#WorldPolitics
Published - 1 February 2022

လက်ရှိဖြစ်ပျက်နေတဲ့ ယူကရိန်းအရေးနဲ့ ပတ်သက်ပြီး အ‌မေရိကန်နဲ့ရုရှားတို့ တွေ့ဆုံဆွေး‌နွေးပြီးနောက် အမေရိကန်တို့က ရုရှားထံ စာဖြင့်ရေးသားဖြေကြားခဲ့ပြီး ရက်ပိုင်းအကြာမှာပဲ ရုရှားတို့ကလည်း အမေရိကန်ဆီသို့စာဖြင့် ပြန်လည်တုန့်ပြန်ရေးသားခဲ့ပါတယ်။

အခုလို ရေးသားပေးပို့ခြင်းက ရုရှားတိုစစ်ရေးကျူးကျော်မှု ပြုလုပ်လာနိုင်မှုအပေါ်မူတည်ပြီး သံတမန်ရေးဆွေးနွေးမှုများ ညှိနှိင်းပြုလုပ်ခဲ့သည့် နောက်ဆုံးရအခြေအနေတွေ ဖြစ်ပါတယ်။

အဲဒီနောက် နိုင်ငံခြားရေးဝန်ကြီး အန်တိုနီဘလင်ကန်နဲ့ ရုရှားနိုင်ငံခြားရေးဝန်ကြီး ဆာဂျီလက်ဗ်ရော့ဗ်တို့က အင်္ဂါနေ့မှာဖုန်းဖြင့် ဆက်သွယ်ဆွေးနွေးသွားဦးမှာ ဖြစ်ပါတယ်။
နိုင်ငံခြားရေးဌာနမှ အကြီးတန်းအရာရှိနဲ့ ပြောရေးဆိုခွင့်ရှိသူတစ်ဦးက ရုရှားထံမှ အကြောင်းပြန်စာရရှိထားကြောင်း တနင်္လာနေ့က အတည်ပြုလိုက်ပါတယ်။

"လူသိရှင်ကြား ထုတ်ပြောနေလို့ ဘာမှမထူးခြားပါဘူး။ ဆွေးနွေးမှုလုပ်မလုပ်က ရုရှားတို့အပေါ်ပဲမူတည်ပါတယ်။ ကျွန်တော်တို့ကတော့ ဒီပြဿနာတွေကို‌ဖြေရှင်းဖို့ ဆက်လက်ဆောင်ရွက်သွားမှာဖြစ်ပြီး ယူကရိန်းအပါအဝင် ကျွန်တော်တို့ရဲ့ မဟာမိတ်တွေနဲ့လည်း နီးနီးကပ်ကပ် တိုင်ပင်ဆွေးနွေးသွားမှာ ဖြစ်ပါတယ်"

အမေရိကန်ရဲ့ တုန့်ပြန်ဖြေကြားမှုကို ရုရှားက အများသိအောင်ဖြေကြားရာမှာ အ‌မေရိကန်က စစ်လက်နက်ထိန်းချုပ်ကန့်သတ်ရေးကို ဆောင်ရွက်ချင်နေပေမယ့် နေတိုး(NATO)အဖွဲ့ရဲ့ စစ်အင်အားတိုးချဲ့လာမှုကို ထိန်းချုပ်ပေးဖို့ကိုတော့ ငြင်းဆန်နေတဲ့လေသံပေါက်နေကြောင်း ဖော်ပြခဲ့ပါတယ်။

ယူကရိန်းအရေးနဲ့ပတ်သက်ပြီး အမေရိကန်နဲ့ရုရှားတို့ မလွှဲမရှောင်သာ ထိပ်တိုက်တွေ့ဆုံနေခဲ့ရာ ရုရှားတို့ရဲ့စစ်ရေးတင်းမာမှုတွေကိုဖြေရှင်းဖို့ တနင်္လာနေ့က ကုလသမဂ္ဂလုံခြုံရေးကောင်စီက အစည်းအဝေးတစ်ခု ပြုလုပ်ခဲ့ကြပါတယ်။

