Published 21 May 2023

တရုတ်နိုင်ငံ  ရှန်စီတီးမှာ ကျင်းပခဲ့တဲ့ တရုတ်နှင့် အလယ်အာရှထိပ်သီးဆွေးနွေးပွဲမှာ တရုတ်နိုင်ငံနှင့် အလယ်အာရှနိုင်ငံ (၅)နိုင်ငံတို့ဟာ ကြေညာစာတမ်းတစ်ခုကိုလက်မှတ်ရေးထိုးလိုက်ကြပြီး ကျယ်ပြန့်တဲ့ဆက်ဆံရေးတွေမြှင့်တင်ကြဖို့ သဘောတူခဲ့ကြတယ်လို့သိရပါတယ်။

တရုတ်သမ္မတရှီကျင့်ဖျင်နှင့် အလယ်အာရှ(၅)နိုင်ငံက သမ္မတတွေဟာ တရုတ်နိုင်ငံအနောက်မြောက်ပိုင်းက ရှန်ရှီပြည်နယ် မြို့တော်မှာ ကျင်းပတဲ့ တရုတ်-အလယ်အာရှထိပ်သီးအစည်းအဝေးအပြီးမှာ ရှန်ကြေညာစာတမ်းကို လက်မှတ် ရေးထိုးခဲ့ကြတာဖြစ်ပါတယ်။

တရုတ်နှင့် အလယ်အာရှနိုင်ငံတွေအကြား ပူးပေါင်းဆောင်ရွက်မှုဟာ ဘက်ပေါင်းစုံအကျိုးဖြစ်ထွန်းမှုရှိတယ်လို့ ကြေညာ စာတမ်းမှာ ဂုဏ်ပြုဖော်ပြထားပါတယ်။ ခေါင်းဆောင်တွေဟာ နှစ်ဘက်အကြား တူညီမျှဝေတဲ့အနာဂတ်တစ်ခုအတွက် အသို်ကအဝန်းတစ်ခုတည်ထောင်ဖို့ သဘောတူခဲ့ကြပါတယ်။

Source CCTV+

#YangonMediaGroup

#တရုတ်-အလယ်အာရှထိပ်သီးအစည်းအဝေး

#တရုတ်နိုင်ငံရေး

Published 21May 2023

မြန်မာနိုင်ငံရဲ့ မိုခါ ဆိုင်ကလုန်းဒဏ်ခံစားနေရတဲ့ ပြည်သူတွေအတွက် အာဆီယံအဖွဲ့ကြီးရဲ့ ပထမဦးဆုံးသော အရေးပေါ်တုန့်ပြန် အကူအညီတွေဟာ မြန်မာနိုင်ငံကို လေယာဉ်နှင့်ရောက်ရှိလာမယ်လို့ အင်ဒိုနီးရှားနိုင်ငံခြားရေးဝန်ကြီးဌာနကပြောတယ်လို့ ခမာတိုင်းမ်သတင်းဌာနက သတင်းဖော်ပြထားပါတယ်။

အင်ဒိုနီးရှားနိုင်ငံခြားရေးဝန်ကြီးဌာနက ထုတ်ပြန်တဲ့ အဆိုပါသတင်းထုတ်ပြန်ချက်မှာ အကူအညီတွေအားလုံးပြင်ဆင်ပြီးဖြစ်လို့ အာဆီယံရဲ့ သဘာဝဘေးအန္တရာယ်အရေးပေါ်ထောက်ပို့စနစ်အောက်က သိုလှောင်ရုံတွေထဲ အဆင်သင့်ရှိနေပြီလို့ဖော်ပြထားပါတယ်။ အဆိုပါသိုလှောင်ရုံတွေထဲမှာ မလေးရှားနိုင်ငံ ဆူဘန်နှင့် ထိုင်းနိုင်ငံ ချိုင်နတ်တို့လည်းပါဝင်ပါတယ်။

“ နောက်ထပ်အကူအညီတွေကို မေ၂၂ ဒါမှမဟုတ် ၂၃မှာ အင်ဒိုနီးရှား၊စင်္ကာပူနှင့် ထိုင်းစစ်တပ်တွေရဲ့ စစ်လေယာဉ်တွေနှင့် ပေးပို့မှာဖြစ်ပါတယ်” လို့ သတင်းထုတ်ပြန်ချက်မှာဖော်ပြထားပါတယ်။

