ကချင်ယူနိုက်တက်ကို ရန်ကုန်ယူနိုက်တက်က သွင်းဂိုးနှစ်ဂိုးဖြင့် အနိုင်ရရှိ

ရန်ကုန်ယူနိုက်တက်အသင်းက ပထမပိုင်း ပွဲချိန် ၁၅ မိနစ်မှာ ဦးဆောင်ဂိုးသွင်းယူနိုင်ခဲ့
Yangon_Times / my
#Local_News
#Published_ 8 August 2023
#YMG #Yangon_Times

ဘဂ်လားပင်လယ်အော်တွင် မုတ်သုံလေအား‌ အလွန်ကောင်းနေပြီး၊ မြန်မာပင်လယ်ပြင်တွင် လှိုင်း ၁၂ ပေအထိ မြင့်တက်နိုင်

ရခိုင်ကမ်းရိုးတန်းတစ်လျှောက် ပင်လယ်ပြင်ခရီးမှာ လှိုင်းအမြင့် (၉)ပေ ကနေ (၁၂)ပေခန့်အထိ ရှိနိုင်
Yangon_Times / my
#Local_News
#Published_ 8 August 2023
#YMG #Yangon_Times

မြို့နယ်(၁၁)ခုနေပြည်သူများကို ဆန်ဈေးသက်သာစွာ လာရောင်းပေးမည်

‘လှိင်သာယာ၊ရွှေပြည်သာ၊အင်းစိန်၊တောင်ဥက္ကလာ၊မြောက်ဥက္ကလာ၊ တောင်ဒဂုံ၊မြောက်ဒဂုံ စတဲ့ဆင်ခြေဖုန်းမြို့နယ် တွေမှာသွားရောင်းပေးဖို့ နေရာတွေရွေးချယ်စီစဉ်နေသလို ။ သွားလာရခက်ခဲတဲ့ ဒလ၊တွံတေး၊မှော်ဘီ၊မင်္ဂလာဒုံစတဲ့မြို့နယ်တွေကိုလည်း ကားနဲ့တိုက်ရိုက်သွားရောက်လှည့်လည်ပြီး ဆန်တွေကို ဈေးသက်သာစွာရောင်းချပေးသွားမှာဖြစ်ပါတယ်’’
Yangon_Times / tthl
#Local_News
#Published_ 8 August 2023
#YMG #Yangon_Times

Published_ 8 August 2023

ကရင်ပြည်နယ်၊ ကော့ကရိတ်မြို့နယ်တွင် မိုးသည်းထန်စွာရွာသွန်းပြီး တောင်ကျရေများစီးဆင်းသောကြောင့် ရေဘေးသင့်ပြည်သူ(၁၅၈)ဦးကိုဘေးလွတ်ရာသို့ရွှေ့ပြောင်းပေးခဲ့ရကြောင်းမြန်မာနိုင်ငံမီးသတ်တပ်ဖွဲ့မှသိရသည်။

ကော့ကရိတ်မြို့နယ်ရှိ အမှတ်(၅)ရပ်ကွက်တွင်ရေဝင်ရောက်မှုဖြစ်ခဲ့ပြီး ရေဘေးသင့်အိမ်ထောင်စု(၃၅)စုမှ ကျား(၇၀)ဦး၊မ(၈၈)ဦးစုစုပေါင်း(၁၅၈)ဦးတို့အား ရေဘေးလွတ်ရာ အဆိုပါရပ်ကွက်ရှိ ဇိနပ်မာရ်အောင်ဓမ္မရုံ၊ သတိပဌာန်ကျောင်းသစ်နှင့် အ.မ.က(၆)စာသင်ကျောင်းသို့ မြန်မာနိုင်ငံမီးသတ်တပ်ဖွဲ့ဝင်များနှင့်သက်ဆိုင်ရာ အဖွဲ့အစည်းများမှ ကူညီရွှေ့ပြောင်းပေးခဲ့သည်ဟုဆိုသည်။

ရေဘေးသင့်ပြည်သူများကို ကော့ကရိတ်ခရိုင်မီးသတ်စခန်းမှ မီးငြှိမ်းသတ်ယာဉ်(၁)စီး၊Speed Boad(၁)စီး၊ စက်လှေငယ်(၁)စီး၊ သန္ဓေမီးသတ်တပ်ဖွဲ့ဝင်များနှင့် သက်ဆိုင်ရာအဖွဲ့အစည်းများပူးပေါင်းကူညီခဲ့ကြောင်းသိရ သည်။