ကုလသမဂ္ဂဆိုင်ရာ အမေရိကန်သံအမတ် လင်ဒါသောမတ်စ်ဂရင်းဖီးလ်က "ဘီလာရုစ်နဲ့ ယူကရိန်းနယ်စပ်တို့မှာ ရုရှားစစ်အင်အားသောင်းဂဏန်းချီပြီး နေရာချထားခြင်းအပေါ် အမေရိကန်တို့ရဲ့ စွပ်စွဲချက်နဲ့ပတ်သက်ပြီး ရုရှားတိုဖြေရှင်းချက်ပေးနိုင်ဖို့ ရည်ရွယ်ချက်နဲ့ ဒီအစည်းအဝေးကို ပြုလုပ်ခဲ့တာဖြစ်ပါတယ်။ ကျွန်မတို့အားလုံးမျှော်လင့်နေတဲ့ အဖြေမျိုး ရုရှားဘက်က မထုတ်ပြန်ခဲ့ပါဘူး" လို့ ပြောသွားခဲ့ပါတယ်။

တရုတ်နဲ့ရုရှားတို့ရဲ့ ဆန့်ကျင်မှုတွေ ရှိ‌နေပေမယ့် နယူးယော့ခ်ရှိ ကုလဌာနချုပ်မှာ တနင်္လာနေ့က အစည်းအဝေးပြုလုပ်ခဲ့တာ ဖြစ်ပါတယ်။

အမေရိကန်မှ တာဝန်ရှိသူတွေက ရုရှားအား သံတမန်ရေးရာလမ်းကြောင်းကို ရွေးချယ်ဖို အကြိမ်ကြိမ်တိုက်တွန်းခဲ့ပါတယ်။

ယူကရိန်းကိုထပ်မံကျူးကျော်ပါက ပြင်းထန်ထိရောက်တဲ့ ဒဏ်ခတ်ပိတ်ဆို့မှုတွေကို အလျင်အမြန် ချမှတ်သွားမှာဖြစ်ကြောင်း သမ္မတဂျိုးဘိုင်ဒန်က အစည်းအဝေးမှာ ထပ်မံပြောကြားလိုက်ပါတယ်။
Source: CNN

#LocalNews
Published - 1 FEB 2022
ဒီကနေ့ ဖေ ဖော်ဝါရီ ၁ ရက်၊ နံနက်ပိုင်းအချိန်က ကျောက္ကာ-မုံရွာလမ်းတွင် ခရီးသည်တင်မော်တော်ယာဉ် တစ်စီးမိုင်းဆွဲခံခဲ့ရတယ်လို့ သိရပါတယ်။

အဆိုပါ ခရီးသည်တင်ယဉ် မိုင်းဆွဲခံရမှုကြောင့် ယာဉ်ပေါ်ပါ ခရီးသည် ၄ ဦးထိခိုက်ဒဏ်ရာရခဲ့ပြီး တစ်ဦးက တော့ ပြင်းထန်ဒဏ်ရာ ရရှိသွားတယ်လို့ ဒေသခံ လူမှုကူညီ ကယ်ဆယ် ရေးအဖွဲ့ထံမှ သိရပါတယ်။

"တစ်ယောက်ကတော့ ဒဏ်ရာပြင်းထန်တယ်။ ကျန်တဲ့သုံးယောက်က တော့ ပါးပါး လောက်ဘဲထိတယ်။ ခြေ တွေ လက် တွေ ပွန်းပဲ့ထိခိုက်ဒဏ်ရာရတယ်။ ကားကတော့ အကုန်စုတ်ပြတ်သတ်သွားတယ်။ အတော်ထိသွားတယ်။ ဒီနေ့မနက် ၁၁ လောက်က ဖြစ်တာပါ။ ကားပေါ်မှာက အားလုံးစုစု ပေါင်း ၄ ယောက်ဘဲပါတယ်။ ထိတာလည်း အဲ့ ၄ ယောက်ပါဘဲ။"လို့ မုံရွာမြို့ အ ခြေစိုက် လူမှုကယ်ဆယ် ရေးအဖွဲ့ (Monywa Rescue)မှ တာဝန်ရှိသူ တစ်ဦးက YMG ကိုပြောပြခဲ့ပါတယ်။

