Published 14 Sept 2022

မြန်မာအပါအဝင် နိုင်ငံပေါင်း (၅)နိုင်ငံကို ရှန်ဟိုင်းပူးပေါင်းဆောင်ရွက်ရေးအဖွဲ့ Shanghai Cooperation Organization (SCO)ရဲ့ဆွေးနွေးဖက် နိုင်ငံအဖြစ် ဥဇဘက်ကစ္စတန်မှာကျင်းပမယ့် အဆိုပါအဖွဲ့ရဲ့ ထိပ်သီးအစည်းအဝေးမှာ လက်ခံဖွယ် ရှိနေတယ်လို့ ရုရှားသမ္မတပူတင်ရဲ့ လက်ထောက် ယူရီယူရှာကော့ဗ်က သတင်းထောက်တွေကိုပြောတယ်လို့ TASS သတင်းဌာနက ရေးသားပါတယ်။

ဥဇဘက်ကစ္စတန်နိုင်ငံ ဆာမာကန်မြို့မှာ ကျင်းပမယ့် အဆိုပါထိပ်သီးအစည်းအဝေးမှာ ဘီလာရုစ်နိုင်ငံရဲ့ အဖွဲ့ဝင်အဖြစ် မှတ်ပုံတင်တဲ့ လုပ်ငန်းစဉ်ကို စတင်မယ်လို့သူကပြောါတယ်။ အဲဒီအပြင် အီဂျစ်၊ကာတာ၊ဆော်ဒီအာရေဗျနိုင်ငံတို့ကိုလည်း ဆွေးနွေးဖက်နိုင်ငံတွေအဖြစ်သတ်မှတ်တဲ့ စာချွန်လွှာလက်မှတ်ထိုးမယ်လို့ သူကဆက်ပြောပါတယ်။

“ နောက်ထပ် ဘာရိန်း၊ကူဝိတ်၊ ယူအေအီး၊မြန်မာနှင့် မော်လဒိုက်စ်တို့ကို ဆွေးနွေးဖက်နိုင်ငံတွေအဖြစ် ပေးအပ်မယ့် လုပ်ငန်းစဉ်ကို စတင်ဖို့လည်း ဆုံးဖြတ်မယ်” လို့ သူကပြောပါတယ်။

“SCO ဟာပုံစံအမျိုးမျိုးနှင့်ပါဝင်ဖို့ စိတ်ဝင်စားမှုကြီးမားနေတယ်။ အဖွဲ့နှင့် ပူးပေါင်းဆောင်ရွက်မယ့် နိုင်ငံတွေလည်း တစ်နှစ်ပြီး တစ်နှစ်တိုးလာနေတယ်” လို့ သူကဆက်ပြောပါတယ်။

တရုတ်ပြည်သူ့သမ္မတနိုင်ငံဆိုင်ရာ  မြန်မာသံအမတ်ကြီး ဦးမျိးသန့်ဖေ(ယခုကွယ်လွန်) ဟာ SCO ရဲ့ အတွင်းရေးမှူးချုပ် ကျန်းမင်းနှင့် ယခုနှစ် ဖေဖော်ဝါရီ ၁၁ရက်နေ့က တွေ့ဆုံပြီး မြန်မာနိုင်ငံနှင့် SCO ရဲ့ ပူးပေါင်းဆာင်ရွက်မှုတွေတိုးမြှင့် လုပ်ဆောင်ဖို့နှင့် SCO ရဲ့လုပ်ငန်းတွေကို မြန်မာက အပြည့်အဝထောက်ခံတယ်လို့ ပြောခဲ့တယ်လို့ SCO ကသတင်းထုတ်ပြန်ခဲ့ ပါတယ်။

