၂၇ ဒီဇင်ဘာ ၂၀၂၄

တောင်ကိုရီးယား ပါလီမန်က ယာယီသမ္မတ ဟန်ဒတ်ဆိုးကို သောကြာနေ့က ပြစ်တင်စွပ်စွဲမှုပြုလုပ်ခဲ့ ပါတယ်။ ဒါဟာ သမ္မတ ယွန်ဆပ်ယိုအပေါ် စစ်အုပ်ချုပ်ရေးကြေညာမှုနှင့်ပတ်သက်ပြီး ပြစ်တင်စွပ်စွဲခဲ့ပြီး  နှစ်ပတ်မပြည့်မီမှာ သူ့နေရာ ယာယီတာဝန်ထမ်းဆောင်ရတဲ့ ယာယီသမ္မတ ဟန်ဒတ်ဆိုးကို ထပ်မံ ပြစ်တင်စွပ်စွဲခဲ့တာဖြစ်ပါတယ်။

“ ပါလီမန်ဆုံးဖြတ်ချက်ကို ကျွန်တော်လေးစားပါတယ်။ နောက်ထပ်ဝရုန်းသုန်းကားတွေနှင့် မရေရာမှု တွေကို ရှောင်ရှားနိုင်ဖို့အတွက် ကျွန်တော်ဟာ သက်ဆိုင်တဲ့ဥပဒေတွေနှင့်အညီ ကျွန်တော့်တာဝန်တွေက နေ ယာယီရပ်ဆိုင်းပါမယ်” လို့ ယာယီသမ္မတဟန်က ပြစ်တင်စွပ်စွဲမှုအပြီးမှာ ထုတ်ဖော်ပြောကြားပါ တယ်။

အာဏာရပြည့်သူ့အာဏာပါတီက အတိုက်အခံဦးဆောင်တဲ့ ယခုပြစ်တင်စွပ်စွဲမှုကို ကန့်ကွက်လိုက်ပြီး အခြေခံဥပဒေခုံရုံးကို အဲဒီကိစ္စပြန်လည်သုံးသပ်ပေးဖို့ လျှောက်ထားတင်ပြလိုက်ကြပါတယ်။ ရာထူးမှ ခေတ္တရပ်ဆိုင်းခံရပြန်တဲ့ ယာယီသမ္မတဟန်ကလည်း သူ့အနေနှင့် ဖွဲ့စည်းပုံအခြေခံဥပဒေခုံရုံးရဲ့ ဆုံးဖြတ် ချက်ကို စောင့်မယ်လို့ဆိုပါတယ်။

ဥပဒေအရ လက်ရှိ ဘဏ္ဍာရေးဝန်ကြီး ချွိုင်ဆန်မောက်ဟာ ယာယီသမ္မတတာဝန်ကို လက်ခံရယူလိုက် ပါတယ်။ သူဟာ တောင်ကိုရီးယားစစ်တပ်အကြီးအကဲနှင့်တွေ့ဆုံဖို့ရှိပါတယ်။ အဲဒီအပြင် နိုင်ငံခြားရေး ဝန်ကြီးနှင့် ယာယီကာကွယ်ရေးဝန်ကြီးတွေနှင့်လည်း တိုင်ပင်ဖို့ရှိနေပါတယ်။

ပြစ်တင်စွပ်စွဲမှုဟာ စုစုပေါင်း အမတ်၃၀၀ထဲမှ ထောက်ခံသူ ၁၉၂ ဦးနှင့် ပါလီမန်မှာ အနိုင်ရရှိသွားတာ ဖြစ်ပါတယ်။

၂၄ ဒီဇင်ဘာ ၂၀၂၄

မြန်မာနိုင်ငံတွင် LNG Terminal တည်ဆောက်ပြီး တရုတ်နှင့်မြန်မာနှစ်နိုင်ငံ သဘာဝဓာတ်ငွေ့များ မျှဝေသုံးစွဲမည့် စီမံကိန်းတစ်ခုကို အကောင်အထည်ဖော်နိုင်ရန် စီစဉ်နေတယ်လို့သိရပါတယ်။

