Published_ 21 September 2023

ကိုရီးယားဘာသာအရည်အချင်းစစ် အထူးသီးသန့်စာမေးပွဲ(Special EPS- TOPIK)ကို ဝင်ရောက်ဖြေဆို ခွင့် ရရှိသူ ဦးရေ ၁၆၀၀ ကျော် ရှိကြောင်း အစိုးရပြည်ပအလုပ်အကိုင်အေဂျင်စီ(POEA-EPS)၏ ထုတ်ပြန်ချက် အရ သိရသည်။

အဆိုပါ စာမေးပွဲဖြေဆိုခွင့်လျှောက်လွှာကို စက်တင်ဘာလ ၄ ရက်မှာ စတင်လက်ခံခဲ့တာဖြစ်ပြီး စာမေးပွဲဖြေဆိုခွင့်လျှောက်ထားနိုင်သူ အလုပ်သမားဦးရေ ၁၅,၀၀၀ ကျော် ထဲ မှ ဖြေဆိုခွင့်ရရှိသူများ၏အမည်စာရင်းကို POEAက ယခုလိုထုတ်ပြန်လိုက် ခြင်း ဖြစ်သည်။

စာမေးပွဲ ဖြေဆိုမှု ကို အောက်တိုဘာလ ၄ ရက်ကနေ ၂၀ ရက်အထိ ကျင်းပသွားမှာ ဖြစ်ပြီးယခုစာမေးပွဲ ကို တောင်ကိုရီးယားနိုင်ငံမှာ သုံးနှစ်အထက်နေထိုင်လုပ်ကိုင်ခဲ့ဖူးပြီး မြန်မာနိုင်ငံပြန်လည်ရောက်ရှိနေသည့် အလုပ်သမားဟောင်းတွေအတွက် ရည်ရွယ်ပြုလုပ်တာဖြစ်ကြောင်းPOEA မှ ကနဦး ထုတ်ပြန်ထားချက် အရ သိရသည်။

Special EPS TOPIK စာမေးပွဲဝင်ရောက်ဖြေဆိုမယ့်သူတွေအနေနဲ့ အသက် ၁၈ နှစ်ကနေ ၃၉ နှစ်အတွင်းရှိရမှာဖြစ်ပြီး တောင်ကိုရီးယားနိုင်ငံတွင် E-9 ၊ E-10 ဗီဇာနှင့်၅ နှစ်အထက်နေထိုင်ဖူးသူ၊ ထောင်ဒဏ်ပြစ်ဒဏ်ကျဖူးပြီး မြန်မာနိုင်ငံမှ ပြည်ပထွက်ခွာခွင့်တားမြစ်ခံရသူ၊ တစ်
ဖက်နိုင်ငံမှ နှင်ထုတ်ခံထားရဖူးသူများ ဖြေဆိုခွင့်မရရှိကြောင်း သိရသည်။
Yangon-Times/LW
#Local_News
#YMG #Yangon_Times #Yangon_Media_Group

Published-21 September 2023

မြန်မာ-ကာတာ နှစ်နိုင်ငံအကြား လက်မှတ်ရေးထိုးရန်ရှိသည့် သဘောတူစာချုပ်များကို ဆွေးနွေးညှိနှိုင်းမှုများ ဆက်လက်ဖော်ဆောင်ရေး ကိစ္စရပ်များနှင့်စပ်လျဉ်း၍ ပြည်ထောင်စုဝန်ကြီး ဦးသန်းဆွေနှင့် ကာတာသံရုံး ယာယီတာဝန်ခံတို့ တွေ့ဆုံဆွေးနွေးခဲ့ကြကြောင်း သိရသည်။

ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေသည် ကာတာသံရုံး ယာယီတာဝန်ခံ ဒေါက်တာ ရာရှစ် အက်ဘ်ဒူလာ အမ် အေ အယ်လ်-ကူဝါရီ ကို စက်တင်ဘာလ ၂၀ရက် နံနက်(၁၀) နာရီခွဲတွင် နေပြည်တော်ရှိ နိုင်ငံခြားရေးဝန်ကြီးဌာန၊ ဒုတိယဝန်ကြီးချုပ်၏ ဧည့်ခန်းမ၌ လက်ခံတွေ့ဆုံခဲ့ကြောင်းသိရသည်။