ရှန်ဟိုင်းပူပေါင်းဆောင်ရွက်ရေးအဖွဲ့  SCO ကို ၂၀၀၁ခုနှစ်တုန်းက တရုတ်နိုင်ငံ  ရှန်ဟိုင်းမြိုမှာ တည်ထောင်ခဲ့ပါတယ်။ အဖွဲ့ဝင်နိုင်ငံတွေက တရုတ်၊ရုရှား၊ အိန္ဒိယ၊ကာဇက်စတန်၊ကာဂျစ္စတန်၊ပါကစ္စတန်၊တာဂျစ်ကစ္စတန်နှင့် ဥဇဘက်ကစ္စတန်တို့ ဖြစ်ကြပါတယ်။ အဖွဲ့ဟာ ကမ္ဘာ့ဂျီဒီပီရဲ့ လေးပုံတစ်ပုံရှိပြီး ကမ္ဘာ့လူဦးရေရဲ့ ၄၀ ရာခိုင်နုန်းရှိတယ်လို့သိရပါတယ်။

#SOC

#Shanghai_Cooperation_Organization

#Myanmar

Published 13 Sept 2022

ရာဖလီတိုက်ဂျက်လေယာဉ်အပါအဝင်  ပြင်သစ်စစ်လေယာဉ်အချို့ဟာ တနင်္လာနေ့က အင်ဒိုနီးရှားရဲ့ လေပိုင်နက်ထဲမှာ သရုပ်ပြပျံသန်းပြပါတယ်။ ဒီလေယာဉ်တွေကို အင်ဒိုနီးရှားက ဝယ်ယူထာတာဖြစ်ပြီး ရောက်ရှိမယ့်ရက်ကို စောင့်ဆိုင်းနေတာ ဖြစ်ပါတယ်။

ရာဖလီတိုက်လေယာဉ်သုံးစင်ဟာ ဂျာဗားနှင့် ဆုမတ်တြာ ကျွန်းတွေအကြား ဆန်ဒါရေလက်ကြား အပေါ်ကနေ ဝေဟင်ပေါ်မှာ သိုလှောင်ကန် သယ်ယူပို့ဆောင်ရေးလေယာဉ်ထံမှ လေယာဉ်ဆီတွေကို ဖြည့်တာကိုလက်တွေ့ပြသခဲ့ပါတယ်။

ပြင်သစ်လေယာဉ်တွေဟာ မြောက်ပိုင်းဩစတြေလျမှာ ၂၀၂၂ ခုနှစ် ပစ်ချ်ဘလက် နိုင်ငံစုံလေ့ကျင့်ခန်းမှာ ပါဝင်ခဲ့ပြီး အင်ဒိုနီးရှားမှာ ခရီးတစ်ထောက်နားခဲ့တာပါ။

အင်ဒိုနီးရှားဟာ ပြင်သစ်နှင့် စာချုပ်တစ်ုချုပ်ဆိုခဲ့ပြီး အဲဒီစာချုပ်ထဲမှာ အာရှပစိဖိတ်မှာ ပြင်သစ်နှင့် စစ်ရေးဆက်ဆံရေး အင်အားကောင်းအောင် နှင့် ရာဖလီစစ်လေယာဉ် ၄၂စင်းကို ဝယ်ယူမှုလည်းပါဝင်ပါတယ်။ အဲဒီအပြင် အင်ဒိုနီးရှားဟာ A-400 သယ်ယူပို့ဆောင်ရေးလေယာဉ်နှစ်စင်းကိုလည်း မှာထားပါတယ်။

“ ဒီကိုလာတာဟာ အင်ဒိုပစိဖိတ်အတွက် ပြင်သစ်ရဲ့ မဟာဗျူဟာ အစိတ်အပိုင်းတစ်ခုအဖြစ်ပါ။ ကျွန်တော်တို့က Airbus A330) MRTTs တွေသုံးပြမယ်။ ရာဖလီတွေသုံးပြမယ်။ A-400 သုံးပြမယ်။ ဒါဟာ ကျွန်တော်တို့ရဲ့လေတပ်ဟာ ကမ္ဘာအထိ ရောက်ရှိနေတာပဲဖြစ်တယ်” လို့ ပြင်သစ်လေတပ်က လေတပ်ဦးစီးချုပ် ဗိုလ်ချုပ် စတီဖင်းဂရိုအင်ကပြောပါတယ်။

