Published 26 June 2022

ရုရှားရဲ့ ဒုတိယအကြီးဆုံး ဘဏ်ကြီးဖြစ်တဲ့ VTB ရဲ့ ဥက္ကဋ္ဌက ရုရှားဟာ BRICS နိုင်ငံတွေနှင့် သူတို့ကိုယ်ပိုင်ငွေကြေး အသုံးပြုပြီး နီးကပ်စွာ တိုက်ရိုက်ကုန်သွယ်မှု ဆောင်ရွက်ဖို့ စိတ်ဝင်စားတယ်လို့ ပြောလိုက်ပါတယ်။ ၂၅ ကြိမ်မြောက် စိန့်ပီတာစဘတ် နိုင်ငံတကာစီးပွားရေးဖိုရမ်နှင့် ယှဉ်လျက်ကျင်းပတဲ့ ဆွေးနွေးပွဲမှာ သူကပြောလိုက်တာပါ။

ဇွန်၁၅ ရက်ကနေ ၁၈ ရက်အထိ ကျင်းပတဲ့ အဆိုပါဖိုရမ်မှာ နိုင်ငံပေါင်း၁၃၀ကျော်က နိုင်ငံရေးနှင့်စီးပွားရေး ထင်ရှားသူတွေ တက်ရောက်ခဲ့ကြပြီး ကမ္ဘာ့စီးပွားရေးမှာ ရင်ဆိုင်နေရတဲ့ အဓိက စိန်ခေါ်မှုများအပေါ် သူတို့ရဲ့ စိတ်ကူးတွေကို အတူမျှဝေခဲ့ကြပြီး အဖြေတွေလည်းထုတ်ခဲ့ကြပါတယ်။

အမေရိကန်က သပိတ်မှောက်ပြီး ဥရောပနိုင်ငံတော်တော်များများမတက်ခဲ့ကြတဲ့ကြားထဲက အဲဒီဖိုရမ်မှာ လူပေါင်း တစ်သောင်းလေးထောင်ကျော် တက်ရောက်ခဲ့ကြပါတယ်။ စီးပွားရေးဆက်သွယ်ချိတ်ဆက်မှုပေါင်း ၆၉၁ ခုလုပ်ခဲ့ပြီး အမေရိကန်ဒေါ်လာ ဘီလျံ ၁၀၀ နှင့်ညီမျှတဲ့ ၅.၆ ထရီလီယံရူဘယ်လ်တန်ဖိုးရှိတဲ့ စီးပွားရေးတွေ ဆက်သွယ်ဆောင်ရွက်ခဲ့ကြပါတယ်။ ပြီးခဲ့တဲ့နှစ်ထက်စာရင်တောင် ပိုပြီးတိုးတက်မှုရှိသေးတယ်လို့ ဖိုရမ်ကိုကြီးမှူးကျင်းပတဲ့ ရော့စ်ကွန်ဂယက်က ပြောပါတယ်။

“BRICSဟာ အချို့သောနိုင်ငံရေးအခွင့်အလမ်းတွေလည်း တူညီတာတောင်မှ စီးပွားရေးဖွံ့ဖြိုတိုးတက်မှု အနေအထားဆင်တူကြတဲ့ နိုင်ငံတွေဖြစ်ကြတယ်။ ဒါဟာ အတော်အရေးကြီးတယ်။ အတွေးအခေါ်ပိုင်းဆိုင်ရာ ကွာခြားမှုမရှိဘူး။ နိုင်ငံရေးဒီအထဲမှာ မပါဘူး။ တကယ်စီးပွားရေးနှင့်ဘဏ္ဍာရေးသက်သက် အဖွဲ့အစည်းဖြစ်တယ်။ ကမ္ဘာ့စီးပွားရေးအတွက်လည်း အရေးကြီးတဲ့ အန်းကဏ္ဍကနေပါဝင်နိုင်တယ်” လို့ VTB ဘဏ် ဥက္ကဋ္ဌအင်ဒရေးကော့စတင်က ပြောပါတယ်။

ရုရှားဟာ အမေရိကန်ရဲ့ဒေါ်လာလက်နက်ကိုဆန့်ကျင်ပြီး အခြားသော BRICS နိုင်ငံတွေနှင့် နီးကပ်တဲ့ တိုက်ရိုက်ကုန်သွယ်ရေးကို နိုင်ငံတွေရဲ့ကိုယ်ပိုင်ငွေကြေးအသုံးပြုပြီး ဆောင်ရွက်ဖို့စိတ်ဝင်တစားရှိတယ်လို့ သူက ဆက်ပြောပါတယ်။