လူသားချင်းဆိုင်ရာအကူအညီနှင့် ဘေးအန္တရာယ်ကူညီကယ်ဆယ်ရေးအကူအညီတွေကို အာဆီယံတပ်မတော်  အဆင်သင့်အုပ်စုကနေတစ်ဆင့် အာဆီယံအဖွဲ့ဝင်နိုင်ငံတွေရဲ့ စစ်လေယာဉ်တွေအသုံးပြုပေးပို့သွားမှာဖြစ်တယ်လို့ လည်းသိရပါတယ်။

ဒီကူညီမှုဟာ အာဆီယံ၂၀၂၃ရဲ့ ဥက္ကဋ္ဌအနေနှင့် အင်ဒိုနီးရှားရဲ့ကတိကဝတ်နှင့်ညီညွတ်ပြီး အာဆီယံနိုင်ငံခြားရေးဝန်ကြီးတွေရဲ့ “ တစ်ခုတည်းသောအာဆီယံ၊တစ်ခုတည်းသောတုန့်ပြန်မှု” ဆိုတဲ့ချည်းကပ်မှုကနေတစ်ဆင့်  မြန်မာနိုင်ငံကို လူသားချင်းစာနာမှုအကူအညီတွေ ပေးအပ်ဖို့ ဆန္ဒတွေကို ဆောင်ကြဉ်းတာဖြစ်တယ်လို့လည်း ဆိုပါတယ်။

အာဆီယံလူသာချင်းစာနာမှုအကူအညီနှင့် သဘာဝဘေးအန္တရာယ်စီမံခန့်ခွဲမှု ညိနှိုင်းဆောင်ရွက်ရေးစင်တာ ((AHA Centre) ရဲ့ အမှုဆောင်ညွှန်ကြားရေးမှူးနှင့် အင်ဒိုနီးရှား၊ဘရူးနိုင်း၊ဖိလစ်ပိုင်၊စင်္ကာပူနှင့်ထိုင်နိုင်ငံတို့က ကိုယ်စားလှယ်တွေဟာ အာဆီယံ အရေပေါ်တုန့်ပြန်မှုနှင့် အကဲဖြတ်အဖွဲ့(ASEAN-ERAT) ၊အာဆီယံ အတွင်းရေးမှူးအဖွဲ့တို့ဟာ အရေးပေါ်တုန့်ပြန်မှုတွေဆောင်ရွက်နိုင်ဖို့ မြန်မာနိုင်ငံကို ရောက်ရှိနေကြပြီလို့လည်း သတင်းမှာဖော်ပြထားပါတယ်။

သူတို့ဟာ မြေပြင်မှာ သတင်းအချက်အလက်တွေကောက်ယူနေပြီး လက်ငင်းအမြန်လိုအပ်တာတွေဘာတွေလဲဆိုတာ အကဲဖြတ်နေကြတယ်လို့လည်း အင်ဒိုနီးရှားနိုင်ငံခြားရေးဝန်ကြီးဌာနကပြောပါတယ်။

#YangonMediaGroup

#Myanmar_Mocha_Cyclone

#မြန်မာ_မိုခါ_ဆိုင်ကလုန်း_အာဆီယံ

Published 21 May 2023

ယူကရိန်းနိုင်ငံအရှေ့ပိုင်း အချက်အချာကြသည့် ဘက်ခ်မွတ်မြို့ကို အပြည့်အဝသိမ်းပိုက်လိုက်ပြီလို့ ရုရှားက မေလ ၂၀ရက်က ကြေညာလိုက်တယ်လို့ ရိုက်တာသတင်းဌာနက သတင်းဖော်ပြပါတယ်။ ဒါဟာ ၁၅လကြာစစ်ပွဲမှာ အရှည်ကြာဆိုးနှင့် သေကြေမှုအများဆုံးစစ်ပွဲတစ်ခု အဆုံးသတ်တော့မယ့် အခြေအနေလည်းဖြစ်ပါတယ်။

ရုရှားရဲ့ ကြေးစားတိုက်ခိုက်ရေးအဖွဲ့ ဝက်ဂ်နာအုပ်စုရဲ့ ခေါင်းဆောင် ယက်ဂင်နီ ပရီဂိုရှင်းက သူ့တပ်တွေဟာ မြို့ထဲမှာ နောက်ဆုံးတပ်စွဲထားတဲ့ ယူကရိန်းစစ်သားတွေကို အပြင်သို့ တွန်းထုတ်လိုက်နိုင်ခဲ့ပြီလို့ ပြောကြားခဲ့ပါတယ်။

