#Local_News
Published_ 18 September 2022

အုန်းခွံဖြင့် ဖန်တီးပြုလုပ်ထားတဲ့ အုန်းခွံမာကြယ်သီးတွေ အပါအဝင်အုန်းခွံမာလက်မှု ထုတ်ကုန်တွေကို ပြည်ပဈေးကွက်ရရှိအောင်ဆောင်ရွက်သွားဖို့ရှိတယ်လို့ အုန်းခွံမာလက်မှုထုတ်ကုန်လုပ်ငန်းရှင် ကိုဖိုးဇော်က ပြောပါတယ်၊၊

#Yangon_Media_Group

TV Yangon Times Matters အစီအစဉ်
Published - 18 Sep 2022

အစီအစဉ်တင်ဆင်သူ ဆရာဟိန်းလတ်က တေးသံရှင်မောင်သိန်းဝင်းနှင့်အတူ

-"ကလေးဘဝကတည်းက သီချင်းဆိုချင်ခဲ့တာဖြစ်ပြီး ၈တန်းနှစ်တွင် သီချင်းစဆိုဖြစ်ခဲ့ကြောင်း

-မျက်လုံးချင်းစကားပြောနေသည်သီချင်းက ဘက်စုံပံ့ပိုးမှုအားကောင်းခဲ့လို့ အောင်မြင်ခဲ့တာဖြစ်ကြောင်း

-အဆိုတော်တစ်ယောက်ဖြစ်ဖို့ အသံကောင်းရုံနဲ့မရဘဲ ဆိုဟန်ကောင်းဖို့လိုအပ်ကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#LocalNews
Published -18 Sept 2022

မြန်မာနိုင်ငံတွင် အလုပ်လုပ်ကိုင်ရန် အကောင်းဆုံးကုမ္ပဏီအဖြစ် 𝗗𝗲𝗹𝗼𝗶𝘁𝘁𝗲 ကုမ္ပဏီနှင့် 𝗝𝗼𝗯𝗡𝗲𝘁.𝗰𝗼𝗺 တို့က ၂၀၂၂ ခုနှစ်အတွက် လွတ်လပ်စွာ အကဲဖြတ်ခဲ့သည့် 𝐁𝐂𝐈𝐌 𝐀𝐰𝐚𝐫𝐝 (𝘽𝙚𝙨𝙩 𝘾𝙤𝙢𝙥𝙖𝙣𝙞𝙚𝙨 𝙩𝙤 𝙒𝙤𝙧𝙠 𝙞𝙣 𝙈𝙮𝙖𝙣𝙢𝙖𝙧) ဆုကို မြန်မာနိုင်ငံသားပိုင် နည်းပညာအထူးပြုကုမ္ပဏီ 𝗚𝗹𝗼𝗯𝗮𝗹 𝗧𝗲𝗰𝗵𝗻𝗼𝗹𝗼𝗴𝘆 က ရရှိခဲ့ကြောင်း 𝗝𝗼𝗯𝗡𝗲𝘁.𝗰𝗼𝗺 ၏ ဖော်ပြချက်အရ သိရသည်။

အဆိုပါ 𝙏𝙝𝙚 𝘽𝙚𝙨𝙩 𝘾𝙤𝙢𝙥𝙖𝙣𝙮 𝙩𝙤 𝙒𝙤𝙧𝙠 𝙞𝙣 𝙈𝙮𝙖𝙣𝙢𝙖𝙧 (𝘽𝘾𝙄𝙈) အစီအစဉ်ကို အလုပ်အကိုင်အခွင့်အလမ်းများပေါင်းများစွာကို ရှာဖွေပေးနေသည့် 𝗝𝗼𝗯𝗡𝗲𝘁.𝗰𝗼𝗺.𝗺𝗺 အနေဖြင့် C𝗮𝗺𝗽𝗮𝗶𝗴𝗻 𝗣𝗹𝗮𝘁𝗳𝗼𝗿𝗺 အဖြစ်ဆောင်ရွက်ခဲ့ခြင်းဖြစ်ကာနှစ်စဉ် ချီးမြှင့်နေကျဖြစ်ကြောင်းလည်း သိရသည်။