“ လက်ရှိအခြေအနေအောက်မှာ ရုရှားဟာ ဥပမာအားဖြင့် ပြည်တွင်းငွေကြေးတွေနှင့် ယွမ်လို၊ရူပီးလိုနှင့်အခြာငွေကြေးလိုမျိုးနှင့် တိုက်ရိုက် ကုန်သွယ်ဖို့ အလွန်စိတ်ဝင်စားပါတယ်။ အဲဒါကို တိုးတက်ဖွံ့ဖြိးအောင်လုပ်သင့်တယ်လို့ ကျွန်တော်ထင်ပါတယ်။  ကျွန်တော်တို့ အခု ဒေါ်လာကို လက်နက်သဖွယ်သုံးနေတာ နိုင်ငငံရေးအကြောင်းပြချက်တွေမှာ ဒေါ်လာကို ဘယ်လိုအသုံးချနေတာ တွေ့မြင်နေကြရပြီဖြစ်တယ်။  ဒါဟာ ကျွန်တော်တို့တွေအတွက် အတော့်ကိုအရေးကြီးတဲ့ကိစ္စလို့ ကျွန်တော်မြင်ပါတယ်။ ပထမဆုံးလုပ်ကြရမယ့်အလုပ်လို့မြင်တယ်။ အဲဒါဆိုရင် ကျွန်တော်တို့ရဲ့ အပြန်အလှန်ကုန်သွယ်မှုနှင့် စီးပွားရေးပူးပေါင်းဆောင်ရွက်မှုတွေ ကြီးမားစွာတိုးတက်လာမှာဖြစ်တယ်” လို့သူကပြောပါတယ်။

BRICSဟာ ဘရာဇီး၊ရုရှား၊အိန္ဒိယ၊တရုတ်နှင့် တောင်အာဖရိကနိုင်ငံ ငါးနိုင်ငံပါဝင်တဲ့အဖွဲ့ဖြစ်ပါတယ်။

Source CCTV+

Published 26 June 202

ရှမ်းပြည်နယ်( အရှေ့ပိုင်း)မိုင်းဆတ်ခရိုင်၊ပုံပါကျင်မြို့နယ်၊နားကောင်းမွန်းဒေသ၊ဟွေအော အားကစားကွင်း၌ အပြည်ပြည်ဆိုင်ရာမူးယစ်ဆေးဝါး တိုက်ဖျက်ရေးနေ့အထိမ်းအမှတ်၊ဖမ်းဆီးရမိမူးယစ်ဆေးဝါးများ မီးရှို့ဖျက်ဆီးခြင်းအခမ်းအနားကို ယနေ့နံနက် ၉ နာရီအချိန်ကကျင်းပခဲ့ပါတယ်။

မိုင်းဆတ်ခရိုင်၊ ဝ အထူးဒေသ( ၂)စစ်ဒေသ (၁၇၁) တပ်ဖွဲ့မှ ဖမ်းဆီးရမိသောမူးယစ်ဆေးဝါးများ မီးရှို့ဖျက်ဆီးခြင်းအခမ်းအနားတွင် ဒု နိုင်ငံရေးမှူး ဦးညီကပ်မှမူးယစ်ဆေးဝါးနှိမ်နှင်းရေနှင့်စပ်လျဥ်း၍

မူးယစ်ဆေးဝါးတိုက်ဖျက်ရေး ကိစ္စများသည် တစ်ဦးတစ်ယောက်တည်း လုပ်ဆောင်၍ မရနိုင်ကြောင်း၊၄င်းတို့အနေနှင့်  မျိုးရိုးစဉ်ဆက် ဒုက္ခပေးသည့် မူးယစ်ဆေးဝါးပပျောက်ရေးအတွက်  တစိုက်မတ်မတ်လုပ်ဆောင်ရန် အတွက် သံန္ဓိဌာန်ချမှတ်ထားတယ်လို့ပြောပါတယ်။