“ ယနေ့ မွန်းတည့် ၁၂နရီမှာ ဘက်ခ်မွန်ကို အပြည့်အဝရယူလိုက်ပါပြီ။ မြို့တစ်ခုလုံးကို အပြီးသတ်ရယူလိုက်ပါပြီ၊ အိမ်တစ်ခုချင်းစီအလိုက်” လို့  ပရီဂိုရှင်းက ရုရှားအလံနှင့် ဝက်ဂ်နာအမှတ်တံဆိပ်တွေကိုင်ထားတဲ့ တိုက်ခိုက်ရေး  သမားတွေရဲ့ရှေ့ကနေ ရုပ်သံပြောကြားခဲ့ပါတယ်။

ရုရှားသမ္မတ ဗလာဒီမာပူတင်က ဘက်ခ်မွတ်သိမ်းပိုက်နိုင်ခြင်းအတွက် တပ်တွေကို ချီးကျုးလိုက်ပြီး ထူးချွန်တဲ့သူတွေကို ဆုတွေချီးမြှင့်မယ်လို့ ပြောကြောင်း ရုရှားရဲ့ပြည်တွင်းသတင်းဌာနတွေက သတင်းထုတ်ပြန်ပါတယ်။

ဘက်ခ်မွန်ရဲ့ မြောက်ပိုင်းနှင့်တောင်ပိုင်းစစ်နံတွေမှာ ယူကရိန်းတပ်တွေဟာ အလျင်အမြန်ဆုံးအောင်ပွဲတွေရရှိနေတယ်လို့ ယူကရိန်းက ပြောဆိုအပြီး တစ်ပတ်အကြာမှာ ရုရှားတွေသိမ်းပိုက်တယ်ဆိုတဲ့ သတင်းထွက်ပေါ်လာတာပါ။

ရုရှားတွေကြေညာအပြီး တစ်နာရီမပြည့်ခင်မှာ ယူကရိန်းရဲ့ ဒုတိယကာကွယ်ရေးဝန်ကြီး ဟန်နာမာလီယာက ဘက်ခ်မွတ်ရဲ့ အခြေအနေဟာ အတိမ်းအစောင်းမခံဖြစ်နေတယ်။ ဒါပေမယ့် ယူကရိန်းတပ်တွေက ဘက်ခ်မွတ်ရဲ့ အနောက်အစွန်ဆုံးစစ်နံမှာ  ခုခံကာကွယ်မှုတွေဆက်လုပ်နေတုန်းဖြစ်တယ်လို့ တယ်လီဂရမ်ကနေ တုန့်ပြန်ခဲ့ပါတယ်လို့ စီအင်န်အင်န်က သတင်းဖော်ပြပါတယ်။

ယူကရိန်းစစ်တပ်ရဲ့ ပြောရေးဆိုခွင့်ရ ဆာဟိုင်ချာရီဗက်ရီက ဒီသတင်းမဟုတ်မမှန်ဘူး။ ကျွန်တော်တို့တပ်တွေဟာ ဘက်ခ်မွတ်ဟာတိုက်ခိုက်နေတုန်းပဲလို့ ရိုက်တာသတင်းဌာနကိုပြောပါတယ်။

Source WION

#ရုရှား_ယူကရိန်းစစ်ပွဲ

#ဘက်ခ်မွတ်မြို့သိမ်းပိုက်ကြောင်ရုရှားကြေညာ

#YangonMediaGroup

Published 19 May 2023

မိုခါမုန်တိုင်းကြောင့် IDP Camp များတွင်နေထိုင်သော ဘင်္ဂလီလူမျိုး ၄၀၀သေဆုံးသည်ဟုရေးသားဖော်ပြနေကြသည်များ မှန်ကန်မှုမရှိကြောင်း နစကသတင်းမှန်ပြန်ကြားရေးက ငြင်းဆိုလိုက်ပါတယ်။

