၁ ဧပြီ ၂၀၂၄
နစက ဥက္ကဋ္ဌ၊နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်သည် နေပြည်တော်သို့ရောက်ရှိနေသည့် တရုတ်နိုင်ငံခြားရေးဝန်ကြီးဌာန၊ အာရှရေးရာ အထူးကိုယ်စားလှယ် မစ္စတာ တိန့်ရှီကျွင်ကို ဧပြီလ(၁)ရက် နံနက် ပိုင်းတွင်တွေ့ဆုံ၍ ငြိမ်းချမ်းရေးလုပ်ငန်းစဉ်များတွင် တရုတ်နိုင်ငံ ပါဝင်ဆောင်ရွက်ပေးနေမှုများအပါအဝင် မြန်မာ့ နိုင်ငံရေးအခြေအနေများ ဆွေးနွေးခဲ့ကြပါတယ်။
နစက ဥက္ကဋ္ဌရုံးအစည်းအဝေးခန်းမ၌ ကျင်းပတဲ့ အဆိုပါတွေ့ဆုံမှုမှာ နစကအစိုးရဘက်မှ ဗိုလ်ချုပ်မှူးကြီး မင်းအောင်လှိုင်နှင့်အတူ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ နိုင်ငံခြားရေး ဝန်ကြီးဌာန ပြည်ထောင်စုဝန်ကြီး ဦးသန်းဆွေ၊ အမျိုးသား စည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေး ကော်မတီဥက္ကဋ္ဌ ဒုတိယဗိုလ်ချုပ်ကြီး ထွန်ထွန်းနောင်၊ နှင့်တာဝန်ရှိသူများ တက်ရောက်ကြပြီး အာရှရေး ရာအထူး ကိုယ်စားလှယ်နှင့်အတူ မြန်မာနိုင်ငံဆိုင်ရာ တရုတ်နိုင်ငံသံရုံးမှ တာဝန်ရှိ သူများ တက်ရောက်ခဲ့ကြပါတယ်။
ဗိုလ်ချုပ်မှူးကြီးနှင့် အာရှရေးရာအထူးကိုယ်စားလှယ်တို့သည် တိုင်းရင်းသားလက်နက်ကိုင်အဖွဲ့များနှင့် ငြိမ်းချမ်း ရေးတွေ့ဆုံဆွေးနွေးမှုများ ဆောင်ရွက်လျက်ရှိသကဲ့သို့ ငြိမ်းချမ်းရေးလုပ်ငန်းစဉ်များတွင် တရုတ်နိုင်ငံ အနေဖြင့် ကူညီဆောင်ရွက်ပေးလျက်ရှိမှုအခြေအနေများ၊ မူးယစ်ဆေးဝါး တားဆီး ကာကွယ်ရေး၊ အွန်လိုင်းလောင်းကစားမှု များနှင့် အွန်လိုင်းလိမ် လည်မှုများပပျောက်စေရေးနှစ်နိုင်ငံပူးပေါင်းဆောင်ရွက်လျက်ရှိသည့်ကိစ္စရပ်များ၊ နှစ်နိုင်ငံ နယ်စပ်ဒေသကုန်သွယ်ရေးကိစ္စရပ်များ၊ မြန်မာနိုင်ငံ၏နိုင်ငံရေးဖြစ်ပေါ်ပြောင်းလဲမှု အခြေအနေတွေကို ဆွေးနွေး ခဲ့ကြတာဖြစ်တယ်လို့ သတင်းထုတ်ပြန်ချက်မှာဖော်ပြထားပါတယ်။