“ဒီလို အဆင့်မြင့်ကိရိယာတွေပြသတာဟာ တည်ငြိမ်တဲ့ ကမ္ဘာကြီးတစ်ခုအတွက် အတူတကွလုပ်ဆောင်ဖို့ ဘုံဆန္ဒတစ်ခုဆိုတာ ရှင်းနေပါတယ်။ တရားဥပဒေစိုးမိုးရေးနှင့် လွတ်လပ်စွာရေကြောင်းသွာလာရေးအခြေခံတဲ့ အင်ဒိုပစိဖိတ် မြော်မြင်မှုတစ်ခုကို အင်ဒိုနီးရှားနှင့်ပြင်သစ်တို့ အတူတကွမျှဝေကြတာဖြစ်တယ် “ လို့ အင်ဒိုနီးရှားနိုင်ငံဆိုင်ရာ ပြင်သစ်သံအမတ် အိုလီဗှယာချမ်ဘတ်က ပြောပါတယ်။

“အင်ဒိုနီးရှားရဲ့ကာကွယ်ရေးကို တောင့်တင်းခိုင်မာအောင် ရာဖလီဂျက် (၆)စင်းနှင့် A-400 နှစ်စင်းတို့ကို ပြင်သစ်က ဝယ်ယူဖို့ ကျွန်တော်တို့ မကြာသေးခင်က နှစ်နိုင်ငံလက်မှတ်ရေးထိုးခဲ့ပါတယ်”လို့ အင်ဒိုနီးရှား ဒုတိယကာကွယ်ရေးဝန်ကြီး မူဟာမက် ဟာရင်ဒရာ ကပြောပါတယ်။

“ ဥရောပမှာဖြစ်နေတဲ့ ယူကရိန်းနှင့်ရုရှား ပဋိပက္ခဟာ ကျွန်တော်တို့လုံခြုံရေးကိုခြိမ်းခြောက်မှုတည်ရှိနေတယ်ဆိုပြီး ကျွန်တော်တို့ကို သတိပေးခေါင်းလောင်းထိုးလိုက်တာပဲ။ အဲဒါကြောင့် အင်ဒိုနီးရှားလုံခြုံရေးကိုပိုမိုအားကောင်းအောင် ကျွန်တော်တို့ အခြားနည်းလမ်းတွေ အမြဲရှာကြံနေတာဖြစ်တယ်” လို့ သူကဆက်ပြောလိုက်ပါတယ်။

Source AFP

#Rafale_fighter_jets

#Indonesia_France_Airforce_ties

#Indonesia_Defense

Published 12 Sept 2022

မြောက်ကိုးရီးယားခေါင်းဆောင် ကင်မ်ဂျုန်းအန်က နိုင်ငံရဲ့ နျူကလီးယားနိုင်ငံအဆင့်အတန်းဟာ နောက်ပြန်လှည့်သွားလို့ မရတော့ဘူးလို့ ပြောလိုက်ပါတယ်။

ပြုံးယမ်းဟာ သမားရိုးကျတိုက်ခိုက်မှုနှင့်ရင်ဆိုင်နေရတာတွေပါ အပါအဝင် တိုက်ခိုက်မှုတွေရှိလာတဲ့အခါ ကာကွယ်မှုအရ နျူကလီးယားတိုက်ခိုက်မှုပြုလုပ်ဖို့ အဆင်သင့်ဖြစ်စေရေး ကြေညာတဲ့ ဥပဒေတစ်ခု အတည်ပြုပြီးနောက် သူက ယင်းကဲ့သို့ ပြောကြားခဲ့ခြင်းဖြစ်ပါတယ်။

