီတဲ့ရပ်တည်ချက်က စစ်ပွဲဟာ အဆုံးသတ်ရမယ် ဆိုတာပဲ” လို့ သူကပြောပါတယ်။

အမေရိကန်ဒုသမ္မတ ကာမာလာဟာရစ်၊ဂျာမန်အဓိပတိ အိုလက်ဖ်ရှိုးနှင့် ပြင်သစ်သမ္မတ အီမန်နျူယယ် မာခရွန်တို့ဟာဘာဂျင်စတော့ခ် တောင်ပေါ်စခန်းမှာ စုရုံးကြပြီး စစ်ပွဲပြီးဆုံးရေဥးအတွက် နိုင်ငံတကာ ထောက်ခံမှုများလာအောင် စည်းရုံးနေတာဖြစ်ပါတယ်။

အနောက်ခေါင်းဆောင်တော်တော်များများက ကျူးကျော်မှုကိုရှုတ်ချပြီး ရုရှားသမ္မတ ပူတင်ရဲ့  ငြိမ်းချမ်းရေးအတွက် ယူကရိန်းရဲ့အစိတ်အပိုင်းတွေတောင်းဆိုတာကို ပယ်ချခဲ့ကြပါတယ်။

ယူကရိန်းနိုင်ငံခြားရေးဝန်ကြီး ဒီမီထရိုကူလီဘာကတော့က အပြီးသတ်ပူးတွဲကြေညာချက်ကို တနင်္ဂနွေ နေ့နှောင်းပိုင်းမှာ ထုတ်ပြန်မယ်လို့သတင်းထောက်တွေကိုပြောပြီး ကြေညာချက်ပါစာသားတွေဟာ မျှတ မှုရှိကြောင်းပြောပါတယ်။

အချို့ခေါင်းဆောင်တွေကတော့ စောစောပြန်သွားကြပါတယ်။ တနင်္ဂနွေနေ့မှာ သူတို့ဟာ နျူကလီး   ယားနှင့် စားနပ်ရိက္ခာလုံခြုံရေး၊စစ်အကျဉ်းသားများပြန်လွှဲရေးနှင့် ပဋိပက္ခအတွင်းမှ ကလေးငယ်များကို ဖယ်ထုတ်ရေးတွေပါဝင်ဖို့ ဦးတည်နေပါတယ်။

“ ငြိမ်းချမ်းရေးဖိုရမ်တက်တဲ့တစ်ယောက်မှ သူ့ကိုယ်သူဘာလုပ်နေသလဲ ဘယ်အခန်းကဏ္ဍကပါနေသလဲ ဆိုတာ သေသေချာချာမသိကြဘူး” လို့ ရုရှားသမ္မတဟောင်း ယခုရုရှားလုံခြုံရေးကောင်စီ ဒုတိယဥက္ကဋ္ဌ လုပ်နေတဲ့ ဒီမစ်ထရီ မက်ဗီဒေါ့က ပြောပါတယ်။

အိမ်ရှင်အဖြစ်ကျင်းပတဲ့ ဆွစ်ဇာလန်ကိုယ်၌က ဝေဖန်မှုတွေရင်ဆိုင်နေရပါတယ်။ ဆွစ်ဇာလန်ရဲ့ လက်ယာပါတီ ဆွစ်ပြည်သူ့ပါတီ(အက်စ်ဗွီပီ)က နီလ်ဖက်ရှာဟာ ရုရှားရုပ်သံ Russia Today မှာ ပေါ်  လာပြီး ယခုထိပ်သီးဆွေးနွေးပွဲကို “ ဟာသ” ကြီးလို့ ပြောလိုက်ပါတယ်။

ဒီဆွေးနွေးပွဲဟာ ဆွစ်ဇာလန်ရဲ့ ကြားနေရပ်တည်ချက်ကို လျော့ပါးအောင်လုပ်ပစ်လိုက်တာပဲလို့ သူက ဝေဖန်လိုက်ပြီး ရုရှားဟာ စားပွဲမှာ ထိုင်ခုံတစ်နေရာရရမယ်လို့လည်းပြောလိုက်ပါတယ်။

Source Reuters

၁၅ ဇွန် ၂၀၂၄

လာမည့် ၂၀၂၅နှစ်အတွင်း အထွေထွေရွေးကောက်ပွဲကျင်းပပေးမယ်လို့ ဗိုလ်ချုပ်မှူးကြီးမင်းအောင်လှိုင်က ပြော ကြားပါတယ်။