အာရှရေးရာအထူးကိုယ်စားလှယ်သည် တရုတ်နိုင်ငံ၊ကူမင်းမြို့တွင်ကျင်းပလျက်ရှိနေသည့် မြန်မာနိုင်ငံ၏ အပစ် အခတ်ရပ်စဲရေးနှင့် ငြိမ်းချမ်း ရေးဆွေးနွေးပွဲများတွင် ကြားဝင်ညှိနှိုင်းဆောင်ရွက်ပေး နေသူဖြစ်ကြောင်းသိရှိရ ပါတယ်။
-ymg/knl
၃၁ မတ် ၂၀၂၄
ထိုင်းနိုင်ငံက တရုတ်နိုင်ငံနှင့် နှစ်နိုင်ငံဆက်ဆံရေးဆက်လက်ကောင်းမွန်ဖို့အတွက် တရုတ်နိုင်ငံကို ဆန်တင်ပို့မှုတိုးမြှင့်ဖို့ စီစဉ်နေပါတယ်။
ဒီလစောစောပိုင်းမှာ ထိုင်းအစိုးရဟာ တရုတ်သွင်းကုန်လုပ်ငန်းရှင်တွေနှင့် တွေ့ဆုံပြီး တရုတ်နိုင်ငံ ရှန်ကျန်မှာ ဖြန့်ဖြးရေးစင်တာ တစ်ခု ဖြစ်နိုင်ချေတွေဆွေးနွေးခဲ့ပါတယ်။ အဲဒီအပြင် ထိုင်းဝန်ကြီးချုပ် ဆရက်သာ သာဗစ်ဆင်နှင့်လည်း တွေ့ဆုံပြီး ထိုင်းနိုင်ငံက တရုတ်နိုင်ငံကို ၂၀၂၄ခုနှစ်အတွင်း ဆန်တန်ချိန် ၇.၅သန်းတင်ပို့ဖို့ ဆွေးနွေးခဲ့တယ်လို့ မျှော်လင့်ထားကြပါတယ်။
Source CCTV+
၃၁ မတ် ၂၀၂၄
ရုရှားသမ္မတ ဗလက်ဒီမာပူတင်က နွေဦးရာသီပုံမှန်စစ်မှုမထမ်းမနေရ အစီအစဉ်အရ ရုရှားနိုင်ငံသား တစ်သိန်းငါးသောင်းကို ခေါ်ယူမယ့် အမိန့်ကိုလက်မှတ်ရေးထိုးလိုက်တဲ့စာရွက်စာတမ်းကို ကရင်မလင်ဝက်ဘ်ဆိုက်မှာ တနင်္ဂနွေနေ့က ထုတ်ပြန် လိုက်ပါတယ်။
အမိန့်အရ ရုရှားမှာရှိတဲ့ အသက်၁၈နှစ့်အထက် အမျိုးသားတွေဟာ တစ်နှစ်ကြာ စစ်မှုထမ်းခြင်း ဒါမှမဟုတ် အဆင့်မြင့်ပညာ သင်ကြားနေစဉ်အတွင်း ယင်းနှင့်တန်းတူတဲ့ သင်တန်း တက်ရောက်ဖို့ လိုအပ်မှာြဖစ်ပါတယ်။ အသက် ၁၈နှစ်နှင့် အသက် ၃၀ အကြားရှိ ရုရှားနိုင်ငံသားတွေ လက်ရှိ အရန်အင်အားမှာရှိနေသူများကလွဲ၍ အားလုံးဟာ စစ်မှုမထမ်းမနေရ အစီအစဉ်မှာ အကျုံးဝင်ကြပါတယ်။
ပြီးခဲ့တဲ့နှစ် ဇူလိုင်လကရုရှားရဲ့ အောက်လွှတ်တော်ဟာ စစ်မှုမထမ်းမနေရ အမျိုးသားများရဲ့ အမြင့်ဆုံးအသက်သတ်မှတ်ချက် ကို အသက် ၂၇ နှစ်မှ အသက်၃၀ သို့ တိုးမြှင့်သတ်မှတ်ဖို့ မဲပေးဆုံးဖြတ်ခဲ့ပြီး အဲဒီပြဋ္ဌာန်းချက်ဟာ ၂၀၂၄ခုနှစ် ဇန်နဝါရီ ၁ ရက်နေ့မှာ စတင်အသက်ဝင်ခဲ့ပါတယ်။
