#Local_News
Published - 22 July 2022

ယခုရက်ပိုင်းအတွင်း ပြည်တွင်းဈေးကွက်၌ ဆေးဝါးများ ဝယ်ယူမရဖြစ်နေပြီး ဆေးဝါးအချို့ရှားပါးမှုတွေ ဖြစ်နေကြောင်း ဆေးဝါးရောင်းချသူများနှင့် ဝယ်ယူသုံးစွဲသူများထံမှ သိရသည်။

ယင်းအပြင် နာမည်ကြီး ဆေးရုံအချို့တွင်လည်းဆေးများ ဝယ်ယူရန် အခက်အခဲများရှိနေပြီး ဆေးဝါးဈေးနှုန်းသည်လည်း ပုံမှန်ထက် ဈေးတွေမြင့်တက်နေကြောင်း သိရသည်။

"ဆေးတွေက ဝယ်လိုမရတော့ဘူး။ ဝယ်ရပြန်တော့လည်း ဈေးကမြင့်နေတယ်။ ဝယ်တဲ့ဈေးကမြင့်နေတော့ ရောင်းတဲ့နေရာမှာလည်း ဈေးကတတ်ရတယ်။ အရင်ဝယ်ထားပြီးသား လက်ကျန်တွေကိုပဲ ရောင်းပေးနေတယ်"ဟု တောင်ဥက္ကလာပမြို့နယ်ရှိ ဆေးဝါးရောင်းချသူတစ်ဦးကပြောသည်။

ပြီးခဲ့သည့် ရက်ပိုင်းအတွင်း ဒေါ်လာနဲ့ဘတ်ဈေးကြီးမြင့်လာမှုကြောင့် သွင်းကုန်ဖြစ်သည့် ဆေးဝါးများလည်း ဈေးတတ်နေကြောင်း ယင်းအ ပြင်နာမည်ကြီး ပင်လုံဆေးရုံမှာလည်း ဆေးများဝယ်ယူရန် ခက်ခဲနေပြီး ဆေးရုံတက်လူနာများ ဆေးဝါးလုံလောက်စွာရရှိရန်အတွက် ပြင်ပလူနာများကို ဆေး ၂ ပတ်စာအထိသာ ယာယီရောင်းချပေးသွားမည်ဖြစ်ကြောင်း ထုတ်ပြန်ထားသည်။

"အမြဲစွဲသောက်နေရတဲ့ ဆေးတွေပြတ်သွားမှာစိုးလို့ ကြိုဝယ်ထားရတယ်။ ဈေးကလည်းတတ်ကုန်တော့ သိပ်အဆင်မပြေဘူး။ ဒီလိုမျိုးဆေးတွေလုဝယ်နေတော့ ဈေးတွေတတ်ကုန်တာ"ဟု ဆေးဝါးဝယ်ယူသူ တစ်ဦးကပြောသည်။

ymg/sth
#Yangon_Media_Group

#Local_News
Published_22 July 2022

မွန်ပြည်နယ်၊ မော်လမြိုင်မြို့၊ ရွှေတောင်ရပ်ကွက်၊ မာလာဝန်း၊ အထက(၅)ကျောင်း၏ အုတ်တံတိုင်းယနေ့ ဇူလိုင်လ ၂၂ရက်နံနက်၉နာရီခွဲက ပြိုကျမှုဖြစ်ပွါးခဲ့သောကြောင့် လူ ၅ ဦးသေဆုံးကာ တစ်ဦး ဒဏ်ရာရရှိခဲ့ကြောင်း သိရသည်။

အုတ်တံတိုင်းပြိုကျစဉ် အုတ်တံတိုင်းအနီး လက်ဖက်ရည်ဆိုင်တွင် ရှိနေသော အမျိုးသား ၂ ဦးနှင့် အမျိုးသမီး ၃ ဦးကို တိုက်ရိုက်ပိခဲ့သော ကြောင့် သေဆုံးခဲ့ခြင်းဖြစ်ပြီး အမျိုးသားတစ်ဦး ထိခိုက်ဒဏ်ရာ ရရှိခဲ့သောကြောင့် လူမှုကယ်ဆယ်ရေးအသင်းမှ ယာဉ်များဖြင့် မော်လမြိုင်ပြည်သူ့ဆေးရုံကြီးသို့ ပို့ဆောင်ထားကြောင်း သိရသည်။