သောကြာနေ့က မြောက်ကိုရီးယား နိုင်ငံပိုင်မီဒီယာ KCTVက  ထုတ်လွှင့်တဲ့ သူ့ရဲ့ မိန့်ခွန်းမှာ သူက “ နျူကလီးယားအင်အား မူဝါဒကို ဥပဒေအဖြစ်ပြဋ္ဌာန်းလိုက်ခြင်းကြောင့် ကျွန်တော်တို့နိုင်ငံကို နျူကလီးယားလက်နက်နိုင်ငံအဖြစ် အဆင့်အတန်းကို ‌မပြောင်းလဲနိုင်တော့ပါဘူး” လို့ ထည့်သွင်းပြောကြားခဲ့ပါတယ်။

Source AFP/KCTV

#Kim_Jong_Un

#Nuclear_state

#North_Korea

Published 11 Sept 2022

အီရန်က အမေရိကန်ရဲ့ဒရုန်းလှေတစ်စီးဖမ်းမိတဲ့သတင်းထွက်ပေါ်အပြီးမှာ မောင်းသူမဲ့ ရေပေါ်သွား (ဒရုန်း)ရေယာဉ်ငယ်ကလေးတစ်စီးဖြစ်တဲ့ Saildrone Explorer ဟာ အက်ကာဘာပင်လယ်ကွေ့မှာ ခုတ်မောင်းနေပါတာတွေ့မြင်ရပါတယ်။

မကြာသေးခင်က အီရန်က ဖမ်းမိခဲ့တဲ့ မောင်းသူမဲ့ အမေရိကန်ရေတပ်(ဒရုန်း)လှေတွေကြောင့် အမေရိကန် ပင်တဂွန်ရဲ့  လေနှင့် ရေပေါ်ရေအောက် ဒရုန်းကွန်ယက် တည်ဆောက်နေတဲ့ အစီအစဉ်တွေကို လူသိသွားခဲ့ပါတယ်။ အဲဒီဒရုန်းလှေတွေကို ကြီးမားတဲ့ဒေသတွေမှာ ကင်းလှည့်ဖို့နှင့် ဉာဏ်ရည်တု(အေအိုင်)နည်းပညာသုံးထောက်လှမ်းဖို့ တည်ဆောက်နေတာ ဖြစ်ပါတယ်။

တစ်နှစ်ကြာ အဲဒီအစီအစဉ်ကနေ လူမဲ့ ရေပေါ်သွားရေယာဉ် သို့မဟုတ်  USV တွေကို အာရေဗျကျွန်းဆယ်တစ်ဝိုက်က ရေပြင်တွေကို လွှတ်ထားပြီး သတင်းအချက်အလက်နှင့်ရုပ်ပုံတွေကို စုဆောင်းနေပါတယ်။ အဲဒီနောက် စုဆောင်းရရှိသမျှကို ပင်လယ်ကွေ့က စုဆောင်းရေးစင်တာတွေဆီကို ထုတ်လွှင့်ပြန်ပို့ပေးနေတာဖြစ်ပါတယ်။

Source AFP/US Navy Force Central Command

#Unmanned_surface_vessel

#Saildrone_Explorer

#US_USVs

Published 11 Sept 2022

မြန်မာနိုင်ငံနှင့် ရုရှားဖက်ဒရေးနိုင်ငံ Republic of Buryatia ပြည်နယ်တို့အကြား ကျန်းမာရေး၊ သတ္တုတူးဖော်ရေး ၊ရထားပို့ဆောင်ရေးနည်းပညာများပူးပေါင်းဆောင်ရွက်ဖို့ ဆွေးနွေးခဲ့ကြတယ်လို့ သိရပါတယ်။