လက်ရှိမှာ ဒေသခံလူမှုကူညီ ကယ်ဆယ်ရေးအဖွဲ့က ထိခိုက်ဒဏ်ရာရရှိသူ လူနာ(၄)ဦးကို မုံရွာဆေးရုံကြီးသို့ ကူညီ ပို့ဆောင်ခဲ့တယ်လို့ သိရပါတယ်။

အဆိုပါ ကျောက္ကာ-မုံရွာလမ်း၌ ခရီးသည်တင်ကား မိုင်းဆွဲမှုကို မည်သည့်အဖွဲ့က လုပ် ဆောင်သည်ကိုတော့ အခုအချိန်ထိ မသိရ သေးပါဘူး။

Photo - Monywa Rescue

ymg/kg
#Yangon_Media_Group

#LocalNews
Published - 1 Feb 2022

ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ်အဖြစ် မြန်မာ့စီးပွားရေးဦးပိုင် အများနှင့် သက်ဆိုင်သော ကုမ္ပဏီလီမိတက်၏ ဒုတိယ မန်နေးဂျင်းဒါရိုက်တာ ဦးစိုးသိန်းအား တာဝန်ပေးအပ်လိုက်သည်။

၂၀၂၁ ခုနှစ် ဇန်နဝါရီလ ၃၁ ရက် ညပိုင်းက ရန်ကုန်တိုင်းဒေသကြီးဝန်ကြီးချုပ် ဦးလှစိုး အား တာဝန်မှ အနားပေးလိုက်ကြောင်း ထုတ်ပြန်ခဲ့ပြီးနောက် လစ်လပ်သွားသော ရန်ကုန်တိုင်းဒေသကြီး ဝန်ကြီးချုပ်နေရာအတွက် ဦးစိုးသိန်း အားတာဝန်ပေးအပ်ကြောင်း ဖေဖော်ဝါရီလ ၁ ရက် ယနေ့တွင် ထုတ်ပြန်လိုက်ခြင်း ဖြစ်သည်။

"သူက အရင် နပခ တိုင်းမှူး ကနေ စစ်ချုပ် လုပ်သွားတယ်။ဒုဗိုလ်ချုပ်ကြီး စိုးသိန်း ။ အငြိမ်းစားပေါ့ ။ ဦးပိုင်ကနေ ပြောင်းလာတာ"ဟု ရန်ကုန်တိုင်းဒေသကြီးအစိုးရအဖွဲ့နှင့် နီးစပ်သူကYMG ကို ပြောသည်။

ဖေဖော်ဝါရီလ (၁) ရက်သည် လက်ရှိ နိုင်ငံတော်စီမံအုပ်ချုပ်ရေးကောင်စီသက်တမ်း တစ်နှစ်ပြည့်သည့်နေ့လည်း ဖြစ်သည်။

န စ က အနေဖြင့် ရန်ကုန်တိုင်းဒေသကြီးဝန်ကြီးချုပ် အပြင် ကယားပြည်နယ်ဝန်ကြီးချုပ်ဦးခင်မောင်ဦး(ခ)ဘူးရယ် ကိုလည်း ဇန်နဝါရီလ ၃၁ ရက်ညပိုင်းက တာဝန်မှ အနားပေးခဲ့ကာ ဦးဇော်မျိုးတင် အား တာဝန်ပေးကြောင်း ယနေ့ ဖေဖော်ဝါရီလ တစ်ရက်တွင် ထုတ်ပြန်ထားသည်။

ymg/mt
#Yangon_Media_Group

#LocalNews
Published -1 Feb 2022

တပ်မတော်သည်ကိုယ်ကျိုးရှာသည့်အဖွဲ့၊ အဖွဲ့အစည်းတစ်ခုအတွက် တည်ရှိ နေသော အဖွဲ့အစည်းမဟုတ် ပဲ ပြည်ထောင်စုတိုင်းရင်းသားအားလုံးကို အကာအကွယ်ပေးရန်တည်ရှိသောအဖွဲ့အစည်းဖြစ်တယ်လို့ နစကဥက္ကဌ ဗိုလ်ချုပ်မှူးကြီးမင်းအောင်လှိုင်က ပြောဆိုလိုက်ပါတယ်။

