#Local_News
Published 27 August 2024

▪️ နယ်ချဲ့မှ အိန္ဒိယတွင်မထားရဲ၍ မြန်မာနိုင်ငံသို့ပို့ကာ မန္တလေးထောင်တွင် ထောင်သွင်းအကျဉ်းချခံခဲ့ရသော အိန္ဒိယလွတ်လပ်ရေးလှုပ်ရှားမှု၏ ပထမဦးဆုံးခေါင်း‌ဆောင် ‘လောက်မန်ယာထိလပ်’အကြောင်း စာအုပ်အပါအဝင် စာရေးဆရာဟိန်းလတ်၏ စာအုပ်သစ်နှစ်အုပ်ကို သြဂုတ်လ(၂၅)ရက်၊ ရန်ကုန် ဝန်ကြီးများရုံး Lantern House၌မိတ်ဆက်ထုတ်ဝေခဲ့ကြောင်း သိရသည်။

▪️ ဗြိတိသျှကိုတော်လှန်၍ မန္တလေးထောင်တွင်အကျဉ်းကျခဲ့သည့် အဆိုပါ အိန္ဒိယခေါင်း‌ဆောင် ‘လောက်မန်ယာထိလပ်’ အကြောင်းကို ရေးသားထားခြင်းဖြစ်သည်။

▪️ စာရေးဆရာဟိန်းလတ်၏‘မြန်မာပြောသော မြန်မာစကား’စာအုပ်နဲ့ အိန္ဒိခေါင်း‌ဆောင်‘လောက်မန်ယာထိလပ်’စာအုပ်တို့ကို မိတ်ဆက်ခဲ့ခြင်းဖြစ်သည်။

▪️ အိန္ဒိယခေါင်း‌ဆောင်‘လောက်မန်ယာထိလပ်’ဟာဆိုရင် ဗြိတိသျှနယ်ချဲ့လက်အောက်မှလွတ်မြောက် ရေးအတွက် စတင်တော်လှန်လှုပ်ရှားခဲ့သူဖြစ်သည် ဟုဆိုသည်။

▪️ နယ်ချဲ့မှ အိန္ဒိယ၌ပင်မထားရဲသဖြင့်မြန်မာနိုင်ငံသို့ပို့ကာ မန္တလေးထောင်မှာ (၆)နှစ်ထောင်သွင်း အကျဉ်းခံသူ၊ မန္တလေး ထောင်အတွေ့အကြုံတွေအပါအဝင် အိန္ဒိယအမျိုးသားရေးဝါဒီ ဦးဆောင်ပုဂ္ဂိုလ်‘လောက်မန်ယာထိလပ်’အကြောင်းများကို ရေးသားဖော်ပြထားသည့်  စာအုပ်လည်းဖြစ်သည်။

▪️ ယင်းအပြင် မြန်မာစာမြန်မာစကားကိုအလေးအမြတ်ပြုတန်ဖိုးထားသူများအတွက် ‘မြန်မာပြောသော မြန်မာစကား’စာအုပ်မှာ ဝေါ်ဟာရ ခက်ဆစ်တွေ၊ မူလဆိုရိုးစကားတွေအပါအဝင် မြန်မာစကား ကြွယ်ဝစေဖို့ စုဆောင်းတင်ပြထုတ်ဝေထားသည်။

▪️ စာရေးဆရာဟိန်းလတ်၏ ယင်းစာအုပ်သစ်နှစ်အုပ်ကို ခေတ်စာအုပ်ပုံနှိပ်တိုက်မှ ထုတ်ဝေပေးထားကြောင်း သိရသည်။

#YMG/tthl #Yangon_Times

#Local_News
Published 27 August 2024

▪️ ထိုင်းနိုင်ငံ၌ အကြောင်းအမျိုးမျိုးကြောင့် ဖမ်းဆီးခံခဲ့ရပြီး ပြစ်ဒဏ်ကျခံပြီးသည့် မြန်မာနိုင်ငံသား ၁၁၀ ဦးအား ရနောင်းမှကော့သောင်းမြို့သို့ ရေကြောင်းဖြင့် ပို့ဆောင်ပေးခဲ့ကြောင်း ရနောင်းခရိုင်လူဝင်မှုကြီးကြပ်ရေးနှင့် စစ်ဆေးရေးဌာန ထုတ်ပြန်ချက်အရ သိရသည်။

▪️ အဆိုပါ မြန်မာနိုင်ငံသားများတွင် ကလေးနှစ်ဦးအပါအဝင် အမျိုးသား ၈၆ ဦးနှင့် အမျိုးသမီး ၂၂ ဦးတို့ပါဝင်ပြီး ၎င်းတို့သည်ထိုင်းနိုင်ငံတောင်ပိုင်းရှိ ရနောင်းခရိုင်တွင် ပြစ်ဒဏ်ကျခံနေရခြင်းဖြစ်ပြီး အများစုမှာ တရားမဝင်ဝင်ရောက်မှုကြောင့် ပြစ်ဒဏ်ကျခြင်းဖြစ်ကြောင်း၊ ၄င်းတို့သည်ထိုင်းနိုင်ငံ၊ ရနောင်းမြို့မှ တဆင့် မြန်မာနိုင်ငံ၊ ကော့သောင်းမြို့သို့ ရေလမ်းခရီးဖြင့် ဩဂုတ် (၂၆)ရက်က  ကော့သောင်းမြို့၊ ဘုရင့်နောင်ဆိပ်ကမ်းသို့ ပြန်လည်ရောက်ရှိခဲ့ခြင်းဖြစ်‌ကြောင်း သိရသည်။