ယခု ၂၀၂၂ ခုနှစ်တွင် ယင်းဆုအတွက် ပါဝင်ယှဉ်ပြိုင်သောကုမ္ပဏီကြီးများအနေဖြင့် မေးခွန်းပေါင်း (၇၀) ပါဝင်သော 𝗔𝗻𝗼𝗻𝘆𝗺𝗼𝘂𝘀 𝗢𝗻𝗹𝗶𝗻𝗲 𝗘𝗺𝗽𝗹𝗼𝘆𝗲𝗲 𝗦𝘂𝗿𝘃𝗲𝘆 (ဝန်ထမ်းများမှ ဖြေဆိုသော လျှို့ဝှက်အွန်လိုင်းစစ်တမ်း) မေးမြန်းစစ်ဆေးခြင်းကို ခံခဲ့ရပြီး ရလာဒ်များကို 𝗗𝗲𝗹𝗼𝗶𝘁𝘁𝗲 ကုမ္ပဏီက စစ်ဆေးပေးခဲ့ခြင်းဖြစ်ကာ 𝗢𝗳𝗳𝗶𝗰𝗶𝗮𝗹 𝗖𝗵𝗮𝗺𝗯𝗲𝗿 𝗣𝗮𝗿𝘁𝗻𝗲𝗿 အနေဖြင့် 𝗕𝗿𝗶𝘁𝗶𝘀𝗵 𝗖𝗵𝗮𝗺𝗯𝗲𝗿 𝗼𝗳 𝗖𝗼𝗺𝗺𝗲𝗿𝗰𝗲 𝗠𝘆𝗮𝗻𝗺𝗮𝗿 (ဗြိတိန်ကုန်သည်ကြီးများအသင်း) ၊𝗢𝗳𝗳𝗶𝗰𝗶𝗮𝗹 𝗠𝗲𝗱𝗶𝗮 𝗣𝗮𝗿𝘁𝗻𝗲𝗿 အနေဖြင့် 𝗖𝗘𝗢 𝗠𝗮𝗴𝗮𝘇𝗶𝗻𝗲 ၊ 𝗠𝘆𝗮𝗻𝗺𝗮𝗿 𝗕𝘂𝘀𝗶𝗻𝗲𝘀𝘀 𝗧𝗼𝗱𝗮𝘆 ၊ 𝗠𝘆𝗮𝗻𝗺𝗮𝗿 𝗜𝗻𝘀𝗶𝗱𝗲𝗿 တို့က ပါဝင်ခဲ့ကြောင်းလည်း သိရသည်။

အဆိုပါ 𝗕𝗖𝗜𝗠 𝗦𝘂𝗿𝘃𝗲𝘆 ကို (၁) 𝗖𝗼𝗺𝗽𝗮𝗻𝘆 𝗣𝘂𝗿𝗽𝗼𝘀𝗲 𝗮𝗻𝗱 𝗦𝘁𝗿𝗮𝘁𝗲𝗴𝗶𝗰 𝗔𝗹𝗶𝗴𝗻𝗺𝗲𝗻𝘁 (၂) 𝗠𝗮𝗻𝗮𝗴𝗲𝗺𝗲𝗻𝘁 𝗮𝗻𝗱 𝗟𝗲𝗮𝗱𝗲𝗿𝘀𝗵𝗶𝗽 (၃) 𝗠𝘆 𝗪𝗼𝗿𝗸 (၄) 𝗖𝗼𝗺𝗺𝘂𝗻𝗶𝗰𝗮𝘁𝗶𝗼𝗻 𝗮𝗻𝗱 𝗧𝗲𝗮𝗺𝘄𝗼𝗿𝗸 (၅) 𝗣𝗲𝗿𝘀𝗼𝗻𝗮𝗹 𝗚𝗿𝗼𝘄𝘁𝗵 𝗮𝗻𝗱 𝗗𝗲𝘃𝗲𝗹𝗼𝗽𝗺𝗲𝗻𝘁 𝗢𝗽𝗽𝗼𝗿𝘁𝘂𝗻𝗶𝘁𝗶𝗲𝘀 (၆) 𝗥𝗲𝗰𝗼𝗴𝗻𝗶𝘁𝗶𝗼𝗻, 𝗥𝗲𝘄𝗮𝗿𝗱 𝗮𝗻𝗱 𝗕𝗲𝗻𝗲𝗳𝗶𝘁𝘀 (၇) 𝗪𝗼𝗿𝗸 𝗘𝗻𝘃𝗶𝗿𝗼𝗻𝗺𝗲𝗻𝘁 ဟူသော အချက်အလက်ပေါင်း (၇) ချက်အပေါ် မူတည်တိုင်းတာခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြထားသည်။