မန္တလေးတိုင်းဒေသကြီး ၊မိတ္ထီလာခရိုင်အတွင်ငးရှိ ခရိုင်နှင့်မြို့နယ်အဆင့် ဌာနဆိုင်ရာဝန်ထမ်းများနှင့် မြို့မိမြို့ဖ များအား  ယနေ့ ဇွန်လ ၁၅ ရက်မနက်က မိတ္ထီလာမြို့ ကန်တော်မင်္ဂလာခန်းမ၌တွေ့ဆုံရာတွင် နစက ဥက္ကဋ္ဌ နိုင်ငံတာ်ဝန်ကြီးချုပ် ဗိုလ်ချုပ်မှူးကြီးက ယင်းကိုထည့်သွင်းပြောဆိုခဲ့တာဖြစ်ပါတယ်။

“ လာမည့် အောက်တိုဘာလအတွင်း လူဦးရေးနှင့်သန်းခေါင်စာရင်းကောက်ယူနိုင်ရေး ဆောင်ရွက်လျက်ရှိပြီး လာမည့်နှစ်အတွင်း လွတ်လပ်၍တရားမျှတသည့် ပါတီစုံဒီမိုကရေစီ အထွေထွေရွေးကောက်ပွဲ ကျင်းပနိုင်ရေး ကြိုတင်ပြင်ဆင်ဆောင်ရွက်လျက်ရှိကြောင်း” ဗိုလ်ချုပ်မှူးကြီး၏ ပြောကြားချက်ကို နစက သတင်းထုတ်ပြန်ချက် မှာဖော်ပြထားပါတယ်။

နိုင်ငံရေးကိုအကြောင်းပြုပြီး မိမိတို့ဆောင်ရွက်ရမည့်လုပ်ငန်းများကိုဆောင်ရွက်ခြင်းမရှိပါက မိမိတို့၏ တိုးတက်   မှုများ နောက်ကျနေခဲ့မည်ဖြစ်ကြောင်း၊အဲဒါကြောင့်မိတ္ထီလာဒေသရှိ ပြည်သူများအနေဖြင့် မိမိတို့တွင် ရှိပြီးသား   ဖြစ်သည့်အခြေခံကောင်းများကို အသုံးချ၍ ဒေသဖွံ့ဖြိုးတိုးတက်ရေးကို ဝိုင်းဝန်းဆောင်ရွက်ကြစေလိုတယ်လို့ ဗိုလ်ချုပ်မှူးကြီးက ဆက်လက်ပြောကြားခဲ့ပါတယ်။

ဒေသတစ်ခုတိုးတက်ရေးအတွက် ဒေသတွင်နေထိုင်သည့် ဒေသခံများ၏ ကြိုးပမ်းအားထုတ်မှုသည်သာလျင် အဓိကကျတယ်လို့လည်းဗိုလ်ချုပ်မှူးကြီးကပြောပါတယ်။

ဗိုလ်ချုပ်မှူးကြီးသည် မိတ္ထီလာခရိုင်၏ ဒေသဖွံ့ဖြိုတိုးတက်ရေးအတွက် စိုက်ပျိုးရေး၊မွေးမြူရေးနှင့် ပညာရေးကဏ္ဍများတွင် ဆောင်ရွက်ရန်ကိစ္စတွေကို အသေးစိတ်မှာကြားခဲ့ကြောင်းလည်း သတင်းထုတ်ပြန်ချက် မှာဖော်ပြထားပါတယ်။

ဗိုလ်ချုပ်မှူးကြီးဟာ မိတ္ထီလာခရိုင်အတွင်းရှိ ပုဂ္ဂလိကမွေးမြူရေးလုပ်ငန်းများနှင့် ဒေသထုတ်လုပ်ငန်းတွေကိုလည်း ဆက်လက်ကြည့်ရှုအားပေးခဲ့ရာ ဦးမြဟန် ဆိတ်နှင့်သိုးမွေးမြူရေးလုပ်ငန်း၊Garden Familyဆိတ်မွေးမြူရေး  လုပ်ငန်း၊  ကောင်းထက်စံနို့စားနွားမွေးမြူရေလုပ်ငန်း၊Leader of Textile Public Company နှင့်ကိန္နရီ ချည်ချော  လုံချည် ထုတ်လုပ်ရေးလုပ်ငန်းစုတို့မှ တာဝန်ရှိသူတွေက ရှင်းလင်းတင်ပြပြီး လိုအပ်သည်များဖြည့်ဆည်းဆောင်  ရွက်ပေးခဲ့ပါတယ်။