ယင်းဖြစ်စဉ်နေရာသို့ မွန်ပြည်နယ်မီးသတ်ဦးစီးမှူးရုံးနှင့် မော်လမြိုင်ခရိုင်၊ မြို့နယ်မီးသတ်စခန်းတို့မှ အုပ်ချုပ်မှုယာဉ်(၂)စီး၊ ရှာဖွေကယ်ဆယ်ရေးယာဉ်(၂)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊ ဘိုဘိုဝင်းလူမှုကယ်ဆယ်ရေး အဖွဲ့ဝင်များ၊ မော်လမြိုင်လူမှုကယ်ဆယ်ရေးအဖွဲ့ဝင်များ၊ အဖြူရောင်တွဲလက်လူမှုကယ်ဆယ်ရေးအဖွဲ့ဝင်များ၊ ရွှေတောင်ရပ်ကွက် လူမှုကယ်ဆယ်ရေးအဖွဲ့ဝင်များ၊ ရာမညလူမှုကယ်ဆယ်ရေးအဖွဲ့ဝင်များဖြင့် ပူးပေါင်း၍ ကယ်ဆယ်ရေးလုပ်ငန်းများ သွားရောက်ကူညီဆောင်ရွက်ခဲ့ကြကြောင်း သိရသည်။

ymg/mt
#Yangon_Media_Group

#Local_News
Published_22 July 2022

ရေနံထွက်ပစ္စည်း ကြီးကြပ်စစ်ဆေးရေးဦးစီးဌာနက ရေယာဉ်ဆီတွဲများနှင့်ဆီတင်ယာဉ်များတွင် Global Positioning System (GPS)အမြန်ဆုံးတပ်ဆင်ရန် ညွှန်ကြားလိုက်သည်။

တစ်နေရာမှ တစ်နေရာသို့ စက်သုံးဆီများ သယ်ယူပို့ဆောင် လက်ခံ ဖြည်းတင်းမှုများ ဆောင်ရွက်ရာတွင် ရေနံထွက်ပစ္စည်းကြီးကြပ်စစ်ဆေးရေးဦးစီးဌာန အပါအဝင် သက်ဆိုင်ရာဌာန၊ အဖွဲ့အစည်းများအနေဖြင့် လိုအပ်သော စိစစ်ကြပ်မတ်မှုများ ဆောင်ရွက်နိုင်ရန်နှင့် ယာဉ်မတော်တဆမှု ထူးခြားမှုများကို အချိန်နှင့် တပြေးညီသိရှိ စိစစ်ဆောင်ရွက်နိုင်ရန် ရည်ရွယ်ကြောင်း ယင်းညွှန်ကြားချက်တွင် ဖော်ပြထားသည်။

စက်သုံးဆီ တင်သွင်းသိုလှောင်ဖြန့်ဖြူးခြင်းလုပ်ငန်းဆောင်ရွက်သည့် ကုမ္ပဏီများ၊ သယ်ယူပို့ဆောင်သည့်ကုမ္ပဏီများ၊ အခြားပုဂ္ဂလိက လုပ်ငန်းရှင်များ ပိုင်ဆိုင်သည့် ရေယာဉ်ဆီတွဲများနှင့် ဆီတင်ယာဉ်များတွင် GPS တပ်ဆင်ထားပြီးဖြစ်ပါကလည်း GPS တပ်ဆင်ထားရှိမှု အချက်အလက်များကို ဇူလိုင်လ ၂၈ ရက် နောက်ဆုံးထား၍ ဦးစီးဌာနကိုပေးပို့ကြရန်လည်း အကြောင်းကြားထားသည်။