ဆုရွေးချယ်ရခြင်း၏ ရည်ရွယ်ချက်မှာ ဆုရရှိသည့် ကုမ္ပဏီများအနေဖြင့် စံသတ်မှတ်ချက်တစ်ခုကို ဈေးကွက်တွင် ပြသနိုင်မည့်အပြင် နောင်လာမည့် အခွင့်အလမ်းသစ်များ၊ ကုမ္ပဏီနှင့် ၎င်းတို့၏ ဝန်ထမ်းများအကြား 𝗘𝗺𝗽𝗹𝗼𝘆𝗲𝗲 𝗘𝗻𝗴𝗮𝗴𝗲𝗺𝗲𝗻𝘁 နှင့် စိတ်ကျေနပ်စေမှုများ တိုးပွားလာစေရန် ဖြစ်ကြောင်းလည်း သိရသည်။

𝗚𝗹𝗼𝗯𝗮𝗹 𝗧𝗲𝗰𝗵𝗻𝗼𝗹𝗼𝗴𝘆 𝗚𝗿𝗼𝘂𝗽 မှာ မြန်မာ့အမြန်ဆုံးအင်တာနက်ဆုရကုမ္ပဏီတစ်ခုဖြစ်ပြီး ဆက်သွယ်ရေးကဏ္ဍရှိ 𝗧𝗲𝗹𝗲𝗰𝗼𝗺, 𝗠𝗲𝗱𝗶𝗮, 𝗧𝗲𝗰𝗵𝗻𝗼𝗹𝗼𝗴𝘆 (𝗧𝗠𝗧) စသည့် ဝန်ဆောင်မှုလုပ်ငန်းများကို ၂၀၀၂ ခုနှစ်မှ စတင်၍ နည်းပညာအဖွဲအစည်းအဖြစ် စတင်ဆောင်ရွက်ခဲ့သည် ကုမ္ပဏီအုပ်စုဖြစ်ကြောင်း၊ယခုအခါ အင်တာနက်နှင့် ဆက်သွယ်ရေးနည်းပညာကဏ္ဍ၌ 𝗠𝗮𝗿𝗸𝗲𝘁 𝗟𝗲𝗮𝗱𝗲𝗿 (ဈေးကွက်ဦးဆောင်သူ) တစ်ဦးအဖြစ် Broadband Internet နှင့် Telecommunications Infrastructure၊ Digital Infrastructure လုပ်ငန်းများကို နိုင်ငံပေါင်း (၄) နိုင်ငံတွင် ရုံးခန်း (၁၁) ခု ဖွင့်လှစ်ကာ ဝန်ဆောင်မှုပေးလျက်ရှိကြောင်း၊ကုမ္ပဏီအုပ်စုအနေဖြင့် စီးပွားရေးလုပ်ငန်းများသို ICT နည်းပညာများဖြစ်သည့် မိုဘိုင်းအသံနှင့် ဒေတာဆိုင်ရာ Infrastructure များ၊ Cloud Computing ဝန်ဆောင်မှုများ၊ အိုင်တီဝန်ဆောင်မှုများနှင့် နည်းပညာအကြံပေးခြင်းစသည့် လုပ်ငန်းများကို ပူးပေါင်းဆောင်ရွက်နေသည့် ကုမ္ပဏီလည်းဖြစ်ကြောင်း၊ထိုအပြင် ကုမ္ပဏီအနေဖြင့် နိုင်ငံအနှံအပြား၌ Digital စီးပွားရေးစနစ်ဖြစ်ပေါ်လာစေရန် ရှေ့တန်းတင် အားထုတ်ဆောင်ရွက်လျက်ရှိပြီး ကုမ္ပဏီ၏ အခြေခံအဆောက်အအုံ - Infrastructure တစ်ခုလုံး၌ Infrastructure As a Service, Platform As a Service အပြင် Software As a Service ဝန်ဆောင်မှုများပါ ပြုလုပ်ပေးလျက်ရှိကြောင်းလည်း သိရသည်။