တွေ့ဆုံစဉ် မြန်မာ-ကာတာ နှစ်နိုင်ငံအကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်မှု ပိုမိုတိုးမြှင့်ရေး၊ ကုန်သွယ်ရေး၊ ရင်းနှီးမြှုပ်နှံမှုနှင့် ယဉ်ကျေးမှုဖလှယ်ရေး အစရှိသော ကဏ္ဍများတွင် နှစ်နိုင်ငံအကျိုးတူ ပူးပေါင်းဆောင်ရွက် မှုများ မြှင့်တင်ရေး၊ ရခိုင်ပြည်နယ်မှ နေရပ်စွန့်ခွာသူများအား ပြန်လည်လက်ခံရေးဆိုင်ရာ လုပ်ငန်းစဉ် အကောင်အထည်ဖော်ရေးနှင့် ဒေသတွင်းနှင့် နိုင်ငံတကာမျက်နှာစာတွင် အထူးသဖြင့် အာဆီယံ-အာရပ် ပင်လယ်ကွေ့ ပူးပေါင်းဆောင်ရွက်ရေးကောင်စီနှင့် ကုလသမဂ္ဂမူဘောင်အောက်မှ ပိုမိုနီးကပ်စွာ ပူးပေါင်းဆောင်ရွက်ရေးကိစ္စရပ်များနှင့်စပ်လျဉ်း၍လည်း ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြောင်းသိရသည်။
Yangon-Times/PP
#Local_News
#YMG #Yangon_Times #Yangon_Media_Group

Published_ 21 September 2023

ရန်ကုန်တိုင်းဒေသကြီး၊ ဒလမြို့နယ် တွံတေးတူးမြောင်းဘေးတွင် မြစ်ကမ်းပါးပြိုကျခဲ့ပြီး အိမ်ထောင်စု ဝင်အိမ်ထောင်စု(၉၄)စုအနက် အိမ်ထောင်စု(၆၈)စုရှိလူဦးရေစုစုပေါင်း (၂၉၇)ဦးကို ရေဘေးလွတ်ရာသို့ ကူညီရွှေ့ပြောင်းပေးထားရကြောင်း မြန်မာနိုင်ငံမီးသတ်တပ်ဖွဲ့မှသိရသည်။

စက်တင်ဘာ(၂၀)ရက်တွင် ရန်ကုန်တိုင်းဒေသကြီး၊ ဒလမြို့နယ်၊ ဆာပါချောင် ကျောင်းစုရပ်ကွက်၊ တွံတေးတူးမြောင်းဘေးတွင် ကမ်းပါးပြိုပြီးနေအိမ်(၆)လုံးမျောပါသွားခဲ့သည်ဟုဆိုသည်။

ယင်းဖြစ်စဉ်ကြောင့် နေအိမ်နှင့်အတူ မ(၂)ဦးမျောပါသွားသဖြင့် ရှာဖွေကယ်ဆယ်ခဲ့ရာ ပြန်လည်ဆယ်ယူရရှိခဲ့ပြီး မ(၁)ဦး ထိခိုက်ဒဏ်ရာ(စိုးရိမ်ရ)အား ဒလဆေးရုံသို့ ပို့ဆောင်စဉ်(သေဆုံး)ခဲ့ပြီး၊ မ(၁)ဦး ထိခိုက်ဒဏ်ရာ(မစိုးရိမ်ရ)ရရှိခဲ့ကြောင်းနှင့် မျောပါသွားသည့် နေအိမ်များနှင့် အနီးနားဝန်းကျင်ရှိ နေအိမ်(၈၀)လုံးခန့်မှ အိမ်ထောင်စုဝင်များအား ရေဘေးလွတ်ရာ တာကြီးရပ်ကွက် ဘုန်းတော်ကြီးကျောင်းနှင့် ကျန်စစ်သားရပ်ကွက် အောင်တော်မူဘုန်းတော်ကြီးကျောင်းသို့ ကူညီရွေ့ပြောင်းပေးခဲ့ကြောင်း၊ လက်ရှိတွင် ရေဘေးလွတ်ရာသို့ရွှေ့ပြောင်းပေးထားရသည့် လူဦးရေ(၂၉၇)ဦးအထိရှိလာပြီး ရေဘေးလွတ်ရာတာကြီး ရပ်ကွက်ရှိ ပုညာရာမဘုန်းကြီးကျောင်းသို့ ရွှေ့ပြောင်းပေးခြင်းလုပ်ငန်းများ ကူညီဆောင်ရွက်ပေးခဲ့ကြောင်း သိရသည်။
Yangon_Time/tthl
#Local_News
#YMG #Yangon_Times #Yangon_Media_Group