စစ်မှုမထမ်းမနေရဖြင့် အမှုထမ်းကြရသူတွေဟာ ရုရှားနိုင်ငံအပြင်ဘက်မှာ စစ်တိုက်ဖို့ ဥပဒေအရ ခွင့်မပြုပါဘူး။ ပြီးတော့ ယူကရိန်းနှင့်စစ်ပွဲမှာလည်း အဲဒီသူတွေကို ချန်လှပ်ပေးခဲ့ပါတယ်။ ဒါပေမယ့် မှားယွင်းပြီးပါသွားသူ အချို့တော့ရှိခဲ့ပါတယ်။
ရုရှားဟာ တစ်နှစ်မှာ နှစ်ကြိမ် စစ်မှုမထမ်းမနေရဆင့်ခေါ်ပါတယ်။ နွေဦးရာသီတစ်ကြိမ် ဆောင်းဦးရာသီ တစ်ကြိမ်ဖြစ်ပါတယ်။ ၂၀၂၃ ဆောင်းဦးရာသီမှာ လူပေါင်း ၁၃၀,၀၀၀ စစ်မှုထမ်းဖို့စာရင်းသွင်းခဲ့ကြတာတွေ့ရပါတယ်။
Source Reuters /Xinhua
၂၈ မတ် ၂၀၂၄
ထိုင်းနိုင်ငံသို့တရားမဝင်ခိုးဝင်လာကြတဲ့ မြန်မာနိုင်ငံသား ၇၉ ဦးပါတဲ့ အုပ်စု (၅)စုကို လွန်ခဲ့တဲ့ နှစ်ရက်အတွင်း Thong Pha Phum ခရိုင်အတွင်းမှာ ဖမ်းဆီးရမိခဲ့တယ်လို့ သိရပါတယ်။ သူတို့နှင့်အတူ မှောင်ခိုသွင်းသူ ၅ ဦးကိုလည်းဖမ်းဆီးမိခဲ့ပါတယ်။
ပထမဖမ်းဆီးမှုမှာ ရဲ၊စစ်သားနှင့် ဒေသအရာရှိတွေပါဝင်တဲ့အဖွဲ့ဟာ သမ်ဘွန်သာခါနန်က အိမ်တစ်အိမ်အောက်မှာ ပုန်းနေကြ တဲ့ မြန်မာအမျိုးသား (၉)ဦးကို ဗုဒ္ဓဟူးနေ့ မနက်၁၀နာရီခန့်က ဖမ်းဆီးရမိခဲ့တာဖြစ်ပါတယ်။
သူတို့အားလုံးကို တရားမဝင် ဝင်ရောက်မှုနှင့် ဖမ်းဆီးထားပြီး အိမ်ပိုင်ရှင် ဘန်လတ်ဘိုရစ်ဆတ်ကိုလည်း ဝှက်ထားပေးတဲ့ အတွက် ဖမ်းဆီးခဲ့ပါတယ်။
အဲဒီနေ့ နှောငင်းပိုင်းမှာလည်း ရဲတွေဟာ သွန်ပါပမ်လမ်းဆုံအနီးမှာ ကချာနာပူရီလိုင်စင်ပြားတပ်ထားတဲ့ ပစ်ကပ်ကားတစ်စီး ကိုရပ်ဖို့ပြောတာကို မရပ်ဘဲမောင်းပြေးတဲ့အတွက် ရဲအရာရှိနှစ်ဦးဟာ ကားနောက်ခန်းကို ခုန်တက်လိုက်ခဲ့ကြပါတယ်။ ဒါပေမယ့် ကားကရပ်မပေးခဲ့ပါဘူး။ အခြားအရာရှိတွေက ကားနောက်ကို ထပ်ချပ်မကွာလိုက်တော့မှ စစ်ဆေးရေးဂိတ်နှင့် ၅ကီလိုမီတာအကွာမှာကားကရပ်သွားပါတယ်။ အဲဒီကားမှာ မြန်မာနိုင်ငံသား အမျိုးသား ၅ ဦးနှင့် အမျိုးသမီး ၃ ဦးတို့ကိုတွေ့ရှိဖမ်းဆီးခဲပြီး ယာဉ်မောင်းကိုပါ ဖမ်းဆီးခဲ့ပါတယ်။
ဖမ်းဆီးရမိတဲ့မြန်မာနိုင်ငံသားတွေက သူတို့ဟာ ဘုရားသုံးဆူအနီးနယ်စပ်ပေါက်ကနေ ခြေလျင်လမ်းလျှောက်ဝင်လာခဲ့ကြတာ ဖြစ်တယ်လို့ ပြောကြပါတယ်။ စစ်ဆေးရေးဂိတ်တော်တော်များများမှာ သူတို့ဟာ လမ်းညွှန်တစ်ဦးရဲ့အကူအညီနှင့် ကျော်ဖြတ်နိုင်ခဲ့ကြတယ်လို့ဆိုပါတယ်။