နိုင်ငံတော်စီမံအုပ်ချုပ်ရေးကောင်စီရဲ့ (၁)နှစ်ပြည့် နိုင်ငံတော်တာဝန်ထမ်းဆောင်ခဲ့မှုနဲ့ပတ်သက်ကာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ပြောကြားတဲ့ မိန့်ခွန်းအထက်ပါအတိုင်းထည့်သွင်းပြောဆိုခဲ့တာဖြစ်ပါတယ်။

တပ်မတော်ကာကွယ်ရေးဦးစီးချုပ်က"ခေတ်အဆက်ဆက် နိုင်ငံ့ကာကွယ်ရေးတာဝန်များကို ပြည်သူနဲ့ပူးပေါင်းပြီး ဦးလည်မသုန် ဆောင်ရွက်ခဲ့သလို ယခု ၁၀ နှစ်အတွင်းမှာလည်း ပါတီစုံ ဒီမိုကရေစီလမ်းကြောင်း ပီပြင် ခိုင်မာရေးအတွက် တတ်စွမ်းသလောက် သစ္စာရှိရှိဆောင်ရွက်ပေးခဲ့ပါတယ်။ ဒီလမ်းစဉ်အတိုင်း ကတိတည်စွာနဲ့ ဆောင်ရွက်သွားမယ်ဆိုတာ ပြောလိုပါတယ်"လို့ ပြောဆိုပါတယ်။

ဒါ့အပြင်"ဖြစ်ပေါ်နေတဲ့ အခြေအနေတွေကို ခြုံငုံသုံးသပ်ကြည့်ပါက ပြည်တွင်း/ပြည်ပ အကြမ်းဖက်သမားတွေနဲ့ ၎င်းတို့ကိုအားပေးနေတဲ့ လူပုဂ္ဂိုလ်အဖွဲ့အစည်းတွေရဲ့ လိုလားချက်မှာ ဒီမိုကရေစီထက် မြန်မာနိုင်ငံအလုံးစုံပျက်သုဉ်းရေးကိုသာ ဦးတည်နေပါတယ်။
နိုင်ငံတော်ကာကွယ်ရေးမှာ ပြည်သူများကို ကာကွယ်ရန် ဖြစ်ပြီး မင်းမဲ့စရိုက် အဖြစ်မခံနိုင်ပါဘူး။ လျစ်လျူရှုလိုလည်း မရပါဘူး။ ဒါကြောင့် အချိုနေရာများမှာ စွန့်စားပြီးပေးဆပ်ကာကွယ်ရခြင်းဖြစ်ပါတယ်"လိုဆက်လက်ပြေဆိုပါတယ်။

ဆက်လက်ပြီး တပ်မတော်ကာကွယ်ရေးဦးစီးချုပ်ကလွတ်လပ်၍တရားမျှတတဲ့ပါတီစုံဒီမိုကရေစီအထွေထွေရွေးကောက်ပွဲကို ပုဒ်မ ၄၂၉ အရ ကျင်းပနိုင်ရန်အတွက် ရှေ့ဆက်လက်ဆောင်ရွက်မယ့်လုပ်ငန်းများကျန်ရှိနေကာဖွဲ့စည်းပုံအခြေခံဥပဒေပုဒ်မ ၄၂၅ အရ နိုင်ငံတော်ကို နိုင်ငံရေးအရ အရေးပေါ် ကာလ နောက်ထပ် ၆ လတိုးမြှင့်ပြီးအဲ့ဒီကာလအတွင်း နိုင်ငံတော် တည်ငြိမ်အေးချမ်းရေး၊ ပြည်သူ့ဘဝလုံခြုံရေးနှင့် ငြိမ်းချမ်းရေး ကိစ္စများကို အထူးဆောင်ရွက်သွားမှာဖြစ်ပြီး ပြည်သူတစ်ရပ်လုံးက ဝိုင်းဝန်း ဆောင်ရွက်နိုင်မှသာ ပြည်သူ့လိုလားချက်ဖြစ်သည့်“စစ်မှန်စည်းကမ်းပြည့်ဝသော ပါတီစုံဒီမိုကရေစီစနစ်” လမ်းကြောင်းမှန်ကို ပြန်လည်ရောက်ရှိလာမှာဖြစ်တယ်လို့ ဖြည့်စွက်ပြောကြားခဲ့ပါတယ်။
ymg/hm

#Yangon_Media_Group