နစက စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်သည်  South-East Asia Crude Oil Pipeline နှင့်Gas Pipeline ကုမ္ပဏီများ၏ဥက္ကဋ္ဌ Mr. Wang Qiang ဦးဆောင်သည့်အဖွဲ့အား ဒီဇင်ဘာ ၂၃ ရက်က နေပြည်တော်ရှိ စွမ်းအင်ဝန်ကြီးဌာန၌ တွေ့ဆုံစဉ် ယင်းကိစ္စကိုဆွေးနွေးခဲ့ကြတာဖြစ်တယ်လို့ နစက သတင်းထုတ်ပြန်ချက်အရသိရပါတယ်။

အဆိုပါစီမံကိန်းကို အမြန်ဆုံး အကောင်အထည်ဖော်နိုင်ဖို့အတွက် ဖြစ်နိုင်ခြေဆန်းစစ်ခြင်းများကို ဆော လျင်စွာ စတင်နိုင်ရေး နှစ်ဘက်ဆွေးနွေးခဲ့ကြတယ်လို့ သတင်းမှာဖော်ပြထားပါတယ်။

အဲဒီအပြင် တရုတ်နိုင်ငံကူမင်းမြို့သို့ ဆက်သွယ်ထားပြီး ဖြစ်တဲ့  သဘာဝဓာတ်ငွေ့ပိုက်လိုင်းကို ချုံချင့်မြို့   အထိ ဓာတ်ငွေ့ပို့လွှတ်နိုင်ရေးအတွက် ပိုက်လိုင်း အဆင့်မြှင့်တင်ရေးကိစ္စကိုလည်း ဆက်လက်ဆွေးနွေး ခဲ့ကြပါတယ်။

မြန်မာ - တရုတ် ရေနံစိမ်းပိုက်လိုင်းမှတစ်ဆင့် ရေနံစိမ်းများရယူပြီး ရေနံချက်စက်ရုံများအား အဆင့်  မြှင့်တင်လည်ပတ်နိုင်ရေးကိစ္စနှင့် အခြားသော စွမ်းအင်ကဏ္ဍဆိုင်ရာ မြန်မာနှင့်တရုတ်ပူးပေါင်း ဆောင်ရွက်နိုင်မည့်ကိစ္စတွေကိုလည်း ဆက်လက်ဆွေးနွေးခဲ့ကြတယ်လို့ သိရပါတယ်။

မြန်မာနိုင်ငံမှာ လက်ရှိတွင် လျှပ်စစ်ဓာတ်အားမလုံလောက်မှုများနှင့်ကြုံတွေ့နေရတဲ့အတွက်  ယင်းကိစ္စကို ကာလတို ဖြေရှင်းနိုင်ရန်အတွက် LNG ဓာတ်အားပေးစက်ရုံ စီမံကိန်းများကို အကောင်   အထည်ဖော်ဆောင်ရွက်နိုင်ရေး စီစဉ်ဆောင်ရွက်လျက်ရှိတယ်လို့လည်း မကြာသေးခင်က ရန်ကုန်လျှပ်စစ်ဓာတ်အားပေးရေးကော်ပိုရေးရှင်းက ကြေညာချက်တစ်စောင်ထုတ်ပြန်ထားပါတယ်။

အဲဒီအပြင်စွမ်းအင်လုံခြုံရေးအတွက် မြန်မာနိုင်ငံမှာ ပြည်တွင်းတွင်ပင်  လောင်စာဆီများထုတ်လုပ်နိုင်ရန် အတွက် အဆင့်မြင့်ရေနံချက်စက်ရုံများတည်ဆောက်နိုင်ရေးလည်း အပူတပြင်းလိုအပ်လျှက်ရှိနေကြောင်းသိရှိရပါတယ်။

@ymg/knl

၂၂ ဒီဇင်ဘာ ၂၀၂၄

▪️ပင်လယ်နီပေါ်ပျံသန်းနေတဲ့ အမေရိကန် ရေတပ်ရဲ့ F/A-18  တိုက်လေယာဉ်ကို ယနေ့ ဒီဇင်ဘာ ၂၂ ရက်က မှားယွင်းစွာပစ်ချခံခဲ့ရတဲ့ အတွက် လေယာဉ်မှူးနှစ်ဦးဟာ လေယာဉ်ပေါ်ကနေ အချိန်မီ ခုန်ထွက် ခဲ့ရတယ်လို့ သိရပါတယ်။