စစ်တွေမြို့အပါအဝင် IDP Camp ၁၇ ခုရှိ ခိုလှုံဘင်္ဂါလီလူဦးရေ ၁၂၅၇၈၉ ဦးအနက်ဘေးလွတ်ရာသို့ရွှေ့ပြောင်းရန်လိုအပ်သည့် ၆၃၃၀၂ ဦးခန့်အား ဘေးလွတ်ရာအဆောက်အဦများနှင့်ဆိုင်ကလုန်း Shelter များသို့ ရွှေ့ပြောင်းနိုင်ခဲ့တယ်လို့ နစက,က သတင်းထုတ်ပြန်ပါတယ်။

ဆိုင်ကလုန်း မိုခါဝင်ရောက်ပြီးနောက် မေလ ၁၇ ရက်အထိ မြေပြင်ကောက်ခံရရှိသည့် စာရင်းများအရ တပ်မတော်သား၄ ဦး၊ ဒေသခံတိုင်းရင်းသား ၁၈ ဦးနှင့် ဘင်္ဂါလီ ၂၆ ဦး၊ စုစုပေါင်း ၄၈ ဦး သေဆုံးကြောင်းသတင်းထုတ်ပြန်ခဲ့ပြီး မေလ ၁၈ ရက်နေ့ ထပ်မံရရှိသတင်းအရ ဒေသခံ ၆ ဦးနှင့်ဘင်္ဂါလီ ၉၁ ဦး၊ ပေါင်း ၉၇ ဦး သေဆုံးကြောင်းသိရှိရတယ်လို့ သတင်းထုတ်ပြန်ချက်မှာဖော်ပြထားပါတယ်။

ယခုသေဆုံးသူတွေဟာ တာဝန်ရှိသူများမှ ပြောင်းရွှေ့ပေးမှုအပေါ် လိုက်ပါခြင်းမရှိဘဲ မိမိအစီအစဉ်ဖြင့် နေအိမ်များ၌ကျန်ရှိခဲ့သူတွေဖြစ်တယ်လို့လည်းသိရပါတယ်။

အဲဒီအတွက်ကြောင့် လူမှုကွန်ရက်များတွင် ဖော်ပြနေသည့်ဘင်္ဂါလီလူမျိုး သေဆုံးသူဦးရေ ၄၀၀ ကျော် ဆိုသည်မှာ မှန်ကန်မှုမရှိပါ။ ထို့ကြောင့်မမှန်သတင်းများထုတ်လွှင့်ကာ ပြည်သူကို အထိတ်တလန့်ဖြစ်အောင် ထုတ်လွှင့်နေသည့်မီဒီယာစာမျက်နှာအချို့အား တည်ဆဲဥပဒေများနှင့်အညီ အရေးယူဆောင်ရွက်သွားမယ်လို့ သတင်းမှန်ပြန်ကြားရေးအဖွဲ့က သတင်းထုတ်ပြန်အသိပေးထားပါတယ်။

ပုံမှာ- နယ်စပ်ရေးရာ ဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ထွန်းထွန်းနောင် စစ်တွေမြို့နယ်အတွင်း ရှိ IDP စခန်းများမှ မုန်တိုင်းဒဏ်‌သင့်ဘင်္ဂါလီများနှင့်တွေ့ဆုံ ထောက်ပံ့ပစ္စည်းများပေးအပ်သည့်ပုံဖြစ်ပါတယ်။

-ymg/knl

#မိုခါမုန်တိုင်း

#မိုခါမုန်တိုင်းကြောင့်ဘင်္ဂလီ၄၀၀သေဆုံးသည်မှာမမှန်

#YangonMediaGroup

Published 18 May 2023

အိန္ဒိယနိုင်ငံက မြန်မာနိုင်ငံတွင် မိုခါ ဆိုင်ကလုန်းဒဏ်သင့် ပြည်သူများအတွက် လူသားချင်းစာနာထောက်ထားခြင်းဆိုင်ရာ အကူအညီများကို ဒေသတွင်းနိုင်ငံများထဲတွင် ပထမဦးဆုံးအဖြစ်ပေးအပ်ခဲ့ပြီး ဆက်လက်ကူညီဦးမယ်လို့ အိန္ဒိယနိုင်ငံခြားရေးဝန်ကြီး  အက်စ် ဂျေးရှန်ကာက ယနေ့ မေလ ၁၈ ရက်နေ့မှာ တွစ်တာတွင် ရေးသားခဲ့ပါတယ်။

