#Local_News
Published_ 10 September 2022

နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ဦးဆောင်သည့်အဖွဲ့သည် ရုရှားနိုင်ငံ Vostochny Cosmodrome အာကာသယာဉ် လွှတ်တင်ရေးစခန်းသို့ စက်တင်ဘာ ၉ ရက်က သွားရောက်လေ့လာခဲ့ကြောင်း သိရပါတယ်။

Vostochny Cosmodrome အာကာသယာဉ်လွှတ်တင်ရေးစခန်းသို့ ရောက်ရှိခဲ့ရာတွင် ရုရှားနိုင်ငံပိုင်အာကာသကော်ပိုရေးရှင်း State Space Corporation “Roscosmos” ၏ အထွေထွေညွှန်ကြားရေးမှူးချုပ် Mr. Yuri Borisov၊ “Roscosmos” အာကာသအေဂျင်စီ၏ အပြည်ပြည်ဆိုင်ရာ ပူးပေါင်းဆောင်ရွက်ရေး ဦးဆောင်ပညာရှင် Mr. Nikita Perminov နှင့် တာဝန်ရှိသူများက ကြိုဆိုနှုတ်ဆက်ကြပါတယ်။

ထို့နောက် Angara ဒုံးပျံပစ်လွှတ်စင် တည်ဆောက်မှုလုပ်ငန်းခွင်နေရာနှင့် Soyuz-2 ဒုံးပျံပစ်လွှတ်စင်နေရာတိုသိုရောက်ရှိကြပြီး နည်းပညာရပ်ပိုင်းဆိုင်ရာ ဆောင်ရွက်မှု အခြေအနေများနှင့် Technical Complex အတွင်းရှိ Rocket တပ်ဆင်ရေးအလုပ်ရုံနှင့် ဂြိုလ်တုထုတ်လုပ်ရေးအလုပ်ရုံအတွင်း လိုက်လံရှင်းလင်းပြသကြပါတယ်။

အဆိုပါ Vostochny Cosmodrome အာကာသယာဉ်လွှတ်တင်ရေးစခန်းကို ၂၀၁၂ ခုနှစ် ဩဂုတ်လတွင် စတင်တည်ထောင်ခဲ့ခြင်းဖြစ်ကာ ၂၀၁၆ ခုနှစ်တွင် ပထမဆုံး အာကာသယာဉ်ကို စတင်လွှတ်တင်နိုင်ခဲ့ပြီး ယနေ့အထိ အာကာသယာဉ် ၁၁ စင်းကို လွှတ်တင်ခဲ့ပြီးဖြစ်ကြောင်း သိရှိရပါတယ်။

ဆက်လက်ပြီး Engineering-technical building(GP-5) သို့ရောက်ရှိကြပြီး ရုရှားနိုင်ငံပိုင် အာကာသကော်ပိုရေးရှင်း State Space Corporation “Roscosmos” ၏ အထွေထွေညွှန်ကြားရေးမှူးချုပ် Mr. Yuri Borisov နှင့် တွေ့ဆုံဆွေးနွေးခဲ့ပါတယ်။

တွေ့ဆုံဆွေးနွေးရာတွင် မြန်မာနိုင်ငံတွင် အာကာသနည်းပညာ ဖွံ့ဖြိုးတိုးတက်ရေးအတွက် အတွေ့အကြုံများ၊ အကြံပြုချက်များ၊ နည်းပညာဆိုင်ရာများနှင့် လူသားအရင်းအမြစ် မွေးထုတ်ရေးဆိုင်ရာတို့တွင် ရုရှားနိုင်ငံမှ ကူညီဆောင်ရွက်ပေးသွားမည်ဖြစ်သည့် အခြေအနေများ၊ နှစ်နိုင်ငံနည်းပညာရပ်ပိုင်းဆိုင်ရာ ပူးပေါင်းဆောင်ရွက်နိုင်မည့် အခြေအနေများနှင့်ပတ်သက်၍ ဆွေးနွေးခဲ့ကြောင်း သတင်းရရှိပါတယ်။