▪️အမေရိကန်စစ်တပ် အလယ်ပိုင်းစစ်တိုင်းဌာနချုပ်က သတင်းထုတ်ပြန်မှုအရ လေယာဉ်မှူးနှစ်ဦး အနက် တစ်ဦးမှာ ဒဏ်ရာအနည်းငယ်ရရှိသွားတယ်လို့ ဆိုပါတယ်။

▪️အမေရိကန်ရဲ့ ပဲ့ထိန်းဒုံးကျည်တပ်စစ်ရေယာဉ် USS Gettysburg ကနေ အဲဒီတိုက်လေယာဉ်ကို မှား  ယွင်းပစ်ချမိခဲ့တာဖြစ်ပါတယ်။ USS Gettysburg ဟာ USS Harry S Truman လေယာဉ်  တင်တိုက်ခိုက်ရေး သင်္ဘောအုပ်စုမှာပါဝင်တဲ့စစ်ရေယာဉ်ဖြစ်ပြီး ပစ်ချခံရတဲ့ တိုက်လေယာဉ်ဟ  ယင်းတို့  အပေါ်ကနေ ပျံသန်း စဉ် ပစ်ချခံရတာလို့ဆိုပါတယ်။

▪️အစ္စရေးနှင့်ဟားမာ့စ်စစ်ပွဲစကတည်းက အီရန်ကကျောထောက်နောက်ခံပြုထားတဲ့ ယီမင်နိုင်ငံရဲ့ ဟောက်သီသူပုန်အုပ်စုက ကူးသန်းသွားလာရေးသင်္ဘောတွေကို ပစ်ခိုက်တိုက်ခိုက်မှုတွေလုပ်နေလို့ အမေရိကန် ရေတပ်က အဲဒီနားတစ်ဝိုက်ကို ကင်းလှည့်နေရတာဖြစ်ပါတယ်။

▪️အဲဒီစစ်ဆင်ရေးမှာ အမေရိကန်လေတပ်၊အမေရိကန်ရေတပ်နှင့် F/A-18 တိုက်လေယာဉ်များ ပါဝင်ဆောင် ရွက်နေကြတာလို့သိရပါတယ်။ သူတို့ဟာ ပင်လယ်နီပေါ်ဖြတ်သန်းပျံသန်းလာတဲ့ ဟောက် သီတွေရဲ့ဒရုန်းတွေနှင့် သင်္ဘောဖျက်ဒုံးကျည်တစ်စီးကို ပစ်ချနိုင်ခဲ့တယ်လို့ သတင်းထုတ်ပြန်ထားပါ  တယ်။

Source ANI

၂၀ ဒီဇင်ဘာ ၂၀၂၄

မြန်မာနိုင်ငံနှင့် ဘင်္ဂလားဒေ့ရှ်နိုင်ငံတို့ဟာ အကျိုးစီးပွားတူတဲ့နယ်ပယ်တွေနှင့် ဘင်္ဂလီကိစ္စတွေဖြေရှင်း ရေးတွေမှာ အတူတကွပူးပေါင်းလုပ်ကိုင်ကြဖို့ သဘောတူခဲ့ကြတယ်လို့ သဘောတူခဲ့ကြတယ်လို့ ဒါကာ အခြေစိုက်မီဒီယာ ဒါကာထရိုင်ဗျူးက သတင်းဖော်ပြပါတယ်။

ပြီးခဲ့တဲ့ကြာသပတေးနေ့က ထိုင်းနိုင်ငံမှာကျင်းပတဲ့ မြန်မာနှင့်အိမ်နီးချင်းများ ခြောက်နိုင်ငံ ဆွေးနွေးပွဲ တက်ရောက်ရင်း ဘင်္ဂလားဒေ့ရှ် နိုင်ငံခြားရေးအကြံပေး အမ်ဒီ တူဟစ်ဟူစိန်နှင့် မြန်မာနိုင်ငံခြားရေး ဝန်ကြီး ဦးသန်းဆွေတို့ သီးခြားတွေ့ဆုံဆွေးနွေးသဘောတူခဲ့ကြတာဖြစ်ပါတယ်။