၂၀၁၉ခုနှစ်မှ ၂၀၂၂ ခုနှစ်အထိ မူးယစ်ဆေးဝါး ရောင်းဝယ်ဖောက်ကားသူ  (၃၂)ဦးအား ဖမ်းဆီးရမိခဲ့ပြီး (၃)နှစ်အတွင်း စုစုပေါင်းစိတ်ကြွဆေးပြား(၁၁၃၆၆၁၄၂)ပြား၊ရေခဲ (၉၀) ထုတ်၊ဘိန်းမဲ  (၅၅)ကီလိုဂရမ်၊ကဖင်းမှုန့် (၁)ပုလင်းနှင်း (၁)ဂရမ်၊ကဖင်းမှုန့် (၉၀)ထုတ်၊လိမ္မော်ရည် ဆေးရည် (၄၀)ပုလင်း၊မော်လိကျင်အရည် (၈၆)ပုလင်း၊ကော်မှုန့် (၅၆)ထုတ်၊ဖန်စီဒိုင်း (၆၀၃)ပုလင်း၊ပန်းရေညင် မူးယစ်ဆေးဝါး ဆက်စပ် ပစ္စည်း (၅)ထုတ်၊မူးယစ်ဆေးဝါး ရောင်းရသည့်ငွေ ၅၀၀၀၁၄ဘတ်၊ တရုတ် ယွမ်ငွေ ၃၀၉.၁ယွမ်၊ကျပ်ငွေ ၃၇၀၆၀၀ကျပ်၊ဖုန်း ၅၉)လုံး၊နာရီ (၅)လုံးAK 47 -(၃)လက်၊ကျည်ဆံ (၁၈၉)ခု၊တူမီး (၂)လက်၊၄၀M ဗုံးပစ် လောင်ချာ (၁)လုံး၊ဗုံးသီး (၁၅)လုံး၊equipments(၂)ခု၊၁၃ MM ပစ္စတို (၂)လက်၊ကျည်ဆန် (၁၀)လုံး၊၉MM  -၂လက်၊ကျည်ဆန် (၅၄)လုံး၊M 16-၂လက်၊ကျည်ဆန်  (၁၈၁)လုံး၊ကျည်ကတ် (၃)ခု၊AK 47 -၂လက်၊ကျည်ဆံ အလုံး (၁၀၀)၊ဓာတ်မီး (၄၂)လုံး၊ကားငယ် (၁၂)စီး၊ဆိုင်ကယ် (၁၁)စီးစကားပြောစက် (၉)လုံး၊ မူးယစ်ဆေးဝါး ရောင်းဝယ်သူ (၁၉)ဦး၊ မူးယစ်ဆေးဝါးသုံးစွဲသူ (၅၃)ဦး ရှိကာ သက်ဆိုင်ရာသို့  (၈)ကြိမ်တိုင် လွှဲပြောင်းပေးအပ်ခဲ့ပြီး ဖြစ်တယ်လို့သိရပါတယ်။

မူးယစ်ဆေးဝါး တိုက်ဖျက်ရေးနေ့ အခမ်းအနားသို့   စစ်ဒေသ (၁၇၁)မှ  ဒုစစ်ဒေသမှူး ဦးကျလောဘိုနှင့် ဌာနဆိုင်ရာတာဝန်ရှိသူများ၊ဟွေအော၊နာကောင်းမူ ကျေးရွာရှိ ဒေသခံပြည်သူများနှင့် ကျောင်းသားကျောင်းသူများ စသည့် စုစုပေါင်း အင်အား (၅၀၀)ဦးခန့် တက်ရောက်ခဲ့ကြတာဖြစ်ပါတယ်။

Ymg/ys-tcl

Published 26 June 2022

တရုတ်နိုင်ငံက Influencers တွေဟာ သူတို့အနေနှင့် ဥပဒေရေးရာ၊ကျန်းမာရေးနှင့် ဘဏ္ဍာငွေကြေးကိစ္စတွေလို အကြောင်း  အရာတွေကို တိုက်ရိုက် ဆွေးနွေးထုတ်လွှင့် live-streaming တင်ဆက်လိုတယ်ဆိုရင် သူတို့အနေနှင့် အရည်အချင်း   သတ်မှတ်ချက်တွေ လိုအပ်တော့မှာ ဖြစ်ပါတယ်။

တရုတ်ရေဒီယိုနှင့်ရုပ်မြင်သံကြားအုပ်ချုပ်ရေးအဖွဲ့က တိုက်ရိုက်ဆွေးနွေးထုတ်လွှင့်မယ့်သူတွေနှင့်ပတ်သက်လို့ လမ်းညွှန်ချက် အသစ်တွေကို ဗုဒ္ဓဟူးနေ့ကထုတ်ပြန်လိုက်ပါတယ်။အဲဒီလမ်းညွှန်ချက်ထဲမှာ အဆင့်မြင့် ပညာရပ်တွေဖြစ်တဲ့ အချို့သော ခေါင်းစဉ်တွေကို ပြောဆို ဆွေးနွေးမယ်ဆိုရင် ထုတ်လွှင့်တင်ဆက်သူဆီမှာ သင့်လျော်တဲ့ အရည်အချင်းသတ်မှတ်ချက်  တွေရှိဖို့လိုတယ်လို့ ပါဝင်ပါတယ်။