GPS မတပ်ဆင်ရသေးပါက နှစ်သက်ရာ GPS နှစ်သက်ရာ GPS တပ်ဆင်သည့် ကုမ္ပဏီများနှင့် ချိတ်ဆက်၍ သြဂုတ်လ ၅ ရက် နောက်ဆုံးထား တပ်ဆင်ကြရန်နှင့် တပ်ဆင်ပြီးပါကလည်း အထက်ပါအတိုင်း စာရင်းများကို ပေးပို့ကြရန် မြန်မာနိုင်ငံစက်သုံးဆီ တင်သွင်းရောင်းချဖြန့်ဖြူးရေးအသင်းက လုပ်ငန်းရှင်များကို အကြောင်းကြားထားသည်။

ဆီတင်ရေယာဉ်တွဲနှင့် ယာဉ်များတွင် လုပ်ငန်းလိုင်စင်နှင့် ကြီးကြပ်လက်မှတ်မပါရှိခြင်း၊ GPS တပ်ဆင်ထားမှုမရှိခြင်းတို့ကို စိစစ်တွေ့ရှိပါက စက်သုံးဆီ သယ်ယူပို့ဆောင်သည့်လုပ်ငန်းများ ဆက်လက် ဆောင်ရွက်ခွင့်ပြုမည် မဟုတ်တော့ကြောင်းလည်း ရေနံထွက်ပစ္စည်းကြီးကြပ်စစ်ဆေးရေးဦးစီးဌာနက ထုတ်ပြန်ထားကြောင်း သိရသည်။

ymg/mt
#Yangon_Media_Group

#Local_News
Published_ 22 July 2022

မြန်မာနိုင်ငံတွင် နိုင်ငံခြားသား အမြဲနေထိုင်ခွင့် လျှောက်ထားသူများနှင့် ပတ်သက်၍ နိုင်ငံခြားသား အမြဲနေထိုင်ခွင့်ပြုခြင်း (Permanent Residence System-PR System) ဆိုင်ရာ အကောင်အထည်ဖော်ရေး ဗဟိုကော်မတီ လုပ်ငန်းညှိနှိုင်း အစည်းအဝေးနှင့် ဗဟိုကော်မတီမှ စိစစ်အတည်ပြုပြီး သူများအား လူတွေ့မေးမြန်း အကဲဖြတ်ခြင်းကို ဇူလိုင် ၂၁ ရက်က နေပြည်တော်ရှိ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန အစည်းအဝေးခန်းမ၌ ကျင်းပခဲ့ပါတယ်။

ဦးစွာ ဗဟိုကော်မတီဥက္ကဋ္ဌ ပြည်ထောင်စုဝန်ကြီး ဦးခင်ရီက မြန်မာနိုင်ငံတွင် နိုင်ငံခြားသား အမြဲနေထိုင်ခွင့်စနစ်ကို ၂၀၁၂ ခုနှစ် စက်တင်ဘာ ၁၉ ရက်မှ စတင် ဆောင်ရွက်ခဲ့ပြီး ကျွမ်းကျင်ပညာရှင်၊ ရင်းနှီးမြှုပ်နှံလိုသည့် စီးပွားရေးလုပ်ငန်းရှင်၊ အခြားနိုင်ငံသား ခံယူထားပြီး မိမိနိုင်ငံကို အထောက်အကူပြုမည့် မြန်မာနိုင်ငံသားဟောင်းနှင့် မြန်မာနိုင်ငံသားနှင့် သွေးချင်း ဆက်စပ်သူ နိုင်ငံခြားသားဟူ၍ အမျိုးအစား လေးမျိုးဖြင့် ခွင့်ပြုဆောင်ရွက်ပေးလျက်ရှိကြောင်း ပြောကြားခဲ့ပါတယ်။

ထိုသို့စတင်ဆောင်ရွက်ချိန်မှ ၂၀၂၂ ခုနှစ် ဇူလိုင် ၂၀ ရက်အထိ လျှောက်ထားသူနှင့် မိသားစုအပါအဝင် စုစုပေါင်း ၇၂၆ ဦးရှိပြီး ပြည်ထောင်စု အစိုးရအဖွဲ့ရုံးမှ အတည်ပြုခွင့်ပြုပေးပြီးသူ မိသားစုအပါအဝင် ၆၄၈ ဦး ရှိပြီဖြစ်ပါတယ်။