ဗိုလ်ချုပ်မှူးကြီးသည် နစကအဖွဲ့ဝင်များ၊ပြည်ထောင်စုဝန်ကြီးများနှင့် အခြားတာဝန်ရှိသူများနှင့်အတူ မိတ္ထီလာမြို့ သို့ရောက်ရှိပြီး ဒေသဖွံ့ဖြိုးတိုးတက်ရေးလုပ်ငန်းများဆောင်ရွက်ခဲ့တာဖြစ်တယ်လို့ သတင်းထုတ်ပြန်ချက်အရ သိရှိရပါတယ်။

@knl/ymg

၁၀ ဇွန် ၂၀၂၄
သန်လျင်တံတားအမှတ်(၃)ဖွင့်ပွဲအခမ်းအနားအား ပစ်ခတ်တိုက်ခိုက်မည့် ရန်ကုန်UG အဖွဲ့ဝင် (၉) ဦးတို့ကို ၁ဝ၇ မမ ရှော့တိုက်ဒုံးသီးများနှင့်အတူ ဖမ်းဆီးရမိခဲ့တယ်လို့ နစက သတင်းထုတ်ပြန်ရေး အဖွဲ့ရဲ့ သတင်းထုတ်ပြန်ချက် အရသိရပါတယ်။
ဇွန်လ ၈ ရက်တွင် သန်လျင်တံတားအမှတ်(၃)ဖွင့်ပွဲအခမ်းအနားကျင်းပရာသို့ ၁၀၇ မမ ရှော့တိုက်ဒုံးများဖြင့် ပစ်ခတ်တိုက်ခိုက်ရန်စီစဉ်လျက်ရှိကြောင်း သတင်းရရှိတဲ့အတွက် ဖော်ထုတ်ဖမ်းဆီးမိခဲ့တာဖြစ်တယ်လို့ ဆိုပါ တယ်။
ရန်ကုန်UGအဖွဲ့ဝင်တွေဖြစ်ကြတဲ့ စိန်ကြီး(ခ)အောင်ထွေး(၂၆)နှစ်၊ ချိုကြီး(ခ)ဟိန်းထက်အောင်(၁၈)နှစ်၊ မင်းသူ (၃၀)နှစ်၊ မောင်ဟိန်း(၂၄)နှစ်၊ အောင်သူရထွန်း(၂၅)နှစ်၊ ပြည့်ဖြိုးဇော်(၁၈)နှစ်နှင့် ထက်အာကာလင်း(၂၆)နှစ်တို့ ၇ ဦးအား ၁ဝ၇ မမရှော့တိုက်ဒုံး ၂ လုံး၊ ဖြူးစ် ၂ ခု၊ လက်ပစ်ဗုံး ၂ လုံး၊ ဘတ္ထရီအိုး ၂ လုံး၊ ဝါယာကြိုးခွေ ၄ ခွေ၊ အခြားဆက်စပ်ပစ္စည်းများနှင့်အတူ ဇွန်လ ၈ ရက် နံနက်ပိုင်းတွင် ဒဂုံမြို့သစ်(ဆိပ်ကမ်း)မြို့နယ်၊ (၆၁)ရပ်ကွက် ၊သင်္ဘောကျင်းဝန်ထမ်း အိမ်ယာဝန်းအတွင်းရှိ သစ်သားလိုင်းခန်းအဟောင်း၌ ဖမ်းဆီးရမိခဲ့တယ်လို့ သတင်းထုတ် ပြန်ချက်မှာဖော်ပြထားပါတယ်။
သူတို့ရဲ့ ထွက်ဆိုချက်အရ ဇွန်လ ၉ ရက် နံနက်ပိုင်းတွင်ရှော့တိုက်ဒုံးပစ်ခတ်ရန် ပူးပေါင်းပါဝင်သူများဖြစ်သော ချစ်ကေခိုင်(၃၈)နှစ်အား ဒဂုံမြို့သစ်(တောင်ပိုင်း)မြို့နယ်၊ (၇၂)ရပ်ကွက်၊ သဇင်လမ်း၊ အမှတ်(၉၃)နေအိမ်မှ လည်း ကောင်း၊ဇာနည်အောင်(ခ)ကိုဇာ(၃၂)နှစ်အား ဒဂုံမြို့သစ် (တောင်ပိုင်း) မြို့နယ်၊ (၇၂)ရပ်ကွက်၊ဗန္ဓုလလမ်း၊ အမှတ်(၁၁၁)နေအိမ်မှ ၁၀၇ မမ ရှော့တိုက်ဒုံး ၁ လုံး၊ ဖြူးစ်တစ်ခုတို့ဖြင့်လည်းကောင်း အသီးသီးထပ်မံ ဖော်ထုတ် ဖမ်းဆီးရမိခဲ့တယ်လို့သိရပါတယ်။