"BCIM Award ကို ရရှိလိုက်ခြင်းဟာ ကျွန်တော်တို့ ကုမ္ပဏီအတွက် ပျော်ရွှင်ဖွယ်ကောင်းပြီး ခင်မင်ရင်းနှီးမှုများဖြင့် လှိုက်လှိုက်လှဲလှဲရှိတဲ့ လုပ်ငန်းခွင်တစ်ခုဖြစ်တယ်ဆိုတာကို ပေါ်လွင်စေပါတယ်။ ဝန်ထမ်းတွေအချင်းချင်းဆိုရင်လည်း တစ်ဦးနဲ့ တစ်ဦး မျှဝေခြင်း၊ ဂရုစိုက်ခြင်း၊ အခက်အခဲတွေရှိလာခဲ့ရင်လည်း ကြံ့ကြံ့ခံနိုင်ခြင်းစတာတွေကို ထင်ဟပ်စေနိုင်မှာဖြစ်ပါတယ်။ ဒါဟာ ကျွန်တော်တို့ ကုမ္ပဏီရဲ့ 𝗜𝗻𝗻𝗼𝘃𝗮𝘁𝗶𝘃𝗲, 𝗟𝗲𝗮𝗿𝗻𝗶𝗻𝗴 𝗮𝗻𝗱 𝗔𝗴𝗶𝗹𝗶𝘁𝘆 𝗖𝘂𝗹𝘁𝘂𝗿𝗲 ကိုလည်း ထင်ဟပ်စေပါတယ်" ဟု 𝗚𝗹𝗼𝗯𝗮𝗹 𝗧𝗲𝗰𝗵𝗻𝗼𝗹𝗼𝗴𝘆 𝗚𝗿𝗼𝘂𝗽 ၏ အုပ်ချုပ်မှုဒါရိုက်တာဖြစ်သူ ဦးမင်းဆွေလှိုင်ကဆိုသည်။

မြန်မာကုမ္ပဏီတစ်ခုနေဖြင့် ရှေ့တန်းရောက်ရှိရန် ကြိုးပမ်းဆောင်ရွက်နေသည့်အဖွဲ့အစည်းတစ်ခုဖြစ်သည့်အပြင်ပြည်တွင်း၌ ကျယ်ပြန့်သော ဒေတာကွန်ရက်များနှင့် Infrastructure - အခြေခံအဆောက်အအုံများအတွက် အထောက်အကူပြုပေးလျက်ရှိကြောင်းလည်း သိရှိရသည်။

"BCIM Award ဟာ ၂၀၂၂ ခုနှစ်အတွက် ကျွန်တော်တို ကုမ္ပဏီရဲ့ Milestones တစ်ခုပဲဖြစ်ပါတယ်။ တိုးတက်မှုတွေကို စဉ်ဆက်မပြတ်ရှာဖွေစေခြင်း၊ ဝန်ထမ်းများကို တိုးတက်စေနိုင်ရန် အခွင့်အလမ်းများ ဖန်တီးပေးတာမျိုးအပြင် အခုလို 𝗩𝗨𝗖𝗔 𝗪𝗼𝗿𝗹𝗱 (𝗩𝗼𝗹𝗮𝘁𝗶𝗹𝗶𝘁𝘆, 𝗨𝗻𝗰𝗲𝗿𝘁𝗮𝗶𝗻𝘁𝘆, 𝗖𝗼𝗺𝗽𝗹𝗲𝘅𝗶𝘁𝘆, 𝗔𝗺𝗯𝗶𝗴𝘂𝗶𝘁𝘆 - 𝘄𝗼𝗿𝗹𝗱) မှာ Job Security ပေးစွမ်းနိုင်မှုအစရှိတာတွေဟာ ကုမ္ပဏီအနေနဲ့ လူမှုအသိုင်းအဝန်းကို ပေးအပ်တဲ့ ကတိကဝတ် - Commitment တစ်ခုပဲဖြစ်ပါတယ် " ဟု ကုမ္ပဏီ၏ ဥက္ကဌဖြစ်သူ ဦးရှိန်းသူအောင်က ပြောသည်။

