#Local_News
Published 1 February 2025

▪️ ပြီးခဲ့သည့် ၂၀၂၄ခုနှစ်အတွင်း ပြည်ပသို့ဆန်နှင့်ဆန်ကွဲ တန်ချိန် ၂သန်းကျော်တင်ပို့ခဲ့ပြီး ဒေါ်လာ၁၃၃၁သန်းကျော်ရရှိခဲ့ကြောင်း မြန်မာနိုင်ငံဆန်စပါးအသင်းချုပ်မှ သိရသည်။

▪️ အသင်းချုပ်၏ စာရင်းမှတ်တမ်းများအရ ၂၀၂၄ခုနှစ်၊ ဇန်နဝါရီလ၁ရက်မှ ဒီဇင်ဘာလ၃၁ရက် အထိ ပြည်ပသို့ ဆန်နှင့်ဆန်ကွဲ တင်ပို့မှု စုစုပေါင်း တန်ချိန် ၂၇၆၇၄၁၄တန် ၊ပို့ကုန်ဝင်ငွေ အမေရိကန်ဒေါ်လာ ၁၃၃၁.၈၉၉သန်း ရရှိခဲ့ပြီး ကုမ္ပဏီပေါင်း ၁၀၃ခုမှ နိုင်ငံပေါင်း ၄၉နိုင်ငံသို့ တင်ပို့ခဲ့ခြင်းဖြစ်ကြောင်း သိရသည်။

▪️ မြန်မာနိုင်ငံဆန်စပါးအသင်းချုပ်အနေဖြင့် ဆန်နှက့်ဆန်ကွဲ ပြည်ပတင်ပို့မှုကို နိုင်ငံတော်အစိုးရ၏ မူဝါဒ လမ်းညွှန်မှုများနှင့်အညီ ပုဂ္ဂလိက အခန်းကဏ္ဍမှ ကြိုးပမ်းလုပ်ဆောင်လျှက်ရှိပြီး ဆန်နှင့်ဆန်ကွဲ ပြည်ပတင်ပို့ရောင်းချနေသော ကုမ္ပဏီအသစ်များကိုလည်း အရည်အသွေး၊အရေအတွက်နှင့် နိုင်ငံတကာဆန်ဈေးကွက် လုပ်ထုံးလုပ်နည်းများကို မျှဝေပေးခြင်း၊ဖိ‌တ်ခေါ်အားပေးခြင်း၊ သင်တန်းဖွင့်လှစ်ဆောင်ရွက်ခြင်းတို့ဖြင့် ကူညီပံ့ပိုးလုပ်ဆောင်ပေးလျှက်ရှိကြောင်း၊ အသင်းချုပ်တွင် ကုမ္ပဏီ၊အဖွဲ့အစည်းများ၏ အသင်းဝင်မှု သည် ၂၀၂၃ခုနှစ်၊ဒီဇင်ဘာလကုန်တွင် ၉၈၀ ရှိခဲ့ရာမှ ၂၀၂၄ခုနှစ် ဒီဇင်ဘာလကုန်တွင် ၁၁၉၆အထိ တိုးတက်ခဲ့ကြောင်း သိရသည်။

#YMG/SW #Yangon_Times

#Local_News
Published 1 February 2025

▪️ ဖေဖော်ဝါရီလ ၉ ရက်တွင် ကျင်းပမည့် မြန်မာ့ရုပ်ရှင်ထူးချွန်ဆုပေးပွဲတွင် မြန်မာ့အကယ်ဒမီဖက်ရှင်ဆုများ ပေးအပ်မည်ဖြစ်ကြောင်း သိရသည်။