ဖမ်းဆီးရမိတဲ့အဖွဲ့ဝင်တွေရဲ့ ထွက်ဆိုချက်အရ Brigate Drone Force PDFအဖွဲ့ဝင် အာကာမင်း မှ ၂၀၂၄ ခုနှစ်၊ ဧပြီလတတိယပတ်တွင် Instagram မှတစ်ဆင့် ရှော့တိုက်ဒုံး ချိန်ရွယ်နည်းနှင့် ပစ်ခတ်နည်းများအား သင်ကြားပေးခဲ့ပြီး အာကာမင်းမှာ လွတ်မြောက်နေဆဲဖြစ်တယ်လို့သတင်းထုတ်ပြန်ထားပါ တယ်။၊
သန်လျင်တံတားအမှတ်(၃) ဖွင့်ပွဲကိုပစ်ခတ်ရန်အတွက် မေလ ၁၉ ရက်တွင် ရန်ကုန် UG အဖွဲ့ဝင် ဖြူနှင်း အေး(ခ)မီးအိမ်ရှင် မှ စိန်ကြီး(ခ)အောင်ထွေး အား ဆက်သွယ်၍ ၁၀၇ မမရှော့တိုက် ဒုံးသီး ၃ လုံးနှင့် လက်ပစ်ဗုံး ၂ လုံးတို့အား ချိတ်ဆက်ပို့ဆောင်ပေးခဲ့သဖြင့်စိန်ကြီး(ခ)အောင်ထွေး၊ ဇာနည်အောင်(ခ)ကိုဇာနှင့် ချစ်ကေခိုင် တို့ ၃ ဦးမှ ပုဇွန်တောင်မြို့နယ်၊ Ocean Center အနီးရှိ ကားမှတ်တိုင်တွင် ရန်ကုန် UG အဖွဲ့ဝင် (စိစစ်ဆဲ)ကျား ၂ ဦးထံမှ သွားရောက်ယူဆောင်ခဲ့ပြီး သိုဝှက်သိမ်းဆည်းထားခဲ့တာဖြစ်ပါတယ်။ ဖြူနှင်းအေး(ခ) မီးအိမ်ရှင်မှာ လွတ်မြောက် နေဆဲဖြစ်တယ်လို့ဆိုပါတယ်။
စိန်ကြီး(ခ)အောင်ထွေး၊ ချိုကြီး(ခ)ဟိန်းထက်အောင်၊ မောင်ဟိန်း၊ ပြည့်ဖြိုးဇော်၊ ထက်အာကာလင်း၊ ဇာနည်အောင်(ခ) ကိုဇာနှင့် ချစ်ကေခိုင် တို့ ၇ ဦးသည် ဇွန်လ ၄ ရက်နေ့မှ ၈ ရက်နေ့အထိ သန်လျင်တံတား၏ အခြေအနေ၊ သန်လျင်တံတားအဆင်း တိုးဂိတ်အနီးနေရာနှင့် ဒဂုံမြို့သစ်(ဆိပ်ကမ်း)မြို့နယ်၊ မြနန္ဒာအိမ်ရာ အနီး တစ်ဝိုက်ရှိ လုံခြုံရေးတပ်ဖွဲ့ဝင်များ၏ အခြေအနေတို့အား ၅ ကြိမ် သွားရောက်ကြည့်ရှုခဲ့ကြတယ်လို့ သတင်းမှာ ဖော်ပြထားပါတယ်။
အဲဒီနောက်၁၀၇ မမ ရှော့တိုက်ဒုံးပစ်ခတ်မည့်နေရာအား ဆိပ်ကမ်းသာလမ်းအောက်ဘက် “ဘုရင်ကြီး” သဲကျောက်ရောင်းဝယ်ရေးလုပ်ငန်း၏ အရှေ့ဘက် မီတာ ၁၀၀၀ ခန့်အကွာ သဲကွင်းပြင်နေရာကို ရွေးချယ် သတ်မှတ်ခဲ့ပြီး ဇွန်လ ၈ ရက် တံတားဖွင့်ပွဲအခမ်းအနားကျင်းပမည့်အချိန်တွင် ပစ်ခတ်ဖောက်ခွဲရန် စီစဉ်ခဲ့ကြကြောင်း ဖော်ထုတ်သိရှိရတာဖြစ်တယ်လို့ သတင်းထုတ်ပြန်ထားပါတယ်။
ဖြစ်စဉ်တွင် တရားခံ ကျား ၈ ဦး၊မ ၁ ဦး ပေါင်း ၉ ဦးတို့နှင့်အတူ ၁ဝ၇ မမရှော့တိုက်ဒုံး ၃ လုံး၊ ဖြူးစ် ၃ ခု၊ လက်ပစ်ဗုံး ၂လုံး၊ ဘတ္ထရီအိုး ၂ လုံး၊ ဝါယာကြိုးခွေ ၄ ခွေနှင့် အခြားဆက်စပ် ပစ္စည်းများအားဖော်ထုတ်သိမ်းဆည်းရမိခဲ့ကြောင်း သိရှိရပါတယ်။
@ymg/knl