“ ဆိုင်ကလုံး မိုခါ ရဲ့ အကျိုးဆက်ခံစားနေကြရတဲ့ မြန်မာပြည်သူတွေအတွက် အိန္ဒိယနိုင်ငံဟာ မိတ်ဆွေအနေနှင့် ကရုဏာစစ်ဆင်ရေး Operation Karuna အဖြစ် ကူညီမှုတွေ ပြုလုပ်ဆောင်ရွက်နေပါပြီ။ ပြန်လည်ထူထောင်ရေးပစ္စည်းတွေတင်ဆောင်လာတဲ့ အိန္ဒိယရေတပ်စစ်သင်္ဘော (၃)စီးဟာ ဒီကနေ့ ရန်ကုန်ကိုရောက်ရှိလာပါပြီ။ စတုတ္ထမြောက်သင်္ဘောဟာ မနက်ဖန်ဆိုက်ကပ်ပါလိမ့်မယ်။ သင်္ဘောတွေဟာ အရေးပေါ် အစားအသောက်တွေ၊တဲတွေ၊မရှိမဖြစ်ဆေးဝါးတွေ၊ရေပန့်တွေ၊ အပေါ့သုံးမီးစက်တွေ၊အဝတ်အထည်တွေ၊  တစ်ကိုယ်ရေသန့်ရှင်းရေးပစ္စည်းတွေစသဖြင့် သယ်ဆောင်လာပါတယ်” လို့ နိုင်ငံခြားရေးဝန်ကြီးက တွစ်တာမှာရေးခဲ့ပြီး ပုံတွေပါတင်ခဲ့ပါတယ်။

Source: twitter

#YangonMediaGroup

#မိုခါဆိုင်ကလုန်း

#မြန်မာ_မိုခါမုန်တိုင်း

Published 15 May 2023

မုန်တိုင်းဒဏ်သင့်ဒေသများတွင် ကူညီကယ်ဆယ်ရေးနှင့် ပြန်လည်ထူထောင်ရေး လုပ်ငန်းများအမြန်ဆုံးဆောင်ရွက်ဖို့ နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က အစိုးရအဖွဲ့ဝင်များနှင့်တပ်မတော်မှ ထိပ်တန်းအရာရှိကြီးတွေကို မှာကြားခဲ့တယ်လို့ နစကရဲ့ သတင်းထုတ်ပြန်ချက်အရသိရပါတယ်။

မိုခါဆိုင်ကလုန်းမုန်တိုင်း ဝင်ရောက်ခဲ့ပြီးဖြစ်သည့် မြို့၊ ရွာများနှင့် မုန်တိုင်း ဆက်လက်ရွေ့လျားရာ လမ်းကြောင်း  တစ်လျှောက်၌  လိုအပ်သည့် အရေးပေါ်စီမံခန့်ခွဲ ခြင်း၊ တုံ့ပြန်ခြင်း၊ ကယ်ဆယ်ရေးနှင့် ပူးပေါင်းဆောင်ရွက်ခြင်း၊ အသင့်ပြင်ဆင်စုဖွဲ့ထားရှိခြင်းနှင့် ပြန်လည်ထူထောင်ရေးဆိုင်ရာ ကိုယ်စီလုပ်ငန်းတာဝန်များပြုလုပ်ခြင်းတို့ကို ဆောင်ရွက်ပေးနိုင်ရေးအတွက် သဘာဝဘေးအန္တရာယ်   ဆိုင်ရာ စီမံခန့်ခွဲရေးအရေးပေါ် အစည်းအဝေးကို ယနေ့နံနက်ပိုင်းတွင်နစက ဥက္ကဋ္ဌ ဦးဆောင်၍ ကာကွယ်ရေး ဦးစီးချုပ်ရုံး၊ စုဝေး  ခန်းမ၌ ကျင်းပပြုလုပ်ရာမှာ ဗိုလ်ချူပ်မှူးကြီးက ယင်းကဲ့သို့ မှာကြားခဲ့ခြင်းဖြစ်ပါတယ်။