#ygm_mnn
#Yangon_Media_Group

#Local_News
Published_ 10 September 2022

နိုင်ငံခြားရေးဝန်ကြီးဌာနဝန်ကြီး ဦးဝဏ္ဏမောင်လွင်အား စက်တင်ဘာ ၉ ရက် နံနက်ပိုင်းတွင် အပြည်ပြည်ဆိုင်ရာ ရွှေ့ပြောင်းသွားလာရေးအဖွဲ့ (IOM) ၏ မြန်မာနိုင်ငံဆိုင်ရာ အကြီးအကဲအဖြစ် တာဝန်ထမ်းဆောင်မည့် Mr. Dragan Aleksoski က နေပြည်တော်ရှိ နိုင်ငံခြားရေးဝန်ကြီးဌာန၌ ၎င်း၏ခန့်အပ်လွှာကို ပေးအပ်ခဲ့ကြောင်း သိရပါတယ်။

အဆိုပါ အခမ်းအနားသို့ နိုင်ငံခြားရေးဝန်ကြီးဌာနမှ အဆင့်မြင့်အရာရှိကြီးများ တက်ရောက်ခဲ့ကြကြောင်း သတင်းရရှိပါတယ်။

#ygm_mnn
#Yangon_Media_Group

#Local_News
Published - 9 September 2022

မိုးနှောင်းကာလရောက်လာပြီဖြစ်တဲ့အတွက် မုတ်သုန်မမှန်လို အချိန်တိုတိုအတွင်း မိုးသည်းထန်စွာရွာသွန်းတာနဲ့ နေ့အပူချိန်တွေတိုးတာတွေဖြစ်ပေါ်လာနိုင်တယ်လို့ မိုးလေဝသနှင့်ဇလဗေဒညွန်ကြားမှုဦးစီးဌာန၊ ညွှန်ကြားရေးမှူးဦးလှထွန်းက ပြောပါတယ်၊၊

#Yangon_Media_Group

#Local_News
Published- 9 Setember 2022

ဈေးအမြင့်ပိုင်းနဲ့ ပြီးခဲ့တဲ့လမှာ ကားအရောင်းအဝယ်သွက်ခဲ့ပေမယ့် လက်ရှိမှာတော့ အရောင်းအဝယ်ပုံမှန်အတိုင်း ပြန်ဖြစ်နေတယ်လို့ ကားရောင်းဝယ်ရေးအသင်းကနေ သိရပါတယ်။

#Yangon_Media_Group

#Local_News
Published - 9 September 2022

ရန်ကုန်တိုင်းအတွင်းမှာ ကိုဗစ်လူနာတွေသာမက ကိုဗစ်လူနာနဲ့ ထိစပ်ခဲ့သူတွေ၊ နေမကောင်းဖြစ်လို့ ဆေးရုံဆေးပေးခန်းပြသနေရသူတွေကိုပါ နေ့စဉ်ပို့ဆောင်ပေးနေရတယ်လို့ ရှင်သန်ရေးကူညီမှုအသင်းဥက္ကဌ ဦးထွန်းထွန်းဦးက ပြောပါတယ်၊၊

#Yangon_Media_Group

Published - 9 September 2022

မြန်မာ-ဒူဘိုင်းနှစ်နိုင်ငံရဲအဖွဲ့များပူးပေါင်းဆောင်ရွက်မှုဖြင့်လူကုန်ကူးသူတရားခံအားလွှဲပြောင်းပေးပြီးလူကုန်ကူးခံရသည့် မြန်မာအမျိုးသမီး (၇)ဦးအား ကယ်တင်ပေးနိုင်ပြီး မြန်မာနိုင်ငံသို့ပြန်လည်ခေါ်ယူပေးနိုင်ခဲ့ကြောင်းသိရသည်၊၊