၉ ဇွန် ၂၀၂၄

မြန်မာနိုင်ငံမှာ ထိုင်းကွန်ဒိုဝယ်ယူမှုတွေအပေါ် ဖမ်းဆီးအရေးယူနေတဲ့ အတွက် ထိုင်းနိုင်ငမှာ ယခုနှစ်ဒုတိယနှင့် တတိယ လေးလပတ်ကာလတွေမှာ ကွန်ဒိုအဝယ်သိသိသာသာကျဆင်းသွားလိမ့်မယ်လို့ ထိုင်း ကွန်ဒိုမီနီယမ်အသင်းကပြောကြောင်း ဘန်ကောက်ပို့စ်သတင်းအရသိရပါတယ်။

မြန်မာအစိုးရရဲ့ဖမ်းဆီးအရေးယူမှုတွေကြောင့် ဧပြီလနှင့်မေလတွေမှာ ဘတ်ငွေ တစ်ဘီလျံကျော်တန်ကွန်ဒိုတွေတွေ မြန်မာနိုင်ငံက ဝယ်လက်တွေဝယ်ကြတာ ပိတ်သွားတယ်လို့  အဲဒီအသင်းဥက္ကဋ္ဌ ပရာဆတ်တရက်ဒူလာယာဆာတစ်က ပြောပါ  တယ်။

“ ထိုင်းကွန်ဒိုတွေဝယ်ကြတဲ့ နိုင်ငံခြားဝယ်လက်တွေကြားထဲမှာ မြန်မာဟာ ထွန်းသစ်စဈေးကွက်တစ်ခုဖြစ်နေတဲ့အတွက် အဲဒီနှိမ်နှင်းအရေးယူမှုတွေကြောင့် မြန်မာတွေ ဝယ်ဖို့ခက်ခဲသွားလိမ့်မယ်။ ဒုတိယနှင့်တတိယလေးလပတ်မှာ ကွန်ဒိုအရောင်း အပေါ် သိသိသာသာ အကျိုးဆက်ဖြစ်မှာ အသေအချာပဲ” လို့သူကပြောပါတယ်။

တရုတ်ရဲ့ကွန်ဒိုအဝယ်တွေကျဆင်းလာနေတဲ့အချိန်မှာ တိုးတက်လာနေတဲ့မြန်မာတွေရဲ့ ကွန်ဒိုဝယ်ယူမှု  အရေအတွက်   နှင့်တန်ဖိုးကို ကျွန်တော်တို့လျစ်လျူရှုလို့ကိုမရဘူး လို့လည်း သူကဆက်ပြောပါတယ်။