နောက်တစ်နာရီအကြာမှာ ရဲတွေဟာ တမ်ဘွန်စစ်ဆေးရေးဂိတ်မှာ မရပ်ဘဲမောင်းပြေးတဲ့ ထရပ်ကားတစ်စီးနောက်လိုက်ပြီး ဖမ်းဆီးခဲ့ရာမှာ မြန်မာအမျိုးသား (၆)ဦးနှင့် ထိုင်းမှောင်ခိုကူးသူ (၂)ဦးကို ဖမ်းဆီးရမိခဲ့ပါတယ်။
အင်္ဂါနေ့ညမှာ တမ်ဘွန်သာခါနမ်အပန်းဖြေစခန်းအနီး မှောင်ခိုကူးသူ (၁)ဦးနှင့် တရားမဝင်အလုပ်လာရှာသူ ၁၉ ဦးတို့ကို ဖမ်းဆီးရမိခဲ့ပါတယ်။ မှောင်ခိုကူးသူဟာ “ ဝင်း” လို့သိထားကြပြီး ဆန်ခလာပူရီဒေသခံဖြစ်ကာ တိုရိုတာကားကို ကိုယ်တိုင် မောင်းလာသူဖြစ်ပါတယ်။
Source BKK Post
@ymg/knl
၂၇ မတ် ၂၀၂၄
နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည် မတ် ၂၇ ရက် (၇၉)နှစ်မြောက် တပ်မတော်နေ့အထိမ်းအမှတ်အဖြစ် သူရဲကောင်းဗိမာန်(နေပြည်တော်)တွင် သူရဲကောင်းစစ်သည်များအား ဂုဏ်ပြုပန်းခြင်းချ အလေးပြုခဲ့ကြပါတယ်။
ဗိုလ်ချုပ်မှူးကြီးနှင့်အတူ ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်ချူပ်မှူးကြီးစိုးဝင်း၊ညှိနှိုင်းကွပ်ကွဲရေးမှူး၊ ကာကွယ်ရေးဦီးစီးချုပ်(ရေ)၊ကာကွယ်ရေးဦးစီးချုပ်(လေ)နှင့်အဆင့်မြင့်တပ်မတော်အရာရှိကြီးများ၊အငြိမ်းစားတပ်မတော် အရာရှိကြီးများတက်ရောက်ခဲ့ကြပါတယ်။
အဲဒီနောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေး ဦးစီးချုပ်နှင့် တက်ရောက်လာကြသည့် တပ်မတော်အရာရှိကြီးများသည် သူရဲကောင်း ဗိမာန် (နေပြည်တော်) ဧည့်သည်တော်မှတ်တမ်းစာအုပ်တွင် လက်မှတ်ရေးထိုးခဲ့ကြကြောင်းသိရှိရပါတယ်။
၂၇ မတ် ၂၀၂၄
နေပြည်တော်ရှိ ဇေယျာသီရိဗိမာန်ဧည့်ခန်းမဆောင်၌ မတ် ၂၇ရက်မနက်ကကျင်းပသည့် အငြိမ်းစားတပ်မတော်အရာရှိကြီး များအား တပ်မတော်(ကြည်း၊ ရေ၊ လေ) မိသားစု များက ဂါရဝပြုကန်တော့သည့် အခမ်းအနားသို့ နိုင်ငံတော်သမ္မတ(ငြိမ်း) ဦးသိန်းစိန် (အငြိမ်းစား ဗိုလ်ချုပ်ကြီး) နှင့် တပ်မတော်အရာရှိကြီးများတက်ရောက်ခဲ့ကြပါတယ်။