Business Continuity နှင့် Sustainability အပေါ် တန်ဖိုးထားကာ အများအားထားရသော Internet Service Provider ၊ Digital Player ကုမ္ပဏီတစ်ခုအနေဖြင့် GTG - Global Technology Group လူနေမှုအသိုင်းအဝန်းရှိ စီးပွားရေးလုပ်ငန်းများဆက်လက်ရပ်တည်နိုင်စေရန် ကုမ္ပဏီရှိ ဝန်ထမ်းများအား ပိုမိုထက်မြက်လာစေရန် လုပ်ဆောင်လျက်ရှိကြောင်းလည်း 𝗚𝗹𝗼𝗯𝗮𝗹 𝗧𝗲𝗰𝗵𝗻𝗼𝗹𝗼𝗴𝘆 ၏ အမှုဆောင်အရာရှိချုပ်ဖြစ်သူ ဦးသိန်းသန်းတိုးကပြောသည်။

ymg/mt
#Yangon_Media_group

#LocalNews
Published -18 Sept 2022

ထိုင်း-မြန်မာနယ်စပ်၊ မဲဆောက်မြို့တွင် လမ်းဘေးမှာရပ်ထားသည့် ထိုင်းနိုင်ငံသားတစ်ဦး၏ ဆိုင်ကယ်ကို မြန်မာနိုင်ငံသားတစ်ဦးက ခိုးယူထွက်ပြေးမှု စက်တင်ဘာလ ၁၇ ရက်တွင် ဖြစ်ပွားခဲ့သည်။

အဆိုပါ ဆိုင်ကယ်မှာ "Deliverey" ပစ္စည်းပို့သူ ထိုင်းနိုင်ငံသားတစ်ဦး၏ ဆိုင်ကယ်ဖြစ်ပြီး ဆိုင်ကယ်စက်ချို့ယွင်းမှုကြောင့် မဲဆောက်မြို့၊မီးသတ်ရုံးအနီးရှိ စားသောက်ဆိုင်ရှေ့မှာ ဆိုင်ကယ်သော့မဖြုတ်ပဲရပ်တန့်ခဲ့ကာ ဆိုင်ကယ်ပြင်ဆရာကို သွားရောက်ခေါ်ယူရန် သွားရောက်နေစဉ် မြန်မာနိုင်ငံသားက ခိုးယူခဲ့ခြင်းဖြစ်သည်။

ထိုင်းနိုင်ငံသားက ထိုင်းရဲတပ်ဖွဲ့ကို တိုင်ကြားရာချက်ခြင်း လိုက်လံဖမ်းဆီးရာ အဆိုပါ မြန်မာနိုင်ငံသားအား ၁၅မိနစ်အတွင်း အာရှလမ်းကြီးပေါ်၌ ဖမ်းဆီးမိခဲ့ခြင်းဖြစ်ကြောင်း၊လက်ရှိတွင် ယင်း မြန်မာနိုင်ငံသားအနေဖြင့် ထိုင်းနိုင်ငံအတွင်း အထောက်အထားမဲ့နေထိုင်သည့် ပြစ်မှု၊ဆိုင်ကယ်ခိုးယူမှု ပြစ်မှုတို့ဖြင့် အမှုဖွင့်ခံထားရကြောင်း သိရသည်။

Sources-Photo _MS Media

ymg/mt
#Yangon_Media_Group

#LocalNews
Published -18 Sept 2022

ထိုင်းနိုင်ငံ၊ ကန်ချနဘူရီခရိုင်၊ ထောင်ဖာဖူမိမြိုတွင် စက်တင်ဘာလ ၁၇ ရက်ကတရားမဝင်မြန်မာနိုင်ငံသား ၁၅ ဦး ဖမ်းမိခဲ့သည့်အနက် ၂ ဦးတွင် ကိုဗစ်ပိုးတွေ့ရှိကြောင်း ထိုင်းဒေသတွင်း မြန်မာရွှေ့ပြောင်းအလုပ်သမားများအရေးဆောင်ရွက်နေသူများထံမှ သိရသည်။

အဆိုပါ မြန်မာနိုင်ငံသားများအား ထိုင်းလူမျိုး တစ်ဦးမောင်းလာသည့် ကုန်တင်ကားကို တားဆီးစစ်ဆေးစဉ်တွေ့ရှိခဲ့ခြင်း ဖြစ်ကြောင်း ၊ ရပ်တန့်ရန် ပြောဆိုစဉ် ယာဉ်မောင်းက မောင်းပြေးခဲ့ရာ ထိုင်းအာဏာပိုင်များက လိုက်လံဖမ်းဆီးခဲ့ရာ
ကုန်တင်ကား၏ အနောက်ပိုင်း၊ ကုန်ပစ္စည်းများထားသည့် အလုံပိတ်နေရာတွင် တရားမဝင် မြန်မာနိုင်ငံသား အမျိုးသား ၁၁ ဦးနှင့် အမျိုးသမီး ၄ ဦးတိုကို ဖမ်းဆီးမိခဲ့ခြင်း ဖြစ်ကြောင်း ၊ ဖမ်းဆီးမိသူများအား ကိုဗစ် စစ်ဆေးမှုများပြုလုပ်စဉ် ၂ ဦး မှာကိုဗစ်ပိုးတွေ့သောကြောင့် သက်ဆိုင်ရာကွာရန်တင်းစင်တာ၌ ဆေးကုသမှုခံယူခိုင်းထားကြောင်း သိရသည်။