ဘင်္ဂလီတွေကို လုံခြုံစိတ်ချစွာ၊သိက္ခာရှိစွာနှင့် သူ့သဘောနှင့်သူ ပြန်လည်ပို့ဆောင်ရေးကိစ္စမှာ အချိန်ဇယားပါဝင်ပြီးကောင်းမွန်တဲ့ လမ်းပြမြေပုံတစ်ခုအရေးကြီးတယ်လို့လည်း ဘင်္ဂလားဒေ့ရှ်  နိုင်ငံခြား   ရေးအကြံပေးတူဟစ် က ဝန်ကြီးဦးသန်းဆွေနှင့်တွေ့ဆုံစဉ်အလေးပေးပြောဆိုခဲ့တယ်လို့ သတင်းမှာ    ရေးသားထားပါတယ်။

မြန်မာနိုင်ငံခြားရေးဝန်ကြီးက မြန်မာနစကရဲ့ တိုင်းရင်းသားလက်နက်ကိုင်အဖွဲ့အစည်းများနှင့် ဆွေးနွေး  နေမှု၊ ၂၀၂၅တွင်ရွေးကောက်ပွဲကျင်းပရန်ဆောင်ရွက်နေမှု၊ ပဋိပက္ခကိုပိုအားကောင်းစေတဲ့ နယ်စပ် ဖြတ်ကျော်မှုခင်းတွေနှိမ်နှင်းနေမှုနှင့် ရခိုင်ပြည်နယ်မှာ နေရပ်စွန့်ခွာခဲ့သူတွေပြန်လာရေးကိစ္စ  ဆောင်ရွက်နေမှုတွေကို ပြန်လည်ရှင်းပြခဲ့တယ်လို့သိရပါတယ်။

#knl/ymg

၁၉ ဒီဇင်ဘာ ၂၀၂၄

▪️မြန်မာနစက နိုင်ငံခြားရေးဝန်ကြီးတင်ပြတဲ့ နစကရွေးကောက်ပွဲအစီအစဉ်အပေါ် ဆွေးနွေးပွဲတက် ရောက်လာတဲ့မြန်မာအိမ်နီးချင်းနိုင်ငံတွေက ခြုံငုံပြီး အကောင်းမြင်ကြတယ် လို့ ထိုင်းနိုင်ငံခြားရေး ဝန်ကြီးဌာန ပြောရေးဆိုခွင့်ရသူ နီကွန်ဒက်ချ် ဘာလန်ကူရာက ပြောတဲ့အကြောင်း ဘန်ကောက်ပို့စ် သတင်းမှာ ဖော်ပြထားပါတယ်။

▪️မြန်မာ့အိမ်နီးချင်းနိုင်ငံတွေက အကျပ်အတည်းနှင့်ပတ်သက်ပြီး အဖြေခပ်သွက်သွက်  လိုချင်ကြတယ်  လို့လည်း သူက ဖြည့်စွက်ပြောပါတယ်။

▪️“ မြန်မာနိုင်ငံခြားရေးဝန်ကြီးက ခြုံငုံမိတဲ့နိုင်ငံရေးဆွေးနွေးမှုအတွက် တံခါးဖွင့်ထားတယ်လို့ ပြောပါ တယ်” လို့လည်း သူကပြောပါတယ်။

▪️မြန်မာနစက နိုင်ငံခြားရေးဝန်ကြီးဟာ ထိုင်းနိုင်ငံဘန်ကောက်မြို့သို့ရောက်ရှိနေပြီး မြန်မာနှင့် ယင်းရဲ့ အိမ်နီးချင်းနိုင်ငံများ အလွတ်သဘောဆွေးနွေးပွဲသို့ ဒီဇင်ဘာ ၁၉ရက်က တက်ရောက်နေတာဖြစ်ပါတယ်။ ▪️အဲဒီဆွေးနွေးပွဲသို့ တရုတ်၊အိန္ဒိယ၊ဘင်္ဂလားဒေ့ရှ်အပါအဝင် နိုင်ငံ(၅)နိုင်ငံမှ နိုင်ငံခြားရေးဝန်ကြီးဌာန  ဝန်ကြီးများနှင့်အဆင့်မြင့်အရာရှိကြီးများတက်ရောက်နေကြပါတယ်။