အစည်းအဝေးတွင် စစ်ထောက်ချုပ် ဒုတိယဗိုလ်ချုပ်ကြီး ကျော်စွာလင်းက မုန်တိုင်းဒဏ်ကြောင့် ထိခိုက်ခဲ့သည့်နေရာများ၌ သွပ်နှင့် လျှပ်စစ်ဓာတ်အားများလိုအပ်လျက်ရှိမှု၊ မုန်တိုင်းသင့် ဒေသများတွင် အရေးပေါ်ကူညီကယ်ဆယ်ရေးဆောင်ရွက်ရန်အတွက် ဖွဲ့စည်းထားသည့် ယာဉ်အစုအဖွဲ့များမှ ကူညီကယ်ဆယ်ရေးအဖွဲ့များအနေဖြင့် ကူညီကယ်ဆယ်ရေးလုပ်ငန်းများ ဆောင်ရွက်ပေး လျက်ရှိမှုနှင့် ထပ်မံစေလွှတ်နိုင်ရေး ပြင်ဆင်ဆောင်ရွက်လျက်ရှိမှု တို့ကို တင်ပြခဲ့ပါတယ်။

ကာကွယ်ရေးဦးစီးချုပ်(ရေ) ဗိုလ်ချုပ်ကြီး မိုးအောင်ကလည်း မုန်တိုင်း တိုက်ခတ်မှု အခြေအနေများ၊ မိုးရွာသွန်းမှုအခြေအနေများ၊ ရခိုင်ပြည်နယ်အတွင်း မုန်တိုင်းဒဏ်ကြောင့် ထိခိုက်ပျက်စီးခဲ့မှုအခြေအနေများ၊ ဆိုင်ကလုန်းမုန်တိုင်း မြန်မာ နိုင်ငံအတွင်းသို့ ဝင်ရောက်  နိုင်မှုအခြေအနေများကို သုံးသပ်၍ နစကဥက္ကဋ္ဌ၊ နိုင်ငံတော်ဝန်ကြီးချုပ်၏ လမ်းညွှန်မှာကြားချက်များအရ မုန်တိုင်းဖြတ် သန်းဝင်ရောက်နိုင်မည့် လမ်းကြောင်းပေါ်ရှိ မြို့ရွာများကို ဆက်သွယ်မှု မပြတ်တောက် စေရေး ဆောင်ရွက်ခဲ့သည့် အခြေအနေများနှင့် ယခုမုန်တိုင်း ဖြတ်ကျော်ဝင်ရောက် ခဲ့ပြီးသည့် မြို့၊ ရွာများ၌လည်း ကြိုတင်ပြင်ဆင်ပြောင်းရွေ့ခြင်းများနှင့် အခြားလိုအပ် သည်များကို တပ်မတော်နှင့် ဌာနဆိုင်ရာဝန်ထမ်းများ၊ ပြည်သူများ၏ ဝိုင်းဝန်းစုပေါင်း၍ ကြိုတင်ပြင်ဆင်ခြင်း၊ ရွှေ့ပြောင်းခြင်းများ ဆောင်ရွက်နိုင်ခဲ့သောကြောင့် လူများ သေကြေ ထိခိုက်မှု အနည်းဆုံးအခြေအနေဖြင့် ကျော်လွှားနိုင်ခဲ့မှုအခြေအနေတို့ကို လည်း   ကောင်း ရှင်းလင်းတင်ပြခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

အဆိုပါတင်ပြချက်တွေနှင့်ပတ်သက်ပြီး တပ်မတော်စစ်အင်ဂျင်နီယာတပ်ဖွဲ့အနေဖြင့် ရခိုင်ပြည်နယ်အတွင်းရှိ မုန်တိုင်း ဒဏ် သင့်ဒေသများ၌ ပြန်လည်ထူထောင်ရေးလုပ်ငန်းများ ဆောင်ရွက်နိုင်ရန် ကြိုတင် စုပုံထားရှိသည့် သွပ်နှင့်ဆောက်လုပ်ရေး   သုံးပစ္စည်းများကို လေယာဉ်များ၊ မော်တော်ယာဉ် များ၊ တပ်မတော်စစ်ရေယာဉ်များဖြင့် အမြန်ဆုံးပို့ဆောင်ပေးရန်၊ လျှပ်စစ် ဓာတ်အား လိုင်းများပြန်လည်ပြုပြင်တည်ဆောက်ရေးအတွက်လည်း စစ်အင်ဂျင်နီယာ တပ်ဖွဲ့ဝင်များကို အမြန်ဆုံးစေလွှတ်ပေးရန်၊ အလားတူ စားသောက်ဖွယ်ရာများနှင့် လူသုံးကုန်ပစ္စည်းများကိုလည်း ပို့ဆောင်ပေးရန်၊ မုန်တိုင်းသင့် ဒေသများသို့ စားသောက်ဖွယ်ရာများနှင့် လူသုံးကုန်ပစ္စည်းများ ရောက်ရှိရာတွင် ထိခိုက် ပျက်စီးဆုံးရှုံးမှုများ မဖြစ်ပေါ်စေရေး စုပုံထားရှိသည့်အချိန်၌ ယာယီတဲများဖြင့် ထားရှိ နိုင်ရေး ဆောင်ရွက်ရန်နှင့် မုန်တိုင်းဒဏ်သင့်ဒေသများသို့ ကူညီရေးပစ္စည်းများ ပေးပို့ လှူဒါန်းလိုသည့် အလှူရှင်များ လှူဒါန်းနိုင်ရေး ဆောင်ရွက်၍ အမြန်ဆုံးပို့ဆောင်ပေးကြရန် ဗိုလ်ချူပ်မှူးကြီးက ပြန်လည်မှာကြားခဲ့တယ်လို့သိရပါတယ်။