Published-21 September 2023

ကရင်ပြည်နယ်၊ ဘားအံမြို့နယ်၊ဘားအံတက္ကသိုလ် ကျောင်းအနောက်ဘက်လမ်း၌ယနေ့နံနက်က  ကားတစ်စီး မတော်တဆတိမ်းမှောက်၍ ထိခိုက်ဒဏ်ရာရရှိသူ (၄)ဦးရှိကြောင်း Myanmar Rescue Organization Hpa An က သိရသည်။

စက်တင်ဘာလ ၂၁ ရက် နံနက် ၁နာရီခွဲ အချိန်၌  ဘားအံမြို့အမှတ် ( ၉ )ရပ် ကွက် ၊မေတ္တာလမ်း ဘားအံတက္ကသိုလ် ကျောင်းအနောက်ဘက်လမ်း၌ ကားတစ်စီး မတော်တဆ တိမ်းမှောက်၍ ကားအတွင်းညှပ်နေသူ အမျိုးသား  (၂)ဦးနှင့် အပြင်ထွက်နေသောလူနာအမျိုးသား (၁)ဦး၊အမျိုးသမီး (၁) ဦးတွင် ထိခိုက်ဒဏ်ရာများရရှိခဲ့ကြောင်း အဆိုပါလူမှုကူညီရေးအသင်းကသိရသည်။

ဖြစ်စဥ်နေရာသို့  Myanmar Rescue Organization - Hpa An ၏ အရေးပေါ်
ကယ်ဆယ်ရေးအဖွဲ့နှင့် ရှာဖွေကယ်ဆယ်ရေးအဖွဲ့မှ သွားရောက်ကူညီမှုဆောင်ရွက်ကာဒဏ်ရာများပြုစုပေးပြီး လူနာ (၄) ဦးအား မြန်မာနိုင်ငံလူမူကယ်ဆယ်ရေးအဖွဲ့ဘားအံ၏ လူနာတင်ယာဥ် နှစ်စီးဖြင့် တောင်က​လေးစစ်ဆေးရုံသို့ ဆက်လက် ပို့ဆောင်ပေးခဲ့ကြောင်းသိရသည်။
#Yangon-Times/PP
#Local_News
#YMG #Yangon_Times #Yangon_Media_Group

#Daily_News
Published_ 20 September 2023

၁။ Asian Game ပြိုင်ပွဲတွင် မြန်မာမှ ဘင်္ဂလားဒေ့ရှ်ကို(၁)ဂိုး(၀)ဖြင့် အနိုင်ရပြီး ပွဲဦးထွက်လှခဲ့၊အိမ်ရှင်တရုတ်နှင့် ဆက်ပြိုင်မည်

၂။ မြန်မာတစ်နိုင်ငံလုံးရှိ သဘင်သက်ကြီးဘိုးဘွား ဦးရေတစ်ထောင်ကျော်ကို ပူဇော်ကန်တော့သွားမည်

၃။ ပြည်တွင်းထွက် ဆီမီးခွက်များ လာမည့် သီတင်းကျွတ်ကာလအတွက် ဝယ်ယူမှု ယခင်နှစ်ထက် သုံးဆကျော်မြင့်တတ်

၄။ တရုတ်ပြည် ကျင်မေတောင်ရှိ လက်ဖက်တောဟောင်း နေရာဒေသကြီးအား ယူနက်စ်ကိုကမ္ဘာ့ယဥ်ကျေးမှုအမွေအနှစ်စာရင်းထဲ ထည့်သွင်း .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

ငမိုးရိပ်ချောင်း ရေမြင့်တတ်မှုကြောင့် လှည်းကူးရှိ အိမ်ခြေ ၁၅၀ ခန့်ရေနစ်မြုပ်ဒဏ်ခံနေရ

စက်တင်ဘာ ၁၇ ည ပိုင်းက ချောင်းရေ မြင့်တတ်လာတာကြောင့် လှည်းမြို့နယ်ထဲက ချောင်းနဲ့ နီးစပ်ရာ ရပ်ကွက်တွေနဲ့ မြေနိမ့်ပိုင်းမှာရှိတဲ့ ရပ်ကွက်အတွင်းကို ရေများဝင်ရောက်လာတဲ့ အတွက် နေထိုင်ဖို့မဖြစ်တဲ့ နေအိမ်မှပြည်သူတွေဟာ ဘေးကင်းရာကို ယာယီရွှေ့ပြောင်းနေထိုင်နေရတယ်လို့ သိရပါတယ်။
Yangon_Times/LW
#Local_News
#Published_ 20 September 2023
#YMG #Yangon_Times #Yangon_Media_Group