ရုရှားဖက်ဒရေးရှင်းကို ရောက်ရှိနေတဲ့ နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်နှင့် Republic of Buryatia ပြည်နယ် အစိုးရအဖွဲ့အကြီးအကဲ Aleksey Sambuyevich Tsydenov တို့ စက်တင်ဘာ ၉ရက်က  အဆိုပါပြည်နယ်မှာ ဆွေးနွေးခဲ့ကြ တာဖြစ်တယ်လို့ နစကပြန်ကြားရေးသတင်းထုတ်ပြန်ချက်ကဆိုပါတယ်။

ထိုသို့တွေ့ဆုံဆွေးနွေးရာတွင် အဏုမြူနည်းပညာအသုံးပြု၍ ရောဂါရှာဖွေစမ်းသပ်နိုင်မှုနှင့် ရှာဖွေတွေ့ရှိလာသည့် ရောဂါများကို ခေတ်မီနည်းပညာများ အသုံးပြု၍ ကုသမှုများ ဆောင်ရွက်ပေးနိုင်သည့် အခြေအနေများအပါအဝင် ကျန်းမာရေးဆိုင်ရာ ပူးပေါင်းဆောင်ရွက်မှုများကို ဆေးပညာရှင်အချင်းချင်း၊ ဆေးရုံများအချင်းချင်း အပြန်အလှန် ဖလှယ်ဆောင်ရွက်နိုင်မည့် အခြေအနေများ၊ သဘာဝသယံဇာတ တွင်းထွက်ပစ္စည်းများ တူးဖော်မှုဆိုင်ရာ နည်းပညာရပ်များကို ရှာဖွေထုတ်လုပ်ရာတွင် ပူးပေါင်းဆောင်ရွက်နိုင်မည့် အခြေအနေများ၊ ရထားသယ်ယူပို့ဆောင်ရေးဆိုင်ရာကဏ္ဍ ဖွံ့ဖြိုးတိုးတက်ရေးအတွက် လျှပ်စစ်စွမ်းအင်သုံး ခေါင်းတွဲများ၊ ဒီဇယ်ခေါင်းတွဲများ၊ ဓာတ်ငွေ့သုံး ခေါင်းတွဲများ၊ ကိုယ်ထည်တွဲများ ထုတ်လုပ်ခြင်းနည်းပညာဆိုင်ရာများ၊ မောင်းနှင်ခုတ်မောင်းမှုဆိုင်ရာ နည်းပညာများ၊ မီးရထားနှင့် ဆက်စပ်သည့် လုပ်ငန်းဆိုင်ရာများတွင် ပူးပေါင်းဆောင်ရွက်နိုင်မည့် အခြေအနေများနှင့် အခြားကဏ္ဍပေါင်းစုံတွင် ပူးပေါင်းဆောင်ရွက်နိုင်မည့် အခြေအနေများနှင့် ပတ်သက်၍ ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြတယ်လို့ သတင်းမှာ အသေးစိတ်ဖော်ပြထားပါတယ်။

ဗိုလ်ချုပ်မှူးကြီး မင်းအောင်လှိုင် ဦးဆောင်သည့် မြန်မာအဆင့်မြင့် ကိုယ်စားလှယ်အဖွဲ့ဝင်တွေဟာ  Republic of Buryatia ပြည်နယ်အစိုးရအဖွဲ့အကြီးအကဲ Aleksey Sambuyevich Tsydenov နှင့် အဖွဲ့ဝင်တွေလိုက်ပါပြီး စက်တင်ဘာ (၁၀)ရက် နံနက်ပိုင်းတွင် Ulan-Ude မြို့ရှိ ရုရှားသိပ္ပံအကယ်ဒမီ၊ နျူကလီးယား ဆေးဘက်ဆိုင်ရာစင်တာ၊ ကင်ဆာဌာနနှင့် ရထားစက်ခေါင်း ပြင်ဆင်ရေးအလုပ်ရုံတို့သို့ သွားရောက်ကြည့်ရှု လေ့လာခဲ့ကြတယ်လို့လည်း သတင်းထုတ်ပြန်ထားပါတယ်။

