#Local_News
Published - 26 August 2022

ဒေါ်လာဝယ်သူတွေ၏ အမည်စာရင်းနှင့် ပမာဏကို နေ့စဉ် ညနေ ၅နာရီတိုင်း ဗဟိုဘဏ်သို့ ပေးပို့ရမည်ဖြစ်ကြောင်း ဗဟိုဘဏ်က နိုင်ငံခြားငွေရောင်းချသည့် လိုင်စင်ရဘဏ်တွေကို ညွှန်ကြားချက်ထုတ်ပြန်ထားသည်။

နိုင်ငံခြားငွေ ရောင်းဝယ်ဖောက်ကားသည့်လုပ်ငန်း AD လိုင်စင်ရဘဏ်တွေအနေဖြင့် ပို့ကုန်သမား၊ စက်သုံးဆီတင်သွင်းသည့်ကုမ္ပဏီများ၊ ကင်းလွတ်ခွင့်ရ ကုမ္ပဏီနှင့် လူပုဂ္ဂိုလ်များစသည့် ဒေါ်လာဝယ်ယူသူများ၏ အမည်စာရင်းတွေကို နေ့စဉ် ညနေ ငါးနာရီတိုင်း ဗဟိုဘဏ်သို့ ပေးပို့ရမည်ဖြစ်ကြောင်း သိရသည်။

အဆိုပါ စာရင်းမှာ ပြန်ရောင်းသည့် ဒေါ်လာပမာဏနှင့် စာရင်းပေးရမည်ဖြစ်ပြီး လာမည့် ဩဂုတ်လ ၂၉ ရက်နေ့မှစတင်ကာ ညနေ ၅ နာရီ နောက်ဆုံးထားပြီး နေ့စဉ်စာရင်းပေးပို့ရမည်ဟု ဗဟိုဘဏ်၏ ညွှန်ကြားချက်တွင် ဖော်ပြထားသည်။

လက်ရှိတွင် ပို့ကုန်တင်ပို့သူတွေသည် ပို့ကုန်ရငွေ၏ ၃၅ ရာခိုင်နှုန်းသော ဒေါ်လာတွေကို ရောင်းချခြင်း၊ ကိုယ်တိုင်သုံးစွဲ ခြင်းများပြုလုပ်နိုင်ပြီး ကျန် ၆၅ ရာခိုင်နှုန်းကို မြန်မာကျပ်ငွေနှင့် ချက်ချင်းလဲလှယ်ရမည်ဖြစ်ကြောင်း သိရသည်။

ymg/sth
#Yangon_Media_Group

#Local_News
Published_25 August 2022

မလေးရှားနိုင်ငံ ထိန်းသိမ်းရေးစခန်း ၅ ခုမှ မြန်မာများ သြဂုတ်လ ၂၅ ရက်တွင် ကယ်ဆယ်ရေးလေယာဉ်ဖြင့် မြန်မာနိုင်ငံသို့ ပြည်တော်ပြန်ခွင့်ရခဲ့ကြကြောင်း မလေးရှားနိုင်ငံဆိုင်ရာ မြန်မာနိုင်ငံသံရုံးက သိရသည်။

ယင်းတို့မှာ မြန်မာနိုင်ငံသားဖြစ်ကြောင်း စိစစ်မှန်ကန်သူများဖြစ်ပြီး Semenyih camp မှ ၂၅ ဦး ၊ Malaka camp မှ ၄ ဦး ၊ Paranang camp မှ ၂ ဦး ၊ Tanah Metah camp မှ ၆၉ ဦး ၊ Pekan Nenas camp မှ ၆၆ ဦး စုစုပေါင်း( ၁၆၆) ဦးတို့ဖြစ်ကြောင်း သိရသည်။

မလေးရှားနိုင်ငံတွင် ဖမ်းဆီးခံရသော မြန်မာနိုင်ငံသားများ ပြစ်ဒဏ်ကျခံပြီးပါက ထိန်းသိမ်းရေးစခန်းများတွင် ဆက်လက်ထိန်းသိမ်းခံရခြင်းဖြစ်ပြီး အဆိုပါ ထိန်းသိမ်းရေးစခန်းများမှ မြန်မာနိုင်ငံသားဖြစ်ကြောင်း အထောက်အထားပြည့်စုံသူများအား မြန်မာသံရုံးအစီအစဉ်ဖြင့် နေရပ်သို့ ပြန်လည်ပို့ဆောင်ပေးနေခြင်းလည်း ဖြစ်ကြောင်း သိရသည်။

ymg/mt
#Yangon_Media_Group

#Local_News
Published_ 26 Aug 2022

တက္ကသိုလ်ဝင်ခွင့်စာမေးပွဲအောင်မြင်သူများ နေပြည်တော်နည်းပညာတက္ကသိုလ်သို ဝင်ခွင့်လျှောက်ထားနိုင်ကြောင်း သိပ္ပံနှင့်နည်းပညာဝန်ကြီးဌာနက ကြေညာထားပါတယ်။