ထို့အပြင် သက်ဆိုင်ရာမှ ပြန်လည်ဝင်ရောက်လာသူများကို လုပ်ထုံးလုပ်နည်းများနှင့်အညီ ကိုယ်ရေးမှတ်တမ်းများ ကောက်ယူခြင်းနှင့် လိုအပ်သည်များ စစ်ဆေး၍ ၎င်းတို့ နေရပ်ဒေသအသီးသီးသို့ စနစ်တကျ ပြန်လည်ပို့ဆောင်ပေးသွားမည်ဖြစ်ကြောင်း သိရသည်။

#YMG/NN #Yangon_Times

#Local_News
Published 27 August 2024

▪️ ရန်ကုန်တိုင်းဒေသကြီးအဆင့် အမျိုးသားအားကစားပွဲတော်ကို စက်တင်ဘာ ၁၆ ရက်မှ  ၂၄ ရက်အထိ  ကျင်းပသွားမည်ဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့မှ သိရသည်။

▪️ အဆိုပါ အမျိုးသား အားကစားပွဲတော် အောင်မြင်စွာ ကျင်းပနိုင်ရေးအတွက် ကြိုတင်ပေါင်းစပ်ညှိနှိုင်းအစည်းအဝေးကို ပြီးခဲ့သည့် ရက်ပိုင်းကကျင်းပခဲ့ပြီးဖြစ်ကာ ယင်းပွဲတော်တွင် အားကစားနည်း ၂၄ နည်းဖြင့် ကျင်းပသွားမည်ဖြစ်ကြောင်း သိရသည်။

▪️ ထို့အပြင် နေပြည်တော်တွင် ကျင်းပမည့် ၂၀၂၄ ခုနှစ် ပဉ္စမအကြိမ်မြောက် အမျိုးသားအားကစားပွဲတော်တွင် အောင်မြင်မှုများ  ပိုမိုရရှိလာစေရန် ရည်ရွယ်၍  ကျင်းပခြင်းဖြစ်ကြောင်းသိရသည်။

▪️ ရန်ကုန်တိုင်းဒေသကြီးအဆင့် အားကစားပွဲတော်၌ ပြေးခုန်ပစ်၊ ဘတ်စကက်ဘော၊ ကြက်တောင်၊ ဘိလိယက်နှင့် စနူကာ၊ လက်ဝှေ့၊ ကာယဗလနှင့်  ကာယကြံ့ခိုင်မှု၊ ခရစ်ကတ်၊ ဘောလုံး၊ ဖူဆယ်၊ ဂေါက်သီး၊ ဂျုဒို၊ ကရာတေး၊ ပိုက်ကျော်ခြင်း၊ ရေကူး စသည့်  အားကစားနည်း ၂၄ နည်းဖြင့် ကျင်းပသွားမည်ဖြစ်ကြောင်း သိရသည်။

▪️ ထို့အပြင် ရန်ကုန်တိုင်းဒေသကြီးအဆင့် အမျိုးသားအားကစားပွဲတော်၌  ခရိုင်ပြိုင်ပွဲများ  ကျင်းပသွားမည်ဖြစ်ပြီး ၎င်းမှတစ်ဆင့် လက်ရွေးစင်အားကစားသမားများကို စိစစ်ရွေးချယ်၍  အောက်တိုဘာလမှစတင်ပြီး  စခန်းသွင်းလေ့ကျင့်ခြင်းများ ပြုလုပ်သွားမည်ဖြစ်ကြောင်း သိရသည်။

#YMG/NN #Yangon_Times

သီတဂူစက္ခုဒါနဆေးရုံတော်၌ သတ္တမအကြိမ်မြောက် မျက်စိဝေဒနာရှင်‌တွေကို အခမဲ့စမ်းသပ်စစ်ဆေးခွဲစိတ်ကုသပေးခဲ့တယ်လို့ သီတဂူစက္ခုဒါနဆေးရုံ (ရန်ကုန်) က သိရပါတယ်။
#Local_News
Published 27 August 2024
#သီတဂူစက္ခုဒါနဆေးရုံ #အခမဲ့ခွဲစိတ်ကုသ
#YMG/NN #Yangon_Times

ကမ္ဘာ့ရွှေဈေးဟာ ဒီကနေ့ ဩဂုတ်လ (၂၇)ရက်မှာတစ်ရက်တည်း(၂၅)ဒေါ်လာခုန်တက်လာပြီး မြန်မာ့ရွှေဈေးလည်းသောင်းဂဏန်းတက်လာတယ်လို့ သိရပါတယ်။
#Local_News
Published 27 August 2024
#ကမ္ဘာ့ရွှေဈေးတက် #မြန်မာ့ရွှေဈေးတက်
#YMG/tthl #Yangon_Times

အခုရက်ပိုင်းအတွင်းမှာ ရန်ကုန်တိုင်းမှာ မိုးတိမ်‌တောင်တွေဖြစ်ထွန်းဖို့ရှိပြီး ဒေသ(၃)ခုမှာ မိုးပိုလာမှာဖြစ်တယ်လို့  မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်။
#Local_News
Published 27 August 2024
#မိုးတိမ်‌တောင်ဖြစ်ထွန်း #ဒေသ(၃)ခုတွင်မိုးပိုမည်
#YMG/tthl #Yangon_Times