အဲဒီခေါင်းစဉ်တွေက ကျန်းမာရေးစောင့်ရှောက်မှု၊ဥပဒေ၊ဘဏ္ဍာငွေကြေးနှင့်ကျန်းမာရေးစသည်တို့ဖြစ်ကြောင်းဖော်ပြထား ပေမယ့် ဘယ်လိုအရည်အချင်းတွေလိုတယ်လိုတော့ အတိအကျဖော်ပြမထားပါဘူး။

“ တိုက်ရိုက် streaming တင်ဆက်သူတွေဟာ အရေးကြီးတဲ့ တာဝန်တွေထမ်းဆောင်ရတာဖြစ်တယ်။ သိပ္ပံပညာနှင့် ယဉ်ကျေးမှုဆိုင်ရာ အသိအမြင်ဗဟုသုတတွေဖြန့်ဝေရာမှာ၊စိတ်ပိုင်းနှင့်ယဉ်ကျေးမှုဘဝတွေကိုစိုပြည်စေရာမှာ၊ပြီးတော့ စီးပွားရေးနှင့်လူမှုရေးဖွံ့ဖြိုးတိုးတက်ရေးမြှင့်တင်ရာမှာအရေးကြီးတဲ့ အခန်းကဏ္ဍမှာရှိနေကြတယ်” လို့ အသိပေးချက်ထဲမှာ ဖော်ပြထားပါတယ်။

စည်းမျည်းအသစ်တွေဟာ “ အပြုသဘောဆောင်ပြီးကျန်းမာသန်စွမ်း စနစ်ကျကာ သဟဇာတဖြစ်တဲ့ အင်တာနက် ဟင်းလင်း  ပြင်ကို မြှင့်တင်ပေးလိမ့်မယ်လို့လည်း ဖြည့်စွက်ရေးသားထားပါတယ်။

အဲဒီအပြင် live-streaming တင်ဆက်လို့မရတဲ့ အကြောင်းအရာ ၃၁မျိုးကိုလည်း ထည့်သွင်းထားပါတယ်။ အဲဒီအထဲမှာ လောင်းကစား၊အကြမ်းဖက်မှု နှင့်မူးယစ်ဆေးဝါးသုံးစွဲမှုတို့ကို အားပေးရာရောက်တဲ့အကြောင်းအရာတွေ  စတာတွေ ပါဝင်နေ ပါတယ်။

အဲဒီအပြင် တင်ဆက်သူတွေဟာ တရုတ်ကွန်မြူနစ်ပါတီဦးဆောင်မှုနှင့်ဆိုရှယ်လစ်စနစ်ကို အားနည်းစေမယ့်၊ ပုံပျက်ယွင်း စေမယ့်၊ ငြင်းပယ်တဲ့ အကြောင်းအရာတွေ ထုတ်လွှင့်ခြင်းမပြုဖို့လည်း တားမြစ်ထားပါတယ်။

အစားအစာကို အလဟသဖြစ်စေတာမျိုးနှင့် အလွန်အကျွံစားပြတဲ့ mukbang ပုံစံမျိုးကိုလည်း ခွင့်ပြမှာမဟုတ်ဘူးလို့လည်း ဖြည့်စွက်ဖော်ပြထားပါတယ်။

ဒီလမ်းညွှန်ချက်တွေဟာ တရုတ်နိုင်ငံမှာ ကြီးထွားလာနေတဲ့ live-streaming လုပ်ငန်းတွေကို ဆက်လက်နှိမ်နှင်းနေတဲ့ အချိန်မှာ ထွက်ပေါ်လာတာဖြစ်ပါတယ်။ တရုတ်နိုင်ငံမှာ ၂၀၂၀ပြည့်နှစ်တစ်နှစ်တည်းတင် အဲဒီလုပ်ငန်းဈေးကွက်ဟာ (၁) ထရီလီယံ ယွမ်ငွေ(ဒေါ်လာ ၁၅၆ ဘီလျံ)အထိရှိနေတယ်လို့ အကြံပေးကုမ္ပဏီ KPMG ကခန့်မှန်းထားပါတယ်။