မြန်မာနိုင်ငံသားတွေဟာ ထိုင်းကွန်ဒိုတွေကို ၂၀၂၂ခုနှစ်ကစတင်ဝယ်ယူလာကြတာဖြစ်ပြီး ထိပ်တန်း၁၀နိုင်ငံအပြင်ဘက် ကနေ ထိပ်တန်းငါးနိုင်ငံစာရင်းထဲ ဝင်လာတာဖြစ်တယ်လို့ ထိုင်းနိုင်ငံအိမ်ခြေံမြေသတင်းအချက်အလက်စင်တာမှ သိရပါ တယ်။

၂၀၂၂ခုနှစ်မှာ မြန်မာဟာ ကွန်ဒိုဝယ်ယူမှု အရေအတွက်အရ အဆင့် (၆)နှင့် တန်ဖိုးအရ အဆင့်(၃)ရခဲ့ပါတယ်။ စုစုပေါင်း တန်ဖိုး ၂.၅၅ ဘီလျံဘတ်ရှိတဲ့ ကွန်ဒိုပေါင်း ၃၄၉ ခန်း ဝယ်ခဲ့ကြပါတယ်။ ၂၀၂၃မှာ မြန်မာဟာ အဆင့်(၄)ရောက်လာပြီး စုစုပေါင်း တန်ဖိုး ၃.၇ ဘီလျံဘတ်ငွေရှိတဲ့ ကွန်ဒိုပေါင်း ၅၆၄ ခန်းဝယ်ခဲ့ကြပါတယ်။

ယခုနှစ်မှာ မြန်မာဈေးကွက်ဟာ ဆက်လက်တိုးတက်လာခဲ့ပြီး ပထမလေးလပတ်မှာ အဆင့် (၂) ရောက်လာပါတယ်။ တန်ဖိုး ၂.၂ ဘီလျံဘတ်ငွေရှိတဲ့ ကွန်ဒိုပေါင်း ၃၉၂ခန်းဝယ်ခဲ့ကြပါတယ်လို့ သတင်းမှာဖော်ပြထားပါတယ်။

၂၀၂၂-၂၀၂၃မှာ မြန်မာတွေကွန်ဒိုဝယ်ကြတာဟာ နိုင်ငံခြားသားစုစုပေါင်းဝယ်ကြတာရဲ့ ၃ရာခိုင်နှုန်းနှင့် ၄ရာခိုင်နှုန်း အကြားသာရှိခဲ့ရာမှ အရေအတွက်အရေ ၁၀ရာခိုင်နှုန်းနှင့် တန်ဖိုးအရ ၁၂ ရာခိုင်နှုန်းအထိ အချိုးအစားမြင့်တက်ခဲ့ပါတယ်။

“ မြန်မာနိုင်ငံကအဝယ်တွေဟာ ၂၀၂၁ ခုနှစ် နိုင်ငံရေးပြဿနာတွေစကတည်းက တိုးလာခဲ့တာပါ။ မကြာသေးခင်က တောင်  မြန်မာတွေရဲ့ ကွန်ဒိုအဝယ်ဟာ စုစုပေါင်းရဲ့ တစ်ဝက်ရှိတယ်လို့ အချို့ ဆောက်လုပ်ရေးကုမ္ပဏီတွေကပြောကြတယ်” လို့ အိမ်ခြံမြေသတင်းအချက်အလက်စင်တာ ခေတ္တ ညွှန်ချုပ် ဗီချိုင်း ဗီရက်ကာပန်က ပြောပါတယ်။

မြန်မာတွေအကြိုက်အတွေ့ဆုံးက မဟာဘန်ကောက်ဧရိယာဖြစ်ပြီး တစ်နှစ်တစ်နှစ်မှာ မြန်မာတွေကို ကွန်ဒိုရောင်းရတာ မြင့်တက်လာပြီး ၂၀၂၄ ပထမလေးလပတ်မှာ တန်ဖိုး ၂.၁ဘီလျံဘတ်ရှိတဲ့ အခန်းပေါင်း ၃၆၆ ခန်းရောင်းရပြီး အရေအတွက် အားဖြင့် ၄၄၆ ရာခိုင်နှုန်းနှင့် တန်ဖိုးအားဖြင့် ၃၃၃ ရာခိုင်နှုန်းမြင့်တက်ခဲ့တာဖြစ်ပါတယ်။