ဒူဘိုင်းတွင်အမြဲတမ်းနေထိုင်ခွင့်နှင့်နေထိုင်သည့် မြန်မာနိုင်ငံသားတစ်ဖွဲ့သည် ဒူဘိုင်းတွင်လစာ ကောင်းကောင်းဖြင့်အလုပ်လုပ်ရမည်ဟု မက်လုံးပေးစည်းရုံးကာ မြန်မာနိုင်ငံသားအမျိုးသမီးငယ်များကို ခေါ်ယူပြီး ဒူဘိုင်းကိုရောက်ရှိသည့်အခါ အီရန်၊အီရတ်၊ကာတာ၊ဘာရိန်း ၊ကူဝိတ်၊ဆော်ဒီ၊ရီမင်၊ဂျော်ဒန်နဲ့အိုမန်အော်နိုင်ငံများသို့အတင်းအကြပ်စေလွှတ်ရောင်းစားမှုများသတင်းအရ မြန်မာနိုင်ငံရဲတပ်ဖွဲ့က ၂၀၂၂ခုနှစ်သြဂုတ်လဆန်းမှစပြီး လေ့လာစုံစမ်းမှုများ ဆောင်ရွက်ခဲ့သည်၊၊

သြဂုတ်လ(၂၅)ရက်က ဒူဘိုင်းတွင် ဒုက္ခရောက်နေသည့် မြန်မာအမျိုးသမီး (၇)ဦးအဖွဲ့ကFacebook လူမှုကွန်ရက်ပေါ်ကတစ်ဆင့်liveလွှင့်ပြီးအကူအညီတောင်းခံခဲ့ရာ မြန်မာ-ဒူဘိုင်းနှစ်နိုင်ငံရဲအဖွဲ့များပူးပေါင်းဆောင်ရွက်မှုဖြင့်ဒူဘိုင်းတွင်နေထိုင်သည့်လူကုန်ကူးတရားခံအမျိုးသမီးကေသီမြင့်နှင့်မြန်မာနိုင်ငံမှဒူဘိုင်းကိုပို့ဆောင်ပေးနေသည့် တရားခံအမျိုးသမီးနှစ်ဦးကိုဖော်ထုတ်ဖမ်းဆီးရမိခဲ့ပြီး ၄င်းနှင့်စပ်ဆက်ပူးပေါင်းကာ လူကုန်ကူးသူများ၊လူကုန်ကူးမှုကိုအားပေးသူများ၊တရားမဝင်အလုပ်အကိုင်များရှာဖွေပေးနေသည့်အဖွဲ့များ အားဆက်လက်ဖော်ထုတ်လျက်ရှိသည်ဟုဆိုသည်၊၊

လူကုန်ကူးတရားခံအမျိုးသမီးကေသီမြင့်သည် ၂၀၂၁ခုနှစ် မှ၂၀၂၂ခုနှစ်အတွင်း မြန်မာနိုင်ငံသားအမျိုးသမီးများစွာကို ဒူဘိုင်းခေါ်ယူပြီး တရားမဝင်အလုပ်အကိုင်များရှာဖွေပေးခြင်း၊တတိယနိုင်ငံသို့ခြိမ်းခြောက်စေလွှတ်ရောင်းစားခြင်း၊ လျှော်ကြေးငွေနှင့်လစာများခေါင်းပုံဖြတ်ရယူခြင်း၊လူကုန်ကူးပြစ်မှုကျူးလွန်ခြင်းများကိုကျူးလွန်ခဲ့သည့်အတွက် ဥပဒေအရအရေးယူခံရမည်ဖြစ်ကြောင်းသိရသည်၊၊

ဒူဘိုင်းတွင် လူကုန်ကူးခံရပြီး ဒုက္ခရောက်နေသည့် မြန်မာအမျိုးသမီး (၇)ဦးနှင့်တရားခံကေသီမြင့်တို့ကို နိုင်ငံတော်မှ အကုန်အကျခံပြီး မြန်မာနိုင်ငံသို့ပြန်လည်ခေါ်ဆောင်လာခဲ့ကြောင်းနှင့် မြန်မာအမျိုးသမီး (၇)ဦးကိုအမှုနှင့်ပတ်သက်သည့် လိုအပ်သည့်မေးခွန်းများမေးမြန်းပြီးပါက မိဘဆွေမျိုးများထံစနစ်တကျပြန်လည်အပ်နှံပေးမည်ဖြစ်ကြောင်းသိရသည်၊၊
ymg/tthl
Yangon_Media_Group