အဲဒီနောက်ပြည်ထောင်စုဝန်ကြီးများ၊ ရန်ကုန်တိုင်းဒေသကြီးဝန်ကြီးချုပ်၊ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ၊ ရန်ကုန်တိုင်းစစ်ဌာနချုပ်တိုင်းမှူးတို့က မုန်တိုင်းသင့်ဒေသများသို့ ပို့ဆောင်နိုင်ရန်အတွက် ဒေသအလိုက်စုပုံထားရှိသည့် အရန် ဆန်များကိုအမြန်ဆုံးပို့ဆောင်နိုင်ရေးဆောင်ရွက်လျက်ရှိမှု၊ ကူညီကယ်ဆယ်ရေး ပစ္စည်း များပေးပို့နိုင်ရေးအတွက် တပ်မတော် လေယာဉ်၊ ရဟတ် ယာဉ်များကို အသင့်ပြင်ဆင် ထားရှိပြီး အချိန်နှင့်တပြေးညီ ပို့ဆောင်ပေးနိုင်ရေး အသင့်ပြုလုပ်ထားရှိမှု၊ အသင့်စား ခေါက်ဆွဲခြောက်များနှင့် ရေသန့်များ အပါအဝင် စားသောက်ဖွယ်ရာများ၊ ကူညီကယ်ဆယ်ရေးပစ္စည်းများ၊ လူသုံးကုန်ပစ္စည်းများနှင့် သွပ်နှင့်သွပ်မှိုများ အပါအဝင် ဆောက်လုပ်ရေးသုံး ပစ္စည်းများကို အသင့်ပြင်ဆင်၍ အမြန်ဆုံးပေးပို့နိုင်ရေး ဆောင်ရွက်လျက်ရှိမှု၊ ရခိုင် ပြည်နယ်အတွင်း ဆက်သွယ်မှု ပြတ်တောက်ခဲ့သည့် မုန်တိုင်းသင့်ဒေသများ၌ ဆက်သွယ်ရေးလိုင်းများ ပြန်လည်ကောင်းမွန်စေရေး ဆောင်ရွက်ပေးလျက်ရှိမှု၊ မုန်တိုင်းသင့်ဒေသများ၌ လိုအပ်သည့် ကျန်းမာရေးစောင့်ရှောက်မှု လုပ်ငန်းများဆောင်ရွက်ပေးနိုင်ရေး  အတွက် တပ်မတော်ဆေးဝန်ထမ်းတပ်ဖွဲ့ဝင်များကို စေလွှတ်လျက်ရှိမှုနှင့် ထပ်မံစေလွှတ်နိုင်ရေး အသင့်ပြင်ဆင်ထားရှိမှု၊ ပုဂံရှေး  ဟောင်းယဉ်ကျေးမှု နယ်မြေရှိ စေတီပုထိုးအချို့ ထိခိုက်ပျက်စီးမှု၊ မုန်တိုင်းဒဏ်သင့်ဒေသများတွင် ရေဝင်ရောက်မှုကြောင့် ဝမ်းရောဂါ  များဖြစ်ပွားလာနိုင်သဖြင့် သောက်သုံးရေများသန့်ရှင်းမှုရှိစေရေး ရေသန့်စင်မှုလုပ်ငန်းများကို ဆောင်ရွက်ပေးရန်လိုအပ်မှု၊ မုန်တိုင်းနှင့်   ပတ်သက်သည့် သတင်းများ၊သတိပေးထုတ်ပြန်ချက်များနှင့် မုန်တိုင်းကြောင့် ထိခိုက်ပျက်ဆီးမှုအခြေ အနေများကို အချိန်နှင့်တပြေး   ညီ သတင်းထုတ်ပြန်မှုများဆောင်ရွက်လျက်ရှိမှုအခြေ အနေတွေကိုရှင်းလင်းတင်ပြခဲ့ကြတယ်လို့သတင်းထုတ်ထားပါတယ်။