နိုင်ငံခြားသား အမြဲနေထိုင်ခွင့် လျှောက်ထားသူများအနက် PR နည်းဥပဒေအရ ငြင်းပယ်ခဲ့သူ ခုနစ်ဦး၊ လျှောက်ထားခြင်းအား ပြန်လည်ပယ်ဖျက်သူ တစ်ဦး၊ ကိုဗစ်-၁၉ ရောဂါ ဖြစ်ပွားမှုအခြေအနေအရ လေကြောင်းလိုင်းများ ပိတ်ထားခြင်းကြောင့် လူတွေ့စစ်ဆေး အကဲဖြတ်ရန် ကျန်ရှိသည့် လျှောက်ထားသူ ၃၉ ဦးနှင့် မိသားစု ၁၂ ဦး၊ ယခု ထပ်မံလျှောက်ထားသူ ၁၁ ဦးနှင့် မိသားစု ခုနစ်ဦး စုစုပေါင်းလျှောက်ထားသူ ၅၀ နှင့် မိသားစုဝင် ၁၉ ဦး စုစုပေါင်း ၆၉ ဦးရှိကြောင်း သိရပါတယ်။

ထို့နောက် PR လျှောက်ထားသူ ၁၂ ဦးအား ထပ်မံတွေ့ဆုံ၍ မြန်မာနိုင်ငံတွင် နိုင်ငံခြားသား အမြဲနေထိုင်ခွင့်စနစ် (PR System) ကျင့်သုံးခွင့် ပြုရခြင်း၏ ရည်ရွယ်ချက်၊ PR လျှောက်ထားမှု လုပ်ငန်းစဉ်အဆင့်ဆင့်၊ PR နည်းဥပဒေ ပြဋ္ဌာန်းမှုနှင့် PR နည်းဥပဒေ အပါအဝင် မြန်မာနိုင်ငံ၏ တည်ဆဲဥပဒေများနှင့်အညီ နေထိုင်လုပ်ကိုင်ရေး ဝန်ကြီးက ရှင်းလင်းပြောကြားခဲ့ပါတယ်။

ယခုအစည်းအဝေးတွင် PR လျှောက်ထားသူ ၁၂ ဦးအား လူတွေ့အကဲဖြတ် စစ်ဆေးကာ ၎င်းတို့နှင့်အတူ လျှောက်ထားတဲ့ မိသားစုဝင် ကိုးဦးအပါအဝင် စုစုပေါင်း ၂၁ ဦးအတွက် စစ်ဆေးအကဲဖြတ် ဆောင်ရွက်ခဲ့ကြကြောင်း သိရပါတယ်။

ymg-mnn
#Yangon_Media_Group

#Local_News
Published - 21 July 2022

ပြည်တွင်းငွေကြေးဈေးကွက်အတွင်း ဒေါ်လာဈေးနှုန်းမြင့်တက်နေတဲ့ ကာလမှာ ထိုင်းဘတ်ဈေးနှုန်းကလည်း မြင့်တက်နေတာကြောင့် ကုန်သည်တချို့ အခက်အခဲတွေနဲ့ ကြုံနေရတယ်လို့ သိရပါတယ်။

#Yangon_Media_Group

#Local_News
Published_21 July 2022

ပုဂံယဉ်ကျေးမှုအမွေအနှစ်ဒေသအတွင်း ရှေးဟောင်းအဆောက်အအုံအမှတ် ၂၁၆၂ အာနန္ဒာအုတ်ကျောင်းကို ရှေ့ပြေးစီမံချက်အနေနဲ့ ပြုပြင်ထိန်းသိမ်းတဲ့လုပ်ငန်းကို ၁၉ လ အတွင်းမှာ အပြီးလုပ်ဖို့ လျာတား ထားတယ်လို့ သိရပါတယ်။

#Yangon_Media_Group