“ မြန်မာဝယ်လက်တွေကို ပစ်မှတ်ထားနေတဲ့ ကွန်ဒိုရောင်းကုမ္ပဏီတွေဟာ ထိုင်းနိုင်ငံမှာ အိမ်အရောင်းပြပွဲတွေဘက် အာရုံစူးစိုက်သင့်တယ်” လို့ မစ္စတာ ပရာဆတ်ကပြောပါတယ်။ “ သူတို့ဟာ နိုင်ငံခြားငွေအလွှဲအပြောင်းကို အချိန်ယူလုပ်  ကြရတော့ မှာမို့ အသင့်နေကွန်ဒိုတွေထက် ကြိုပွိုင့်တွေဘက် ပြောင်းသွားလိမ့်မယ်” လို့ သူကပြောပါတယ်။

“ ထိုင်းကွန်ဒိုတွေကို ဝယ်ယူရာမှာ ငွေအပြည့် မထုတ်ယူရသေးတဲ့ ကြိုပွိုင့်ဝယ်ထားသူတွေနှင့် ဝယ်လက်အသစ်တွေကို အကျိုးသက်ရောက်မှုရှိလိမ့်မယ်”လို့ မစ္စတာဒီအင်န်အေအိမ်ခြံမြေကုမ္ပဏီအကြံပေး နှင့် မန်နေးဂျင်းဒါရိုက်တာ  ဆူရာချက် ကွန်ချိက ပြောပါတယ်။

အဲဒီလိုဝယ်ထားသူတွေဟာ ပိုက်ဆံပြန်ထုတ်ဖို့ အခြားနည်းလမ်း သို့မဟုတ် လမ်းကြောင်းရှာထားဖို့လိုတယ်။ဒီလိုမလုပ် နိုင်ရင် ပြန်ညှိနှိုင်းရတာတွေနှင့် လိုအပ်ရင် ဖျက်သိမ်းရတာတွေအထိရှိလာနိုင်တယ်” လို့ မစ္စတာ ဆူရာချက်က ဆက်ပြောပါတယ်။

Source BKK Post

၈ ဇွန် ၂၀၂၄

သန်လျင်တံတားအမှတ်(၃)လေးလမ်းသွားတံတားသစ်ကြီးကို ဖွင့်လှစ်လိုက်ပြီဖြစ်သည့်အတွက်  ရန်ကုန်မြို့ အပါအဝင် ရန်ကုန်တောင်ပိုင်းခရိုင် မြို့နယ်များဖြစ်သည့် သန်လျင်၊ ကျောက်တန်း၊ ခရမ်း၊ သုံးခွဒေသရှိ ပြည်သူများ၏ လူမှုစီးပွား  ဘဝတိုးတက်လာမယ်လို့ ဗိုလ်ချုပ်မှူးကြီးမင်းအောင်လှိုင်ကပြောပါတယ်။

ဇွန်၈ရက်နံနက်က ကျင်းပတဲ့ ပဲခူးမြစ်ကူးတံတား(သန်လျင်တံတားအမှတ်-၃)ဖွင့်ပွဲတွင် နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးတက်ရောက်အမှာစကားပြောကြားရာမှာ ယင်းကို ထည့်သွင်းပြောကြားခဲ့တာဖြစ်ပါတယ်။

သီလဝါအထူးစီးပွားရေးဇုန်ကိုအကြောင်းပြုပြီး ပြည်တွင်း၊ ပြည်ပ စီးပွားရေးလုပ်ငန်းများ တိုးပွားလာမှုကြောင့် အဆိုပါ ဒေသတွေ လူမှုစီးပွားတိုးတက်လာမှာဖြစ်တယ်လို့ ဗိုလ်ချုပ်မှူးကြီးကပြောပါတယ်။