ယင်း ဖမ်းဆီးခံရသူများမှာရန်ကုန်၊ မော်လမြိုင်မြိုများက ဖြစ်ပြီး ထိုင်းနိုင်ငံ၊ ရတ်ချဘူရီနှင့် ချွန်ဖော်ခရိုင်အတွင်း အလုပ်လုပ်ရန်လာရောက်ကြခြင်း ဖြစ်ကြောင်း၊ပွဲစားခအဖြစ် တစ်ဦးလျှင် ဘတ် ၂၅၀၀၀ စီ ပေးရန်သဘောတူလာရောက်ခဲ့ကြခြင်းဖြစ်ကြောင်း သိရသည်။

ထိုင်းနိုင်ငံသား ယာဉ်မောင်းအနေဖြင့် ယင်းတိုအား ပိုဆောင်ခ ဘတ် သုံးသောင်းဖြင့် လိုက်ပါခဲ့ခြင်း ဖြစ်ကြောင်း၊ယခုအခါ အဆိုပါ ထိုင်းနိုင်ငံသားကိုလည်း ဖမ်းဆီးထားကြောင်း၊ဖမ်းမိသော မြန်မာနိုင်ငံသားများထဲမှ ကိုဗစ်ပိုးမရှိသည့် ၁၃ ဦးကို
ထောင်ဖာဖူမိ ရဲစခန်း၌ ထိန်းသိမ်းထားပြီး ဥပဒေအတိုင်း ဆောင်ရွက်သွားမည် ဖြစ်ကြောင်း သိရသည်။

ymg/mt
Yangon_Media_Group

#Local_News
Published_ 18 September 2022

ဘင်္ဂလားဒေ့ရှ်နိုင်ငံဘက်ခြမ်းသို့ လက်နက်ကြီးကျည်များကျရောက်ခြင်းမှာ AA နှင့် ARSA ဘင်္ဂါလီအကြမ်းဖက်များ၏ တိုက်ခိုက်မှုကြောင့်ဖြစ်ကြောင်း ဘင်္ဂလားဒေ့ရှ်နိုင်ငံ၊ ကော့စ်ဘဇ္ဇားရှိ အမှတ် (၃၄) ဘင်္ဂလားဒေ့ရှ်နယ်ခြားစောင့်တပ်သို့ မြန်မာနိုင်ငံ နယ်ခြားစောင့်ရဲတပ်ဖွဲ့ခွဲမှတစ်ဆင့် အကြောင်းကြားစာပို့ထားရှိကြောင်းနှင့် နိုင်ငံခြားရေးဝန်ကြီးဌာနအနေဖြင့်လည်း လုပ်ထုံးလုပ်နည်းများနှင့်အညီ သက်ဆိုင်ရာသို့အသိပေး အကြောင်းကြားစာများပေးပို့ထားကြောင်း နစက မှ စက်တင်ဘာ ၁၇ ရက်တွင် သတင်းထုတ်ပြန်ထားပါတယ်။