Source SAC’s Infomation

Published 9 Sept 2022

အိန္ဒိယဝန်ကြီးချုပ် နာရန်ဒရာမိုဒီဟာ ဗြိတိသျှတွေကို တော်လှန်ခဲ့တဲ့ အိန္ဒိယရဲ့ လွတ်လပ်ရေးသူရဲကောင်း  ဆူဘတ်စ် ချန်ဒရာဘို့ရဲ့ ရုပ်တုဖွင့်ပွဲကို ကြာသပတေးနေ့က တက်ရောက်ခဲ့ပါတယ်။ ဆူဘရာချန်ဒရာဘို့စ်ဟာ မဟတ္တမ ဂန္ဒီနှင့် ခေတ်ပြိုင်ထင်ရှားသူနှင့် ဩဇာကြီးမားသူတစ်ဦးလည်းဖြစ်ခဲ့ပါတယ်။

သူ့ကို နီတာဂျီ ဒါမှမဟုတ် ခေါင်းဆောင်ကြီးလို့လည်း ခေါ်ကြာပါတယ်။ သူ့ရဲ့ရုပ်တုကို နယူးဒေလီမြို့တော်ရဲ့ စစ်အထိမ်းအမှတ်အိန္ဒိယဂိတ်အနီးမှာ ထုလုပ်စိုက်ထူလိုက်တာဖြစ်ပါတယ်။ အဲဒီနေရာမှာ ယခင်က ဗြိတိန်ဘုရင် ဂျော့ -၅ George V ရဲ့ ရုပ်တုရှိခဲ့ပြီး အဲဒီရုပ်တုကိုဖြိုချခဲ့ပြီးနောက်  နီတာဂျီးရုပ်တုကို အစားထိုးစိုက်ထူလိုက်တာပါ။

ယခုနှစ်မှာကျရောက်တဲ့ အိန္ဒိယရဲ့ ၇၅နှစ်မြောက်လွတ်လပ်ရေးနေ့အထိမ်းအမှတ်အဖြစ် အုပ်ချုပ်ရေးမြို့တော်မှာ ကာလရှည်ကြာကတည်းက စရိတ်မြင့်မားတဲ့ မွမ်းမံပြင်ဆင်မှုတွေပြုလုပ်ခဲ့တာဖြစ်ပြီး ဘို့စ်ရဲ့ ရုပ်တုဟာ အဲဒီပြုပြင်မွမ်းမံမှုတွေရဲ့ အစိတ်အပိုင်းတစ်ခုဖြစ်ပါတယ်။

“ ဒီကနေ့ ကျွန်တော်တို့ အတိတ်ကို နောက်ဘက်မှာထားရစ်ခဲ့ကြပြီ” လို့ ရုပ်တုဖွင့်ပွဲမှာ မိုဒီက ပြောပါတယ်။

“ နိုင်ငံမှာ ယနေ့ နီတာဂျီရဲ့ ရုပ်တုကို စိုက်ထူလိုက်ပြီဖြစ်တယ်။ ဒီရုပ်တုဟာ ခေတ်မီပြီးလွတ်လပ်တဲ့ ယုံကြည်မှုရှိတဲ့ အိန္ဒိယကို ဖွံ့ဖြိုးတိုးတက်မှုတွေပေးစွမ်းခဲ့တယ်” လို့ သူကပြောပါတယ်။

မိုဒီရဲ့အာဏာရပါတီဖြစ်တဲ့ ဘီဂျေပီ ပါတီဟာ သန်မာတဲ့ ဟိန္ဒူမျိုးချစ်ဝါဒကို ထောက်ခံအားပေးထားပါတယ်။  ဒီဝါဒဟာ ပြင်ပဩဇာလွှမ်းမိုးမှုနှင့်ကြီးစိုးမှုကိုဆန့်ကျင်တဲ့ သမိုင်းဆိုင်ရာပုဂ္ဂိုလ်ကြီးတွေပေါ်ပေါက်ခဲ့စေပါတယ်။