အငြိမ်းစားတပ်မတော်အရာရှိကြီးများ (၇၉)နှစ်မြောက် တပ်မတော်နေ့ စစ်ရေးပြ အခမ်း အနားသို့ တက်ရောက်လာစဉ် ယခု အခမ်းအနားကို ကျင်းပခဲ့ခြင်းဖြစ်ပါတယ်။
အဆိုပါအခမ်းအနားသို့ အငြိမ်းစားတပ်မတော်အရာရှိ ကြီး ၁၆ ဦးနှင့် ဇနီး ၁၀ ဦးတို့ကန်တော့ခံတက်ရောက်ကြပြီး နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နှင့်ဇနီး ဒေါ်ကြူကြူလှတို့ဦးဆောင်၍ နစက ဒုတိယ ဥက္ကဋ္ဌ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်းနှင့် ဇနီးဒေါ်သန်းသန်းနွယ်၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီး မောင်မောင်အေးနှင့်ဇနီး၊ ကာကွယ်ရေး ဦးစီးချုပ်ရုံး (ကြည်း၊ ရေ၊ လေ)မှ တပ်မတော်အရာရှိကြီးများနှင့် ဇနီးများက တက်ရောက် ဂါရဝပြု ကန်တော့ခဲ့ကြပါတယ်။
အခမ်းအနားတွင် နိုင်ငံတော်သမ္မတ(ငြိမ်း)ဦးသိန်းစိန်နှင့်အတူ ယခင် ပြည်ထောင်စုရွေးကောက်ပွဲကော်မရှင် ဥက္ကဋ္ဌ ဦးတင်အေး(ဒုတိယဗိုလ်ချုပ်ကြီးတင်အေး-ငြိမ်း)နှင့် ထိပ်တန်းတပ်မတော်အရာရှိကြီးအချို့ တက်ရောက်ခဲ့ကြကြောင်း ထုတ်ပြန်သော ရုပ်သံသတင်းများအရသိရပါတယ်။
“ယခုအခမ်းအနားတက်ရောက်လာကြသည့် တပ်မတော်အငြိမ်းစားအရာရှိကြီးများသည် မိမိတို့၏မိဘဆရာများပင်ဖြစ်ပါ ကြောင်း” ဗိုလ်ချုပ်မှူးကြီးက ပြောကြားပြီး လက်ရှိတာဝန်ယူနေသည့် အခြေအနေများကို ရှင်းလင်းတင်ပြခဲ့ပါတယ်။ ဗုဒ္ဓဘာသာအစဉ်အလာနှင့်အညီ ယခုကဲ့သို့ အထက်အောက်ရိုသေလေးစားမှုဖြင့် ကျေးဇူးတရားကိုသိရှိစွာဂါရဝ ပြု ကန်တော့ ခြင်းသည် မိမိတို့တပ်မတော်၏ အစဉ်အလာကောင်းတစ်ခုပင်ဖြစ်တယ်လို့လည်း ဗိုလ်ချုပ်မှူးကြီးကပြောပါတယ်။
အဲဒီနောက် ကန်တော့ခံအငြိမ်းစားတပ်မတော်အရာရှိကြီးများကိုယ်စား နိုင်ငံတော်သမ္မတ(ငြိမ်း)ဗိုလ်ချုပ်ကြီး သိန်းစိန်၊ ဗိုလ်မှူးကြီးညွန့်ဆွေနှင့် ဒုတိယဗိုလ်ချုပ်ကြီး အောင်ထွေးတို့က ဆုမွန်ကောင်းများနှင့် ဩဝါဒ စကားများကို ပြောကြားခဲ့ကြ ကြောင်းသတင်းရရှိပါတယ်။
@ymg/knl