အဆိုပါ သတင်းထုတ်ပြန်ချက်တွင် AA အဖွဲ့သည် နိုင်ငံတော်၏ ငြိမ်းချမ်းရေးဖိတ်ခေါ်မှုကို လျစ်လျူရှု၍ မြန်မာ ဘင်္ဂလားဒေ့ရှ် နှစ်နိုင်ငံနယ်ခြား မှတ်တိုင်များအနီးရှိ နယ်ခြားစောင့် ရဲတပ်ဖွဲ့စခန်းအား သာလွန်အင်အားဖြင့် ဝင်ရောက်တိုက်ခိုက်ခြင်းများလုပ်ဆောင်လျက်ရှိပြီး ARSA အစွန်းရောက် ဘင်္ဂါလီ အကြမ်းဖက်အဖွဲ့နှင့်ပူးပေါင်း၍ စက်တင်ဘာလ ၁၆ ရက် ည ၇ နာရီ ၃၀ မိနစ် တွင် မြန်မာ-ဘင်္ဂလားဒေ့ရှ်နှစ်နိုင်ငံ နယ်နိမိတ်မှတ်တိုင်၊ BP-၃၁ အနီး လုံခြုံရေးဆောင်ရွက်လျက်ရှိသည့် တောင်ပြိုဝဲရဲကင်းစခန်းအား စခန်း၏ မြောက်လတ္တီတွဒ် ၂၁ ဒီဂရီ ၁၀ မိနစ် ၅၉.၃၁ စက္ကန့်၊ အရှေ့လောင်ဂျီတွဒ် ၉၂ ဒီဂရီ ၁၂ မိနစ် ၁၆,၂၆ စက္ကန့်နေရာမှ လက်နက်ကြီးလက်နက်ငယ်များဖြင့် ပစ်ခတ်တိုက်ခိုက်ခဲ့ရာ အဆိုပါ လက်နက်ကြီး ကျည်များသည် ရဲကင်းစခန်းနှင့် နယ်စပ်ခြံစည်းရိုးအား ကျော်လွန်၍ ဘင်္ဂလားဒေ့ရှ် နိုင်ငံဘက်ခြမ်း မြောက်လတ္တီတွဒ် ၂၁ ဒီဂရီ ၁၁ မိနစ်၃၀၂ စက္ကန့်အရှေ့လောင်ဂျီတွဒ် ၉၂ ဒီဂရီ ၁၀ မိနစ် ၂၀.၉၁ စက္ကန့်သို့ လက်နက်ကြီးကျည် ၃ လုံး ကျရောက်ပေါက်ကွဲခဲ့တယ်လို့ ဆိုပါတယ်။

စက်တင်ဘာလ ၁၆ ရက် ည ၈ နာရီ ၁၀ မိနစ်နှင့် စက်တင်ဘာလ ၁၇ ရက် နံနက်အစောပိုင်းတို့တွင် မြန်မာ-ဘင်္ဂလားဒေ့ရှ် နှစ်နိုင်ငံနယ်နိမိတ်မှတ်တိုင်၊ BP-၃၄ အနီး တောင်ပြိုယာရဲကင်းစခန်းအား အထက်ပါပစ်ခတ်ခဲ့သည့် နေရာများမှ လက်နက်ကြီးများဖြင့် ထပ်မံပစ်ခတ်တိုက်ခိုက်ခဲ့ရာ အဆိုပါ လက်နက်ကြီးကျည်များသည် ရဲကင်းစခန်းနှင့် နယ်စပ်ခြံစည်းရိုးအား ကျော်လွန်၍ ဘင်္ဂလားဒေ့ရှ် နိုင်ငံဘက်ခြမ်း မြောက်လတ္တီတွဒ် ၂၁ ဒီဂရီ ၁၂ မိနစ် ၈.၅၂ စက္ကန့်၊ အရှေ့လောင်ဂျီတွဒ် ၉၂ ဒီဂရီ ၁၁ မိနစ် ၅၄.၁၉ စက္ကန့်သို့ လက်နက်ကြီးကျည် ၃ လုံး၊ မြောက်လတ္တီတွဒ် ၂၁ ဒီဂရီ ၁၂ မိနစ် ၀.၃၇ စက္ကန့်၊ အရှေ့လောင်ဂျီတွဒ် ၉၂ ဒီဂရီ ၁၁ မိနစ် ၅၄.၇၅ စက္ကန့်သို လက်နက်ကြီးကျည် ၂ လုံး၊ မြောက်လတ္တီတွဒ် ၂၁ ဒီဂရီ ၁၂ မိနစ် ၈.၅၃ စက္ကန့်၊ အရှေ့လောင်ဂျီတွဒ် ၉၂ ဒီဂရီ ၁၁ မိနစ် ၅၆.၁၀ စက္ကန့်သို ၁ လုံးနှင့် မြောက်လတ္တီတွဒ် ၂၁ ဒီဂရီ ၁၂ မိနစ် ၂၄.၈၀ စက္ကန့်၊ အရှေ့လောင်ဂျီတွဒ် ၉၂ ဒီဂရီ ၁၁ မိနစ် ၅၆၀၁ စက္ကန့်သို့ ၃ လုံး အသီးသီးကျရောက်ပေါက်ကွဲခဲ့မှုဖြစ်ပွားခဲ့ပါတယ်။