ရှင်းလင်းတင်ပြမှုတွေနှင့်ပတ်သက်ပြီး ဗိုလ်ချူပ်မှူးကြီး က မိမိတို့အနေဖြင့် မုန်တိုင်းအန္တရာယ်သတိပေးချက်များကို အချိန်နှင့် တပြေးညီထုတ်ပြန်ပေးနိုင်ခဲ့မှုများကြောင့် မုန်တိုင်းတိုက်ခိုက်ချိန်တွင် လူ့အသက် အန္တရာယ် ထိခိုက်မှုများကို အနည်းဆုံးအခြေ  အနေ   ဖြင့်ကျော်လွှားနိုင်ခဲ့ကြောင်း၊ မုန်တိုင်းဒဏ်သင့်ဒေသများ၌ ကူညီကယ်ဆယ်ရေးနှင့် ပြန်လည်ထူထောင်ရေး လုပ်ငန်းများဆောင်   ရွက်နိုင်ရန် ကြိုတင်စုဖွဲ့ထားသည့် ကယ်ဆယ်ရေးအဖွဲ့များကို အမြန်ဆုံးစေလွှတ်ခြင်းနှင့် စားသောက်ဖွယ်ရာများ၊ ရေသန့်များ၊ လူသုံး   ကုန်ပစ္စည်းများ၊ ဆောက် လုပ်ရေးသုံးပစ္စည်းကိုလည်း အမြန်ဆုံးပို့ဆောင်ပေးရန်လိုကြောင်း၊ ဆက်သွယ်မှုပြတ်တောက်ခဲ့   သည့်  ဒေသများတွင် ဆက်သွယ်မှုကွန်ရက်များ ပြန်လည်ကောင်းမွန်စေရေး အမြန်ဆုံး ပြန်လည်ပြုပြင်ပေးရန်လိုကြောင်း၊  မုန်တိုင်း    ဆက်လက်ဖြစ်ပေါ်နေသည့် သတင်းအချက်အလက်များကိုလည်း အချိန်နှင့်တပြေးညီ ထုတ်ပြန်ပေးနိုင်ရေး တာဝန်ရှိသူများအနေဖြင့် ဆောင်ရွက်ရန်လိုကြောင်း၊ ပျက်ဆီးမှုဖြစ်ပေါ်ခဲ့သည့် ပုဂံရှေးဟောင်း ယဉ်ကျေးမှုနယ်မြေရှိ စေတီပုထိုးများကိုလည်း ပြုပြင်ထိန်းသိမ်း ရန်လိုကြောင်းဖြင့် မှာကြားခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

ဆိုင်ကလုန်းမုန်တိုင်း(Cyclonic Storm) သတိပေးချက်များအရ ချင်းပြည်နယ်၊ မတူပီမြို့အနီးမှ ကုန်းတွင်းပိုင်းသို့ ရွေ့လျားဝင်ရောက် ခဲ့သည့် အားကောင်းသော ဆိုင်ကလုန်း မုန်တိုင်း (Severe Cyclonic Storm) "မိုခါ"(MOCHA)သည် မြောက်-အရှေ့ မြောက်ဘက်သို့ ရွေ့လျားခဲ့ပြီး ဆိုင်ကလုန်းမုန်တိုင်း  (Cyclonic Storm) "မိုခါ"(MOCHA) အဖြစ်သို့ အားလျော့သွားခဲ့ကာ စစ်ကိုင်းတိုင်းဒေသကြီး အထက်ပိုင်း၊ ကသာမြို့အနီးမှ မြောက်-အရှေ့မြောက်ဘက်သို့ ဆက်လက်ရွေ့လျားလျက်ရှိကြောင်း သိရှိရပါတယ်။

-ymg/knl

#YangonMediaGroup

#Mocha_Cyclone_Myanmar

#မိုခါဆိုင်ကလုန်း_မြန်မာ