တင်ဆက်သူတော်တော်များများဟာလည်း အံအားသင့်ရလောက်အောင် လူသိများကြပါတယ်။ သစ္စာရှိတဲ့ နောက်လိုက် ဖော်လိုဝါတွေ သန်းနှင့်ချီရှိနေကြတာဖြစ်ပါတယ်။

Ref: Insider

Published 25 June 2022

အမေရိကန်ပြည်ထောင်စုတရားရုံးချုပ်က ဆယ်စုနှစ်ငါးစု အခြေခံဥပဒေရဲ့ အကာအကွယ်ရရှိခဲ့တဲ့ ကိုယ်ဝန်ဖျက်ချခွင့်ကို သောကြာနေ့က ပယ်ဖျက်ပစ်လိုက်ပါတယ်။ အဲဒါကြောင့် လက်ယာယိမ်းပြည်နယ်တော်တော်များများဟာ ကိုယ်ဝန်ဖျက်ချမှုကို ပိတ်ပင်မိန့်တွေ ချက်ခြင်းလုပ်လာဖို့ရှိနေပါပြီ။

ဝါရှင်တန်၊နယူးယောက်နှင့် နေရာအနှံ့မှာ ဆန္ဒပြပွဲတွေဟာ မဆိုင်းမတွ ပေါ်ပေါက်လာပါတယ်။

၁၉၇၃ခုနှစ် ရိုးနှင့်ဝါဒီတို့ရဲ့  အမျိုးသမီးတွေရဲ့ ကိုယ်ဝန်ဖျက်ချခွင့် အထင်ကရ ဆုံးဖြတ်ချက်ကို ကွန်ဆာဗေးတစ်တွေကြီးစိုးတဲ့ တရားရုံးက ပြောင်းပြန်လှန်ပစ်လိုက်တာဖြစ်ပါတယ်။

အခြေခံဥပဒေက ကိုယ်ဝန်ဖျက်ချခွင့်ကို အပ်နှင်းထားခြင်းမရှိဘူးလို့  ၆-၃ မဲနှင့် တရားရုံးချုပ်ရဲ့ ဆုံးဖြတ်ချက်မှာ‌ဖော်ပြထားပါတယ်။

“ နယူးယောက်ပြည်နယ်မှာ အခွင့်အရေးကိုအာမခံထားတယ်။ ကျွန်မတို့ အရေးယူဆောင်ရွက်မှုတွေလုပ်ပြီးပြီ။ ကျွန်မတို့ရဲ့ တစ်နိုင်ငံလုံးက ညီမတွေဒီမှာ နည်းလမ်းရှာလို့ရအောင်ကူညီနိုင်မယ့် ကျွန်မတို့ရဲ့ ကိုယ်ဝန်ဖျက်ချရေးဆောင်ရွက်ပေးသူတွေကို အကူအညီပေးဖို့ ဒေါ်လာ ၃၅သန်းလျာထားသတ်မှတ်ပေးပြီပြီ။ ဒီနေရာဟာ သူတို့အတွက် လုံခြုံတဲ့နေရာပဲ” လို့ နယူးယောက်ပြည်နယ်အုပ်ချုပ်ရေးမှူး ကေသီဟိုချူလ်က ဆန္ဒပြချီတက်ပွဲမှာ သတင်းထောက်တွေကိုပြောပါတယ်။

မရွှင်မပျဖြစ်နေတဲ့ သမ္မတ ဂျိုးဘိုင်ဒင်က ဆုံးဖြတ်ချက်ဟာ အစွန်းရောက်အတွေးအခေါ်ကပေါက်ဖွားလာတဲ့  ကြေကွဲဖွယ်မှားယွင်းမှုတစ်ခုလို့ ခေါ်ဆိုလိုက်ပါတယ်၊တရားရုံံးနှင့် နိုင်ငံအတွက် ကြေကွဲစရာနေ့လို့လည်းသူကပြောပါတယ်။နိုင်ငံထဲက အမျိုးသမီးတွေရဲ့ကျန်းမာရေးနှင့်ဘဝတွေမှာ အခုအန္တရာယ်ရှိနေပြီလို့ သူက ပြေရင်း လိင်တူလက်ထပ်တာတို့ ကိုယ်ဝန်တားတာတို့စတဲ့ အခွင့်အရေးတွေလည်း နောက်ထပ်ခြိမ်းခြောက်လာနိုင်တယ်လို့ သူကသတိပေးပါတယ်။

နယူးယောက်က ဆန္ဒပြပွဲသူတစ်ဦးဖြစ်တဲ့ ဝင်ဒီအာဟတ်က “ ကျွန်အသက်၅၀ရှိပြီ။ ကျွန်မထက်အသက်ကြီးသူတွေကို ကျွန်မ ကျေးဇူးတင်ပါတယ်။ကျွန်မဘဝမှာ ဒီလိုအခွင့်အရေးဆုံးရှုံးရလိမ့်မယ်လို့ ဘယ်တုန်းကမှမတွေးမိခဲ့ဘူး။တုန်လှုပ်စရာပါ” လို့ပြောပါတယ်။

အင်ဒရူးရေးမင်းဆိုတဲ့အမျိုးသားတစ်ဦးက “ အမျိုးသမီးအခွင့်အရေးဟာ လူ့အခွင့်အရေးပဲဖြစ်တယ်။ ကျွန်တော်တို့ တစ်ဦးချင်းစီရဲ့ အခွင့်အရေးတစ်ခုချင်းစီကို ချေဖျယ်မယ့် ဆုံးဖြတ်ချက်တွေထဲက ဒါဟာပထမဆုံးတစ်ခုပဲ” လို့ပြောပါတယ်။

အလွန်မိုက်မဲတာပဲ။ ရိုးနှင့်ဝါဒီတို့ကိုကျော်လွန်ဆုံးဖြတ်ပြီး နှစ်၁၀၀နောက်ရောက်သွားပြီ။ ဒီမိုက်မဲမှုကို ကျွန်မတို့ ဆက်ပြီး တိုက်ကြရမယ်လို့လည်း ဆန္ဒပြသူ ဘရန်ဒီမီချတ်က ပြောပါတယ်။

ဒါပေမယ့် ဒါဟာ ဘုရားသခင်က ဆုံးဖြတ်ချက်ချလိုက်တာလို့ ရီပတ်ဗလင်ကင်သမ္မတဟောင်း ဒေါ်နယ်ထရမ့်က ပြောလိုက်ပြီး သူက ရားရုံးဆုံးဖြတ်ချက်ကို ချီးကျူးလိုက်ပါတယ်။ ဒီဆုံးဖြတ်ချက်ကို ထရမ့်အဆိုပြုခဲ့တဲ့ ကွန်ဆာဗေးတစ်တရားသူကြီးသုံးဦးဖြစ်တဲ့ နေးလ်ဂေါရှပ်၊ဘရက်ကဗာနားနှင့်အေမီကွန်နေဘာရက်တို့ ဒီဆုံးဖြတ်ချက်ကို လုပ်ဆောင်ခဲ့ပုံရပါတယ်။လစ်ဘရယ်တရားသူကြီးသုံးဦးကတော့ သူတို့နှင့် သဘောထားကလွဲလွဲခဲ့ကြပါတယ်။

ဒါပေမယ့် ကိုယ်ဝန်ဖျက်ခြခြင်းတားမြစ်တဲ့ ဥပဒေတွေကို ပြည်နယ်၁၃ခုကတော့ ချက်ခြင်းသဘောတူလက်ခံခဲ့ကြကြောင်း သိရပါတယ်။

Source AFP

Published 25 June 2022

စနေနေ့က နော်ဝေနိုင်ငံ အော်စလိုမြို့တော်ရှိ နိုက်ကလပ်တစ်ခုနဲ့ အနီးနားရှိလမ်းတွေမှာ သေနတ်ပစ်ခတ်မှုဖြစ်ပွားခဲ့ပြီး လူ ၂ ဦးသေဆုံးကာ ၁၄ ဦးဒဏ်ရာရရှိခဲ့ကြောင်း နော်ဝေရဲတပ်ဖွဲ့ကပြောကြားလိုက်ပါတယ်။

သံသယရှိသူဟာ တစ်ဦးတည်းပြစ်မှုကျူးလွန်ခဲ့တယ်လို့ယူဆရကြောင်း ရဲတွေကသတင်းထောက်တွေကိုပြောပြခဲ့ပါတယ်။

လန်ဒန်အရက်ဆိုင်နဲ့ အနီးနားရှိကလပ်တစ်ခုကနေ ပစ်ခတ်မှုဖြစ်ပွားခဲ့ပြီး မိနစ်အနည်းငယ်ကြာပြီးနောက် အနီးနားရှိလမ်းပေါ်မှာ သံသယရှိသူကိုဖမ်းဆီးရမိခဲ့ကြောင်း ရဲတပ်ဖွဲ့မှပြောရေးဆိုခွင့်ရှိသူ'တိုးဘာစတက်'က Aftenposten သတင်းစာကိုပြောကြားခဲ့ပါတယ်။

လန်ဒန်အရက်ဆိုင်ဟာ အော်စလိုမြို့လယ်မှာရှိပြီး ဂေးတွေလာရောက်တတ်တဲ့ နာမည်ကျော်ဘားနဲ့နိုက်ကလပ်နေရာဖြစ်ပါတယ်။

NRK ရုပ်သံမှဂျာနယ်လစ်'အိုလက်ဗ်ရိုအန်ဘာ့ဂ်'က "လူတစ်ယောက်က အိတ်တစ်အိတ်လွယ်လာပြီး သေနတ်တစ်လက်ထုတ်ကာ စတင်ပစ်ခတ်တာကို မြင်တွေ့ခဲ့ရပါတယ်" လို့ တင်ပြထားပါတယ်။

တိုက်ခိုက်ရတဲ့ရည်ရွယ်ချက်ကိုတော့ ရှင်းရှင်းလင်းလင်းမသိရသေးပါဘူး။

စနေနေ့နောက်ပိုင်းကျရင် အော်စလိုမြို့မှာ နှစ်စဉ်ကျင်းပမြဲဖြစ်တဲ့ လိင်တူချစ်သူများပွဲတော်ကို ကျင်းပဖို့စီစဉ်ထားပါတယ်။

လူ ၂ ဦးသေဆုံးကာ ၁၄ ဦးကဒဏ်ရာပြင်းထန်စွာရပြီး ဆေးရုံတင်ထားရတယ်လို့ အော်စလိုရဲတပ်ဖွဲ့က တွစ်တာမှာဖော်ပြထားပါတယ်။

VG သတင်းစာ၊ NRK ရုပ်သံနဲ့ အခြားမီဒီယာတွေမှာဖော်ပြထားတဲ့ဓာတ်ပုံတွေထဲမှာတော့ လန်ဒန်အရက်ဆိုင်အပြင်ဘက်မှာ ရဲတွေ၊ လူနာတင်ယာဉ်ဝန်ထမ်းတွေနဲ့ အရေးပေါ်တာဝန်ရှိသူများစုရုံးနေကြတာကို မြင်တွေ့ရပါတယ်။

အော်စလိုမြို့လယ်ပေါ်ကနေ ရဟတ်ယာဉ်များပျံဝဲနေပြီး လူနာတင်ယာဉ်များနဲ့ ရဲကားဥဩသံတွေ မြို့တလျှောက်ကြားနေရပါတယ်။

ပစ်ခတ်မှုဖြစ်ပွားပြီးနောက် အော်စလိုတက္ကသိုလ်ဆေးရုံက အနီရောင်အဆင့်ထုတ်ပြန်ကြေညာထားပါတယ်။

Source: Reuters

Published 24 June 2022

မြောက်ကိုးရီးယားရဲ့ ကာကွယ်ရေးစွမ်းရည်တွေကို မြှင့်တင်ထားဖို့  မြောက်ကိုးရီးယားခေါင်းဆောင် ကင်မ်ဂျုန်အမ်က ထိပ်တန်းစစ်တပ်အရာရှိကြီးတွေနှင့်  အရေးကြီးအစည်းအဝေးအဆုံးသတ်နေ့မှာ သောကြာနေ့က အမိန့်ပေးခဲ့ပါတယ်။

ပြုံယမ်းဟာ ငါးနှစ်အတွင်းမှာ ပထမဆုံးအဖြစ် နျူကလီယားစမ်းသပ်မှုတွေ  အချိန်မရွေးလုပ်နိုင်တယ်လို့ အမေရိကန်နှင့် တောင်ကိုးရီးယားအရာရှိတွေက ပြောဆိုနေတဲ့အလျောက် ယခုအစည်းအဝေးဟာ အနီးကပ်စောင့်ကြည့်ခံနေရပါတယ်။