နယူးဒေလီ, မတ် ၂၇ (ရိုက်တာ)
အိန္ဒိယနိုင်ငံက အမေရိကန်ဒေါ်လာ ၃.၇ ဘီလျံအကုန်အကျခံကာ မိုင်၁၀၀၀ခန့်ရှည်လျားသည့် မြန်မာနှင့်နယ်စပ် တစ်လျှောက် ခြံစည်းရိုးခတ်ဖို့ စီစဉ်နေတယ်လို့ အဆိုပါကိစ္စနှင့်တိုက်ရိုက်သက်ဆိုင်တဲ့ သတင်းအရင်းအမြစ်က ရိုက်တာသတင်းဌာနကိုပြောပါတယ်။ မှောင်ခိုလုပ်ငန်းတွေနှင့် တရားမဝင်လှုပ်ရှားမှုတွေကိုဟန့်တားနိုင်ဖို့လို့ ဆိုပါ တယ်။
နယူးဒေလီက နယ်စ်တွင်ခြံစည်းရိုးများခတ်ကာ ဆယ်စုနှစ်များစွာကြာခဲ့တဲ့ ဗီဇာမလိုဘဲဝင်ထွက်သွားလာခွင့်ကို လည်း အဆုံးသတ်မယ်လို့ နှစ်ဆန်းကတည်းက ပြောခဲ့ပါတယ်။
အိန္ဒိယအစိုးရကော်မတီတစ်ရပ်ဟာ ခြံစည်းရိုးခတ်မယ့် ကုန်ကျစရိတ်ကို ဒီလစောစောပိုင်းမှာ အတည်ပြုခဲ့ပါ တယ်။ ကော်မတီက အတည်ပြုပြီးနောက် ဝန်ကြီးချုပ် နာရင်ဒရာမိုဒီရဲ့ အစိုးရအဖွဲ့က အတည်ပြုပေးဖို့လိုအပ်ပါ သေးတယ်လို့ အစိုးရ အရင်းအမြစ်တွေက ပြောပါတယ်။
အိန္ဒိယ-မြန်မာနယ်စပ် ပဋိပက္ခတွေကြောင့် နယူးဒေလီအနေနှင့် အိန္ဒိယသို့ လူမှုတင်းမာမှုတွေကူးစက်လာမှာကို စိုးရိမ်နေပါတယ်။
စစ်အခြေစိုက် စခန်းတွေ နှင့် နယ်စပ်ကို လမ်းတွေနှင့်ချိတ်ဆက်နိုင်အောင်နယ်စပ်ခြံစည်းရိုးတစ်လျောက်မှာ အိန္ဒိယနိုင်ငံအတွင်းဘက်မှာ အပြိုင်လမ်းတွေဖောက်လုပ်ဖို့ အိန္ဒိယအကြီးတန်းအရာရှိတွေရဲ့ကော်မတီတစ်ရပ်က သဘောတူခဲ့ပါတယ်လို့ သတင်းအရသိရပါတယ်။ ခြံစည်းရိုးနှင့် ယင်းနှင့်ကပ်လျက် လမ်းအတွက် ကုန်ကျစရိတ် ဟာ တစ်ကီလိုမီတာကို ရူပီး ၁၂၅သန်းကုန်ကျမယ်လို့ တွက်ချက်ထားပါတယ်။ အဲဒီကုန်ကျစရိတ်ဟာ ၂၀၂၀ခုနှစ်က ဘင်္ဂလားဒေ့ရှ်နှင့် နယ်စပ်ခြံစည်းရိုးကာစဉ်က ကုန်ကျစ၇◌ိတ် တစ်ကီလိုမီတာကို ၅၅သန်း နှုန်းထက် နှစ်ဆခန့်ဈေးကြီးနေပါတယ်။ဘာဖြစ်လို့လဲဆိုတော့ အဲဒီနယ်စပ်တလျောက်မှာ တောင်တွေထူထပ်ခြင်း နှင့် ကျူးကျော်ဝင်ရောက်မှုနှင့် ပျက်စီးယိုယွင်းမှုကို ဟန့်တားဖို့နည်းပညာအသုံးပြုကြရမှာကြောင့်ဖြစ်တယ်လို့ သတင်းမှာဖော်ပြထားပါတယ်။
@ymg/knl
Page 40 of 208