နိုင်ငံတော်ရဲ့ လူမှု၊ စီးပွားဖွံ့ဖြိုးတိုးတက်စေရန်နှင့် လူငယ်လူရွယ်များ၏ အသက်မွေးဝမ်းကျောင်းမှုဆိုင်ရာ အခွင့်အလမ်းများတိုးတက်ရရှိစေရန်အတွက် နိုင်ငံအကျိုးပြု အရည်အချင်း ပြည့်ဝသော အင်ဂျင်နီယာပညာရှင်များ လေ့ကျင့်မွေးထုတ်နိုင်ရန် ရည်ရွယ်၍ နေပြည်တော်ကောင်စီနယ်မြေရှိ သိပ္ပံနှင့်နည်းပညာဝန်ကြီးဌာန၊ အဆင့်မြင့် သိပ္ပံနှင့် နည်းပညာဦးစီးဌာနအောက်တွင် နေပြည်တော်နည်းပညာတက္ကသိုလ်ကို (၂၀၂၂-၂၀၂၃) ပညာသင်နှစ်တွင် စတင်ဖွင့်လှစ်မှာ ဖြစ်ပါတယ်။

သင်ကြားပို့ချသွားမယ့် ဘွဲ့သင်တန်းများကတော့ မြို့ပြအင်ဂျင်နီယာ၊ အီလက် ထရွန်းနစ်အင်ဂျင်နီယာ၊ လျှပ်စစ်စွမ်းအားအင်ဂျင်နီယာ၊ စက်မှုအင်ဂျင်နီယာ၊ ကွန်ပျူတာ အင်ဂျင်နီယာနှင့် သတင်းအချက်အလက်နည်းပညာနဲ့ ဗိသုကာတို့ဖြစ်ကြပါတယ်။

အဆိုပါ ဘွဲ့သင်တန်းများအား ၂၀၂၂ ခုနှစ်၊ တက္ကသိုလ်ဝင်ခွင့် စာမေးပွဲဖြေဆိုအောင်မြင်သူများမှ အင်္ဂလိပ်စာ၊ သင်္ချာ၊ ရူပဗေဒ၊ ဓာတုဗေဒ (၄) ဘာသာ ရမှတ် (အများ/အနည်း) ပေါ်မူတည်၍ ရွေးချယ်တက်ရောက်ခွင့်ပြုမှာဖြစ်တယ်လို့ ဆိုပါတယ်။

အသေးစိတ်သိလိုပါက အဆင့်မြင့်သိပ္ပံနှင့်နည်းပညာဦးစီးဌာန၊ ကျောင်းသားရေးရာဌာန၊ ၀၆၇-၃၄၀၄၅၇၀၊ ၀၆၇-၃၄၀၄၆၅၂၊ ၀၆၇-၃၄၀၄၆၄၂ သို့ ရုံးချိန်အတွင်း ဆက်သွယ်မေးမြန်းနိုင်ကြောင်း သိပ္ပံနှင့်နည်းပညာဝန်ကြီးဌာနက ကြေညာထားပါတယ်။

ygm_mnn
#Yangon_Media_Group

#Local_News
Published- 25 August 2022

ထိုင်းဘတ်ငွေဈေးနှုန်း စံချိန်တင်မြင့်တက်လာတာကြောင့် မြန်မာကုန်သည်တွေအနေနဲ့ ထိုင်းသွင်းကုန် တင်သွင်းမှုတွေလျော့ကျလာတဲ့အပြင် တချို့ကုန်သည်တွေကတော့ ရပ်နားမှုတွေရှိလာတယ်လို့ မြဝတီနယ်စပ်ကုန်သည်တစ်ဦးရဲ့ ပြောပြချက်အရ သိရပါတယ်။

#Yangon_Media_Group

#Local_News
Published _ 25 August 2022

မွေးမြူရေး ကြက်ပေါက်ဈေးနှုန်းနှင့် ကြက်အစာဈေးတက်နေလို့ ကြက်သားတစ်ပိဿာကို ကျပ် ၉၀၀၀ ကျော်ထိ ပေါက်ဈေးရှိနေတယ်လို့ အခြေခံစားသောက်ကုန်ဈေးကွက်ကနေ အခုလို သိရပါတယ်။

#Yangon_Media_Group

#Local_News
Published_24August 2022

လတ်တလောမှာ သန်လျင်သဘာဝတရားရိပ်သာမှာ လာရောက်ခိုလုံသူတွေ များပြားနေတဲ့အတွက် ရိပ်သာအတွင်းကုတင်အပြည့်လူအပြည့်ဖြစ်နေပြီး နေရာအခက်အခဲတွေဖြစ်ပေါ်နေတယ်လို့ ရိပ်သာအုပ်ချုပ်ရေးမှူးဒေါ်ခင်စမ်းဦးက ပြောပါတယ်၊၊

#Yangon_Media_Group