ယင်းအပြင်သန်လျင်တံတားအမှတ်(၁)တွင်ဖြစ်ပေါ်လျက်ရှိသည့် ယာဉ်ကြောပိတ်ဆို့မှုများကို ဖြေရှင်းပေးနိုင်တော့မည်ဖြစ် သည့်အပြင် နောင်အခါတွင် အရှေ့-အနောက် စီးပွားရေးစင်္ကြံလမ်းမကြီးကို အသုံးပြုပြီး ဘားအံမြို့-မြဝတီမြို့ အထိ ဆက်စပ်  သွားလာနိုင်တော့မည်ဖြစ်သည့်အတွက် မွန်ပြည်နယ်နှင့်ကရင်ပြည်နယ်တို့၏ ဖွံ့ဖြိုးတိုးတက်မှုကိုလည်း အကျိုးပြုမည်သာ  မက ဒေသတွင်းနိုင်ငံများနှင့်ပါ ဆက်သွယ်မှုပိုမိုဖွံ့ဖြိုးလာမည်ဖြစ်တယ်လို့လည်း ဗိုလ်ချုပ်မှူးကြီးကပြောကြောင်း နစက သတင်းထုတ်ပြန်ချက်မှာဖော်ပြထားပါတယ်။

ယခုဖွင့်လှစ်လိုက်တဲ့ ပဲခူးမြစ်ကူးတံတား(သန်လျင်တံတားအမှတ်-၃) တည်ဆောက်ရေးစီမံကိန်းကို ဂျပန်နိုင်ငံ၊ အပြည်ပြည်    ဆိုင်ရာပူးပေါင်းဆောင်ရွက်ရေးအေဂျင်စီ(JICA)နှင့် မြန်မာနိုင်ငံ၊ စီမံကိန်းနှင့် ဘဏ္ဍာရေးဝန်ကြီးဌာန၊ ဆောက်လုပ်ရေး ဝန်ကြီးဌာနနှင့် သက်ဆိုင်ရာဝန်ကြီးဌာနများမှ စီမံကိန်းအကောင်အထည်ဖော်ရေး သဘောတူညီချက်အရ ၂၀၁၃ ခုနှစ်မှစတင်  ၍ စီမံကိန်းလုပ်ငန်းအဆင့်အလိုက် အဆင့်ဆင့်ဆောင်ရွက်ခဲ့ခြင်းဖြစ်ပါတယ်။

၂၀၁၇ ခုနှစ်တွင် ချေးငွေ သဘောတူစာချုပ် ချုပ်ဆိုခဲ့ပြီး ၂၀၁၉ ခုနှစ်တွင် စတင်ဆောက်လုပ်ခဲ့ပါတယ်။ ၂၀၂၁ ခုနှစ်တွင် နိုင်ငံရေး အခြေအနေများကြောင့် တံတားတည်ဆောက်ရေးလုပ်ငန်း၊ ချေးငွေကိစ္စရပ်များ တုံဆိုင်းသွားခဲ့ပြီး အကြိမ်ကြိမ် ညှိ နှိင်းချက်များအရပြန်လည်တည်ဆောက်နိုင်ခဲ့ပါတယ်ဒါပေမယ့်ရန်ပုံငွေသုံးစွဲမှုတွင် လိုအပ်ချက်ဖြစ်ပေါ်လာခြင်းကြောင့် နိုင်ငံ

တော်မှကျပ်(၄၆) ဘီလီယံကျော်ထည့်ဝင်ကျခံပြီး တံတားကြီးတည်ဆောက်ပြီးစီးရေးဆောင်ရွက်ခဲ့ခြင်းဖြစ်တယ်လို့  သိရပါ  တယ်။

တံတားအရှည်အနေဖြင့် မြစ်ကူးတံတားအပိုင်း ၆၆၆၃ ပေ၊ ကုန်းကျော်တံတားအပိုင်း၁၉၇၅ ပေ၊ စုစုပေါင်း ၈၆၃၈ ပေရှိပြီး တံတားအကျယ် ၇၅ ပေဖြစ်ပါတယ်။ ၄ လမ်းသွားတံတားဖြစ်ပြီး တစ်ဘက်လျှင် Safe Zone ၅ ပေစီပါရှိပါတယ်။ တံတား၏ ရေလမ်းကင်းလွတ်အမြင့်မှာ ၄၃ ပေရှိပြီး ရေလမ်းကင်းလွတ်အကျယ်မှာ ၇၃၅ ပေဖြစ်ပါတယ်။

တံတားသည် သံမဏိကြိုးဆိုင်းတံတား (Cable Stayed Bridge)၊ Steel Box နှင့် PC Boxအမျိုးအစားဖြစ်ပြီး တံတားခံနိုင်ဝန်မှာ ယာဉ်တစ်စီးချင်း ၇၅ တန်ဖြစ်ကြောင်းသိရှိရပါတယ်။

@ymg/knl