#Local_News
Published_ 3 October 2022

ရန်ကုန်တိုင်းအတွင်းမှာ ခွေးကိုက်ခံရသူတွေကို ခွေးရူးရောဂါကာကွယ်ဆေးအခမဲ့ထိုးနိုင်ဖို့ စီစဉ်ဆောင်ရွက်ပေးနေတယ်လို့ ရန်ကုန်တိုင်းဒေသကြီး၊ ပြည်သူ့ကျန်းမာရေးဦးစီးဌာနမှူး၊ ဒုတိယညွှန်ကြား ရေးမှူးချုပ်ဒေါက်တာထွန်းမင်းက ပြောပါတယ်၊၊

#Yangon_Media_Group

#Local_News
Published _ 3 october 2022

ဂျပန်နိုင်ငံက ပြည်ပခရီးသွားတွေကို အခုလကစပြီး အကန့်အသတ်မရှိ ဝင်ခွင့်ပြုတော့မှာဖြစ်တဲ့အတွက် စားသောက်ဆိုင်နဲ့ ဟိုတယ်လုပ်ငန်းတွေမှာ ပြည်ပလုပ်သား လိုအပ်ချက်များနေတယ်လို့ ပြည်ပအလုပ်အကိုင်ရှာဖွေရေးအေဂျင်စီတွေနဲ့ သင်တန်းကြောင်းတွေကနေ တဆင့်သိရပါတယ်။

#Yangon_Media_Group

#DailyNews
Published _ 3 October 2022

၁။ ဂျပန်နိုင်ငံရှိ စားသောက်ဆိုင်နှင့် ဟိုတယ်လုပ်ငန်းများ၌ ပြည်ပလုပ်သား လိုအပ်ချက်များနေနေ

၂။ ခွေးကိုက်ခံရသူများကို ခွေးရူးရောဂါကာကွယ်ဆေးအခမဲ့ ထိုးနိုင်ရန် စီစဉ်ပေးနေ

၃။ ဓာတ်ဆီတစ်လီတာ ကျပ် ၂၀၀၀ အောက်ကျဆင်းလာ

၄။ ကင်မရွန်းတွင် အသားဖြူအလှကုန်ပစ္စည်းများ ဘေးထွက်အန္တရာယ်ရှိသော်ငြား ဆက်လက်အသုံးပြုနေကြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_3 October 2022

အောက်တိုဘာလ ၃ ရက်နေ့ကနေ ၁၀ ရက်နေ့အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီ တစ်ပိဿာကို ၄၀၂၀ ကျပ်ဖြစ်ပြီး ပြီးခဲ့တဲ့တစ်ပတ်ထက် ၆၀၀ ကျော်ကျဆင်းခဲ့တာဖြစ်ပါတယ်။

#Yangon_Media_Group

#Local_News
Published _3 October 2022

ရခိုင်ပြည်နယ်၊ မောင်တောခရိုင် ပညာရေးမှူး တာဝန်အား ထမ်းဆောင်နေသော အသက် ၅၈ နှစ်အရွယ် ဆရာမကြီး ဒေါက်တာမြင့်မြင့်စန်းအား လူငယ် ၃ ဦးမှ ဝင်ရောက်၍ ဓားဖြင့် အချက်ပေါင်းများစွာ ရက်ရက် စက်စက် အကြမ်းဖက်သတ်ဖြတ်သွားခဲ့သည့်အပေါ်မောင်တောခရိုင်အတွင်း တာဝန်ထမ်းဆောင်နေသောဆရာ၊ ဆရာမများ က ပြင်းထန်စွာရှုံ့ချကြောင်း ထုတ်ပြန်လိုက်သည်။