ကင်မ်ဟာ သုံးရက်ကြာပြုလုပ်တဲ့ (၈)ကြိမ်မြောက် ဗဟိုစစ်ကော်မရှင်အစည်းအဝေးကို သဘာပတိအဖြစ် ဦဆောင်ကျင်းပ ခဲ့တာဖြစ်ပါတယ်။အဲဒီအစည်းအဝေးမှာ မြောက်ကိုးရီးယားရဲ့ စစ်အဟန့်အတားအစီအမံတွေကို ပိုမိုအားကောင်းအောင် မြှင့်တင်ဖို့ အတွက် စစ်ရေးဆိုင်ရာ အာမခံချက်တစ်ခုကို ထောက်ပံ့ရေး အရေးကြီးကိစ္စတစ်ခုကို အတည်ပြုခဲ့တယ်လို့ နိုင်ငံပိုင် ကေစီအင်န်အေ သတင်းက ပြောပါတယ်။

ဒါပေမယ့် သတင်းမှာ အစီအစဉ်ကို အသေးစိတ်ထုတ်မပြောသွားပါဘူး။ ဒါပေမယ့် တောင်ကိုးရီးယားကို ပစ်မှတ်ထားပုံရတယ်လို့ သုံးသပ်သူတွေက ပြောနေကြပါတယ်။

“ မြောက်ကိုးရီးယားဟာ ယင်းရဲ့ စစ်ဆေင်ရေးအစီအစဉ်အသစ်တွေမှာ နည်းဗျူဟာမြောက် နျူကလီးယားလက်နက်တွေ အသုံးပြုနိုင်ခြေကို အဟန့်အတား ဆိုတဲ့ အသုံးအနှုံးအောက်ကနေ ထည့်သွင်းနိုင်တယ်။ အဲဒီအသုံးအနှုံးက နျူကလီးယား  လုပ်နိုင်စွမ်းတွေကို ရည်ညွှန်းလေ့ရှိတယ်” လို့  ဆိုးလ်မြို့က အမျိုးသားပေါင်းစည်းရေးဆိုင်ရာ ကိုးရီးယားသိပ္ပံရဲ့ အကြိးတန်း ပညာရှင် ဟွန်မင်းက ပြောပါတယ်။

တောင်ကိုရီးယားရဲ့ နျူကလီးယားဓာတ်အားပေးစက်ရုံတွေတည်ရှိနေတဲ့ ကိုးရီးယားကျွန်းဆွယ်ရဲ့ အရှေ့ဖက်ကမ်းခြေလို့  ဖြစ်ပုံရတဲ့ မြေပုံတစ်ခုနှင့် အလုပ်လုပ်နေကြတဲ့ မြောက်ကိုးရီးယား ထိပ်တန်းအရာရှိတွေရဲ့ ဓာတ်ပုံကို KNCA က သတင်းထုတ်ပြန်ခဲ့ပါတယ်။

မြောက်ကိုးရီးယားအစည်းအဝေးနှင့်ပတ်သက်လို့ မေးတဲ့အခါ တောင်ကိုးရီးယားသမ္မတ ယွန်းဆတ်ယိုက ဆိုးလ်အနေနှင့် မြောက်ရဲ့ လှုပ်ရှားမှုတွေကို ထိထိမိမိတုန့်ပြန်ဖို့ ပြင်ဆင်နေတယ်လို့ပြောပါတယ်။

KNCA က မြောက်ကိုးရီးယားရဲ့ နျူးကလီးယား သို့မဟုတ် ဒုံးကျည်အစီအစဉ်တွေရယ်လို့ အတိအကျ ပြောဆိုခြင်းမရှိပေမယ့် မြောက်ကိုးရီးယားရဲ့ ဒုံးကျည်ဖွံ့ဖြိုးတိုးတက်ရေးကို ဦးဆောင်နေတဲ့ ရီပြုန်းချိုလ်ကို ပါတီရဲ့ ဗဟိုစစ်ကော်မရှင် ဒုတိယဥက္ကဋ္ဌ အဖြစ် ရွေးချယ်လိုက်တယ်လို့ ဖော်ပြထားပါတယ်။

“ ရီ ကို မြောက်ကိုးရီးယားရဲ့နျူကလီးယား ခေတ်မီတိုးတက်ရေးလုပ်ငန်းစဉ်မှာ အရေးကြီးနေရာထားလိုက်တာဟာ မဟာဗျူဟာနှင့်နည်းဗျူဟာမြောက် လက်နက်တွေကို အရှိန်မြှင့်လုပ်ဆောင်လိမ့်မယ်လို့ ပြသလိုက်တာဖြစ်တယ်” လို့ ဟွန်မင်းကပြောပါတယ်။

Source Reuters