ဘီဂျေပီဟာ ဘို့စ် ကို ကိုလိုနီဆန့်ကျင်ရေးသူရဲကောင်းအဖြစ် အမွှမ်းတင်ထားပြီး အိန္ဒိယရဲ့ အဓိကအတိုက်အခံပါတီနှင့် နှီးနွယ်နေတဲ့ ဂန္ဒီနှင့် ဝန်ကြီးချုပ်ဟောင်းနေရူးတို့ကို မှိန်ထားခဲ့ပါတယ်။

မိုဒီဟာ ဒေလီရဲ့ ယူနက်စကို ကမ္ဘာ့အမွေအနှစ်စာရင်းဝင် Red Fort မှာ ၂၀၁၉ခုနှစ်က ဘို့စ်ရဲ့ပြတိုက်ဖွင့်လှစ်ပေးခဲ့ပါသေးတယ်။ ဒီနှစ်ဆန်းမှာ သူ့ကို လွတ်လပ်ရေးရဲ့ကြီးမြတ်တဲ့ သူရဲကောင်းကြီး” လို့ မိုဒီက ဂုဏ်ပြုခေါ်ဆိုခဲ့ပါတယ်။

ဘိုစ့်ရဲ့ ဖက်ဆစ်နိုင်ငံတွေနှင့်ချစ်ကြည်မှုကြောင့် သူ့ပုံရိပ်ပျက်ခဲ့ပေမယ့် သူ့ကို အိန္ဒိယလွတ်လပ်ရေးတိုက်ပွဲဝင်ခဲ့သူအဖြစ် ကျယ်ကျယ်ပြန့်ပြန့် အသိအမှတ်ပြုနေကြတုန်းပဲဖြစ်ပါတယ်။ အချိန်မတိုင်ခင် သူသေဆုံးခဲ့ရတာကလည်း ကြံစည်မှုတစ်ခု အဖြစ် ထင်မြင်နေကြပါတယ်။ ၁၉၄၅ခုနှစ်မှာ သူဟာ ထိုင်ဝမ်မှာရှိနေတုန်း ဂျပန်တစ်ဦးရဲ့ ဗုံးခွဲမှုကြောင့် သေဆုံးခဲ့ရတာ ဖြစ်ပါတယ်။

ဒါပေမယ့် အိန္ဒိယပြည်သူတော်တော်များများက သူဟာ တကယ်မသေခဲ့ဘူး။ ဗြိတိသျှအာဏာပိုင်တွေက သူ့ကို ရာဇဝတ်သားအဖြစ် ဖမ်းဝရမ်းထုတ်ထားခံရတဲ့အတွက် မြေအောက်လှုပ်ရှားမှုထဲသွားလို့ရအောင် ဇာတ်လမ်းဆင်ခဲ့တာလို့ အများက ယုံကြည်နေကြဆဲပါ။

ဆယ်စုနှစ်များစွာလွန်မြောက်ခဲ့ပေမယ့် တော်တော်များများက ဘို့စ်ဟာ အသက်ရှင်နေတုန်းပဲဆိုပြီး များစွာသော သီအီုရီတွေထုတ်ပြနေကြပါတယ်။ အဲဒီအထဲမှာ ဆိုဗီယက် ဂူလက်မှာ ဖမ်းဆီးထိန်းသိမ်းခံနေရတာကအစ  အိန္ဒိယကို တိုးတိုတိတ်တိတ်ပြန်လာပြီး မထင်မရှားနေထိုင်နေတယ်အဆုံး ပါဝင်ကြပါတယ်။

Source: AFP

#Subhas_Chandra_Bose

#Narendra_Modi

#India_Independence_Heroes