ဆရာမကြီးသည် မြန်မာလူမျိုးဗုဒ္ဓဘာသာ တစ်ဦးဖြစ်ပြီး ရန်ကုန်တိုင်းဒေသကြီး ကမာရွတ်မြို့နယ်ကဖြစ်ကြောင်း၊ အောက်တိုဘာလ ၂ ရက် ညနေ ၆ နာရီခွဲခန့်တွင် ဆရာမကြီးနေထိုင်ရာ မောင်တောမြို့နယ်၊ ဝေသာလီရပ်ကွက်ရှိ ခရိုင်ပညာရေးမှူးရုံး ခြံဝန်းအတွင်းသို့ အမည်မသိ လူငယ် ၃ ဦးက လာရောက်၍ သတ်ဖြတ်ခဲ့ခြင်း ဖြစ်ကြောင်း ယင်းထုတ်ပြန်ချက်တွင် ဖော်ပြထားသည်။

ဆရာမကြီး ဒေါက်တာ မြင့်မြင့်စန်းသည် ဝန်ထမ်းကောင်းတစ်ဦးဖြစ်ကာ ၂၀၂၂ ခုနှစ် ဇွန်လ ၁၄ ရက်တွင် မောင်တောခရိုင်ပညာရေးမှူးအဖြစ် ရောက်ရှိတာဝန်ထမ်းဆောင်နေသူဖြစ်ပြီး ဇွန်လ ၁၆ ရက်တွင် မောင်တောမြို့နယ်၊ သင်္ဘောလှကျေးရွာ မူလတန်းလွန်ကျောင်းမှ ကျောင်းအုပ်ဆရာကြီး ဦးဘိုဝင်းနှင့် လက်ထောက်ဆရာမ ဒေါ်ဥမ္မာကျော်တို့ ၂ ဦး ပြန်ပေးဆွဲခံခဲ့ရသည့်အချိန်တွင် ပြန်လည်လွတ်မြောက်နိုင်ရေးကို စွမ်းစွမ်းတမံဆောင်ရွက်ခဲ့သည့် ဆရာမကြီးလည်းဖြစ်ကြောင်း ထုတ်ပြန်ချက်တွင် ဖော်ပြထားသည်။

ထို့အပြင် ဒေါက်တာမြင့်မြင့်စန်းသည် ဘာသာတရား အလွန်ကိုင်းရှိုင်းသူတစ်ဦးဖြစ်ကာ လူမျိုးရေး ၊ ဘာသာရေးဖြင့် ခွဲခြားဆက်ဆံတတ်သူမဟုတ်ဘဲ ပညာတတ်တစ်ဦး ပီသစွာ ယဉ်ကျေးသိမ်မွေ့စွာဖြင့် ပြုမူပြောဆိုနေထိုင်တတ်သူ တစ်ဦးလည်းဖြစ်ကြောင်း၊အကြမ်းဖက်လုပ်ကြံ သတ်ဖြတ်သွားခဲ့သည့် သက်ဆိုင်ရာလူပုဂ္ဂိုလ်၊ အဖွဲ့အစည်းများ အားလုံးကို မောင်တောခရိုင်အတွင်းရှိ ပညာရေးဝန်ထမ်းများမှ ပြင်းထန်စွာရှုံ့ချပါကြောင်း ထုတ်ပြန်လိုက်ခြင်း ဖြစ်သည်။

ဒေါက်တာ မြင့်မြင့်စန်း၏ ရုပ်အလောင်းကို ယနေ့ အောက်တိုဘာလ ၃ ရက်တွင် မောင်တောသုဿန်၌ သင်္ဂြိုဟ်ခဲ့ကြောင်း သိရသည်။

#ymg/mt
#Yangon_Media_Group

#Local_News
Published_3 October 2022

ယခုဘဏ္ဍာနှစ်၏ ငါးလကျော်အတွင်း မြန်မာ-တရုတ်နယ်စပ်ကုန်သွယ်မှုသည် ယခင်နှစ်ထက် မြန်မာ-တရုတ် နယ်စပ်ကုန်သွယ်ရေး ကန်ဒေါ်လာ ၁၅၇ သန်းကျော်လျော့နည်းခဲ့ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ စာရင်းများအရ သိရသည်။

အဆိုပါ မြန်မာ-တရုတ်နယ်စပ်ကုန်သွယ်ရေးစခန်းများမှ မူဆယ်ကုန်သွယ်မှုပမာဏသည် ကန်ဒေါ်လာ ၁ ဒသမ ၁၇ ဘီလျံကုန်သွယ်မှုပြုလုပ်ခဲ့ပြီး၊ ယခင်နှစ်ထက် ကန်ဒေါ်လာ ၁၁၉ ဒသမ ၂၅သန်းလျော့နည်းခဲ့ကြောင်း၊ လွယ်ဂျယ် ကုန်သွယ်မှုပမာဏသည် ကန်ဒေါ်လာ ၆၇ ဒသမ ၇၁၂ သန်းယခင်နှစ်ထက် ကန်ဒေါ်လာ ၂ ဒသမ ၁၄ သန်းလျော့ကျခဲ့ကြောင်း သိရသည်။

ယင်းအပြင် ချင်းရွှေဟော်ဂိတ်မှ ကုန်သွယ်မှုပမာဏ အမေရိကန်ဒေါ်လာ ၄၂ ဒသမ ၅၁ သန်း၊ ယခင်နှစ်ထက် ကန်ဒေါ်လာ ၄၁ ဒသမ ၅၅ သန်းလျော့နည်းခဲ့ပြီး၊ ကန်ပိုက်တီး ဂိတ်မှ ကုန်သွယ်မှုပမာဏအမေရိကန်ဒေါ်လာ ၄၂ ဒသမ ၅၂ သန်း၊ ယခင်နှစ်ထက် ကန်ဒေါ်လာ ၁၁ သန်းနီးပါး ပိုမိုကုန်သွယ်မှုပြုလုပ်နိုင်ခဲ့ကြောင်း စာရင်းများအရ သိရသည်။

ကျိုင်းတုံဂိတ်မှ ကုန်သွယ်မှုပမာဏ ကန်ဒေါ်လာ ၄ ဒသမ ၉ သန်း၊ ယခင်နှစ်ထက် ကန်ဒေါ်လာ ၅ ဒသမ ၂၃ သန်းလျော့နည်းခဲ့ကြောင်း သိရသည်။

နယ်စပ်ကုန်သွယ်မှုတွေ၏ ၉၀ ရာခိုင်နှုန်းနီးပါး ကုန်သွယ်မှုပြုလုပ်နေသည့် မူဆယ်နယ်စပ်ကုန်သွယ်ရေးစခန်းတွင်နေ့စဉ် တစ်ရက်ကို ပျမ်းမျှကုန်တင်ကားစီးရေ ၅၀ နှင့် ၆၀အကြား တရုတ်ဘက်ကိုဝင်ရောက်ကာ တရုတ်ဘက်ကလည်း ကုန်ကားစီးရေ ၃၀ ဝန်းကျင် မြန်မာဘက်သို့ ပြန်လည်ဝင်ရောက်ကြောင်းသိရသည်။

မြန်မာဘက်မှ တရုတ်ဘက်သို့ ဆန်၊ဆန်ကွဲ၊ ရော်ဘာ၊ ငါးရှဉ့်၊ ကဏန်း၊ဇီးသီးခြောက်အပါအဝင် တခြားပို့ကုန်ပစ္စည်းများတင်ပို့နေပြီး တရုတ်ဘက်မှ ဓာတ်မြေဩဇာ၊ ဆေးဝါး၊ စက်ပစ္စည်း၊ ဆောက်လုပ်ရေးပစ္စည်းအပါအဝင် တခြား သွင်းကုန်ပစ္စည်းများ ပြန်လည်တင်သွင်းမှုပြုလုပ်နေကြောင်း သိရသည်။

#ymg/sth
#Yangon_Media_Group