နစက အနေဖြင့် ထာဝရငြိမ်းချမ်းရေးရရှိရန် အဘက်ဘက်မှ ကြိုးပမ်းနေစဉ် ကာလအတွင်း AA အဖွဲ့သည် ARSA အစွန်းရောက် ဘင်္ဂါလီ အကြမ်းဖက်အဖွဲနှင့်ပူးပေါင်း၍ နယ်စပ်ဒေသတည်ငြိမ်းအေးချမ်းရေး၊ တရားဥပဒေ စိုးမိုးရေးတို့အတွက် လုံခြုံရေး တာဝန်ထမ်းဆောင်နေသော နယ်ခြားစောင့် ရဲတပ်ဖွဲ့ဝင်များအား မြန်မာ-ဘင်္ဂလားဒေ့ရှ် နှစ်နိုင်ငံနယ်နိမိတ် နယ်စပ်ခြံစည်းရိုး အနီးမှနေ၍ ယခုကဲ့သို့ပစ်ခတ်တိုက်ခိုက်ခြင်းသည် အိမ်နီးချင်း နှစ်နိုင်ငံအကြား ချစ်ကြည်ရေးပျက်ပြားစေရန် ရည်ရွယ်ချက်ရှိရှိ လုပ်ဆောင်ခဲ့ခြင်း ဖြစ်ပါတယ်။

ထိုကဲ့သို့ လက်နက်ကြီးကျည်ကျော်ကျပေါက်ကွဲမှုကြောင့် ဘင်္ဂလားဒေ့ရှ်နိုင်ငံ နယ်စပ်အနီးရှိ ပြည်သူတစ်ချို့ ထိခိုက်ဒဏ်ရာရရှိခဲ့ကြောင်း သိရှိရတယ်လို့ ဆိုပါတယ်။ AA အဖွဲ့အနေဖြင့် နယ်စပ်ဒေသတည်ငြိမ်အေးချမ်းမှုပျက်ပြားစေရန် ရည်ရွယ်ပြီး နယ်ခြားစောင့်ရဲတပ်ဖွဲ့ဝင်များအား ချောင်းမြောင်းတိုက်ခိုက်ခြင်း၊ ဆက်သွယ်ရေးလမ်းကြောင်းများကို ပိတ်ဆို့ဖြတ်တောက်ခြင်းများဆောင်ရွက်၍ ဩဂုတ် ၃၁ ရက် နံနက်ပိုင်းတွင် မြန်မာ-ဘင်္ဂလားဒေ့ရှ် နှစ်နိုင်ငံနယ်နိမိတ် နယ်ခြားမှတ်တိုင်အမှတ် ဘီပီ-၄၀ ရှိ နယ်ခြားစောင့်ရဲတပ်ဖွဲ့စခန်းအား သာလွန်အင်အားဖြင့် အလစ်အငိုက်ဝင်ရောက်တိုက်ခိုက်ခဲ့သဖြင့် စခန်းကိုလက်လွတ်ဆုံးရှုံးခဲ့ရပြီး နယ်ခြားစောင့် ရဲတပ်ဖွဲ့ဝင်တစ်ချို့ ထိခိုက်ကျဆုံးခဲ့သည့် ဖြစ်စဉ်ဖြစ်ပွားခဲ့ပါတယ်။

အဆိုပါဖြစ်စဥ်များနှင့် ပတ်သက်၍ ဘင်္ဂလားဒေ့ရှ်နိုင်ငံ၊ ကော့စ်ဘဇ္ဇားရှိ အမှတ် (၃၄) ဘင်္ဂလားဒေ့ရှ်နယ်ခြားစောင့်တပ်သို့ မြန်မာနိုင်ငံနယ်ခြားစောင့်ရဲတပ်ဖွဲ့ခွဲ မှတစ်ဆင့် အကြောင်းကြားစာပို့ထားရှိကြောင်းနှင့် နိုင်ငံခြားရေးဝန်ကြီးဌာန အနေဖြင့်လည်း လုပ်ထုံးလုပ်နည်းများနှင့်အညီ သက်ဆိုင်ရာသို့အသိပေးအကြောင်းကြားစာများ ပေးပို့ထားရှိကြောင်း စက်တင်ဘာ ၁၇ ရက် နစကရဲ့ သတင်းထုတ်ပြန်ချက်တွင် ဖော်ပြထားပါတယ်။

ygm_mnn
#Yangon_Media_Group