ကော့ကရိတ်မြို့နယ်တွင် မိုးအဆက်မပြတ်ရွာသွန်းမှုများကြောင့် ရေကြီးရေလျှံဖြစ်ပွားပြီး မြေနိမ့်ပိုင်းရှိ စာသင်ကျောင်းများပိတ်ခဲ့ရပြီး လက်ရှိတွင် စာသင်ကျောင်း(၄၁)ကျောင်းယာယီပိတ်ထားရကြောင်းသိရသည်။
Yangon_Time/tthl
#Local_News
#YMG #Yangon_Times

ရွေးကောက်ပွဲလုပ်ငန်းစဉ်ကို နှောင့်နှေးအောင်လုပ်ဆောင်သူများသည် ပြည်သူ့ဆန္ဒကိုဆန့်ကျင်နေသူတွေဖြစ်ကြောင်း ဗိုလ်ချုပ်မှူးကြီးမင်းအောင်လှိုင်ကပြောတဲ့အကြောင်း နစကရဲ့ သတင်းထုတ်ပြန်ချက်အရသိရပါတယ်။

အသစ်ဖွဲ့စည်းထားသည့် နိုင်ငံတော်စီမံအုပ်ချုပ်ရေးကောင်စီအဖွဲ့ဝင်များအား ယနေ့နံနက်ပိုင်းတွင် နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး အစည်းအဝေးခန်းမ၌ တွေ့ဆုံအမှာစကားပြောကြားရာတွင် ဗိုလ်ချူပ်မှူးကြီး မင်းအောင်လှိုင်က ယင်းကဲ့သို့ပြောကြားခဲ့ခြင်းဖြစ်ပါတယ်။

တည်ငြိမ်အေးချမ်းရေး၊ တရားဥပဒေစိုးမိုးရေးနှင့် ပြည်သူများ၏လူမှုစီးပွားဘဝဖွံ့ဖြိုးတိုးတက်ရေး ဆောင်ရွက်နေမှုများအပေါ် နှောင့်ယှက်မှုများရှိနေမည် ဆိုပါက နိုင်ငံဖွံ့ဖြိုးတိုးတက်ရေးနှင့် ပြည်သူလူထု၏ လူမှုစီးပွားဘဝတိုးတက်ရေး လုပ်ငန်းစဉ်များကို နှောင့်နှေးကြန့်ကြာစေမည်ဖြစ်တဲ့အတွက် ထိုသို့နှောင့်နှေးစေခြင်းသည်ပြည်သူလူထုတစ်ရပ်လုံး၏ဆန္ဒဖြစ်သည့် ပါတီစုံဒီမိုကရေစီစနစ်ခိုင်မာရေးနှင့်ပြန်လည်ဖော်ဆောင်ရေးအတွက် လုပ်ဆောင်ရမည့် ရွေးကောက်ပွဲလုပ်ငန်းစဉ်အပေါ် နှောင့်နှေးစေတယ်လို့လည်း နစက ဥက္ကဋ္ဌက ပြောကြားပါတယ်။

နစကရဲ့ အန္တိမရည်မှန်းချက်မှာ လွတ်လပ်၍တရားမျှတသည့် ပါတီစုံဒီမိုကရေစီ အထွေထွေရွေးကောက်ပွဲ ကျင်းပနိုင်ရေးပင် ဖြစ်တဲ့အတွက် အဆိုပါရွေးကောက်ပွဲ အောင်မြင်စွာကျင်းပနိုင်ရေးအတွက် နိုင်ငံတစ်ဝန်း တည်ငြိမ်အေးချမ်းမှုရှိစေရေး ဆောင်ရွက်သွားရမည်ဖြစ်ကြောင်းလည်း ဗိုလ်ချူပ်မှူးကြီးမင်းအောင်လှိုင်က ပြန်လည်ဖွဲ့စည်းထားတဲ့ နစက အဖွဲ့ဝင်တွေကို တိုက်တွန်းပြောကြားခဲ့ပါတယ်။

ယင်းအပြင်တစ်နိုင်ငံလုံး အကြားအလပ်မရှိ ဆန္ဒမဲပေးပိုင်ခွင့်ရရှိစေရေး ကြိုးပမ်းဆောင်ရွက်လျက်ရှိကြောင်းလည်း နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌက တွေ့ဆုံပွဲတွင် ပြောကြားခဲ့ပါတယ်။

ဆန္ဒမဲပေးခွင့်ရှိသူအားလုံး မဲပေးခွင့်ရရှိနိုင်ရေးဆောင်ရွက်ပေးရန်မှာ အစိုးရ၏ တာဝန်ဖြစ်ကြောင်းနှင့် ရွေးကောက်ပွဲဟူသည် ရာနှုန်းပြည့်ကျင်းပ အောင်မြင်ရန်ခက်ခဲသော်လည်း ပြည်သူတို့၏ မဲပေးပိုင်ခွင့်မဆုံးရှုံးစေရေး မိမိတို့က စွမ်းအားရှိသမျှလုပ်ဆောင်ရမည်ဖြစ်ကြောင်းလည်း ဗိုလ်ချုပ်မှူးကြီးကဆက်လက်ပြောကြားခဲ့တယ်လို့ နစကရဲ့ သတင်းထုတ်ပြန်ချက်မှာဖော်ပြထားပါတယ်။