▪️မြန်မာနိုင်ငံခြားရေးဝန်ကြီး ဦးသန်းဆွေက လာမယ့်နှစ်မှာကျင်းပမယ့် မြန်မာ့ရွေးကောက်ပွဲအစီ အစဉ်ကို အိမ်နီးချင်းနိုင်ငံတွေကို ချပြခဲ့ပါတယ်။ သူက နိုင်ငံခြားက ရွေးကောက်ပွဲစောင့်ကြည့်သူတွေကို ဖိတ်ခေါ် နိုင်ခြေရှိတာကိုလည်း ပြောပြခဲ့တယ်လို့ဆိုပါတယ်။

▪️ဝန်ကြီးဦးသန်းဆွေက ရွေးကောက်ပွဲအတွက် သန်းခေါင်စာရင်းကောက်ယူမှု၊ နိုင်ငံရေးပါတီ ၅၃ ပါတီ မှတ်ပုံတင်ထားမှုတွေကိုရှင်းပြခဲ့ပါတယ်လို့ ထိုင်းနိုင်ငံခြားရေးဝန်ကြီး မာရစ် ဆန်ဂီအမ်ပွန်ဆာက ပြောပါ တယ်။

▪️“ အိမ်နီးချင်းနိုင်ငံတွေအပါအဝင်နိုင်ငံခြား ရွေးကောက်ပွဲစောင့်ကြည့်သူတွေကို ဖိတ်ခေါ်ဖို့ ရည်ရွယ်  ထား တယ်လို့ သူကပြောပါတယ်” လို့  ဝန်ကြီးမာရစ်က ဆက်ပြောပါတယ်။

▪️ “မနက်ဖန်ဆွေးနွေးပွဲကတော့ အာဆီယံအဆင့်ဆွေးနွေးပွဲဖြစ်ပြီး လာအိုက သဘာပတိအဖြစ် ဆောင်ရွက် ပါမယ်။ ကျွန်တော့်အနေနှင့်အစည်းအဝေးရဲ့ ရလဒ်ကို ပြောပြပါမယ်”လို့လည်းသူကပြော  တယ်လို့ သတင်းများကရေးသားပါတယ်။

Source BKK Post

၁၈ ဒီဇင်ဘာ ၂၀၂၄
▪️တပ်မတော် ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီးမောင်မောင်အေးကို နစက အစိုးရအဖွဲ့တွင် ဒုတိယဝန်ကြီးချုပ်နှင့် ကာကွယ်ရေးဝန်ကြီးဌာန ပြည်ထောင်စုဝန်ကြီး အဖြစ် ခန့်အပ် လိုက်တယ်လို့ နစကရဲ့အမိန့်ထုတ်ပြန်ချက်အရသိရပါတယ်။
▪️လက်ရှိဒုတိယဝန်ကြီးချုပ်နှင့် ကာကွယ်ရေးဝန်ကြီးဌာနပြည်ထောင်စုဝန်ကြီးဗိုလ်ချုပ်ကြီးတင်အောင်စန်းကိုတော့ ဒုတိယဝန်ကြီး ချုပ်နှင့် ဝန်ကြီးချုပ်ရုံး ပြည်ထောင်စုဝန်ကြီးအဖြစ် ပြောင်းရွှေ့ တာဝန်ပေးအပ်လိုက်ကြောင်း သီးခြား အမိန့်တစ်ခုမှာဖော်ပြထားပါတယ်။
▪️လစ်လပ်သွားတဲ့ ညိနှိုင်းကွပ်ကဲရေးမှူး (ကြည်း၊ရေ၊လေ) ဗိုလ်ချုပ်ကြီးမောင်မောင်အေး၏ နေရာတွင် စစ်ဦးစီးအရာရှိချုပ်(ကြည်း)ဒုတိယဗိုလ်ချုပ်ကြီးကျော်စွာလင်းကို ရာထူးတိုးမြှင့်ခန့်ထားခဲ့တယ်လို့ တပ်မတော်နှင့်နီးစပ်သည့် သတင်း အရင်းအမြစ်များအရသိရပါတယ်။
▪️ထို့အပြင် အနောက်မြောက်တိုင်းနှင့် အနောက်တောင်တိုင်းစစ်ဌာနချုပ် တိုင်းမှူးများကိုလည်း အပြောင်း အလဲလုပ်ခဲ့တယ်လို့ အဆိုပါသတင်းအရင်းအမြစ်များထံမှသိရပါတယ်။