▪️ ပေးအပ်သွားမည့် မြန်မာ့အကယ်ဒမီဖက်ရှင်ဆုများမှာ အကောင်းဆုံးအမျိုးသားဝတ်စားဆင်ယင်မှုအကြီးတန်းဆု၊အကောင်းဆုံးအမျိုးသမီး ဝတ်စားဆင်ယင်မှုအကြီးတန်းဆု၊အကောင်းဆုံးဝတ်စားဆင်ယင်မှုအမျိုးသားဆုနှင့် အကောင်းဆုံး ဝတ်စားဆင်ယင်မှုအမျိုးသမီးဆုတို့ဖြစ်ပြီးအဆိုပါဆုများကိုမြန်မာ့ရုပ်ရှင် ထူးချွန်ဆု ချီးမြှင့်ပွဲသို့
တက်ရောက်လာသည့် မြန်မာ့ရုပ်ရှင်အနုပညာရှင်လေးဦးကို ရွေးချယ်ပေးအပ်မည်ဖြစ်ကြောင်း သိရသည်။

▪️ ထိုဆုများအတွက်အကဲဖြတ်ဒိုင်များအဖြစ် ရုပ်ရှင်သရုပ်ဆောင်အကယ်ဒမီဆွေဇင်ထိုက်၊ ဂျွန်လွင်(Star & Model int'l)၊ဒီဇိုင်နာပြည်စိုးအောင်၊ မိတ်ကပ်ခင်စန်းဝင်းနှင့်ဓာတ်ပုံကိုနိုင်(R2)တို့က ဆောင်ရွက်သွားမည်ဖြစ်ပြီးပွဲ‌ေန့ည (၇) နာရီတိတိတွင် အကဲဖြတ်ဒိုင်လူကြီးများကအမှတ်ပေါင်း ဆုပေးမည်ဖြစ်သောကြောင့် ပွဲတက်ရောက်လာကြသော အနုပညာများအနေဖြင့် ည (၆) နာရီခွဲ နောက်ဆုံးထား တက်ရောက်ပေးရန်လိုအပ်ကြောင်း သိရသည်။

#YMG/SW #Yangon_Times

မိုးယွန်းကြီးအင်းနဲ့အင်းတော်ကြီးတွေမှာ အခုနှစ်ဆောင်းရာသီအတွက် ဆောင်းခို ရေပျော်ငှက်ကောင်ရေ ငါးသောင်းကျော်ဝင်ရောက်ခဲ့တယ်လို့ မိုးယွန်းကြီးအင်းနဲ့အင်းတော်ကြီးအင်းဘေးမဲ့တော အုပ်ချုပ်ရေးမှူးရုံးတွေက သိရပါတယ်။
#Local_News
Published  1 February 2025
#မိုးယွန်းကြီးနှင့်အင်းတော်ကြီး #ဆောင်းခိုငှက်
#YMG/NN #Yangon_Times

နိုင်ငံခြားငွေကြေးဈေးကွက်အတွင်း သွင်းကုန်လုပ်ငန်းရှင်တွေအတွက် တရုတ်ယွမ် ၁၀သန်းရောင်းချပေးမယ်လို့ မြန်မာနိုင်ငံတော် ဗဟိုဘဏ်က ယမန်နေ့မှာ တရားဝင် ထုတ်ပြန်ထားပါတယ်။
#Local_News
Published  1 February 2025
#သွင်းကုန်လုပ်ငန်းရှင် #ယွမ်၁၀သန်းရောင်း
#YMG/SW #Yangon_Times

သီလဝါအိမ်ရာနဲ့ ကနောင်အိမ်ရာကအခန်း‌တွေအတွက် ယာယီနေထိုင်ခွင့်ထုတ်ပေးသွားမယ်လို့ မြို့ပြနဲ့အိမ်ရာဖွံ့ဖြိုးရေးဦးစီးဌာနမှ သိရပါတယ်။
#Local_News
Published  1 February 2025
#သီလဝါအိမ်ရာနှင့်ကနောင်အိမ်ရာ #မြို့ပြနဲ့အိမ်ရာဖွံ့ဖြိုးရေးဦးစီးဌာန
#YMG/SW #Yangon_Times

#Local_News
Published  1 February 2025

▪️ ယခုလဆန်း၌မိုးရွာခြင်း၊ မြူဆိုင်းခြင်းနှင့် ပျမ်းမျှအပူချိန်ခန့်သာ ရှိနိုင်ကြောင်း မိုးလေဝသနှင့်ဇလ‌ ဗေဒညွှန်ကြားမှုဦးစီးဌာန၏ ယနေ့ ထုတ်ပြန်သည့် ဖေဖော်ဝါရီလ ပထမ (၁၀)ရက်ပတ်အတွက် မိုးလေဝသနှင့်ဇလဗေဒခန့်မှန်းချက်အရ သိရသည်။

▪️ ဖေဖော်ဝါရီလ ပထမ (၁၀)ရက်ပတ်အတွက် မိုးရွာသွန်းမှုအခြေအနေမှာ နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီ တိုင်းဒေသကြီး၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် ရွာသွန်းမြဲအောက်လျော့နည်းနိုင်ပြီး၊ ကချင်ပြည်နယ်တွင် ရွာသွန်းမြဲခန့် မိုးထစ်ချုန်းရွာနိုင်ကြောင်း ၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး(အရှေ့ပိုင်း)၊ စစ်ကိုင်းတိုင်းဒေသကြီးအထက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ မွန်ပြည်နယ်နှင့် ရှမ်းပြည်နယ် (အရှေ့ပိုင်း)တို့တွင် ၁ ရက်မှ ၂ ရက်ခန့် မိုးထစ်ချုန်းရွာနိုင်ကြောင်း သိရသည်။

▪️ ထို့အပြင် နေပြည်တော်၊ မန္တလေးတိုင်း ဒေသကြီး၊ ပဲခူးတိုင်းဒေသကြီး
(အနောက်ပိုင်း)၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ ရခိုင်ပြည်နယ်နှင့် ရှမ်းပြည်နယ်(မြောက်ပိုင်းနှင့် တောင်ပိုင်း)တို့တွင် တိမ်အသင့်အတင့် ဖြစ်ထွန်းနိုင်ကြောင်း သိရသည်။

▪️ ညအပူချိန်များမှာ မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ကယားပြည်နယ်နှင့် ရှမ်းပြည်နယ်(မြောက်ပိုင်းနှင့် တောင်ပိုင်း)တို့တွင် ဖေဖော်ဝါရီလ ပျမ်းမျှအပူချိန်၏ ၁.၅ ဒီဂရီစင်တီဂရိတ်နှင့်အထက် ပိုနိုင်ပြီး၊ နေပြည်တော်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီးအထက်ပိုင်း၊ ဧရာ၀တီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်(အရှေ့ပိုင်း)တို့တွင် ဖေဖော်ဝါရီလပျမ်းမျှအပူချိန်ခန့်သာရှိနိုင်ကြောင်း သိရသည်။

▪️ မြူအခြေအနေများမှာ စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ ကချင်ပြည်နယ်၊ ကရင်ပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် ၇ ရက်မှ ၉ ရက်ခန့်၊ နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး(အရှေ့ပိုင်း)၊ စစ်ကိုင်းတိုင်းဒေသကြီး အောက်ပိုင်း၊ ဧရာဝတီတိုင်းဒေသကြီး၊ ကယားပြည်နယ်နှင့် ချင်းပြည်နယ်တို့တွင် ၃ ရက်မှ ၆ ရက်ခန့်နှင့် ပဲခူးတိုင်းဒေသကြီး(အနောက်ပိုင်း)နှင့် မကွေးတိုင်းဒေသကြီးတို့တွင် ၁ ရက်မှ ၂ ရက်ခန့် နံနက်ပိုင်းတွင် မြူထူများဆိုင်းနိုင်ကြောင်း သိရသည်။

#YMG/NN #Yangon_Times