တိုင်းရင်းသားများ၏အခွင့်အရေးနှင့် ပတ်သက်၍ အခြေခံဥပဒေ၌ တူညီသည့်အခွင့်အရေးများ ပေးထားပြီးဖြစ်သကဲ့သို့ မိမိတို့အနေဖြင့်လည်း တိုင်းရင်းသားဒေသများ ဖွံ့ဖြိုးတိုးတက်ရေးအတွက် အလေးထား ဆောင်ရွက်ပေးလျက်ရှိကြောင်းလည်း ဗိုလ်ချုပ်မှူးကြီးက ဆက်လက်ပြောကြားခဲ့ပါတယ်။

သမာသမတ်ကျသည့် ငြိမ်းချမ်းရေး တွေ့ ဆုံဆွေးနွေးမှုများကို အလေးထားဆောင်ရွက်သွားရမည်ဖြစ်တယ်လို့လည်း ဗိုလ်ချူပ်မှူးကြီးမင်းအောင်လှိုင်ကပြောပါတယ်။

တိုင်းရင်းသားလူမျိုးစုအလိုက်လည်း မတူညီသည့်လက္ခဏာများရှိကြောင်း၊ ထို့ကြောင့် လူပုဂ္ဂိုလ်နှင့်လူမျိုးကို  အခြေခံဆောင်ရွက်၍ရမည်မဟုတ်ဘဲ ဒေသနှင့်အများ၏သဘောဆန္ဒအတိုင်း ဆောင်ရွက်ရမည်ဖြစ်သကဲ့သို့ လူအနည်းစု၏ သဘောထားကိုလည်း အလေးထားရန်လိုတယ်လို့ နစက ဥက္ကဋ္ဌကပြောကြားခဲ့ကြောင်း သတင်းထုတ်ပြန်ချက်မှာ ဖော်ပြထားပါတယ်။

တွေ့ဆုံပွဲသို့နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း၊ ကောင်စီအတွင်းရေးမှူး ဒုတိယ ဗိုလ်ချုပ်ကြီး အောင်လင်းဒွေး၊ တွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ ကောင်စီအဖွဲ့ဝင်များဖြစ်ကြသည့် ဗိုလ်ချုပ်ကြီး မြထွန်းဦး၊ ဗိုလ်ချုပ်ကြီး တင်အောင်စန်း၊ဒုတိယဗိုလ်ချုပ်ကြီး မိုးမြင့်ထွန်း၊ ဒုတိယဗိုလ်ချုပ်ကြီး စိုးထွဋ်၊ ဒုတိယဗိုလ်ချုပ်ကြီးရာပြည့်၊ ဦးဝဏ္ဏမောင်လွင်၊ ဒေါ်ဒွဲဘူ၊ ပိုးရယ်အောင်သိန်း၊ မန်းငြိမ်းမောင်၊ ဒေါက်တာမှုထန်၊ ဒေါက်တာ ဘရွှေ၊ ခွန်စံလွင်၊ ဦးရွှေကြိမ်း နှင့် ဦးရန်ကျော် တို့ တက်ရောက်ခဲ့ကြပါတယ်။

-ymg/knl

#Myanmarpolitics

#SeniorGeneralMinAungHlaing

#Daily_News
Published_ 7 August 2023

၁။ အခြေခံလူတန်းစားပြည်သူများကို ဆန်ကြမ်းရော၊ဆန်ချောပါ ဈေးနှုန်းသက်သာစွာ စတင်ရောင်းချပေးနေ

၂။ မြန်မာဝူရူး၊ လှေလှော်၊ ဘောလုံးအဖွဲချုပ်များကို တရုတ်မှ ကန်ဒေါ်လာ (၈၄၀၀)ကျော်ပေးအပ်ခဲ့

၃။ ကချင်ယူနိုက်တက်အသင်းကို အနိုင်ယှဉ်ပြိုင်ကစားမည်ဟု YUSC နောက်ခံလူ မင်းကျော်ခန့်ပြော

၄။ တရုတ်ပြည်၏ လျှပ်စစ်ကားထုတ်လုပ်ရေး ထိပ်သီးကုမ္ပဏီဖြစ်လာရန် XPENG မျှော်မှန်း .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG